КР Өкмөтүнүн «Беларусь Республикасынын, Казакстан Республикасынын жана Россия Федерациясынын Бажы союзуна жана Бирдиктүү экономикалык мейкиндикке Кыргыз Республикасынын кошулуусу жөнүндө сүйлөшүүлөр боюнча Кыргыз Республикасынын Өкмөтүнүн алдындагы Ведомстволор аралык комиссия жөнүндө» токтому

КР Ѳкмѳтγнγн 2015-жылдын 23-июну № 396 токтомуна ылайык кγчγн жоготту

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2011-жылдын 11-апрели № 150 Беларусь Республикасынын, Казакстан Республикасынын жана Россия Федерациясынын Бажы союзуна жана Бирдиктүү экономикалык мейкиндикке Кыргыз Республикасынын кошулуусу жөнүндө сүйлөшүүлөр боюнча Кыргыз Республикасынын Өкмөтүнүн алдындагы Ведомстволор аралык комиссия жөнүндө (КР Өкмөтүнүн 2012-жылдын 2-майындагы № 269, 2013-жылдын 1-июлундагы № 395, 2013-жылдын 29-октябрындагы № 584, 2014-жылдын 15-июлундагы № 387 токтомдорунун редакцияларына ылайык) Беларусь Республикасынын, Казакстан Республикасынын жана Россия Федерациясынын Бажы союзунун (мындан ары - Бажы союзу) жана Бирдиктүү экономикалык мейкиндиктин (БЭМ) чектериндеги келишимдерде жана макулдашууларда белгиленген төмөнкүдөй артыкчылыктарды эске алып:

- бажы тариздөөсүз, акчалай чыгымдарсыз жана убакытты жоготуусуз товарлардын тоскоолдуксуз өтүүсү;

- мурда бажы контролунун болушу менен кармалып келген чек ара соодасын өнүктүрүү;

- санитардык, ветеринардык, фитосанитардык контролдун ички постторун жоюу;

- тараптардын аймактарындагы кызматтар соодасын жүзөгө ашырууга карата чарба субъекттеринин эркин кирүүсүн камсыз кылуу;

- экспорттук жана импорттук алымдарсыз энергия булактары соодасын жүзөгө ашыруу;

- квотасыз жана чектөөлөрсүз, мигранттарга алар болгон мамлекеттин жарандары ээ болгон бардык социалдык укуктардан пайдаланууга мүмкүндүк берген эркин миграциялык саясат жүргүзүү;

- капиталдын эркин өтүүсүн камсыз кылуу,

ошондой эле Кыргыз Республикасынын Бажы союзунун өлкөлөрү менен тышкы соодасынын өз ара интеграциясынын жогорку деңгээлин, жалпысынан Бажы союзунун өлкөлөрү - Беларусь Республикасы, Казакстан Республикасы жана Россия Федерациясы Кыргыз Республикасынын товар жүгүртүүсүндө 44,9 пайызды, экспортунда 40,6 пайызды, импортунда 47,2 пайызды ээлегендигин эске алып. Кыргыз Республикасынын товар жүгүртүүсүндө эң чоң салыштырма салмакты Россия Федерациясы - 26,9 пайызды жана Казакстан Республикасы - 16,8 пайызды ээлегендигин; Беларусь Республикасына 1,2 пайыз туура келгендигин көңүлгө алып, Бажы союзуна жана БЭМге катышуудан Кыргыз Республикасы үчүн жаңы келечектүү мүмкүнчүлүктөр ачыла тургандыгын аңдап түшүнүү менен, атап айтканда:

- Бажы союзунун ички чек араларында жыйымдарды жана бажы контролун алып салуу, транзиттин эркиндиги, алар тышкы соодага катышуучулардын чыгымдарын кыскартууга жана республиканын дүң рынокторундагы иши үчүн шарттарды түзүүгө алып келе тургандыгын;

- Бажы союзунун ичинде экспортко чектөөлөрдүн жоктугу, демек кыргыз рыногу муктаж болгон товарларды, мисалы нефть продуктуларын жана башка социалдык-маанилүү товарларды бажы алымысыз берүүлөр, ошондой эле республиканын нефтини кайра иштетүүчү заводдору үчүн чийки нефть берүү мүмкүнчүлүктөрүн;

