1-статья. Ушул Мыйзамда пайдаланылган негизги түшүнүктөр

Ушул Мыйзамда төмөнкүдөй түшүнүктөр пайдаланылат: ички жер которуу - Кыргыз Республикасынын жарандарынын ар кандай себептерден улам жашаган жерин туруктуу же убактылуу өзгөртүү максатында Кыргыз Республикасынын чегинде жер оодаруулары; ички жер которуучу - Кыргыз Республикасынын чегинде ар кандай себептерден улам жашаган жерин туруктуу же убактылуу өзгөртүү максатында жер оодарган Кыргыз Республикасынын жараны; аргасыз жер которуу - куралдуу кагылыш, массалык тартипсиздиктер, бөөдө кырсык, айлана-чөйрөнүн кескин начарлашы, экологиялык жана техногендик мүнөздөгү кыйроо жана адамдын иш-аракетинен улам келип чыккан башка авариялар жана кыйроолор сыяктуу өздөрүнүн өмүрүнө, саламаттыгына жана коопсуздугуна коркунуч туудурган жагдайлардан улам жарандардын Кыргыз Республикасынын чегинде жер оодаруулары; аргасыз жер которуучу - куралдуу кагылыш, массалык тартипсиздиктер, бөөдө кырсык, айлана-чөйрөнүн кескин начарлашы, экологиялык жана техногендик мүнөздөгү кыйроо жана адамдын Кыргыз Республикасынын аймагындагы иш-аракетинен улам келип чыккан башка авариялар жана кыйроолор сыяктуу өздөрүнүн өмүрүнө, саламаттыгына жана коопсуздугуна коркунуч туудурган жагдайлардан улам өзүнүн жашаган жерин таштап Кыргыз Республикасынын чегинде жер оодарууга аргасыз болгон Кыргыз Республикасынын жараны; (Абзац Кыргыз Республикасынын 2024-жылдын 15-февралындагы № 47 Мыйзамына ылайык күчүн жоготту) жашаган жери - Кыргыз Республикасынын жараны туруктуу же узагыраак жашаган жери; турган жери - Кыргыз Республикасынын жарандарынын туруктуу же артыкчылыктуу жашоосу үчүн арналбаган жер; (Абзац Кыргыз Республикасынын 2024-жылдын 15-февралындагы № 47 Мыйзамына ылайык күчүн жоготту) (Абзац Кыргыз Республикасынын 2024-жылдын 15-февралындагы № 47 Мыйзамына ылайык күчүн жоготту) каттоочу - калктын бирдиктүү мамлекеттик реестрине маалыматтарды топтоого жана киргизүүгө ыйгарым укук берилген жана Кыргыз Республикасынын жарандарынын жеке маалыматтарынын Борбордук банкынын иштөөсү үчүн жооптуу мамлекеттик орган; каттап эсепке алуу - Кыргыз Республикасынын жарандарын жашаган жери боюнча эсепке алуунун электрондук тутуму, анын негизги принциби ички жер которуу процесстерин, анын ичинде онлайн форматта жөнгө салуу болуп саналат; экологиялык жер которуучу - айлана-чөйрөнүн абалынын кескин начарлашынын кесепетинен же экологиялык кыйроодон улам өзүнүн жашаган жерин таштап Кыргыз Республикасынын чегинде башка жерге жер оодарууга аргасыз болгон жер которуучу. Ушул Мыйзамдагы башка терминдер Кыргыз Республикасынын Санарип кодексинде берилген маанилерде колдонулат.

(Кыргыз Республикасынын 2017-жылдын 28-июлундагы № 160, 2024-жылдын 15-февралындагы № 47, 2025-жылдын 31-июлундагы № 180 Мыйзамдарынын редакцияларына ылайык)