КР Өкмөтүнүн «Ош шаарынын жана Ош облусунун Кара-Суу, Араван районунун аймактарында жайгашкан жерлерди «Айыл чарба багытындагы жерлер» жана «Токой фондусунун жерлери» категорияларынан «Калктуу пункттардын жерлери» категориясына которуу жөнүндө» токтому

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2011-жылдын 2-мартындагы № 82 Ош шаарынын жана Ош облусунун Кара-Суу, Араван районунун аймактарында жайгашкан жерлерди «Айыл чарба багытындагы жерлер» жана «Токой фондусунун жерлери» категорияларынан «Калктуу пункттардын жерлери» категориясына которуу жөнүндө Кыргыз Республикасынын Ош шаарынын жана Ош облусунун тургундарынын социалдык муктаждыктарын чечүү максатында, Кыргыз Республикасынын Жер кодексинин 20-бернесине, Кыргыз Республикасынын Токой кодексинин 33-беренесине ылайык Кыргыз Республикасынын Өкмөтү ТОКТОМ КЫЛАТ:

1. 1939,7 га жерди, анын ичинде 1857,7 га жерди «Айыл чарба багытындагы жерлер» категориясынан жана 82,0 га жерди «Токой фондусунун жерлери» категориясынан «Калктуу пункттардын жерлери» категориясына которуу жөнүндө Ош шаарынын мэриясынын жана Ош облусунун мамлекеттик администрациясынын сунушу тиркемеге ылайык кабыл алынсын.

2. Бул токтомдун 1-пунктунда аталган жерлер «Айыл чарба багытындагы жерлер» жана «Токой фондусунун жерлери» категориясынан «Калктуу пункттардын жерлери» категориясына которулсун.

3. Ош облусунун, Кара-Суу жана Араван райондорунун жергиликтүү мамлекеттик администрациялары Ош шаарынын мэриясы менен бирдикте Ош облусунун Кара-Суу, Араван райондорундагы айылдык округдардын жана Ош шаарынын администрациялык-аймактык бирдиктеринин чек араларын бекитүү боюнча материалдарды белгиленген тартипте даярдашсын.

Кыргыз Республикасынын Өкмөтүнүн Аппараты Ош шаарынын жана Ош облусунун администрациялык-аймактык чек араларын өзгөртүү, анын ичинде Ош шаарынын мэриясына андан ары жеке турак жай курулушуна бөлүштүрүү үчүн Ош облусунун Араван районундагы жерлерден которулуучу аянты 749,0 га болгон, ушул токтомдун 1-пунктунда атапган жерлерди өткөрүп берүүнүн эсебинен өзгөртүү жөнүндө сунушту иштеп чыксын жана Кыргыз Республикасынын Жогорку Кеңешине белгиленген тартипте киргизүүнү камсыз кылсын.

4. Ош шаарынын мэриясына бул токтомдун 3-пунктунда аталган жерлерди бөлүштүрүүдө Ош облусунун Араван районунун айыл округдарынын тургундарына жер участокторун берүүнү кароо сунуш кылынсын.

5. Ош жана Жалал-Абад шаарларын калыбына келтирүү жана өнүктүрүү боюнча мамлекеттик дирекция ушул токтомго ылайык которулуучу жерлерди топографиялык сүрөткө тартууну, долбоорлоо-изилдөө иштерин жана шаар куруу документтерин иштеп чыгууну каржылоону 2011-жылга республикалык бюджетте Ош жана Жалал-Абад шаарларын калыбына келтирүү жана өнүктүрүү боюнча мамлекеттик дирекцияга каралган каражаттардын чегинде жүргүзсүн.

6. Кыргыз Республикасынын Өкмөтүнө караштуу Архитектура жана курулуш мамлекеттик агенттиги:

- Ош облусунун Кара-Суу жана Араван райондорундагы бөлүп берилчү жер участоктордо топографиялык сүрөткө тартуулардын даярдалышын, инженердик-геологиялык изилдөөлөрдүн жүргүзүлүшүн, шаар куруу документтеринин, турак жай имараттардын жана социалдык жана маданий тейлөөчү объекттердин долбоордук-сметалык документтеринин иштелип чыгышын камсыз кылсын;

- изилдөө жана долбоорлоо жумуштарын жүргүзүү боюнча кызмат көрсөтүүлөрдү сатып алуу үчүн уюмдарды бир булактан алуу ыкмасы менен тандасын;

- шаар куруу документтерин иштеп чыгууда Кыргыз Республикасынын Өкмөтүнө караштуу Курчап турган чөйрөнү коргоо жана токой чарба мамлекеттик агенттиги менен бирдикте Ош облусунун Араван районунун Керме-Тоо айыл округунда жайгашкан, «Токой фондусунун жерлери» категориясынан которулуучу аянты 16,5 га жердеги токой өсүмдүктөрүн сактоо мүмкүндүгүн иштеп чыксын.

7. Ош шаарынын мэриясы жана Ош облусунун мамлекеттик администрациясы жерди эсепке алуу документтерине тийиштүү өзгөртүүлөрдү киргизишсин.

8. Бул токтомдун аткарылышын контролдоо Кыргыз Республикасынын Өкмөтүнүн Аппаратынын тийиштүү бөлүмдөрүнө жүктөлсүн.

Премьер-министр

А. Атамбаев

Кыргыз Республикасынын Өкмөтүнүн 2011-жылдын 2-мартындагы № 82 токтомуна тиркеме

Ош шаарынын жана Ош облусунун Кара-Суу, Араван районунун аймактарында жайгашкан, «Айыл чарба багытындагы жерлер» жана «Токой фондусунун жерлери» категорияларынан «Калктуу пункттардын жерлери» категориясына которулуучу жер участокторунун аянттары

№

Райондун,айыл округунун аталышы,

Которулуучу жерлердин жалпы аянты, га

Анын ичинде жерлердин түрлөрү боюнча

кайракы айдоо

көп жылдык өсүмдүктөр

жайыттар

1

2

3

4

5

6

1

Шарк

57

22

35

2

Нариман

549

549

3

Кашкар-Кыштак

163

163

4

Кызыл-Кыштак

52

52

5

Мады

47

47

Кара-Суу району боюнча жыйынтыгы

868

833

35

1

Төбө-Коргон

76

69

7

2

Нурабад

160

151

9

3

Чек-Абад

298

280

18

4

Керме-Тоо

160

143

17

анын ичинде Араван токойчулугунун жерлери

82

65

17

5

Керме-Тоо айыл округунун аймагында жайгашкан Ош эс алуу үйүнүн жерлери

55

50

5

Араван району боюнча жыйынтыгы

749

693

39

17

1

Ош шаары

322,7

292,7

30,0

Ош шаары жана Ош облусу боюнча жыйынтыгы

1939,7

1818,7

104

17