КР Өкмөтүнүн «Кыргыз Республикасынын нормативдик укуктук актыларын расмий жарыялоо булактары жөнүндө»

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2010-жылдын 26-февралы № 117 Кыргыз Республикасынын ченемдик укуктук актыларын расмий жарыялоо булактары жөнүндө (Кыргыз Республикасынын Өкмөтүнүн 2011-жылдын 5-сентябрындагы №532, 2011-жылдын 17-октябрындагы №648, 2014-жылдын 17-апрелиндеги № 216, 2019-жылдын 20-июнундагы № 308, 2020-жылдын 4-мартындагы № 124, Кыргыз Республикасынын Министрлер Кабинетинин 2023-жылдын 3-мартындагы № 115 токтомдорунун редакцияларына ылайык) "Кыргыз Республикасынын ченемдик укуктук актылары жөнүндө" Кыргыз Республикасынын Мыйзамынын жоболорун ишке ашыруу максатында Кыргыз Республикасынын Өкмөтү ТОКТОМ КЫЛАТ:

1. Төмөнкүдөй жарыялоолор расмий жарыялоо деп эсептелсин:

1) Кыргыз Республикасынын мыйзамдарын, Кыргыз Республикасынын Президентинин, Кыргыз Республикасынын Жогорку Кеңешинин, Кыргыз Республикасынын Министрлер Кабинетинин, Кыргыз Республикасынын Шайлоо жана референдум өткөрүү боюнча борбордук комиссиясынын, ченем чыгаруу ыйгарым укуктарын берүү актыларына ылайык ченемдик укуктук актыларды чыгарууга ыйгарым укуктуу мамлекеттик органдардын ченемдик укуктук актыларын:

а) "Эркин-Тоо" гезитинде;

б) аталган мамлекеттик органдардын расмий веб-сайттарында;

2) жергиликтүү өз алдынча башкаруунун өкүлдүк органдарынын, ошондой эле ченем чыгаруу ыйгарым укуктарын берүү актыларына ылайык ченемдик укуктук актыларды чыгарууга ыйгарым укуктуу жергиликтүү өз алдынча башкаруунун аткаруу органдарынын ченемдик укуктук актыларын:

а) айылдык аймактын, шаардын, райондун, облустун аймагында кыйла кеңири таралган, белгиленген тартипте каттоодон өткөн басылмалардын ичинен жергиликтүү өз алдынча башкаруунун өкүлчүлүктүү органдары тарабынан аныкталуучу тиешелүү басылмаларда же жергиликтүү өз алдынча башкаруунун өкүлчүлүктүү органы тарабынан аныкталуучу атайын көрүнүктүү жерлерде (такталарда, стенддерде);

б) жергиликтүү өз алдынча башкаруу органынын же жергиликтүү мамлекеттик администрациянын, же Кыргыз Республикасынын Президентинин тиешелүү облусунун ыйгарым укуктуу өкүлүнүн, же жергиликтүү өз алдынча башкаруу иштери боюнча ыйгарым укуктуу мамлекеттик органдын расмий веб-сайтында.

3) Кыргыз Республикасынын Улуттук банкынын ченемдик укуктук актыларын:

а) "Кыргыз Республикасынын Улуттук банкынын ченемдик актылары" журналында;

б) Кыргыз Республикасынын Улуттук банкынын расмий веб-сайтында.

2. (КР Өкмөтүнүн 2011-жылдын 5-сентябрындагы №532 токтомуна ылайык күчүн жоготту)

3. Кыргыз Республикасынын Финансы министрлиги республикалык бюджетти түзгөндө Кыргыз Республикасынын мыйзамдарын, Кыргыз Республикасынын Президентинин, Кыргыз Республикасынын Жогорку Кеңешинин, Кыргыз Республикасынын Министрлер Кабинетинин, Кыргыз Республикасынын Шайлоо жана референдум өткөрүү боюнча борбордук комиссиясынын, Кыргыз Республикасынын Улуттук банкынын, ченем чыгаруу ыйгарым укуктарын берүү актыларына ылайык ченемдик укуктук актыларды чыгарууга ыйгарым укуктуу мамлекеттик органдардын ченемдик укуктук актыларын жарыялоону каржылоо үчүн зарыл болгон каражаттарды карасын.

