Кыргыз Республикасынын Министрлер Кабинетинин Төрагасынын (Кыргыз Республикасынын Жогорку Кеңешинин депутаттары Д.Д.Бекешев, Ж.Э.Садырбаева, В.К.Раимбачаева, Н.Я.Алимжанова, С.А.Атамбаев тарабынан демилгеленген «Теңдик укугун камсыз кылуу жана басмырлоодон коргоо жөнүндө» Кыргыз Республикасынын Мыйзамынын долбооруна Кыргыз Республикасынын Министрлер Кабинетинин корутундусун жактыруу тууралуу) тескемеси

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТӨРАГАСЫНЫН ТЕСКЕМЕСИ

2023-жылдын 24-ноябры № 620 "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 18, 27-беренелерине ылайык:

1. Кыргыз Республикасынын Жогорку Кеңешинин депутаттары Д.Д.Бекешев, Ж.Э.Садырбаева, В.К.Раимбачаева, Н.Я.Алимжанова, С.А.Атамбаев тарабынан демилгеленген "Теңдик укугун камсыз кылуу жана басмырлоодон коргоо жөнүндө" Кыргыз Республикасынын Мыйзамынын долбооруна Кыргыз Республикасынын Министрлер Кабинетинин корутундусу тиркемеге ылайык жактырылсын.

2. Кыргыз Республикасынын Министрлер Кабинетинин тиркелген корутундусу Кыргыз Республикасынын Жогорку Кеңешине жиберилсин.

Кыргыз Республикасынын Министрлер Кабинетинин Төрагасы

А.У. Жапаров

Тиркеме

"Теңдик укугун камсыз кылуу жана басмырлоодон коргоо жөнүндө" Кыргыз Республикасынын Мыйзамынын долбооруна Кыргыз Республикасынын Министрлер Кабинетинин КОРУТУНДУСУ

