Аккаунтту тууралаңыз

Текшерүү

Бул документ боюнча сурооңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Мисалы:

ИздөөПостановление

Кыргыз Республикасынын Министрлер Кабинетинин «Кыргыз Республикасынын мамлекеттик органдарын жана жергиликтүү өз алдынча башкаруу органдарын тейлеп иштеген кызматкерлерге эмгек акы төлөө шарттары жөнүндө» токтому

Постановление2022-жылдын 1-августу, № 433Күчүндө

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ 2022-жылдын 1-августу № 433 Кыргыз Республикасынын мамлекеттик органдарын жана жергиликтүү өз алдынча башкаруу органдарын тейлеп иштеген кызматкерлерге эмгек акы төлөө шарттары жөнүндө

Мамлекеттик органдарды жана жергиликтүү өз алдынча башкаруу органдарын тейлеп иштеген кызматкерлерге эмгек акы төлөө шарттарын өркүндөтүү максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын мамлекеттик органдарын жана жергиликтүү өз алдынча башкаруу органдарын техникалык тейлеп иштеген кызматкерлердин кызматтык маяналарын эсептөө үчүн негиз болуп саналган минималдуу базалык ставка 7040 сом өлчөмүндө белгиленсин.

2. Төмөнкүлөр бекитилсин:

1) Кыргыз Республикасынын мамлекеттик органдарын жана жергиликтүү өз алдынча башкаруу органдарын техникалык тейлеп иштеген кызматкерлердин кызматтык маяналарынын өлчөмдөрүн аныктоодо колдонулуучу кызматтык маяналарга эселөө коэффициенттери 1-тиркемеге ылайык;

2) Кыргыз Республикасынын мамлекеттик органдарынын жана жергиликтүү өз алдынча башкаруу органдарынын кенже тейлөөчү персоналынын кызматкерлеринин кызматтык маяналарынын өлчөмдөрүн аныктоодо колдонулуучу кызматтык маяналарга эселөө коэффициенттери 2-тиркемеге ылайык;

3) Кыргыз Республикасынын мамлекеттик органдарын жана жергиликтүү өз алдынча башкаруу органдарын техникалык тейлеп иштеген кызматкерлердин иштеген жылдары үчүн үстөктөрдүн өлчөмдөрү 3-тиркемеге ылайык.

3. Кыргыз Республикасынын мамлекеттик органдарын жана жергиликтүү өз алдынча башкаруу органдарын тейлеп иштеген кызматкерлерге төмөнкүлөр төлөнөт деп белгиленсин:

1) Кыргыз Республикасынын мыйзамдарына ылайык бийик тоолуу шарттарда жана алыскы барууга кыйын зоналарда жашагандыгы жана иштегендиги үчүн үстөк;

2) Кыргыз Республикасынын мыйзамдарына ылайык иштин жашыруун мүнөзү үчүн кызматтык маяналарга пайыздык үстөк;

3) Кыргыз Республикасынын мыйзамдарында белгиленген тартипте окумуштуулук даражасы үчүн үстөк;

4) өргүүгө чыкканда эки айлык эмгек акы фондунун өлчөмүндө ден соолукту чыңдоого жөлөкпул;

5) календардык жылдын аягында эмгек акынын орточо айлык фондунун өлчөмүндө он үчүнчү эмгек акы;

6) өргүү акыларын, жөлөкпулдарды, он үчүнчү эмгек акыны, бийик тоолуу шарттарда жана алыскы барууга кыйын зоналарда жашагандыгы жана иштегендиги үчүн үстөктөрдү жана кошумча төлөмдөрдү эсептөөдө эске алынбай турган, бир штаттык бирдикке 5 000 (беш миң) сом өлчөмүндө президенттик компенсациялык төлөм, иш жүзүндө иштеген убакыт үчүн.

(Кыргыз Республикасынын Министрлер Кабинетинин 2026-жылдын 27-апрелиндеги № 293, 2026-жылдын 13-августундагы № 543 токтомдорунун редакцияларына ылайык)

4. Кыргыз Республикасынын республикалык маанидеги шаарларды кошпогондо, жергиликтүү өз алдынча башкаруу органдары жергиликтүү бюджеттин мүмкүнчүлүктөрү болгондо, шаардык кеңештин чечими тарабынан бекитилген өлчөмдө, Кыргыз Республикасынын эмгек мыйзамдарында каралган үстөктөрдү Кыргыз Республикасынын республикалык маанидеги шаарларды кошпогондо, жергиликтүү өз алдынча башкаруу органдарын тейлеп иштеген кызматкерлердин кызматтык маяналарына белгилөөгө укуктуу деп белгиленсин.

