Кыргыз Республикасынын «Салык салуу чөйрөсүндөгү Кыргыз Республикасынын айрым мыйзам актыларына өзгөртүүлөрдү киргизүү жөнүндө» Мыйзамы

1-берене. Кыргыз Республикасынын Жарандык процесстик кодексине (Кыргыз Республикасынын Жогорку Кеңешинин Жарчысы, 2017-ж., № 1 (2), 14-ст.) төмөнкүдөй өзгөртүүлөр киргизилсин:

1) 261-берене төмөнкүдөй редакцияда баяндалсын:

"261-берене. Банкроттук жөнүндө иштерди кароо

1. Юридикалык жактын же жеке ишкердин же болбосо финансы-кредиттик мекеменин банкроттугу (кудуретсиздиги) жөнүндө иштер карызкордун - юридикалык жактын же карызкордун - жеке ишкердин турган жери же финансы-кредиттик мекеменин жайгашкан жери боюнча райондук соттор тарабынан ушул главада жана банкроттук жөнүндө мыйзамдарда белгиленген өзгөчөлүктөр менен жарандык сот өндүрүшүнүн эрежелерине ылайык каралат.

2. Банкроттук жөнүндө иштерге салык кызматынын органдарынын катышуусу милдеттүү болуп саналат.

3. Карызкорду банкрот деп таануу тууралуу арызды кабыл алуу жөнүндө аныктама карызкордун учурдагы салыктык эсепке алуу жери боюнча жиберилет.";

2) 405-берененин 2-бөлүгүнүн экинчи сүйлөмүндө "ыйгарым укуктуу мамлекеттик органга" деген сөздөр "сот аткаруучуга" деген сөздөргө алмаштырылсын.

2-берене. Салыктык эмес кирешелер жөнүндө Кыргыз Республикасынын кодексине (Кыргыз Республикасынын Жогорку Кеңешинин Жарчысы, 2018-ж., № 7-8, 490-ст.) төмөнкүдөй өзгөртүүлөр киргизилсин:

1) 25-берене төмөнкүдөй мазмундагы 8-бөлүк менен толукталсын:

"8. Ушул Кодекске ылайык салык органдары тарабынан башкарылуучу салыктык эмес кирешелер боюнча карыз Кыргыз Республикасынын салык мыйзамдарында белгиленген тартипте өндүрүлөт.";

2) 6-глава төмөнкүдөй мазмундагы 25-1-берене менен толукталсын:

"25-1-берене. Салыктык эмес кирешелер боюнча үмүтсүз карызды эсептен чыгаруу Салык органдары тарабынан башкарылуучу салыктык эмес кирешелер боюнча карыздар Кыргыз Республикасынын салык мыйзамдарына ылайык үмүтсүз карыз деп аныкталат жана таанылат.";

3) 28-берене төмөнкүдөй мазмундагы 2-2-бөлүк менен толукталсын:

"2-2. Ушул Кодекске ылайык салык органдары тарабынан башкарылуучу салыктык эмес кирешелер боюнча отчеттордо же эсептөөлөрдө маалымат жана дайындар жок болгон учурда мындай отчетту түзүү жана берүү талап кылынбайт.";

4) 29-берененин 6-бөлүгү төмөнкүдөй редакцияда баяндалсын:

"6. Салык кызматынын органдары башкы администраторлордун, ошондой эле башкы администраторлору жок болгон администраторлордун салыктык эмес кирешелер жөнүндө мыйзамдарды сактоосун текшерүүнү ыйгарым укуктуу салык органы аныктаган тартипте жүзөгө ашырат.";

5) 32-беренеде:

а) 2-бөлүктө "Кыргыз Республикасынын Министрлер Кабинети тарабынан белгиленет" деген сөздөр "ыйгарым укуктуу салык органы тарабынан бекитилет" деген сөздөргө алмаштырылсын;

б) 4-бөлүк күчүн жоготту деп таанылсын;

6) 128-берене "кайра иштеткенге" деген сөздөрдөн кийин "же аларды пайдаланууга" деген сөздөр менен толукталсын.

3-берене. Кыргыз Республикасынын Кылмыш-жаза кодексине ("Эркин-Тоо" гезити, 2021-жылдын 16-ноябры, № 122-133) төмөнкүдөй өзгөртүүлөр киргизилсин:

1) 65-берененин 3 жана 4-бөлүктөрү "240-беренесинин 2-4-бөлүктөрүндө" деген сөздөрдөн кийин ", 242-1-беренесинин 1-бөлүгүндө" деген сөздөр менен толукталсын;

2) 238 жана 239-беренелер төмөнкүдөй редакцияда баяндалсын:

"238-берене. Акциздик маркаларды жана (же) идентификациялоо каражаттарын жасалмалоо

1. Жасалма акциздик маркаларды жана (же) идентификациялоо каражаттарын (маркалоо коддорун) сатуу максатында даярдоо, ага тете сатуу максатында сактоо же жасалма акциздик маркаларды жана (же) идентификациялоо каражаттарын жана (же) эсептик-контролдоо маркаларын ири өлчөмдө же болбосо алдын ала сүйлөшүү боюнча адамдардын тобу тарабынан пайдалануу -

5000ден 7000 эсептик көрсөткүчкө чейин айып салууга же беш жылга чейинки мөөнөткө эркиндигинен ажыратууга жазаланат.

2. Өзгөчө ири өлчөмдө жасалган ошол эле жосундар -

7000ден 10000 эсептик көрсөткүчкө чейин айып салууга же жети жылга чейинки мөөнөткө эркиндигинен ажыратууга жазаланат. Эскертүү. Ушул беренеде:

- ири өлчөм деп жүз же андан ашык жасалма акциздик марка же идентификациялоо каражаты же эсептик-контролдоо маркалары таанылат;

- өзгөчө ири өлчөм деп беш жүз же андан ашык жасалма акциздик марка же идентификациялоо каражаты же эсептик-контролдоо маркалары таанылат.

239-берене. Милдеттүү түрдө акциз салынуучу продукцияны акциздик маркаларсыз жана (же) идентификациялоо каражаттарысыз жүгүртүү

1. Милдеттүү түрдө маркаланууга тийиш болгон, ири өлчөмдө жасалган продукцияны акциздик маркаларсыз жана (же) идентификациялоо каражаттарысыз жана (же) отун маркерисиз жана (же) эсептик-контролдоо маркаларысыз өндүрүү, сактоо, импорттоо же сатып өткөрүү, ага тете идентификациялоо каражаттарын колдонуунун белгиленген тартибин жана (же) эрежелерин бузуу -

5000ден 7000 эсептик көрсөткүчкө чейин айып салууга же беш жылга чейинки мөөнөткө эркиндигинен ажыратууга жазаланат.

2. Өзгөчө ири өлчөмдө жасалган ошол эле жосундар -

7000ден 10000 эсептик көрсөткүчкө чейин айып салууга же жети жылга чейинки мөөнөткө эркиндигинен ажыратууга жазаланат. Эскертүү. Ушул беренеде:

- ири өлчөм деп наркы кылмыш жасалган учурда Кыргыз Республикасынын мыйзамдарында белгиленген эсептик көрсөткүчтөн беш жүз эсе ашкан продукциянын өлчөмү же эки жүз же андан көп бирдиктеги акциздик маркаларысыз жана (же) идентификациялоо каражаттарысыз жана (же) отун маркерисиз жана (же) эсептик-контролдоо маркаларысыз продукциянын саны таанылат;

- өзгөчө ири өлчөм деп наркы кылмыш жасалган учурда Кыргыз Республикасынын мыйзамдарында белгиленген эсептик көрсөткүчтөн миң эсе ашкан продукциянын өлчөмү же беш жүз же андан көп бирдиктеги акциздик маркасыз жана (же) идентификациялоо каражаттарысыз жана (же) отун маркерисиз жана (же) эсептик-контролдоо маркаларысыз продукциянын саны таанылат.";

3) 241-берененин эскертүүсүнүн экинчи абзацында "241-243" деген цифралар "241, 242 жана 243" деген сөздөргө алмаштырылсын;

4) төмөнкүдөй мазмундагы 242-1-берене менен толукталсын:

"242-1-берене. Фискалдык программалык камсыз кылууну колдонуу чөйрөсүндөгү бузуулар

1. Салыктык эсепке алуу максатында колдонулуучу жана белгиленген тартипте пайдаланууга уруксат берилген фискалдык программалык камсыз кылууда фискалдык программалык камсыз кылуу оператору тарабынан белгиленген талаптарга жооп бербеген өзгөртүүлөрдү салыктарды жана (же) башка милдеттүү төлөмдөрдү бюджетке төлөөдөн качуу үчүн шарттарды түзүү максатында киргизүү, эгерде бул бюджетке салыктарды жана (же) бюджетке башка милдеттүү төлөмдөрдү ири өлчөмдө төлөбөөгө алып келсе, -

10000ден 20000ге чейинки эсептик көрсөткүчкө чейин айып салууга же үч жылга чейинки мөөнөткө белгилүү бир кызмат ордун ээлөө же болбосо белгилүү бир иш менен алектенүү укугунан ажыратуу менен беш жылга чейинки мөөнөткө эркиндигинен ажыратууга жазаланат.".

4-берене. Кыргыз Республикасынын Кылмыш-жаза процессуалдык кодексине ("Эркин-Тоо" гезити, 2021-жылдын 16-ноябры, № 122-133) төмөнкүдөй өзгөртүү киргизилсин: 159-берененин 6-бөлүгүндө "243, 244" деген цифралар "2421, 243, 244" деген цифраларга алмаштырылсын.

5-берене. Кыргыз Республикасынын Укук бузуулар жөнүндө кодексине ("Эркин-Тоо" гезити, 2021-жылдын 16-ноябры, № 122-133) төмөнкүдөй өзгөртүүлөр киргизилсин:

1) 31-беренеде:

а) 3-бөлүктүн экинчи абзацы "314," деген цифралардан кийин "3201," деген цифралар менен толукталсын;

б) 4-бөлүктүн экинчи абзацында "309-1 жана 318-беренелеринде" деген сөздөр "309-1, 318 жана 319-1-беренелеринде" деген сөздөргө алмаштырылсын;

2) 308-берененин 1-бөлүгү төмөнкүдөй редакцияда баяндалсын:

"1. Салыктарды эсептөө жана төлөө менен байланышкан документтердин жоктугу же документтердеги маалыматтардын бурмаланышы же болбосо салык отчетторун кошпогондо, салык салуу менен байланышкан документтерди белгиленген мөөнөттө бербөө - жеке жактарга 30 эсептик көрсөткүч, юридикалык жактарга 130 эсептик көрсөткүч өлчөмүндө айып пул салууга алып келет.";

3) 311-берене төмөнкүдөй редакцияда баяндалсын:

"311-берене. Евразия экономикалык бирлигине мүчө мамлекеттердин аймагынан Кыргыз Республикасынын Мамлекеттик чек арасы аркылуу товарларды жана транспорт каражаттарын тиешелүү документтерсиз алып өтүү

1. Евразия экономикалык бирлигине мүчө мамлекеттердин аймагынан Кыргыз Республикасынын Мамлекеттик чек арасы аркылуу товарларды жана транспорт каражаттарын Кыргыз Республикасынын салык мыйзамдарына жана/же ЕАЭБдин укуктарына ылайык таризделүүгө тийиш болгон тиешелүү документтерсиз алып өтүү -

жеке жактарга 100 эсептик көрсөткүч, юридикалык жактарга 280 эсептик көрсөткүч өлчөмүндө айып пул салууга алып келет.

2. Ушул берененин 1-бөлүгүндө каралган ошол эле аракет жаза чарасы колдонулгандан кийин бир жылдын ичинде кайра кайталанып жасалса -

жеке жактарга 200 эсептик көрсөткүч, юридикалык жактарга 650 эсептик көрсөткүч өлчөмүндө айып пул салууга алып келет. Эскертүү. Ушул берененин 2-бөлүгүндө каралган укук бузуу жасалган учурда алып өткөрүлүүчү товарлар ушул Кодексте белгиленген тартипте конфискацияланууга тийиш.";

4) 312-314-беренелер төмөнкүдөй редакцияда баяндалсын:

"312-берене. Мурда колдонулган тиешелүү идентификациялоо каражаттарын же акциздик маркаларды кайра колдонуу Мурда колдонулган тиешелүү идентификациялоо каражаттарын же акциздик маркаларды же эсептик-контролдук маркаларды кайра колдонуу - жеке жактарга 350 эсептик көрсөткүч, юридикалык жактарга 1000 эсептик көрсөткүч өлчөмүндө айып пул салууга алып келет.

313-берене. Милдеттүү түрдө маркаланууга тийиш болгон товарларды маркалоо каражаттарын продукцияга жана/же анын таңгагына чаптабастан өндүрүү, импорттоо жана сатуу Маркаланууга тийиш болгон товарларды отун маркерисиз же акциздик маркаларды же идентификациялоо каражаттарын жана/же эсептик-контролдук маркаларды товарга жана/же анын таңгагына чаптабастан өндүрүү, импорттоо, ташып кирүү, сактоо жана сатуу, ага тете идентификациялоо каражаттарын пайдалануунун белгиленген тартибин жана/же эрежелерин бузуу, эгерде мындай укук бузуу кылмыштын белгилерин камтыбаса, - жеке жактарга 350 эсептик көрсөткүч, юридикалык жактарга 1000 эсептик көрсөткүч өлчөмүндө айып пул салууга алып келет.

314-берене. Товарларды маркалоо каражаттарын жасалмалоо Пайдалануу максатында акциздик маркаларды, товарларды идентификациялоо каражаттарын же эсептик-контролдук маркаларды жасалмалоо, ага тете аларды сатуу максатында сактоо же сатуу - жеке жактарга 350 эсептик көрсөткүч, юридикалык жактарга 1000 эсептик көрсөткүч өлчөмүндө айып пул салууга алып келет.";

5) төмөнкүдөй мазмундагы 3171-2 жана 317-3-беренелер менен толукталсын:

"317-2-берене. Субъект тарабынан ишкердик ишинде банктык төлөм карталарын жана/же электрондук акчаларды жана/же улуттук стандарттагы штрих-коддун (QR-кодду) эки өлчөмдүү символдорун жана/же жеке жак катары субъекттин өзүнө катталган накталай эмес төлөмдүн башка инструменттерин пайдалануу менен төлөмдөрдү кабыл алуу үчүн арналган жабдууларды (программалык-техникалык түзүлүштү) колдонуу

1. Субъект тарабынан ишкердик ишинде банктык төлөм карталарын жана/же электрондук акчаларды жана/же улуттук стандарттагы штрих-коддун (QR-кодду) эки өлчөмдүү символдорун пайдалануу менен төлөмдөрдү кабыл алуу үчүн арналган жабдууларды (программалык-техникалык түзүлүштү) жана/же жеке жак катары субъекттин өзүнө катталган ишкердик иш менен байланышпаган жеке мүнөздөгү төлөмдөрдү жүзөгө ашыруу үчүн арналган накталай эмес төлөм инструменттерин колдонуу -

жеке же юридикалык жактарга эскертүү берүүгө алып келет.

2. Ушул берененин 1-бөлүгүндө каралган ошол эле аракет жаза чарасы колдонулгандан кийин кайталанып жасалса -

жеке жактарга 50 эсептик көрсөткүч, юридикалык жактарга 280 эсептик көрсөткүч өлчөмүндө айып пул салууга алып келет.

3. Ушул берененин 1-бөлүгүндө каралган ошол эле аракет жаза чарасы колдонулгандан кийин бир жолудан ашык кайталанып жасалса -

жеке жактарга 130 эсептик көрсөткүч, юридикалык жактарга 650 эсептик көрсөткүч өлчөмүндө айып пул салууга алып келет.

317-3-берене. Банк тарабынан салык кызматынын органдарына маалымат бербөө жана/же аны берүү тартибин жана мөөнөттөрүн бузуу Банк тарабынан салык кызматынын органдарына Кыргыз Республикасынын салык мыйзамдарында каралган учурларда маалымат бербөө, анын ичинде аны берүүдөн баш тартуу жана/же маалымат берүү тартибин жана мөөнөттөрүн бузуу - юридикалык жактарга 650 эсептик көрсөткүч өлчөмүндө айып пул салууга алып келет.";

6) төмөнкүдөй мазмундагы 319-1-берене менен толукталсын:

"319-1-берене. Фискалдык программалык камсыз кылууну колдонуу тартибин бузуу

1. Фискалдык программалык камсыз кылуунун оператору тарабынан салык төлөөчүлөрдүн салыктык эсепке алуу максатында пайдалануучу жана белгиленген тартипте колдонууга уруксат берилген фискалдык программалык камсыз кылуунун белгиленген талаптарга ылайык келбеген өзгөртүүлөрдү киргизүү, эгерде бул аракетте кылмыш белгилери камтылбаса, -

жеке жактарга 200 эсептик көрсөткүч, юридикалык жактарга 10000 эсептик көрсөткүч өлчөмүндө айып пул салууга алып келет.

2. Ишкердик субъект тарабынан белгиленген тартипте пайдаланууга уруксат берилбеген фискалдык программалык камсыз кылууну пайдалануу, анын ичинде фискалдык программалык камсыз кылууну каттоосуз иш жүргүзүү, эгерде бул аракеттерде кылмыш белгилери камтылбаса, -

жеке жактарга 500 эсептик көрсөткүч, юридикалык жактарга 2000 эсептик көрсөткүч өлчөмүндө айып пул салууга алып келет.";

7) 320-берене төмөнкүдөй редакцияда баяндалсын:

"320-берене. Салык органдарынын кызматкерлеринин контролдук-кассалык машиналарга жетүүсүнө тоскоолдук кылуу Салык органдарынын кызматкерлеринин контролдук-кассалык машиналарга жетүүсүнө тоскоолдук кылуу - жеке жактарга 75 эсептик көрсөткүч, юридикалык жактарга 230 эсептик көрсөткүч өлчөмүндө айып пул салууга алып келет.";

8) төмөнкүдөй мазмундагы 320-1-берене менен толукталсын:

"320-1-берене. Салык органдарынын кызматкерлеринин фискалдык программалык камсыз кылууга жетүүсүнө тоскоолдук кылуу Салык органдарынын кызматкерлеринин фискалдык программалык камсыз кылууга жетүүсүнө тоскоолдук кылуу - жеке жактарга 500 эсептик көрсөткүч, юридикалык жактарга 2 000 эсептик көрсөткүч өлчөмүндө айып пул салууга алып келет.";

9) төмөнкүдөй мазмундагы 321-1-берене менен толукталсын:

"321-1-берене. Техникалык тейлөө борборлоруна коюлган талаптарды бузуу Техникалык тейлөө борборлоруна коюлган салык мыйзамдарынын талаптарын бузуу - жеке жактарга 200 эсептик көрсөткүч, юридикалык жактарга 650 эсептик көрсөткүч өлчөмүндө айып пул салууга алып келет.";

10) 325-1-берене күчүн жоготту деп таанылсын;

11) 325-2-берененин биринчи абзацы төмөнкүдөй редакцияда баяндалсын:

"Салык кызматынын органы тарабынан башкарылуучу кирешелерди кошпогондо, салыктык эмес кирешелерди белгиленген мөөнөттө төлөбөй коюу -";

12) 354-берене күчүн жоготту деп таанылсын;

13) 470-берене төмөнкүдөй редакцияда баяндалсын:

"470-берене. Мамлекеттик салык кызматынын ыйгарым укуктуу органы Мамлекеттик салык кызматынын ыйгарым укуктуу органы ушул Кодекстин 90-1, 308, 308-1, 309-309-4, 311-316-3-беренелеринде, 317-беренесинин 1-бөлүгүндө, 317-1, 317-2, 317-3, 318-323 жана 325-2-беренелеринде каралган укук бузуулар жөнүндө иштерди карайт жана жаза чараларын көрөт.".

6-берене. Кыргыз Республикасынын Салык кодексине ("Эркин-Тоо" гезити, 2022-жылдын 19-январы, № 4-9) төмөнкүдөй өзгөртүүлөр киргизилсин:

1) 3-берененин 3-бөлүгү күчүн жоготту деп таанылсын;

2) 4-берененин 2-бөлүгүндө:

а) 6-пункт төмөнкүдөй мазмундагы абзацтар менен толукталсын:

"ЕАЭБге мүчө мамлекеттерден товарларды убактылуу ташып кирүү/ташып чыгуу мөөнөтү 24 айдан ашпайт. ЕАЭБге мүчө мамлекеттерге товарларды убактылуу ташып кирүү/ташып чыгуу максаттарына жараша айрым товарлардын категориялары үчүн Министрлер Кабинети 24 айдан кыйла узак мөөнөттү аныктоого укуктуу.";

б) 10-пункт төмөнкүдөй редакцияда баяндалсын:

"10) тутумдук негиздеги иш -төмөнкүдөй иштер:

а) окшош жана/же бир тектүү товарларды сатуу боюнча, эгерде календардык жылдын ичинде эки бирдиктен ашык товар сатылса;

б) акы төлөнүүчү негизде иштерди аткаруу жана/же кызматтарды көрсөтүү боюнча, эгерде мындай иштер же кызмат көрсөтүүлөр календардык жылдын ичинде эки жолудан ашык аткарылса;";

в) 50-пункт төмөнкүдөй мазмундагы "г" пунктча менен толукталсын:

"г) ишкердик максатта товарларды сатып алган жана жеке ишкер катары Салык төлөөчүлөрдүн мамлекеттик реестринде жок жеке жак болуп саналган;";

г) 57-пункт төмөнкүдөй редакцияда баяндалсын:

"57) транзакция - Кыргыз Республикасынын мамлекеттик катгоо жөнүндө мыйзамдарына ылайык Кыргыз Республикасында катталган уюм, жеке ишкер, чет өлкөлүк уюмдун филиалы/өкүлчүлүгү, ошондой эле Кыргыз Республикасында туруктуу мекемеси жок жана анын эсеби ачылган банктын дареги боюнча мамлекеттик каттоосуз салыктык каттоодон өткөн чет өлкөлүк уюм тарабынан чет өлкөлүк субъекттин тапшырмасы боюнча андан же башка чет өлкөлүк субъекттен башка чет өлкөлүк субъекттин дарегине же анын дарегине акча каражаттарын кайра жөнөтүү боюнча операция. Акча каражаттарын кайра жөнөтүү деп аларды накталай, ошондой эле накталай эмес формада алуу жана өткөрүп берүү, анын ичинде башка салык төлөөчү аркылуу алуу жана өткөрүп берүү учурлары, ошондой эле уюмдун, жеке ишкердин, чет өлкөлүк уюмдун филиалынын/өкүлчүлүгүнүн чет мамлекеттин банкында ачылган эсебин же болбосо анын эсеби ачылган Кыргыз Республикасындагы банктын дареги боюнча мамлекеттик каттоосуз салыктык каттоодон өткөн Кыргыз Республикасында туруктуу мекемеси жок чет өлкөлүк уюмдун Кыргыз Республикасындагы банкта эсебин пайдалануу таанылат.";

д) төмөнкүдөй мазмундагы 58-60-пункттар менен толукталсын:

"58) дистрибьютор - белгилүү бир субъекттин жана/же товарларды өндүрүүчүлөр жана/же импорттоочулар болуп саналган өз ара көз каранды субъекттердин кызыкчылыгы үчүн товарларды сатууну жүзөгө ашыруучу, дистрибьютордук келишим түзгөн жана товарларды илгерилетүү боюнча кошумча милдеттенмелери бар уюм же жеке ишкер. Эгерде келишимде сатуучунун товарларын ички рынокто илгерилетүү боюнча сатып алуучунун кошумча милдеттенмелери камтылса, ал дистрибьютордук келишим деп таанылат. Импорттоочулар дистрибьютордук келишим болгон учурда дистрибьюторлор деп таанылат;

59) бизнести майдалоо - түшкөн каражаттын көлөмүн ушул Кодекстин 423-беренесинин 1-бөлүгүнүн 1-пунктунун "а" пунктчасында жана 8-бөлүгүндө каралган ставка боюнча салыкты, ошондой эле салык салынуучу базаны төмөндөтүү жана салыктарды төлөөдөн качуу максатында соода чөйрөсүндөгү патенттин негизинде өзгөчө режимдеги соода зонасынын ишине салыкты төлөөчү бир жана/же бир нече субъекттер тарабынан түзүлгөн өз ара көз каранды бир нече субъекттерге атайылап бөлүштүрүү.

