КР Өкмөтүнүн «»Кыргыз Республикасындагы мобилизациялык даярдык жана мобилизация жөнүндө» Кыргыз Республикасынын Мыйзамына өзгөртүүлөрдү жана толуктоолорду киргизүү тууралуу», «Кыргыз Республикасынын Куралдуу Күчтөрүнүн Ички кызматынын уставы жөнүндө»» Кыргыз Республикасынын Мыйзамына өзгөртүүлөрдү жана толуктоолорду киргизүү тууралуу» жана «Кыргыз Республикасынын Куралдуу Күчтөрүнүн гарнизондук жана кароол кызматтарынын уставы жөнүндө» Кыргыз Республикасынын Мыйзамына өзгөртүүлөрдү жана толуктоолорду киргизүү тууралуу» Кыргыз Республикасынын мыйзамдарынын долбоорлору жөнүндө « токтому

КР Министрлер Кабинетинин 2022-жылдын 25-мартындагы № 166 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2012-жылдын 13-ноябры № 769 "Кыргыз Республикасындагы мобилизациялык даярдык жана мобилизация жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү тууралуу", "Кыргыз Республикасынын Куралдуу Күчтөрүнүн Ички кызматынын уставы жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү тууралуу" жана "Кыргыз Республикасынын Куралдуу Күчтөрүнүн гарнизондук жана кароол кызматтарынын уставы жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү тууралуу" Кыргыз Республикасынын мыйзамдарынын долбоорлору жөнүндө Кыргыз Республикасынын Конституциясынын 79-беренесине ылайык Кыргыз Республикасынын Өкмөтү ТОКТОМ КЫЛАТ:

1. "Кыргыз Республикасындагы мобилизациялык даярдык жана мобилизация жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү тууралуу", "Кыргыз Республикасынын Куралдуу Күчтөрүнүн Ички кызматынын уставы жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү тууралуу" жана "Кыргыз Республикасынын Куралдуу Күчтөрүнүн Гарнизондук жана кароол кызматтарынын уставы жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү тууралуу" Кыргыз Республикасынын мыйзамдарынын долбоорлору жактырылсын.

2. Аталган мыйзамдардын долбоорлору Кыргыз Республикасынын Жогорку Кеңешинин кароосуна жиберилсин.

3. Кыргыз Республикасынын коргоо министринин биринчи орун басары аталган мыйзам долбоорлору Кыргыз Республикасынын Жогорку Кеңешинде каралган учурда Кыргыз Республикасынын Өкмөтүнүн расмий өкүлү болуп дайындалсын.

Кыргыз Республикасынын Премьер-министри

Ж. Сатыбалдиев

Долбоор

КЫРГЫЗ РЕСПУБЛИКАСЫНЫН МЫЙЗАМЫ "Кыргыз Республикасындагы мобилизациялык даярдык жана мобилизация жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү тууралуу 1-берене. "Кыргыз Республикасындагы мобилизациялык даярдык жана мобилизация жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин ведомосттору 1998-жыл, № 12, 524-ст.) төмөнкүдөй өзгөртүүлөр жана толуктоолор киргизилсин:

1. 2-берененин 1-бөлүгүндөгү "Коргоо жөнүндө" Кыргыз Республикасынын Мыйзамына" деген сөздөр "коргоо, коопсуздук жана аскердик саясат чөйрөсүндөгү мамилелерди жөнгө салуучу башка мыйзамдарга" деген сөздөргө алмаштырылсын.

2. 4-5-беренелер төмөнкү редакцияда берилсин:

"4-берене. Кыргыз Республикасынын Президентинин ыйгарым укуктары Кыргыз Республикасынын Куралдуу Күчтөрүнүн Башкы командачысы Кыргыз Республикасынын Президенти:

1) Кыргыз Республикасындагы мобилизациялык даярдыктын жана мобилизациянын максаттарын жана милдеттерин аныктайт;

2) мобилизациялык даярдык жана мобилизация жаатындагы кызматташтык жөнүндө сүйлөшүүлөрдү жүргүзөт жана Кыргыз Республикасынын Премьер-министри менен макулдашуу боюнча эл аралык келишимдерге кол коет;

3) жалпы же чектелүү мобилизация, аскер абалын, Кыргыз Республикасына каршы агрессия жасалган же түздөн-түз агрессия коркунучу туулган учурда согуш абалын жарыялоо жөнүндө Жарлыкты кийин аны Кыргыз Республикасындагы Жогорку Кеңештин кароосуна токтоосуз киргизүү менен чыгарат.

5-берене. Кыргыз Республикасынын Жогорку Кеңешинин ыйгарым укуктары Кыргыз Республикасынын Жогорку Кеңеши:

1) мобилизациялык даярдыкты жана мобилизацияны мыйзамдык жактан жөнгө салууну жүзөгө ашырат;

2) мобилизациялык даярдык жана мобилизация жаатындагы эл аралык келишимдерди ратификациялайт же жокко чыгарат;

3) жалпы же чектелүү мобилизация; аскер абалын; согуш абалын жарыялоо жөнүндөгү Президенттин Жарлыгын бекитет же жокко чыгарат.".

3. 6-берененин 1-бөлүгүндө:

7-пункту төмөнкү редакцияда берилсин: "7) мобилизация жана аскер абалын жарыялоо менен киргизилүүгө тийиш, ошондой эле мобилизациялык даярдык маселелери боюнча ченемдик укуктук актылардын долбоорлорун иштеп чыгууну уюштурат;"; 8-пунктундагы "Кыргыз Республикасынын эл аралык макулдашууларында (келишимдеринде)" деген сөздөр "Кыргыз Республикасы катышуу болгон эл аралык келишимдерде" деген сөздөргө алмаштырылсын; 9-пунктундагы "Кыргыз Республикасынын", "(макулдашууларын)" деген сөздөр алып салынсын; 16-пункттагы "белгилейт" деген сөздөн кийин "чечим кабыл алат" деген сөздөр менен толукталсын; төмөнкү мазмундагы 20 жана 21-пункттары менен толукталсын: "20) граждандарга жана граждандардын айрым категориясына аскердик кызматка чакыруудан кийинкиге калтыруу укугун берет (токтотот);

21) мобилизациялык даярдык жана мобилизация жаатында мамлекеттик бийлик органдарынын макулдашып иштешин жана өз ара аракеттенүүсүн камсыз кылат.".

4. 7-беренеде:

берененин аталышындагы жана 1-бөлүгүнүн биринчи абзацындагы ар кандай жөндөмөдөгү "борбордук" деген сөз алып салынсын; 1-бөлүгүнүн 5-пунктту төмөнкү редакцияда берилсин: "5) мобилизациялык даярдык жана мобилизация жаатындагы Кыргыз Республикасынын мыйзамдарынын сакталышын камсыз кылат;".

5. 8-берененин 1-бөлүгүнүн 2-пунктту төмөнкү редакцияда берилсин:

"2) мобилизациялык даярдык жана мобилизация жаатындагы Кыргыз Республикасынын мыйзамдарынын сакталышын камсыз кылат;".

6. 11-берененин 1-бөлүгү төмөнкү редакцияда берилсин:

"1. Мамлекеттик бийликтин, жергиликтүү өз алдынча башкаруу органдарынын, Кыргыз Республикасынын Куралдуу Күчтөрүнүн, атайын түзүлүштөрүнүн, Кыргыз Республикасынын экономикасынын жана аймагынын мобилизациялык даярдыгы жана аларды мобилизация боюнча уюштуруу жана анын тартиби ушул Мыйзамда жана мобилизациялык даярдык жана мобилизация жаатындагы мамилелерди жөнгө салуучу башка ченемдик укуктук актыларда аныкталат.".

7. 13-берененин 3-бөлүгүндөгү "мыйзамдары менен" деген сөздөр "Өкмөтү тарабынан" деген сөздөргө алмаштырылсын.

8. 17-берененин 1-бөлүгүндөгү "Кыргыз Республикасынын граждандарынын жалпы аскердик милдеттүүлүгү жөнүндөгү" Кыргыз Республикасынын Мыйзамына ылайык Кыргыз Республикасынын Президентинин Жарлыгынын негизинде" деген сөздөр "аскердик милдеттерге, аскердик жана альтернативдик кызматтарга тиешелүү мамилелерди жөнгө салуучу ченемдик укуктук актыларга ылайык" деген сөздөргө алмаштырылсын.

9. 20-берененин 3-пунктунун экинчи абзацындагы "биринчи же экинчи топтогу майыптар болуп саналган" деген сөздөр "I жана II топтогу майыптыгы белгиленген адамдар" деген сөздөргө алмаштырылсын.

10. 24-берененин 1-бөлүгүндөгү "Кыргыз Республикасынын граждандарынын жалпы аскердик милдеттүүлүгү жөнүндө" Кыргыз Республикасынын Мыйзамына жана Кыргыз Республикасынын Президентинин жарлыктарына" деген сөздөр "аскердик милдеттерге, аскердик жана альтернативдик кызматтарга тиешелүү мамилелерди жөнгө салуучу ченемдик укуктук актыларга" деген сөздөргө алмаштырылсын.

