Токмок шаарынын Муниципалдык менчик башкармалыгынын эмгек жамаатынын (Токмок шаардык кеңешинин токтомуна ылайык) жамааттык келишими

Токмок шаардык кеңешинин 2023-жылдын 18-декабрындагы №173/30-5 токтомуна 2-тиркеме

Токмокшаарынын Муниципалдык менчик башкармалыгынын эмгекжамаатынын

ЖАМААТТЫК КЕЛИШИМИ

Жалпы жоболор

Бул жамааттык келишим иш берүүчүлөр Токмок шаарынын Муниципалдык менчик башкармалагынын начальниги Сагынбек уулу Н., мындан ары карай “Башкармалыгы” менен Токмок шаарынын Муниципалдык менчик башкармалыгынын эмгек жамааты мамлекеттик жана муниципалдык кызматкерлеринин кесиптик союзунун союз комитетинин төрагасы А.Д.Дженишбековнанын, мындан ары “Кесиптик союз комитетинин” ортосундагы эмгек жана социалдык мамилелерди жөнгө салуучу ченемдик акт болуп эсептелет. Жамааттык келишим Кыргыз Республикасынын Эмгек Кодексине, Кыргыз Республикасынын “Жамааттык келишимдер жөнүндө”, “Мамлекеттик жарандык кызмат жана муниципалдык кызмат жөнүндө”, “Социалдык өнөктөштүк жөнүндө” Мыйзамдарына ылайык кесиптик союздун мүчөлөрү болуп эсептелген муниципалдык кызматкерлердин укуктары менен кызыкчылыктарын коргогон юридикалык документ болуп эсептелет жана мыйзамдарда каралбаган белгиленген жана кошумча эмгек, социалдык-тиричилик жеңилдиктери менен кепилдиктерди камтыйт. Ушул Келишимде пайдаланылган кыскартуулар: ЭК- Кыргыз Республикасынын Эмгек Кодекси; ЖК-Кыргыз Республикасынын «Жамааттык келишимдер жөнүндө» Мыйзамы; Токмок ш. ММБ – Токмок шаарынын Муниципалдык менчик башкармалыгы.

1. Кесиптик союз комитетинин мүчөлөрүнүн эмгек жамааттарынын алдына

коюлган башкы милдеттер:

1.1. Кыргыз Республикасынын Конституциясы менен Мыйзамдарын сактоо жана аткаруу;

1.2. Токмок шаарынын калкына берилген аймакта жашоону камсыз кылган социалдык жана маданий тейлөөлөрдүн иштешин жана өнүгүүсүн камсыз кылууну уюштуруу;

1.3. Токмок шаарынын стратегиялык өнүгүү программасын, аймактын социалдык-экономикалык өнүгүүсү менен калкты социалдык коргоо пландарын иштеп чыгуу, бекитүү жана ага көзөмөл жүргүзүү;

1.4. Токмок ш. ММБнын кызматкерлеринин күч-аракеттерин шаардын жашоочуларынын керектөөлөрү менен талаптарын канааттандырууга багыттоо;

1.5. Шаардын коомчулугунун баардык катмарларынын күчүн экономикалык кубаттуулукту кайрадан калыбына келтирүүгө, социалдык жана экономикалык көйгөйлөрдү чечүүгө, шаардыктардын жашоо деңгээлин жогорулатууга мобилизациялоо.

2. Администрациянын милдеттери:

2.1. Кесиптик союз комитетинин мүчөлөрүнүн жогорку өндүрүмдүүлүктө жана натыйжалуу иштөөлөрү үчүн зарыл болгон шарттарды түзүү;

2.2. Ай сайын отчеттук мезгилден кийинки айдын 5инен кечиктирбестен белгиленген эмгек акыны төлөп берүү (ЭК 157-берене): иштеген жылдарына, класстык чинге, ардак наамга, квалификациялык даражага жана иштин өзгөчө шарттары үчүн (КР Президентинин 2022-жылдын 1-августундагы №266 Жарлыгы, КР Өкмөтүнүн 2022-жылдын 1-августундагы №433 токтому) кошумча төлөөлөрдү жүргүзүү;

2.3. Кесиптик союз комитети менен макулдашуу боюнча:

2.3.1. Токмок ш. ММБнын күн тариби:

Иштин башталышы – саат 8:30да (ЭК 101-берене); Иштин аякташы – саат17:30да; Түштөнүү - саат12ден саат 13кө чейин (ЭК 114-берене); Техникалык тыныгуулар – саат 10:00дөн 10:20га чейин, саат 15:00дөн 15:20га чейин.

2.3.2. Эки эс алуучу күнү бар, беш күндүк жумушчу аптасы белгиленсин.

2.4. Айрым учурларда, ишемби, жекшемби күндөрү, же болбосо суткалык нөөмөткө туруу каралган.

2.5. “Мамлекеттик бийлик органдарында жана жергиликтүү өз алдынча башкаруу органдарында иштеген кызматкерлерди сыйлоо жөнүндө” тиешелүү ченемдик укуктук актылары күчүнө кирген учурда, кызматкерлердин эмгегин социалдык коргоо жана дем берүү максатында материалдык жардамдарды төлөө ишке ашырылсын.

