Кыргыз Республикасынын Министрлер Кабинетинин «Кыргыз Республикасынын Президентинин 2026-жылдын 29-апрелиндеги № 154 «Кыргыз Республикасын санариптик трансформациялоону натыйжалуу ишке ашыруу боюнча кечиктирилгис чаралар жөнүндө» Жарлыгынын кабыл алынгандыгына байланыштуу Кыргыз Республикасынын Министрлер Кабинетинин айрым чечимдерине өзгөртүүлөрдү киргизүү тууралуу» токтому

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2026-жылдын 21-сентябры № 633

Кыргыз Республикасынын Президентинин 2026-жылдын 29-апрелиндеги № 154 «Кыргыз Республикасын санариптик трансформациялоону натыйжалуу ишке ашыруу боюнча кечиктирилгис чаралар жөнүндө» Жарлыгынын кабыл алынгандыгына байланыштуу Кыргыз Республикасынын Министрлер Кабинетинин айрым чечимдерине өзгөртүүлөрдү киргизүү тууралуу

Кыргыз Республикасынын Президентинин 2026-жылдын 29-апрелиндеги № 154 «Кыргыз Республикасын санариптик трансформациялоону натыйжалуу ишке ашыруу боюнча кечиктирилгис чаралар жөнүндө» Жарлыгын ишке ашыруу максатында, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 17, 18-беренелерине ылайык Кыргыз Республикасынын Министрлер Кабинети токтом кылат:

1. «Кыргыз почтасы» ачык акционердик коомунда акционер (катышуучу) катары чыгуу боюнча Кыргыз Республикасынын Министрлер Кабинетинин ыйгарым укуктары Кыргыз Республикасынын Санариптик өнүктүрүү жана инновациялык технологиялар министрлигинен Кыргыз Республикасынын Президентинин Иш башкармасына өткөрүп берилсин.

2. Кыргыз Республикасынын Финансы министрлиги ушул токтомго ылайык мамлекеттик органдардын жетекчилеринин санариптик өнүктүрүү боюнча орун басарларынын кызмат орундарын кыскартуунун натыйжасында бошотулган тиешелүү каржылык камсыздоону Кыргыз Республикасынын Президентинин Иш башкармасына өткөрүп берсин.

3. Кыргыз Республикасынын Министрлер Кабинетинин 2021-жылдын 15-ноябрындагы № 264 «Кыргыз Республикасынын аткаруу бийлигинин мамлекеттик органдарынын жана Кыргыз Республикасынын башка мамлекеттик органдарынын, анын ичинде техникалык жана тейлөөчү персоналынын штаттык санынын чеги жөнүндө» токтомуна төмөнкүдөй өзгөртүүлөр киргизилсин:

1) жогоруда аталган токтомдун 1-тиркемесинде:

– 3-пунктта «992», «294» деген цифралар тиешелүүлүгүнө жараша «991», «293» деген цифраларга алмаштырылсын;

– 4-пунктта «751», «129» деген цифралар тиешелүүлүгүнө жараша «750», «128» деген цифраларга алмаштырылсын;

– 7-пунктта «887», «68» деген цифралар тиешелүүлүгүнө жараша «886», «67» деген цифраларга алмаштырылсын;

– 8-пунктта «451», «102» деген цифралар тиешелүүлүгүнө жараша «450», «101» деген цифраларга алмаштырылсын;

– 9-пунктта «1602», «133» деген цифралар тиешелүүлүгүнө жараша «1601», «132» деген цифраларга алмаштырылсын;

– 10-пунктта «336», «97» деген цифралар тиешелүүлүгүнө жараша «335», «96» деген цифраларга алмаштырылсын;

– 101-пунктта «186», «126» деген цифралар тиешелүүлүгүнө жараша «185», «125» деген цифраларга алмаштырылсын;

– 13-пункт күчүн жоготту деп таанылсын;

– 15-пунктта «183», «87» деген цифралар тиешелүүлүгүнө жараша «182», «86» деген цифраларга алмаштырылсын;

– 19-пунктта «115», «82» деген цифралар тиешелүүлүгүнө жараша «114», «81» деген цифраларга алмаштырылсын;

2) жогоруда аталган токтомдун 2-тиркемесинде:

– 6-пунктта «777», «175» деген цифралар тиешелүүлүгүнө жараша «776», «174» деген цифраларга алмаштырылсын;

3) жогоруда аталган токтомдун 5-тиркемеси ушул токтомдун тиркемесине ылайык редакцияда баяндалсын.