Республикалык маанидеги шаарлардын жергиликтүү өз алдынча башкаруу органдары жергиликтүү бюджеттен республикалык маанидеги шаарлардын жергиликтүү өз алдынча башкаруу органдарын тейлеп иштеген кызматкерлердин кызматтык маяналарына кызматтык маянанын 200 пайызына чейинки өлчөмдө Кыргыз Республикасынын эмгек мыйзамдарында каралган үстөктөрдү, жарым жылдык жана жылдык ишинин жыйынтыгы боюнча сый акыны (жыл ичинде сыйлоого эки айлык эмгек акы фондунун өлчөмүндө каражаттар жумшалат), ошондой эле шаардык кеңештин чечимдери менен бекитилүүчү төлөмдөрдү белгилейт. (КР Министрлер Кабинетинин 2023-жылдын 25-апрелиндеги № 217, 2025-жылдын 23-сентябры № 603 токтомдорунун редакциясына ылайык)

5. Бюджеттик каражаттарды натыйжалуу пайдалануу максатында Кыргыз Республикасынын жергиликтүү өз алдынча башкаруу органдары ушул токтомду эске алуу менен жергиликтүү бюджеттердин эсебинен каралган үстөктөрдү жана төлөмдөрдү кайра карап чыксын.

6. Кыргыз Республикасынын Финансы министрлиги ушул токтомдон келип чыгуучу тиешелүү чараларды көрсүн.

(Кыргыз Республикасынын Министрлер Кабинетинин 2026-жылдын 13-августундагы № 543 токтомунун редакциясына ылайык)

7. Кыргыз Республикасынын Өкмөтүнүн жана Кыргыз Республикасынын Министрлер Кабинетинин айрым чечимдери 4-тиркемеге ылайык күчүн жоготту деп таанылсын.

8. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

9. Бул токтом 2022-жылдын 1-августунан тартып күчүнө кирет жана расмий жарыяланууга тийиш.

Кыргыз Республикасынын Министрлер Кабинетинин ТөрагасыА.У. Жапаров
1-тиркеме

Кыргыз Республикасынын мамлекеттик органдарын жана жергиликтүү өз алдынча башкаруу органдарын техникалык тейлеп иштеген кызматкерлердин кызматтык маяналарынын өлчөмдөрүн аныктоодо колдонулуучу кызматтык маяналарга эселөө коэффициенттери

(Кыргыз Республикасынын Министрлер Кабинетинин 2026-жылдын 13-августундагы № 543 токтомунун редакциясына ылайык)