2-берене. Бул Мыйзам расмий жарыяланган күндөн баштап күчүнө кирет.

Кыргыз Республикасынын Президенти

Долбоор

КЫРГЫЗ РЕСПУБЛИКАСЫНЫН МЫЙЗАМЫ "Кыргыз Республикасынын Куралдуу Күчтөрүнүн Ички кызматынын уставы жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү тууралуу 1-берене. "Кыргыз Республикасынын Куралдуу Күчтөрүнүн Ички кызматынын уставы жөнүндө" Кыргыз Республикасынын Мыйзамы (Эркин-Тоо гезити, 1998-жылдын 16-сентябры, № 133-140) менен кабыл алынган Кыргыз Республикасынын Куралдуу Күчтөрүнүн Ички кызматынын уставына төмөнкүдөй өзгөртүүлөр жана толуктоолор киргизилсин:

1. Бүткүл текст боюнча ар түрдүү жөндөмөдөгү "коргоо министри", "Кыргыз Республикасынын Коргоо министри" деген сөздөр тийиштүү жөндөмөдө "коргоо маселелерин тескеген ыйгарым укуктуу мамлекеттик органдын жетекчиси" деген сөздөргө алмаштырылсын.

2. Преамбуланын үчүнчү-бешинчи абзацтары төмөнкү редакцияда берилсин:

"Ушул Уставды Кыргыз Республикасынын Куралдуу Күчтөрүнүн (мындан ары - Куралдуу Күчтөр) аскердик башкаруу органдарынын, аскер бөлүктөрүнүн жана мекемелеринин, анын ичинде Кыргыз Республикасынын Куралдуу Күчтөрүнүн кесиптик билим берүүнүн аскердик билим берүү мекемелеринин (мындан - ары аскер бөлүктөрү), Кыргыз Республикасынын башка аскердик түзүлүштөрүнүн жана мыйзам менен аскердик кызмат каралган мамлекеттик органдарынын аскер кызматчылары, ошондой эле аскердик кызмат орундарын ээлешкен Куралдуу Күчтөрдүн жарандык персоналынын адамдары жетекчиликке алат. Уставдын күчү Кыргыз Республикасынын Куралдуу Күчтөрүнүн, Кыргыз Республикасынын башка аскердик түзүлүштөрүнүн жана мыйзам менен аскердик кызмат каралган мамлекеттик органдарынын аскер кызматчыларына, ошондой эле аскердик жыйындарга чакырылган жарандарга (мындан ары - аскер кызматчылары) жайылтылат. Тынчтык жана согуш убагында аскер кызматчыларына согуш аракеттерин үйрөтүү боюнча окууларда жана машыгууларда, ошондой эле өзгөчө абалдын жана куралдуу чыр-чатактардын шарттарында тапшырмаларды аткаруунун жүрүшүндө ички кызмат күжүрмөн уставдар менен, ошондой эле ушул Устав менен аныкталат".

3. "Аскердик бөлүктүн күжүрмөн байрагы" бөлүмүнүн 2-пунктунда "Кыргыз Республикасынын Коргоо министрлигинин" деген сөздөр "коргоо маселелерин тескеген ыйгарым укуктуу мамлекеттик органдын" деген сөздөргө алмаштырылсын.

4. 5-статьянын 3-бөлүгү төмөнкү редакцияда берилсин:

"Аскер кызматчыларына төмөнкүлөр кирет:

- контракт боюнча аскер кызматын өтөгөн офицерлер, прапорщиктер, старшиналар, сержанттар жана солдаттар (мындан ары - контракт боюнча аскер кызматын өтөгөн аскер кызматчылары);

- кесиптик билим берүүнүн аскердик билим берүү мекемелеринин курсанттары;

- мөөнөттүү аскер кызматын өтөгөн старшиналар, сержанттар жана солдаттар (мындан ары - мөөнөттүү аскер кызматын өтөгөн аскер кызматчылары).".

5. 7-статья төмөнкү редакцияда берилсин:

"7. Кыргыз Республикасынын ченемдик укуктук актыларына ылайык аскер кызматчыларынын укуктарынын, милдеттеринин жана жоопкерчиликтеринин мазмуну жана көлөмү алардын аскердик кызмат милдеттерин (кызматтык милдеттерди) аткарып жүргөндүгүнө же жүрбөгөндүгүнө жараша болот. Аскер кызматчылары тарабынан аскер кызматынын милдеттерин аткаруу деп төмөнкүлөр түшүнүлөт:

- согуш аракеттерине катышуу;

- кызматтык милдеттерди аткаруу;

- күжүрмөн кезметчиликте, күжүрмөн кызматта туруу, гарнизондук нарядда кызмат өтөө, суткалык наряддын курамында милдеттерди аткаруу;

- машыгууларга катышуу;

- аскердик жыйындарда болуу, жыйындар өтүүчү ордуна баруу жана келүү;

- командир (зардал) тарабынан берилген буйруктарды, директиваларды же тескемелерди аткаруу;

- кызматтык убактысынын күн тартибинде белгиленген убакыттын ичинде же башка убакытта аскердик бөлүктүн аймагында болуу, эгерде бул кызматтык зарылчылык менен байланышкан болсо;

- кызматтык командировкада болуу, командировка ордуна баруу жана келүү;

- кызматта болуу, кызматка баруу жана келүү;

- дарыланууда болуу, дарылануу ордуна баруу жана келүү;

- өргүүдө болуу, өргүүнү өткөрүү ордуна баруу жана кайра келүү;

- туткунда, барымтага кармоо же камоо абалында болуу;

- аскер кызматчы дайынсыз жоголду деп таанууга же мыйзамда белгиленген тартипте каза болду деп жарыялаганга чейин дайынсыз жоголуу;

- инсандын өмүрүн, ден соолугун, ар-намысын жана кадыр-баркын коргоо;

- адамдын өмүрүн, ден соолугун жана ар-намысын коргоо, укуктук тартипти сактоо жана коомдук коопсуздукту камсыз кылуу боюнча укук коргоо органдарына жардам көрсөтүү;

- сот тарабынан коомдун жана мамлекеттин кызыкчылыгында жасалган деп таанылган, аскер кызматчысынын башка аракеттерди жасаганы;

- өзгөчө кырдаалдар жана аскердик абалдагы шарттарда, ошондой эле куралдуу чыр-чатактар шарттарында тапшырмаларды аткаруу;

- тынчтыкты жана коопсуздукту колдоо боюнча тынчтыкты сактоо операцияларына катышуу;

- жаратылыш жана техногендик мүнөздөгү өзгөчө кырдаалдардын кесепеттерин жоюуга катышуу жана аймактык коргоону уюштуруу боюнча тапшырмаларды аткаруу.

Командирлерге (зардалдарга) аскер кызматтын милдеттерин аткарууга тиешеси жок жана Кыргыз Республикасынын мыйзамдарын бузууга багытталган буйруктарды, директиваларды жана тескемелерди берүүгө тыюу салынат. Өзүлөрүн өз эрки менен алкоголдук, наркотикалык же токсикалык мас абалга келтирген; жазык мыйзамдарында каралган коомдук коркунучтуу жосундарды кылган; эгерде көрсөтүлгөн аракеттер оорулуу абалдан же өзүн-өзү өлтүрүүгө жеткирүүдөн улам келип чыкпаса, өзүн-өзү өлтүргөн же өзүн-өзү өлтүрүүгө кол салган; аскер бөлүгү жайгашкан жерден тышкары эс алууда, убактылуу бошотууда жүргөндө, ошондой эле туткунда, барымтага алуу же камакка алуу абалында болгон учурлардан, сот тарабынан коомдун жана мамлекеттин кызыкчылыгы үчүн жасалган деп таанылган башка аракеттерден тышкары, кызмат өтөгөн аскер бөлүгүнүн аймагынан же аскер бөлүгүнүн чегинен тышкары өзү билип жүргөн аскер кызматчылары аскердик кызматынын милдеттерин аткарды деп эсептелбейт. Зарыл учурда аскер кызматчысы командирдин (зардалдын) буйругу боюнча аскер кызматынын милдеттерин аткарууга кайсы гана убакта болбосун киришүүгө милдеттүү. Аскер кызматчылары аскер кызматынын милдеттерин аткарууда мамлекеттик бийликтин өкүлдөрү болуп эсептелет жана мамлекеттин коргоосунда болушат.".

6. 10-статьянын 3-бөлүгү төмөнкү редакцияда берилсин:

"Аскердик антты бергенге чейин аскер кызматчысы күжүрмөн тапшырмаларды (күжүрмөн аракеттерге катышууга, күжүрмөн кезметчиликти, күжүрмөн кызматты, кароол кызматын өтөөгө) жана өзгөчө абалдын режимин киргизүүдө жана куралдуу чыр-чатактардын шарттарында тапшырмаларды аткарууга тартылбайт; мындай аскер кызматчыларына курал-жарак жана аскердик техника бекитилип берилбейт, аскер кызматчыга тартиптик аскер бөлүгүндө камоо түрүндөгү жаза колдонулбайт.".