Кыргыз Республикасынын Министрлер Кабинети "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 27-беренесине ылайык Кыргыз Республикасынын Жогорку Кеңешинин депутаттары Д.Д.Бекешев, Ж.Э.Садырбаева, В.К.Раимбачаева, Н.Я.Алимжанова, С.А.Атамбаев тарабынан демилгеленген "Теңдик укугун камсыз кылуу жана басмырлоодон коргоо жөнүндө" Кыргыз Республикасынын Мыйзамынын долбоорун (мындан ары - Мыйзамдын долбоору) карап чыгып, төмөнкүдөй корутундуга келди. Преамбулага ылайык бул Мыйзамдын долбоору ар бир адамдын теңдик укугун камсыз кылууга жана мамлекеттик органдар, жергиликтүү өз алдынча башкаруу органдары, юридикалык жана жеке жактар тарабынан басмырлоодон коргоого багытталган. Мыйзамдын долбоору жалпысынан Кыргыз Республикасынын мыйзамдарынын колдонуудагы ченемдерин кайталай тургандыгын белгилей кетүү зарыл. Алсак, адам укуктарын жана эркиндиктерин коргоонун негиздери, анын ичинде тең укуктарды камсыз кылуу жана басмырлоодон коргоо конституциялык түзүлүштүн негизги принциптери катары Кыргыз Республикасынын Конституциясында бекитилген. Кыргыз Республикасынын Конституциясынын 23 жана 24-беренелеринде адам укуктары жана эркиндиктери Кыргыз Республикасынын жогорку баалуулуктарына кирет. Алар түздөн-түз колдонулат, бардык мамлекеттик органдардын, жергиликтүү өз алдынча башкаруу органдарынын жана алардын кызмат адамдарынын ишинин мааниси менен мазмунун аныктайт деп айтылган. Кыргыз Республикасы өз аймагынын чегинде жана өзүнүн юрисдикциясында турган бардык адамдардын укуктарын жана эркиндиктерин камсыз кылат. Эч ким жынысы, расасы, тили, майыптуулугу, этностук таандыктыгы, туткан дини, курагы, саясий же башка ынанымдары, билими, теги, мүлктүк же башка абалы, ошондой эле башка жагдайлары боюнча басмырланышы мүмкүн эмес. Басмырлоого жол берген адамдар мыйзамга ылайык жоопкерчилик тартат. Кыргыз Республикасынын Конституциясынын экинчи бөлүмү толугу менен адамдын жана жарандын укуктарына, эркиндиктерине жана милдеттерине арналган, ошондой эле аларды коргоонун жана ишке ашыруунун кепилдиктерин камтыйт. Мындан тышкары бүгүнкү күндө Кыргыз Республикасынын төмөнкү мыйзам актыларында теңдик укугун жана басмырлоодон коргоону камсыз кылууга байланышкан ченемдер камтылган: "Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө", "Кыргыз Республикасынын судьяларынын статусу жөнүндө" Кыргыз Республикасынын конституциялык мыйзамдары, Кыргыз Республикасынын Граждандык кодекси, Кыргыз Республикасынын Үйбүлө кодекси, Кыргыз Республикасынын Эмгек кодекси, Кыргыз Республикасынын Салык кодекси, Кыргыз Республикасынын Турак жай кодекси, Кыргыз Республикасынын Укук бузуулар жөнүндө кодекси, Кыргыз Республикасынын Кылмыш-жаза кодекси, Кыргыз Республикасынын Жарандык процесстик кодекси, Кыргыз Республикасынын Административдик-процесстик кодекси, Кыргыз Республикасынын Кылмыш-жаза процессуалдык кодекси, "Улуттук коопсуздук жөнүндө", "Кыргыз Республикасынын жарандыгы жөнүндө", "Административдик иштин негиздери жана административдик жол-жоболор жөнүндө", "Жергиликтүү мамлекеттик администрация жана жергиликтүү өз алдынча башкаруу органдары жөнүндө", "Кыргыз Республикасындагы дин тутуу эркиндиги жана диний уюмдары жөнүндө", "Жеке мүнөздөгү маалымат жөнүндө", "Эркектер менен аялдар үчүн бирдей укуктар менен бирдей мүмкүнчүлүктөрдүн мамлекеттик кепилдиктери жөнүндө", "Ден соолугунун мүмкүнчүлүктөрү чектелүү адамдардын укуктары жана кепилдиктери жөнүндө", "Чет өлкөлүк жарандардын Кыргыз Республикасындагы укуктук абалы жөнүндө", "Билим берүү жөнүндө", "Маданият жөнүндө", "Дене тарбия жана спорт жөнүндө", "Мамлекеттик жарандык кызмат жана муниципалдык кызмат жөнүндө", "Эмгекти коргоо жөнүндө", "Кесиптик бирликтер жөнүндө", "Иш берүүчүлөрдүн бирикмелери жөнүндө", "Кыргыз Республикасындагы мамлекеттик жөлөкпулдар жөнүндө", "Мамлекеттик социалдык камсыздандыруу жөнүндө", "Кыргыз Республикасында жарандардын саламаттыгын сактоо жөнүндө", "Коомдук саламаттык сактоо жөнүндө", "Кыргыз Республикасынын Омбудсмени (Акыйкатчысы) жөнүндө", "Кыйноолорду жана башка катаал, адамкерчиликсиз же кадыр-баркты басмырлаган мамиленин жана жазанын түрлөрүнүн алдын алуу боюнча Кыргыз Республикасынын Улуттук борбору жөнүндө", "Мунапыс берүү негиздери жана аны колдонуу тартиби жөнүндө", "Жергиликтүү кеңештердин депутаттарын шайлоо жөнүндө", "Саясий партиялар жөнүндө", "Тынч чогулуштар жөнүндө", "Жарандардын кайрылууларын кароо тартиби жөнүндө", "Кыргыз Республикасынын мамлекеттик органдарынын жана жергиликтүү өзалдынча башкаруу органдарынын карамагында турган маалыматтарга жетүү жөнүндө", "Кыргыз Республикасында жекече турак-жай курулушу жөнүндө", "Керектөөчүлөрдүн укуктарын коргоо жөнүндө", "Ишкерлердин укуктарын коргоо жөнүндө", "Чакан ишкерликти мамлекеттик колдоо жөнүндө", "Ишкердиктин субъекттерине текшерүүлөрдү жүргүзүүнүн тартиби жөнүндө", "Атаандаштык жөнүндө", "Жарнама жөнүндө", "Кыргыз Республикасындагы бейтарап соттор жөнүндө" Кыргыз Республикасынын мыйзамдары жана башкалар. Баяндалгандардын негизинде Мыйзамдын долбоорунун мазмуну жалпысынан Кыргыз Республикасынын мыйзамдарынын колдонуудагы ченемдерин кайталагандыктан, ошондой эле Мыйзамдын долбоорунун ченемдери декларативдүү мүнөзгө ээ болгондуктан Кыргыз Республикасынын Министрлер Кабинети аны кабыл алууну максатка ылайыксыз деп эсептейт.