4. Кыргыз Республикасынын Министрлер Кабинетинин 2024-жылдын 12-июнундагы № 304 «Мамлекеттик органдардын жана алардын ведомстволук мекемелеринин мамлекеттик кызмат көрсөтүүлөрүнүн бирдиктүү реестрин бекитүү жөнүндө» токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Мамлекеттик органдардын жана алардын ведомстволук мекемелеринин мамлекеттик кызмат көрсөтүүлөрүнүн бирдиктүү реестринде:

1) 1-главада:

– 108-пунктта «СӨИТМ» деген аббревиатура «КРПИБ» деген аббревиатурага алмаштырылсын;

2) 5-главада:

– 45, 46, 86-пункттарда «СӨИТМ» деген аббревиатура «КРПИБ» деген аббревиатурага алмаштырылсын;

3) 6-главада:

– 29–32-пункттарда «СӨИТМ» деген аббревиатура «КРПИБ» деген аббревиатурага алмаштырылсын;

4) 8-главада:

– 10–13-пункттарда «СӨИТМ» деген аббревиатура «КРПИБ» деген аббревиатурага алмаштырылсын.

5) кыскартуулардын тизмесинде жыйырма сегизинчи абзац күчүн жоготту деп таанылсын.

5. Кыргыз Республикасынын Министрлер Кабинетинин 2024-жылдын 2-июлундагы № 347 «Юридикалык жактардын мобилдик тиркемелери аркылуу мамлекеттик жана муниципалдык кызмат көрсөтүүлөрдү, сервистерди жана санариптик документтерди берүү тартибин бекитүү жөнүндө» токтомуна төмөнкүдөй өзгөртүүлөр киргизилсин:

– 2-пунктта «Кыргыз Республикасынын Санариптик өнүктүрүү министрлиги» деген сөздөр «Кыргыз Республикасынын Президентинин Иш башкармасы» деген сөздөргө алмаштырылсын;

– жогоруда аталган токтом менен бекитилген Юридикалык жактардын мобилдик тиркемелери аркылуу мамлекеттик жана муниципалдык кызмат көрсөтүүлөрдү, сервистерди жана санариптик документтерди берүү тартибинде:

3-пункттун 7-пунктчасы төмөнкүдөй редакцияда баяндалсын: «7) ыйгарым укуктуу мамлекеттик орган – Кыргыз Республикасынын Президентинин Иш башкармасы;».

6. Кыргыз Республикасынын Министрлер Кабинетинин 2025-жылдын 23-октябрындагы № 695 «Санарип чөйрөсүндөгү тармактык жөнгө салуучуларды аныктоо жөнүндө» токтомуна төмөнкүдөй өзгөртүүлөр киргизилсин:

– 1-пункт төмөнкүдөй редакцияда баяндалсын:

«1. Санарип чөйрөсүндөгү тармактык жөнгө салуучулардын функциялары жана ыйгарым укуктары төмөнкү мамлекеттик органдарга жүктөлсүн:

1) Кыргыз Республикасынын Президентинин Иш башкармасына – улуттук санариптик экосистеманын тармактык жөнгө салуучусунун ыйгарым укуктары;

2) Кыргыз Республикасынын Президентинин Иш башкармасынын Байланыш тармагында жөнгө салуу жана көзөмөлдөө боюнча департаментине – телекоммуникация чөйрөсүндөгү тармактык жөнгө салуучунун ыйгарым укуктары;

3) Кыргыз Республикасынын Министрлер Кабинетине караштуу Жеке маалыматтарды коргоо боюнча мамлекеттик агенттикке – жеке маалыматтар чөйрөсүндөгү тармактык жөнгө салуучунун ыйгарым укуктары.».