№Мамлекеттик органдардын кызмат орундарынын аталышыЭселөө коэффициенттери
1. Ведомстволук мекемелерде бир эле убакта эсепке алуу жана отчеттуулук менен иштеген башкы бухгалтер
1Мамлекеттик органдардын борбордук аппараттары, республикалык маанидеги шаарлардын мэриялары жана жергиликтүү кеңештери4,35
2Мамлекеттик органдардын ведомстволук бөлүмдөрү4,15
3Мамлекеттик органдардын аймактык бөлүмдөрү, Бишкек ш. мэриясынын райондук администрациялары, жергиликтүү мамлекеттик администрациялар, облустук маанидеги шаарлардын мэриялары жана кеңештери, Бишкек ш. жана Ош ш. шаардык кызматтары, институттар3,90
4Облустук маанидеги шаарлардын шаардык кызматтары, Бишкек ш. райондук администрацияларынын райондук түзүмдөрү, райондук маанидеги шаарлардын мэриялары жана кеңештери, мамлекеттик органдардын ведомстволук бөлүмдөрүнүн ведомстволук мекемелери3,70
5Кыргыз Республикасынын Санариптик өнүктүрүү жана инновациялык технологиялар министрлигине караштуу Архив кызматынын борбордук архивдери, региондук башкармалыктары, Бишкек жана Ош шаардык мамлекеттик архивдери, айыл өкмөтү, райондук маанидеги шаарлардын шаардык кызматтары2,70
2. Башкы бухгалтер
6Мамлекеттик органдардын борбордук аппараттары, республикалык маанидеги шаарлардын мэриялары жана жергиликтүү кеңештери4,05
7Мамлекеттик органдардын ведомстволук бөлүмдөрү3,85
8Мамлекеттик органдардын аймактык бөлүмдөрү, Бишкек ш. мэриясынын райондук администрациялары, жергиликтүү мамлекеттик администрациялар, облустук маанидеги шаарлардын мэриялары жана кеңештери, Бишкек ш. жана Ош ш. шаардык кызматтары, институттар3,65
9Облустук маанидеги шаарлардын шаардык кызматтары, Бишкек ш. райондук администрацияларынын райондук түзүмдөрү, райондук маанидеги шаарлардын мэриялары жана кеңештери, мамлекеттик органдардын ведомстволук бөлүмдөрүнүн ведомстволук мекемелери3,45
10Айыл өкмөтү, райондук маанидеги шаарлардын шаардык кызматтары2,65
3. Бухгалтер (эсептик, материалдык)
11Мамлекеттик органдардын борбордук аппараттары, республикалык маанидеги шаарлардын мэриялары жана жергиликтүү кеңештери3,30
12Мамлекеттик органдардын ведомстволук бөлүмдөрү2,80
13Мамлекеттик органдардын аймактык бөлүмдөрү, Бишкек ш. мэриясынын райондук администрациялары, жергиликтүү мамлекеттик администрациялар, облустук маанидеги шаарлардын мэриялары жана кеңештери, Бишкек ш. жана Ош ш. шаардык кызматтары, институттар2,70
14Облустук маанидеги шаарлардын шаардык кызматтары, Бишкек ш. райондук администрацияларынын райондук түзүмдөрү, райондук маанидеги шаарлардын мэриялары жана кеңештери, мамлекеттик органдардын ведомстволук бөлүмдөрүнүн ведомстволук мекемелери, Кыргыз Республикасынын Санариптик өнүктүрүү жана инновациялык технологиялар министрлигине караштуу Архив кызматынын борбордук архивдери, региондук башкармалыктары, Бишкек жана Ош шаардык мамлекеттик архивдери2,55
15Айыл өкмөтү, райондук маанидеги шаарлардын шаардык кызматтары2,30
4. Административдик-чарба бөлүмүнүн башчысы, инженер, инженер-программист, кассир, SММ-адис
16Мамлекеттик органдардын борбордук аппараттары, республикалык маанидеги шаарлардын мэриялары жана жергиликтүү кеңештери3,00
17Мамлекеттик органдардын ведомстволук бөлүмдөрү2,60
18Мамлекеттик органдардын аймактык бөлүмдөрү, Бишкек ш. мэриясынын райондук администрациялары, жергиликтүү мамлекеттик администрациялар, облустук маанидеги шаарлардын мэриялары жана кеңештери, Бишкек ш. жана Ош ш. шаардык кызматтары, институттар2,45
19Облустук маанидеги шаарлардын шаардык кызматтары, Бишкек ш. райондук администрацияларынын райондук түзүмдөрү, райондук маанидеги шаарлардын мэриялары жана кеңештери, мамлекеттик органдардын ведомстволук бөлүмдөрүнүн ведомстволук мекемелери, Кыргыз Республикасынын Санариптик өнүктүрүү жана инновациялык технологиялар министрлигине караштуу Архив кызматынын борбордук архивдери, региондук башкармалыктары, шаардык жана райондук мамлекеттик архивдери, токой жана аңчылык чарбалары, мамлекеттик жаратылыш коруктары жана мамлекеттик жаратылыш парктары, Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Суу ресурстары кызматынын суу чарбасынын бассейн башкармалыгы жана райондук бөлүмдөрү, Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын зоналык жана райондук ветеринардык диагностика жана экспертиза бөлүмдөрү2,30
20Айыл өкмөтү, райондук маанидеги шаарлардын шаардык кызматтары2,10