- ветеринардык жана фитосанитардык контролду жүзөгө ашыруунун бирдиктүү тартибин киргизүү аркылуу айыл чарба өндүрүшүн өнүктүрүү үчүн жагымдуу шарттарды түзүү, демек экспорттук мүмкүнчүлүктөрдү кеңейтүү жана республиканын ички рыногунда айыл чарба продукциясына баалардын стабилдүүлүгүн;

- Бажы союзу өлкөлөрүндө кыргыз жарандарынын эмгек миграциясын жүзөгө ашырууга байланышкан маселелерди жөнгө салууну;

- Бажы союзунун өлкөлөрүнүн энергетикалык долбоорлорун жана соода, транспорттук, түтүк өткөргүчтөрү инфраструктурасы долбоорлорун ишке ашырууга катышууну аңдап түшүнүү менен,

Кыргыз Республикасынын шериктеш региондук өлкөлөр менен экономикалык интеграциясынын маанилүүлүгүн эске алып, Бажы союзуна жана БЭМге кошулуу жөнүндө чечим кабыл алууда өзүнүн улуттук кызыкчылыктарын коргоо боюнча Кыргыз Республикасынын позицияларын иштеп чыгуунун жана коргоонун зарылдыгын жетекчиликке алып, ошондой эле Кыргыз Республикасынын Жогорку Кеңешинин 2010-жылдын 17-декабрындагы № 26-V токтому менен бекитилген Кыргыз Республикасынын Өкмөтүнүн программасын аткарууну жетекчиликке алып Кыргыз Республикасынын Өкмөтү ТОКТОМ КЫЛАТ:

1. Бажы союзуна жана БЭМге кошулуу жөнүндө Кыргыз Республикасынын сүйлөшүүлөрүн демилге көтөрүү жөнүндө кайрылуусунун сунушталган долбоору жактырылсын (1-тиркеме).

2. Бажы союзуна жана БЭМге Кыргыз Республикасынын кошулуусу жөнүндө сүйлөшүүлөр боюнча Кыргыз Республикасынын Өкмөтүнө караштуу Ведомстволор аралык комиссия (мындан ары - Ведомстволор аралык комиссия) 2-тиркемеге ылайык курамда түзүлсүн.

21. Ведомстволор аралык комиссия жөнүндө жобо 3-тиркемеге ылайык бекитилсин.

(КР Өкмөтүнүн 2014-жылдын 15-июлундагы № 387 токтомуна ылайык)

3. Төмөнкүлөр белгиленсин:

- Ведомстволор аралык комиссия Кыргыз Республикасынын Өкмөтүнүн Бажы союзунун мүчө өлкөлөрү жана Бажы союзунун Комиссиясынын Катчылыгы менен ага Кыргыз Республикасынын кошулуусу маселеси боюнча сүйлөшүүлөр үчүн жооптуу ыйгарым укуктуу жана бул маселе боюнча министрликтердин, мамлекеттик комитеттердин, администрациялык ведомстволордун, жергиликтүү мамлекеттик администрациялардын жана жергиликтүү өз алдынча башкаруу органдарынын ишин координациялоону жүзөгө ашыруучу органы болуп саналат;

- бул маселеге карата министрликтердин, мамлекеттик комитеттердин, администрациялык ведомстволордун, жергиликтүү мамлекеттик администрациялардын жана жергиликтүү өз алдынча башкаруу органдарынын ишин координациялоо боюнча Ведомстволор аралык комиссиянын компетенциясынын чегинде кабыл алынган чечимдер министрликтердин, мамлекеттик комитеттердин, администрациялык ведомстволордун, жергиликтүү мамлекеттик администрациялардын жана жергиликтүү өз алдынча башкаруу органдарынын аткаруусу үчүн милдеттүү болуп саналат;

- Ведомстволор аралык комиссиянын алдында анын жумушчу органы болуп саналган эксперттик-аналитикалык топ иштейт.

