КР 2009-жылга республикалык бюджети жана 2010-2011-жылдарга болжолу жөнүндө Кыргыз Республикасынын» Мыйзамы

1-берене.

Кыргыз Республикасынын 2009-жылга республикалык бюджети кирешелер боюнча 49936643,7 миң сом суммасында жана чыгашалар 53139046,4 миң сом суммасында (3202402,7 миң сом суммасындагы өнүктүрүү бюджетинин алкагындагы гранттык каражаттарды кошкондо) бекитилсин. Кыргыз Республикасынын 2009-жылга республикалык бюджетинин дефицитинин чектелген өлчөмү 3202402,7 миң сом суммасында белгиленсин. Кыргыз Республикасынын 2009-жылга республикалык бюджетинин дефицитин жабууга 3202402,7 миң сом суммасында каржылоонун тышкы жана ички булактары жумшалсын. (КР 2009-жылдын 19-майындагы № 159, 2010-жылдын 29-январындагы № 20 Мыйзамдарынын редакцияларына ылайык)

2-берене.

Кыргыз Республикасынын 2010-2011-жылдарга республикалык бюджетинин негизги параметрлеринин болжолу жактырылсын. Киреше боюнча болжол 2010-жылга - 49921538,3 миң сом суммасында (бюджеттик өнүктүрүү алкагындагы 3061422,8 миң сом суммасындагы гранттык каражаттарды кошкондо), 2011-жылга - 54915 446,5 миң сом суммасында (бюджеттик өнүктүрүү алкагындагы 2052812,3 миң сом суммасындагы гранттык каражаттарды кошкондо). Чыгаша боюнча болжол 2010-жылга - 52490251,2 миң сом суммасында, 2011-жылга - 56418360,1 миң сом суммасында. Кыргыз Республикасынын республикалык бюджетинин дефицитинин болжолу 2010-жылга - 2568712,9 миң сом суммасында, 2011-жылга - 1502913,6 миң сом суммасында. 2010-2011-жылдарга жактырылган республикалык бюджеттин болжолдуу параметрлери алар кабыл алынган ар бир конкреттүү мезгилде тактоого жатат.

3-берене.

Кыргыз Республикасынын 2009-жылга республикалык бюджетинин киреше бөлүгү жана 2010-201 1-жылдарга болжолу № 1 жана 1-1-тиркемелерге ылайык булактар боюнча түшүүлөрдүн эсебинен түзүлөт.

4-берене.

Кыргыз Республикасынын 2009-жылга республикалык бюджетинен чыгашаны каржылоого каражат жана 2010-2011-жылдарга болжолу № 2, 2-1-тиркемелерге ылайык белгиленсин.

5-берене.

Кыргыз Республикасынын 2009-жылга өнүктүрүү бюджети жана 2010-2011-жылдарга болжолу № 3 тиркемеге ылайык белгиленсин. Республикада 2009-жылы капиталдык салымдарды каржылоо үчүн каражат төмөнкүлөрдүн эсебинен жүргүзүлсүн: ички булактардан - 4558829,0 миң сом; тышкы булактардан - 5891159,9 миң сом. Дотацияда турган жергиликтүү өз алдынча башкаруу органдарына түрткү берүүчү (үлүштүк) гранттарды каржылоонун артыкчылыгы белгиленсин. (КР 2009-жылдын 19-майындагы № 159, 2010-жылдын 29-январындагы № 20 Мыйзамдарынын редакцияларына ылайык)

6-берене.

