КР Өкмөтүнүн «»Кыргыз Республикасынын Салык кодексине толуктоолорду киргизүү жөнүндө» Кыргыз Республикасынын Мыйзам долбоору тууралуу» токтому

КР Министрлер Кабинетинин 2022-жылдын 25-мартындагы № 166 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2012-жылдын 4-июлу № 467 "Кыргыз Республикасынын Салык кодексине толуктоолорду киргизүү жөнүндө" Кыргыз Республикасынын Мыйзам долбоору тууралуу Кыргыз Республикасынын Конституциясынын 79-беренесине ылайык Кыргыз Республикасынын Өкмөтү ТОКТОМ КЫЛАТ.

1. "Кыргыз Республикасынын Салык кодексине толуктоолорду киргизүү жөнүндө" Кыргыз Республикасынын Мыйзам долбоору жактырылсын.

2. Аталган мыйзам долбоору Кыргыз Республикасынын Жогорку Кеңешинин кароосуна жиберилсин.

3. Кыргыз Республикасынын экономика жана монополияга каршы саясат министри жана Кыргыз Республикасынын Өкмөтүнө караштуу Мамлекеттик салык кызматынын төрагасы ушул мыйзам долбоорун Кыргыз Республикасынын Жогорку Кеңеши караган учурда Кыргыз Республикасынын Өкмөтүнүн расмий өкүлдөрү болуп дайындалышсын.

Кыргыз Республикасынын Премьер-министри

Ө. Бабанов

Долбоор

КЫРГЫЗ РЕСПУБЛИКАСЫНЫН МЫЙЗАМЫ

Кыргыз Республикасынын

Салык кодексине толуктоолорду киргизүү жөнүндө

1-берене.

Кыргыз Республикасынын Салык кодексине (Кыргыз Республикасынын Жогорку Кеңешинин ведомосттору, 2008-ж., № 8, 922-б.) төмөнкү толуктоолор киргизилсин:

1. 348-берененин 1-бөлүгү төмөнкү мазмундагы 9-11-пункттар менен толукталсын:

"9) чач тарачтардын жана сулуулук салондорунун кызмат көрсөтүүлөрү;

10) менчик стоматологиялардын кызмат көрсөтүүлөрү;

11) жарнамалык щиттерди ижаралоо кызмат көрсөтүүлөрү.".

2. 349-берененин 2-бөлүгү төмөнкү мазмундагы 9-11-пункттар менен толукталсын:

"

". 2-берене.

Бул Мыйзам расмий жарыяланган күндөн тартып он беш күн өткөндөн кийин күчүнө кирет.

Кыргыз Республикасынын Президенти

"Кыргыз Республикасынын

Салык кодексине толуктоолорду киргизүү жөнүндө"

Кыргыз Республикасынын Мыйзам долбооруна

НЕГИЗДЕМЕ-МААЛЫМАТ

Бул Мыйзамдын долбоору чач тарач (сулуулук салону), жеке стоматология жана жарнама такталарын ижарага берүү кызмат көрсөтүүлөрүн милдеттүү патенттин негизинде салык салуунун атайын режимине которуу менен ушул кызматтарды көрсөткөн субъекттерден түшкөн салыктарды көбөйтүү максатында даярдалды. Жогоруда көрсөтүлгөн иш аракеттердин түрлөрүн милдеттүү патенттин негизинде салык төлөөгө которуу зарылдыгы төмөнкүлөр менен шартталат:

- кызмат көрсөтүүдөн түшкөн акчаны толук кандуу контролдоо мүмкүн эместиги;

- көрсөтүлгөн кызматтардын наркынын жогорулоо тенденциясынын болушу;

- мындай кызматтарга калктын жогорку суроо-талаптары.