7. 11-статья төмөнкү редакцияда берилсин:

"11. Аскер кызматчылары аскер кызматынын милдеттерин аткарууда Кыргыз Республикасынын ченемдик укуктук актыларына ылайык курал-жаракты сактоого, алып жүрүүгө, колдонууга жана пайдаланууга укуктуу. Аскер кызматчылары тарабынан курал-жаракты сактоо эрежеси, аны колдонуунун шарты жана тартиби ушул Уставда жана Кыргыз Республикасынын Куралдуу Күчтөрүнүн Гарнизондук жана кароол кызматтарынын уставында аныкталат. Курал-жаракты алып жүрүүдө жана колдонууда аскер кызматчылары анын сактыгын камсыздашы керек жана ага бөтөн адамдардын тийүүсүнө жол бербеш керек. Аскер кызматчылары Кыргыз Республикасынын ченемдик укуктук актыларына ылайык курал-жаракты жеке өзү же бөлүктүн курамы менен колдоно алат, ал эми командирлер (зардалдар) зарыл коргонуу абалында өмүрдү, ден соолукту жана менчикти коргоо үчүн же төмөнкү учурларда коргонуу зарылдыгында баш ийгендерге курал колдонууга буйрук бере алат:

- эгерде башка ыкмалар жана каражаттар менен аларды коргоого мүмкүн болбосо, кайтарылуудагы мамлекеттик жана аскердик объекттерге, ошондой эле аскердик бөлүктөр жана бөлүкчөлөр, аскердик бөлүктөрдүн имараттары жана курулмалары жайгашкан жерлерге, аскердик эшелондорго, машиналардын колонналарына, жалгыз транспорттук каражаттарга жана кароолдорго куралдуу же топтук кол салуунун мизин кайтаруу үчүн;

- эгерде башка ыкмалар жана каражаттар менен аларды коргоого мүмкүн болбосо, курал-жаракты жана аскердик техникаларды күч менен ээлеп алууга болгон аракетке бөгөт коюу үчүн;

- эгерде башка ыкмалар жана каражаттар менен аларды коргоого мүмкүн болбосо, аскер кызматчыларын жана жарандык адамдарды, алардын өмүрүнө жана ден соолугуна коркунуч туудурган кол салуудан коргоо үчүн;

- эгерде башка ыкмалар жана каражаттар менен каршылыкты басууга, кылмышкерди кармоого же андан курал-жаракты алууга мүмкүн болбосо, укукка каршы келген аракеттерди жасаган жана куралдуу каршылык көрсөткөн адамды, ошондой эле курал-жаракты өткөрүп берүү жөнүндө мыйзамдуу талапты аткаруудан баш тарткан куралдуу адамды кармоо үчүн.

Командир (зардал) мындан тышкары, согуш шарттарында кол алдындагы адам ачык эле баш ийбеген учурда, баш ийбеген адамдын аракети мамлекетке чыккынчылык кылууга же күжүрмөн тапшырмаларды аткарууда, ошондой эле өзгөчө абал шарттарында тапшырмаларды аткарууда үзгүлтүккө учуратууга багытталганда жеке курал колдонууга же баш ийген адамдын курал колдонуусуна буйрук берүүгө укуктуу.".

8. 12-статья төмөнкү редакцияда берилсин:

"12. Курал-жарак колдонуу каршы курал колдонулган адамга бул жөнүндө ачык көрүнгөн эскертүү менен коштолушу керек, төмөнкү учурлардан тышкары: курал-жарак колдонууну кечиктирүү аскер кызматчысынын же башка жарандардын өмүрү үчүн түздөн-түз коркунуч түзгөн учурда же башка оор кесепеттерди алып келиши мүмкүн болгондо; курал-жаракты, согуш жана атайын техникаларын, транспорттук каражаттарды, учуучу аппараттарды, деңиз же дарыя кемелерин колдонуу менен кол салуунун мизин кайтарууда; кайтаруудан курал-жарак менен же транспорттук каражаттарда качканда, көрүү чектелген шарттарда качканда, ошондой эле камактан транспорт каражаттарында бара жаткан учурда качканда эскертүүсүз колдонулат. Аскер кызматчылары курал-жаракты айгай белгисин берүү же жардамга чакыруу үчүн, ошондой эле адамдардын өмүрүнө же ден соолугуна коркунуч келтирген жаныбарларга каршы колдонууга укуктуу. Курал-жаракты колдонууда жана пайдаланууда аскер кызматчысы айланадагы жарандардын коопсуздугун камсыздоо үчүн чараларды көрүүгө, ал эми зарыл болгон учурда жабыр тарткандарга биринчи жардам көрсөтүүгө милдеттүү. Аялдарга, ден соолугунун мүмкүнчүлүгү чектелген адамдарга, эгерде алардын жашы белгилүү болсо, жашы жетелектерге карата курал-жарак колдонууга тыюу салынат, эгерде башка ыкмалар жана каражаттар менен мындай кол салуунун же каршылык көрсөтүүнүн мизин кайтаруу мүмкүн болбосо, бул адамдар тарабынан аскер кызматчыларынын же башка жарандардын өмүрүнө коркунуч туудурган куралдуу же топтук кол салуудан башка учурлардан тышкары. Курал-жарак колдонуунун жана пайдалануунун ар бир учуру жөнүндө аскер кызматчысы командирге (зардалга) билдирип турат. Курал-жаракты уурдоонун, жоготуунун, бузуунун же катардан чыгаруунун бардык учурлары жөнүндө аскер кызматчылары өзүнүн түздөн-түз зардалына билдирүүгө милдеттүү. Аскер бөлүгүнүн командири кызматтык иликтөө дайындайт, ички иштер органдарын, улуттук коопсуздук маселелерин тескеген ыйгарым укуктуу мамлекеттик органдын аймактык органдарын жана аскер прокуратурасынын органдарын моделин, калибрин, сериясын, номерин, ар бир бирдиктин чыккан жылын көрсөтүү менен курал-жаракты уурдатуунун же жоготуунун кырдаалдары жөнүндө билдирет жана уурдалган же жоголгон курал-жаракты издөө боюнча чараларды көрөт. Уурдалган же жоголгон курал-жарак аскердик бөлүккө кайтарылган учурда аскердик бөлүктүн командири үч күндүн ичинде курал-жарактын уурдалганы же жоготулганы жөнүндө мурда билдирилген мамлекеттик органдарды маалымдоого милдеттүү.".

9. 13-статьяда:

2-бөлүгүнүн экинчи абзацындагы "КР" аббревиатурасы "Кыргыз Республикасын" деген сөздөргө алмаштырылсын."; 2-бөлүгү төмөнкү мазмундагы төртүнчү абзац менен толукталсын: "- эл аралык укуктун жалпыга таанылган принциптерин жана ченемдерин жана Кыргыз Республикасы катышуучу болгон эл аралык келишимдерди сактоого;".

10. 15-статьянын 3-бөлүгү төмөнкү редакцияда берилсин:

"Кыргыз Республикасынын Куралдуу Күчтөрүндө мамлекеттик тил катары кыргыз тили колдонулат, ал эми расмий тил катары орус тили колдонулат. Мамлекеттик тилди же расмий тилди начар билген аскер кызматчыларына окуу куралдары берилет, тилди үйрөнүү үчүн убакыт бөлүнөт жана шарттар түзүлөт.".

11. 19-статья төмөнкү редакцияда берилсин:

"19. Аскер кызматчысы эл аралык гуманитардык укуктун ченемдерин, жарадарлар, оорулуулар, кеме кырсыгына дуушар болгон адамдар, медициналык персонал, имамдар, согуштук аракеттер болгон райондордогу жарандык калк, ошондой эле согуш туткундары менен сүйлөшүүнүн эрежелерин билүүгө жана сактоого милдеттүү.".

12. 22-статьяда:

1-бөлүгүнүн экинчи сүйлөмү төмөнкү редакцияда берилсин: "Бул милдеттер жана аларды аткаруу тартиби ченемдик укуктук актыларда, Кыргыз Республикасынын Куралдуу Күчтөрүнүн жалпы аскердик уставдарында, ошондой эле алардын негизинде иштелип чыгуучу буйруктарда, директиваларда жана тескемелерде белгиленет."; 2-бөлүгүндөгү "мыйзам актылары" деген сөздөр "ченемдик укуктук актылар" деген сөздөргө алмаштырылсын.

13. 25-статьяда "түзөтүү иштери" деген сөздөр алып салынсын.

14. 27-статьядагы "Аскер кызматчылардын материалдык жоопкерчилиги жөнүндө Жобого ылайык" деген сөздөр "Аскер кызматчылардын материалдык жоопкерчилиги жөнүндө" Кыргыз Республикасынын Мыйзамына ылайык" деген сөздөргө алмаштырылсын".

15. 28-статьянын экинчи сүйлөмү алып салынсын.

16. 29-статья төмөнкү мазмундагы 6-бөлүк менен толукталсын:

"Аскер кызматчыларын аскердик тартипти бузуу үчүн жоопкерчиликке тартуу тартиби Кыргыз Республикасынын Куралдуу Күчтөрүнүн жалпы аскердик уставдарында белгиленет.".