3. Кесиптик союз комитетинин милдеттери:

3.1. Эмгек жана аткаруучулук тартипти бекемдөөгө түрткү берүү;

3.2.Кесиптик союздун мүчөлөрү болуп эсептелген жамаатты кызматтык жоопкерчилиги белгиленген милдеттерди аткарууга мобилизациялоо;

3.3.Кызматкерлерге эмгек мыйзамдуулугун, эмгек жана сыйлоо шарттарын, тартип жоопкерчилигин түшүндүрүү;

3.4.Кызматкерлерди иштен тышкаркы мезгилде ишке тартуунун негиздүүлүгүн көзөмөлдөө;

3.5. Мезгил-мезгили менен эмгек акысын чегерүүнүн жана салыктын алынуусун текшерип туруу;

3.6. Кесиптик союздун мүчөлөрү болуп эсептелген ар бир кызматкердин эмгекке укуктарын коргоону ишке ашыруу;

3.7.Кыргыз республикасынын Эмгек Кодексинин 68-беренесине ылайык жетекчи курам менен катардагы кызматкердин жакынчылык, тууганчылык фактысынын бар экендигин аныктоо.

Кызматкерлердин социалдык укуктары жана кепилдиктери

4. Администрациянын милдеттери:

4.1.Кыргыз Республикасынын Президентинин 2022-жылдын 1-августундагы ПЖ №266 Жарлыгынын 4-пунктунда, Кыргыз Республикасынын Министрлер Кабинетинин 2022-жылдын 1-августундагы №433 токтомунун 4-пунктунда каралган, Токмок шаардык кеңеши тарабынан бекитилген, жергиликтүү бюджеттин мүмкүнчүлүгүнө жараша Токмок ш. ММБнын кызматкерлеринин жана бул уюмдарды тейлөөдө иштеген жумушчулардын кызматтык маянасына 50% өлчөмүндө үстөк акы белгиленсин.

4.2.Кесиптик союз комитетинин мүчөлөрүн социалдык колдоо максатында мыйзамда тыюу салынбаган каражаттардын эсебинен кызматкерлердин социалдык-тиричилик маселелерин чечүү үчүн жыл сайын эки айлык эмгек акысынын өлчөмүндө материалдык жардам төлөнүүсү белгиленсин (“Мамлекеттик кызмат жана муниципалдык кызмат жөнүндө” Мыйзамдын 21-беренесине ылайык);

4.3. Айлык акысын сактоо менен башталгыч мектеп жашындагы балдары бар кызматкерлерге 1-сентябрда эс алуу күн берилсин.

4.4. Айлык акысын сактоо менен 5 күнгө чейин өзгөчө шарттарда өргүү берүү: никелешүүдө, жакындары каза болгондо.

4.5. Жумуш күнү эмес майрамдын алдындагы жумуш күнүнүн узактыгын бир саатка кыскартуу (ЭК 96-бер.).

5. Кесиптик союз комитетинин милдеттери:

5.1. Жамааттык келишимге киргизилген иш-чаралардын аткарылышына, ошондой эле кызматкерлерди социалдык коргоо боюнча ченемдик жоболордун аткарылышына дайыма көзөмөлдүк жүргүзүп туруу.

5.2. Туулган күнүндө кызматкерлерди куттуктоону уюштуруу.

6. Администрациянын милдеттери:

6.1.Иш орундарында зарыл болгон тартипти, жарыктандыруу жана жылуулук режимин, коопсуздук техникасынын так сакталышын камсыздоо.

7. Кесиптик союз комитетинин милдеттери:

7.1.Белгиленген коопсуздук эрежелери менен ченемдердин, эмгекти коргоо боюнча мыйзамдуулуктун сакталышына, ошондой эле ушул жамааттык келишимдин шарттарын аткарууга коомдук көзөмөл уюштуруу.

8.Администрациянын милдеттери:

8.1. Кесиптик союз комитетине иштөө үчүн зарыл болгон байланыш каражаттарын, компьютердик техниканы бекер пайдаланууга берүү.

8.2. Кесиптик союздун мүчөлүк төлөмдөрүн накталай эмес, бухгалтерия аркылуу кармап калууну камсыздоо.

9. Кесиптик союз комитетинин милдеттери:

9.1. Бул жамааттык келишимдин жоболорунун ишке ашырылуусуна, эмгек жамаатында социалдык чыңалууну төмөндөтүүгө, жамааттык эмгек талаштарынын келип чыгууларынын алдын алууга көмөк көрсөтүү.

9.2. Кайра уюштуруу, кыскартуу, эмгек талаштарын чечүү учурунда кесиптик союздун мүчөлөрүнүн кызыкчылыктарын коргоо жана кесиптик союздун мүчөлөрүнүн мыйзамдуу кызыкчылыктарын коргоо боюнча чараларды көрүү.

10.1. Жамааттык келишим ага кол коюлган учурдан тартып күчүнө кирет жана 2 жыл аралыгында иштейт. Тараптардын Жамааттык келишимди 3 жылдан ашык эмес мөөнөткө узартууга укуктары бар (ЭК 43-беренеси, ЖК 13-беренеси).

10.2. Жамааттык келишимди ишке ашырууга көзөмөлдүк эки тараптан тең жүргүзүлөт. Жамааттык келишимге өзгөртүүлөрдү жана кошумчаларды киргизүү эки тараптын өз ара макулдугу боюнча киргизилет (ЖК 14-беренеси).

10.3. Жамааттык келишимдин аткарылышынын жүрүшү жыл сайын эмгек жамаатынын жалпы чогулушунда талкууланат (ЖК 15-беренеси).

10.4. Ушул Жамааттык келишимде каралган милдеттердин аткарылбай калгандыгы үчүн эки тарап тең Кыргыз Республикасынын мыйзамдарында белгиленген тартипте жоопкерчилик тартышат. (ЖК 16-б.)

10.5. Жамааттык келишим 3 нускада түзүлдү.

«Администрация» Токмок ш. муниципалдык менчик башкармалыгынын начальниги _____________ Сагынбек у.Н.

Токмок шаардык кеңешинин төрагасы ______________________

Т.М.Сансызбаев

«Кесиптик союз комитет» Токмок ш. муниципалдык менчик башкармалыгынын кесиптик союз комитетинин төрайымы____________

А.Д.Дженишбекова