5. Жетекчинин катчысы, катчы-референт, «бирдиктүү терезенин» жана коомдук кабылдаманын референти (адиси), чарба башчысы, машина бюросунун башчысы, көчүрүү- көбөйтүү бюросунун башчысы, дарыкана башчысы, лаборатория башчысы, редактор, контролер
21Мамлекеттик органдардын борбордук аппараттары, республикалык маанидеги шаарлардын мэриялары жана жергиликтүү кеңештери2,70
22Мамлекеттик органдардын ведомстволук бөлүмдөрү2,30
23Мамлекеттик органдардын аймактык бөлүмдөрү, Бишкек ш. мэриясынын райондук администрациялары, жергиликтүү мамлекеттик администрациялар, облустук маанидеги шаарлардын мэриялары жана кеңештери, Бишкек ш. жана Ош ш. шаардык кызматтары, институттар2,20
24Облустук маанидеги шаарлардын шаардык кызматтары, Бишкек ш. райондук администрацияларынын райондук түзүмдөрү, райондук маанидеги шаарлардын мэриялары жана кеңештери, мамлекеттик органдардын ведомстволук бөлүмдөрүнүн ведомстволук мекемелери, Кыргыз Республикасынын Санариптик өнүктүрүү жана инновациялык технологиялар министрлигине караштуу Архив кызматынын борбордук архивдери, региондук башкармалыктары, шаардык жана райондук мамлекеттик архивдери, токой жана аңчылык чарбалары, мамлекеттик жаратылыш коруктары жана мамлекеттик жаратылыш парктары, Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Суу ресурстары кызматынын суу чарбасынын бассейн башкармалыгы жана райондук бөлүмдөрү, Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын зоналык жана райондук ветеринардык диагностика жана экспертиза бөлүмдөрү2,10
25Айыл өкмөтү, райондук маанидеги шаарлардын шаардык кызматтары2,00
6. Иш кагаздарын жүргүзүүчү, жеңил автомобилдин айдоочусу, кампа башчысы, кадрларды эсепке алуу боюнча инспектор, архивариус, комендант, катчы-машинист, стенографист, үн жазгыч кызматынын машинисти, көчүрүүчү-көбөйтүүчү техниканын, электрондук-эсептөө машиналарынын (ЭЭМ) оператору, телефонист-байланышчы, лаборант, санитар, китепканачы, устат, печатник, кесүүчү машинанын машинисти, брошюровкачы, посттордун (пункттардын) көзөмөлдөөчүсү
26Мамлекеттик органдардын борбордук аппараттары, республикалык маанидеги шаарлардын мэриялары жана жергиликтүү кеңештери2,55
27Мамлекеттик органдардын ведомстволук бөлүмдөрү2,20
28Мамлекеттик органдардын аймактык бөлүмдөрү, Бишкек ш. мэриясынын райондук администрациялары, жергиликтүү мамлекеттик администрациялар, облустук маанидеги шаарлардын мэриялары жана кеңештери, Бишкек ш. жана Ош ш. шаардык кызматтары, институттар2,10
29Облустук маанидеги шаарлардын шаардык кызматтары, Бишкек ш. райондук администрацияларынын райондук түзүмдөрү, райондук маанидеги шаарлардын мэриялары жана кеңештери, мамлекеттик органдардын ведомстволук бөлүмдөрүнүн ведомстволук мекемелери, Кыргыз Республикасынын Санариптик өнүктүрүү жана инновациялык технологиялар министрлигине караштуу Архив кызматынын борбордук архивдери, региондук башкармалыктары, шаардык жана райондук мамлекеттик архивдери, токой жана аңчылык чарбалары, мамлекеттик жаратылыш коруктары жана мамлекеттик жаратылыш парктары, Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Суу ресурстары кызматынын суу чарбасынын бассейн башкармалыгы жана райондук бөлүмдөрү, Кыргыз Республикасынын Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматынын зоналык жана райондук ветеринардык диагностика жана экспертиза бөлүмдөрү2,00
30Айыл өкмөтү, райондук маанидеги шаарлардын шаардык кызматтары1,90
7. Атайын техниканын айдоочусу
31Автобустун, жүк ташуучу автомобилдин айдоочусу2,00
32Транспорттук-жыйноочу машиналардын, электр жана автоарабалардын айдоочусу1,80
8. Жыгач уста, сантехник, слесарь, электрик, моторист, токарь, ширетүүчү, механик
33Бардык деңгээлдеги мамлекеттик органдар жана жергиликтүү өз алдынча башкаруу органдары1,85
Эскертүү: 1. Кыргыз Республикасынын Министрлер Кабинетине караштуу Жеке маалыматтарды коргоо боюнча мамлекеттик агенттиктин инженерлерине кызматтык маянасына 3,90 өлчөмүндө эселөө коэффициенти белгиленет. 2. Кыргыз Республикасынын мамлекеттик органдарын жана жергиликтүү өз алдынча башкаруу органдарын техникалык тейлеп иштеген кызматкерлерге иш жүзүндө иштеген убактысы үчүн кызматтык маянасынын 50 пайызына чейинки өлчөмдө иштин татаалдыгы, сапаты, натыйжалары, кесиптик демилге көрсөткөндүгү жана ченемге салынбаган иш режими үчүн үстөк төлөнөт. 3. Кесиптик чеберчилиги үчүн дифференцияланган үстөктөр: 4-разряддагы жумушчуларга – тиешелүү кызматтык маянанын 15 пайызы, 5-разряддагы – 20 пайызы жана 6-разряддагы – 25 пайызы өлчөмүндө белгиленет.
2-тиркеме