17. 36-статьянын 2-бөлүгүндөгү "(укуктук актысы)" деген сөздөр алып салынсын.

18. 69-статьядагы "мас абалында" деген сөздөр "алкоголдук, наркотикалык же токсикалык мас абалында" деген сөздөргө алмаштырылсын.

19. 70-статьянын биринчи бөлүмүндө "Президенти тарабынан" жана "коргоо министри бекиткен" деген сөздөр "Өкмөтү тарабынан" жана "Өкмөтү бекиткен" деген сөздөргө алмаштырылсын.

20. 74-статья төмөнкү мазмундагы 2-бөлүк менен толукталсын:

"Командир (зардал) күжүрмөн даярдыктын жүрүшүндө баш ийген аскер кызматчыларын укуктук жактан окутууну жана эл аралык гуманитардык укуктун ченемдерин үйрөнүүнү уюштурууга милдеттүү. Аскер бөлүгү (бөлүкчө) тарабынан күжүрмөн тапшырмаларды аткаруунун жүрүшүндө командир (зардал) күжүрмөн уставдардын талаптарын жетекчиликке алуу менен эл аралык гуманитардык укуктун ченемдердин сакталышы боюнча чараларды көрүшү, ал эми алардын бузулушуна күнөөлүүлөрдү тартиптик жоопкерчиликке тартышы керек. Мында баш ийген адамдардын аракеттеринен (аракетсиздигинен) кылмыш курамынын белгилери аныкталган учурда аскер бөлүгүнүн командири Кыргыз Республикасынын ченемдик укуктук актыларына ылайык кызматтык иликтөө дайындайт жана аскер прокуратурасынын органдарына билдирет.".

21. 80-статьянын үчүнчү абзацы төмөнкү редакцияда берилсин:

"- Кыргыз Республикасынын ченемдик укуктук актыларын, эл аралык гуманитардык укуктун ченемдерин билүүгө жана аларга ылайык иштөөгө, ошондой эле баш ийгендерден аларды сактоону талап кылууга;".

22. 83-статьянын биринчи бөлүмү төмөнкү редакцияда берилсин:

"83. Командир (зардал) жарандык персоналдын эмгектик ишине байланыштуу маселелерди чечүүдө эмгек мыйзамдарын, ченемдик укуктук актылардын негизинде чыккан коргонуу маселелерин тескеген ыйгарым укуктуу мамлекеттик органдын буйруктарын, директиваларын жана тескемелерин жетекчиликке алууга милдеттүү.".

23. 91-статьяда:

он экинчи абзац төмөнкү редакцияда берилсин: "- бөлүкчөлөрдү жайгаштырууну, аларды кайтарууну жана коргоону, кароол жана ички кызматтарды контролдоону уюштурууга, алардын өтөлүшүн жеке өзү текшерүүгө, ошондой эле аскер кызматчыларын гауптвахталарда кармоонун мыйзамдуулугун жана эрежелерин сактоого;"; он үчүнчү абзацтагы "кылмыш-жаза ишин козгоого же административдик тергөө дайындоого" деген сөздөр "кызматтык иликтөө дайындоого" деген сөздөргө алмаштырылсын. төмөнкүдөй мазмундагы он төртүнчү абзац менен толукталсын: "- терроризмге каршы аракеттенүү боюнча иш-чараларды полкто (бригадада) уюштурууга, бул максаттар үчүн бөлүнгөн күчтөрдү жана каражаттарды түздөн-түз жетектөөнү ишке ашырууга;"; жыйырма экинчи абзацтагы "администрациялык иликтөө дайындоого жана күнөөлүү адамдарды жоопкерчиликке тартуу жөнүндө өз убагында чечим кабыл алууга" деген сөздөр "кызматтык иликтөө дайындоого жана ченемдик укуктук актыларда белгиленген компетенциясына ылайык күнөөлүү адамдарды жоопкерчиликке тартуу жөнүндө чечим кабыл алууга." деген сөздөргө алмаштырылсын.

24. 96-статьянын он экинчи абзацында "камакка алынгандардын (камакка кармалгандардын) гауптвахтада кармалышын" деген сөздөр "аскер кызматчыларын гауптвахтада кармоонун мыйзамдарынын жана эрежелеринин сакталышын".

25. 3-глава "Полктун (бригаданын) командиринин укуктук иш боюнча жардамчысы" деген позиция менен толукталсын:

"Полктун (бригаданын) командиринин укуктук иш боюнча жардамчысы

102-1. Полктун (бригаданын) командиринин укуктук иш боюнча жардамчысы тынчтык жана согуш мезгилинде төмөнкүлөргө жооп берет: полктун (бригаданын) командиринин ишин ар тараптуу укуктук камсыздоо жана ал тарабынан кол коюлган буйруктардын долбоорлорунун, директивалардын, келишимдердин (контракттардын) жана башка кызматтык документтердин Кыргыз Республикасынын мыйзамдарына ылайык келүүсү үчүн. Ал полктун (бригаданын) командирине баш ийет, ал эми анын тескөөсүнө атайын таандык маселелер боюнча жогору турган аскердик башкаруу органынын юридикалык кызматтарынын зардалдарынын көрсөтмөлөрүн жетекчиликке алат. Полктун (бригаданын) командиринин укуктук иш боюнча жардамчысына ушул Уставдын 102-2-пунктунда каралбаган милдеттерди жүктөөгө тыюу салынат. Куралдуу чыр-чатак мезгилинде полктун (бригаданын) командиринин укуктук иш боюнча жардамчысы полктун (бригаданын) командиринин юридикалык кеңешчисинин милдеттерин аткарат. 102-2. Полктун (бригаданын) командиринин укуктук иш боюнча жардамчысы төмөнкүлөргө милдеттүү:

- укуктук экспертиза жүргүзүүгө жана полктун (бригаданын) командиринин буйруктарынын долбоорлоруна жана башка кызматтык документтерге, анын ичинде полктун (бригаданын) командирине бекитүүгө (кол коюуга) сунушталуучу материалдык жана акча каражаттарды белгиленген тартипте эсептен чыгарууга тийиштүү документтерге кол коюуга;

- ченемдик укуктук актыларда белгиленген тартипте полктун (бригаданын) командиринин көрсөтмөсү боюнча полктун (бригаданын), ошондой эле полктун (бригаданын) аскер кызматчыларынын жана жарандык персоналынын адамдарынын алардын кызматтык ишинин маселелери боюнча кызыкчылыктарын сот органдарында билдирүүгө;

- полктун (бригаданын) өздүк курамын укуктук жактан окутууну уюштурууга жана ишке ашырууга катышууга;

- полкто (бригадада) өткөрүлүүчү келишимдик, талаптык жана доо иштерин укуктук жактан камсыздоону ишке ашырууга;

- полктун (бригаданын) командиринин көрсөтмөсү боюнча кызматтык иликтөө жүргүзүүгө, ошондой эле жетекчиликке алынуучу документтердин талаптарына ылайык алардын жүргүзүлүшүн контролдоого;

- полктун (бригаданын) кызмат адамдарынын иш процессинде келип чыккан укуктук маселелери боюнча консультация берүүгө, гарнизондун штаттан тышкаркы консультация берүү ишине катышууга;

- коргоо маселелерин тескеген ыйгарым укуктуу мамлекеттик органдын жетекчисинин, анын орун басарларынын, аймактык командачылыктын (Күчтөрдүн) кол башчыларынын, башка жогору турган командирлердин (зардалдардын) буйруктарынын жана директиваларынын жана тескемелеринин, ошондой эле полктун (бригаданын) командиринин буйруктарынын контролдук нускаларын жүргүзүүгө, жыл сайын полктун (бригаданын) командиринин колдонуудагы буйруктарынын тизмесин түзүүгө;

- полктогу (бригададагы) укуктук иштин абалы жөнүндө ар жылдык доклад даярдоого жана аны полктун (бригаданын) командири карап чыккандан кийин, жогору турган аскердик башкаруу органынын юридикалык кызматтарынын зардалына берүүгө.

Полктун (бригаданын) командиринин укуктук иш боюнча жардамчысы төмөнкүлөргө укуктуу:

- белгиленген тартипте полктун (бригаданын) тийиштүү кызмат адамдарынан документтерди, маалымкаттарды, эсептерди жана келишимдерди алардын мыйзамдуулугун текшерүү үчүн жана өздөрүнүн милдеттерин аткаруу үчүн керектүү маалыматтарды суроого;

- полктун (бригаданын) күнүмдүк ишине тиешелүү укуктук маселелер боюнча корутунду берүүгө.

