МСКнын «Кыргыз Республикасынын Финансы министрлигине караштуу Мамлекеттик салык кызматынын 2024-жылдын 2-февралындагы № 29 буйругуна өзгөртүүлөрдү киргизүү тууралуу» буйругу

Кыргыз Республикасынын Финансы министрлигине караштуу Мамлекеттик салык кызматынын 2024-жылдын 2-февралындагы № 29 буйругуна өзгөртүүлөрдү киргизүү тууралуу

1. Кыргыз Республикасынын Финансы министрлигине караштуу Мамлекеттик салык кызматынын 2024-жылдын 2-февралындагы № 29 «Жеке ишкер тарабынан ишкердик иштин кошумча түрлөрүн жүзөгө ашыруу тууралуу арыздын, салык отчеттуулугун тапшыруу мөөнөтүн узартуу жөнүндө чечимдин жана жер участогун, мүлк обектисин физикалык ченөөнү жүзөгө ашыруунун датасы жана убактысы жөнүндө билдирүүнүн формаларын бекитүү туралуу» буйругуна төмөнкүдөй өзгөртүүлөр киргизилсин:

1-пунктта:

- жогоруда аталган буйрук менен бекитилген Салык отчеттуулугун тапшыруу мөөнөтүн узартуу жөнүндө чечимдин DOC STI-195 формасы ушул буйруктун 1 жана 2-тиркемелерине ылайык редакцияда баяндалсын;

- ушул буйруктун 3-тиркемесине ылайык редакцияда алтынчы абзац менен толукталсын:

«- Салык отчеттуулугун тапшыруу меенетүн узартуу боюнча чечимди кабыл алуу тартиби».

2. Санариптик трансформациялоо башкармалыгы (А.Т. Оморов) ушул буйрукту Кыргыз Республикасынын Финансы министрлигине караштуу Мамлекеттик салык кызматынын расмий сайтына мамлекеттик жана расмий тилдерде жайгаштырсын.

2. Иш кагаздар менен камсыздоо жана контролдоо бөлүмү (А.Дж.Маматбекова) ушул буйрукту Кыргыз Республикасынын Финансы министрлигине караштуу Мамлекеттик салык кызматынын борбордук аппаратынын түзүмдүк бөлүктөрүнө жана аймактык башкармалыктарына жеткирсин.

3. Ушул буйруктун аткарылышын контролдоо Кыргыз Республикасынын Финансы министрлигине караштуу Мамлекеттик салык кызматынын терагасынын орун басарлары Н.Дж.Умтуловго жана К.А.Ысабековго жүктөлсүн.\

Төрага А.Н.Шыкмаматов

Кыргыз Республикасынын Финансы

министрлигине караштуу

Мамлекеттик салык кызматынын

2025-жылдын 14-февралындагы

№ 102 буйругуна 3-тиркеме

Салык отчеттуулугун тапшыруу мөөнөтүн узартуу боюнча чечимди кабыл алуу тартиби

1. Жалпы жоболор

1. Салык отчеттуулугун тапшыруу мөөнөтүн узартуу боюнча чечимди кабыл алуунун ушул тартиби салык отчеттуулугун тапшыруу мөөнөтүн узартуунун тартибин аныктайт жана Кыргыз Республикасынын Салык кодексинин 102-беренесине ылайык арыздарды иштеп чыгуу менен байланышкан салык кызматы органдарынын кызматкерлеринин ишин жөнгө салат.

2. Ушул Тартип ушул Тартипте каралгандарды кошпогондо, салык отчетторунун бардык бекитилген түрлөрүнө жайылтылат.

2. Салык отчеттуулугун тапшыруу мөөнөтүн узартууга арыз

берүүнүн жол-жобосу

3. Салык отчеттуулугун тапшыруу мөөнөтүн узартууга ниеттенген салык төлөөчү тиешелүү салык органына аны узартуу жөнүндө арыз берет.

4. Салык отчеттуулугун тапшыруу мөөнөтүн узартууга арыз салык төлөөчүнүн жеке кабинети аркылуу электрондук документ түрүндө берилет.

5. Салык отчеттуулугун тапшыруу мөөнөтүн узартууга арыз отчеттук мезгилде бир гана жолу жана Кыргыз Республикасынын Салык кодексинде белгиленген салык отчеттуулугун тапшыруу мөөнөтү аяктаганга чейин

берилет.