Бизнести майдалоо критерийлерине туура келген субъекттер:

- өз ара көз каранды субъекттердин соода ишин жалпы уюштуруучунун, жетекчинин кызыкчылыгында, анын ичинде жакын туугандарынын жана кызматкерлеринин атынан жүзөгө ашыруучу;

- киреше алуу максатында бир даректе жайгашкан мүлк объекттерин жана/же жайларды биргелешип жана/же өзүнчө пайдаланган өз ара көз каранды ишкердик субъекттеринин ишин жүзөгө ашыруучу;

60) электрондук акчалардын жана төлөм тутумдарынын оператору - Кыргыз Республикасынын мыйзамдарында белгиленген тартипте катталган жана/же лицензияланган, электрондук акчаларды чыгаруучу, ошондой эле акча каражаттарын, анын ичинде электрондук акчаларды которуу боюнча кызматтарды көрсөтүүчү юридикалык жак.";

3) 12-берененин 2-бөлүгү төмөнкүдөй редакцияда баяндалсын:

"2. Ыйгарым укуктуу мамлекеттик орган, салык кызматынын органдары, бажы органдары, жергиликтүү өз алдынча башкаруу органдары, ошондой эле базарлардын жана соода борборлорунун администрациялары эгерде алардын аракеттери Кыргыз Республикасынын салык мыйзамдарында каралса, салыктык укук мамилелери пайда болгондо укук ченемдүү аракеттенүүчүлөр деп таанылат. Ушул бөлүктүн биринчи абзацында көрсөтүлгөн субъекттерге Кыргыз Республикасынын салык мыйзамдарында каралбаган аракеттерди жүзөгө ашырууга тыюу салынат.";

4) 23-берененин 3-бөлүгүнүн 3-пункту төмөнкүдөй редакцияда баяндалсын:

"3) баалуу кагаздарды, жеке же юридикалык жактын капиталдагы үлүшүн же башка катышуу үлүшүн сатып алуу, өткөрүп берүү же сатуу, буга мындай иш кесиптик негизде жүргүзүлгөн учурлар кирбейт;";

5) 45-берененин 1-бөлүгүнүн 6-пункту төмөнкүдөй редакцияда баяндалсын:

"6) накталай эмес акча түрүндө, анын ичинде санариптик сомдор менен.";

6) 46-берененин 4-бөлүгү төмөнкүдөй мазмундагы 9-пункт менен толукталсын:

"9) өзгөчө укуктук режимдеги жана статустагы "Тамчы" атайын финансылык инвестициялык аймагындагы салык режими.";

7) 49-берененин 2-бөлүгү төмөнкүдөй редакцияда баяндалсын:

"2. Кыргыз Республикасынын аймагынан тышкары иш жүргүзүүчү субъекттин жалпы салык режимине ылайык салыктарды төлөө укугун кошпогондо, салык төлөөчү Кыргыз Республикасынын салык мыйзамдарында белгиленген башка укуктарга да ээ.";

8) 51-берененин 1-бөлүгүнүн 11-пункту төмөнкүдөй редакцияда баяндалсын:

"11) учурдагы салыктык эсепке алуу жери боюнча салык органына Кыргыз Республикасынын банктарында эсептердин ачылгандыгы же жабылгандыгы жөнүндө, анын ичинде Кыргыз Республикасынын чегинен тышкары жайгашкан эсептери жөнүндө маалыматты мындай эсептер ачылган же жабылган күндөн кийинки күндөн тартып 15 күндүн ичинде билдирүүгө;";

9) 53-беренеде:

а) 1 жана 2-бөлүктөр төмөнкүдөй редакцияда баяндалсын:

"1. Эгерде ушул беренеде башкача каралбаса, ушул Кодекстин талаптарына ылайык салык төлөөчүнүн салык милдеттенмесин аткарууга милдеттүү болгон уюм же жеке ишкер салык агенти болуп саналат. Мыйзам чыгаруу, сот, Кыргыз Республикасынын атайын статусу бар мамлекеттик бийликтин аткаруу органдары, Кыргыз Республикасынын Конституциясында аныкталган башка мамлекеттик орган, жергиликтүү өз алдынча башкаруу органы, ошондой эле Кыргыз Республикасынын мамлекеттик социалдык камсыздандыруу органы жана Кыргыз Республикасынын Депозиттерди коргоо боюнча агенттиги иши Кыргыз Республикасынын аймагында туруктуу мекеменин пайда болушуна алып келбеген, берүү жери болуп Кыргыз Республикасынын аймагы таанылган чет өлкөлүк уюм тарабынан алардын дарегине аткарылган жумуштар же кызмат көрсөтүүлөр боюнча КНС боюнча салык агенттери болуп саналбайт.

2. Салык агенти өзүнүн милдеттерин ушул Кодексте каралган жеңилдиктерди жана бошотууларды эске алуу менен төмөнкүлөргө карата аткарат:

1) кызматкерге эмгек келишими боюнча төлөнгөн суммалар, ошондой эле жеке жакка төлөнгөн жана ушул Кодекске ылайык салык салынууга тийиш болгон башка киреше боюнча киреше булагы катары киреше салыгына;

2) Кыргыз Республикасында туруктуу мекеме түзбөстөн иш жүргүзгөн чет өлкөлүк уюмдун кирешесинен алынуучу салыкка, киреше булагы катары;

3) чет өлкөлүк субъекттин киреше булагы деп таанылуучу капиталдагы үлүшүн же ата мекендик уюмдагы башка катышуу үлүшүн сатуудан алган кирешесинен алынуучу салыкка;

4) Кыргыз Республикасында туруктуу мекемеси жок, эсеби ачылган банктын дареги боюнча мамлекеттик каттоосуз салыктык каттоодон өткөн чет өлкөлүк уюмдун транзакциясына салыкка. Мында көрсөтүлгөн уюм эсеп ачкан банк бул салык боюнча салык агенти деп таанылат;

5) ушул Кодекстин 111-беренесинин 2-бөлүгүнө ылайык Кыргыз Республикасында катталган, 28-берененин 4-бөлүгүндө көрсөтүлгөн чет өлкөлүк уюмду кошпогондо, Кыргыз Республикасынын аймагы берүү орду болуп таанылган алардын дарегине иши Кыргыз Республикасынын аймагында туруктуу мекеменин пайда болушуна алып келбеген чет өлкөлүк уюм тарабынан аткарылган жумуштар же көрсөтүлгөн кызматтар боюнча КНСке.

Ушул пункт ушул Кодекс күчүнө кирген датага чейин түзүлгөн, ушул Кодекстин 3-беренесинде көрсөтүлгөн эл аралык келишимдерди же макулдашууларды ишке ашыруунун алкагында жумуштарды аткарууга жана/же кызматтарды көрсөтүүгө жайылтылбайт;

6) акциздик товар натыйжасы болуп саналган иштетип алма чийки затты кайра иштетүүчү субъект катары акциздик салыкка.";

б) 3-бөлүктө "салык милдеттенмелеринин суммасын эсептеп, кармап калууга жана бюджетке которууга" деген сөздөр "салык милдеттенмесин аткарууга" деген сөздөргө алмаштырылсын;

в) 7-бөлүктө "салык мезгили" деген сөздөр "ай" деген сөзгө алмаштырылсын;

10) 56-беренеде:

а) 4-бөлүктүн экинчи абзацы күчүн жоготту деп таанылсын;

б) 4-1-бөлүктүн биринчи абзацы төмөнкүдөй редакцияда баяндалсын:

"4-1. Салык органдарынын кызмат адамдарына чектүү атайын наамдар төмөнкүдөй тартипте ыйгарылат:";

в) 4-2-бөлүк төмөнкүдөй редакцияда баяндалсын:

"4-2. Ыйгарым укуктуу салык органынын кызмат адамдарына чектүү атайын наамдар төмөнкүдөй тартипте ыйгарылат:

1) кенже кызмат орундарына - жогорулашы боюнча салык кызматынын 2 жана 1-рангдагы инспектору атайын наамдары;

2) улук кызмат орундарына - салык кызматынын 3-рангдагы кеңешчиси атайын наамы;

3) башкы кызмат орундарына - жогорулашы боюнча салык кызматынын 2 жана 1-рангдагы кеңешчиси атайын наамдары;

4) ыйгарым укуктуу салык органынын жетекчисинин орун басарларына - салык кызматынын 3-рангдагы мамлекеттик кеңешчиси атайын наамдары;

5) ыйгарым укуктуу салык органынын жетекчисине - салык кызматынын 2-рангдагы мамлекеттик кеңешчиси атайын наамы.";

г) 6-бөлүк төмөнкүдөй редакцияда баяндалсын:

"6. Кезектеги атайын наамды ыйгаруу үчүн ар бир атайын наамда болуу мөөнөтү тиешелүү буйрукка кол коюлган учурдан тартып төмөнкүлөрдү түзүүгө тийиш:

1) салык кызматынын кенже инспектору - 1 жыл;

2) салык кызматынын 3, 2 жана 1-рангдагы инспектору - тиешелүү түрдө 2, 3 жана 4 жыл;

3) салык кызматынын 3 жана 2-рангдагы кеңешчиси - тиешелүү түрдө 5 жана 6 жыл.

Салык кызматынын 2 жана 1-рангдагы кеңешчиси атайын наамдары ыйгарым укуктуу салык органынын жетекчисинин чечими боюнча мурдагы атайын наамында жүргөн узактыгын эске албастан, ошондой эле салык кызматынын 1-рангындагы инспекторунан төмөн эмес атайын наамы болгон учурда ырааттуулукту сактабастан ыйгарылышы мүмкүн. Салык кызматынын 1-рангдагы кеңешчиси, салык кызматынын 1, 2 жана 3-рангдагы мамлекеттик кеңешчиси атайын наамдарында болуу мөөнөтү белгиленбейт.";

д) 9-бөлүк төмөнкүдөй редакцияда баяндалсын:

"9. Салык кызматынын органынын кызмат адамына өзгөчө учурларда анын кесипкөй сапаттарын, мамлекеттик бийлик органдарындагы иш стажын эске алуу менен кызматтык милдеттерин аткаруудагы өзгөчө жетишкендиктери үчүн дем берүү катары кезектеги атайын наам бир жолу ыйгарылышы мүмкүн:

1) мөөнөтүнөн мурда, мурдагы наамдагы кызматынын мөөнөтү аяктаганга чейин бир жыл мурда, бирок ээлеген кызматына ылайык келген атайын наамдан жогору эмес;

2) атайын наамдагы кызматынын мөөнөтү аяктагандан кийин ээлеген кызматына ылайык келген атайын наамдан бир тепкичке жогору.";

е) 11-бөлүктүн биринчи сүйлөмүндө "өткөн учурда" деген сөздөр "дайындалган учурда" деген сөздөргө алмаштырылсын;

11) 59-берененин 1-бөлүгүндө:

а) 12-пункт төмөнкүдөй редакцияда баяндалсын:

"12) мамлекеттик органдардан жана жергиликтүү өз алдынча башкаруу органдарынан, базарлардын жана соода борборлорунун администрацияларынан салык салуу объекттерине байланышкан маалыматты талап кылууга жана алууга;";

б) 14-пункт төмөнкүдөй редакцияда баяндалсын:

"14) жергиликтүү өз алдынча башкаруу органдарынын, ошондой эле базарлардын жана соода борборлорунун администрациясынын ушул Кодекске ылайык берилген мамлекеттик ыйгарым укуктарды аткаруу боюнча ишин контролдоого;";

в) 22-пункт төмөнкүдөй редакцияда баяндалсын:

"22) банктык төлөм карталарын жана/же электрондук акчаларды жана/же улуттук стандарттагы штрих-коддун (QR-коддун) эки өлчөмдүү символдорун жана/же башка накталай эмес төлөм инструменттерин пайдалануу менен төлөмдөрдү жүргүзүүгө арналган жабдуунун (программалык-техникалык түзүлүштүн) болушун жана колдонулушун, анын ичинде мындай жабдуунун катталуу фактысын контролдоо:

а) башка жакка; жана/же

б) ишкердик ишке байланышпаган жеке мүнөздөгү төлөмдөрдү жүргүзүүгө арналган субъекттин өзүнө;";

г) төмөнкүдөй мазмундагы 24-пункт менен толукталсын:

"24) салык постун орнотуу жана товардык-материалдык баалуулуктардын калдыктарын алуу мезгилинде ишкердик объектине видео байкоо тутумун орнотууга ";

12) 60-беренеде:

а) 1-бөлүктүн 23-пункту төмөнкүдөй редакцияда баяндалсын:

"23) ыйгарым укуктуу салык органынын расмий сайтына иши жашыруун мүнөзгө жана улуттук коопсуздукту камсыз кылууга байланышкан аскер кызматчыларын жана укук коргоо органдарынын кызматкерлерин кошпогондо, саясий, атайын, жогорку административдик мамлекеттик кызмат орундарын, саясий жана жогорку административдик муниципалдык кызмат орундарын ээлеген же ээлеп турган жактардын, мамлекеттик үлүшү бар юридикалык жактардын жетекчилеринин жана орун басарларынын, Кыргыз Республикасынын Улуттук банкынын башкармасынын, Кыргыз Республикасынын Шайлоо жана референдум өткөрүү боюнча борбордук комиссиясынын жана Кыргыз Республикасынын Сот адилеттиги иштери боюнча кеңешинин мүчөлөрүнүн, ошондой эле алардын жакын туугандарынын кирешелери, чыгымдары жана мүлкү жөнүндө жыйынды маалыматтарды жарыялоого;";

б) 3-бөлүк күчүн жоготту деп таанылсын;

13) 62-берененин 2-бөлүгүндө "ушул Кодекстин 127-беренесинин 2-бөлүгүнүн 1, 3, 6-пункттарында каралган" деген сөздөр "Министрлер Кабинети тарабынан аныкталган тартипте" деген сөздөргө алмаштырылсын;

14) төмөнкүдөй мазмундагы 62-1-берене менен толукталсын:

"62-1-берене. Базарлардын жана соода борборлорунун администрацияларынын салыктык укук мамилелери чөйрөсүндөгү укуктары жана милдеттери

1. Базарлардын жана соода борборлорунун администрациялары базарлардын жана соода борборлорунун аймагында иш жүргүзгөн субъекттер тарабынан Кыргыз Республикасынын салык мыйзамдарынын талаптарынын сакталышын контролдойт.

2. Базарлардын жана соода борборлорунун администрациялары тарабынан ушул Кодекстин XIV бөлүмүндө, 56, 57 жана 63-главаларында каралган салыктардын төлөнүшүн контролдоо тартиби Министрлер Кабинетинин токтому менен бекитилет.";

15) 64-берененин 1-бөлүгүнүн 1-пункту төмөнкүдөй редакцияда баяндалсын:

"1) салык төлөөчүнүн реквизиттери (аталышы же фамилиясы, аты, ИСН, ОКПО коду, камсыздандыруу төгүмдөрүн төлөөчүнүн каттоо номери) жөнүндө, салыктык каттоо фактысы жана статусу, салык режиминде колдонулуучу иштин түрлөрү жана салыктын ставкасы жөнүндө;";

16) 68-берененин 2-1-бөлүгү төмөнкүдөй редакцияда баяндалсын:

"2-1. Ушул Кодекске ылайык эсептелген туумдар жана салык санкциясы боюнча доонун эскирүү мөөнөтү төлөбөгөндүгү үчүн бул туумдар эсептелген жана салык санкциясы колдонулган өнбөгөн калдык боюнча доонун эскирүү мөөнөтүнө теңдештирилет.";

17) 69-беренеде:

а) 3-бөлүк төмөнкүдөй редакцияда баяндалсын:

"3. Салыктын бардык эсептелген суммасын төлөө эсебине накталай эмес формада, анын ичинде санариптик сом менен төлөө салык милдеттенмесин аткаруу болуп саналат.";

б) төмөнкүдөй мазмундагы 8-бөлүк менен толукталсын:

"8. Салык төлөөчү салык милдеттенмесин Бирдиктүү салык эсеби аркылуу аткарууну тандап алууга укуктуу.";

18) 70-берененин 1-бөлүгүндө:

а) 5-пункт төмөнкүдөй редакцияда баяндалсын:

"5) салык кызматынын органы тарабынан салыктардын ашыкча төлөнгөн же ашыкча өндүрүлгөн суммаларын салык кызматынын органы салык карызын жабуу жана/же алдыдагы салык милдеттенмесин аткаруу эсебине чегерүү жөнүндө, ошондой эле салыктын туура эмес төлөнгөн суммасын чегерүү же кайтарып берүү тууралуу чечим кабыл алынган күн;";

б) төмөнкүдөй мазмундагы 7-9-пункттар менен толукталсын:

"7) салык кызматынын органы тарабынан салык органынын депозиттик эсебинен салык төлөөчүнүн салык милдеттенмелерин аткаруу эсебине акча каражаттарын которуу жөнүндө чечим кабыл алынган күн;

8) салыктык укук бузуу фактысы боюнча кылмыш иши үчүн салык карызынын суммасы укук коргоо органдарынын депозиттик эсебине төлөнгөн күн;

9) салыктар бирдиктүү салык төлөмү менен Бирдиктүү салык эсеби аркылуу төлөнгөн күн;";

19) 72-берененин 5-бөлүгү төмөнкүдөй редакцияда баяндалсын:

"5. Ушул берененин 2-бөлүгүндө каралган бардык талаптар сакталган учурда салык органы ушул берененин 2-бөлүгүндө көрсөтүлгөн документтер берилген учурдан тартып 5 жумуш күндүн ичинде салык милдеттенмесин аткаруунун жеңилдетилген режимин колдонуу жөнүндө чечим чыгарат жана туумдардын пайыздарынын жана салык санкциясынын калган бөлүктөрүн эсептен чыгарат.";

20) 81-берененин 2-бөлүгү төмөнкүдөй мазмундагы абзац менен толукталсын:

"Салык төлөөчү тарабынан таанылган салык карызынын аткарылышын камсыз кылуу жөнүндө кабарлоо мындай кабарлоодо көрсөтүлгөн өнбөгөн калдыкты төлөбөгөндүгү үчүн ушул Кодексте белгиленген тартипте эсептелген туумдарга жана/же салык санкциясына да тиешелүү суммаларга карата жаңы кабарлоо чыгаруунун жана тапшыруунун зарылдыгысыз колдонулат.";

21) 82-берененин 7-бөлүгү төмөнкүдөй мазмундагы 9-пункт менен толукталсын:

"9) салык төлөөчү жалпы салык режиминен бөлүп төлөө берилген атайын салык режимине өткөндө келип чыгуучу КНС боюнча салык милдеттенмесинин суммасына.";

22) 83-берененин 4-бөлүгү төмөнкүдөй редакцияда баяндалсын:

"4. Салык төлөөчүгө банк кепилдигин берген кепилге банк кепилдигинде көрсөтүлгөн сумманы төлөө жөнүндө талап салык органы тарабынан ушул Кодекстин 92-беренесинде каралган учурларда кийинкиге мөөнөтүн жылдыруу жана/же бөлүп төлөө мөөнөтүнөн мурда токтотулган учурдан тартып коюлат.";

23) 85-берене төмөнкүдөй редакцияда баяндалсын:

"85-берене. Салыктык төлөм талабы

1. Салык төлөөчү тарабынан таанылган салык карызын салык төлөөчү ыктыярдуу тартипте төлөбөгөн учурда салык органы салык төлөөчүнүн банктардагы эсептеринде турган акча каражаттарынын эсебинен мындай карыздын суммасын, ошондой эле электрондук акча жана төлөм тутумдарынын операторлорунда жайгаштырылган анын электрондук акча каражаттарын ыйгарым укуктуу салык органы бекиткен форма боюнча СТТ коюу жолу менен өндүрүп алууга укуктуу.

2. СТТ салык органдары тарабынан салык төлөөчүнүн эсептеринин бар же жок экендигин сурабастан Кыргыз Республикасынын аймагында иштеп жаткан бардык банктарга жана электрондук акча жана төлөм тутумунун операторлоруна жиберилет.

3. Салык төлөөчүнүн банктарда же электрондук акча жана төлөм тутумдарынын операторунда эсептери болгон учурда СТТ биринчи кезектеги тартипте банктарга жана электрондук акча жана төлөм тутумдарынын операторлоруна СТТ келип түшкөн күндөн кийинки бир жумуш күндөн кечиктирбестен акча каражаттарын, анын ичинде валюталык каражаттарды салык карызын төлөө эсебине эсептен чыгаруу жолу менен аткарылат.

4. СТТ ал аткарылганга чейин же банктар, электрондук акча операторлору салык кызматынын органынан ушул Кодекстин 79-беренесине ылайык салык милдеттенмеси токтотулгандыгы жөнүндө маалыматты алганга чейин кайсынысы мурда пайда болгонуна жараша жарактуу болот.

5. Жаңы эсептер ачылганда мурда жиберилген СТТ алар ачылган учурдан тартып колдонулат.

6. Банктар жана электрондук акча жана төлөм тутумдарынын операторлору СТТ койгон салык кызматынын органдарына анын аткарылгандыгы же эсептин же акча каражаттарынын жоктугуна байланыштуу аткарылбагандыгы, ошондой эле мындай эсептерде болгон сумманын чегинде жарым-жартылай аткарылгандыгы жөнүндө маалыматты 5 жумуш күндүн ичинде жөнөтөт.