(КР Өкмөтүнүн 2014-жылдын 15-июлундагы № 387 токтомуна ылайык)

4. Ведомстволор аралык комиссия:

- (экинчи абзац КР Өкмөтүнүн 2012-жылдын 2-майындагы № 269 токтомуна ылайык күчүн жоготту)

- Бажы союзуна жана БЭМге берилген кошулуу шарттары боюнча республиканын ички рыногу жана экономика секторлору жана Кыргыз Республикасынын кызыкчылыктарын сактоо үчүн таасирдүү сүйлөшүүлөр позицияларын иштеп чыксын.

(КР Өкмөтүнүн 2012-жылдын 2-майындагы № 269 токтомунун редакциясына ылайык)

5. Министрликтердин, мамлекеттик комитеттердин, администрациялык ведомстволордун, жергиликтүү мамлекеттик администрациялардын жана жергиликтүү өз алдынча башкаруу органдарынын жетекчилери Ведомстволор аралык комиссиянын төрагасынын (төраганын орун басарынын) суроо-талабы боюнча зарыл маалыматты беришсин жана Ведомстволор аралык комиссиянын ишине ар тараптуу көмөк көрсөтүшсүн.

6. Кыргыз Республикасынын тышкы иштер министрлиги:

- бир жумалык мөөнөттө Бажы союзуна жана БЭМге Кыргыз Республикасынын кошулуусу жөнүндө сүйлөшүүлөр боюнча Ведомстволор аралык комиссиянын түзүлгөндүгү тууралуу Бажы союзунун комиссиясынын катчылыгына билдирсин;

- Бажы союзуна жана БЭМге Кыргыз Республикасынын кошулуусу жөнүндө демилге көтөрүлгөндүгү тууралуу Кыргыз Республикасынын Өкмөтүнүн кайрылуусун Евразия Экономикалык Шериктештиктин Мамлекеттер Аралык Кеңешинин төрагасынын орун басарына белгиленген тартипте жиберсин.

7. Ведомстволор аралык комиссиянын ишин уюштуруучулук-техникалык камсыздоо Кыргыз Республикасынын Экономика министрлигине жүктөлсүн.

(КР Өкмөтүнүн 2012-жылдын 2-майындагы № 269, 2013-жылдын 1-июлундагы № 395 токтомдорунун редакцияларына ылайык)

8. Бул токтомдун аткарылышын контролдоо Кыргыз Республикасынын Өкмөтүнүн Аппаратынын экономика жана стратегиялык өнүктүрүү бөлүмүнө жүктөлсүн.

Премьер-министри

А.Атамбаев

1-тиркеме

Урматтуу Владимир Владимирович,

Евразия Экономикалык Шериктештиги өлкөлөрү менен интеграциялык процесстер Кыргыз Республикасы үчүн артыкчылыктуу болуп саналат, Бүгүнкү күндө Бажы союзу жана Бирдиктүү экономикалык мейкиндик темасы биз үчүн өтө эле актуалдуу болуп эсептелет, ага өкмөттүк түзүмдөр, жарандар, ошондой эле бизнес-жамааттар тарабынан өзгөчө көңүл бурулууда. Азыркы учурда Бажы союзунда өнүгүп жаткан кырдаал өлкөнүн соодасынын жана экономикасынын андан ары өнүгүшүнө күчтүү таасир берет, ошондуктан биздин республика үчүн Бажы союзунун интеграциялык процесстерине катышуу абдан маанилүү. Кыргыз Республикасы Бажы союзуна жана Бирдиктүү экономикалык мейкиндикке кошулуу процессин баштоого даяр экендигин билдирет. Ушул максатта урматтуу Владимир Владимирович, Сизден Бажы союзунун комиссиясына Беларусь Республикасынын, Казакстан Республикасынын жана Россия Федерациясынын Бажы союзуна Кыргыз Республикасынын катышуу маселеси боюнча Жумушчу топтун ишин жаңылоону тапшырууну өтүнөбүз. Учурдан пайдаланып, мен Сизге өтө урматтоо менин терең ишенич арта тургандыгымды билдирем.

Урматтоо менен,

А.Атамбаев

Москва ш.

