2-берене

1. Жаныбарлар дүйнөсүнүн жаратылыш объекттерин (анын ичинде балыктар жана башка суудагы биологиялык ресурстар) пайдалануу үчүн акы төлөө ставкалары, эгерде ушул берененин 2 жана 3-пункттарында башкача аныкталбаса, 1-тиркемеге ылайык белгиленет:

2. "Жаныбарлар дүйнөсү жөнүндө" Кыргыз Республикасынын Мыйзамынын 31-статьясында каралган жаныбарлар дүйнөсүнүн жаратылыш объекттерин башка максаттарда пайдалануу үчүн эсептөөлөрдө ушул Мыйзамдын 1-тиркемесинде көрсөтүлгөн жаныбарлар дүйнөсүнүн тиешелүү объекттери боюнча белгиленген акы төлөөнүн базалык ставкалары колдонулат.

3. 1-тиркемеде көрсөтүлгөн акы төлөө ставкалары эгерде жаныбарлар дүйнөсүнүн мындай объекттеринин төмөнкүдөй максаттарда пайдаланган учурларда 0 сом өлчөмүндө белгиленет (чет өлкөлүк юридикалык жана жеке жактардан башка):

- калктын ден соолугун коргоо, адамдын жашоосу үчүн коркунучтарды четтетүү, айыл чарба жана үй жаныбарларынын ылањдарынан сактануу, зыяндуу жаныбарлардын санын жөнгө салуу, ошондой эле аткаруу бийлигинин ыйгарым укуктуу органынын уруксатына жараша ишке ашырылуучу максатында;

- Кыргыз Республикасынын мыйзамдарына ылайык жаныбарлар дүйнөсүнүн объекттерин кайта өндүрүү жана өстүрүү, илимий изилдөөлөр, запастарды изилдөө жана өнөр жайлык экспертизалар.