Полктун (бригаданын) командирине кол коюуга берилген буйруктардын жана башка кызматтык документтердин долбоорлору Кыргыз Республикасынын мыйзамдарына, коргонуу маселелерин тескеген ыйгарым укуктуу мамлекеттик органдын жетекчисинин, анын орун басарларынын, аймактык командачылыктын (Күчтөрдүн) кол башчыларынын, башка жогору турган командирлердин (башчылардын) буйруктарына, директиваларына жана тескемелерине ылайык келбеген учурда полктун (бригаданын) командиринин укуктук иш боюнча жардамчысы бул долбоорлорго виза койбойт, тийиштүү түшүндүрмөлөрдү же корутундуну Кыргыз Республикасынын ченемдик укуктук актыларында белгиленген тартипте каралуучу маселелерди чечүү жөнүндө сунуштар менен берет. Полктун (бригаданын) кызмат адамдарынын ишинен Кыргыз Республикасынын мыйзамдарын бузуулар табылган учурда полктун (бригаданын) командиринин укуктук иш боюнча жардамчысы мыйзам бузууларды четтетүү (алдын алуу) боюнча зарыл чараларды көрүү үчүн бул жөнүндө полктун (бригаданын) командирине билдирет. Ушул Уставдын 102-1 жана 102-2-пункттарынын жоболору өзүнчө батальондордун командирлеринин укуктук иш боюнча жардамчыларына жана мекемелердин (уюмдардын) зардалдардын укуктук иш боюнча жардамчыларына жайылтылат.".

26. 125-статья төмөнкү редакцияда берилсин:

"125. Өзүнчө батальондун командиринин орун басарлары жана кызматтарынын зардалдары өзүнүн практикалык ишинде полктун (бригаданын) тиешелүү кызмат адамдары үчүн ушул Уставда каралган милдеттерди жетекчиликке алышат.".

27. 155-статья төмөнкү мазмундагы он экинчи абзац менен толукталсын:

"- Кыргыз Республикасынын ченемдик укуктук актыларын, эл аралык гуманитардык укуктун ченемдерин, ошондой эле эл аралык-таанылган таануу каражаттарына ылайык айырмалоо белгилерин жана сигналдарды билүүгө;".

28. 161-статьядагы "Мөөнөтүнөн ашык кызмат өтөгөн аскер кызматчылары" деген сөздөр "Контракт боюнча аскер кызматын өтөгөн старшиналар, сержанттар жана солдаттар" деген сөздөргө алмаштырылсын.

29. 225-статьянын 2-бөлүгүнүн биринчи сүйлөмү төмөнкү редакцияда берилсин:

"Контракт боюнча аскер кызматын өтөгөн офицерлердин, прапорщиктердин жана старшиналардын, сержанттардын жана солдаттардын ар жумалык кызмат өтөө убактысынын жалпы узактыгы эмгек мыйзамдарында белгиленген жумуш убагынын узактыгынан ашпоого тийиш.".

30. 226-статьянын 2-бөлүгүндөгү "мөөнөтүнөн ашык кызмат өтөгөндөр" деген сөздөр алып салынсын.

31. 259-статьядагы "мас абалындагы" деген сөздөр "алкоголдук, наркотикалык зат же токсикалык мас абалындагы" деген сөздөргө алмаштырылсын.

32. 289-статьянын 2-бөлүгүндөгү "кармалгандардын китеби боюнча кармалгандардын (камакка алынгандардын) санын жана алардын гауптвахтада кармалышынын мөөнөттөрүн" деген сөздөр "гауптвахтада кармалган аскер кызматчыларын эсепке алуу китеби боюнча алардын санын жана кармоо мөөнөттөрүн" деген сөздөргө алмаштырылсын.

33. 291-статьяда:

төртүнчү абзац төмөнкү редакцияда берилсин: "- контракт боюнча аскер кызматын өтөгөн полктун (бригаданын) аскер кызматчыларына курал-жарактарды жана ок-дарыларды берүү китебине (12-тиркеме) жеке кол койдуруп, ал эми айгай учурунда карточкалар боюнча штаттык куралды, ага ок-дарыларды, радиоактивдүү нурлануунун дозасын жеке өлчөгүчтөрдү берүүгө жана алардын өз убагында өткөрүлүшүн контролдоого; бөлүктөрдөгү курал-жарак сакталган бөлмөнүн кайтаруу сигнализациясынын санкциясыз иштеген учурда анын иштеп кетишинин себебин тактоого, курал-жарактардын жана ок-дарылардын урдалуусуна бөгөт коюу боюнча чараларды көрүүгө жана кайтарууга сигнализацияны кошууну контролдоого;"; он төртүнчү абзац төмөнкү редакцияда берилсин: "- аскер кызматчыларын аскердик гауптвахтага кармоо үчүн кабыл алууга жана аларды Кыргыз Республикасынын Куралдуу Күчтөрүнүн Гарнизондук жана кароол кызматтарынын уставында аныкталган негизде жана тартипте гауптвахтадан бошотууга, аскердик гауптвахтада кармалган аскер кызматчыларынын санын билүүгө, суткасына эки жолудан кем эмес аскер кызматчыларынын гауптвахтада кызмат өтөөсүн жана анда кармоо эрежелеринин сакталышын жеке текшерүүгө; аскер прокурорлоруна, алардын орун басарларына жана жардамчыларына өзүн тааныштырууга, алардын келүүсү жөнүндө полктун штабынын зардалына кабарлоого жана аларды гауптвахтанын аймагында коштоп жүрүүгө же бул максат үчүн өзүнүн жардамчысын жиберүүгө;".

34. 292-статьянын 1-бөлүгү төмөнкү редакцияда берилсин:

"292. Кечки текшерүүдөн жана эртең мененки кароодон кийин полк боюнча кезметчи бөлүктөр боюнча кезметчилерден баяндамаларды алат, ачык саптык каттар (17-тиркеме) боюнча өздүк курамдын болуусун текшерет, жок болгондор жөнүндө маалыматтарды түзөт, ал эми өзү билип кетип калгандар болсо алардын тизмесин түзөт. Өзү билип кетип калгандардын тизмесин жана аскердик гауптвахтада кармалган, анын ичинде кармоого алынган аскер кызматчыларынын тизмесин полктун (бригаданын) командирине суткалык нарядда кызмат өтөөдө аныкталган бардык кемчиликтер жөнүндө жана нөөмөт убагында полктогу (бригададагы) ички тартипти бузуулар жөнүндө эртең мененки баяндамадан кийин берет.".

35. 305-статьяда:

1-бөлүктүн экинчи абзацындагы "ротадагы ашык мөөнөттүү кызмат өтөгөн сержанттарга" деген сөздөр "контракт боюнча аскер кызматын өтөгөн ротанын старшиналарына жана сержанттарына" деген сөздөргө алмаштырылсын; 1-бөлүктүн төртүнчү абзацы төмөнкү редакцияда берилсин: "- айгай, өрт жана башка өзгөчө кырдаалдар келип чыккан, ошондой эле полктун (бригаданын), бөлүктүн аймагына, рота жайгашкан жерге капыстан кол салуу болгон учурда ротанын күжүрмөн эсебин жана аны чакыруу тартибин, ротада адамдардын болуусун, нарядда турган аскер кызматчыларынын, гауптвахтада кармалган оорулуулардын, бошонууда жүргөндөрдүн, командалардын курамында жиберилгендердин, командировкага жиберилгендердин санын, ошондой эле куралдардын болуусун жана алардын так чыгымын билүүгө;".

36. 342-статьяда:

биринчи бөлүмүнүн бешинчи абзацтагы "иши" деген сөз "кызматтык иши" деген сөздөргө алмаштырылсын; он биринчи абзац төмөнкү редакцияда берилсин: "- соттолгон аскер кызматчылары үчүн тартиптик аскер бөлүгүндө кармоо түрүндө жазага тартылган аскер кызматчылары гауптвахтага жөнөтүлөөр алдында, кийин - мончодо жуунуу күндөрү".

37. 356-статьянын 2-бөлүгү төмөнкү редакцияда берилсин:

"Гауптвахтада кармалган аскер кызматчылары мончого Кыргыз Республикасынын Куралдуу Күчтөрүнүн Гарнизондук жана кароол кызматтарынын уставында аныкталган тартипте, алар үчүн бөлүнгөн убакытта өзүнчө жиберилет.".

38. 361-статьядагы "Кыргыз Республикасынын Коргоо министринин жана Коргоо министрлигинин Башкы штабынын зардалынын" деген сөздөр "коргоо маселелерин тескеген ыйгарым укуктуу мамлекеттик органдын жетекчисинин, Кыргыз Республикасынын Куралдуу Күчтөрүнүн Башкы штабынын зардалынын" деген сөздөргө алмаштырылсын.

39. 364-статьядагы жана 368-статьянын биринчи бөлүгүндөгү "Коргоо министрлигинин" деген сөздөр "Куралдуу Күчтөрүнүн" деген сөздөргө алмаштырылсын.

40. 75, 91-статьяларга 1-тиркеменин 5-пунктунун төртүнчү абзацындагы "Кыргыз Республикасынын Коргоо министрлиги" деген сөздөр "Коргоо маселесин тескеген ыйгарым укуктуу мамлекеттик орган" деген сөздөргө алмаштырылсын.

41. 289, 297, 311, 317, 383-статьяларга 10-тиркеменин 3-пунктундагы:

- жыйырма биринчи абзацы төмөнкү редакцияда берилсин:

"- гауптвахтада кармалган аскер кызматчыларын эсепке алуу китеби;";

- кырк үчүнчү абзацындагы "камалгандар" деген сөз "гауптвахтада кармалган аскер кызматчылары" деген сөздөргө алмаштырылсын.

