38-берене. Жергиликтүү кеңештердин ишин уюштуруучулук жактан камсыз кылуу

1. Калкынын саны 6000 адамга чейинки жергиликтүү кеңештердин ишин айыл өкмөттөрүнүн аппараттары камсыз кылат, калкынын саны 6001ден 20000 адамга чейинкилерди - жергиликтүү кеңештердин жооптуу катчылары, калкынын саны 20001ден жогору болгондорду - Министрлер Кабинети тарабынан аныкталуучу типтүү ченемдердин негизинде жергиликтүү кеңештер түзүүчү аппараттар камсыз кылат.

2. (КР 2024-жылдын 16-январындагы № 17 Мыйзамына ылайык күчүн жоготту)

3. Жергиликтүү кеңештердин ишин материалдык-техникалык жактан камсыз кылуу жергиликтүү өз алдынча башкаруунун аткаруу органдарына жүктөлөт.";

(КР 2024-жылдын 16-январындагы № 17, 2024-жылдын 29-июлундагы № 152 Мыйзамдарынын редакцияларына ылайык)