Чыгымдарды каржылоо биринчи кезекте коргоого алынган беренелер боюнча (эмгек акы, Кыргыз Республикасынын Социалдык фондуна чегерүүлөр, медикаменттер, тамактануу, аз камсыз болгон үй-бүлөлөргө жана майып балдарга жөлөк пулдар, стипендиялар жана милдеттүү медициналык камсыздандыруу фондуна чегерүүлөр), ошондой эле мамлекеттин карыз милдеттенмелери жана калктын аманаттарын индексациялоо боюнча жүргүзүлөт. Чыгашалардын корголгон беренелери штаттык сандагы бош орундарга жана нормативдик актылардын кабыл алынышына байланыштуу азайтылышы мүмкүн. Чыгашалардын корголгон беренелерин каржылоо үчүн жоопкерчилик министрликтерге жана ведомстволорго жүктөлөт. Жергиликтүү өз алдынча башкаруу органдарына 2009-2011-жылдарга жергиликтүү бюджеттердин чыгашаларын каржылоону биринчи кезекте корголгон беренелер боюнча жүргүзүү сунуш кылынсын.

7-берене.

Кыргыз Республикасынын жалпы билим берүү мектептеринде (республикалык маанидеги Бишкек жана Ош шаарларын кошпогондо) 1-4-класстардын окуучуларына тамак-аш уюштурууга каражаттар 2009-жылга 348465,5 миң сом суммасында белгиленсин. Жалпы билим берүү мектептердеги 1-4-класстардын окуучуларына тамак-аш уюштурууга бөлүнүүчү каражаттардын өз учурунда жана максаттуу пайдаланылышына Кыргыз Республикасынын жергиликтүү өз алдынча башкаруу органдары жана райондордун жергиликтүү мамлекеттик администрациялары жооптуу болушат. Жалпы билим берүү мектептердеги 1-4-класстардын окуучуларына тамак-аш уюштуруудан үнөмдөлгөн каражат республикалык бюджетке кайтарыла тургандыгы белгиленсин. (КР 2009-жылдын 19-майындагы № 159, 2010-жылдын 29-январындагы № 20 Мыйзамдарынын редакцияларына ылайык)

8-берене.

Бюджеттик мекемелердин уруксат, лицензия берүүлөрүнөн жана мамлекеттик имараттарга ижара төлөмдөрүнөн алынуучу каражаттары (маданият, билим берүү жана илим мекемелеринин ижара төлөмдөрүн кошпогондо) толугу менен республикалык бюджеттин киреше бөлүгүнө которулат. Бюджеттик мекемелерге атайын каражаттарды казыналык системаны аттап өтүп, пайдалануусуна тыюу салынсын. Көрсөтүлгөн тартип бузулган учурда атайын каражаттардын 50 пайызы республикалык бюджеттин кирешесине алынат. Айылдардын четиндеги жайыттарды пайдалангандыгы үчүн ижара акы жергиликтүү өз алдынча башкаруу органдарынын бюджетине, ал эми интенсивдүү жана алыскы жайыттарды пайдалангандыгы үчүн ижара акы райондордун жергиликтүү бюджеттерине келип түшөөрү белгиленсин.

9-берене.

Кыргыз Республикасынын Өкмөтү төмөнкүлөргө укуктуу: эгерде бул республикалык бюджеттин киреше бөлүгүн азайтууга алып келбесе, ушул Мыйзамдын 1-беренесинде бекитилген суммалардын чектеринде ушул Мыйзамдын тиркемесине өзгөртүү киргизүүгө; тиешелүү органдар кабыл алган ченемдик актыларды кабыл алуудан келип чыгуучу жергиликтүү өз алдынча башкаруунун бюджеттери менен Кыргыз Республикасынын республикалык бюджетинин өз ара эсептешүүлөрүнө тактоолорду, ошондой эле өндүрүштүн (жумуштардын, кызмат көрсөтүүлөрдүн) көлөмдөрүнө. баалардын деңгээлине өзгөртүүлөрдү, структуралык өзгөртүүлөрдү киргизүүгө; мамлекеттик кирешелердин болжолдонгондон ашыкча түшүүлөрүнүн эсебинен республикалык бюджеттин чыгаша бөлүгүн көбөйтүүнү карап чыгууга. Киргизилген өзгөртүүлөр Кыргыз Республикасынын Жогорку Кеңеши тарабынан каралат жана кабыл алынат.

10-берене.