Евразия Экономикалык

Шериктештигинин Мамлекеттер

аралык кеңешинин төрагасынын

орун басары Россия

Федерациясынын Өкмөтүнүн

төрагасы

Улуу урматтуу

В.В.Путин мырзага

2-тиркеме

Беларусь Республикасынын, Казакстан Республикасынын жана Россия Федерациясынын Бажы союзуна жана Бирдиктүү экономикалык мейкиндикке Кыргыз Республикасынын кошулуусу жөнүндө сүйлөшүүлөр боюнча Кыргыз Республикасынын Өкмөтүнүн алдындагы Ведомстволор аралык комиссиянын КУРАМЫ

(КР Өкмөтүнүн 2014-жылдын 15-июлундагы № 387 токтомуна ылайык)

Оторбаев Джоомарт Каипович

-

Кыргыз Республикасынын Премьер-министри, Ведомстволор аралык комиссиянын төрагасы;

Диль Валерий Исидорович

-

Кыргыз Республикасынын вице-премьер-министри, Ведомстволор аралык комиссиянын төрагасынын орун басары;

Сариев Темир Аргембаевич

-

Кыргыз Республикасынын экономика министри, Ведомстволор аралык комиссиянын төрагасынын орун басары;

Ахметова Нурсулу Меирбековна

-

Кыргыз Республикасынын Президентинин Аппарат Жетекчисинин орун басары рангындагы финансы-экономикалык талдоо жана өнүгүүгө мониторинг жүргүзүү бөлүмүнүн башчысы, Ведомстволор аралык комиссиянын төрагасынын орун басары (макулдашуу боюнча);

Усупов Усен Макаевич

-

Евразия экономикалык комиссиясындагы Кыргыз Республикасынын өкүлү, Ведомстволор аралык комиссиянын төрагасынын орун басары;

Кадыркулов Мукай Асанович

-

Кыргыз Республикасынын Өкмөтүнө караштуу Мамлекеттик бажы кызматынын төрагасынын биринчи орун басары, Ведомстволор аралык комиссиянын төрагасынын орун басары;

Ибраев Данил Турсунбекович

-

Кыргыз Республикасынын экономика министринин орун басары, Ведомстволор аралык комиссиянын жумушчу органынын жетекчиси.

Ведомстволор аралык комиссиянын мүчөлөрү:

Чуйков Николай Алексеевич

-

Кыргыз Республикасынын Өкмөтүнүн Аппаратынын экономика жана инвестициялар бөлүмүнүн башчысы;

Новиков Артем Эдуардович

-

Кыргыз Республикасынын Премьер-министринин кеңешчиси;

Панкратов Олег Михайлович

-

Кыргыз Республикасынын Премьер-министринин кеңешчиси;

Таткулов Таалай Джумалыевич

-

Кыргыз Республикасынын финансы министринин орун басары;

Бешимов Аскар Жолчубекович

-

Кыргыз Республикасынын тышкы иштер министринин орун басары;

Мамбеталиева Жылдыз Жеенбаевна

-

Кыргыз Республикасынын юстиция министринин орун басары;

Уезбаев Улан Калмурзаевич

-

Кыргыз Республикасынын транспорт жана коммуникация министринин орун басары;

Чойбеков Кубанычбек Насыбекович

-

Кыргыз Республикасынын саламаттык сактоо министринин орун басары - Кыргыз Республикасынын башкы санитардык врачы;

Муратбеков Канатбек Камбарбекович

-

Кыргыз Республикасынын энергетика жана өнөр жай министринин орун басары;

Чодуев Эркинбек Урайымович

-

Кыргыз Республикасынын айыл чарба жана мелиорация министринин орун басары;

Алимбеков Давлетбек Каарыевич

-

Кыргыз Республикасынын өзгөчө кырдаалдар министринин орун басары;

Каденова Зууракан Ажимаматовна

-

Кыргыз Республикасынын эмгек, миграция жана жаштар министринин орун басары;

Ишекеев Назаркул Ишекеевич

-

Кыргыз Республикасынын билим берүү жана илим министринин орун басары;

