Кыргыз Республикасынын Президентинин ПТ № 232 «Мамлекеттик органдар жана жергиликтүү өз алдынча башкаруу органдары тарабынан Кыргыз Республикасынын Президентинин жарлыктарынын талаптагыдай аткарылышын камсыз кылуу тууралу» тескемеси

КЫРГЫЗ РЕСПУБЛИКАСЫНЫН ПРЕЗИДЕНТИНИН ТЕСКЕМЕСИ 2022-жылдын 7-декабры ПТ № 232

Мамлекеттик органдар жана жергиликтүү өз алдынча башкаруу органдары тарабынан Кыргыз Республикасынын Президентинин жарлыктарынын талаптагыдай аткарылышын камсыз кылуу максатында:

1. Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгы 2023-жылдын 1-мартына чейин мамлекеттик органдар жана жергиликтүү өз алдынча башкаруу органдары тарабынан тиркемеге ылайык Кыргыз Республикасынын Президентинин жарлыктарынын аткарылышы жөнүндө маалымат берсин.

2. Кыргыз Республикасынын Президентинин Администрациясынын коллегиясы Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгы тарабынан берилген маалыматты уксун.

3. Бул тескеменин аткарылышын контролдоону өзүмө калтырам.

Кыргыз Республикасынын Президенти

С.Н. Жапаров

Тиркеме

Кыргыз Республикасынын Президентинин жарлыктарынын ТИЗМЕГИ

1. Кыргыз Республикасынын Президентинин 2022-жылдын 24-февралындагы № 54 "Кыргыз Республикасында үй-бүлөлүк салтанаттарды жана маркумду эскерүү үрп-адаттарын тартипке келтирүү боюнча чаралар жөнүндө" Жарлыгы.

2. Кыргыз Республикасынын Президентинин 2022-жылдын 10-мартындагы № 75 "Инвестициялар чөйрөсүндөгү башкаруу системасын өркүндөтүү жана Кыргыз Республикасынын инвестициялык потенциалын жогорулатуу боюнча чаралар жөнүндө" Жарлыгы.

3. Кыргыз Республикасынын Президентинин 2022-жылдын 8-апрелиндеги № 109 "Жерлерди өзүм билемдик менен мыйзамсыз ээлеп алуу фактыларын алдын алуу жана болтурбоо боюнча чаралар жөнүндө" Жарлыгы.

4. Кыргыз Республикасынын Президентинин 2022-жылдын 15-апрелиндеги № 115 "Кыргыз Республикасынын Президентине караштуу Инвестициялар боюнча улуттук агенттиктин маселелери жөнүндө" Жарлыгы.

5. Кыргыз Республикасынын Президентинин 2022-жылдын 22-апрелиндеги № 126 "Кыргыз элинин баа жеткис руханий мурасы - "Манас" эпосунун үчилтигин ("Манас", "Семетей", "Сейтек" эпосторун) ар тараптан изилдөө жана популярдаштыруу боюнча кошумча чаралар жөнүндө" Жарлыгы.

6. Кыргыз Республикасынын Президентинин 2022-жылдын 26-апрелиндеги № 131 "Ысык-Көлдүн экологиясын сактоо боюнча кечиктирилгис чаралар жөнүндө" Жарлыгы.

7. Кыргыз Республикасынын Президентинин 2022-жылдын 13-майындагы № 150 "Ысык-Көл облусунун калктуу конуштарынын тургундарынын пляж аймактарына кирүү укугун камсыз кылуу жөнүндө" Жарлыгы.

8. Кыргыз Республикасынын Президентинин 2022-жылдын 20-майындагы № 157 "Улуттук нарк жөнүндө" Жарлыгы.

9. Кыргыз Республикасынын Президентинин 2022-жылдын 20-майындагы № 158 "Кыргыз Республикасында жарандык авиацияны башкаруу системасын өркүндөтүү жана авиациялык каттамды өнүктүрүү боюнча чаралар жөнүндө" Жарлыгы.

10. Кыргыз Республикасынын Президентинин 2022-жылдын 20-майындагы № 159 "Улуттук киноиндустрияны өнүктүрүү жана Кыргыз Республикасынын кинематографиясын мамлекеттик колдоо системасын мындан ары өркүндөтүү боюнча чаралар жөнүндө" Жарлыгы.

11. Кыргыз Республикасынын Президентинин 2022-жылдын 7-июнундагы № 177 "Кыргыз Республикасынын жалпы билим берүү уюмдарында "Диндердин өнүгүү тарыхы" предметин киргизүү жөнүндө" Жарлыгы.

12. Кыргыз Республикасынын Президентинин 2022-жылдын 8-июлундагы № 221 "Кыргыз Республикасынын аймагы аркылуу үчүнчү өлкөлөргө санариптик жашыл транзиттик коридорлорду киргизүүнүн комплекстүү системасын түзүү жөнүндө" Жарлыгы.

13. Кыргыз Республикасынын Президентинин 2022-жылдын 8-июлундагы № 222 "Этил спиртин өндүрүүгө, сактоого жана сатууга жүз пайыз мамлекеттик монополияны киргизүү боюнча кечиктирилгис чаралар жөнүндө" Жарлыгы.

14. Кыргыз Республикасынын Президентинин 2022-жылдын 22-июлундагы № 248 "Кыргыздипсервис" Мамлекеттик дипломатиялык сервис ишканасы жөнүндө" Жарлыгы.

15. Кыргыз Республикасынын Президентинин 2022-жылдын 6-сентябрындагы № 305 "Улуттук тазалык күнү жана 2023-2025-жылдар мезгилине тиричилик калдыктарын иштетүү боюнча натыйжалуу инфраструктура түзүү боюнча иш-аракеттер планы жөнүндө" Жарлыгы.

16. Кыргыз Республикасынын Президентинин 2022-жылдын 18-октябрындагы № 352 "Кыргыз Республикасынын билим берүү уюмдары үчүн окуу материалдарын даярдоо маселелери жөнүндө" Жарлыгы.

17. Кыргыз Республикасынын Президентинин 2022-жылдын 26-октябрындагы № 358 "Алтын камтыган руданы жана алтын камтыган концентратты Кыргыз Республикасынан ташып чыгарууга (экспорттоого) убактылуу тыюу салууну киргизүү жөнүндө" Жарлыгы.

18. Кыргыз Республикасынын Президентинин 2022-жылдын 14-ноябрындагы № 375 "Кара металлдардын сыныктарын жана калдыктарын, кайра эритүү үчүн кара металлдардын куймаларын Кыргыз Республикасынан ташып чыгууга (экспорттоого) убактылуу тыюу салууну киргизүү жөнүндө" Жарлыгы.

19. Кыргыз Республикасынын Президентинин 2022-жылдын 21-ноябрындагы № 380 "2023-жылдын 31-декабрына чейин ишкердик субъекттерине текшерүүлөрдү жүргүзүүгө убактылуу тыюу салууну (мораторий) киргизүү жөнүндө" Жарлыгы.