Бул документ боюнча сурооңуз барбы?ЖИнин жообун мыйзамдын тексти менен салыштырыңыз

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт.Чат-боттор КР мыйзамдарында жаңылышат. Бул жерде ЖИ колдонуудагы редакция боюнча жооп берип, беренелерди көрсөтөт. Айына ЖИнин 40 жообу - акысыз.

Мисалы:

ИздөөПостановление

КР Өкмөтүнүн «Адистештирилген жардам берген саламаттык сактоо уюмдарын Бирдиктүү төлөөчү системасындагы каржылоого которуу жөнүндө» токтому

Постановление2012-жылдын 27-марты, № 209Күчүн жоготкон

Документ күчүн жоготкон

Документ реестрде «Утратил силу» деп белгиленген. Учурдагы редакциясын текшербестен күчүндөгү документтерде ага шилтеме берүүгө болбойт. «Постановление Кабинета Министров Кыргызской Республики от 25 февраля 2025 года № 86 "О порядке формирования и исполнения бюджета системы здравоохранения"» негизинде күчүн жоготту. Учурдагы редакциянын датасы: 2025-02-25.

КР Министрлер Кабинетинин 2025-жылдын 25-февралындагы № 86 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2012-жылдын 27-марты № 209 Адистештирилген жардам берген саламаттык сактоо уюмдарын Бирдиктүү төлөөчү системасындагы каржылоого которуу жөнүндө Кыргыз Республикасынын жарандарын социалдык коргоону күчөтүү жана Мамлекеттик кепилдиктердин программасы боюнча медициналык кызмат көрсөтүүлөрдүн калкка жеткиликтүүлүгүн жакшыртуу, ошондой эле саламаттык сактоо уюмдарын иштин натыйжасы боюнча каржылоо максатында Кыргыз Республикасынын Өкмөтү ТОКТОМ КЫЛАТ:

1. Адистештирилген медициналык жардам берген саламаттык сактоо уюмдарын Бирдиктүү төлөөчү системасындагы каржылоого которуунун графиги 1-тиркемеге ылайык бекитилсин.

2. Кыргыз Республикасынын Финансы министрлиги 2012-жылдын 1-июлуна чейинки мөөнөттө, ушул токтомдун 1-тиркемесинде аталган уюмдарды каржылоо үчүн республикалык бюджеттин чыгымдарын чыгымдарды экономикалык классификациялоонун 22161 «Саламаттык сактоо системасында бирдиктүү беренеде берилген чыгымдар» беренеси боюнча, бөлүнгөн бюджеттик каражаттардын чегинде 2012-жылга карасын.

3. Кыргыз Республикасынын Саламаттык сактоо министрлиги:

- Мамлекеттик кепилдиктер программасын андан ары аткаруу максатында, Бирдиктүү төлөөчү системасындагы каржылоого которулуучу адистештирилген уюмдардын уюштуруу түзүмдөрүн жана бюджеттик чыгымдарын оптималдаштырууну иш-чараларды которуунун мөөнөтүндө аяктоо менен жүргүзсүн;

- медициналык кызмат көрсөтүүнүн сапатын жакшыртуу максатында, адистештирилген саламаттык сактоо уюмдарында дарылануучу пациенттер үчүн негизги оорулар боюнча клиникалык протоколдорду/ колдонмолорду иштеп чыксын.

4. Кыргыз Республикасынын Саламаттык сактоо министрлиги Кыргыз Республикасынын Финансы министрлиги менен бирдикте Бирдиктүү төлөөчү системасындагы каржылоого которулуучу уюмдардын кредитордук карызына инвентаризация жүргүзсүн жана которуу учуруна карата аларды жоюу боюнча чараларды көрсүн.

5. Кыргыз Республикасынын Саламаттык сактоо министрлиги Кыргыз Республикасынын Өкмөтүнө караштуу Милдеттүү медициналык камсыздандыруу фонду менен бирдикте Бирдиктүү төлөөчү системасындагы каржылоого которулуучу уюмдар үчүн адистештирилген медициналык кызмат көрсөтүүлөр боюнча каржылоонун базалык нормативдерин эсептөөнүн методикасын 2012-жылдын 1-июлуна чейинки мөөнөттө иштеп чыксын жана бекитсин.

