15-статья. Камакта кармоочу жайлардын ички тартиби

Камакта кармоочу жайларда режимди камсыз кылуу максатында ички иштер органдары, жазык-аткаруу тутумунун органдары, улуттук коопсуздук органдары тарабынан Кыргыз Республикасынын Башкы прокурору менен макулдашылган жана Кыргыз Республикасынын Министрлер Кабинети тарабынан бекитилген Ички тартиптин эрежелери (мындан ары - Ички тартиптин эрежелери) колдонулат Ички тартиптин эрежелери төмөндөгүдөй тартипти белгилейт:

- шектүүлөрдү жана айыпкерлерди кабыл алуу жана камераларга жайгаштыруу;

- жекече тинтүү, дактилос көчүрмөсүн алуу, фотосүрөткө тартуу, ошондой эле шектүүлөрдүн жана айыпталгандардын буюмдарын карап чыгуу;

- шектүүлөрдөн жана айыпталгандардан сактоого жана пайдаланууга тыюу салынган заттарды алып коюу;

- шектүүлөрдүн жана айыпталгандардын тамак-аш азыктарын, эң зарыл буюмдарды, ошондой эле башка өнөр жай товарларын сатып алуусу;

- шектүүлөргө жана айыпталгандарга жөнөтмөлөрдү, кийирүүлөрдү кабыл алуу жана аларга берүү;

- шектүүлөрдүн жана айыпталгандардын каттарды, телеграммаларды, акчалай жөнөтүүлөрдү алуусу жана жөнөтүүлөрү;

- шектүүлөрдү жана айыпталгандарды эмгекке тартуу;

- шектүүлөрдүн жана айыпталгандардын күн сайын сейилдөөсүн өткөрүү;

- шектүүлөрдүн жана айыпталгандардын ушул Мыйзамдын 17-статьясында саналып өткөн адамдар менен жолугушууларын өткөрүү;

- шектүүлөрдүн, айыпталгандардын, соттолуучулардын тергөө аракеттерине жана сот заседаниелерине катышуусун камсыз кылуу.

Шектүүлөр жана айыпкерлер камакта кармаган жердин ички тартибинин эрежелери менен милдеттүү түрдө таанышууга тийиш. Гауптвахтанын режими Кыргыз Республикасынын Куралдуу Күчтөрүнүн гарнизондук жана күзөт кызматтарынын уставы менен аныкталат. (КР 2004-жылдын 13-августундагы № 124, 2011-жылдын 14-июлундагы № 99, 2013-жылдын 25-ноябрындагы № 206, 2021-жылдын 23-апрелиндеги № 56, 2023-жылдын 31-январындагы № 20 Мыйзамдарынын редакцияларына ылайык) II Глава Шектүүлөрдүн жана айыпталуучулардын укуктары жана аларды камсыз кылуу