Куйкеев Эрик Асанович

-

Кыргыз Республикасынын социалдык өнүгүү министринин орун басары;

Исабаева Зина Беккелдиевна

-

Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматынын төрагасынын орун басары;

Абдыкаимов Октябрь Абдыкаимович

-

Кыргыз Республикасынын Өкмөтүнө караштуу мамлекеттик салык кызматынын төрагасынын орун басары;

Мамбеталиев Искендер Султанович

-

Кыргыз Республикасынын Мамлекеттик чек ара кызматынын төрагасынын биринчи орун басары;

Шыйкымбаев Саламат Капанович

-

Кыргыз Республикасынын Өкмөтүнө караштуу Баңгизаттарды контролдоо боюнча мамлекеттик кызматтын төрагасынын орун басары;

Жеенбаева Бактыгуль Жаныбековна

-

Кыргыз Республикасынын Улуттук банкынын төрагасынын орун басары (макулдашуу боюнча);

Байжуманов Джанбулат Байжуманович

-

Кыргыз Республикасынын Улуттук статистика комитетинин төрагасынын биринчи орун басары (макулдашуу боюнча);

Ахматов Султан Маматович

-

Кыргыз Республикасынын Экономика министрлигине караштуу Стандартташтыруу жана метрология борборунун директору;

Жусупов Аширбай Бапович

-

Кыргыз Республикасынын Өкмөтүнө караштуу Ветеринардык жана фитосанитардык коопсуздук боюнча мамлекеттик инспекциянын директорунун орун басары;

Киселева Римма Хаджимуратовна

-

Кыргыз Республикасынын Экономика министрлигинин тышкы соода жана ДСУ бөлүмүнүн башчысы;

Аданбаев Бердимамат Аданбаевич

-

Кыргыз Республикасынын Экономика министрлигинин техникалык жөнгө салуу жана метрология башкармасынын начальниги;

Шаршекеев Марат Дуйшебаевич

-

Кыргыз Республикасынын Соода-өнөр жай палатасынын президенти (макулдашуу боюнча);

Ускенбаева Гульнара Тураровна

-

Бизнес-ассоциациялардын улуттук альянсынын катчылыгынын жетекчиси (макулдашуу боюнча);

Дюшалиев Болот Камчибекович

-

"Кыргыз-Россия экономикалык кеңеши" ассоциациясынын аткаруучу директору (макулдашуу боюнча);

Пономарев Сергей Васильевич

-

Кыргызстандын базарлар, соода жана кызмат көрсөтүү чөйрөсүндөгү ишканалар ассоциациясынын президенти (макулдашуу боюнча);

Тологонов Фархад Тологонович

-

"Легпром" жеңил өнөр жай ишканалар ассоциациясынын директору (макулдашуу боюнча);

Мамытбеков Эдил Калмакович

-

Кыргыз Республикасынын Суу өндүрүүчүлөр ассоциациясынын төрагасы (макулдашуу боюнча);

Джуманов Есен Абдужапарович

-

Бишкек ишкерлер клубунун аткаруучу директору (макулдашуу боюнча);

Фаридинова Бурул Фаридиновна

-

Бишкек ишкерлер клубунун юристи (макулдашуу боюнча).

"3-тиркеме Беларусь Республикасынын, Казакстан Республикасынын жана Россия Федерациясынын Бажы союзуна жана Бирдиктүү экономикалык мейкиндикке Кыргыз Республикасынын кошулуусу жөнүндө сүйлөшүүлөр боюнча Кыргыз Республикасынын Өкмөтүнүн алдындагы Ведомстволор аралык комиссия жөнүндө ЖОБО

(КР Өкмөтүнүн 2014-жылдын 15-июлундагы № 387 токтомуна ылайык)

1. Жалпы жоболор

1. Бул Жобо Беларусь Республикасынын, Казакстан Республикасынын жана Россия Федерациясынын Бажы союзуна жана Бирдиктүү экономикалык мейкиндикке Кыргыз Республикасынын кошулуусу жөнүндө сүйлөшүүлөр боюнча Кыргыз Республикасынын Өкмөтүнүн алдындагы Ведомстволор аралык комиссиянын (мындан ары - Ведомстволор аралык комиссия) ишинин тартибин аныктайт.