7. Банк, электрондук акча жана төлөм тутумдарынын оператору СТТны алган күнү салык төлөөчүнүн эсептеринде акча каражаттары жетишсиз же жок болгон учурда мындай талап биринчи кезектеги тартипте салык төлөөчүнүн эсептерине акча каражаттарынын түшүүсүнө жараша ар бир мындай келип түшкөн күндөн кийинки бир жумуш күндөн кеч эмес аткарылат.

8. Калкты электр, жылуулук энергиясы жана/же отун ресурстары менен камсыз кылууга тартылган уюмдардын эсептешүү эсебине СТТ коюлууга тийиш эмес.

Ушул бөлүктө көрсөтүлгөн уюмдардын тизмеги, ошондой эле мындай уюмдардын эсептешүү эсептерине СТТ коюуга жол берилбеген мезгил Министрлер Кабинети тарабынан бекитилет.";

24) 88-берененин 2-бөлүгүнүн экинчи абзацында "же болбосо анын бөлүктөрүнө" деген сөздөр алып салынсын;

25) 91-беренеде:

а) 7-бөлүктүн экинчи абзацы төмөнкүдөй редакцияда баяндалсын:

"Салык төлөөчүнүн арызын кароо мезгилинде салык органдары тарабынан салык карызын мажбурлап өндүрүү чаралары, субъектке карата мындай чаралар көрүлгөн учурларды кошпогондо, токтотулуп турат.";

б) 13-бөлүк төмөнкүдөй редакцияда баяндалсын:

"13. Эгерде мөөнөтүн кийинкиге жылдыруу же бөлүп төлөө тууралуу арыз берилген салык карызына карата соттун өндүрүп алуу жөнүндө чечими жок болсо, төмөнкүлөргө мөөнөтүн кийинкиге жылдыруу же бөлүп төлөө банк кепилдигисиз берилиши мүмкүн:

- стратегиялык объекттерди жөнгө салуу чөйрөсүндөгү мыйзамдарга ылайык стратегиялык объекттердин тизмегине киргизилген ата мекендик уюмдарга, 18 айдан ашпаган мөөнөткө;

- мамлекеттик жана муниципалдык мекемелерге, ошондой эле 25 пайыздан кем эмес мамлекеттик үлүшү бар уюмдарга, 18 айдан ашпаган мөөнөткө.

Банк кепилдиги болгон учурда мөөнөтүн кийинкиге жылдыруу же бөлүп төлөө жалпы тартипте берилет.";

в) төмөнкүдөй мазмундагы 13-1-бөлүк менен толукталсын:

"13-1. Салык төлөөчүнүн жалпы салык режиминен атайын салык режимине өткөндө келип чыккан КНС боюнча салык милдеттенмесине карата бөлүп төлөө банктын кепилдигисиз эки жылдан ашпаган мөөнөткө арыз боюнча берилиши мүмкүн.";

26) 93-беренеде:

а) 5-бөлүк төмөнкүдөй редакцияда баяндалсын:

"5. Ушул берененин 2-бөлүгүндө каралган шарттар аткарылган учурда салык төлөөчүнүн арызы боюнча салыктын, ошондой эле пайыздардын, туумдардын жана салык санкцияларынын ашыкча төлөнгөн суммасы башка салыктар боюнча келечектеги мезгилдердеги салык милдеттенмелерин аткаруунун эсебине чегерилүүгө тийиш же болбосо Бирдиктүү салык эсебине чегерилүүгө тийиш же салык төлөөчүгө кайтарып берилет.";

б) 10-бөлүк күчүн жоготту деп таанылсын;

в) 11-бөлүк төмөнкүдөй редакцияда баяндалсын:

"11. Салыктын, ошондой эле пайыздардын, туумдардын жана салыктык санкциялардын ашыкча төлөнгөн суммасы Бирдиктүү салык эсебине чегерилүүгө жана/же салык төлөөчүнүн аткарыла элек салык милдеттенмеси жок болгон учурда салык төлөөчүгө анын жазуу жүзүндөгү арызы боюнча кайтарып берилүүгө тийиш.";

27) 94-беренеде:

а) 5-бөлүктүн 1-пункту төмөнкүдөй редакцияда баяндалсын:

"1) жаңылыш төлөнгөн сумманы бюджеттик классификациянын тиешелүү төлөм кодуна жана/же салык органынын тиешелүү топтоочу эсебине жана/же Бирдиктүү салык эсебине чегерет;";

б) 7-бөлүк төмөнкүдөй редакцияда баяндалсын:

"7. Бирдиктүү салык эсебине чегерүү жана/же салык төлөөчүнүн эсебине кайтарып берүү салык төлөөчүнүн салыктык карызы жок болгон учурда жүргүзүлөт.";

28) 95-берене күчүн жоготту деп таанылсын;

29) 97-беренеде:

а) 1-бөлүктүн экинчи абзацы күчүн жоготту деп таанылсын;

б) 1-1-бөлүк төмөнкүдөй редакцияда баяндалсын:

"1-1. Эгерде ушул Кодексте башкача каралбаса, ушул беренеде каралган чечимдердин жана башка документтердин формалары ыйгарым укуктуу салык органы тарабынан бекитилет.";

в) төмөнкүдөй мазмундагы 1-2-бөлүк менен толукталсын:

"1-2. Электрондук документ түрүндөгү кат-кабарларды алууга салык төлөөчүнүн макулдугусуз ыйгарым укуктуу салык органынын маалымат тутуму же башка маалымат тутумдары аркылуу төмөнкүлөр жиберилиши мүмкүн:

1) салык төлөөчү тааныган салык карызынын аткарылышын камсыз кылуу жөнүндө билдирүү;

2) камералдык текшерүүнүн жыйынтыгы жөнүндө чечим;

3) көчмө текшерүүнүн жыйынтыгы боюнча чечим;

4) мүлк салыгынын суммасын эсептөө жөнүндө салык кызматынын органынын билдирүүсү;

5) салыктар, салыктык эмес кирешелер жана камсыздандыруу төгүмдөрү боюнча карыздын суммасын төлөө боюнча мөөнөтүн кийинкиге жылдыруу же бөлүп төлөө мүмкүнчүлүгүн берүү же берүүдөн баш тартуу жөнүндө чечим;

6) салык карызынын суммасын төлөө боюнча мөөнөтүн кийинкиге жылдыруу же бөлүп төлөө шарттарын бузууну четтетүү жөнүндө;

7) салык милдеттенмесин аткаруунун жеңилдетилген режимин колдонуу жөнүндө.";

г) төмөнкүдөй мазмундагы 2-1-бөлүк менен толукталсын:

"2-1. Салык төлөөчүнүн ишинин көрсөткүчтөрүнүн шайкеш эместиги аныкталгандыгы жөнүндө билдирүү жана камералдык текшерүүнүн маалымкаты же камералдык текшерүүнүн жыйынтыгы жөнүндө чечим салык отчеттуулугунда салык төлөөчү тарабынан көрсөтүлгөн акыркы расмий дарек боюнча тапшырылгандыгы жөнүндө кабарлоо менен салык төлөөчүгө почта аркылуу буюртма кат менен жиберилген жана бул салык төлөөчү табылбаган учурда жиберилген жогоруда белгиленген билдирүү жана чечим кайтаруу жөнүндө документте көрсөтүлгөн кайтарылган буюртма катты салык органы алган датага карата тапшырылды деп эсептелет.";

д) 6-бөлүк төмөнкүдөй редакцияда баяндалсын:

6. Салык төлөөчүгө же анын салык өкүлүнө төмөнкүдөй чечимдер берилет:

1) каттоодон баш тартуу жөнүндө;

2) салыктык каттоону жокко чыгаруу жөнүндө;

3) көчмө текшерүүнүн жыйынтыгы жөнүндө;

4) камералдык текшерүүнүн жыйынтыгы жөнүндө;

5) салык милдеттенмесин аткаруунун жеңилдетилген режимин колдонуу жөнүндө;

6) салык төлөөчүнүн даттануусу боюнча;

7) көчмө текшерүүнү дайындоо жана/же узартуу жана/же токтотуп туруу, жана/же жандандыруу жөнүндө;

8) салык төлөөчү тарабынан текшерилүүчү документтерди берүү жөнүндө;

9) салык төлөөчүнүн депозити жөнүндө;

10) салык карызынын суммасын төлөө боюнча мөөнөтүн кийинкиге жылдыруу/бөлүп төлөө мүмкүнчүлүгүн берүү же берүүдөн баш тартуу жөнүндө;

11) салык карызынын суммасын төлөө боюнча мөөнөтүн кийинкиге жылдыруу же бөлүп төлөө шарттарын бузууну четтетүү жөнүндө;

12) салык отчетторун берүү мөөнөтүн узартуу жөнүндө;

13) салыктардын ашыкча төлөнгөн же ашыкча өндүрүлүп алынган суммаларын салык төлөөчүнүн арызы боюнча салык карызынын эсебине жана/же алдыдагы салык милдеттенмесин аткаруу эсебине чегерүү жөнүндө;

14) салык кызматынын органы өз алдынча өндүргөн салыктын ашыкча төлөнгөн суммасын чегерүү жөнүндө;

15) КНСтин ашыкча төлөнгөн суммасынын ордун толтуруу/кайтарып берүү тууралуу же ордун толтуруудан/кайтарып берүүдөн баш тартуу жөнүндө;

16) эсеп-фактураны жараксыз деп таануу жөнүндө;

17) салык кызматынын органынын мурда кабыл алынган чечимин жокко чыгаруу жөнүндө;

18) КНСтин ашыкча төлөнгөн суммасынын өлчөмүнүн негиздүүлүгүн жана түзүлгөнүн камералдык текшерүүнүн жыйынтыктары жөнүндө;

19) уюмду жоюуда же жеке ишкердин ишин токтотууда изилдөө материалдарын карап чыгуунун жыйынтыктары жөнүндө;

20) салык милдеттенмесинин эсептелген же азайтылган суммасы жөнүндө;

21) товарларды баштапкы документтери жок сатып алгандыгы үчүн салык санкциясын колдонуу жөнүндө;

22) өзгөчө режимдеги соода зонасындагы ишке салыкты колдонуу жөнүндө же колдонуудан баш тартуу жөнүндө;

23) өзгөчө режимдеги соода зонасындагы ишке салыкты колдонуу жөнүндө же колдонуудан баш тартуу жөнүндө чечимди жокко чыгаруу тууралуу;

24) салык органынын депозиттик эсебинен салыктар боюнча милдеттенмелерди аткаруу эсебине акча каражаттарын которуу же баш таруу жөнүндө;

25) Министрлер Кабинети же ыйгарым укуктуу салык органы тарабынан аныкталуучу башка чечимдер.";

30) 104-берененин 2-4-бөлүктөрү төмөнкүдөй редакцияда баяндалсын:

"2. Салык отчеттуулугуна өзгөртүүлөрдү жана толуктоолорду киргизүү салык төлөөчү тарабынан такталган салык отчетун түзүү, ошондой эле салык милдеттенмесинин өлчөмүнүн өзгөрүшүнүн себептери жөнүндө тиешелүү маалыматтарды берүү жолу менен жүргүзүлөт.

3. Такталган салык отчету бул өзгөртүүлөр жана толуктоолор кирген салык мезгили үчүн төмөнкүдөй учурда берилет:

1) эгерде ушул Кодексте башкача каралбаса, ушул Кодекске ылайык төлөнүүгө тийиш болгон салыктын суммасын эсептөө, кармап калуу үчүн салыктык база түзөтүлгөн учурда;

2) берилген салык отчеттуулугунда операцияларды чагылдырбоо же толук эмес чагылдыруу фактысы, ошондой эле салыктын суммасынын өзгөрүшүнө алып келүүчү каталар табылган учурда.

4. Төмөнкүдөй салык отчеттуулугуна өзгөртүүлөрдү жана толуктоолорду киргизүүгө жол берилбейт:

1) текшерилүүчү салык мезгилинде - көчмө салыктык текшерүүнү жүргүзүү мезгилинде, анын ичинде мындай текшерүүнү ушул Кодекстин талаптарына ылайык токтото туруу учурларында;

2) салыктык текшерүүнүн жыйынтыгы боюнча салык кызматынын органынын чечими болгон жана бул чечим жокко чыгарылбаган салык мезгили үчүн;

3) карызды өндүрүү жөнүндө соттун чечими же салык кызматынын органдарынын аткаруу документтери боюнча аткаруу өндүрүшү болгондо.";

31) 107-берене төмөнкүдөй редакцияда баяндалсын:

"107-берене. Мамлекеттик жана муниципалдык кызматчылар жана айрым жеке жактар тарабынан Бирдиктүү салык декларациясын берүү өзгөчөлүктөрү

1. Ушул берененин колдонулушу төмөнкүдөй жеке жактарга карата жайылтылат:

1) саясий, атайын мамлекеттик кызмат ордун ээлеген же убактылуу ээлеп турган адамга;

2) административдик мамлекеттик кызмат ордун ээлеген же убактылуу ээлеп турган адамга;

3) мөөнөттүү аскер кызматын өтөп жаткан аскер кызматчыларын, жогорку аскердик окуу жайларынын курсанттарын, угуучуларын жана иши жашыруун мүнөзгө байланышкан укук коргоо органдарынын аскер кызматчыларын, кызматкерлерин кошпогондо, укук коргоо органдарынын, дипломатиялык кызматтардын кызматкерлерине жана аскер кызматчыларына;

4) саясий жана административдик муниципалдык кызмат орундарын убактылуу ээлеп турган жана ээлеген адамга;

5) Улуттук банктын төрагасына, төрагасынын орун басарына, башкармасынын мүчөлөрүнө;

6) Кыргыз Республикасынын Шайлоо жана референдум өткөрүү боюнча борбордук комиссиясынын мүчөсүнө;

7) Кыргыз Республикасынын Сот адилеттиги иштери боюнча кеңешинин мүчөсүнө;

8) мамлекеттик катышуу үлүшү бар мекемелердин, ишканалардын же уюмдардын жетекчисине, жетекчисинин орун басарына.

2. Ушул берененин 1-бөлүгүндө көрсөтүлгөн жеке жак отчеттук жыл үчүн Кыргыз Республикасында жана анын аймагынан тышкары ага, ошондой эле анын жакын туугандарына таандык болгон кирешелер, чыгымдар, милдеттенмелер жана мүлк, ошондой эле кирешелерди алуунун жана кетирген чыгымдардын негиздемеси жөнүндө маалыматтарды камтыган бирдиктүү салык декларациясын жашаган жери боюнча (паспорттук маалыматтарга ылайык) салык органына электрондук түрдө берүүгө милдеттүү.

Ушул берененин максаттары үчүн жакын туугандары деп жубайы (жолдошу), жашы жете элек балдары, декларанттын багуусунда же толук камкордугунда турган, же декларант тарабынан багууга укугу бар адамдар, аларга карата декларанттар жашоого, билим алууга, саламаттык сактоого жана башка зарыл чыгымдарды жабуу бөлүгүндө финансылык чыгымдарды тарткан жашы жеткен балдары, ата-энелери, ага-инилери жана эже-карындаштары таанылат.

3. Отчеттук жыл болуп төмөнкүлөр саналат:

1) 1-январдан тартып 31-декабрга чейинки мезгил;

2) эгерде ушул берененин 1-бөлүгүндө көрсөтүлгөн жеке жак кызмат ордун отчеттук жылдын 1-январынан кийин убактылуу ээлеп турууну же ээлөөнү баштаса, анда бул адам кызмат ордун ээлеп баштаган айдын биринен ошол жылдын 31-декабрына чейинки мезгил;

3) эгерде ушул берененин 1-бөлүгүндө көрсөтүлгөн жеке жак отчеттук жылдын 31-декабрына чейин кызмат ордун убактылуу ээлеп турууну же ээлөөнү токтотсо, анда 1-январдан тартып бул адам кызмат убактылуу ордун ээлеп турууну же ээлөөнү токтоткон айдын акыркы күнүнө чейинки мезгил.

4. Доонун эскирүү мөөнөтүнүн ичинде салыктын суммасын өзгөртүүгө алып келген каталар аныкталган учурларда өзгөртүүлөрдү жана/же толуктоолорду киргизүүнү кошпогондо, ушул берененин 1-бөлүгүндө көрсөтүлгөн жеке жак отчеттук жыл үчүн мурда берилген бирдиктүү салык декларациясына өзгөртүүлөрдү жана толуктоолорду отчеттук жылдан кийинки жылдын 30-июнунан кечиктирбестен киргизе алат.

5. Мамлекеттик, муниципалдык кызматчынын жана айрым жеке жактын бирдиктүү салык декларациясына талдоо жана изилдөө жүргүзүү тартиби жөнүндө жобо жана Мамлекеттик органдардын жана жергиликтүү өз алдынча башкаруу органдарынын мамлекеттик жана муниципалдык кызмат орундарын убактылуу ээлеп турган же ээлеген жеке жактар жөнүндө маалымат берүү тартиби Министрлер Кабинети тарабынан бекитилет.

6. Бирдиктүү салык декларациясы өз убагында берилбеген же берилбеген учурларда, ошондой эле берилген декларацияда толук эмес жана/же анык эмес маалыматтар аныкталган учурларда салык кызматынын органдары тийиштүү материалдарды Кыргыз Республикасынын мыйзамдарында каралган чараларды көрүү үчүн прокуратура органдарына жөнөтүүгө милдеттүү.";

32) 108-берененин 4-пунктунун "б" пунктчасы төмөнкүдөй редакцияда баяндалсын:

"б) программалык камсыздоо болуп саналган контролдук-кассалык машина (мындан ары - программалык ККМ) деп ККМ реестрине киргизилген жана маалымат тутуму менен интеграциялоодо иштеген программалык камсыздоо таанылат;";

33) 109-беренеде:

а) 1-бөлүк төмөнкүдөй редакцияда баяндалсын:

"1. Салыктык контролдоо болуп Кыргыз Республикасынын салык мыйзамдарынын аткарылышына салык органынын контролу саналат.";

б) 4-бөлүк күчүн жоготту деп таанылсын;

в) төмөнкүдөй мазмундагы 5-бөлүк менен толукталсын:

"5. Салык төлөөчүнүн патенттин негизинде жүргүзгөн иши утурлама текшерүүдөн тышкары, патенттин колдонуу мезгилинде көчмө салыктык текшерүүгө тийиш эмес. Салыктык контролдоонун башка формалары ушул Кодекске ылайык жүзөгө ашырылат.";

34) 110-берененин 5-бөлүгү төмөнкүдөй редакцияда баяндалсын:

"5. Ушул Кодекстин максаттары үчүн патенттин негизинде жеке ишкердик иш жүргүзгөн же өзгөчө режимдеги соода зонасындагы ишке салык төлөгөн жеке жакты салыктык каттоо жеке ишкер катары мамлекеттик каттоо деп таанылат жана жеке ишкер катары каттоого арыз бербестен автоматтык түрдө жүзөгө ашырылат.";

35) 111-беренеде:

а) 1-бөлүк төмөнкүдөй редакцияда баяндалсын:

"1. Эгерде ушул берененин 2-бөлүгүндө башкача каралбаса, салык төлөөчүнү салыктык каттоо төмөнкүлөрдүн негизинде жүргүзүлөт:

1) патенттин негизинде иш жүргүзгөн же өзгөчө режимдеги соода зонасындагы ишке салык төлөгөн жеке жакты кошпогондо, электрондук документ түрүндөгү салык төлөөчүнүн салыктык каттоо жөнүндө арызынын же жеке жактын жеке ишкер катары мамлекеттик каттоо жөнүндө арызынын;

2) ушул Кодекстин 17-главасында көрсөтүлгөн органдар тарабынан берилген маалыматтын;

3) салык органы тарабынан аныкталган, жакты салык төлөөгө милдеттендирүүчү ушул Кодексте каралган жагдайлардын;

4) Кыргыз Республикасында туруктуу мекемеси жок жана Кыргыз Республикасынын банкында эсеп ачып жаткан чет өлкөлүк уюмду салыктык каттоо зарылдыгы жөнүндө банктын жайгашкан жери боюнча салык органына жиберилүүчү банктын кабарлоосунун.

