Кыргыз Республикасынын Министрлер Кабинетинин (Кыргыз Республикасынын «Менин үйүм 2021-2026» турак жай программасын ишке ашыруунун алкагында турак жай куруу үчүн бөлүнгөн жер участокторунун тизмегин бекитүү тууралуу) тескемеси

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2024-жылдын 5-апрели № 126-т

Кыргыз Республикасынын Президентинин 2024-жылдын 30-январындагы № 10 "Мамлекеттик турак жай саясаты чөйрөсүндө Кыргыз Республикасынын жарандары үчүн турак жай менен камсыз кылуу жана турак жай куруу механизмдерин андан ары өркүндөтүү боюнча чаралар жөнүндө" Жарлыгын аткаруу максатында, Кыргыз Республикасынын Жер кодексинин 20, 23-статьяларына, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Министрлер Кабинетинин 2021-жылдын 13-июлундагы № 75 "Кыргыз Республикасынын "Менин үйүм 2021-2026" турак жай программасын бекитүү жөнүндө" токтому менен бекитилген Кыргыз Республикасынын "Менин үйүм 2021-2026" турак жай программасын (мындан ары - Программа) ишке ашыруунун алкагында турак жай куруу үчүн бөлүнгөн жер участокторунун тизмеги ушул тескеменин тиркемесине ылайык бекитилсин.

2. Аткаруу бийлигинин мамлекеттик органдары, Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттик, Бишкек жана Ош шаарларынын мэриялары, жергиликтүү өз алдынча башкаруу органдары (макулдашуу боюнча):

- бир айлык мөөнөттө ушул тескеменин 1-пунктунда көрсөтүлгөн тизмекке ылайык жер участокторун аларда турган курулуштар менен "Мамлекеттик ипотекалык компания" ачык акционердик коомуна (мындан ары - МИК) мөөнөтсүз пайдаланууга (мөөнөтүн көрсөтпөстөн) өткөрүп берсин;

- бир айлык мөөнөттө турак жай куруу үчүн арналган, алардын карамагындагы жер участокторун МИКке мөөнөтсүз пайдаланууга (мөөнөтүн көрсөтпөстөн) андан ары өткөрүп берүү менен инвентаризациялоону жүргүзсүн;

- бир айлык мөөнөттө Программанын алкагында турак жай куруу үчүн кошумча жер участокторун которуу (трансформациялоо) жөнүндө Кыргыз Республикасынын Министрлер Кабинетинин чечиминин долбоорун киргизсин.

(КР Министрлер Кабинетинин 2026-жылдын 2-октябрындагы № 756-т тескемесинин редакциясына ылайык)

3. Кыргыз Республикасынын Министрлер Кабинетине караштуу Жер ресурстары, кадастр, геодезия жана картография боюнча мамлекеттик агенттик бир айлык мөөнөттө ушул тескеменин 1-пунктунда көрсөтүлгөн тизмекке ылайык жер участокторун каттоону жана аларды МИКке өткөрүп берүүнү камсыз кылсын.

4. Кыргыз Республикасынын Коргоо министрлиги Программанын алкагында турак жай куруу үчүн төмөнкү жер участокторун даярдоону жана МИКке өткөрүп берүүнү камсыз кылсын:

- (абзац КР Министрлер Кабинетинин 2024-жылдын 9-августундагы N 479-т тескемесине ылайык күчүн жоготту)

- идентификациялык № 7-08-15-1001-5031, Чүй облусу, Сокулук району, Новопавловка айылы, Восточная көчөсү, 42, аянты 1,7642 га.

- идентификациялык № 5-11-02-0069-0089, Ош шаары, Э.Алиев көчөсү, 100, аянты 1,3 га

(КР Министрлер Кабинетинин 2024-жылдын 9-августундагы N 479-т , 2025-жылдын 7-апрелиндеги № 256-т тескемелеринин редакцяларына ылайык)

5. МИКке төмөнкүлөр сунушталсын (макулдашуу боюнча):

- Программаны ишке ашыруунун алкагында курулушту үлүштүк каржылоо механизми аркылуу турак жай куруу үчүн ушул тескеменин 1-пунктунда көрсөтүлгөн жер участокторун максаттуу пайдаланууну камсыз кылуу;

- (абзац КР Министрлер Кабинетинин 2024-жылдын 9-августундагы N 479-т тескемесине ылайык күчүн жоготту)

(КР Министрлер Кабинетинин 2024-жылдын 9-августундагы N 479-т тескемесинин редакцясына ылайык)

6. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

Кыргыз Республикасынын "Менин үйүм 2021-2026" турак жай программасын ишке ашыруунун алкагында турак жай куруу үчүн бөлүнгөн жер участокторунун ТИЗМЕГИ (КР Министрлер Кабинетинин 2024-жылдын 6-декабрындагы № 784-т, 2025-жылдын 7-апрелиндеги N 256-т, 2025-жылдын 8-сентябрындагы № 766-т, 2026-жылдын 23-январынын № 33-т, 2026-жылдын 11-мартындагы № 153-т, 2026-жылдын 2-октябрындагы № 756-т тескемелеринин редакцияларына ылайык)

Кыскартуулардын тизмеси: