Аккаунтту тууралаңыз

Текшерүү

Бул документ боюнча сурооңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Мисалы:

ИздөөПриказ

Кыргыз Республикасынын Министрлер Кабинетине караштуу Жеке маалыматтарды коргоо боюнча мамлекеттик агенттигинин «Кыргыз Республикасынын Министрлер Кабинетине караштуу Жеке маалыматтарды коргоо боюнча мамлекеттик агенттикте коррупциянын келип чыгуу тобокелдиги бар учурлардын жана кырдаалдардын Тизмегин бекитүү жөнүндө» буйругу

Приказ2026-жылдын 13-августу, № 44Күчүндөред.: 2026-жылдын 13-августу

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНЕ КАРАШТУУ ЖЕКЕ МААЛЫМАТТАРДЫ КОРГОО БОЮНЧА МАМЛЕКЕТТИК АГЕНТТИГИНИ БУЙРУГУ

2026-жылдын 13-августу № 44

Кыргыз Республикасынын Министрлер Кабинетине караштуу Жеке маалыматтарды коргоо боюнча мамлекеттик агенттикте коррупциянын келип чыгуу тобокелдиги бар учурлардын жана кырдаалдардын Тизмегин бекитүү жөнүндө

Коррупциянын келип чыгуу тобокелдигин азайтуу максатында, “Мамлекеттик жарандык кызмат жана муниципалдык кызмат жөнүндө” Кыргыз Республикасынын Мыйзамынын 20-беренесинин 4-бөлүгүнө, 2023-жылдын 31-майындагы № 293 “Мамлекеттик жарандык кызмат жана муниципалдык кызмат жөнүндө” Кыргыз Республикасынын Мыйзамын ишке ашыруу боюнча айрым чаралар тууралуу жана Кыргыз Республикасынын Министрлер Кабинетинин 2023-жылдын 3-мартындагы № 115 “Кыргыз Республикасынын Министрлер Кабинетинин айрым ченем жаратуу ыйгарым укуктарын мамлекеттик органдарга жана жергиликтүү өз алдынча башкаруунун аткаруу органдарына өткөрүп берүү жөнүндө” токтомуна, Кыргыз Республикасынын Министрлер Кабинетинин 2026-жылдын 8-апрелинин № 232 токтому менен бекитилген “Кыргыз Республикасынын мамлекеттик органдарында жана жергиликтүү өз алдынча башкаруу органдарында коррупциялык тобокелдиктерди табуу, баалоо жана башкаруу тартиби жөнүндө” жобого ылайык, буйрук кылам:

1. Кыргыз Республикасынын Министрлер Кабинетине караштуу Жеке маалыматтарды коргоо боюнча мамлекеттик агенттикте (мындан ары – Агенттик) коррупциянын келип чыгуу тобокелдиги бар учурлардын жана кырдаалдардын Тизмеги (мындан ары – Тизме) ушул буйруктун тиркемесине ылайык бекитилсин.

2. Агенттиктин түзүмдүк жана ведомстволук бөлүмдөрүнүн жетекчилери Тизмеде көрсөтүлгөн учурларга жана кырдаалдарга байланышкан коррупциялык тобокелдиктерди туруктуу негизде аныктоону, баалоону жана башкарууну, ошондой эле коррупциялык көрүнүштөрдүн алдын алуу боюнча чараларды көрүүнү камсыз кылышсын.

3. Агенттиктин коррупцияга каршы иш-чараларды аткаруу боюнча комиссиясы ушул буйрук күчүнө кирген күндөн тартып эки айлык мөөнөттө Агенттиктеги коррупциялык тобокелдиктерди башкаруу планынын долбоорун иштеп чыгууну жана аны Агенттиктин директорунун кароосуна киргизүүнү камсыз кылсын.

4. Агенттиктин укуктук камсыздоо бөлүмү:

– Кыргыз Республикасынын Өкмөтүнүн 2010-жылдын 26-февралындагы № 117 “Кыргыз Республикасынын ченемдик укуктук актыларын расмий жарыялоо булактары жөнүндө” токтомуна ылайык ушул буйрукту расмий жарыялоо боюнча тиешелүү чараларды көрсүн;

– ушул буйрук расмий жарыяланган күндөн тартып үч жумушчу күндүн ичинде расмий жарыяланган булагын көрсөтүү менен мамлекеттик жана расмий тилдердеги эки нускадагы кагаз жана электрондук алып жүрүүчүлөрдөгү көчүрмөлөрүн Кыргыз Республикасынын ченемдик укуктук актыларынын мамлекеттик реестрине киргизүү үчүн Кыргыз Республикасынын Юстиция министрлигине жөнөтсүн;

– ушул буйрук күчүнө кирген күндөн тартып үч жумушчу күндүн ичинде буйруктун көчүрмөсүн маалымат үчүн Кыргыз Республикасынын Президентинин Администрациясына жөнөтсүн.

5. Агенттиктин аналитика жана мониторинг бөлүмү Агенттиктин басма сөз катчысы менен биргеликте ушул буйрук күчүнө киргенден кийин Агенттиктин расмий веб-сайтына жайгаштырылышын камсыз кылсын.

6. Агенттиктин 2025-жылдын 10-январындагы № 1 “Коррупциянын келип чыгуу тобокелдиги бар учурлардын жана кырдаалдардын Тизмесин бекитүү жөнүндө” буйругу күчүн жоготту деп таанылсын.

7. Ушул буйруктун аткарылышын контролдоо директордун орун басары К.М. Мадалбековго жүктөлсүн.

8. Ушул буйрук расмий жарыяланган күндөн тартып он күн өткөндөн кийин күчүнө кирет.

ДиректорК.О. Мамыров
Тиркеме

Кыргыз Республикасынын Министрлер Кабинетине караштуу Жеке маалыматтарды коргоо боюнча мамлекеттик агенттикте коррупциянын келип чыгуу тобокелдиги бар болгон учурлардын жана кырдаалдардын ТИЗМЕГИ

№Мамлекеттик органдын/жергиликтүү өз алдынча башкаруу органынын функциясы (ыйгарым укуктары) (*)Коррупциянын келип чыгуу тобокелдиги бар учурлар жана кырдаалдар (коррупциялык тобокелдиктер) (**)Коррупция- лык тобокелдиктин категориясы: системалуу (реалдуу), потенциалдуу, кырдаалдыкКоррупция- лык тобокелдиктин деңгээли (төмөн, орто, жогорку)Түзүмдүк бөлүмдүн (борбордук аппаратынын, аймактык же ведомстволук бөлүмдүн, мекеменин аталышы) (***)Коррупциялык тобокелдикке кабылган кызмат орундар (****)Башка мамлекеттик органдарда/ жергиликтүү өз алдынча башкаруу органдарында коррупциялык тобокелдиктин келип чыгышы мүмкүнбү (болгон учурда органды көрсөтүү)
Функциянын түрү: көзөмөлдөө жана контролдоо
1Жеке дайындар чөйрөсүндөгү мыйзамдардын талаптарын жазмалардын ээлери жана иштеп чыгуучулар тарабынан сактоосун текшерүү; Жеке дайындар жөнүндө мыйзамдарды бузгандыгы үчүн жоопкерчиликке тартуу.Жазмалардын конкреттүү ээлерин жана жеке дайындарды иштеп чыгуучуларды текшерүүлөрдүн планына негизсиз киргизүү же киргизбөө, текшерүүгө алынуучу субъектке пландан тышкаркы текшерүү жүргүзүлөрү жөнүндө алдын ала маалымдоо аркылуу аныкталган бузууларды алдын ала жоюуга көмөктөшүү, текшерүүнүн жүрүшүндө аныкталган бузууларды жашыруу же жоопкерчилик чараларын колдонуудан бошотуу же аларды жеңилдетүү максатында алардын маанилүүлүгүн төмөндөтүп көрсөтүү, жеке дайындарды жана башка маалыматтарды мыйзамсыз пайдалануу, ачыкка чыгаруу же үчүнчү жактарга берүү, жеке жана башка кызыкчылыктардан улам эскертмеде көрсөтүлгөн бузуулардын жоюлбаган фактылары боюнча чараларды көрбөө.СистемалыкОртоКөзөмөл жана контролдоо башкармалыгыБашкармалыктын начальниги, сектордун башчысы, башкы инспектор, улук инспектор, инспектор.Бул тобокелдик Агенттиктин ишмердигине гана тиешелүү болушу мүмкүн.
2Жеке дайындар субъекттеринин укуктарынын бузулушу жөнүндө арыздарды кароо.Жеке дайындар субъекттеринин укуктарынын бузулушу жөнүндө кайрылууларды объективдүү эмес кароо, анын ичинде кайрылууларга тандалма түрдө чара көрүү, текшерүү жүргүзүүдөн же чара көрүүдөн негизсиз баш тартуу, кароо мөөнөттөрүн создуктуруу, жеке же башка кызыкчылыктардан улам текшерүүнүн натыйжаларын бурмалоо.СистемалыкТөмөнКөзөмөл жана контролдоо башкармалыгыБашкармалыктын начальниги, сектордун башчысы, башкы инспектор, улук инспектор, инспектор.Бул тобокелдик Агенттиктин ишмердигине гана тиешелүү болушу мүмкүн.
3Мамлекеттик органдарга жана уюмдарга жеке дайындарды иштетүү маселелери боюнча консультация берүү.Жеке дайындардын массивдеринин ээлерине жана жеке дайындарды иштеп чыгуучуларга белгиленген тартиптен тышкары консультация берүү, ошондой эле жеке жана башка кызыкчылыктардан улам документтерди даярдоо, аныкталган же мүмкүн болуучу бузууларды жоюу же жеке дайындарды иштетүүгө байланышкан башка маселелер боюнча көмөк көрсөтүү түрүндө жүзөгө ашырылган расмий эмес консультация берүү.КырдаалдыкТөмөнКөзөмөл жана контролдоо башкармалыгыБашкармалыктын начальниги, сектордун башчысы, башкы инспектор, улук инспектор, инспектор.Бул тобокелдик Агенттиктин ишмердигине гана тиешелүү болушу мүмкүн.
Функциянын түрү: адам ресурстарын башкаруу
1Кызмат орундарына дайындоо, кызмат боюнча которуу, сыйлоо, кадрлар резервин түзүү үчүн конкурстарды өткөрүү.Бош кызмат ордуна дайындоо боюнча конкурска талапкерлерди катышууга киргизүү, кадрлар резервине киргизүү жөнүндө чечимдерди кабыл алуу, конкурстук тандоонун жыйынтыктарын баалоо жана кызмат ордуна дайындоо жөнүндө сунуштарды даярдоо, конкурстук комиссиянын мүчөлөрүнө мыйзамсыз таасир көрсөтүү, айрым талапкерлердин конкурска катышуусун негизсиз чектөө же алар үчүн артыкчылыктуу шарттарды түзүү, жеке же башка кызыкчылыктардан улам негизсиз сыйлоо, кызмат орду боюнча которуу же кызматтык өсүшүн камсыз кылуу.СистемалыкОртоКадрлар жана иш кагаздарын жүргүзүү секторуАгенттиктин директору, директордун орун басары, сектордун башчысы, кадрларды эсепке алуу жана иш кагаздарын жүргүзүү боюнча инженер, конкурстук комиссиянын мүчөлөрү.Бул тобокелдик Агенттиктин ишмердигине гана тиешелүү болушу мүмкүн.
