Кыргыз Республикасынын Президентинин ПЖ № 90 «2024-2028-жылдарга Кыргыз Республикасынын санариптик трансформациялоо концепциясын бекитүү жөнүндө» Жарлыгы

КЫРГЫЗ РЕСПУБЛИКАСЫНЫН ПРЕЗИДЕНТИНИН ЖАРЛЫГЫ

2024-жылдын 5-апрели ПЖ № 90

2024-2028-жылдарга Кыргыз Республикасынын санариптик трансформациялоо концепциясын бекитүү жөнүндө

Кыргыз Республикасынын Президентинин 2023-жылдын 12-майындагы № 122 "Мамлекеттик башкаруу чөйрөсүндө санариптик трансформациялоону андан ары өркүндөтүү боюнча чаралар жөнүндө" Жарлыгын ишке ашыруу максатында, Кыргыз Республикасынын Конституциясынын 66, 70, 71-беренелерин жетекчиликке алып, токтом кылам:

1. 2024-2028-жылдарга Кыргыз Республикасынын санариптик трансформациялоо концепциясы (мындан ары - Концепция) тиркемеге ылайык бекитилсин.

2. Кыргыз Республикасынын Президентинин 2023-жылдын 12-майындагы № 122 "Мамлекеттик башкаруу чөйрөсүндө санариптик трансформациялоону андан ары өркүндөтүү боюнча чаралар жөнүндө" Жарлыгына төмөнкүдөй өзгөртүү киргизилсин:

- 5-пункттун төртүнчү абзацы төмөнкүдөй редакцияда баяндалсын:

"- 2024-жылдын 1-апрелине чейин бизнес-коомчулуктун жана илимий чөйрөнүн өкүлдөрүнүн, ошондой эле чет өлкөлүк эксперттердин катышуусунда 2024-2028-жылдарга Кыргыз Республикасынын санариптик трансформациялоо концепциясын иштеп чыксын жана бекитүүгө киргизсин.".

3. Кыргыз Республикасынын Министрлер Кабинети:

- эки айлык мөөнөттө Концепцияны ишке ашыруу боюнча иш-чаралар планын иштеп чыксын жана бекитсин;

- Концепцияны ишке ашыруу боюнча иш-чаралар планынын аткарылышын камсыз кылсын.

4. Бул Жарлыктын аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

5. Бул Жарлык расмий жарыяланган күндөн тартып он күн өткөндөн кийин күчүнө кирет.

“Эркин-Тоо” мамлекеттик расмий гезитинин 2024-жылдын 12-апрелиндеги № 28 (3581) саны менен жарыяланды.

Кыргыз Республикасынын Президенти

С.Н. Жапаров