2. Ведомстволор аралык комиссия өз ишинде Кыргыз Республикасынын Конституциясын, Кыргыз Республикасынын мыйзамдарын, Кыргыз Республикасынын башка ченемдик укуктук актыларын жана ушул Жобону жетекчиликке алат.

3. Ведомстволор аралык комиссия өз ишин мамлекеттик органдар, жергиликтүү өз алдынча башкаруу органдары, коомдук бирикмелер, илимий жана башка уюмдар, ишканалар, мекемелер жана Бажы союзунун жана Бирдиктүү экономикалык мейкиндиктин органдары менен өз ара аракетте жүзөгө ашырат.

2. Ведомстволор аралык комиссиянын милдеттери жана функциялары

4. Ведомстволор аралык комиссиянын милдеттери:

- Кыргыз Республикасынын Бажы союзуна жана Бирдиктүү экономикалык мейкиндикке кошулуусуна байланыштуу экономиканын өсүшүн камсыздоого багытталган мамлекеттик саясат боюнча сунуштарды иштеп чыгуу, ошондой эле Кыргыз Республикасынын натыйжалуу интеграциясы боюнча мамлекеттик органдардын ишин координациялоо;

- Бажы союзуна мүчө мамлекеттер жана Евразиялык экономикалык комиссия менен Кыргыз Республикасынын Бажы союзуна жана Бирдиктүү экономикалык мейкиндикке кошулуу маселеси боюнча сүйлөшүүлөрдү жүргүзүү, ошондой эле министрликтердин, мамлекеттик комитеттин, администрациялык ведомстволордун, жергиликтүү мамлекеттик администрациялардын жана жергиликтүү өз алдынча башкаруу органдарынын бул маселе боюнча ишин координациялоо.

5. Ведомстволор аралык комиссия төмөнкү функцияларды ишке ашырат:

- Евразиялык экономикалык комиссия менен сүйлөшүүлөрдү, кеңешмелерди, конференцияларды жана Евразиялык экономикалык мейкиндиктеги Кыргыз Республикасынын интеграциясы маселелери, анын ичинде тийиштүү чакыруу боюнча Евразиялык экономикалык комиссия тарабынан өткөрүлүүчү башка иш-чараларды жүргүзөт;

- негизги товардык позициялардын тизмеги боюнча Евразиялык экономикалык комиссия менен оптималдуу консенсуска жетишүү үчүн сунуштарды иштеп чыгат;

- экономиканы өнүктүрүү жана диверсификациялоо боюнча чараларды караштырган механизмдер жөнүндө, өнүктүрүү фондун же институтун түзүү, ошондой эле алдыдагы интеграцияны эске алуу менен улуттук бизнес-климатты жакшыртуу үчүн Кыргыз Республикасынын салыктык жана фискалдык саясатын өркүндөтүү тууралуу сунуштарды иштеп чыгат;

- дүң базарлар аркылуу тышкы соода агымдарынын азайышынан улам келип чыккан жоготууларды минималдаштыруу жана алардын ордун толтуруу, ошондой эле алдыдагы интеграцияны эске алуу менен Кыргыз Республикасынын кирешелердеги үлүшүн аныктоо боюнча сунуштарды иштеп чыгат;

- Кыргыз Республикасынын эл аралык экономикалык уюмдардын алдындагы милдеттенмелерин аткаруусу боюнча сунуштарды иштеп чыгат;

- материалдарды жалпылоону жана ар тараптуу талдоону жүргүзөт, ошондой эле Бажы союзуна жана Бирдиктүү экономикалык мейкиндикке Кыргыз Республикасынын кошулуу маселеси боюнча маалыматтык-аналитикалык документтерди даярдайт;

- интеграциялык процесстерге Кыргыз Республикасынын андан ары катышуусу боюнча бирдиктүү сунуштамаларды жана сунуштарды иштеп чыгат;

- ченемдик укуктук актылардын долбоорлорун иштеп чыгуу, ошондой эле Бажы союзуна жана Бирдиктүү экономикалык мейкиндикке Кыргыз Республикасынын кошулуусу боюнча иш-чаралардын планын ишке ашыруу боюнча мамлекеттик органдардын ишин координациялайт;

- өзүнүн чечимдеринин аткарылышын, ошондой эле Кыргызстан тараптын жана Евразиялык экономикалык комиссиянын Жумушчу тобунун протоколдорун жана биргелешкен документтерин мониторингдөөнү жүргүзөт.