Кыргыз Республикасынын мамлекеттик органдарынын жана жергиликтүү өз алдынча башкаруу органдарынын кенже тейлөөчү персоналынын кызматкерлеринин кызматтык маяналарынын өлчөмдөрүн аныктоодо колдонулуучу кызматтык маяналарга эселөө коэффициенттери

(Кыргыз Республикасынын Министрлер Кабинетинин 2026-жылдын 13-августундагы № 543 токтомунун редакциясына ылайык)

№Кызмат орундарынын аталышыЭселөө коэффициенттери
1Документтердин мукабачысы, кладовщик1,80
2Короо тазалоочу, багбан, күзөтчү, КӨП контролеру1,80
3Гардеробчу, кароолчу (вахтер), лифтер, от жагуучу, кастелянша, чабарман, егерь, ат багуучу1,80
4Имараттарды тейлөө жана учурдагы оңдоо боюнча жумушчу, калктуу конуштарды көрктөндүрүү боюнча жумушчу, кызматтык жайларды жана аймактарды тазалоочу (техничка)1,80
Эскертүү: 1. Түнкү убакытта иштегендиги үчүн күзөтчүгө сааттык тарифтик ставканын 50 пайызы өлчөмүндө кошумча төлөм белгиленет. 2. Кызматтык жайларды тазалоочуларга синтетикалык жуугуч жана дезинфекциялоочу каражаттарды колдонуу менен иштегендиги үчүн кызматтык маянанын 25 пайызы өлчөмүндөгү үстөк белгиленет.
3-тиркеме

Кыргыз Республикасынын мамлекеттик органдарын жана жергиликтүү өз алдынча башкаруу органдарын техникалык тейлеп иштеген кызматкерлерге иштеген жылдары үчүн үстөктөрдүн өлчөмдөрү

№Иш стажыИштеген жылдары үчүн пайыздык үстөктөрдүн өлчөмдөрү
11 жылдан 3 жылга чейин5%
23 жылдан 5 жылга чейин10%
35 жылдан 10 жылга чейин15%
410 жылдан 15 жылга чейин20%
515 жылдан 20 жылга чейин25%
620 жылдан 25 жылга чейин30%
725 жылдан ашык40%
4-тиркеме

Кыргыз Республикасынын Өкмөтүнүн жана Кыргыз Республикасынын Министрлер Кабинетинин күчүн жоготкон айрым чечимдеринин тизмеси

1. Кыргыз Республикасынын Өкмөтүнүн 2008-жылдын 23-январындагы № 22 "Кыргыз Республикасынын мамлекеттик органдарын жана жергиликтүү өз алдынча башкаруу органдарын тейлөөчү кызматкерлердин эмгек акысынын шарттары жөнүндө" токтому.

2. Кыргыз Республикасынын Өкмөтүнүн 2008-жылдын 10-ноябрындагы № 617 "Кыргыз Республикасынын мамлекеттик органдарын жана жергиликтүү өз алдынча башкаруу органдарын тейлөөчү кызматкерлердин эмгек акысынын шарттары жөнүндө" Кыргыз Республикасынын Өкмөтүнүн 2008-жылдын 23-январындагы № 22 токтомуна өзгөртүү жана толуктоолорду киргизүү тууралуу" токтому.