Азыркы учурда Бишкек шаарынын аймагында 481 чач тарач жана сулуулук салондору калкка өз кызматтарын көрсөтүп жатышат, анын ичинен 2011-жылы жалпы суммасы 7665,6 миң сом салык төлөнгөн, атап айтканда: бирдиктүү салык боюнча - 4872 миң сом жана ыктыярдуу патенттин негизиндеги салык - 2793,6 миң сом. Төлөнгөн салыктардын суммасы бир ишкердиктин субъектине бир жыл үчүн орточо 15,9 миң сом же айына 1,2 миң сом туура келүүдө (бирдиктүү салык боюнча 16,8 жана 1,4 миң сом, ыктыярдуу патент боюнча 14,6 жана 1,2 миң сом). Жүргүзүлгөн анализдер көрсөткөндөй салондор орточо үч отуруучу орундуктан турат, ал эми көрсөтүлгөн кызматтардын орточо наркы бир киргенге 250 сомдон кем эмести түзөт. Чач тарачтардын жана сулуулук салондорунун орточо иштөө режими 9.00дөн 19.00гө чейин (10 саат), ошону менен бир күндөгү жүктөлгөн иш 50%дан кем эмес, башкача айтканда бир орундуктан 5 адам тейленет. Демек, бир орундуктан түшкөн акчанын суммасы 1250 сом же айына 37500 сом, муну үч орундукка көбөйткөндө 112500 сомду түзөт, бирдиктүү салык ставкасы боюнча салыктын суммасы (6%) 6750 сомду түзүшү керек же орточо бир орундук үчүн 2250 сом. Жогоруда баяндалгандарга байланыштуу чач тарач жана сулуулук салондорунун калкка кызмат көрсөткөн иш аракеттерин ар бир орундук үчүн салыктык ставка 2000 сом болгон милдеттүү патенттин негизинде салык алуунун атайын режимине которуу жолу менен Кыргыз Республикасынын Салык кодексине өзгөртүү киргизүүнү сунуштайбыз, бул Бишкек шаарынын салык кызматынын органдары чогулткан салыктын бюджетке түшүүлөрүн жылына 29760,0 миң сомго көбөйтүүгө мүмкүндүк берет (7665,6 миң сомдун ордуна 34632,0 сом). Бишкек шаарында стоматологиялык кызматтарды 103 ишкердиктин субъекттери көрсөтөт (мамлекеттик поликлиниканы алып салганда), алар 2011-жылдын ичинде 3846,0 миң сом суммасында салык төлөшкөн же бир субъект жылына орточо 37,3 миң сом гана төлөгөн (айына 3,1 миң сом). Ошону менен жогоруда көрсөтүлгөн ишкердиктин субъекттери 275 стоматологиялык орундуктарга ээ, бир орундук үчүн айына орточо 1,2 миң сом салык төлөнөт, бул кызмат көрсөтүүлөрдүн наркы жылдан жылга көбөйүү тенденциясына ээ. Жогоруда баяндалгандарга байланыштуу калкка стоматологиялык кызмат көрсөткөн иш аракеттерди ар бир орундук үчүн салыктык ставка 5000 сом болгон милдеттүү патенттин негизинде салык алуунун атайын режимине которуу сунушталууда. Ошону менен бюджетке салыктык түшүүлөрдүн суммасы Бишкек шаары боюнча жылына 12654,0 миң сомду түзөт. Ошондой эле белгилей кетчү нерсе, Бишкек шаарында гана 420 жарнама такталары бар, аларды башкарууда, салык алынуучу базасын аныктоодо, кирешенин эсебин тастыктоодо бир топ кыйынчылыктар пайда болот, ижаралык кызмат көрсөтүүнүн наркы дайыма өсүп турат. Жарнама такталарын ижарага берүү боюнча иш аракеттерди Бишкектин борборунда жайгашкан такталардын ар биринен 5000 сом жана шаардын четинде жайгашкан такталар үчүн 2000 сом салыктык ставкасы менен милдеттүү патенттин негизинде салык алуунун атайын режимине которуу бюджетке салыктык түшүүлөрдү көбөйтөт, салыктар жылына 20664,0 миң сомду түзөт. Бул мыйзам долбоор кабыл алынса, бюджетке кошумча салыктык түшүүлөр бир жылда 63078,0 миң сомду түзөт. Бул мыйзам долбоорду кабыл алуу мамлекеттик бюджеттен чыгымдарды талап кылбайт жана Кыргыз Республикасынын Конституциясынын жана мыйзамдарынын ченемдерине карама-каршы келбейт. Ушул мыйзамдын долбоорун колдонуу социалдык, экономикалык, укук коргоочулук, гендердик, экологиялык жана коррупциялык натыйжаларга алып келбейт, бул экспертизанын адистештирилген түрлөрүнөн өтүүгө милдеттүү эмес. Коомдук талкуулоону камсыздоо жана "Кыргыз Республикасынын ченемдик укуктук актылары жөнүндө" Кыргыз Республикасынын Мыйзамынын 22-статьясын ишке ашыруу үчүн бул мыйзамдын долбоору министрликтин ачык маалыматтык WЕВ-сайтында (www.mi№ieco№om.kg) жайгаштырылды, Кыргыз Республикасынын экономика жана монополияга каршы саясат министрлигинин сайтына жайгаштырылган күндөн тартып коомдук талкуулоонун алкагында долбоорго киргизүү үчүн сунуштар жана сын пикирлер түшкөн жок. Баяндалгандардын негизинде "Кыргыз Республикасынын Салык кодексине толуктоолорду киргизүү жөнүндө" Кыргыз Республикасынын Мыйзам долбоору кароого киргизилет.

Министр

Т. Сариев

"Кыргыз Республикасынын Салык кодексине

толуктоолорду киргизүү жөнүндө"

Кыргыз Республикасынын Мыйзам долбооруна

САЛЫШТЫРМА ТАБЛИЦА