6. Кыргыз Республикасынын Өкмөтүнө караштуу Милдеттүү медициналык камсыздандыруу фонду адистештирилген медициналык жардам берген саламаттык сактоо уюмдарын Бирдиктүү төлөөчү системасындагы каржылоого которуу боюнча даярдоочу иш-чараларды 2012-жылдын 1-апрелинен баштап жүргүзсүн.

7. Бул токтомдун 1-тиркемесинде аталган уюмдардын адистештирилген саламаттык сактоо уюмдарынын тармагын реструктуралоонун, уюштуруу түзүмүн, персоналдын штаттык санын, койкалык фондун оптималдаштыруунун процессинде бошотулган бюджеттик каражаттары республикалык бюджетке алынбай тургандыгы жана тиешелүү уюмдардын, кызматтардын бюджеттерине реинвестиция кылынаары белгиленсин.

8. Кыргыз Республикасынын Өкмөтүнүн 2007-жылдын 21-майындагы № 184 «Саламаттык сактоону программалык негизде каржылоо жөнүндө» токтомуна төмөнкүдөй өзгөртүүлөр жана толуктоолор киргизилсин:

- жогоруда аталган токтом менен бекитилген Программалык негизде саламаттык сактоонун бюджетин түзүү жана аткаруу тартибинде:

- 3.1-пунктта:

экинчи абзацтагы «Кыргыз Республикасынын Саламаттык сактоо министрлигинин алдындагы» деген сөздөр «Кыргыз Республикасынын Өкмөтүнө караштуу» деген сөздөр менен алмаштырылсын; үчүнчү абзацтагы «Саламаттыксакмин» деген сөз «ММКФ» деген аббревиатура менен алмаштырылсын; төртүнчү абзац төмөнкүдөй редакцияда берилсин: «ММКФ МКПга бекитилген бюджеттик чыгымдарды базалык жылда түзүлгөн шарттардын негизинде, республика боюнча 2013-жылы дарылануунун орточо наркына андан ары теңдештирүү менен кичи программалар боюнча жана МСБФтын негизинде тармактык артыкчылыктарды каржылоонун кабыл алынган саясатын эске алуу менен бөлүштүрөт.»;

- 3.1-пункттун бешинчи абзацындагы, 3.4-пункттун алтынчы абзацындагы «28.21.41.00» деген цифралар «22.16.11.00» деген цифралар менен алмаштырылсын;

- 3.5-пункттун төртүнчү абзацындагы «кургак учукка каршы, онкологиялык, психиатриялык жана наркологиялык диспансерлер, ооруканалар жана» деген сөздөр алып салынсын;

- 3.7-пункт күчүн жоготту деп табылсын;

- 3.8-пункттагы «Милдеттүү медициналык камсыздандыруу фондунун Бишкек аймактык башкармасы» деген сөздөр «Бишкек шаарынын мэриясынын алдындагы Саламаттык сактоо департаменти» деген сөздөр менен алмаштырылсын;

- жогоруда аталган токтом менен бекитилген Программалык негизде саламаттык сактоонун бюджетин түзүү жана аткаруу тартибинин 1 жана 2-тиркемелери ушул токтомдун 2 жана 3-тиркемелерине ылайык редакцияда берилсин.

9. Бул токтомдун аткарылышын контролдоо Кыргыз Республикасынын Өкмөтүнүн Аппаратынын социалдык жана гуманитардык өнүктүрүү бөлүмүнө жүктөлсүн.

10. Бул токтом расмий жарыяланган күндөн баштап күчүнө кирет.

Премьер-министр

Ө. Бабанов

1-тиркеме

Адистештирилген медициналык жардам берген саламаттык сактоо уюмдарын Бирдиктүү төлөөчү системасындагы каржылоого которуунун графиги

№

Уюмдардын/ кызматтардын аталышы

Которуу мөөнөтү

Калкка кургак учукка каршы жардам берүү уюму

2012-жылдын 1-июлунан баштап

Калкка психиатриялык жардам берүү уюму