Текшерүү

Бул документ боюнча сурооңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 50 жообу - акысыз.

Мисалы:

ИздөөЗакон

Закон КР « О введении в действие Уголовного кодекса Кыргызской Республики»

Закон1997-жылдын 1-октябры, № 69Күчүн жоготкон

КР 2017-жылдын 24-январындагы № 10 Мыйзамына ылайык 2019-жылдын 1-январынан тартып КҮЧҮН ЖОГОТТУ

КЫРГЫЗ РЕСПУБЛИКАСЫНЫН МЫЙ3АМЫ

Бишкек шаары, 1997-жылдын 1-октябры N 69

Кыргыз Республикасынын Кылмыш-жаза кодексин колдонууга киргизүү жөнүндө (КР 2007-жылдын 25-июнундагы N 91 Мыйзамынын редакциясына ылайык)

1-статья

1-статья. Кыргыз Республикасынын Кылмыш-жаза кодексинин ушул Мыйзамда колдонууга киргизүүнүн башка мөөнөттөрү белгиленген жоболорунан башкалары 1998-жылдын 1-январынан тартып колдонууга киргизилсин.

2-статья

2-статья. 1960-жылдын 29-декабрындагы "Кыргыз ССРинин Уголовный кодексин бекитүү жөнүндө" Кыргыз ССРинин Мыйзамы менен бекитилген Кыргыз ССРинин Уголовный кодекси (Кыргыз ССР Жогорку Советинин Ведоместтери, 1960-жыл, N 40, 145-ст.), ошондой эле 1960-жылдын 29-декабрынан тартып 1998-жылдын 1-январына чейин кабыл алынган мыйзамдардын жана башка нормативдик укуктук актылардын Кыргыз ССРинин Уголовный кодексине өзгөртүүлөр жана толуктоолор киргизген жактары күчүн жоготту деп табылсын.

3-статья

3-статья. Кыргыз Республикасынын Өкмөтү үч айлык мөөнөттө:

- Кыргыз Республикасынын Кылмыш-жаза кодексине карама-каршы келген мыйзам актыларын Кыргыз Республикасынын Кылмыш-жаза кодексине ылайык келтирүү жөнүндө сунуштарды даярдасын жана Кыргыз Республикасынын Жогорку Кеңешинин кароосуна киргизсин;

- министрликтер жана административдик ведомстволор өздөрүнүн Кыргыз Республикасынын Кылмыш-жаза кодексине карама-каршы келген ченемдик укуктук актыларынын кайра каралышын жана жоюлушун камсыз кылсын.

4-статья

4-статья. (1) Мындан ары Кыргыз Республикасынын Кылмыш-жаза кодексине ылайык келтирилгенге чейин мыйзамдык жана нормативдик укуктук актылардын Кыргыз Республикасынын Кылмыш-жаза кодексине карама-каршы келбеген бөлүктөрү колдонула берет. (2) Соттун өкүмү боюнча конфискацияланбай турган мүлктүн тизмеси (Кыргыз ССРинин Уголовный кодексине Тиркеме) 1997-жылдагы Кылмыш-жаза кодексинин 52-статьясынын төртүнчү бөлүгүнө ылайык Кылмыш-жазасын аткаруу кодексинде жаңы Тизме бекитилгенге чейин колдонулат.

5-статья

5-статья. Кыргыз Республикасынын ушул Кылмыш-жаза кодекси тарабынан киргизилген жосундун жазалуулугун жокко чыгарган же жазаны жеңилдеткен өзгөртүүлөргө жана толуктоолорго байланыштуу соттордун мыйзамдуу күчүнө кирген өкүмдөрүн кайра кароо Кыргыз Республикасынын Кылмыш-жаза процессуалдык кодексине ылайык жүргүзүлөт.

6-статья

6-статья. Ушул Кодекстин эркиндигинен ажыратуу түрүндөгү жазасын жалпы тартиптеги абактарда, өзгөчө тартиптеги абактарда катуу тартиптеги аялдар абактарында, эркектер үчүн күчөтүлгөн тартиптеги тарбиялоо абактарында, аялдар үчүн жалпы тартиптеги тарбиялоо абактарында өтөө, коомдук жумуштарга тартуу жөнүндөгү жоболору жазалардын бул түрлөрүн аткаруу үчүн зарыл шарттардын түзүлүшүнө жараша Кыргыз Республикасынын Кылмыш-жазасын аткаруу күчүнө киргенден кийин мыйзам тарабынан колдонууга киргизилет, бирок ал 2002-жылдын 1-январынан кечиктирилбөөгө тийиш. (КР 2007-жылдын 25-июнундагы N 91 Мыйзамынын редакциясына ылайык)

7-статья

7-статья. Кыргыз ССРинин Уголовный кодексинин 23-1-статьясына ылайык өзгөчө коркунучтуу өнөкөт кылмышкер деп таанылган адамдар эркиндигинен ажыратуу түрүндөгү жазаны өзгөчө тартиптеги абактар уюштурулганга чейин катаал тартиптеги түзөтүү абактарында өтөшөт.

Кыргыз Республикасынын Президенти

А.Акаев

1997-жылдын 18-сентябрында

Кыргыз Республикасынын Жогорку Кеңешинин Мыйзам чыгаруу жыйыны тарабынан кабыл алынган

ыкчам баскычтар:J / Kкийинки / мурунку берене[ / ]редакция артка / алдыгаTмазмунуCбайланыштар⌘K / Ctrl Kбуйруктар палитрасы/издөөгө фокус

Документ боюнча дагы суроолоруңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 50 жообу - акысыз.

Документтин байланыштары

шилтеме берет: 6 · цитата келтиргендер: 6 · байланышкандар: 28

Пленумдун түшүндүрмөлөрү жана сот практикасы (2)

Бул актыны колдонгон Жогорку Соттун Пленумунун токтомдору жана Конституциялык соттун чечимдери.

Цитата келтиргендер (6)

Шилтеме берет (6)

6 ичинен 5 көрсөтүлдү. Толук тизме - шилтемелер панелинде.

Байланышкан документтер (28)

Булактын (cbd.minjust.gov.kg) маалыматы боюнча, кайсы акт кайсыга шилтеме берери көрсөтүлбөйт.

28 ичинен 10 көрсөтүлдү. Толук тизме - шилтемелер панелинде.