(Кыргыз Республикасынын Министрлер Кабинетинин 2023-жылдын 3-мартындагы № 115 токтомунун редакциясына ылайык)

4. Төмөнкүлөр күчүн жоготту деп табылсын:

- Кыргыз Республикасынын Өкмөтүнүн 1997-жылдын 12-августундагы № 465 "Кыргыз Республикасынын мыйзамдарын жарыялоонун тартиби жөнүндө" Кыргыз Республикасынын Мыйзамын ишке ашыруу тууралуу" токтому;

- Кыргыз Республикасынын Өкмөтүнүн 1999-жылдын 13-декабрындагы № 681 "Кыргыз Республикасынын Өкмөтүнүн, министрликтердин, мамлекеттик комитеттердин, административдик ведомстволордун, Кыргыз Республикасынын Социалдык фондусунун, жергиликтүү мамлекеттик администрациялардын жана жергиликтүү өз алдынча башкаруу органдарынын ченемдик-укуктук актыларын жарыялоо жөнүндө" токтому;

- Кыргыз Республикасынын Өкмөтүнүн 2000-жылдын 25-майындагы № 297 "Кыргыз Республикасынын Өкмөтүнүн 1999-жылдын 13-декабрындагы "Кыргыз Республикасынын Өкмөтүнүн, министрликтердин, мамлекеттик комитеттердин, административдик ведомстволордун, Кыргыз Республикасынын Социалдык фондусунун, жергиликтүү мамлекеттик администрациялардын жана жергиликтүү өз алдынча башкаруу органдарынын тивдик укуктук актыларын жарыялоо жөнүндө" № 681 токтомуна кошумчаларды жана өзгөртүүлөрдү киргизүү тууралуу" токтому;

- Кыргыз Республикасынын Өкмөтүнүн 2002-жылдын 5-февралындагы № 51 "Кыргыз Республикасынын Өкмөтүнүн, министрликтердин, мамлекеттик комитеттердин, административдик ведомстволордун, Кыргыз Республикасынын Социалдык фондусунун, жергиликтүү мамлекеттик администрациялардын жана жергиликтүү өз алдынча башкаруу органдарынын тивдик-укуктук актыларын жарыялоо жөнүндө" Кыргыз Республикасынын Өкмөтүнүн 1999-жылдын 13-декабрындагы № 681 токтомуна толуктоо киргизүү тууралуу" токтому;

- Кыргыз Республикасынын Өкмөтүнүн 2002-жылдын 8-апрелиндеги № 211 "Кыргыз Республикасынын Өкмөтүнүн, министрликтердин, мамлекеттик комитеттердин, административдик ведомстволордун, Кыргыз Республикасынын Социалдык фондунун, жергиликтүү мамлекеттик администрациялардын жана жергиликтүү өз алдынча башкаруу органдарынын тивдик-укуктук актыларын жарыялоо жөнүндө" Кыргыз Республикасынын Өкмөтүнүн 1999-жылдын 13-декабрындагы № 681 токтомуна толуктоолорду киргизүү тууралуу" Кыргыз Республикасынын Өкмөтүнүн 2002-жылдын 5-февралындагы № 51 токтомуна өзгөртүү киргизүү жөнүндө" токтому.

5. Бул токтом "Кыргыз Республикасынын мыйзамдарын жарыялоо тартиби жөнүндө" Кыргыз Республикасынын Мыйзамын күчүн жоготту деп табуу тууралуу" Кыргыз Республикасынын Мыйзамы күчүнө кирген күндөн тартып күчүнө кирет.

Премьер-министри

Д.Үсөнов