Ушул бөлүктүн 2 жана 3-пункттарында каралган учурларда салык милдеттенмесин аткаруу максатында салык төлөөчү анда салык милдеттенмеси пайда болгон салык мезгилинен тартып катталган болуп эсептелет. Ушул бөлүктүн 3-пунктунда каралган учурда салыктык каттоо салык органы тарабынан бирдиктүү салыктын негизинде салык салуунун жөнөкөйлөтүлгөн тутумуна мажбурлоо тартибинде жүргүзүлөт. Бирдиктүү салыктын негизиндеги режимди колдонуу мүмкүн болбогон учурда каттоо жалпы салык режимине жүргүзүлөт. Жеке ишкерлерди салыктык каттоо жеке ишкерлер катары мамлекеттик каттоо деп таанылат. Ушул бөлүктүн 4-пунктуна ылайык салыктык каттоодон өткөн чет өлкөлүк уюм Кыргыз Республикасынын аймагында транзакцияларды жүзөгө ашыруу боюнча гана ишти жүргүзүүгө укуктуу. Башка ишти жүзөгө ашырган учурда мындай уюмду каттоо Кыргыз Республикасынын юридикалык жактарын, филиалдарын (өкүлчүлүктөрүн) мамлекеттик каттоо жөнүндө мыйзамдарда белгиленген тартипте жүргүзүлөт.";

б) 2-бөлүктүн экинчи жана үчүнчү абзацтары төмөнкүдөй редакцияда баяндалсын:

"Ушул бөлүктүн биринчи абзацында, ошондой эле ушул берененин 1-бөлүгүнүн 4-пунктунда көрсөтүлгөн уюм мамлекеттик каттоодон өтпөстөн салыктык каттоого тийиш. Ыйгарым укуктуу салык органынын ачык расмий веб-сайтында жайгаштырылган маалыматтык ресурс аркылуу салыктык каттоонун, ошондой эле ушул берененин 1-бөлүгүнүн 4-пунктунда көрсөтүлгөн уюмду салыктык каттоонун тартиби Министрлер Кабинети тарабынан аныкталат.";

в) 4-бөлүктө:

- 2-пункт төмөнкүдөй редакцияда баяндалсын:

"2) патенттин негизинде иш жүргүзгөн же өзгөчө режимдеги соода зонасындагы ишке салык төлөгөн жеке жакты кошпогондо, жеке эмгек ишин, ишкердик ишти жүргүзүү тууралуу чечим кабыл алган жеке жак - мындай ишти жүзөгө ашырганга чейин салык органына;";

- төмөнкүдөй мазмундагы 5-пункт менен толукталсын:

"5) Кыргыз Республикасында туруктуу мекемеси жок, банкта эсеп ачып жаткан чет өлкөлүк уюм - банкта эсеп ачканга чейин салык органына.";

г) 5-бөлүктө:

- 1-пункт төмөнкүдөй редакцияда баяндалсын:

"1) салык төлөөчүнүн арызы боюнча салыктык каттоо жөнүндө арыз берилген күндөн кийинки бир жумуш күндүн ичинде;";

- төмөнкүдөй мазмундагы 3-пункт менен толукталсын:

"3) Кыргыз Республикасында туруктуу мекемеси жок жана Кыргыз Республикасынын банкында эсеп ачып жаткан чет өлкөлүк уюмду салыктык каттоо зарылдыгы жөнүндө банктын кабарлоосун алган күндөн кийинки бир жумуш күндүн ичинде.";

д) 6-бөлүк төмөнкүдөй мазмундагы 5-пункт менен толукталсын:

"5) Кыргыз Республикасында туруктуу мекемеси жок, Кыргыз Республикасынын банкында эсеп ачып жаткан чет өлкөлүк уюм үчүн - банктын катталган жери боюнча салык органында.";

36) 113-берененин 5-бөлүгү төмөнкүдөй редакцияда баяндалсын:

"5. Каттоо картасы салык төлөөчүнүн кабинети аркылуу электрондук түрдө жөнөтүлөт. Салык төлөөчүнүн каттоо картасынын формасы ыйгарым укуктуу салык органы тарабынан белгиленет.";

37) 114-беренеде:

а) 3-бөлүк төмөнкүдөй мазмундагы 3-пункт менен толукталсын:

"3) жеке жактын патент алуу фактысынын.";

б) 4-бөлүк төмөнкүдөй редакцияда баяндалсын:

"4. Уюм же жеке ишкер обочолонгон бөлүмдүн жайгашкан жери боюнча салык органына анын иши башталганга чейин эсептик каттоо жөнүндө арыз берүүгө милдеттүү. Патенттин негизинде иш жүргүзгөн жеке ишкерди же жеке жакты эсептик каттоо тиешелүү аймакта патент алууда эсептик каттоого арыз бербестен автоматтык түрдө жүргүзүлөт.";

в) 6-бөлүк төмөнкүдөй редакцияда баяндалсын:

"6. Салык төлөөчүнү эсептик каттоо салык органы тарабынан төмөнкүдөй жүргүзүлөт:

1) салык төлөөчү арыз берген күндөн кийинки бир жумуш күндүн ичинде;

2) салык салуу объекттерин эсепке алууну жана/же каттоону жүзөгө ашыруучу ыйгарым укуктуу органдар берген маалыматтар келип түшкөн күндөн кийинки 3 жумуш күндүн ичинде.";

38) 115-беренеде:

а) 1-бөлүктө:

- 3-пункт төмөнкүдөй редакцияда баяндалсын:

"3) жеке ишкер ушул Кодексте каралган тартипте аракетсиз салык төлөөчү деп таанылгандыгына;";

- төмөнкүдөй мазмундагы 5-пункт менен толукталсын:

"5) ушул Кодекстин 111-беренесинин 1-бөлүгүнүн 4-пунктунда көрсөтүлгөн чет өлкөлүк уюмдун Кыргыз Республикасынын банкындагы эсебинин жабылгандыгына.";

б) 2-бөлүк төмөнкүдөй мазмундагы 5-пункт менен толукталсын:

"5) ушул Кодекстин 111-беренесинин 1-бөлүгүнүн 4-пунктунда көрсөтүлгөн чет өлкөлүк уюмдун Кыргыз Республикасынын банкындагы эсебинин жабылышы жөнүндө банктын кабарлоосунун";

в) 3-бөлүк төмөнкүдөй мазмундагы 4-пункт менен толукталсын:

"4) жеке жак тарабынан тиешелүү райондун/шаардын аймагында акыркы патенттин колдонуу мөөнөтү аяктаган датадан тартып 30 күндөн ашык патент алынбаган.";

г) 4-бөлүк төмөнкүдөй мазмундагы 3-пункт менен толукталсын:

"3) жеке жак тарабынан тиешелүү райондун/шаардын аймагында акыркы патенттин колдонуу мөөнөтү аяктаган датадан тартып 30 күндөн ашык патент алынбагандыгынын.";

д) 5-бөлүктө "арызы боюнча" деген сөздөр алып салынсын;

е) 6-бөлүк төмөнкүдөй редакцияда баяндалсын:

"6. Салык органы салык төлөөчүнүн салыктык каттоосун жокко чыгаруу жөнүндө чечим кабыл алат, каттоону жокко чыгаруу жөнүндө маалыматты Салык төлөөчүлөрдүн мамлекеттик реестрине киргизет жана ушул Кодексте каралган тартипте салыктык каттоону жокко чыгаруу жөнүндө чечимди салык төлөөчүгө жиберет.";

39) 116-берененин 3-бөлүгүнүн 1-пункту төмөнкүдөй редакцияда баяндалсын:

"1) салык төлөөчү тарабынан талашылбаган же негиздүүлүгү сот тарабынан ырасталган, салыктык текшерүүнүн жыйынтыгы боюнча салык кызматынын органынын чечиминин негизинде берилген салык отчеттуулугунан тышкары, салык төлөөчү тарабынан берилген салык отчеттуулугунун;";

40) 12-глава төмөнкүдөй мазмундагы 116-2-берене менен толукталсын:

"116-2-берене. Бирдиктүү салык эсеби. Бирдиктүү салык төлөмү

1. Бирдиктүү салык эсеби - бул салык милдеттенмесин аткаруу ыкмасы, анын жардамы менен салык төлөөчү Бирдиктүү салык эсебине бирдиктүү салык төлөмү менен салык милдеттенмесин төлөйт.

2. Бирдиктүү салык төлөмү деп салык төлөөчү Бирдиктүү салык эсебине салган жана/же которгон акча каражаттары таанылат.

Ушул Кодекстин максаттары үчүн бирдиктүү салык төлөмү деп салык органы тарабынан салык төлөөчүнүн салыгынын ашыкча же туура эмес төлөнгөн суммасын Бирдиктүү салык эсебине чегерүү жөнүндө чечим кабыл алынгандыгына байланыштуу тиешелүү чечим кабыл алынган күнү Бирдиктүү салык эсебинде эсепке алынууга тийиш болгон акча каражаттарынын суммасы да таанылат.

3. Салык төлөөчүнүн Бирдиктүү салык эсебиндеги бирдиктүү салык төлөмдөрү төмөнкүлөрдү төлөө үчүн колдонулат:

- Бирдиктүү салык эсебине акча каражаттарын чегерүү датасына карата салык карызын, мында эгерде Бирдиктүү салык эсебиндеги акча каражаттары карызды толук көлөмдө төлөө үчүн жетишсиз болсо, анда төлөө карыздын азыраак суммасынан баштап жүргүзүлөт;

- анын алдыдагы салык милдеттенмелерин аткаруу эсебине.

4. Алдыдагы салык милдеттенмесин жабуу салыкты төлөөнүн эң алгачкы мөөнөттөрүнөн баштап ырааттуу түрдө жүзөгө ашырылат.

Төлөө мөөнөттөрү дал келген учурда салык милдеттенмесин жабуу азыраак суммадан баштап жүзөгө ашырылат.

5. Салык төлөөчүнүн Бирдиктүү салык эсебиндеги акча каражаттарынын эсебинен салык милдеттенмесин жабуу салык органы тарабынан ыйгарым укуктуу салык органынын автоматташтырылган тутуму аркылуу автоматташтырылган режимде жүргүзүлөт.

Бирдиктүү салык төлөмүн Бирдиктүү салык эсебинен салык төлөөчүнүн эсебине кайтаруу салык төлөөчүнүн салык карызы жана алдыдагы салык милдеттенмелери жок болгон учурда, арыз келип түшкөн күндөн тартып 5 жумуш күндүн ичинде салык төлөөчүнүн арызы боюнча жүргүзүлөт.";

41) 117-беренеде:

а) 1-бөлүктүн экинчи абзацында "салык кызматынын органдарынын" деген сөздөр "салык органынын" деген сөздөргө алмаштырылсын;

б) 5-бөлүктө:

- 2-пунктта "15" деген цифралар "20" деген цифраларга алмаштырылсын;

- 4-пункттун "б" пунктчасы төмөнкүдөй редакцияда баяндалсын:

"б) салык төлөөчү тарабынан талашылбаган же негиздүүлүгү сот тарабынан ырасталган, салыктык текшерүүнүн жыйынтыгы боюнча салык кызматынын органынын чечимине ылайык берилген такталган салык отчеттуулугунан тышкары, салык төлөөчүнүн мурда көчмө текшерүүдө камтылган салык мезгили үчүн салык органы тарабынан кабыл алынган такталган салык отчеттуулугу боюнча;";

в) 9-бөлүк төмөнкүдөй редакцияда баяндалсын:

"9 . Салык кызматынын органдары төмөнкүлөрдүн негизинде пландан тышкаркы көчмө текшерүүнү же кайра текшерүүнү дайындоо жөнүндө чечим кабыл алууга укуксуз:

1) салыкты туура эмес эсептөө фактыларын күбөлөндүрүүчү документтер менен ырасталган маалыматтары жок болгон салык төлөөчүгө карата укук коргоо органдарынын каттарынын жана/же тиешелүү кайрылууларынын, ошондой эле мамлекеттик органдардын кызматтык каттарынын негизинде;

2) даттанууну кароонун натыйжалары же соттун чечими боюнча ыйгарым укуктуу салык органы тарабынан мурда чечим кабыл алынган жана бул чечимдер жокко чыгарылбаган жана/же жараксыз деп таанылган негиздер боюнча.";

42) 118-берененин 5-бөлүгүнүн 5-пунктунда "оңдолгон" деген сөз "такталган" деген сөзгө алмаштырылсын;

43) 124-берененин 1-бөлүгүндө "15" деген цифралар "20" деген цифраларга алмаштырылсын;

44) 125-берененин 6-бөлүгү төмөнкүдөй мазмундагы абзац менен толукталсын:

"Салык төлөөчү каршы пикирин жазуу жүзүндө колмо-кол же почта аркылуу буюртма кат менен же салык төлөөчүнүн кабинети аркылуу электрондук документ түрүндө же электрондук кайрылуу түрүндө ыйгарым укуктуу салык органынын электрондук кайрылууларды кабыл алууга арналган электрондук почтасынын расмий дарегине электрондук почта аркылуу берет.";

45) 127-беренеде:

а) 1-бөлүктө "Салык кызматынын органдары" деген сөздөр "Салык органдары" деген сөздөргө алмаштырылсын;

б) 2-бөлүк күчүн жоготту деп таанылсын;

в) 5-бөлүктүн экинчи сүйлөмү төмөнкүдөй редакцияда баяндалсын: "Рейддик салык контролун жүргүзүү тартиби жана максаты Министрлер Кабинети тарабынан белгиленет.";

46) 128-беренеде:

а) 5-1-бөлүк төмөнкүдөй редакцияда баяндалсын:

"5-1. Калк менен эсептешүүдө салык төлөөчү тарабынан колдонулуучу, ыйгарым укуктуу салык органы тарабынан аныкталуучу тартипте ыйгарым укуктуу салык органынын маалымат тутуму менен интеграциялоодо иштеген мамлекеттик органдын же мамлекеттик мекеменин маалымат тутуму ККМге теңештирилет жана ушул берененин 5-бөлүгүндө көрсөтүлгөн техникалык корутундусуз ККМ реестрине киргизилет.";

б) төмөнкүдөй мазмундагы 5-2-бөлүк менен толукталсын:

"5-2. Калк менен эсептешүүдө салык төлөөчү тарабынан колдонулуучу, ыйгарым укуктуу салык органы тарабынан аныкталуучу тартипте ыйгарым укуктуу салык органынын маалымат тутуму менен интеграциялоодо иштеген фискалдык программалык камсыздоо ККМге теңештирилет.";

47) 129-берененин 1-бөлүгүнүн 8-пункту төмөнкүдөй редакцияда баяндалсын:

"8) ККМди каттоо, кайра каттоо, эсептен чыгаруу жана оңдоо учурларында салык органдарынын кызмат адамдарынын жана техникалык тейлөө борборлорунун кызматкерлерине ККМге жеткиликтүүлүгүн камсыз кылуу;";

48) 132-беренеде:

а) 1-бөлүк төмөнкүдөй редакцияда баяндалсын:

"1. Салык төлөөчү көчмө текшерүүнү, рейддик салык контролун түздөн-түз жүргүзүүчү же салык постун орнотуучу (мындан ары ушул главада - текшерүүлөр) салык кызматынын органдарынын кызмат адамын ал кызматтык күбөлүгүн жана ушул салык төлөөчүгө текшерүү жүргүзүү жөнүндө салык органынын жазма буйругун көрсөткөндө аймакка жана/же мүлк объектине жана/же жайга киргизүүгө милдеттүү. Салык постун орнотууда, товардык-материалдык баалуулуктардын калдыктарын алууда жана рейддик салык контролун жүргүзүүдө. салык төлөөчү ишкердик иште колдонулуучу видеобайкоо тутумдарына кирүү мүмкүнчүлүгүн берүүгө милдеттүү.";

б) 4-бөлүк төмөнкүдөй редакцияда баяндалсын:

"4. Текшерүү жүргүзүүчү салык кызматынын органдарынын кызмат адамынын салык төлөөчүнүн ишкердик иште колдонулуучу аймагына жана/же мүлк объектине жана/же жайларына жана видеобайкоо тутумуна киришине мыйзамсыз тоскоолдук кылуусу салык укуктарын бузуу деп таанылат жана Кыргыз Республикасынын мыйзамдарында каралган жоопкерчиликке алып келет.";

49) 139-берененин 2-бөлүгүнүн 1-пунктунда "жактардын" деген сөз "субъекттердин" деген сөзгө алмаштырылсын;

50) 146-берененин 1-бөлүгүндө:

а) 1-пунктта:

- биринчи абзацта "3" деген цифра "5" деген цифрага алмаштырылсын;

- төмөнкүдөй мазмундагы "е" пунктчасы менен толукталсын:

"е) операциялардын суммасына жана которууда пайдаланылуучу тутумдарга, төлөм тутумдарына же төмөнкүдөй которууларды жүзөгө ашырууда башка механизмдерге карабастан, акча каражаттарын эл аралык которуулар менен байланышкан операциялар жөнүндө:

- чет өлкөлүк уюмдардан Кыргыз Республикасынын аймагында ишкердик жүргүзгөн субъекттердин дарегине;

- Кыргыз Республикасынын аймагында ишкердик жүргүзгөн субъекттерден чет өлкөлүк уюмдардын дарегине;

- Кыргыз Республикасынын субъекттеринен Кыргыз Республикасынын булактарынан киреше алган жана ушул Кодекске ылайык салыктарды төлөөгө милдеттүү болгон чет өлкөлүк уюмдардын дарегине";

б) төмөнкүдөй мазмундагы 10-пункт менен толукталсын:

"10) ушул Кодекстин 111-беренесинин 1-бөлүгүнүн 4-пунктунда көрсөтүлгөн чет өлкөлүк уюмдун эсептеринде жүргүзүлгөн операциялар жөнүндө маалыматты, ошондой эле анын эсебинин учурдагы абалы жөнүндө маалыматты берүүгө. Маалымат мындай уюмдун эсеби ачылгандан кийинки айдан тартып ай сайын 10унан кечиктирилбестен берилет.";

51) 151-берененин 1-бөлүгүнүн 1-пунктунда:

а) "г" пунктчасы күчүн жоготту деп таанылсын;

б) "д" пунктчасында "жер салыгы жана" деген сөздөр алып салынсын;

52) 160-беренеде:

а) 1-бөлүк төмөнкүдөй редакцияда баяндалсын:

"1. Салык санкциясы салыктык укук бузуу жасагандыгы, салыктык эмес кирешелер жөнүндө мыйзамдарды жана камсыздандыруу төгүмдөрү жөнүндө мыйзамдарды бузуу үчүн жоопкерчилик чарасы болуп саналат.";

б) 4-бөлүк төмөнкүдөй редакцияда баяндалсын:

"4. Товарларды баштапкы документтери жок сатып алуу үчүн салык санкциясын колдонуу жөнүндө чечим салык кызматынын органы тарабынан кагаз жүзүндө кабыл алынат. Башка учурларда салыктык санкция ыйгарым укуктуу салык органынын автоматташтырылган тутуму аркылуу эсептелет.";

53) 163-беренеде:

а) 1-1-бөлүктүн биринчи абзацы төмөнкүдөй редакцияда баяндалсын:

"1-1. Ушул Кодексте, мамлекеттик социалдык камсыздандыруу жөнүндө мыйзамдарда жана салыктык эмес кирешелер жөнүндө мыйзамдарда каралган отчетторду жана/же эсептешүүлөрдү белгиленген мөөнөттө бербегендиги үчүн салык төлөөчүгө төмөнкүдөй салык санкциясы колдонулат:";

б) 4-бөлүк төмөнкүдөй редакцияда баяндалсын:

"4. Эгерде рейддик салык контролунун жүрүшүндө салык кызматынын органы тарабынан жалпы салык режиминин негизинде же ушул Кодекстин 423-беренесинин 1-бөлүгүнүн 1-пунктунун "б" пунктчасына жана 2-пунктуна ылайык салык салуунун жөнөкөйлөтүлгөн тутумунун негизинде иш жүргүзгөн салык төлөөчүдө баштапкы эсепке алуу документтери жок сатып алынган жана ыйгарым укуктуу салык органынын маалымат тутумуна киргизилбеген товарлардын болушу белгиленсе, ал салык төлөөчүгө мындай товардын рыноктук наркынан 5 пайыз өлчөмүндө киреше салыгы боюнча салыктык санкция колдонулат.";

54) 167-берененин 1-бөлүгүндө "30" деген цифралар "60" деген цифраларга алмаштырылсын;

55) 174-беренеде:

а) 17-пункттун "ж" пунктчасынын үчүнчү абзацы күчүн жоготту деп таанылсын;

б) 28-пункт төмөнкүдөй редакцияда баяндалсын:

"28) накталай эмес формада төлөө - накталай акча каражаттарын колдонбостон төлөө:

а) калк менен эсептешүүлөрдө - аларды алуучунун эсебине чегерүү жолу менен, анын ичинде Кыргыз Республикасынын банктык мыйзамдарына ылайык QR-төлөмдөрдү, POS-терминалды, идентификацияланган электрондук капчыкты жана башка аралыктан төлөө формаларын пайдалануу менен электрондук акча аркылуу төлөө, ошондой эле товар алмашуу (бартердик) операцияларын жүргүзүү жолу менен төлөө;

б) жеке ишкерлердин, уюмдардын ортосундагы эсептешүүлөрдө - төлөөчүнүн эсебинен акча каражаттарын эсептен чыгаруу жана аларды алуучунун эсебине чегерүү жолу менен, же болбосо аларда расмий катталган идентификацияланган электрондук капчыктарды жана Кыргыз Республикасынын банктык мыйзамдарында төлөөчүнү ишкердик субъекти катары так идентификациялоого мүмкүндүк берген башка төлөм каражаттарын пайдалануу менен, ошондой эле товар алмашуу (бартердик) операцияларын жүргүзүү жолу менен төлөө.";

в) 40-пункт төмөнкүдөй редакцияда баяндалсын:

"40) айыл чарба кооперативи - мүчөлөрү айыл чарба өндүрүүчүлөрү болуп саналган жана иши кооперативдин мүчөлөрүнө товарларды сатууга, кызматтарды көрсөтүүгө, жумуштарды аткарууга, ошондой эле алар өндүргөн айыл чарба продукцияларын жана өзүнүн айыл чарба продукциясын кайра иштетүү продуктуларын сатууга багытталган кооператив. Кооперативдин мүчөлөрү менен байланышпаган ишти жүзөгө ашыруучу айыл чарба кооперативи ушул Кодексте белгиленген тартипте өзүнчө эсеп жүргүзүүгө, отчет берүүгө жана иштин ушул түрү боюнча салыктарды төлөөгө милдеттүү;";

г) 56-пункттун "б" пунктчасы төмөнкүдөй редакцияда баяндалсын:

"б) айыл чарба продукциясын, айыл чарба продукциясын кайра иштетүү продуктуларын сорттоо, калибрлөө, маркалоо, таңгактоо, ташуу, сактоо, анын ичинде шок тоңдуруу/кургатуу үчүн арналган өндүрүштүк, административдик, кампа жана башка имараттары, жайлары жана курулмалары бар жер участогунан (жер участокторунан) турган, пайдалануу же менчик укугунда таандык болгон мүлктүк комплекс;";

д) төмөнкүдөй мазмундагы 65-68-пункттар менен толукталсын:

"65) курулуш объекти - архитектуралык-курулуш ишинин натыйжасы болуп саналган, турак жана/же турак эмес жайлардан жана/же жалпы пайдалануудагы жерлерден жана/же инженердик-техникалык курулмалардан турган, мыйзамда белгиленген тартипте пайдаланууга киргизилүүгө тийиш болгон имарат, курулма, алардын бөлүгү же жыйындысы;

66) бүткөн курулуш объекти - мыйзамдарда белгиленген тартипте пайдаланууга берилген (кабыл алынган) курулуш объекти;

67) бүтпөгөн курулуш объекти - мыйзамдарда белгиленген тартипте пайдаланууга берилбеген (кабыл алынбаган) курулуш объекти;

68) футбол чөйрөсүндө иш жүргүзүүчү уюмдар:

а) "Кыргыз футбол бирлиги" юридикалык жактардын бирикмеси (мындан ары - КФБ), ошондой эле анын мүчөлөрү болуп саналган юридикалык жактар;

б) КФБ тарабынан бекитилген тизмекке ылайык кесиптик футбол клубдары жана/же футбол академиялары (менчигинин түрүнө карабастан);

в) КФБнын лицензиясы (сертификаты) бар футбол стадиондорунун менчик ээлери же мыйзамдуу ээлери болуп саналган уюмдар, көрсөтүлгөн стадиондорду пайдаланууга жана күтүүгө түздөн-түз байланышкан иш бөлүгүндө.";

56) 178-берененин 8-бөлүгү төмөнкүдөй редакцияда баяндалсын:

"8. Мурда таризделген эсеп-фактуранын реквизиттерин оңдоо Министрлер Кабинети белгилеген учурларда ыйгарым укуктуу салык органы аныктаган тартипте кошумча эсеп-фактураны тариздөө менен жүргүзүлөт.";

57) 180-берененин 5 жана 6-бөлүктөрүндө "15000000" деген цифралар "50000000" деген цифраларга алмаштырылсын;

58) 183-берененин 4-бөлүгүндө "пайда салыгы, КНС, анын ичинде импортко КНС жана товарларды, жумуштарды сатуудан жана кызмат көрсөтүүлөрдөн алынуучу салык боюнча" деген сөздөр алып салынсын;

59) 189-берененин 1-бөлүгүнүн 6-пункту төмөнкүдөй мазмундагы абзац менен толукталсын:

