КР Премьер-министринин (Кыргыз Республикасында сот адилеттигин ѳркγндѳтγγ боюнча чаралардын алкагында кабыл алынган ченемдик укуктук актылар боюнча координациялык кеңеш тγзγγ жѳнγндѳ) буйругу

КР Министрлер Кабинетинин Төрагасынын 2023-жылдын 1-декабрындагы № 622 тескемесине ылайык

КҮЧҮН ЖОГОТТУ

КЫРГЫЗ РЕСПУБЛИКАСЫНЫН ПРЕМЬЕР-МИНИСТРИ БУЙРУГУ 2017-жылдын 20-февралы № 144 "Кыргыз Республикасынын Жазык кодексин, Кыргыз-Республикасынын Жоруктар жѳнγндѳ кодексин, Кыргыз Республикасынын Жазык-процесстик кодексин, Кыргыз Республикасынын Жазык-аткаруу кодексин, "Мунапыс берγγ негиздери жана аны колдонуу тартиби жѳнγндѳ" Кыргыз Республикасынын Мыйзамын колдонууга киргизγγ тууралуу" жана "Кыргыз Республикасынын Жарандык процесстик кодексин, Кыргыз Республикасынын Административдик-процесстик кодексин, "Сот аткаруучулардын статусу жѳнγндѳ жана аткаруу ѳндγрγшγ тууралуу" Кыргыз Республикасынын Мыйзамын колдонууга киргизγγ жѳнγндѳ" Кыргыз Республикасынын мыйзамдарын натыйжалуу ишке ашыруу максатында:

1. Кыргыз Республикасында сот адилеттигин ѳркγндѳтγγ боюнча чаралардын алкагында кабыл алынган ченемдик укуктук актылар боюнча координациялык кеңеш (мындан ары - Координациялык кеңеш) ушул буйруктун тиркемесине ылайык курамда тγзγлсγн.

2. Координациялык кеңештин катчылыгынын курамы Кыргыз Республикасынын Ѳкмѳтγнγн Аппаратынын коргоо, укуктук тартип жана ѳзгѳчѳ кырдаалдар бѳлγмγнун, экспертиза жана укуктук камсыздоо бѳлγмγнγн, финансы жана кредит саясаты бѳлγмγнγн кызматкерлеринин ичинен тγзγлѳѳрγ белгиленсин.

3. Координациялык кеңешке тѳмѳнкγдѳй укуктар берилсин;

- Координациялык кеңештин ишинин багыттары боюнча жумушчу топторду тγзγγ;

- министрликтердин, мамлекеттик комитеттердин, административдик ведомстволордун, башка мамлекеттик органдардын, жергиликтγγ ѳз алдынча башкаруу органдарынын кызматкерлерин, ошондой эле кѳз карандысыз эксперттерди белгиленген тартипте ишке тартуу;

- мамлекеттик бийлик, жергиликтγγ ѳз алдынча башкаруу органдарынан, башка уюмдардан ѳзγнѳ жγктѳлгѳн милдеттерин ишке ашыруу γчγн зарыл болгон маалыматтарды сурап алуу.

4. Министрликтер, мамлекеттик комитеттер, административдик ведомстволор, башка мамлекеттик органдар жана жергиликтγγ ѳз алдынча башкаруу органдары (макулдашуу боюнча): - Координациялык кеңешке жана жумушчу топторго ѳз милдеттерин аткарууда туруктуу ѳз ара аракеттенγγнγ жана практикалык жардам кѳрсѳтγγнγ камсыздашсын;

- ай сайын Координациялык кеңешке аткарылган жумуш боюнча маалымат беришсин.

5. Координациялык кеңештин катчылыгы эл аралык уюмдар менен Координациялык кеңештин жана жумушчу топтордун иштерине техникалык жана финансылык жактан колдоо кѳрсѳтγγ маселесин иштеп чыксын.

6. Кыргыз Республикасынын Премьер-министринин 2015-жылдын 29-июнундагы № 273 буйругу кγчγн жоготту деп таанылсын.

6. Ушул буйруктун аткарылышын контролдоо Кыргыз Республикасынын Ѳкмѳтγнγн Аппаратынын Координациялык кеңештин катчылыгынын курамына кызматкерлери кирген тγзγмдγк бѳлγмдѳрγнѳ жγктѳлсγн.

