Аккаунтту тууралаңыз

Текшерүү

Бул документ боюнча сурооңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Мисалы:

ИздөөПостановление

КР Ɵкмɵтүнүн «Кыргыз Республикасынын Салык кодексинин ченемдеринин талаптарын ишке ашыруу боюнча чаралар жөнүндө» токтому

Постановление2011-жылдын 19-октябры, № 653Күчүн жоготкон

КР Министрлер Кабинетинин 2022-жылдын 30-апрелиндеги № 236 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2011-жылдын 19-октябры №653 Кыргыз Республикасынын Салык кодексинин ченемдеринин талаптарын ишке ашыруу боюнча чаралар жөнүндө (КР Ѳкмѳтγнγн 2015-жылдын 30-марты № 169 токтомдун редакциясына ылайык) Кыргыз Республикасынын Салык кодексинин 324-беренесин ишке ашыруу максатында Кыргыз Республикасынын Өкмөтү ТОКТОМ КЫЛАТ:

1. Тиркелген Салык салуу объекттери болуп саналбаган мүлк объекттеринин тизмеси бекитилсин.

2. Кыргыз Республикасынын Өкмөтүнүн 2008-жылдын 30-декабрындагы № 736 "Кыргыз Республикасынын Салык кодексинин ченемдеринин талаптарын турмушка ашыруу чаралары жөнүндө" токтомуна төмөндөгү өзгөртүүлөр киргизилсин:

- преамбуладагы "324," деген сан алып салынсын;

- 1-пункттун он экинчи абзацы күчүн жоготту деп эсептелсин;

- аталган токтом менен бекитилген Салык салуу объекти болуп саналбаган мүлк объекттеринин тизмеси күчүн жоготту деп табылсын.

3. Бул токтом расмий жарыяланган күндөн тартып күчүнө кирет.

Кыргыз Республикасынын Биринчи вице-премьер-министри, Премьер-министрдин милдетин аткаруучу

Ө.Бабанов

Кыргыз Республикасынын Ɵкмөтүнүн 2011-жылдын 19-октябрындагы № 653 токтому менен бекитилген

Салык салуу объектиси болуп саналбаган мүлк объекттеринин ТИЗМЕСИ (КР Ѳкмѳтγнγн 2015-жылдын 30-марты № 169 токтомдун редакциясына ылайык)