42. 12-глава төмөнкү мазмундагы 17-тиркеме менен толукталсын:

"292-статьяга 17-тиркеме

АЧЫК САПТЫК КАТ

_______ аскер бөлүгүнүн (ротанын) _______

_____________________ аскер бөлүгүнүн штабынын башчысы (а/наамы, аты-жөнү) Экинчи бети Командировкага жиберилгендер

Жоктор

_____________________ аскер бөлүгүнүн штабынын зардалы (а/наамы, ата-жөнү)". 2-берене. Бул Мыйзам расмий жарыяланган күндөн баштап күчүнө кирет.

Кыргыз Республикасынын Президенти

Долбоор

КЫРГЫЗ РЕСПУБЛИКАСЫНЫН МЫЙЗАМЫ "Кыргыз Республикасынын Куралдуу Күчтөрүнүн Гарнизондук жана кароол кызматынын уставы жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү тууралуу

1-берене.

"Кыргыз Республикасынын Куралдуу Күчтөрүнүн Гарнизондук жана кароол кызматынын уставы жөнүндө" Кыргыз Республикасынын Мыйзамы ("Эркин-Тоо" газетасы, 1998-жылдын 23-сентябры, № 143-150) менен кабыл алынган Кыргыз Республикасынын Куралдуу Күчтөрүнүн Гарнизондук жана кароол кызматынын уставына төмөнкүдөй өзгөртүүлөр жана толуктоолор киргизилсин:

1. Бүткүл текст боюнча ар түрдүү жөндөмөдөгү "Коргоо министрлигинин Башкы штабы" жана "Кыргыз Республикасынын Коргоо министрлигинин Башкы штабы" деген сөздөр тиешелүү жөндөмөдөгү "Куралдуу Күчтөрдүн Башкы штабы" деген сөздөргө алмаштырылсын.

2. Бүткүл текст боюнча ар түрдүү жөндөмөдөгү "Кыргыз Республикасынын Коргоо министри" деген сөздөр тиешелүү жөндөмөдө "коргоо маселелерин тескеген ыйгарым укуктуу мамлекеттик органдын жетекчиси" деген сөздөргө алмаштырылсын.

3. Преамбуланын экинчи жана үчүнчү абзацтары төмөнкү редакцияда берилсин:

"Уставдын күчү Кыргыз Республикасынын Куралдуу Күчтөрүнүн, Кыргыз Республикасынын башка аскердик түзүлүштөрүнүн жана мыйзам менен аскердик кызмат каралган мамлекеттик органдарынын аскер кызматчыларына, ошондой эле аскердик жыйындарга чакырылган жарандарга (мындан ары - аскер кызматчылары) жайылтылат. "Ушул Уставды Кыргыз Республикасынын Куралдуу Күчтөрүнүн аскердик башкаруу органдарынын, аскер бөлүктөрүнүн жана мекемелеринин, анын ичинде Кыргыз Республикасынын Куралдуу Күчтөрүнүн кесиптик билим берүүнүн аскердик билим берүү мекемелеринин (мындан ары - аскер бөлүктөрү), Кыргыз Республикасынын башка аскердик түзүлүштөрүнүн жана мыйзам менен аскердик кызмат каралган мамлекеттик органдарынын аскер кызматчылары жана аскердик кызмат орундарын ээлеген Кыргыз Республикасынын Куралдуу Күчтөрүнүн жарандык персоналынын адамдары (мындан ары Куралдуу Күчтөр) жетекчиликке алат.".

4. 3-статьянын биринчи сүйлөмү төмөнкү редакцияда берилсин:

"Гарнизондордун тизмеси жана алардын чектери коргоо маселелерин тескеген ыйгарым укуктуу мамлекеттик органдын жетекчиси тарабынан бекитилет.".

5. 4-статья төмөнкү мазмундагы 5-бөлүк менен толукталсын:

"Гарнизондук кызматты жана гарнизондук кароолдордун кызматын уюштуруу жана өтөө боюнча гарнизондун зардалынын буйруктарын бардык аскер бөлүктөрү, мекемелер, командалар, ошондой эле Куралдуу Күчтөрдүн, башка аскердик түзүлүштөрдүн жана мыйзам менен аскердик кызмат каралган мамлекеттик органдардын аскер кызматчылары, ушул гарнизондун чегинде жүргөн аскердик жыйындарга чакырылган жарандар милдеттүү түрдө аткарууга тийиш.".

6. 5-статья төмөнкү редакцияда берилсин:

"5. Аскерлер полигондордо жана лагерлерде жайгашкан учурда аскердик тартипти сактоо, полигондордун объекттерин жана жалпы лагердик объекттерди кайтаруу иш-чаралары ушул Уставга жана Кыргыз Республикасынын Куралдуу Күчтөрүнүн Ички кызматынын уставына ылайык жүргүзүлөт.".

7. 10-статьянын биринчи жана үчүнчү абзацтарындагы "Кыргыз Республикасынын Коргоо министринин" деген сөздөр "коргоо маселелерин тескеген ыйгарым укуктуу мамлекеттик органдын жетекчисинин" деген сөздөргө алмаштырылсын.

8. 12-статья төмөнкү редакцияда берилсин:

"12. Гарнизондордо аскер кызматы боюнча улук турган тиешелүү кызмат адамдарынын ичинен гарнизондун зардалынын буйругу менен, ушул Уставдын 9-статьясында көрсөтүлгөн адамдардан тышкары төмөнкүлөр дайындалат:

- гарнизон зардалынын орун басары;

- гарнизон зардалынын оорук боюнча орун басары;

- гарнизон зардалынын укуктук иш боюнча жардамчысы;

- гарнизондун байланыш зардалы;

- гарнизондун радиациялык, химиялык жана биологиялык коргоо кызматынын зардалы;

- гарнизондун медицина кызматынын зардалы;

- гарнизондун ветеринардык кызматынын зардалы;

- гарнизондун финансы кызматынын улук зардалы;

- гарнизондун өрткө каршы коргоо жана куткаруу иштеринин кызматынын зардалы;

- гарнизондун аскер дирижеру (гарнизондун аскердик бөлүктөрүнүн биринде аскердик оркестр болгондо).

Аскердик шаарчада бир нече аскердик бөлүктөр жайгашканда гарнизондун зардалынын буйругу менен аскердик бөлүктөрдүн командирлеринин ичинен аскердик шаарчанын улугу шайланат. Гарнизондук гауптвахтанын зардалы болуп офицер дайындалат. Ал бир эле убакта гарнизондун аскердик комендантынын жардамчысы болуп саналат. Бул кызмат штатта каралбаган жерде гарнизондук гауптвахтанын зардалынын милдетин гарнизондун аскердик комендантынын жардамчыларынын бири (офицер) аткарат. Гарнизондун бардык кызмат адамдары түздөн-түз гарнизондун зардалына, ал эми гарнизондук гауптвахтанын зардалы жана аскер дирижеру гарнизондун аскер комендантына баш ийет.".

9. 13-статьядагы "гарнизондун аскердик коменданты менен гарнизондук гауптвахтанын зардалынан" деген сөздөр "гарнизондун аскер комендатурасынын курамына кирген адамдардан" деген сөздөргө алмаштырылсын.

10. 15-статьяда:

1-бөлүгүнүн жетинчи абзацындагы "камалгандарды гауптвахтада кармоонун тууралыгын" деген сөздөр "аскер кызматчыларын гарнизондук гауптвахтада кармоонун мыйзамдуулугунун жана эрежелеринин сакталышын (14-тиркеме)" деген сөздөргө алмаштырылсын; жыйырма биринчи абзац төмөнкү редакцияда берилсин: "- соттолгон аскер кызматчылары үчүн тартиптик аскер бөлүгүндө кармоо түрүндө жазанын аткарылышын камсыздоого; ушул гарнизондун аскер бөлүктөрүндө кызмат өтөбөгөн аскер кызматчыларынын жоруктарына жеке териштирүү жүргүзүүгө же дайындоого, аларды жоопкерчиликке тартууга, ал эми алар кылмыш жасаган учурда кызматтык иликтөө жүргүзүүнү дайындоого, бул жөнүндө аскер прокуроруна дароо билдирүүгө; гарнизондо кызмат өтөбөгөн аскер кызматчыларын тартиптик аскер бөлүгүндө кармоого соттоодо, аларды жаза өтөө жерине жиберүүнү уюштурууга.".

11. 1-глава төмөнкү мазмундагы "Гарнизондун зардалынын орун басары" деген позиция менен толукталсын:

"Гарнизондун зардалынын орун басары

17-1. Гарнизондун зардалынын орун басары гарнизондун зардалына баш ийет. Гарнизондун зардалынын орун басары өз ишин ушул Уставдын 15-пунктуна жана гарнизондун зардалынын тапшырмаларына ылайык ишке ашырат. Гарнизондун зардалынын орун басары гарнизондун зардалынын милдеттерин ал жок учурда аткарат.".