Кыргыз Республикасынын республикалык бюджети боюнча жүгүртүүдөгү кассалык накталай акча 2010-жылдын 1-январына карата 100000,0 мин. сом суммасында белгиленсин. (КР 2009-жылдын 19-майындагы № 159 Мыйзамынын редакциясына ылайык)

11-берене.

Мурда областтардын бюджетинде турган мекемелерди Кыргыз Республикасынын 2009-жылга республикалык бюджетинен каржылоо № 4 тиркемеге ылайык 283313,2 миң сом жалпы суммасында белгиленсин. (КР 2009-жылдын 19-майындагы № 159, 2010-жылдын 29-январындагы № 20 Мыйзамдарынын редакцияларына ылайык)

12-берене.

2009-жылга жергиликтүү бюджеттер үчүн салык агентине төлөөчү киреше салыгынан пландык түшүүлөрдөн чегерүүнүн төмөнкү ченеми бекитилсин:

- республикалык маанидеги шаарларга - 35 пайыз өлчөмүндө;

- областтык маанидеги шаарларга - 30 пайыз өлчөмүндө;

- райондук маанидеги шаарларга - 30 пайыз өлчөмүндө;

- райондорго - 30 пайыз өлчөмүндө (райондук маанидеги шаарлардан түшүүлөрдү эсепке алганда райондун бардык контингентинен).

Сатуудан түшкөн салыктар төмөнкү жергиликтүү бюджеттерге чегерилсин:

- республикалык маанидеги шаарларга - 50 пайыз өлчөмүндө;

- областтык маанидеги шаарларга - 50 пайыз өлчөмүндө;

- райондук маанидеги шаарларга - 25 пайыз өлчөмүндө;

- райондорго - 25 пайыз өлчөмүндө (райондук маанидеги шаарлардан түшүүлөрдү эсепке алганда райондун бардык контингентинен);

- айыл өкмөтүнө - 25 пайыз өлчөмүндө.

Милдеттүү патенттештирүү негизиндеги салык республикалык маанидеги шаарлардын, областтык маанидеги шаарлардын, райондук маанидеги шаарлардын жана айыл өкмөтүнүн жергиликтүү бюджетине 50 пайыз өлчөмүндө эсептелсин. Жер салыгы, ыктыярдуу патент негизиндеги салык, бирдиктүү салык негизиндеги түшүүлөр 100 пайыз өлчөмүндө жергиликтүү өз алдынча башкаруу органдарынын тескөөсүндө калтырылсын. Жергиликтүү бюджеттен каржылануучу бюджеттик мекемелердин жана уюмдардын атайын каражаттарынын суммаларынан түшүүчү атайын каражаттарга салык жергиликтүү бюджетке кошуп эсептөөгө жатат. Жалпы мамлекеттик салыктар боюнча ашыра аткаруу суммаларынан жергиликтүү бюджеттерге чегерүүлөрдүн ченеми пландуу түшүүлөрдөн чегерүүлөр менен бирдей ченемде белгиленсин. Жергиликтүү бюджеттердин киреше бөлүгүн аткарбагандыгы үчүн жоопкерчилик Кыргыз Республикасынын жергиликтүү өз алдынча башкаруу органдарына жүктөлөт. (КР 2009-жылдын 19-майындагы № 159 Мыйзамынын редакциясына ылайык)

13-берене.

Жергиликтүү өз алдынча башкаруу органдарынын жана райондордун жергиликтүү бюджеттерине билим берүү чөйрөсү үчүн Кыргыз Республикасынын 2009-жылга республикалык бюджетинен категориалдык гранттардын өлчөмү № 5 тиркемеге ылайык чыгашалардын 4171626,6 миң сом жалпы суммасында белгиленсин. Кыргыз Республикасынын 2010-2011-жылдарга республикалык бюджетинен категориялык гранттардын өлчөмдөрүнүн болжолу ушул тиркемеге ылайык жактырылсын. Категориялык гранттар билим берүү чөйрөсүндөгү чыгашалардын артыкчылыктуу багыттарын каржылоого багытталат. ошону менен ушул сектор боюнча чыгашалардын минималдуу деңгээлин жабат. (КР 2009-жылдын 19-майындагы № 159, 2010-жылдын 29-январындагы № 20 Мыйзамдарынын редакцияларына ылайык)

14-берене.