3. Ведомстволор аралык комиссиянын ыйгарым укуктары

6. Ведомстволор аралык комиссия коюлган милдеттердин жана функциялардын алкагында төмөнкүлөргө укуктуу:

- Ведомстволор аралык комиссиянын ишине зарыл болгон маалыматты мамлекеттик органдардан жана юридикалык жактардан белгиленген тартипте суроого жана алууга;

- Ведомстволор аралык комиссиянын кароосуна кирген маселелерди даярдоого катышуу үчүн министрликтердин, администрациялык ведомстволордун жана башка мамлекеттик органдардын кызматкерлерин зарыл болгон учурда ишке тартууга;

- белгиленген тартипте Евразиялык экономикалык комиссия менен өз ара аракеттенүүгө;

- жумушчу топтордун, комиссиялардын, анын ичинде ведомстволор аралык комиссиялардын ишине катышууга;

- Бажы союзуна жана Бирдиктүү экономикалык мейкиндикке Кыргыз Республикасынын кошулуу маселеси боюнча кеңешмелерди, конференцияларды жана башка иш-чараларды өткөрүүгө.

4. Ведомстволор аралык комиссиянын төрагасы

7. Ведомстволор аралык комиссиянын жетекчиси төмөнкүлөргө укуктуу:

- Кыргыз Республикасынын Бажы союзуна жана Бирдиктүү экономикалык мейкиндикке кошулуусуна байланыштуу айрым маселелерди иштеп чыгуу үчүн жумушчу топторду түзүүгө;

- интеграциялык процесстерди талдоону жана болжолдоону жүргүзүү жана алардын Кыргыз Республикасы үчүн натыйжалары боюнча жумушчу топтордун жетекчилерине тапшырма берүүгө;

- ушул Жободо каралган функцияларга жана ыйгарым укуктарга байланыштуу башка функцияларды жана ыйгарым укуктарды жүзөгө ашырууга.

5. Ведомстволор аралык комиссиянын ишин уюштуруу

8. Ведомстволор аралык комиссиянын жумушчу органы болуп эксперттик-аналитикалык топ эсептелет.

9. Кыргыз Республикасынын Экономика министрлиги:

- Ведомстволор аралык комиссиянын жумушчу органынын ишине жалпы жетекчиликти ишке ашырат жана Ведомстволор аралык комиссияга жүктөлгөн милдеттерди аткаруу үчүн жеке жоопкерчиликтүү болот;

- Ведомстволор аралык комиссиянын ишин уюштурат жана пландайт;

- Бажы союзуна жана Бирдиктүү экономикалык мейкиндикке Кыргыз Республикасынын кошулуусу жөнүндө сүйлөшүү процессин координациялоо жана өткөрүү боюнча Ведомстволор аралык комиссиянын ага жүктөлгөн ыйгарым укуктарын ишке ашыруу жагындагы маалыматтык-аналитикалык, уюштуруучулук-методикалык, документтик камсыздоону уюштурат;

- Бажы союзуна жана Бирдиктүү экономикалык мейкиндикке Кыргыз Республикасынын кошулуу процессине байланышкан маселелерди ыкчам тартипте чечүү үчүн зарыл болгон учурда министрликтердин, администрациялык ведомстволордун, башка мамлекеттик органдардын жетекчилеринин катышуусунда кеңешмелерди уюштурат;

- Ведомстволор аралык комиссиянын тапшырмаларынын жана чечимдеринин министрликтер, администрациялык ведомстволор, башка мамлекеттик органдар тарабынан аткарылышын контролдоону ишке ашырат;

- Ведомстволор аралык комиссиянын жумушчу органынын компетенциясына кирген башка ыйгарым укуктарды ишке ашырат.