12. 18-статьяда:

2-бөлүгүнүн экинчи абзацы "аскердик юстиция органдары менен" деген сөздөрдөн кийин "(Аскер соттору жана Аскер прокуратурасынын органдары менен)" деген сөздөр менен толукталсын"; 2-бөлүгүнүн он биринчи абзацы төмөнкү редакцияда берилсин: "- гарнизондук жана ички кароолдордун кызмат өтөөсүн, гарнизондук гауптвахтада аскер кызматчыларын кармоонун мыйзамдуулугун жана эрежелеринин сакталышын (14-тиркеме), ошондой эле кароолдордун өздүк курамы жана гауптвахтада кармалган аскер кызматчылары менен тарбиялык иштин уюштурулушун жана өткөрүлүшүн айына бир жолудан кем эмес текшерүүгө;".

13. 19-статья төмөнкү редакцияда берилсин:

"19. Гарнизондун аскердик коменданты аскер кызматчыларынын көчөлөрдө жана башка коомдук жайларда аскердик тартипти сакташы, гарнизондук кароолордун, наряддардын, патрулдардын жана ААИнин контролдоочу тозотторунун кызматты туура жана кыраакылык менен өтөөсү, ошондой эле ушул Уставдын 19-1-статьясы менен аскер комендатурасына жүктөлгөн башка тапшырмалардын аткарылышы үчүн жооп берет. Гарнизондун зардалынын чечимдерин аткарууда гарнизондун аскер коменданты гарнизондун зардалынын атынан алардын ичинен эң маанилүүлөрүн ага билдирип туруу менен буйрук берүүгө укуктуу.".

14. 1-глава төмөнкү мазмундагы 19-1-статья менен толукталсын:

"19-1. Гарнизондун аскердик комендатурасына аскердик комендант башчылык кылат. Аскердик комендатура гарнизондук кызматты башкаруунун негизги органы болуп саналат жана төмөнкү милдеттерди аткарат:

- тынч убактан согуш убагына өтүүдө гарнизондун аскер бөлүктөрүнүн макулдашылган иш-аракеттеринин камсыздоо;

- иш-чараларды иштеп чыгуу жана аскер кызматчылары тарабынан гарнизондогу аскердик тартиптин сакталышына контролду уюштуруу;

- гарнизондун кызмат адамдары, командирлери жана аскердик бөлүктөрдүн штабдары менен биргеликте гарнизондук кызматтын милдеттерин аткаруу боюнча иш-чаралар планын иштеп чыгуу жана анын аткарылышын уюштуруу;

- гарнизондук объекттерди кайтаруу жана коргоо боюнча кароолдук кызматты уюштуруу, анын өтөлүшүн контролдоо;

- аткаруу бийлигинин органдары жана жергиликтүү өз алдынча башкаруу органдары менен дайыма өз ара аракеттенүүнү; гарнизондук кызматты, жергиликтүү коргоону уюштурууга, биргелешкен иш-чараларды өткөрүүгө байланыштуу тапшырмаларды аткаруу;

- тартиптик бузуулар жөнүндө материалдар боюнча өндүрүштү камсыздоо чараларын уюштуруу (Кыргыз Республикасынын Куралдуу Күчтөрүнүн Тартиптик уставынын 5-тиркемеси);

- гарнизондук гауптвахтада кармалган аскер кызматчыларын; соттолгон аскер кызматчылары үчүн аскердик тартиптик бөлүктө кармоо түрүндө жазага тартылгандарды; соттолуучуларды (кылмышка күнөөлүүлөр жана камакка алынгандар, алардын кылмыш иштери иштөөгө соттор алган); өкүмү мыйзамдуу күчүнө кире элек, аскер соту тарабынан соттолгондорду (мындан ары - гауптвахтада кармалган аскер кызматчылары) кармоо;

- ушул гарнизондун аскер бөлүктөрүндө аскер кызматын өтөбөгөн аскер кызматчылары тарабынан жасалуучу жана башка Кыргыз Республикасынын Куралдуу Күчтөрүнүн Тартиптик уставында аныкталган өзгөчө учурларда укук бузууларды алдын алуу, ачуу жана аларга бөгөт коюу; Кыргыз Республикасынын ченемдик укуктук актыларында белгиленген тартипте тиешелүү териштирүүлөрдү уюштуруу жана өткөрүү жана алгачкы текшерүү органынын функцияларын ишке ашыруу;

- Кыргыз Республикасынын ички иштер органдарынын аймактык бөлүкчөлөрүнө жана Кыргыз Республикасынын прокуратура органдарына кылмыш жасаган же аскердик бөлүктү өзү билип таштаган аскер кызматчыларын издөөдө жана кармоодо, аларды айдоого, ошондой эле жол-транспорттук окуя болгон жерден качып кеткен, аскердик бөлүктөрдүн транспорт каражаттарын айдап качууга же уурдоого катышкан аскер айдоочуларын издөөдө жардам көрсөтүү;

- гарнизондун аймагына өзгөчө абалды киргизүүдө, анын ичинде аскерлерди өзгөчө абалдын тартибин камсыздоого тарткан учурда, ошондой эле жаратылыш жана техногендик мүнөздөгү өзгөчө кырдаалдар болгон учурда (болуу коркунучунда), өзгөчө экологиялык абалдарда, анын ичинде эпидемиялар жана эпизоотияда иш-чараларды пландоо жана аткаруу бийлигинин органдары жана жергиликтүү өз алдынча башкаруу органдары менен өз ара аракеттенүүнү уюштуруу;

- майрам, эскерүү күндөрүнө жана аскердик даңк күндөрүнө арналган иш-чараларды даярдоого катышуу; гарнизон аскерлеринин параддарга даярдануусун контролдоо жана аткаруу бийлигинин органдары жана жергиликтүү өз алдынча башкаруу органдары менен макулдашуу боюнча аскерлердин катышуусу менен параддарды жана башка иш-чараларды даярдоо жана өткөрүү убагында тартипти камсыздоо;

- гарнизондо жайгашкан аскердик бөлүктөрдү, ошондой эле командировкага жана өргүүгө келген аскердик командаларды жана аскер кызматчыларын эсепке алуу;

- кармалган аскер кызматчыларынан алынган курал-жарактарды жана ок-дарыларды эсепке алуу жана сактоо;

- гарнизондордун жабык аймактарында жайгашкан аскерлер мүрзөлөрүн эсепке алуу жана аларды тиешелүү түрдө кароо боюнча чараларды көрүү;

- гарнизондун объекттеринде өрт чыкканда гарнизондун өрт өчүрүү командаларынын ортосунда өз ара аракеттенүүнү камсыздоо, өрткө каршы коргоо планында каралган күчтөрдү жана каражаттарды чакыруу.".

15. 20-статьянын он алтынчы абзацы төмөнкү редакцияда берилсин:

"- аскер кызматчыларын гарнизондук гауптвахтада кармоонун мыйзамдуулугунун жана эрежелеринин сакталышын жумасына бир жолудан кем эмес текшерүүгө (14-тиркеме); гауптвахтанын зардалына гауптвахтада кармалган аскер кызматчыларын мончого жиберүү жөнүндө, тергөөчүнүн, алгачкы текшерүү органынын же соттун жазуу жүзүндөгү талабы боюнча камакка алынган шектүүлөрдү, күнөөлүүлөрдү, кармалгандарды суракка же сотко жиберүү жөнүндө, ошондой эле ооруп калгандарды аскердик-медициналык (медициналык) мекемеге (бөлүкчөгө) жиберүү жөнүндө жазуу жүзүндө буйрук берүү;".

16. 21-статья төмөнкү редакцияда берилсин:

"21. Гарнизондун аскер коменданты өзү жана ага баш ийген кызмат адамдары аркылуу аскер кызматчыларынан көчөлөрдө жана башка коомдук жайларда аскердик тартиптин катуу сакталышын талап кылууга милдеттүү, алардын бардык бузууларына чара көрүлүшү керек. Мында аскер кызматчысынын жеке ар-намысын басынтууга, аларга күч колдонууга жана орой мамиле кылууга жол берилбейт. Гарнизондун аскер комендантына аскердик наамы боюнча кичине же тең болгон аскер кызматчылары тарабынан аскердик тартип бузулган учурда гарнизондун аскер коменданты төмөнкүлөргө милдеттүү:

- эскертүү берүүгө жана (же) саптык даярдык боюнча машыгууларды жана аскердик кийимди кийүү жана (же) аскердик саламдашууну аткаруу эрежелерин бузган аскер кызматчылары менен Кыргыз Республикасынын Куралдуу Күчтөрүнүн жалпы аскердик уставдарын (мындан ары - жалпы аскердик уставдар) үйрөтүүнү уюштурууга;

- гарнизондогу аскер кызматчыларына карата тартип бузуулар жөнүндө материалдар боюнча өндүрүштү камсыздоо чараларын аткарууну уюштурууга (Кыргыз Республикасынын Куралдуу Күчтөрүнүн Тартиптик уставынын 5-тиркемеси);

- одоно тартип бузууларды жасаган аскер кызматчысына карата териштирүүнү жеке өзү жүргүзүүгө же дайындоого жана ага берилген тартиптик бийликтин чегинде тартиптик жаза колдонууга же териштирүүнүн материалдарын аскер кызматчысы аскер кызматын өтөгөн аскер бөлүгүнүн командирине чечим кабыл алуу үчүн жиберүүгө.