№Мүлк объекттери
1Гидроэлектр станциялардын, жылуулук электр станциялардын, от казан жана гидротехникалык курулмалардын объекттери
1.1Плотиналар, тоннелдер, шахталар, суу агызгычтар, суу кабылдагычтар, коллекторлор, суу тундургучтар жана суу өткөрүүчү курулмалар, күл жыйнагычтар, кычкылтек станциялары, химиялык суу тазалоо объекттери жана гидро жана жылуулук энергетика комплексинин башка объекттери
1.2Жээкти бекемдөөчү жана жээкти коргоочу курулмалар
1.3Ички чарбалык, чарбалар аралык сугат тармактары жана суу түтүк канализациялык чарба курулмалары:
- каналдар, ачык жер каналдарынан ички чарбалык жана чарбалар аралык суу топтоп-кое берүүчү тармактар; - жерге бекемделбеген ички чарбалык жана чарбалар аралык коллектордук-дренаждык каналдар; - темир-бетон ноолордон турган каналдар; - асбест-цемент жана болот түтүктөрдөн турган каналдар; - стационардык суу алуучу жана сууну басым менен жиберүүчү станциялар, резервуарлар; - дамбалар, сууну соруп берүүчү насос станциялары; - тазалоо курулмалары; - скважиналар
1.4Гидроэлектр станцияларынын, жылуулук электр станцияларынын, от казандардын негизи жана көмөкчү өндүрүшүнүн конструкциялары жана курулмалары, гидротехникалык курулмалар
1.5Жылуулук пункттары (жылуулук менен жабдуу системаларынын ишин жана керектөөчүлөрдүн жашоо-турмушун камсыздоочу жылуулук булактарын трансформациялоочу жана параметрлерди өлчөөчү технологиялык жабдуулар жайгашкан жайлар, курулмалар) жана жылуулук тармактарынын насос станциялары
2Транспорт чарбасынын, байланыш жана башка тармактардын курулмалары
2.1Бардык түрдөгү жана конструкциядагы көпүрөлөр жана эстакадалар
2.2Таштан, бетондон жана темир-бетондон жасалган колдоочу жана коргоочу курулмалар (жер көчкүгө каршы, кар көчкүгө каршы, жердин урашына каршы, тирөөчү, каптоочу, тосулуучу дубалдар, галереялар, сел кое бергичтер, траншеялардын текчелери ж.б.)
2.3Темир жол платформалары
2.4Темир жолдордун нугунун үстүңкү курулуштары (балласт, шпалдар, бекиткичи бар рельстер, которгуч жебелер жана башка элементтер)
2.5Ичке нуктагы темир жолдор
2.6Автомобиль жолдору
2.7Учуп-конуучу тилкелер, аэродромдордун үстүңкү бети
2.8Самолет учуучу жолдор, токтоп туруучу жерлер, перрондук жана ангардын алдындагы аянтчалар
2.9Авиациялык-техникалык базанын перронунда аба кемелерин тейлөөчү жерлер
3Спорттук курулмалар
3.1Стадиондор
3.2Стадиондордогу спорттук курулмалар
4Электр берүү жана байланыш жабдуулары
4.1Троллейбус жана темир жол контакттык тармагы
4.2Аба менен электр берүү линиялары, сырткы жарык берүүчү электр линиялары
4.3Кабель менен электр берүү линиялары
4.4Электр бөлүштүрүүчү жабдуулар
5Түтүк өткөргүчтөр
5.1(КР Ѳкмѳтγнγн 2015-жылдын 30-марты № 169 токтомдун редакциясына ылайык кγчγн жоготту)
5.2Канализация тармактары
5.3Суу өткөрүү тармактары (муздак, жылуу суу жана жылытуу түтүк өткөргүчтөрү)
5.4Мунай заттары үчүн түтүк өткөргүчтөр
5.5От казандар, элеватор түйүндөрү
5.6Жылуулук тармагынын түтүк түйүндөрү
5.7Күл калдык түтүктөрү
5.8Түтүн түтүктөрү
6Башка обьекттер
6.1Бомбадан жашынуучу жай
6.2Көмүр тоңун эритүүчү жабдуулар жана вагонды которуп түшүргүчтөр
6.32- жана 3-топтордун мүлк объекттери:
- коруктар, резерваторлор, жаратылыш, улуттук жана дендрологиялык парктар, ботаникалык жана зоологиялык бактар, заказниктер, жаратылыш эстеликтери, тарыхий-маданий багыттагы, суу жана токой фондуларынын объекттери, ишкердик жүргүзүү үчүн берилгендерден башкасы
6.4Көрүстөндөр
6.5Диний-табынуу объекттери
6.6Жаратылышты коргоо, санитардык-тазалоо максатында жана өрт коопсуздугу үчүн пайдаланылуучу обьекттер
6.7Продукт өткөргүч түтүктөр, катнаш жолдору (анын ичинде автомобиль жолдору), байланыш жана электр берүү линиялары, подстанциялар, ошондой эле аларды эксплуатациялык абалда кармап туруу максатында тургузулган курулмалар
6.8Шаардык жүргүнчүлөр транспорту (таксиден, аны ичинде маршруттук таксиден тышкары). Шаар четиндеги каттамда жүргүнчүлөрдү ташууда жалпы пайдаланылган автомобиль транспорту (таксиден, аны ичинде маршруттук таксиден тышкары)
6.9Коммуналдык транспорт (таштанды ташыгыч, суу сепкич жана кар тазалагыч машиналар)
6.10Эгин жыйноочу комбайндар
6.11Лифттер
6.12Салык төлөөчүлөрдүн балансында турган жана ишкердикте пайдаланылбаган жарандык коргонуу жана мобилизациялык максаттагы объекттер
6.13Айыл чарба өндүрүшчүлөрүнүн (дыйканчылык, малчылык, балыкчылык, балык өстүрүүчүлүк, канаттууларды өстүрүү) 2 жана 3-топтордогу мүлк объекттери
6.14Электр-жылуулук, телекоммуникациялар түйүндөрүндө изин суутпай издөө иш-чаралар системасынын техникалык каражаттары
6.15Жалпы жарандык багыттагы турак жай-коммуналдык жана башка шаардык чарба объекттери (шаардык тротуарлар, парктар, шаардык скверлер, фонтандар)
6.16Менчик турак үйгө үлүшүк укугу бар шериктештик жана турак-жай кооперативинин мүлк объекттери

7

Газ ташуучу жана газ бөлүштүрүүчү тутумдардын объектилери

7.1

газ бөлүштүрүүчү станциялар

7.2

газ өткөргүчтөр

7.3

газ жүргүчтөр

7.4

жер алдындагы газ сактагычтар жана чыгаруучу компрессордук станциялар

7.5

компрессордук станциялар

7.6

компрессордук станцияларды магистралдык газ түтүктөрүнө кошуучу түйүндөр

7.7

газ түтүктөрүн электрохимиялык коргоочу түзүлүштөр

7.8

газ түтүктөрүнүн тазалоочу түзүлүштөрүн кабыл алуучу жана ишке киргизүүчү түйүндөр

7.9

газды редукциялоо түйүндөрү

7.10

газды өлчөө түйүндөрү

7.11

газ бөлүштүрүүчү станциялардын жана газ өлчөөчү түйүндөрдүн операторлорунун үйлөрү

7.12

газ өткөргүчтөрдү линиялык кыдыруучулардын үйлөрү

7.13

газды жөнгө салуучу пункттар

7.14

автомобилдик газ толтуруучу компрессордук станциялар

7.15

газ ташуучу жана газ бөлүштүрүүчү тутумдардын объектилерине кирме жолдор

(КР Ѳкмѳтγнγн 2015-жылдын 30-марты № 169 токтомдун редакциясына ылайык)

ыкчам баскычтар:J / Kкийинки / мурунку берене[ / ]редакция артка / алдыгаTмазмунуCбайланыштар⌘K / Ctrl Kбуйруктар палитрасы/издөөгө фокус

Документ боюнча дагы суроолоруңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Документтин байланыштары

шилтеме берет: 4 · цитата келтиргендер: 4 · байланышкандар: 1

Цитата келтиргендер (4)

Шилтеме берет (4)

Байланышкан документтер (1)

Булактын (cbd.minjust.gov.kg) маалыматы боюнча, кайсы акт кайсыга шилтеме берери көрсөтүлбөйт.