"Мүлктүн бүтүндөй объектинин бир бөлүгүн сатууда аны сатып алуунун наркы мүлктүн бүтүндөй объектинин аянтына салыштырмалуу ошол бөлүктүн аянтына пропорциялуу аныкталат;";

60) 191-беренеде:

а) 3-бөлүктө:

- 15-пункт күчүн жоготту деп таанылсын;

- 17-пункт төмөнкүдөй редакцияда баяндалсын:

"17) Министрлер Кабинетинин чечимине ылайык мамлекеттик муктаждыктар үчүн жер участогун жана/же мүлктү сатып алууда алынуучу компенсациялык төлөмдөрдүн суммалары;";

б) 4-бөлүк төмөнкүдөй мазмундагы 13-пункт менен толукталсын:

"13) эмгек мамилелеринин алкагында футбол чөйрөсүндө иш жүргүзүүчү уюмдардын жалданган жумушчулары тарабынан алынган кирешелер, анын ичинде эмгек акы, сый акылар, үстөк акылар, сыйлык, компенсациялар, материалдык жардам, ошондой эле дем берүүчү жана/же компенсациялык мүнөздөгү башка төлөмдөр.";

в) 6-бөлүктө:

- 2-пункттун биринчи абзацы төмөнкүдөй редакцияда баяндалсын:

"2) кыймылсыз мүлккө болгон укуктарды мамлекеттик каттоонун бирдиктүү тутумунун органынын маалыматтарына ылайык турак жай фондуна таандык болгон (курорттук-рекреациялык зоналардын аймагында жайгашкан кыймылсыз мүлктөн тышкары) жана кыймылсыз мүлккө болгон укук катталган датадан тартып кийинки бир жылдан ашык убакытта салык төлөөчүгө менчик укугунда таандык болгон кыймылсыз мүлк.";

- төмөнкүдөй мазмундагы 2-1-пункт менен толукталсын:

"2-1) кыймылсыз мүлккө болгон укуктарды мамлекеттик каттоонун бирдиктүү тутумунун органынын маалыматтарына ылайык жана ушул кыймылсыз мүлккө болгон укук катталган датадан тартып бир жылдан ашык салык төлөөчүгө менчик укугунда таандык болгон короонун жанындагы участок;";

- 4-пунктта "пластикти жана полиэтилентерефталатты" деген сөздөрдөн кийин ", жүндү, терини, мурда колдонулган аккумуляторлорду" деген сөздөр менен толукталсын;

в) 7-бөлүктө:

- 4-пункт күчүн жоготту деп таанылсын;

- төмөнкүдөй мазмундагы 4-1-пункт менен толукталсын:

"4-1) жеке жак тарабынан ата мекендик уюмга катышуудан алынган дивиденд:

а) резиденттигине карабастан, Кыргыз Республикасынын жараны;

б) жашап турууга уруксатынын же кайрылман статусунун бар экендигине карабастан, Кыргыз Республикасынын жараны болуп саналбаган Кыргыз Республикасынын резиденти;";

- 10-пункт төмөнкүдөй редакцияда баяндалсын:

"10) Кыргыз Республикасынын жараны, ошондой эле жеке жак - резидент тарабынан чет өлкөлүк уюмга катышуудан алынган дивиденд, ошондой эле Кыргыз Республикасынын жараны чет мамлекеттин аймагында алган кирешелер;";

- төмөнкүдөй мазмундагы 10-1-пункт менен толукталсын:

"10-1) жашап турууга уруксатынын же кайрылман статусунун бар экендигине карабастан, Кыргыз Республикасынын жараны болуп саналбаган жеке адам - Кыргыз Республикасынын резиденти тарабынан чет өлкөлүк уюмга катышуудан алынган дивиденд.";

61) 193-беренеде:

а) 1-бөлүк төмөнкүдөй мазмундагы 4-пункт менен толукталсын:

"4) инвестициялык чыгарып салуу.";

б) 3-бөлүктүн биринчи абзацы "Социалдык" деген сөздөн кийин ", инвестициялык" деген сөз менен толукталсын;

62) 24-глава төмөнкүдөй мазмундагы 196-1-берене менен толукталсын:

"196-1-берене. Инвестициялык чыгарып салуулар

1. Келишимдин предмети жеке инвестициялык эсепти жүргүзүү болгон учурда салык төлөөчү ушул беренеде каралган тартипте жана өзгөчөлүктөрдү эске алуу менен берилүүчү төмөнкүдөй инвестициялык чыгарып салууларды алууга укуктуу:

1) салык төлөөчү салык мезгилинде жеке инвестициялык эсепке салган акча каражаттарынын суммасында;

2) жеке инвестициялык эсепте эсепке алынган операциялар боюнча алынган оң финансылык натыйжанын суммасында.

2. Ушул берененин 1-бөлүгүнүн 1-пунктунда каралган инвестициялык чыгарып салуулар төмөнкүдөй өзгөчөлүктөрдү эске алуу менен берилет:

1) салыктык чыгарып салуулар салык мезгилинде жеке инвестициялык эсепке салынган акча каражаттарынын суммасында, бирок 1000000 сомдон ашык эмес берилет;

2) эгерде ушул пунктта башкача каралбаса, салыктык чыгарып салуулар жеке инвестициялык эсепке акча каражаттарын чегерүү фактысын ырастаган документтердин негизинде салык декларациясын берген учурда салык төлөөчүгө берилет;

3) салыктык чыгарып салуулар салык төлөөчүгө жеке инвестициялык эсепти жүргүзүүгө келишим колдонулган мөөнөттүн ичинде салык төлөөчүнүн жеке инвестициялык эсепти жүргүзүүгө башка келишимдери болбогон шартта берилет, буга жеке инвестициялык эсепте эсепке алынган бардык активдерди ошол эле жеке жакка ачылган башка жеке инвестициялык эсепке которуу менен келишим токтотулган учурлар кирбейт;

4) жеке инвестициялык эсепти жүргүзүүгө келишим ушул берененин 3-бөлүгүнүн 1-пунктунда көрсөтүлгөн мөөнөттөр аяктаганга чейин токтотулган учурда (тараптардын эркине көз каранды болбогон себептер боюнча келишим бузулган учурдан тышкары) ошол жеке инвестициялык эсепте эске алынган бардык активдерди ошол эле жеке жакка ачылган башка жеке инвестициялык эсепке которуусуз, көрсөтүлгөн жеке инвестициялык эсепке салынган акча каражаттарына карата ушул берененин 1-пунктунун 1-пунктчасында каралган инвестициялык чыгарып салууларды колдонууга байланыштуу салык төлөөчү бюджетке төлөбөгөн салыктын суммасы калыбына келтирилүүгө жана белгиленген тартипте салык төлөөчүдөн туумдардын тиешелүү суммаларын өндүрүү менен бюджетке төлөнүүгө тийиш;

5) салык төлөөчү ушул берененин 1-бөлүгүнүн 2-пунктунда каралган инвестициялык чыгарып салууларды алуу укугунан пайдаланбаган учурда инвестициялык чыгарып салуулар жеке инвестициялык эсепти жүргүзүүгө келишим аяктагандан кийин берилет;

6) инвестициялык чыгарып салуулар салык органында салык төлөөчү тарабынан жеке инвестициялык эсепке акча каражаттарын чегерүү фактысын ырастоочу маалыматтар ыйгарым укуктуу салык органы бекиткен формат боюнча салык агенти тарабынан берилген болсо, салык төлөөчүгө берилет.

3. Ушул берененин 1-бөлүгүнүн 2-пунктунда каралган инвестициялык чыгарып салуулар төмөнкүдөй өзгөчөлүктөрдү эске алуу менен берилет:

1) инвестициялык чыгарып салуулар жеке инвестициялык эсепти жүргүзүү келишими аяктагандан кийин салык төлөөчү жеке инвестициялык эсепти жүргүзүү келишимин түзгөн датадан тартып кеминде 3 жыл өткөн шартта берилет;

2) эгерде салык төлөөчү жеке инвестициялык эсепти жүргүзүүгө келишим колдонулган мезгилде (ошондой эле ушул башка жеке инвестициялык эсепте эсепке алынган бардык активдерди ошол эле жеке жакка ачылган башка жеке инвестициялык эсепке которуу менен токтотулган башка жеке инвестициялык эсепти жүргүзүүгө келишим колдонулган мезгилде) бул укукту пайдаланганга чейин инвестициялык эсептен чыгарууларды алуу укугунан бир жолу пайдаланса, ушул берененин 1-бөлүгүнүн 1-пунктунда каралган салыктык эсептен чыгарууларды алуу укугунан пайдалана албайт;

3) эгерде ушул пунктта башкача каралбаса, инвестициялык чыгарып салуу салык төлөөчүгө салык органы тарабынан салык төлөөчү салык декларациясын берген же салык агенти салыкты эсептеген жана кармап калган учурда, салык органынын төмөнкүлөр жөнүндө маалымкатын берген шартта берилет:

- салык төлөөчү ушул берененин 1-бөлүгүнүн 1-пунктунда каралган салыктык чыгарып салууларды алуу укугун жеке инвестициялык эсепти жүргүзүү келишиминин, ошондой эле ушул жеке инвестициялык эсепке активдерди которуу менен токтотулган башка келишимдердин колдонулуу мөөнөтүндө пайдаланбаса;

- жеке инвестициялык эсепте эсепке алынган бардык активдерди ошол эле жеке жакка ачылган башка жеке инвестициялык эсепке которуу менен келишим токтотулган учурларды кошпогондо, жеке инвестициялык эсепти жүргүзүүгө келишим күчүндө болгон мөөнөттүн ичинде салык төлөөчүнүн жеке инвестициялык эсепти жүргүзүүгө башка келишимдери болбосо;

4) инвестициялык чыгарып салуу жеке инвестициялык эсепти жүргүзүү келишими бузулганда, мындай салык агенти салыкты эсептөөдө жана кармоодо, салык агентинде ушул бөлүктүн 3-пунктунун экинчи жана үчүнчү абзацтарында каралган маалыматтар болгондо, салык төлөөчүгө салык агентине берилүүчү анын жазуу жүзүндөгү арызынын негизинде берилиши мүмкүн.";

63) 197-беренеде:

а) 3-бөлүк төмөнкүдөй редакцияда баяндалсын:

"3. Салык агентинин маалымат тутумун пайдалануу менен иш жүргүзгөн жеке жактар үчүн жүргүнчүлөрдү жана жүктөрдү ташууга, такси кызматына жана курьердик кызматтын кызмат көрсөтүүлөрүн заказ кылуу үчүн колдонулуучу киреше салыгынын ставкасы төмөнкүдөй өлчөмдө белгиленет:

1) 1 пайыз - 2025-жылдын 1-сентябрынан тартып 2027-жылдын 31-декабрын кошуп;

2) 2 пайыз - 2028-жылдын 1-январынан тартып 2029-жылдын 31-декабрын кошуп;

3) 5 пайыз - 2030-жылдын 1-январынан тартып.";

б) төмөнкүдөй мазмундагы 4-бөлүк менен толукталсын:

"4. Чет өлкөлүк жеке жак капиталдагы үлүшкө же ата мекендик уюмдагы башка катышуу үлүшүнө 5 жылдан көп ээлик кылган учурларды кошпогондо, чет өлкөлүк жеке жактын капиталдагы үлүшүн же ата мекендик уюмдагы башка катышуу үлүшүн сатуудан түшкөн Кыргыз Республикасындагы булактан алган кирешесине 10 пайыз өлчөмүндөгү ставка боюнча салык агентине салык салынууга тийиш. Ушул Кодекстин 3-беренесинин 2-бөлүгүнө, 183-беренесинин 4-бөлүгүнө, 240-беренесинин 4-бөлүгүнө ылайык салыктык жеңилдиктер берилген субъекттерге, ошондой эле Министрлер Кабинети менен салыктык жеңилдиктерди берүүнү караган инвестициялык макулдашууну түзгөн субъектке карата ушул бөлүктө каралган алып салуу берилген салыктык жеңилдиктерди пайдалануу аяктаган датадан кийинки датадан башталган мезгилге жайылтылат.";

64) 199-берененин 2-бөлүгү күчүн жоготту деп таанылсын;

65) 200-берененин 8-бөлүгү төмөнкүдөй редакцияда баяндалсын:

"8. Айыл чарба кооперативдери жана айыл чарба багытындагы соода-логистикалык борборлор, ошондой эле 2027-жылга чейинки мезгилдин ичинде тигүү жана текстиль өнөр жайында өндүрүш ишин жүзөгө ашыруучу уюмдар жана жеке ишкерлер салык агенттери катары ушул Кодекстин 187-беренесине ылайык аныкталуучу орточо айлык эмгек акынын негизинде эсептелген киреше салыгынын суммасын жалданма жумушчунун эмгек акысынан кармашат жана төлөшөт.";

66) 202-берененин 3 жана 4-бөлүктөрү төмөнкүдөй редакцияда баяндалсын:

"3. Кыргыз Республикасындагы киреше булагынын салыгы кирешени төлөөнүн формасына жана ордуна карабастан салык агенти тарабынан учурдагы салыктык эсепке алуу орду боюнча салык төлөөчүнүн салык милдеттенмеси келип чыккан айдан кийинки айдын 20сына чейин бюджетке эсептелет жана төлөнөт. Ушул бөлүктүн максаттарында кирешени төлөө деп ушул Кодекстин 248-беренесинин 4-бөлүгүндө белгиленген төлөмдөр түшүнүлөт.

4. Эгерде жеке ишкерге төлөнгөн төлөмдөрдү, жана/же жеке ишкердин түшкөн акчасын жана/же патенттин негизинде жеке эмгек ишин жүзөгө ашырган жеке жактын түшкөн акчасын кошпогондо, салык агенти жеке жакка төлөнгөн жана/же жеке жак алган кирешеден салыкты кармабаса же толук кармабай калса, анда салык агентине ушул салык милдеттенмелерин аткаруу боюнча милдеттер жана анын аткарылбагандыгы үчүн жоопкерчилик ушул Кодекске ылайык жүктөлөт.";

67) 206-берененин 4-1-пункту күчүн жоготту деп таанылсын;

68) 213-берененин 1-бөлүгүндө:

а) 7-пункт төмөнкүдөй редакцияда баяндалсын:

"7) ата мекендик жана чет өлкөлүк уюмдарга катышуудан салык төлөөчү алган дивиденддер - 2031-жылдын 1-январына чейин;";

б) 14-пункт төмөнкүдөй редакцияда баяндалсын:

"14) Министрлер Кабинетинин чечимине ылайык мамлекеттик муктаждыктар үчүн жер участогун жана/же мүлктү сатып алууда алынуучу компенсациялык төлөмдөрдүн суммалары;";

69) 235-берененин биринчи абзацында "2030-жылдын 1-январына чейин" деген сөздөр алып салынсын;

70) 239-берененин 1-бөлүгүндө:

а) 10-пункт төмөнкүдөй редакцияда баяндалсын:

"10) энергиянын кайра жаралуучу булактарын пайдалануунун натыйжасында алынган электр жана жылуулук энергиясынын, газдын жана газ абалындагы кайра жаралуучу отундун, суюк биологиялык отундун кайрадан түзүлгөн өндүрүүчүлөрүнө - энергиянын кайра жаралуучу булактарын пайдалануунун негизинде энергетикалык орнотмолорду эксплуатациялоого киргизген учурдан тартып 5 жылдын ичинде, мында эксплуатациялоого киргизүү 2030-жылдын 1-январынан кечиктирилбестен жүзөгө ашырылган шартта;";

б) төмөнкүдөй мазмундагы 13-пункт менен толукталсын:

"13) футбол чөйрөсүндө иш жүргүзүүчү уюмдар.";

71) 240-берененин 5-бөлүгү күчүн жоготту деп таанылсын;

72) 245-1-берененин 1 жана 2-бөлүктөрү төмөнкүдөй редакцияда баяндалсын:

"1. Уюм, жеке ишкер, чет өлкөлүк уюмдун филиалы/өкүлчүлүгү, ошондой эле Кыргыз Республикасында туруктуу мекемеси болбогон жана анын эсеби ачылган банктын дареги боюнча мамлекеттик каттоосуз салыктык каттоодон өткөн чет өлкөлүк субъект тарабынан чет өлкөлүк субъекттин тапшырмасы боюнча андан же башка чет өлкөлүк субъекттен башка чет өлкөлүк субъекттин дарегине же болбосо анын дарегине транзакция боюнча кайра жиберилген акча каражаттарынын суммасы мындай жактардан чыгарып салууларды жүзөгө ашырбастан, кайра жиберилген сумманын 0,2 пайыздык ставкасы боюнча салык салынууга тийиш. Ушул бөлүктүн максаттары үчүн салыктык базага чет өлкөлүк уюм тарабынан Кыргыз Республикасындагы анын туруктуу мекемесинин же өкүлчүлүгүнүн учурдагы чыгымдарын каржылоо үчүн жиберилүүчү акча каражаттары киргизилбейт.

2. Транзакцияга салык ушул берененин 1-бөлүгүндө көрсөтүлгөн салык төлөөчү, ошондой эле ушул Кодекстин 53-беренесинин 2-бөлүгүнүн 2-3-пункттарында көрсөтүлгөн салык агенти тарабынан учурдагы салыктык эсепке алуу орду боюнча отчеттук айдан кийинки айдын 20сынан кечиктирбестен төлөнөт жана ал боюнча отчет берилет.";

73) 248-берененин 4-бөлүгүнүн 1-пункту төмөнкүдөй редакцияда баяндалсын:

"1) накталай жана/же накталай эмес формада акча төлөө, баалуу кагаздарды, товарларды, катышуу үлүшүн, анын ичинде чет өлкөлүк субъекттин капиталга катышуу үлүшүн же ата мекендик уюмдагы башка катышуу үлүшүн берүү. Ушул главанын максатында бөлүштүрүлбөгөн пайданын эсебинен уюмдун уставдык капиталын көбөйтүүдө баалуу кагаздардын санын жана наркын көбөйтүү же уюмдун катышуучусунун үлүшүнүн наркын көбөйтүү кирешени төлөө болуп саналбайт;";

74) 249-беренеде:

а) 2-бөлүк төмөнкүдөй мазмундагы 6-пункт менен толукталсын:

"6) чет өлкөлүк уюм капиталга катышуу үлүшүнө же ата мекендик уюмда катышуунун башка үлүшүнө 5 жылдан көп ээлик кылган учурларды кошпогондо, капиталдагы үлүштү же ата мекендик уюмдагы катышуунун башка үлүшүн сатуудан - 10 пайыз. Ушул Кодекстин 3-беренесинин 2-бөлүгүнө, 183-беренесинин 4-бөлүгүнө, 240-беренесинин 4-бөлүгүнө ылайык салыктык жеңилдиктер берилген субъекттерге, ошондой эле Министрлер Кабинети менен салыктык жеңилдиктерди берүүнү караган инвестициялык макулдашуу түзгөн субъекттерге карата ушул бөлүктө каралган алып салуу берилген салыктык жеңилдиктерди пайдалануу аяктаган күндөн кийинки күндөн башталган мезгилге жайылтылат.";

б) 3-бөлүк күчүн жоготту деп таанылсын;

75) 250-беренеде:

а) 1 жана 2-бөлүктөрдө "кармалган" деген сөз "эсептелген" деген сөзгө алмаштырылсын;

б) 3-бөлүк төмөнкүдөй редакцияда баяндалсын:

"3. Эгерде салык агенти чет өлкөлүк уюм тарабынан төлөнгөн кирешеден салыкты төлөбөсө же толугу менен төлөбөсө, анда салык агентине бул салык милдеттенмесинин аткарылышы боюнча милдет жана аны аткарбай койгондугу үчүн жоопкерчилик ушул Кодекске ылайык жүктөлөт.";

76) 251-берененин 1-пункту төмөнкүдөй мазмундагы абзац менен толукталсын:

"Товарларды бир юридикалык жактын чегинде өткөрүп берүүгө байланыштуу ЕАЭБге мүчө башка мамлекеттин аймагынан Кыргыз Республикасынын аймагына алып өтүү, эгерде мындай товарларды ташып кирүү түздөн-түз жеке өндүрүштүк максаттар үчүн жүзөгө ашырылса, салык салынуучу импорт болуп саналбайт

77) 253-берененин 1-бөлүгүнүн 3-пункту төмөнкүдөй редакцияда баяндалсын:

"3) берүү орду Кыргыз Республикасынын аймагы деп таанылган, жумуш аткаруучу же кызмат көрсөтүүчү, ошондой эле сатып алуучуларга - жеке жактарга Кыргыз Республикасынын резиденттерине товарлар менен электрондук сооданы жүзөгө ашырган чет өлкөлүк субъект. Ушул Кодекстин 53-беренесинин 2-бөлүгүнүн 3-пунктунда көрсөтүлгөн чет өлкөлүк субъекттин КНС боюнча милдеттенмесин салык агенти аткарат.";

78) 256-берененин 3-бөлүгү күчүн жоготту деп таанылсын;

79) 258-берененин 7-бөлүгү төмөнкүдөй редакцияда баяндалсын:

"7. Уюм жоюлганда же жеке ишкердин иши токтотулганда, жоюу же реструктуризациялоо жолу менен банкрот болгондо, салык режимине ылайык салыктарды төлөө мезгилинин ичинде сатып алынган товардык-материалдык запастардын, негизги каражаттардын жана материалдык эмес активдердин калдыктары алардын эсептик наркы боюнча сатылды деп таанылат. Салык төлөөчү жалпы салык режиминен атайын салык режимине өткөндө төмөнкүлөр алардын эсептик наркы боюнча мындай өтүү датасына карата сатылды деп таанылат:

1) эгерде ушул бөлүктө башкача белгиленбесе, жалпы салык режимин колдонуу мезгилинде сатып алынган/түзүлгөн, алар боюнча мурда чегерүүгө КНС кабыл алынган товардык-материалдык запастардын калдыктары;

2) жалпы салык режимин колдонуу мезгилинде сатып алынган/түзүлгөн, алар боюнча мурда чегерүүгө КНС кабыл алынган негизги каражаттар жана/же материалдык эмес активдер;

3) жалпы салык режимин колдонуу мезгилинде сатылып алынган/түзүлгөн, алар боюнча чегерүүгө КНС мурда кабыл алынбаган сатып алынган материалдык ресурстардын наркын кемитүү менен доонун эскирүү мөөнөтүнүн чегинде чегерүүгө КНС мурда кабыл алынган, бүткөн жана/же бүтпөгөн курулуш объекттери.

КНС төлөөчү жалпы салык режиминен атайын салык режимине өткөндө ушул бөлүктүн же ушул Кодекстин 309-беренесинде каралган ченемдерин колдонууну тандап алууга укуктуу.";

80) 261-берене төмөнкүдөй мазмундагы 9-11-бөлүктөр менен толукталсын:

"9. Товарларды Кыргыз Республикасынын аймагына ЕАЭБге мүчө башка мамлекеттин аймагынан убактылуу ташып кирүүдө, эгерде товарлар ушул Кодекстин 4-беренесинде көрсөтүлгөн мөөнөттүн ичинде Кыргыз Республикасынын аймагынан тышкары ташып чыгарылбаса, салык милдеттенмеси пайда болгон дата болуп товарларды ташып кирген дата саналат.