Кыргыз Республикасынын 2009-жылга республикалык бюджетинен гранттардын өлчөмү таблицага жана № 6 тиркемеге ылайык 806930,5 миң сом чыгашалардын жалпы суммасында жергиликтүү өз алдынча башкаруу органдарынын жана райондордун жергиликтүү бюджеттери бекитилсин. Кыргыз Республикасынын 2010-2011-жылдарга республикалык бюджетинен теңдөөчү гранттардын өлчөмдөрүнүн болжолу ушул тиркемеге ылайык жактырылсын. Ушул беренеде аныкталган өлчөмдө республикалык бюджеттен бөлүнүүчү теңдөөчү гранттар биринчи кезекте "Эмгек акы" жана "Кыргыз Республикасынын Социалдык фондуна чегерүүлөр" беренелери боюнча чыгашаларды жабууга жумшоо жергиликтүү өз алдынча башкаруу органдарына жана райондордун жергиликтүү мамлекеттик администрацияларына сунуш кылынсын. (КР 2009-жылдын 19-майындагы № 159, 2010-жылдын 29-январындагы № 20 Мыйзамдарынын редакцияларына ылайык)

15-берене.

Жергиликтүү өз алдынча башкаруу органдары 2009-жылы жергиликтүү бюджеттерден республикалык бюджетке бюджеттик ссудалардын жана кредиттердин кайтарымын 69212,5 миң сом жалпы суммасында, 2010-жылы - 68560,0 миң сом жалпы суммасында жана 2011-жылы - 66944,2 миң сом суммасында № 7 тиркемеге ылайык камсыз кылышсын.

16-берене.

Бюджеттик мекемелер жана чарбакер субъекттер жана жергиликтүү өз алдынча башкаруу органдары тарабынан максаттуу багыты боюнча пайдаланылбаган республикалык бюджеттин каражаттары тиешелүү бюджетке өндүрүп алынууга тийиш. Кайтарылма негизде берилген бюджеттик каражаттардын өз убагында кайтарылбай калышы, ошондой эле аларды пайдалануу үчүн пайызын төлөө мөөнөтүн өткөрүп жиберүү мамлекеттик колдоонун бардык түрлөрүн кыскартууга же токтотууга жана Кыргыз Республикасынын мыйзамдарына ылайык ушул Мыйзамдын беренесин аткарбагандыгы үчүн кызмат адамдарын жоопкерчиликке тартууга негиз болуп саналат.

17-берене.

Үстүдөгү жылда кабыл алынган кошумча финансы ресурстарын талап кылган ченемдик актылар боюнча чыгымдар 2010-2011-жылдардагы болжолдуу мезгилден кийинки жылдардагы бюджетте каралаары белгиленсин. Кыргыз Республикасы үчүн стратегиялык мааниси бар мыйзамдар буга кирбейт. (КР 2009-жылдын 19-майындагы № 159 Мыйзамынын редакциясына ылайык)

18-берене.

Сот органдарынын чечимдери боюнча жеке адамдардын аткаруу баракчалары боюнча төлөөлөр тийиштүү министрликтердин жана ведомстволордун каражаттарынын эсебинен жүргүзүлүүгө тийиш экендиги белгиленсин.

19-берене.

Республикалык бюджетке которулууга тийиш болгон Кыргыз Республикасынын Улуттук банкынын 2008-жылдын жыйынтыгы боюнча пайдасы Кыргыз Республикасынын Финансы министрлигинин Борбордук казыналыгынын учурдагы эсебине чегерилет. (КР 2009-жылдын 19-майындагы № 159 Мыйзамынын редакциясына ылайык)