Функциянын түрү: финансы-экономикалык камсыздоо
1Мамлекеттик сатып алууларды пландаштырууну жана өткөрүүнү жүзөгө ашыруу, инновациялык жана жогорку технологиялуу товарларды, жумуштарды жана кызмат көрсөтүүлөрдү сатып алуу.Сатып алуунун критерийлерин жана техникалык тапшырмаларды конкреттүү берүүчүгө ылайыкташтырып түзүү, сатып алууга катышуучулардын сатып алуучу уюмдун кызмат адамдары менен аффилирленгендиги, негиздерсиз кошумча макулдашууларды түзүү, иш жүзүндө келишимдин шарттарына ылайык келбеген товарларды, жумуштарды жана кызмат көрсөтүүлөрдү кабыл алуу, берүүчүнүн келишимдик милдеттенмелерди аткарбагандыгы боюнча бузууларды жашыруу жана мыйзамдарда каралган чараларды көрбөө.СистемалыкОртоФинансы-экономикалык камсыздоо секторуСектордун башчысы, мамлекеттик сатып алуулар боюнча улук инспектор, сатып алуулар боюнча комиссиянын мүчөлөрү.Бул тобокелдиктер Кыргыз Республикасынын Финансы министрлигине караштуу Мамлекеттик сатып алуулар департаментинин алдындагы “Сатып алуулар борбору” мамлекеттик мекемесинин ишине тиешелүү болушу мүмкүн.
Функциянын түрү: мониторинг жана талдоо жүргүзүү
1Жеке дайындардын чыгып кетишине жана мыйзамсыз иштеплип чыгуусуна байланышкан инциденттерге мониторинг жүргүзүү жана талдоо.Жеке дайындардын чыгып кетишине жана мыйзамсыз иштетилишине байланышкан аныкталган инциденттерди жашыруу же конкреттүү жазманын ээсине чара көрүүдөн качуу максатында аныкталган бузуулардын масштабын жана маанилүүлүгүн төмөндөтүп көрсөтүү, жеке же башка кызыкчылыктардан улам бузуулар боюнча фактыларга тандалма түрдө чара көрүү.ПотенциалдууТөмөнАналитика жана мониторинг бөлүмүБөлүмдүн башчысы, башкы инспектор, улук инспектор, инспектор.Бул тобокелдик Агенттиктин ишмердигине гана тиешелүү болушу мүмкүн.
Функциянын түрү: ченем жаратуучулук ишмердик
1Жеке дайындар менен иштөөнү укуктук жөнгө салуу чөйрөсүндөгү ченемдик укуктук актылардын долбоорлорун иштеп чыгуу.Ченемдик укуктук актылардын долбоорлоруна айрым жазмалардын ээлери үчүн негизсиз артыкчылыктарды, чектөөлөрдү жана тоскоолдуктарды түзгөн жоболорду киргизүү, ошондой эле коррупцияга каршы экспертизанын жыйынтыктары боюнча аныкталган коррупциялык факторлорду жоюуга багытталган жоболорду жеке жана башка кызыкчылыктардан улам ченемдик укуктук актылардын долбоорлоруна киргизбөө.ПотенциалдууТөмөнУкуктук камсыздоо бөлүмүБөлүмдүн башчысы, башкы инспектор, улук инспекторБул тобокелдик Агенттиктин ишмердигине гана тиешелүү болушу мүмкүн.
Функциянын түрү: билим берүү кызматтарын көрсөтүү
1Окутуунун жыйынтыктары боюнча жыйынтыктоочу аттестацияны (экзамендерди, тестирлөөнү) уюштуруу жана өткөрүү.Угуучулардын тестирлөөнүн жыйынтыктарын негизсиз жогорулатып баалоо, жеке же башка кызыкчылыктардан улам айрым угуучуларга жыйынтыктоочу аттестация (тестирлөө) өткөрүлгөнгө чейин экзамендик материалдарга, тапшырмаларга же туура жоопторго жеткиликтүүлүк берүү.СистемалыкТөмөнАгенттиктин Окуу борборуАгенттиктин окуу борборунун директору, окутуучуларыБул тобокелдик Агенттиктин Окуу борборунун ишине гана тиешелүү болушу мүмкүн.
2Окуудан өткөндүгү жөнүндө сертификаттарды (күбөлүктөрдү) берүү.Окуунун толук курсун иш жүзүндө өтпөгөн же программанын талаптарын аткарбаган адамдарга окуудан өткөндүгү жөнүндө сертификаттарды (күбөлүктөрдү) берүү, жеке же башка кызыкчылыктардан улам берилген сертификаттардын реестрине анык эмес же толук эмес маалыматтарды киргизүү.ПотенциалдууОртоАгенттиктин Окуу борборуАгенттиктин окуу борборунун директоруБул тобокелдик Агенттиктин Окуу борборунун ишине гана тиешелүү болушу мүмкүн.
ыкчам баскычтар:J / Kкийинки / мурунку берене[ / ]редакция артка / алдыгаTмазмунуCбайланыштар⌘K / Ctrl Kбуйруктар палитрасы/издөөгө фокус

Документ боюнча дагы суроолоруңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Документтин байланыштары

шилтеме берет: 5 · цитата келтиргендер: 2 · байланышкандар: 0

Цитата келтиргендер (2)

Шилтеме берет (5)