7. Төмөнкүлөр күчүн жоготту деп таанылсын:

1) Кыргыз Республикасынын Өкмөтүнүн 2015-жылдын 25-майындагы № 314 «Кыргыз Республикасынын Санариптик өнүктүрүү министрлигине караштуу Мамлекеттик байланыш агенттигинин атайын эсеби жөнүндө жобону бекитүү тууралуу» токтому;

2) Кыргыз Республикасынын Министрлер Кабинетинин 2021-жылдын 14-июнундагы № 29 «Кыргыз Республикасынын Санариптик өнүктүрүү министрлигинин айрым маселелери жөнүндө» токтому;

3) Кыргыз Республикасынын Министрлер Кабинетинин 2021-жылдын 15-ноябрындагы № 257 «Кыргыз Республикасынын Санариптик өнүктүрүү министрлигинин кээ бир маселелери жөнүндө» токтому;

4) Кыргыз Республикасынын Министрлер Кабинетинин 2022-жылдын 8-апрелиндеги № 203 «Кыргыз Республикасынын Санариптик өнүктүрүү министрлигине караштуу «Кыргыз почтасы» мамлекеттик ишканасын «Кыргыз почтасы» ачык акционердик коомуна кайра уюштуруу жөнүндө» токтомунун 3-пункту;

5) Кыргыз Республикасынын Министрлер Кабинетинин 2022-жылдын 30-апрелиндеги № 245 «Кыргыз Республикасынын Санариптик өнүктүрүү министрлигине караштуу «Түндүк» мамлекеттик мекемесин түзүү жөнүндө» токтому;

6) Кыргыз Республикасынын Министрлер Кабинетинин 2022-жылдын 4-ноябрындагы № 614 «Кыргыз почтасы» ачык акционердик коомунда акционер (катышуучу) катары чыгуу боюнча Кыргыз Республикасынын Министрлер Кабинетинин ыйгарым укуктарын ишке ашыруу жөнүндө» токтому;

7) Кыргыз Республикасынын Министрлер Кабинетинин 2023-жылдын 31-июлундагы № 377 «Кыргыз Республикасынын Санариптик өнүктүрүү министрлигинин желегинин жана эмблемасынын сыпаттамасын бекитүү жөнүндө» токтому;

8) Кыргыз Республикасынын Министрлер Кабинетинин 2025-жылдын 2-июнундагы № 308 «Кыргыз Республикасынын Санариптик өнүктүрүү жана инновациялык технологиялар министрлигинин айрым маселелери жөнүндө» токтому;

9) Кыргыз Республикасынын Министрлер Кабинетинин 2025-жылдын 13-августундагы № 490 «Кыргыз Республикасынын Санариптик өнүктүрүү жана инновациялык технологиялар министрлигинин айрым маселелери жөнүндө» токтомунун 2-пункту;

10) Кыргыз Республикасынын Министрлер Кабинетинин 2025-жылдын 1-ноябрындагы № 713 «Кыргыз Республикасынын Санариптик өнүктүрүү жана инновациялык технологиялар министрлигинин Санариптик инфраструктураны өнүктүрүү, маалыматтык технологияларды жана байланышты инновациялык өнүктүрүү фонду жөнүндө жобону бекитүү тууралуу» токтому;

11) Кыргыз Республикасынын Министрлер Кабинетинин 2025-жылдын 11-декабрындагы № 801 «Кыргыз Республикасынын Министрлер Кабинетинин 2025-жылдын 2-июнундагы № 308 «Кыргыз Республикасынын Санариптик өнүктүрүү жана инновациялык технологиялар министрлигинин айрым маселелери жөнүндө» токтомуна өзгөртүүлөрдү киргизүү тууралуу» токтому;

12) Кыргыз Республикасынын Министрлер Кабинетинин 2026-жылдын 12-февралындагы № 88 «Кыргыз Республикасынын Министрлер Кабинетинин 2025-жылдын 2-июнундагы № 308 «Кыргыз Республикасынын Санариптик өнүктүрүү жана инновациялык технологиялар министрлигинин айрым маселелери жөнүндө» токтомуна өзгөртүү киргизүү тууралуу» токтому.

8. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

9. Бул токтом расмий жарыяланган күндөн тартып күчүнө кирет, төмөнкүлөрдү кошпогондо:

1) 2027-жылдын 1-январынан тартып күчүнө кирүүчү 3-пункттун 1-пунктчасынын экинчи абзацын;

2) Кыргыз Республикасынын юстиция органдарында Кыргыз Республикасынын Санариптик өнүктүрүү жана инновациялык технологиялар министрлигинин жана анын ведомстволук бөлүмдөрүнүн ишин токтотууну мамлекеттик каттоо жол-жобосу аяктаган күндөн тартып күчүнө кирүүчү 3-пункттун 1-пунктчасынын тогузунчу абзацын, 7-пункттун 8, 9, 10-пунктчаларын.

| Кыргыз Республикасынын Министрлер Кабинетинин Төрагасы | | А.А. Касымалиев |