8-берене

Төмөнкүлөр белгиленсин:

1. Кыргыз Республикасынын Салык кодекси колдонууга киргизилгенге чейин классификацияланган, амортизацияланууга тийиш негизги каражаттардын топторунун курамы өзгөрүүсүз калат. 2009-жылдын 1-январынан тартып алынган негизги каражаттар Кыргыз Республикасынын Салык кодексинин талаптарына ылайык классификацияланат.

2. 2008-жыл үчүн салык отчетторун жана декларацияларын берүү жана алар боюнча салыктык милдеттенмелерди аткаруу 2008-жылдын 31-декабрына карата белгиленген талаптарга ылайык жүргүзүлөт.

3. 2009-жылдан берки мезгилдеги бирдиктүү салык декларациясын көрсөтүү боюнча Кыргыз Республикасынын Салык кодексинин 92-беренесинин талаптары төмөндөгү категориядагы жактарга таркатылат:

- уюмдарга;

- жеке ишкерлерге;

- дыйкан же фермер чарбаларына;

- Кыргыз Республикасынын Салык кодексине ылайык салык милдеттенмеси пайда болгон менчигинде мүлкү бар жеке жактарга;

- короо жанындагы жана багбанчылык-огород участкаларын кошпогондо менчигинде жер участогу бар жеке жактарга;

- мамлекеттик кызматчыларга.

Кыргыз Республикасынын жарандарынын - жеке жактардын жана мамлекеттик кызматчылардын бирдиктүү салык декларациясын салыктык контролдоо "Кыргыз Республикасынын жарандарынын бирдиктүү салык декларациясын берүүсүнө даярдык көрүү жөнүндө" Кыргыз Республикасынын Мыйзамынын жоболорун эсепке алуу менен жүзөгө ашырылат. Мамлекеттик кызматкерлер менен жеке жактардын 2009-жыл үчүн бирдиктүү салык декларациясын тапшыруу мөөнөтү 2010-жылдын 1-июлуна чейин деп, ушул дата кошулуу менен белгиленсин. Жеке жактардын 2013-жылдын жыйынтыктары боюнча бирдиктүү салык декларациясын тапшыруу мөөнөтү 2014-жылдын 1-июлуна чейин деп белгиленсин. Жеке жактардын жана жеке ишкерлердин 2019-жылдын жыйынтыктары боюнча бирдиктүү салык декларациясын тапшыруу мөөнөтү 2021-жылдын 1-апрелине чейин деп белгиленсин.

31. 2016-жылдан тартып башталган мезгилге Кыргыз Республикасынын Салык кодексинин 92-беренесинин бирдиктүү салык декларациясын берүү боюнча талаптары муниципалдык кызматчыларга жайылтылат.

32. 2021-жылдан тартып башталган мезгил үчүн бирдиктүү салык декларациясын берүү боюнча Кыргыз Республикасынын Салык кодексинин 92-беренесинин талаптары төмөнкүлөргө жайылтылат:

- илимий-изилдөө, чыгармачылык, окутуучулук, дарылоо-ден соолукту чыңдоо жана калкты тейлөө боюнча аткаруучу-тескөөчү иш-милдеттер менен байланышпаган башка иштерди жүзөгө ашыруучу мамлекеттик органдардын жана жергиликтүү өз алдынча башкаруу органдарынын карамагында болгон органдарда, мекемелерде, ишканаларда жана уюмдарда иштеген жеке жактарга;

- мамлекеттик органдарда, мамлекеттик жана муниципалдык ишканалар менен мекемелерде, ошондой эле мамлекеттик үлүштүк катышы бар уюмдарда иштеген жеке жактарга;

- эл аралык уюмдардагы иштен киреше алган, Кыргыз Республикасынын жарандары болуп саналган, ошондой эле Кыргыз Республикасынын жарандары болуп саналбаган, бирок Кыргыз Республикасында жашап турууга укугу же кайрылман статусу бар жеке жактарга;

- салыктык мезгилде эсептик көрсөткүчтүн 3000 эселенген өлчөмүнөн жогору суммада менчик укугун же мүлккө болгон башка укугун сатып алууга багытталган бир жолку чыгашаларды тарткан жеке жактарга.