10. Товарларды Кыргыз Республикасынын аймагынан ЕАЭБге мүчө башка мамлекеттин аймагына убактылуу ташып чыгууда, эгерде товарлар Кыргыз Республикасынын аймагына ушул Кодекстин 4-беренесинде көрсөтүлгөн мөөнөттүн ичинде ташып киргизилбесе, салык милдеттенмеси пайда болгон дата болуп товарларды ташып чыгуу датасы саналат.

11. ЕАЭБге мүчө мамлекеттин аймагынан Кыргыз Республикасынын аймагына ташып киргизилген товар импорттун датасынан тартып 60 айлык мезгил өткөнгө чейин бир юридикалык жактын чегинде өткөрүлүп берилгендигине байланыштуу ээликтен ажыратылган учурда мындай ээликтен ажыратуу салык салынуучу импортко теңдештирилет. Импортко КНС боюнча салык милдеттенмесинин пайда болгон датасы болуп товар ташып киргизилген дата саналат.";

81) 265-берененин 2-бөлүгү төмөнкүдөй редакцияда баяндалсын:

"2. Министрлер Кабинетинин чечимине ылайык кыймылсыз мүлктү алмашуу жана/же аны мамлекеттик муктаждыктар үчүн кайтарымсыз өткөрүп берүү КНСтен бошотулган берүү болуп саналат.";

82) 266-берене төмөнкүдөй редакцияда баяндалсын:

"266-берене. Айыл чарба продукциясын жана анын кайра иштетилген продуктуларын берүү

1. Айыл чарба багытындагы соода-логистикалык борбору тарабынан айыл чарба өндүрүүчүлөрүнөн, айыл чарба даярдоочуларынан жана айыл чарба кооперативдеринен алынган айыл чарба продукциясын жана анын кайра иштетилген продуктуларын берүү КНСтен бошотулган берүү болуп саналат.

2. Салык төлөөчү тарабынан айыл чарба канаттуулары жана балыктары үчүн өндүрүлгөн тоюттарды айыл чарба канаттууларын жана балыктарды өстүрүү боюнча иш жүргүзгөн айыл чарба өндүрүүчүсүнүн дарегине берүү КНСтен бошотулган берүү болуп саналат.";

83) 269-берененин 1-бөлүгү төмөнкүдөй редакцияда баяндалсын:

"1. Адистештирилген уюм тарабынан анын менчигинин түрүнө карабастан жаңы курулуш/реконструкциялоо/кайра профилдөө/кайра пландоо объекттерин жана/же курулган объекттерди инженердик-техникалык камсыз кылуу тармактарына технологиялык туташтыруу боюнча кызматтарды көрсөтүүнү берүү 2031-жылдын 1-январына чейин КНСтен бошотулган берүү болуп саналат.";

84) 280-берене төмөнкүдөй редакцияда баяндалсын:

"280-берене. Идентификациялоо каражаттарын, ошондой эле товарларды маркалоонун коддорун берүү жана генерациялоо боюнча кызмат көрсөтүүлөр Идентификациялоо каражаттарын, ошондой эле товарларды маркалоонун коддорун берүү жана генерациялоо боюнча кызмат көрсөтүүлөр 2031-жылдын 1-январына чейин КНСтен бошотулган берүү болуп саналат.";

85) 284-берененин 1-бөлүгү төмөнкүдөй редакцияда баяндалсын:

"1. Министрлер Кабинети тарабынан аныкталуучу энергия жана ресурстук натыйжалуулук талаптарына жооп берүүчү технологияларды, жабдууларды жана анын комплекттөөчүлөрүн берүү 2031-жылдын 1-январына чейин КНСтен бошотулган берүү болуп саналат.";

86) 285-берене күчүн жоготту деп таанылсын;

87) 294-берене төмөнкүдөй редакцияда баяндалсын:

"294-берене. Эл аралык аба ташууларын жүзөгө ашыруучу аба кемелерине куюу үчүн реактивдүү отунду берүү Май куюучу уюм тарабынан эл аралык аба ташууларын жүзөгө ашыруучу аба кемелерине куюу үчүн борттук камылга катары реактивдүү отунду берүү 2031-жылдын 1-январына чейин КНСтен бошотулган берүү болуп саналат.";

88) 296-беренеде:

а) 3-пунктта "уюштуруу жана өткөрүү боюнча кызмат көрсөтүүлөр" деген сөздөр "уюштуруу жана өткөрүү боюнча коммерциялык эмес уюмдардын кызмат көрсөтүүлөрү" деген сөздөргө алмаштырылсын;

б) төмөнкүдөй мазмундагы 13-пункт менен толукталсын:

13) футболду уюштуруу жана өнүктүрүү, анын ичинде мелдештерди өткөрүү, спортчуларды даярдоо, футбол инфратүзүмүн пайдалануу жана күтүү менен түздөн-түз байланышкан иш бөлүгүндө футбол чөйрөсүндө иш жүргүзүүчү уюмдар тарабынан жүзөгө ашырылуучу товарларды берүү, жумуштарды аткаруу жана кызматтарды көрсөтүү.";

89) 297-берененин 1-бөлүгүндө:

а) 14-пункт төмөнкүдөй редакцияда баяндалсын:

"14) өздүк өндүрүштүк максаттар үчүн айнек кайнатуучу мештерди жана конвертерди (ферроэритүүчү мештерди) куруу жана реконструкциялоо үчүн адистештирилген товарлар - 2031-жылдын 1-январына чейин;";

б) 19-пункт төмөнкүдөй редакцияда баяндалсын:

"19) май куюучу уюмдар тарабынан эл аралык аба ташууларын жүзөгө ашыруучу аба кемелерине куюу үчүн борттук камылга катары импорттолуучу реактивдүү отун - 2031-жылдын 1-январына чейин;";

в) төмөнкүдөй мазмундагы 29-пункт менен толукталсын:

29) футбол чөйрөсүндө иш жүргүзүүчү уюмдар тарабынан футболду уюштуруу жана өнүктүрүү максаттары үчүн гана Кыргыз Республикасынын аймагына ташып киргизилген товарлар, анын ичинде спортчуларды даярдоо, мелдештерди өткөрүү жана футболдук инфратүзүмдү пайдалануу үчүн колдонуучу спорттук жабдуулар, инвентарь, формалар, экипировкалар, адистештирилген материалдар жана техникалык каражаттар.";

90) 301-беренеде:

а) 1-бөлүктүн 2-пункту төмөнкүдөй редакцияда баяндалсын:

"2) исламдык каржылоого ылайык мурабаха, иджара мунтахийя биттамлик келишимдери боюнча же финансылык ижара (лизинг) келишими боюнча андан ары өткөрүп берүү үчүн банк же лизингдик компания тарабынан сатып алынган негизги каражат.";

б) 3-бөлүктө:

- биринчи абзацта "чарба жүргүзүүчү субъект" деген сөздөр "салык төлөөчү" деген сөздөргө алмаштырылсын;

- 5-пункт күчүн жоготту деп таанылсын;

91) 38-глава төмөнкүдөй мазмундагы 306-1-берене менен толукталсын:

306-1-берене. "Такс-фри" тутуму боюнча товарларды сатуу

1. "Такс-фри" тутумунун реестрине киргизилген чекене соода ишканалары тарабынан ЕАЭБге мүчө эмес чет мамлекеттин жаранына товарларды берүү, эгерде "такс-фри" тутумунун белгиленген шарттары сакталса, КНСтен бошотулган берүү болуп саналат.

2. "Такс-фри" тутумунун иштөө шарттары жана тартиби Министрлер Кабинети тарабынан аныкталат.

3. "Такс-фри" тутумунун чекене соода ишканаларынын реестрин түзүү жана жүргүзүү тартиби Министрлер Кабинети тарабынан аныкталат.";

92) 309-берене төмөнкүдөй мазмундагы 6-1 жана 6-2-бөлүктөр менен толукталсын:

"6-1. КНС төлөөчү жалпы салык режиминен атайын салык режимине өткөн учурда мурда чегерүүгө кабыл алынган КНСтин суммасы салык салуу боюнча КНСтин суммасын төмөнкүлөргө түзөтүү жолу менен азайтылууга тийиш:

1) эгерде ушул бөлүктө башкача каралбаса, жалпы салык режимин колдонуу мезгилинде сатып алынган/түзүлгөн, алар боюнча мурда чегерүүгө КНС кабыл алынган товардык-материалдык запастардын калдыктарына;

2) жалпы салык режимин колдонуу мезгилинде сатып алынган/түзүлгөн, алар боюнча мурда чегерүүгө КНС кабыл алынган негизги каражаттарга жана/же материалдык эмес активдерге;

3) жалпы салык режимин колдонуу мезгилинде мурда КНС эсепке алынууга кабыл алынган, бирок доонун эскирүү мөөнөтүнөн ашпаган бүткөн жана/же бүтпөгөн курулуш объекттерине.

6-2. Эгерде КНС төлөөчү атайын салык режимине өткөнгө чейин жалпы салык режими колдонулган мезгилде бүткөн жана/же бүтпөгөн курулуш объекттери боюнча алынган төлөмдөн КНСти салык салынуучу берүү датасына чейин, бирок доонун эскирүү мөөнөтүнөн ашпаган убакытта төлөсө жана бул берүү атайын салык режимине өткөн датага карата жүзөгө ашырылбаса, анда атайын салык режимине өткөн датага карата КНС боюнча салык милдеттенмеси мурда төлөнгөн, бирок атайын салык режимине өткөн датага чейин жүзөгө ашырылбаган берүү боюнча КНСтин суммасына азайтылууга тийиш.";

93) 315-берененин 3-бөлүгүнүн 1-пунктунун "в" пунктчасы күчүн жоготту деп таанылсын;

94) 319-берененин 1-бөлүгүнүн 1 жана 2-пункттары төмөнкүдөй редакцияда баяндалсын:

"1) ыйгарым укуктуу салык органынын функциялык бөлүмү тарабынан тескелбеген КНС төлөөчү же салык агенти тарабынан - отчеттук салык мезгилинен кийинки айдын 25инен кечиктирилбестен;

2) ыйгарым укуктуу салык органынын функциялык бөлүмү тарабынан тескелген КНС төлөөчү же салык агенти тарабынан - отчеттук салык мезгилинен кийинки айдын акыркы күнүнөн кечиктирилбестен.";

95) 322-берененин 1-бөлүгүнүн 1-пункту төмөнкүдөй редакцияда баяндалсын:

"1) ата мекендик өндүрүштүн чийки затынан айыл чарба продукциясын өнөр жайлык кайра иштетүү - 2031-жылдын 1-январына чейин;";

96) 327-берененин 5-бөлүгү төмөнкүдөй редакцияда баяндалсын:

"5. КНС төлөөчүгө КНСтен ашкан сумманы кайтарып берүү КНСтин ашкан суммасынын негизсиз түзүлүшүнүн тобокелдик факторлорун талдоонун натыйжаларынын негизинде жүргүзүлөт. КНСтин ашкан суммасынын негизсиз түзүлүшүнүн тобокелдик факторлоруна төмөнкүлөр кирет:

1) КНСти кайтарып берүү арызы берилген датага карата КНСти төлөөчүнүн иш мөөнөтү 24 календардык айдан аз болсо;

2) КНС төлөөчү тарабынан КНС кайтарып берүү арызы берилген датага карата экспорттук берүүлөрдү жүзөгө ашыруу 12 салык мезгилинен аз болсо;

3) акыркы эки салыктык текшерүүнүн жыйынтыгы боюнча кошумча эсептелген салыктардын суммасы текшерилген мезгил үчүн салык милдеттенмелеринин жалпы суммасынан 10 пайызга ашса;

4) ЕАЭБге мүчө мамлекеттердин аймагына экспорттук берүүлөрдү жүзөгө ашырган учурда салык кызматынын маалымат тутумунда товарларды ташып кирүү жана ЕАЭБге мүчө мамлекеттердин ыйгарым укуктуу салык органдарынан алынган кыйыр салыктын төлөнгөн суммалары жөнүндө электрондук түрдөгү маалыматтын жоктугу жана/же алардын КНС төлөөчүнүн салык отчету менен дал келбеши;

5) КНС боюнча салык отчетунун маалыматтарын жана/же электрондук эсеп-фактуралардын маалымат тутумунун маалыматтарын талдоонун натыйжалары боюнча аныкталган товарларды, жумуштарды жана кызмат көрсөтүүлөрдү берүүчүлөрдүн көрсөткүчтөрүнө КНС төлөөчүнүн көрсөткүчтөрү дал келбесе;

6) мурунку үч календардык жыл үчүн төлөнгөн салыктардын суммасы ордун толтурууга жана кайтарууга көрсөтүлгөн КНСтин ашыкча суммасынан аз болсо.";

97) 336-берененин 1-бөлүгүнүн 13-пунктунда:

а) 9-пунктча төмөнкүдөй редакцияда баяндалсын:

"

9)

Майлоочу майлар; башка майлар

2710197100-271019980 0; 340319 900 0

1000 литр

5000 сом

";

б) 12-пунктча төмөнкүдөй редакцияда баяндалсын:

"

12)

2023-жылдын 1-июлунан тартып унаанын күйүүчү майы катары колдонулуучу СКГ

271111000 0-271119000 0; 2901100001; 271121000 0

тонна

3000 сом

";

98) 364-беренеде:

а) 1-бөлүктө:

- 8-пункт төмөнкүдөй редакцияда баяндалсын:

"8) диний ырасымдарды, ырым-жырымдарды, зыйнаттарды жүзөгө ашыруу, ошондой эле ажылык зыяраттарды уюштуруу жана өткөрүү боюнча коммерциялык эмес уюмдардын кызмат көрсөтүүлөрү;";

- төмөнкүдөй мазмундагы 14-пункт менен толукталсын:

"14) футбол чөйрөсүндө иш жүргүзүүчү уюмдар.";

б) 2-бөлүктүн биринчи абзацы төмөнкүдөй редакцияда баяндалсын:

"2. Сатуудан алынуучу салыкты төлөөдөн коммерциялык эмес уюмдардын товарларды сатуусу, жумуштарды аткаруусу, кызматтарды көрсөтүүсү, төмөнкүлөр үчүн төлөм ушул товарларды сатууга, жумуштарды аткарууга, кызматтарды көрсөтүүгө чыгымдардан ашпаган шаргтарда бошотулат - 2031-жылдын 1-январына чейин:";

99) 365-берененин 2-бөлүгү төмөнкүдөй мазмундагы 8-пункт менен толукталсын:

"8) акцияларды, капиталдагы үлүштү же уюмга катышуунун башка үлүшүн ишке ашыруу боюнча иш кесиптик негизде жүзөгө ашырылган иш болуп саналган учурларды кошпогондо, уюмдун капиталындагы үлүштү же уюмга катышуунун башка үлүшүн ишке ашыруу.";

100) 366-берененин 8-бөлүгү төмөнкүдөй редакцияда баяндалсын:

"8. Камсыздандыруу уюму үчүн салыктык база КНС жана сатуудан алынуучу салыкты эсепке албастан товарларды, жумуштарды сатуудан, кайра камсыздандыруу келишими боюнча кайрадан камсыздандыруучуга тиешелүү болгон камсыздандыруу сыйакыларынын суммасын чыгарып салгандан кийин жана агенттик сый акынын суммаларын чыгарып салгандан кийин, башкача айтканда камсыздандыруу сыйакыларынын камсыздандыруу уюмунун иш жүзүндөгү тескөөсүндө калган бөлүгү сатуудан алынуучу салыкты эсепке албастан кызмат көрсөтүүлөрдөн түшкөн каражат болуп саналат. Камсыздандыруунун топтолмо түрлөрү боюнча. салыктык база сатуудан алынуучу салыкты эсепке албастан камсыздандыруу төлөмүнүн суммасын чыгарып салгандан кийин келип түшкөн камсыздандыруу сый акыларынын суммасы болуп саналат.";

101) төмөнкүдөй мазмундагы 366-1-берене менен толукталсын:

"366-1-берене. Салык милдеттенмесинин келип чыгуу датасы Салык милдеттенмесинин келип чыккан датасы болуп эсеп-фактура берилген дата же бул окуялардын кайсынысы мурда болгонуна жараша төлөм келип түшкөн дата саналат.";

102) 372-берене төмөнкүдөй мазмундагы 4-1 жана 4-2-пункттар менен толукталсын:

"4-1) турак жай мүлк объекти - турак жай имаратынын же турак жайдын, ошондой эле ушул имарат же жай жайгашкан үйдүн жанындагы, короо жайдын же багбанчылык-чарбак жер участогунун жыйындысы; 4-2) турак жай эмес мүлк объекти - турак жай эмес имараттын, турак эмес жайдын же курулманын, ошондой эле турак эмес имараттын, турак эмес жайдын же курулманын ээсинин менчигинде/пайдалануусунда турган, ошондой эле ижара, финансылык ижара келишиминин негизинде пайдалануучуга берилген калктуу конуштун жер участогунун же айыл чарба багытындагы эмес жер участогунун жыйындысы;";

103) 373-берененин 1-бөлүгү төмөнкүдөй мазмундагы 5-пункт менен толукталсын:

"5) турак жай ссудасы келишими боюнча сатып алынган мүлк объектине карата жеке жак.";

104) 374-берененин 1-бөлүгү төмөнкүдөй редакцияда баяндалсын:

"1. Мамлекеттик жана муниципалдык менчиктеги мүлк объекттерин, ошондой эле салык салуудан бошотулган субъекттерге таандык же алардын пайдалануусунда турган мүлк объекттерин пайдаланууга (ижарага) берүүдө пайдалануу же ээлик кылуу укугу мүлк объектине менчик укугун каттоочу ыйгарым укуктуу мамлекеттик орган тарабынан катталган учурларды жана 409-берененин 1-бөлүгүнүн 3-пунктунда көрсөтүлгөн субъекттерди кошпогондо, мүлк салыгын төлөөчү болуп ижарага берүүчү саналат.";

105) 377-берененин 7-бөлүгү төмөнкүдөй редакцияда баяндалсын:

"7. Эгерде ушул Кодекстин XIII бөлүмүндө башкача белгиленбесе, салык төлөөчүнүн имараттары, жайлары, курулмалары жана/же жер участоктору же анын бир бөлүгү башка салык төлөөчүгө убактылуу пайдаланууга өткөрүлүп берилген учурда же ушул Кодекстин 397-беренесинин 3-бөлүгүндө же 4-бөлүгүндө көрсөтүлгөн классификацияга ылайык салык төлөөчү тарабынан мүлк объектинин ар кандай функциялык багытына шайкеш келген иштин ар кандай түрлөрү үчүн пайдаланылса, имаратка, жайга, курулмага жана жер участокторуна же алардын бөлүктөрүнө мүлк салыгын эсептөө максатында төмөнкүлөргө ылайык келген функциялык багыттагы коэффициенттердин эң чоңу колдонулат:

1) укук күбөлөндүрүүчү документке ылайык мүлк объектинин функциялык багытына;

2) мүлк объектин иш жүзүндө пайдаланууга.";

106) 379-381-беренелер төмөнкүдөй редакцияда баяндалсын:

"379-берене. Салыктын ставкасы

1. Эгерде ушул беренеде башка каралбаса, мүлк салыгынын ставкасы төмөнкүдөй өлчөмдөрдө белгиленет:

1) турак жай мүлк объекттери үчүн объекттердин жайгашкан жерине жараша:

Begin_nocompare

Облустардын, шаарлардын жана райондордун аталышы

Турак жай объектинин дубалынын материалына жараша салыктын ставкасы, 1 ч.м үчүн сом

Үйдүн жанындагы, короо жайга же багбанчылык-чарбак жер участогу үчүн салыктын ставкасы, 1 ч.м үчүн сом

Кыш, жыгач, курама же монолиттүү бетон жана темир бетон, бетон блоктору, кум блоктору, пеноблок, пенобетон, айнек, сэндвич-панель

Чийки чопо (саман, гувляк, сокмо), шлакоблок, полистирол курулуш блогу, металл, башка материалдар жана убактылуу жайлар үчүн материалдар

Жалал-Абад облусу

Жалал-Абад шаары

50,5

34

1,2

Кара-Көл шаары

5,5

3,5

0,6

Таш-Көмүр шаары

5,5

3,5

0,6

Майлуу-Суу шаары

5,5

3,5

0,6

Аксы району

10,5

7

0,12

Ала-Бука району

10,5

7

0,12

Базар-Коргон району

10,5

7

0,12

Ноокен району

10,5

7

0,12

Сузак району

16

10,5

0,12

Тогуз-Торо району

5,5

3,5

0,12

Чаткал району

5,5

3,5

0,12

Токтогул району

5,5

3,5

0,12

Кербен шаары

10,5

7

0,6

Базар-Коргон шаары

10,5

7

0,6

Токтогул шаары

5,5

3,5

0,6

Кочкор-Ата шаары

5,5

3,5

0,6

Шамалдуу-Сай шаары

5,5

3,5

0,6

Көк-Жаңгак шаары

5,5

3,5

0,6

Баткен облусу

Баткен шаары

10,5

7

0,6

Баткен району

10,5

7

0,12

Лейлек району

10,5

7

0,12

Кадамжай району

10,5

7

0,12

Кызыл-Кыя шаары

5,5

3,5

0,6

Сүлүктү шаары

5,5

3,5

0,6

Раззаков шаары

10,5

7

0,6

Айдаркен шаары

10,5

7

0,6

Кадамжай шаары

10,5

7

0,6

Ысык-Көл облусу

Каракол шаары

32

21

1,2

Балыкчы шаары

16

10,5

0,6

Ак-Суу району

16

10,5

0,12

Жети-Өгүз району

16

10,5

0,12

Ысык-Көл району

16

10,5

0,12

Тоң району

10,5

7

0,12

Түп району

10,5

7

0,12

Чолпон-Ата шаары

16

10,5

1,2

Нарын облусу

Нарын шаары

16

10,5

0,6

Ак-Талаа району

5,5

3,5

0,12

Ат-Башы району

5,5

3,5

0,12

Жумгал району

5,5

3,5

0,12

Кочкор району

10,5

7

0,12

Нарын району

10,5

7

0,12

Ош облусу

Алай району

10,5

7

0,12

Араван району

16

10,5

0,12

Кара-Суу району

32

21

0,12

Ноокат району

16

10,5

0,12

Кара-Кулжа району

10,5

7

0,12

Өзгөн району

16

10,5

0,12

Чоң-Алай району

5,5

3,5

0,12

Кара-Суу шаары

32

21

0,6

Өзгөн шаары

16

10,5

0,6

Ноокат шаары

16

10,5

0,6

Талас облусу

Талас шаары

21

14

1,2

Талас району

10,5

7

0,12

Айтматов району

10,5

7

0,12

Бакай-Ата району

10,5

7

0,12

Манас району

5,5

3,5

0,12

Чүй облусу

Токмок шаары

32

21

1,2

Аламүдүн району

42

28

0,12

Жайыл району

21

14

0,12

Кемин району

16

10,5

0,12

Москва району

21

14

0,12

Панфилов району

10,5

7

0,12

Сокулук району

37

24,5

0,12

Чүй району

21

14

0,12

Ысык-Ата району

21

14

0,12

Кара-Балта шаары

32

21

1,2

Кант шаары

21

14

0,6

Кемин шаары

21

14

0,6

Орловка шаары

21

14

0,6

Кайыңды шаары

21

14

0,6

Шопоков шаары

21

14

0,6

Бишкек шаары

63

42

1,8

Ош шаары

57

38

1,8

2) турак жай эмес мүлк объекттери үчүн объекттердин дубалдарынын материалына жараша:

Облустардын, шаарлардын жана райондордун аталышы

Турак жай эмес объекттин дубалынын материалына жараша салыктын ставкасы, 1 ч.м үчүн сом

Калктуу конуштардын жерлери жана турак жай имаратынын, жайынын айыл чарба багытындагы эмес жерлери үчүн салыктын ставкасы, 1 ч.м үчүн сом

Кыш, жыгач, курама же монолиттүү бетон жана темир бетон, бетон блоктору, кум блоктору, пеноблок, пенобетон, айнек, сэндвич-панель

Чийки чопо (саман, гувляк, сокмо), шлакоблок, полистирол курулуш блогу, металл, башка материалдар жана убактылуу жайлар үчүн материалдар

Жалал-Абад облусу

Жалал-Абад шаары

116

77

3,2

Кара-Көл шаары

13

8

2,7

Таш-Көмүр шаары

13

8

2,7

Майлуу-Суу шаары

13

8

2,7

Аксы району

25

16

1,7

Ала-Бука району

25

16

1,6

Базар-Коргон району

25

16

1,8

Ноокен району

25

16

1,9

Сузак району

36

24

1,9

Тогуз-Торо району

13

8

1,9

Чаткал району

13

8

1,6

Токтогул району

13

8

1,6

Кербен шаары

25

16

2,7

Базар-Коргон шаары

25

16

2,8

Токтогул шаары

13

8

2,7

Кочкор-Ата шаары

25

16

1,9

Шамалдуу-Сай шаары

25

16

1,9

Көк-Жаңгак шаары

36

24

1,9

Баткен облусу

Баткен шаары

25

16

1,5

Баткен району

25

16

1,5

Лейлек району

25

16

1,3

Кадамжай району

25

16

1,3

Кызыл-Кыя шаары

13

8

2,3

Сүлүктү шаары

13

8

2,3

Раззаков шаары

25

16

1,3

Айдаркен шаары

25

16

1,3

Кадамжай шаары

25

16

1,3

Ысык-Көл облусу

Каракол шаары

72

48

2,8

Балыкчы шаары

36

24

2,8

Ак-Суу району

36

24

1,8

Жети-Өгүз району

36

24

1,8

Ысык-Көл району

36

24

1,7

Тоң району

25

16

1,8

Түп району

25

16

1,7

Чолпон-Ата шаары

36

24

2,7

Нарын облусу

Нарын шаары

36

24

2,3

Ак-Талаа району

13

8

1,5

Ат-Башы району

13

8

1,7

Жумгал району

13

8

1,5

Кочкор району

25

16

1,5

Нарын району

25

16

1,3

Ош облусу

Алай району

25

16

1,9

Араван району

36

24

1,8

Кара-Суу району

72

48

2,0

Ноокат району

36

24

2,0

Кара-Кулжа району

25

16

1,9

Өзгөн району

36

24

1,9

Чоң-Алай району

13

8

1,8

Кара-Суу шаары

72

48

3,1

Өзгөн шаары

36

24

3,1

Ноокат шаары

36

24

2,0

Талас облусу

Талас шаары

48

32

2,5

Талас району

25

16

1,6

Айтматов району

25

16

1,7

Бакай-Ата району

25

16

1,7

Манас району

13

8

1,6

Чүй облусу

Токмок шаары

72

48

3,1

Аламүдүн району

96

64

1,9

Жайыл району

48

32

1,8

Кемин району

36

24

1,8

Москва району

48

32

2,2

Панфилов району

25

16

1,9

Сокулук району

84

56

2,0

Чүй району

48

32

1,8

Ысык-Ата району

48

32

1,9

Кара-Балта шаары

72

48

3,1

Кант шаары

48

32

2,7

Кемин шаары

36

24

1,8

Орловка шаары

36

24

1,8

Кайыңды шаары

25

16

1,9

Шопоков шаары

84

56

2,0

Бишкек шаары

145

96

3,9

Ош шаары

130

86

3,5

End_nocompare

3) айыл чарба жерлери үчүн - 0,01 пайыз.

2. 2022-жылдын 1-январынан тартып 2030-жылдын 31-декабрына чейин айыл чарба жерлерине мүлк салыгынын ставкасы 0 пайыз өлчөмүндө белгиленет.

Айыл чарба жерлерине мүлк салыгынын ставкасын 0 пайыз өлчөмүндө белгилөөдө салык органы тарабынан салыктын суммасын эсептөө боюнча милдеттенмелер келип чыкпайт.

380-берене. Мүлк салыгын эсептөө үчүн формула

1. Мүлк салыгынын суммасын эсептөө төмөнкүдөй тартипте жүргүзүлөт:

1) турак жай мүлк объектине салыктын суммасын эсептөө төмөнкүдөй формула боюнча жүргүзүлөт:

С = (СБт х ССт х Ки) + (СБжу х ССжу х Ки),

мында: С - турак жай мүлк объектине салыктын суммасы; СБт - турак жай имаратынын, жайдын салыктык базасы; ССт - турак жай имаратына, жайга салыктын ставкасы; СБжу - үйдүн жанындагы, короонун жанындагы же багбанчылык-чарбак жер участогунун салыктык базасы; ССжу - үйдүн жанындагы, короонун жанындагы же багбанчылык-чарбак жер участогуна салыктын ставкасы; Ки - турак жай мүлк объектине салыкты эсептөөдө учурдагы салык мезгилинде колдонулуучу инфляция коэффициенти, ыйгарым укуктуу салык органы тарабынан мурунку салык мезгилинин 1-октябрынан кечиктирбестен мурунку жыл үчүн улуттук статистиканын расмий маалыматтарынын негизинде бекитилет. Эгерде учурдагы салык мезгилине инфляция коэффициенти белгиленбесе, ал мурунку салык мезгилинде колдонулган коэффициентке барабар деп кабыл алынат;

2) турак жай эмес мүлк объектине салыктын суммасын эсептөө төмөнкүдөй формула боюнча жүргүзүлөт:

С = (СБтэ х ССтэ х Кни х Ки) + (СБжу х ССжу х Кнжу х Ки),

мында: С - турак жай эмес мүлк объектине салыктын суммасы; СБтэ - турак жай эмес имараттын, жайдын, курулманын салыктык базасы; ССтэ - турак жай эмес имаратка, жайга, курулмага салыктын ставкасы; Ктэ - турак жай эмес имараттын, жайдын, курулманын функциялык багыттагы коэффициенти; СБжу - калктуу конуштардын жана айыл чарба эмес багытындагы жерлердин салыктык базасы; ССжу - калктуу конуштардын жана айыл чарба эмес багытындагы жерлердин салыгынын ставкасы; Кнжу - калктуу конуштардын жана айыл чарба эмес багытындагы жерлердин функциялык багыттагы коэффициенти; Ки - турак жай эмес мүлк объектине салыкты эсептөөдө учурдагы салык мезгилинде колдонулуучу инфляция коэффициенти, ыйгарым укуктуу салык органы тарабынан мурунку салык мезгилинин 1-октябрынан кечиктирбестен мурунку жыл үчүн улуттук статистиканын расмий маалыматтарынын негизинде бекитилет. Эгерде учурдагы салык мезгилине инфляция коэффициенти белгиленбесе, ал мурунку салык мезгилинде колдонулган коэффициентке барабар деп кабыл алынат;

3) айып чарба жерлерине таандык болгон жер участогуна салыктын суммасын эсептөө төмөнкүдөй формула боюнча жүргүзүлөт:

С = СБ х СН х СС,

мында: С - айып чарба жерлерине таандык жер участогуна салыктын суммасы; СБ - айыл чарба жерлерине таандык жер участогунун салыктык базасы; СН - айыл чарба жерлерине таандык жер участогунун бир чарчы метрине салык наркы; СС - айыл чарба жерлерине таандык жер участогуна салыктын ставкасы.

381-берене. Эсептөө тартиби

1. Мүлк салыгын эсептөө салык органдары тарабынан ушул бөлүмдө белгиленген тартипке ылайык жүргүзүлөт.

2. Турак жай мүлк объекттерине, турак жай эмес мүлк объекттерине, ошондой эле айыл чарба жерлерине таандык жер участокторуна салыктын суммасын эсептөө боюнча милдет төмөнкүлөрдүн жайгашкан жери боюнча салык органына жүктөлөт:

- турак жай имараты, жай;

- ишкердик ишти жүргүзүү үчүн пайдаланылбаган үйдүн жанындагы, короонун жанындагы же багбанчылык-чарбак жер участогу;

- базардын/кичи базардын аймагында жайгашкан жана кыймылсыз мүлккө укуктарды мамлекеттик каттоону жүзөгө ашыруучу органда каттоодон өтпөгөн турак жай эмес имараттар, жайлар жана курулмалар, анын ичинде турак жай эмес курулмалар;

- калктуу конуштардын жерлери жана айыл чарба эмес багытындагы жерлер;

- айыл чарба жерлерине таандык жер участогу.

3. Базардын/кичи базардын аймагында жайгашкан турак жай эмес мүлк объектине - турак жай эмес курулмага салык органдары тарабынан салыкты эсептөө базардын/кичи базардын ээси (дирекциясы) тарабынан учурдагы жылдын 1-февралына чейинки мөөнөттө берилүүчү маалыматтардын негизинде жүзөгө ашырылат.

Маалыматтарды берүү формасы жана тартиби ыйгарым укуктуу салык органы тарабынан аныкталат.

4. Салык төлөөчүдө бирден ашык турак жай имаратынын объекти, жайы болгон учурда турак жай мүлк объектине салыкты эсептөөдө салык органы жеңилдикти колдонууга укуктуу:

1) ушул Кодекстин 409-беренесинин 1-бөлүгүнүн 1-пунктуна ылайык салыктын эсептелген суммасынын эң көп өлчөмү менен турак жай имаратына, жайга карата;

2) ушул Кодекстин 409-беренесинин 1-бөлүгүнүн 1-пунктуна жана 2-бөлүгүнүн 1 -пунктуна ылайык салыктын эсептелген суммасынын эң чоң өлчөмү менен бир турак жай имаратына, жайга карата.

Эгерде ушул объекттин салыктык базасы ушул Кодекстин 409-беренесинин 1-бөлүгүнүн 1-пунктунда белгиленген жеңилдиктер колдонулгандан кийин нөлдүк же терс мааниге ээ болсо, анда ушул Кодекстин 409-беренесинин 2-бөлүгүнүн 1-пунктунда белгиленген жеңилдик салыктын эсептелген суммасынын экинчи эң чоң өлчөмү менен салык салынуучу турак жай имаратына, жайга карата колдонулат;

3) эгерде ушул бөлүктүн 1-пунктунда көрсөтүлгөн эки же андан көп турак жай мүлк объекттерине салыктын эсептелген суммасы бирдей көп мааниге ээ болгон учурларда жеңилдик берилүүгө тийиш болгон мүлк объекттеринин кайсынысына болбосун карата.

5. Салык органынын мүлк салыгынын суммасын эсептөө жөнүндө билдирүүсү салык төлөөчүгө тапшырылат:

- турак жай мүлк объектине - учурдагы салык мезгилинин 1-августунан кечиктирбестен;

- айыл чарба жерлерине таандык жер участогуна, ошондой эле базардын/кичи базардын аймагында жайгашкан жана кыймылсыз мүлккө укуктарды мамлекеттик каттоону жүзөгө ашыруучу органда каттоодон өтпөгөн турак жай эмес курулмаларды кошуп алганда, турак жай эмес мүлк объектине - учурдагы салык мезгилинин 1-мартынан кечиктирбестен.

6. Эгерде турак жай мүлк объектине салык төлөө боюнча милдеттенме учурдагы салык мезгилинин 1-августунан тартып аягына чейинки мезгилде келип чыкса, салыктын суммасын эсептөө жөнүндө салык органынын билдирүүсү учурдагы салык мезгилинин 15-декабрынан кечиктирбестен тапшырылат.

Эгерде турак жай эмес мүлк объектине салык төлөө боюнча милдеттенме учурдагы салык мезгилинин 1-мартынан тартып аягына чейинки мезгилде келип чыкса, салыктын суммасын эсептөө жөнүндө салык органынын билдирүүсү учурдагы салык мезгилинин тиешелүү кварталынын үчүнчү айынын 15инен кечиктирбестен тапшырылат.

7. Салык органынын мүлк салыгынын суммасын эсептөө жөнүндө билдирүүсү төмөнкүлөрдү камтыйт:

1) салык органынын реквизиттерин;

2) салык төлөөчүнүн реквизиттерин;

3) салыкты эсептөө үчүн негизди;

4) салыктык базанын өлчөмүн жана эсептелген салыктын суммасын;

5) салыкты төлөөнүн белгиленген мөөнөтүн.";

107) 383-беренеде:

а) 5-бөлүк "саткандан" деген сөздөн кийин ", пайдаланууга киргизилгенден" деген сөздөр менен толукталсын;

б) 9-бөлүк төмөнкүдөй мазмундагы абзац менен толукталсын:

"Тиешелүү жыл үчүн төлөнгөн салык кайтарылбайт.";

108) 384-берене күчүн жоготту деп таанылсын;

109) 385-берененин 1-бөлүгүндө:

а) 1-пункт төмөнкүдөй редакцияда баяндалсын:

"1) айыл чарба жерлерине таандык жер участогунун бирдигинин базалык салыктык наркы;";

б) 3-пункт күчүн жоготту деп таанылсын;

110) 50-главанын аталышы төмөнкүдөй редакцияда баяндалсын: "50-глава. Турак жай мүлк объекттерине салыкты эсептөө, төлөө мөөнөтү";

111) 386-388-беренелер төмөнкүдөй редакцияда баяндалсын:

"386-берене. Турак жай мүлк объектине салыкты эсептөө

1. Ушул беренеге ылайык турак жай мүлк объектине салыкты эсептөө тартиби төмөнкүлөргө колдонулат:

1) турак жай имаратын же жайын же анын ишкердик максатта пайдаланылган бөлүгүн, ошондой эле курорттук-рекреациялык зоналардын аймагында жайгашкан турак жай имаратын же жайын кошпогондо, турак жай фондуна таандык имаратка же жайга;

2) үйдүн жанындагы, короонун жанындагы же багбанчылык-чарбак жер участогуна.

2. Турак жай мүлк объектине салыкты эсептөө үчүн салыктык база төмөнкүдөй аныкталат:

1) турак жай имараты же жай үчүн - кыймылсыз мүлккө укуктарды каттоону жүзөгө ашыруучу ыйгарым укуктуу мамлекеттик орган тарабынан берилүүчү салык төлөөчүнүн кыймылсыз мүлк бирдигинин техникалык паспортунда көрсөтүлгөн ички ченөө боюнча мүлк объектинин жалпы аянтынын өлчөмү жөнүндө маалыматтардын негизинде;

2) үйдүн жанындагы, короонун жанындагы же багбанчылык-чарбак жер участогу үчүн - укук күбөлөндүрүүчү документте көрсөтүлгөн жер участогунун аянты катары.

3. Эгерде үйдүн жанындагы, короонун жанындагы же багбанчылык-чарбак жер участогу же анын бир бөлүгү ишкердик максаттарда пайдаланылса, бул жер участогуна же анын бир бөлүгүнө мүлк салыгы ушул Кодекстин 51-главасына ылайык эсептелет.

4. Көп батирлүү үйлөрдүн үйдүн жанындагы, короонун жанындагы же багбанчылык-чарбак жер участогу боюнча турак жай мүлк объектине салык төлөө боюнча милдеттенме турак жай жана турак жай эмес жайлардын ээлерине турак жай жана турак жай эмес жайлардын ээлеринин жалпы мүлкүндөгү алардын үлүшүнө пропорциялуу түрдө жүктөлөт.

Көп батирлүү үйдүн турак жай жана турак жай эмес жайларынын ээлеринин мүлкүн башкарууну башкаруучу компанияларга, башкаруучуларга, турак жай ээлеринин шериктештигине, кондоминиумдарга же турак жай-эксплуатациялык кооперативдерге өткөрүп берүүдө үйдүн жанындагы, короонун жанындагы же багбанчылык-чарбак жер участогуна турак жай мүлк объектине салык төлөө боюнча милдеттенме башкаруучу компанияларга, башкаруучуларга, турак жай ээлеринин шериктештигине, кондоминиумдарга же турак жай-эксплуатациялык кооперативдерге жүктөлөт.

5. Турак жай мүлк объектине салыктын суммасы ушул Кодекстин 380-беренесинде каралган формула боюнча аныкталат.

387-берене. Турак жай имаратына жана жайга салыктык базаны аныктоонун өзгөчөлүктөрү

1. Эгерде салык төлөөчүнүн турак жай имараттарына жана жайларына таандык бирден көп мүлк объекти болсо, мындай мүлк объекттеринин бири боюнча салыктык база ушул Кодекстин 409-беренесинин 1-бөлүгүндө белгиленген жеңилдикти эске алуу менен аныкталат.

2. Ушул берененин 1-бөлүгүндө көрсөтүлгөн имарат же жай боюнча мүлк салыгын эсептөө үчүн салыктык база ушул Кодекстин 376 жана 377-беренелерине ылайык аныкталган салыктык базанын жана ушул Кодекстин 409-беренесинин 1-бөлүгүнө ылайык салык салуудан бошотулган аянттын өлчөмүнүн ортосундагы оң айырма катары аныкталат.

3. Ушул берененин 2-бөлүгүндө каралган салыктык базаны эсептөөнүн жыйынтыгында алынган айырма терс мааниге ээ болгон учурда, ушул турак жай имараты же жай боюнча турак жай мүлк объектине карата түзгөн салыктын суммасы нөлгө барабар деп таанылат, ал эми терс айырма башка имараттар же жайлар боюнча мүлк салыгын эсептөөдө эсепке алынбайт.

388-берене. Турак жай мүлк объектине салык төлөө мөөнөтү Турак жай мүлк объектине салык учурдагы салык мезгилинин 1-сентябрынан кечиктирбестен төлөнөт. Эгерде турак жай мүлк объектине салык төлөө боюнча милдеттенме учурдагы салык мезгилинин 1-сентябрынан тартып аягына чейинки мезгилде келип чыкса, салык милдеттенмеси келип чыккан айдан кийинки айдын биринен кечиктирилбестен төлөнүүгө тийиш.";

112) 389-396-беренелер күчүн жоготту деп таанылсын;

113) 51-главанын аталышы төмөнкүдөй редакцияда баяндалсын: "51-глава. Турак жай эмес мүлк объекттерине салыкты эсептөө, төлөө мөөнөтү";

114) 397 жана 398-беренелер төмөнкүдөй редакцияда баяндалсын:

"397-берене. Турак жай эмес мүлк объектине салыкты эсептөө

1. Ушул беренеге ылайык турак жай эмес мүлк объектине салыкты эсептөө тартиби төмөнкүлөргө колдонулат:

1) турак жай эмес имаратка, курулмага же жайга, турак жай имаратына же жайга же анын ишкердик максаттарда пайдаланылган бөлүгүнө, ошондой эле курорттук-рекреациялык зоналардын аймагында жайгашкан турак жай имаратына, курулмага же жайга;

2) калктуу конуштардын жерлерине жана айыл чарба эмес багытындагы жерлерге.

2. Турак жай эмес мүлк объектине салыкты эсептөө үчүн салыктык база төмөнкүдөй аныкталат:

1) турак жай эмес имараттар, курулмалар жана жайлар, турак жай имараттары, жайлар, курулмалар же алардын ишкердик максаттарда пайдаланылган бөлүгү, ошондой эле курорттук-рекреациялык зоналардын аймагында жайгашкан имараттар, жайлар, курулмалар үчүн - салык төлөөчүнүн кыймылсыз мүлк бирдигинин техникалык паспортунда көрсөтүлгөн, ишкердик иш үчүн пайдаланылган жана/же бөлүнгөн жана/же пайдаланууга арналган кыймылсыз мүлккө укуктарды каттоону жүзөгө ашыруучу мамлекеттик орган тарабынан берилүүчү мекемелик, административдик, соода, кампалык, өндүрүштүк, маданий-тиричилик, кызматтык жана башка жайлардын ички ченөө боюнча жалпы аянтынын өлчөмү жөнүндө маалыматтардын негизинде;

2) калктуу конуштардын жерлери жана айыл чарба багытындагы эмес жерлер үчүн - укук күбөлөндүрүүчү документте көрсөтүлгөн жер участогунун аянты катары.

3. Турак жай эмес имараттын, жайдын жана курулманын функциялык багытынын коэффициенти (Кн) ушул Кодекстин 377-беренесинин 6 жана 7-бөлүктөрүнүн жоболорун эске алуу менен укук күбөлөндүрүүчү документте көрсөтүлгөн функциялык багытына жараша белгиленет:

Begin_nocompare

Объекттин функциялык багыты

Турак жай эмес имараттын, жайдын, курулманын функциялык багытынын коэффициенти

Ломбарддар, алмаштыруу пункттары

1,6

Курорттук-ден соолукту чыңдоочу мекемелердин аймагында жайгашкан турак жай имараттар жана жайлар

1,5

Май куюучу станциялар

1,6

Кичи базарлар, базарлар, соода-базар борборлору, комплекстери, соода борборлору

1

Коомдук тамактануу, соода, кызмат көрсөтүүлөр чөйрөсүндөгү мүлк объекттери

0,8

Темир жол вокзалдары жана автовокзалдар, автостанциялар, темир жол транспортунун жүк станциялары

0,7

Административдик, кеңсе имараттары, бизнес-борборлор, банктар, ошондой эле капиталдык курулуштар же коммерциялык эмес уюмдардын жайлары

0,6

Транспорт ишканаларынын, автосервис, байланыш жана энергетика ишканаларынын мүлк объекттери

0,5

Коргонуу-спорттук-техникалык мүлк объекттери

0,3

Айып чарба өндүрүштүк имараттар

0,3

Санаторийлер, пансионаттар, эс алуу үйлөрү, мейманканалар

0,8

Өнөр жай, курулуш мүлк объекттери

0,2

Оюн-зоок жайлары

2,2

Ушул беренеде коэффициенти белгиленбеген турак жай эмес имараттар, жайлар жана курулмалар үчүн функциялык багыттын коэффициенти 1,0 барабар деп кабыл алынат.

4. Функциялык багыттын коэффициенти (Кн) ушул Кодекстин 377-беренесинин 6 жана 7-бөлүктөрүнүн жоболорун эске алуу менен аны берүүдө аныкталган, укук күбөлөндүрүүчү документте көрсөтүлгөн жер участогунун багытына жараша белгиленет:

Объекттин функциялык багыты

Калктуу конуштардын жерлеринин жана айыл чарба багытындагы эмес жерлердин функциялык багытынын коэффициенти

Дүкөндөрдүн имараттары, күркөлөр, ларектор, павильондор жана башка соода объекттери үчүн аянттарына жараша:

1) 10 ч.м чейин

22,5

2) 10дон 20 ч.м чейин

16,5

3) 20дан 35 ч.м чейин

10,5

4) 35тен 50 ч.м чейин

7,5

5) 50 жана андан жогору ч.м

6,0

Жаныбарларды, канаттууларды, айыл чарба жаныбарлары үчүн тоюттарды сатууга арналган базарларды кошпогондо, кичи базарлар, базарлар, соода борборлору, комплекстери үчүн

7,5

Жаныбарларды, канаттууларды, айыл чарба жаныбарлары үчүн тоюттарды сатууга арналган базарлар үчүн

4,5

Коомдук тамактанууну уюштурууга арналган имараттар жана жайлар үчүн

3,0

Мейманкана иши үчүн имараттар жана жайлар үчүн

7,0

Банктардын, ломбарддардын, акча алмашуу жайларынын имараттары үчүн

5,0

Күнү-түнү/түнкү көңүл ачуучу мекемелердин имараттары жана жайлары үчүн

7,0

Кеңселери менен бизнес-борборлордун, биржалардын имараттары үчүн

2,5

Авто май куюучу станциялардын имараттары жана курулмалары үчүн

10,0

Мунай базалардын имараттары жана курулмалары үчүн

1,5

Жеңил жана жүк ташуучу автотранспорт токтотуучу акы төлөнүүчү жайлар, автосервистин имараттары, жайлары жана курулмалары үчүн

4,5

Жарнама курулмалары үчүн

50

Ушул бөлүктө көрсөтүлгөндөрдү кошпогондо, эс алуу жана көңүл ачуу, ден соолукту чыңдоо кызмат көрсөтүүлөрү, жеке кызмат көрсөтүү чөйрөсү үчүн арналган имараттар, жайлар жана курулмалар үчүн

1,5

Ушул бөлүктө көрсөтүлгөндөрдү кошпогондо, өнөр жай, транспорт, курулуш, байланыш жана энергетика, эркин экономикалык зоналардын аймактарынын имараттары, жайлары жана курулмалары үчүн

0,5

Кен казуу ишканаларынын имараттары, жайлары жана курулмалары үчүн, автомобиль жана темир жол транспортунун жүк ташуучу станциялары, транспорттук-логистикалык борборлор, темир жол жана аба транспортунун ишканаларынын санитардык-коргоо зоналары үчүн

0,3

Илим, билим берүү, саламаттык сактоо, маданият, дене тарбия-спорт, спорт мекемелеринин имараттары, жайлары жана курулмалары үчүн

0,3

Айыл чарбасындагы өндүрүштүк имараттар, жайлар жана курулмалар: гараждар, оңдоо устаканалары, кырмандар, дан тазалоочу комплекстер, жашылча сактагычтар, курулуш жана чарбалык жайлар жана айыл чарба багытындагы башка объекттер үчүн

0,2

Кен чыккан жерди, карьерлерди, шахталарды, разрездерди, күл төгүүчү жайларды иштетүү үчүн

0,05

Байланыш жана электр өткөргүч аба линиялары, коргонуу-спорттук-техникалык уюмдар үчүн

0,01

Геологиялык чалгындоо, долбоорлоо-иликтөө, чалгындоо жана изилдөө иштерин жүргүзүү үчүн

0,005

Ушул бөлүктө көрсөтүлбөгөн иштин түрлөрүнө административдик имараттар үчүн

1,0

Айыл чарба кооперативине жана айыл чарба багытындагы соода-логистикалык борборго менчик укугунда таандык болгон жана алардын негизги ишинин максатында пайдаланылган имараттар жана курулмалар үчүн

0,1

Ушул беренеде коэффициент белгиленбеген калктуу конуштардын жер участоктору жана айыл чарба багытындагы эмес жер участоктору үчүн функциялык багыттын коэффициенти 1,0гө барабар деп кабыл алынат.

5. Турак эмес мүлк объектине мүлк салыгынын суммасы ушул Кодекстин 380-беренесинде каралган формула боюнча аныкталат.

398-берене. Турак эмес мүлк объектине салык төлөө мөөнөтү Турак эмес мүлк объектине салык ар квартал сайын учурдагы кварталдын үчүнчү айынын 20сынан кечиктирилбестен учурдагы салык мезгилинин ичинде бирдей үлүштөр менен төлөнөт.";

115) 399-берене күчүн жоготту деп таанылсын;

116) 53-глава күчүн жоготту деп таанылсын;

117) 409-беренеде:

1) 1-бөлүктө:

- 1-пунктта "Калктуу конуштарда" деген сөздөр "Айыл аймактарында жана шаарларда" деген сөздөргө алмаштырылсын;

- төмөнкүдөй мазмундагы 7-пункт менен толукталсын:

"7) футбол чөйрөсүндө иш жүргүзүүчү уюмдардын менчигинде турган жана футболду уюштуруу жана өнүктүрүү максатында гана пайдаланылган имараттар, курулмалар жана жайлар.";

б) төмөнкүдөй мазмундагы 3-1-бөлүк менен толукталсын:

"3-1. Ушул берененин 1-бөлүгүнүн 1-пунктунда жана 2-бөлүгүнүн 1-пунктунда каралган жеңилдиктер ишкердик максаттарда пайдаланылуучу, ошондой эле курорттук-рекреациялык зоналардын аймактарында жайгашкан турак жай имараттарына жана жайларга карата колдонулбайт.";

в) 4-бөлүк күчүн жоготту деп таанылсын;

118) 411-беренеде:

а) 1-бөлүктүн 3-пункту төмөнкүдөй редакцияда баяндалсын:

"3) жеке жак - Кыргыз Республикасынын мамлекеттик пенсиялык социалдык камсыздандыруу чөйрөсүндөгү мыйзамдарына ылайык пенсиялык куракка жеткен Кыргыз Республикасынын жараны;";

б) 2-бөлүк төмөнкүдөй мазмундагы 5-пункт менен толукталсын:

"5) футбол чөйрөсүндө иш жүргүзүүчү уюмдар.";

119) 412-1-берененин 2-бөлүгүндө "ушул бөлүмдө" деген сөздөр "ушул Кодекстин XIV бөлүмүндө" деген сөздөргө алмаштырылсын;

120) 413-беренеде:

а) 3-бөлүк төмөнкүдөй редакцияда баяндалсын:

"3. Патент салык төлөөчү тарабынан салык органында же салык төлөөчүнүн кабинети аркылуу электрондук түрдө ишкердик жана/же жеке эмгек ишин жүргүзгөн жери боюнча сатып алынат. Соода ишин жүргүзгөн ишкердик субъекти үчүн соода ордунун жана/же объектинин болушу кошумча шарт болуп саналат.";

б) 7-бөлүк төмөнкүдөй редакцияда баяндалсын:

"7. Патент ыйгарым укуктуу салык органы тарабынан аныкталуучу иштин айрым түрлөрү боюнча патентти кошпогондо, патентте көрсөтүлгөн аймакта (район, районго бөлүнбөгөн шаар же Бишкек шаары) гана жарактуу болот. Ишкердик же жеке эмгек ишин жүргүзүү максатында патентти же анын көчүрмөсүн башка адамга өткөрүп берүүгө тыюу салынат.";

121) 416-беренеде:

а) 4-бөлүк төмөнкүдөй мазмундагы 5 жана 6-пункттар менен толукталсын:

"5) дистрибьютор болуп саналган жеке жак;

6) бизнести майдалоо критерийлерине туура келген жеке жак.";

б) 6-бөлүк төмөнкүдөй мазмундагы 6-пункт менен толукталсын:

"6) салык төлөөчү патентте көрсөтүлбөгөн аймакта иш жүргүзсө.";

в) төмөнкүдөй мазмундагы 8-бөлүк менен толукталсын:

"8. Эгерде салык төлөөчү экономикалык ишин токтотсо, ошол эле учурда учурдагы календардык жылда алууга пландалган түшкөн акчанын билдирилген көлөмүнөн ашып кеткендиги аныкталса, ашып кеткен суммага жалпы салык режими боюнча салыктар эсептелет.";

122) 417-беренеде:

а) 2-бөлүк төмөнкүдөй редакцияда баяндалсын:

"2. Патент төмөнкүлөргө алынышы мүмкүн:

а) соода иши үчүн учурдагы календардык жылга жана учурдагы календардык жылдын калган айларына карата;

б) калган иштер үчүн катары менен келген 15, 30, 90, 180 жана 365 күнгө. 90 календардык күнгө патент алууда салыктын суммасы 5 пайызга, 180 календардык күнгө - 10 пайызга, 365 календардык күнгө - 15 пайызга төмөндөтүлөт.";

в) 3-бөлүк "кайтарып берилүүгө" деген сөздөрдөн кийин "жана чегерилүүгө" деген сөздөр менен толукталсын;

123) 419-берененин 1-бөлүгү төмөнкүдөй мазмундагы 4-пункт менен толукталсын:

"4) Кыргыз Республикасынын аймагынан тышкары иш жүргүзгөн субъект. Ушул главанын максаттарында Кыргыз Республикасынын аймагынан тышкары иш деп Кыргыз Республикасы бул товарлар чыгарылган жер болуп саналбаган учурда Кыргыз Республикасынын аймагынын чегинен тышкары жайгашкан жерде товарларды сатуу боюнча иш түшүнүлөт. Кыргыз Республикасынын Мамлекеттик чек арасынан өтпөгөн товарлар да товарлар деп түшүнүлөт.";

124) 420-беренеде:

а) 2-бөлүк төмөнкүдөй редакцияда баяндалсын:

"2. Салык салуунун жөнөкөйлөтүлгөн тутумун колдонууга ниеттенген жеке ишкер же юридикалык жак катары мамлекеттик каттоодо салык төлөөчү каттоо арызында бирдиктүү салыктын тиешелүү ставкасын тандоого милдеттүү.";

б) 3-бөлүктүн 1-пункту төмөнкүдөй редакцияда баяндалсын:

"1) жалпы салык режиминин негизинде учурдагы салыктык эсепке алуу жери боюнча салык органына алдыдагы календардык кварталдын айынын бирине чейин арыз берет. Салык салуунун жөнөкөйлөтүлгөн тутумунун негизинде бирдиктүү салыкты төлөө салык төлөөчү тарабынан арыз берилген кварталдан кийинки календардык кварталдын айынын биринен тартып жүзөгө ашырылат;";

в) төмөнкүдөй мазмундагы 8-бөлүк менен толукталсын:

"8. Бизнести майдалоо критерийлерине туура келген салык төлөөчү ушул Кодекстин 423-беренесинин 1-бөлүгүнүн 1-пунктунун "а" пунктчасында жана 8-бөлүгүндө каралган ставкалар боюнча салык салуунун жөнөкөйлөтүлгөн тутумун колдонууга укугу жок. Ушул бөлүктө белгиленген шарттарга ылайык келбеген учурларда салык төлөөчү ылайык келбестик белгиленген айдан кийинки ай аяктаганга чейин учурдагы салыктык эсепке алуу жери боюнча салык органына ушул Кодекстин 423-беренесинин 1-бөлүгүнүн 1-пунктунун "б" пунктчасында каралган ставканы колдонууга өтүү жөнүндө арыз берүүгө милдеттүү жана салык төлөө арыз берилген айдан кийинки айдын биринен тартып жүзөгө ашырылат. Эгерде учурдагы салыктык эсепке алуу жери боюнча салык органына салыктын ставкасын колдонууну өзгөртүү жөнүндө арыз берүүгө милдеттүү болгон салык төлөөчү аны бербесе же өз убагында бербесе, анда ал салык төлөөчү катары ушул Кодекстин 423-беренесинин 1-бөлүгүнүн 1-пунктунун "б" пунктчасында каралган ставканы колдонуу менен ал арыз берүүгө милдеттүү болгон айдан кийинки айдын биринен тартып таанылат.";

125) төмөнкүдөй мазмундагы 422-1-берене менен толукталсын:

"422-1-берене. Салык милдеттенмесинин келип чыккан датасы Салык милдеттенмесинин келип чыккан датасы болуп эсеп-фактура берилген дата же бул окуялардын кайсынысы мурда болгонуна жараша төлөм келип түшкөн дата саналат.";

126) 423-беренеде:

а) төмөнкүдөй мазмундагы 1-1-бөлүк менен толукталсын:

"1-1. 422-берененин 3-бөлүгүндө каралган кирешелер боюнча салык төлөөчү салыкты ушул берененин 1-бөлүгүнүн 3-пунктунда белгиленген ставкалар боюнча эсептейт жана төлөйт.";

б) төмөнкүдөй мазмундагы 6-1-бөлүк менен толукталсын:

"6-1. Кыргыз Республикасынын аймагынан тышкары иш жүргүзүүчү субъект бул ишке карата 1 пайыз өлчөмүндө салык төлөйт.";

в) 7-бөлүк төмөнкүдөй редакцияда баяндалсын:

"7. Ушул берененин 1-бөлүгүнүн 1-пунктунун "а" пунктчасында, 6 жана 8-бөлүктөрүндө көрсөтүлгөн субъекттерди, ошондой эле ушул Кодекстин 324-беренесинде белгиленген режимди колдонуучу субъектти кошпогондо, иштин бир нече түрүн жүзөгө ашыруучу салык төлөөчү иштин ошол түрлөрү үчүн белгиленген ставкалар боюнча иштин ар бир түрү үчүн салыкты өзүнчө эсептейт жана төлөйт. Ушул берененин 1-бөлүгүнүн 1-пунктунун "а" пунктчасында жана 8-бөлүгүндө көрсөтүлгөн салык төлөөчү иштин кошумча түрлөрүн жүзөгө ашырууга ниеттенсе, салык төлөөчү иштин кошумча түрүн жүзөгө ашыра баштаган айдан кийинки айдын биринен тартып ушул берененин 1-бөлүгүнүн 1-пунктунун "б" пунктчасында көрсөтүлгөн бирдиктүү салыктын ставкаларын колдонууга милдеттүү.";

г) 8-бөлүк төмөнкүдөй мазмундагы абзац менен толукталсын:

"Ушул бөлүктүн ченемдери дары каражаттарын, медициналык буюмдарды, күйүүчү-майлоочу материалдарды саткан, бизнести майдалоо критерийлерине туура келген жеке ишкерге, ошондой эле дистрибьюторго жайылтылбайт.";

д) 9-бөлүк төмөнкүдөй редакцияда баяндалсын:

"9. Креативдүү индустриялар паркынын резиденти тарабынан ушул берененин 6-бөлүгүндө белгиленген ставканы колдонуу Креативдүү индустриялар паркынын дирекциясынын адамды Креативдүү индустриялар паркынын резиденти катары каттоо жөнүндө электрондук кабарлоосунун негизинде жүзөгө ашырылат. Кабарлоону дирекция резиденттин салыктык каттоо жери боюнча салык органына жиберет. Ушул берененин 6-бөлүгүндө белгиленген ставкалар боюнча бирдиктүү салыкты төлөө салык органы дирекциянын кабарлоосун алган айдан кийинки айдын биринен тартып жүзөгө ашырылат.";

е) 11-бөлүк төмөнкүдөй редакцияда баяндалсын:

"11. Ушул берененин 8-бөлүгүндө каралган ставка боюнча салык төлөөчү жеке ишкер түшкөн акчасынын көлөмү катары менен келген акыркы 12 ай ичинде 15000000 сомдон ашканга чейин учурдагы салыктык эсепке алуу жери боюнча салык органына ушул берененин 1-бөлүгүнүн 1-пунктунун "а" же "б" пунктчаларында каралган салыктын ставкасын колдонуу жөнүндө арыз берүүгө милдеттүү. Салыкты жаңы тандалган ставка боюнча төлөө арыз берилген айдан кийинки айдын биринен тартып жүргүзүлөт. Эгерде ушул берененин 1-бөлүгүнүн 1-пунктунун "а" пунктчасында жана 8-бөлүгүндө каралган ставка боюнча салык төлөөчү субъект салыктын ставкасын өзгөртүү жөнүндө арызды учурдагы салыктык эсепке алуу жери боюнча салык органына берүүгө милдеттүү болсо, бирок аны бербесе же өз убагында бербесе, анда мындай субъект арыз берүүгө милдеттүү болгон айдан кийинки айдын 1инен тартып ушул берененин 1-бөлүгүнүн 1-пунктунун "б" пунктчасында каралган ставка боюнча салык төлөөчү деп таанылат.";

ж) 18-бөлүк төмөнкүдөй редакцияда баяндалсын:

"18. Министрлер Кабинетинин чечимине ылайык мамлекеттик муктаждыктар үчүн кыймылсыз мүлктү алмаштырууну жана/же өткөрүп берүүнү жүзөгө ашыруучу субъект салыкты 0 пайыз ставка боюнча төлөйт.";

127) 433-берене төмөнкүдөй редакцияда баяндалсын:

"433-берене. Салыктык каттоо Жогорку технологиялар паркынын резидентин каттоо ал резиденттин салыктык катталган жери боюнча салык органына жиберилген Жогорку технологиялар паркынын дирекциясынын резиденттин атайын салык режимин колдонуу ниети жөнүндө электрондук кабарлоосунун негизинде жүргүзүлөт. Жогорку технологиялар паркында салык режими боюнча каттоо салык органы дирекциянын кабарлоосун алган айдан кийинки айдын биринен тартып күчүнө кирет.";

128) 456-берененин 2-бөлүгүнүн биринчи абзацында "кварталына бир жолу" деген сөздөр алып салынсын;

129) 458-берененин 1-бөлүгүнүн 2-пунктунун "а" пунктчасы төмөнкүдөй редакцияда баяндалсын:

"а) кол менен жылдырылуучу арабалардан тышкары, белгилүү бир шифр менен белгиленген номер коюлган соода орундарын жайгаштыруу схемаларын;";

130) 459-берененин 2-бөлүгү төмөнкүдөй редакцияда баяндалсын:

"2. Салык төлөөчү өзгөчө режимдеги соода зонасындагы ишке салык төлөөгө арызды өзгөчө режимдеги соода зонасынын жайгашкан жери боюнча салык органына мындай иш башталганга чейин берүүгө милдеттүү.".

7-берене. Кыргыз Республикасынын Эмгек кодексине ("Эркин-Тоо" гезити, 2025-жылдын 28-январы, № 6) төмөнкүдөй өзгөртүү киргизилсин: 91-берененин 8-бөлүгү төмөнкүдөй редакцияда баяндалсын: "8. Эмгек акыны төлөө накталай эмес формада жүргүзүлүүгө тийиш:

- иш берүүчү - юридикалык жак тарабынан;

- иш берүүчү- жеке ишкер тарабынан чет өлкөлүк жарандарга эмгек акы төлөөдө.

Ал жеткис күчтүн жагдайлары пайда болгон, өзгөчө абал же өзгөчө кырдаал жарыяланган учурда, ошондой эле Кыргыз Республикасынын Министрлер Кабинети тарабынан каралган учурларда эмгек акыны накталай формада төлөөгө уруксат берилет. Кыргыз Республикасынын Министрлер Кабинети иш берүүчүлөргө - иштин айрым түрлөрүндөгү уюмдарга же өлкөнүн белгилүү бир аймактарында эмгек акыны накталай формада төлөөгө уруксат берүүгө укуктуу.".

8-берене. "Мамлекеттик социалдык камсыздандыруу жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Ведомосттору, 1996-ж., № 7, 85-ст.) төмөнкүдөй өзгөртүү киргизилсин: 24-статьянын 1-пункту төмөнкүдөй редакцияда баяндалсын: "1. Камсыздандыруучулар камсыздандыруу төгүмдөрүн (анын ичинде жумушчулар үчүн) ыйгарым укуктуу мамлекеттик органда катталган жери боюнча Кыргыз Республикасынын Социалдык фондунун эсептешүү эсебине камсыздандыруу төгүмдөрү эсептелген айдан кийинки айдын 20сынан кечиктирбестен ай сайын төлөшөт.".

9-берене. "Банкроттук (кудуретсиздик) жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Ведомосттору, 1997-ж., № 11, 537-ст.) төмөнкүдөй өзгөртүү киргизилсин:

30-статья төмөнкүдөй мазмундагы 1-1-пункт менен толукталсын: "1-1. Кредиторлордун чогулушунун чечими пландан тышкаркы көчмө салыктык текшерүү жүргүзүлгөнгө чейин чыгарылышы мүмкүн эмес.".

10-берене. "Керектөөчүлөрдүн укуктарын коргоо жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Ведомосттору, 1998-ж., № 2, 5-ст.) төмөнкүдөй өзгөртүүлөр киргизилсин:

1) 24-берененин 1-пунктунун үчүнчү абзацы төмөнкүдөй редакцияда баяндалсын:

"Эгерде көрсөтүлгөн товар колдонулбаса, анын товардык көрүнүшү, керектөө касиетгери, пломбалары, фабрикалык жарлыктары, ошондой эле керектөөчүгө сатылган товар менен бирге берилген контролдук-кассалык чеги же сатып алуу фактысын ырастоочу башка документ сакталган учурда сапаты талаптагыдай болгон азык-түлүк эмес товар, анын ичинде мурда колдонулбаган, арзандатылган жана төмөндөтүлгөн баа боюнча сатып алынган товарды алмаштыруу жүргүзүлөт.";

2) 27-берененин он сегизинчи абзацы төмөнкүдөй редакцияда баяндалсын:

"банктык төлөм карталарын жана/же электрондук акчаларды жана/же улуттук стандарттагы штрих-коддун (QR-коддун) эки өлчөмдүү символдорун жана/же накталай эмес төлөмдүн башка инструменттерин пайдалануу менен төлөмдөрдү жүргүзүү үчүн арналган, башка юридикалык же жеке жакка жана/же ишкердик иш менен байланышпаган жеке мүнөздөгү төлөмдөрдү жүргүзүү үчүн арналган сатуучунун өзүнө катталган жабдууну (программалык-техникалык түзүлүштү) колдонууга.".