3. Кыргыз Республикасынын Өкмөтүнүн 2009-жылдын 29-декабрындагы № 814 "Кыргыз Республикасынын мамлекеттик органдарын жана жергиликтүү өз алдынча башкаруу органдарын тейлөөчү кызматкерлердин эмгек акысынын шарттары жөнүндө" Кыргыз Республикасынын Өкмөтүнүн 2008-жылдын 23-январындагы № 22 токтомуна өзгөртүү жана толуктоолорду киргизүү тууралуу" токтому.

4. Кыргыз Республикасынын Өкмөтүнүн 2012-жылдын 16-августундагы № 568 "Кыргыз Республикасынын Өкмөтүнүн 2008-жылдын 23-январындагы № 22 "Кыргыз Республикасынын мамлекеттик органдарын жана жергиликтүү өз алдынча башкаруу органдарын тейлөөчү кызматкерлердин эмгек акысынын шарттары жөнүндө" токтомуна өзгөртүү киргизүү тууралуу" токтому.

5. Кыргыз Республикасынын Өкмөтүнүн 2013-жылдын 2-октябрындагы № 543 "Кыргыз Республикасынын Өкмөтүнүн 2008-жылдын 23-январындагы № 22 "Кыргыз Республикасынын мамлекеттик органдарын жана жергиликтүү өз алдынча башкаруу органдарын тейлөөчү кызматкерлердин эмгек акысынын шарттары жөнүндө" токтомуна толуктоолорду жана өзгөртүү киргизүү тууралуу" токтому.

6. Кыргыз Республикасынын Өкмөтүнүн 2014-жылдын 22-октябрындагы № 609 "Кыргыз Республикасынын Өкмөтүнүн айрым чечимдерине толуктоолорду киргизүү жана Кыргыз Республикасынын Өкмөтүнүн кээ бир чечимдерин күчүн жоготту деп табуу жөнүндө" токтому.

7. Кыргыз Республикасынын Өкмөтүнүн 2017-жылдын 30-декабрындагы № 849 "Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө" токтому.

8. Кыргыз Республикасынын Өкмөтүнүн 2020-жылдын 5-февралындагы № 65 "Кыргыз Республикасынын мамлекеттик органдарын жана жергиликтүү өз алдынча башкаруу органдарын тейлөөчү кызматкерлердин эмгек акысынын шарттарын жөнгө салуучу Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө" токтому.

9. Кыргыз Республикасынын Министрлер Кабинетинин 2022-жылдын 4-мартындагы № 103 "Кыргыз Республикасынын Министрлер Кабинетине караштуу Жеке маалыматтарды коргоо боюнча мамлекеттик агенттиктин маселелери боюнча Кыргыз Республикасынын Министрлер Кабинетинин айрым чечимдерине өзгөртүүлөрдү киргизүү жөнүндө" токтому.

10. Кыргыз Республикасынын Министрлер Кабинетинин 2022-жылдын 22-мартындагы № 143 "Кыргыз Республикасынын Министрлер Кабинетинин республикалык маанидеги шаарлардын жергиликтүү өз алдынча башкаруу органдарынын муниципалдык кызматчыларынын жана бул органдарды тейлөөчү кызматкерлердин эмгек акысынын шарттарын жөнгө салуучу айрым чечимдерине өзгөртүүлөрдү киргизүү жөнүндө" токтому.

ыкчам баскычтар:J / Kкийинки / мурунку берене[ / ]редакция артка / алдыгаTмазмунуCбайланыштар⌘K / Ctrl Kбуйруктар палитрасы/издөөгө фокус

Документ боюнча дагы суроолоруңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Документтин байланыштары

шилтеме берет: 17 · цитата келтиргендер: 57 · байланышкандар: 4

Цитата келтиргендер (57)

57 ичинен 20 көрсөтүлдү. Толук тизме - шилтемелер панелинде.

Шилтеме берет (17)

17 ичинен 11 көрсөтүлдү. Толук тизме - шилтемелер панелинде.

Байланышкан документтер (4)

Булактын (cbd.minjust.gov.kg) маалыматы боюнча, кайсы акт кайсыга шилтеме берери көрсөтүлбөйт.

4 ичинен 2 көрсөтүлдү. Толук тизме - шилтемелер панелинде.