Премьер-министр

С.Ш. Жээнбеков

Тиркеме Кыргыз Республикасында сот адилеттигин ѳркγндѳтγγ боюнча чаралардын алкагында кабыл алынган ченемдик укуктук актыларды ишке ашырууга багытталган ишти координациялоо боюнча координациялык кеңештин курамы

Кызматы орду боюнча: коопсуздук, укуктук тартип жана чек ара маселелерин тейлеген Кыргыз Республикасынын вице-премьер-министри, Координациялык кеңештин тѳрагасы; Кыргыз Республикасынын Юстиция министри, Координациялык кеңештин тѳрагасынын орун басары; Кыргыз Республикасынын Ѳкмѳтγнѳ караштуу Жазаларды аткаруу мамлекеттик кызматынын тѳрагасы, Координациялык кеңештин тѳрагасынын орун басары. Координациялык кеңештин мγчѳлѳрγ: Конституциялык мыйзамдар, мамлекеттик тγзγлγш, сот-укуктук маселелер жана Жогорку Кеңештин Регламенти боюнча комитетинин тѳрагасы, Кыргыз Республикасынын Жогорку Кеңешинин депутаты, (макулдашуу боюнча); Кыргыз Республикасынын Жогорку сотунун тѳрагасы (макулдашуу боюнча); Кыргыз Республикасынын Коопсуздук кеңешинин катчысы (макулдашуу боюнча); Кыргыз Республикасынын Мамлекеттик кадрлар кызматынын директору (макулдашуу боюнча); Кыргыз Республикасынын Ички иштер министри; Кыргыз Республикасынын Финансы министри; Кыргыз Республикасынын Коргоо иштери боюнча мамлекеттик комитетинин тѳрагасы; Кыргыз Республикасынын Улуттук коопсуздук мамлекеттик комитетинин тѳрагасы; Кыргыз Республикасынын Ѳкмѳтγнѳ караштуу Экономикалык кылмыштарга каршы кγрѳшγγ боюнча мамлекеттик кызматтын тѳрагасы; Кыргыз Республикасынын Ѳкмѳтγнѳ караштуу Мамлекеттик мγлктγ башкаруу боюнча фонддун тѳрагасы; Кыргыз Республикасынын Жогорку сотунун алдындагы Сот департаментинин директору (макулдашуу боюнча): Кыргыз Республикасынын Президентинин Аппаратынын соттук реформа жана мыйзамдуулук бѳлγмγнγн башчысы (макулдашуу боюнча); Конституциялык мыйзамдар, мамлекеттик тγзγлγш, сот-укуктук маселелер жана Жогорку Кеңештин Регламенти боюнча комитетинин бѳлγм башчысы (макулдашуу боюнча): Кыргыз Республикасынын Жогорку Кеңешинин Укук тартиби, кылмыштуулукка жана коррупцияга каршы кγрѳшγγ боюнча комитетинин бѳлγм башчысы (макулдашуу боюнча); Кыргыз Республикасынын Ѳкмѳтγнγн Аппаратынын коргоо, укуктук тартип жана ѳзгѳчѳ кырдаалдар бѳлγмγнγн башчысы; Кыргыз Республикасынын Ѳкмѳтγнγн Аппаратынын экспертиза жана укуктук камсыздоо бѳлγмγнγн башчысы; Кыргыз Республикасынын Ѳкмѳтγнγн Аппаратынын финансы жана кредит саясаты бѳлγмγнγн башчысы; Кыргыз Республикасынын Судьяларды тандоо боюнча кеңешинин тѳрагасы (макулдашуу боюнча); Кыргыз Республикасынын Адвокатурасынын Адвокаттар кеңешинин тѳрагасы (макулдашуу боюнча). Жекече: Качикеева Бакыт Женишбековна - "Жарандык катышуу фонду" коомдук бирикмесинин юристи (макулдашуу боюнча); Койлубаева Асель Кантемировна - "Голос свободы" коомдук фонддун долбоорунун координатору (макулдашуу боюнча); Ошурахунова Динара Мажановна - кѳз карандысыз эксперт (макулдашуу боюнча).