33. 2023-жылдан тартып башталган мезгил үчүн бирдиктүү салык декларациясын берүү боюнча Кыргыз Республикасынын Салык кодексинин 92-беренесинин талаптары салыктык мезгилде салык салынуучу кирешелерди алган жеке жактарга жайылтылат.

4. Кыргыз Республикасынын Салык кодексинин 92-беренесинин талаптары боюнча 2025-жылдан берки мезгилдеги бирдиктүү салык декларациясын тапшыруу Кыргыз Республикасынын Салык кодексинин 92-беренесинде көрсөтүлгөн адамдардын бардык категорияларына таркатылат.

2021-жылдан, 2023-жылдан же 2025-жылдан тартып башталган мезгил үчүн бирдиктүү салык декларациясын берүүгө милдеттүү субъекттер бирдиктүү салык декларациясын көрсөтүлгөн мезгилдер башталганга чейин ыктыярдуу негизде берүүгө укуктуу.

5. Кыргыз Республикасынын Салык кодекси менен белгиленген пайыздар, туумдар жана салык санкциялары 2009-жылдын 1-январынан тартып колдонулат.

6. Кыргыз Республикасынын мамлекеттик чегарасы аркылуу өткөрүлүүчү товарларга карата ушундай өткөрүү жүргүзүлгөн күнгө карата Кыргыз Республикасынын салык мыйзамдарында каралган салыктардын ставкалары колдонулат.

7. 2009-жылдын 1-январынан тартып салык салынуучу субъект тарабынан жүргүзүлүүчү салык салынуучу берүүлөр төмөнкүлөргө карата 2009-жылдын 1-январына чейин колдонуудагы тийиштүү ставка боюнча кошумча наркка салык салынууга жатат:

- кошумча наркка салык төлөөчү катары ушул субъектти каттоо колдонууга киргизилген күндөн тартып жана 2008-жылдын 31-декабрында аяктоо менен ушул мезгилдин ичинде сатып алынган жана өндүрүлгөн материалдык ресурстардын, негизги каражаттарды кошпогондо, калдыктары 2009-жылдын 1-январына карата;

- Кыргыз Республикасынын мамлекеттик чегарасы аркылуу 2009-жылдын 1-январына чейин өткөрүлгөн товарлар.

8. Эгерде берүү 2009-жылдын 1-январына чейин салык алынуучу болуп эсептелген жана 2009-жылдын 1-январынан тартып бошотулган берүүлөр статусуна ээ болгон учурда мурда кириштөөгө кабыл алынган, сатып алынган материалдык ресурстар үчүн КНСтин суммасы 2009-жылдын январы үчүн кошумча наркка салык боюнча отчетто чагылдыруу менен Кыргыз Республикасынын Салык кодексинин 266-беренесинин 6-пунктунун 3-пунктчасына ылайык оңдоо киргизилүүгө тийиш.

9. 2006-жылдын 1-январынан тартып 2009-жылдын 1-январына чейинки мезгилде пайда болгон жана 2009-жылдын 1-январына чейин колдонулган салык мыйзамдарына ылайык эсептен чыгарылбаган карыздык милдеттенмелер үчүн пайыздар 2009-жыл үчүн пайдага салыкты эсептөөдө эсептен чыгарылууга тийиш.

(КР 2009-жылдын 17-июлундагы № 226, 2010-жылдын 25-февралындагы № 35, 2012-жылдын 29-майындагы № 73, 2012-жылдын 6-октябрындагы № 169, 2013-жылдын 16-мартындагы № 42, 2014-жылдын 11-апрелиндеги № 57, 2016-жылдын 21-июлундагы № 129, 2020-жылдын 11-февралындагы № 18, 2020-жылдын 3-апрелиндеги № 33 Мыйзамдарынын редакцияларына ылайык)