8-берене

1. Кыргыз Республикасында эч бир дин мамлекеттик же милдеттүү ка-

тары таанылышы мүмкүн эмес.

2. Кыргыз Республикасында саясий көп түрдүүлүк таанылат.

3. Кыргыз Республикасында саясий партиялар, кесиптик бирликтер жа-

на башка коомдук бирикмелер түзүлүшү мүмкүн, мамлекет алардын укуктары- нын жана мыйзамдуу таламдарынын сакталышын камсыз кылат.

4. Саясий партиялар мамлекеттик иштерге ушул Конституцияда жана

мыйзамдарда каралган формаларда гана катыша алат.

5. Кыргыз Республикасында:

мамлекеттик жана партиялык институттарды бириктирүүгө, ошондой эле мамлекет иштерин партиялык программаларга жана чечимдерге баш ий- дирүүгө; мамлекеттик мекемелерде жана уюмдарда партиялык уюмдарды түзүүгө жана алардын иштешине; эгерде мындай иштер кызматтык ишинен башка учур- ларда жүргүзүлсө, мамлекеттик кызматкерлердин партиялык иштерди жүргү- зүүсүнө; аскер кызматкерлеринин, укук коргоо органдарынын жана сот органда- рынын партияларга мүчө болушуна, алардын кайсы бир саясий партияны кол- доп чыгышына; диний негиздеги саясий партияларды түзүүгө, диний уюмдардын саясий максаттарды жана милдеттерди көздөшүнө; диний уюмдардын жана дин кызматындагылардын мамлекеттик органдар- дын ишине кийлигишүүсүнө; саясий максаттарды көздөгөн чет өлкөлүк саясий партиялардын, коом- дук жана диний уюмдардын, алардын өкүлчүлүктөрү менен филиалдарынын иш- тешине жол берилбейт.