6. Салык отчеттуулугун тапшыруу мөөнөтү аяктагандан кийин салык отчеттуулугун тапшыруу мөөнөтүн узартууга ниеттенген салык төлөөчү тиешелүү салык органына жазуу жүзүндөгү арызы менен кайрылат.

7. Салык отчеттуулугун тапшыруу мөөнөтү аяктагандан кийин салык отчеттуулугун тапшыруу мөөнөтүн узартууга жазуу жүзүндөгү арыз тиешелүү салык органы тарабынан каралат.

8. Салык отчеттуулугун тапшыруу мөөнөтүн узартууга арыз салыктын ар бир түрүнө өзүнчө берилет, ошондой эле салык отчеттуулугунун бардык түрлөрүн көрсөтүү менен бир арыз менен жөнөтсө болот.

9. ЕАЭБге мүчө мамлекеттердин аймагынан Кыргыз Республикасынын аймагына товарларды импорттоодо кыйыр салыктар боюнча салык отчеттуулугу боюнча салык отчеттуулугун тапшыруу мөөнөтүн узартууга арыз берүүгө жол берилбейт.

10. Салык отчеттуулугун тапшыруу мөөнөтүн узартуу жөнүндө арыз салык төлөө мөөнөтүн өзгөртпөйт.

3. Салык отчеттуулугун тапшыруу мөөнөтүн узартуу чечимин түзүү тартиби

11. Салык төлөөчү тарабынан салык төлөөчүнүн жеке кабинети аркылуу жиберилген салык отчеттуулугун тапшыруу мөөнөтүн узартууга арыз тиешелүү аймактык салык органынын автоматташтырылган маалыматтык системасына келип түшөт.

12. Тиешелүү аймактык салык органынын начальниги/начальниктин орун басары же начальниктин милдетин аткаруучу салык отчеттуулугун тапшыруу мөөнөтү аяктаганга чейин мөөнөттү узартууга арыз берилген учурда Салык отчеттуулугун тапшыруу мөөнөтүн узартуу жөнүндө чечимди ырастайт.

13. Ушул Тартипте каралган Салык отчеттуулугун тапшыруу мөөнөтүн узартуу жөнүндө чечим белгиленген форма боюнча автоматташтырылган маалыматтык системада түзүлөт.

14. Салык отчеттуулугун тапшыруу мөөнөтүн узартуу жөнүндө чечим арыз келип түшкөн күндөн тартып кийинки бир жумушчу күндүн ичинде салык органы тарабынан чыгарылат.

15. Салык отчеттуулугун тапшыруу мөөнөтүн узартуудан баш тартуу салык отчеттуулугун тапшыруу мөөнөтүн узартуу жөнүндө чечим кагаз түрүндө салык отчеттуулугун тапшыруу мөөнөтү бүткөн учурда тиешелүү белги менен көрсөтүлөт.

16. Салык кызматынын органы салык отчеттуулугун тапшыруу мөөнөтүн ушул салык отчеттуулугун тапшыруу мөөнөтүнүн күнүнөн кийинки 30 күнгө узартуу жөнүндө чечим чыгарат.

17. Салык отчеттуулугун тапшыруу мөөнөтүн узартууга ар бир кириш арыздын негизинде тиешелүү чечим чыгарылат.

18. Чечимдин электрондук формасынын аныктыгы QR-кодду сканерлөө аркылуу текшерилет.

4. Чечимди салык төлөөчүгө тапшыруу жол-жобосу

19. Салык отчеттуулугун тапшыруу мөөнөтүн узартуу жөнүндө чечим салык төлөөчүнүн электрондук түрдөгү мындай кат-кабарды алууга макулдугу болгон учурда түздөн-түз салык төлөөчүнүн жеке

20. Арыз кагаз түрүндө берилгенде, салык отчеттуулугун тапшыруу мөөнөтү бүткөн учурда, салык отчеттуулугун тапшыруу мөөнөтүн узартуу чечими кагаз түрүндө таризделет жана Кыргыз Республикасынын Салык кодексинин 97-беренесинде белгиленген талаптарга ылайык жөнөтүлөт.