Кармалган аскер кызматчылары гарнизондун аскер комендатурасынын кармалган аскер кызматчыларын кармоо үчүн бөлмөлөрдө же гарнизондук гауптвахтада кармалган аскер кызматчылары үчүн камераларда кармалат. Аскер кызматчысын кармоо мөөнөтү үч сааттан ашпашы керек, ал эми эгерде аскер кызматчысына карата соттолгон аскер кызматчылары үчүн тартиптик аскер бөлүгүндө кармоо түрүндө жаза колдонулушу мүмкүн болгон учурда 48 саат кармалат. Аскер кызматчысын кармоо мөөнөтү аны аскердик комендатурага (аскердик бөлүккө) жеткирген учурдан тартып, ал эми ал алкоголдук, токсикалык жана наркотикалык мас абалында болгондо соолуккандан тартып саналат. Аскердик наамы боюнча улук аскер кызматчы тарабынан аскердик тартип бузулган учурда гарнизондун аскер коменданты ага кайрылат жана гарнизондун зардалынын атынан аскердик тартипти бузууну токтотууну талап кылат. Чечкиндүү чараларды көрүү зарыл болгондо, гарнизондун аскер коменданты бул жөнүндө гарнизондун зардалына дароо билдирет жана анын көрсөтмөсү боюнча иштейт. Аскердик тартипти бузган аскер кызматчысына карата көрүлгөн бардык чаралар жөнүндө гарнизондун аскер коменданты тартип бузган аскер кызматчынын өргүү билетине, иш сапар күбөлүгүнө же жазма буйругунда тиешелүү белгини коюу менен аскер бөлүгүнүн командирине маалымдайт жана гарнизондун зардалына билдирет.".

17. 22-статья төмөнкү редакцияда берилсин:

"22. Гарнизондун аскер коменданты эгерде зарыл болсо, аскердик тартипти бузган аскер кызматчысынан, ошондой эле аны кылмыш жасады же аскердик тартипти одоно бузду деп шектенүүгө жетишээрлик негиздер бар болгон учурда анын инсандыгын күбөлөндүрүүчү документтерди көрсөтүүнү талап кылат, ал эми алар жок же туура эмес таризделген болсо, аскер кызматчысын кармайт жана гарнизондун аскер комендатурасынын кармалган аскер кызматчылары үчүн бөлмөгө же гарнизондук гауптвахтада кармалган аскер кызматчылары үчүн камерага киргизет. Эгерде кармалган аскер кызматчысынын аты-жөнү документтеринин жок болгонуна байланыштуу үч сааттын ичинде белгилүү болбосо, гарнизондун аскер коменданты бул жөнүндө гарнизондун зардалына дароо билдирет, аскер прокуроруна маалымдайт, анын ичинде кылмыш жасаганга шектүү болгондо. Бул аскер кызматчыга карата чечим аны кармаган учурдан баштап 48 сааттан кечиктирилбестен кабыл алынышы керек.".

18. 23-статья төмөнкү редакцияда берилсин:

"23. Кармалган аскер кызматчыларды эсепке алуу төмөнкүдөй жүргүзүлөт: гарнизондун аскер комендатурасында - белгиленген форма (аскердик наамы, аты-жөнү, аскердик бөлүктүн номери, анын почта дареги, баш ийүүсү жана аймактык командачылыктын (Күчтөрдүн) аталышы, ким тарабынан жана эмне үчүн кармалды, кабыл алынган буюмдар, документтер жана акчалар, кимге билдирилди жана кандай чаралар көрүлдү) боюнча кармалган аскер кызматчыларын эсепке алуу китебинде; гауптвахтада - гауптвахтада кармалган аскер кызматчыларын эсепке алуу китебинде (14-тиркеме).".

19. 28-статьянын экинчи сүйлөмү төмөнкү редакцияда берилсин:

"Гарнизондун аскер комендантынын жардамчысы өз ишин ушул Уставдын 20-статьясына жана гарнизондун аскер комендантынын тапшырмаларына ылайык ишке ашырат.".

20. 1-глава "Гарнизондун зардалынын укуктук иштер боюнча жардамчысы" деген позиция толукталсын:

"Гарнизондун зардалынын укуктук иштер боюнча жардамчысы 29-1. Гарнизондун зардалынын укуктук иштер боюнча жардамчысы гарнизондун кызмат адамдарынын ишин укуктук камсыздоого жооп берет жана ал виза коюучу гарнизондо иштелип чыккан кызматтык документтердин долбоорлорунун Кыргыз Республикасынын ченемдик укуктук актыларына ылайык келүүсү үчүн жоопкерчилик тартат. Ал төмөнкүлөргө милдеттүү:

- гарнизондун зардалына кол коюуга (бекитүүгө) берилүүчү кызматтык документтердин долбоорлоруна укуктук экспертиза жүргүзөт;

- гарнизондун зардалына юридикалык корутундуларды берүүгө, гарнизондун кызмат адамдарына алар тарабынан даярдалуучу же кабыл алынуучу чечимдердин Кыргыз Республикасынын ченемдик укуктук актыларына, жогору турган башчылардын буйруктарына, директиваларына жана тескемелерине ылайык келүүсү жөнүндө, ошондой эле гарнизондун аскер бөлүктөрүнүн, аскер кызматчыларынын, гарнизондун жарандык персоналынын адамдарынын жана алардын үй-бүлө мүчөлөрүнүн укуктарын коргоо жана мыйзамдуу кызыкчылыктары маселелери боюнча түшүндүрмө берүүгө;

- гарнизондун кызмат адамдарынын кызматтык иш процессинде пайда болуучу укуктук суроолор боюнча аларга консультация берүүгө;

- гарнизондун штаттан тышкары юридикалык консультация берүү ишин уюштурууга, аскер кызматчыларынын, гарнизондун жарандык персоналынын адамдарынын жана аскер кызматынан бошотулган жарандардын, алардын үй-бүлө мүчөлөрүнүн юридикалык маселелери боюнча консультация берүүгө;

- гарнизондо укуктук окутуу боюнча иш-чараларды уюштурууга жана өткөрүүгө катышууга;

- аскердик тартипти бекемдөө, гарнизондук жана кароол кызматтарын жакшыртуу боюнча гарнизондук иш-чараларды укуктук жактан камсыздоого катышууга;

- гарнизондун зардалы тарабынан өткөрүлүүчү аскер кызматчыларын, гарнизондун жарандык персоналынын адамдарын жана аскер кызматынан бошотулган жарандарды, алардын үй-бүлө мүчөлөрүн кабыл алууларга катышууга.".

21. 30-статьянын 2-бөлүгүнүн бешинчи абзацы төмөнкү редакцияда берилсин:

"- транспорт жана коммуникациялар маселелерин тескеген ыйгарым укуктуу мамлекеттик органдын аймактык жана ведомстволук бөлүктөрү жана мамлекеттик бийликтин башка органдары менен алардын байланыш каражаттарын гарнизондун аскер бөлүктөрүнүн кызыкчылыгында колдонуу маселелерин чечүүгө;".

22. 32-статьянын 2-бөлүгүнүн алтынчы абзацы төмөнкү редакцияда берилсин:

"- гарнизондук кароолордун жана гауптвахтанын имараттарынын санитардык абалын айына бир жолудан кем эмес текшерүүгө; гарнизондук гауптвахтада кармалган аскер кызматчыларынын медициналык жана дене боюн кароону уюштурууга, ошондой эле зарыл болгондо алып келинген жана кармалган аскер кызматчыларына медициналык күбөлөндүрүүгө жана медициналык жардамга муктаждарга жардам көрсөтүүгө; жума сайын жеке жана коомдук гигиенанын эрежелеринин аткарылышына медициналык контролду уюштурууга;".

23. 34-статьянын 2-бөлүгүнүн тогузунчу абзацы төмөнкү редакцияда берилсин:

"- коргоо маселелерин тескеген ыйгарым укуктуу мамлекеттик органдын финансы кызматынын жогорку турган органынын тапшырмасы боюнча гарнизондун аскер бөлүктөрүнүн финансы-чарбалык иштеринин айрым маселелери жана ревизия жана текшерүү жүргүзүү актылары боюнча сунуштарды аткаруу боюнча текшерүү жүргүзүүгө;".

24. 37-статьянын экинчи сүйлөмү төмөнкү редакцияда берилсин:

"Ал коргоо маселелерин тескеген ыйгарым укуктуу мамлекеттик органдын куруу жана аскерлерди квартираларга жайгаштыруу боюнча түзүмдүк бөлүгүнүн зардалына баш ийет".

25. 44-статьянын 1-бөлүгүндөгү "камалгандарды" деген сөз "гауптвахтадагы аскер кызматчыларын" деген сөздөргө алмаштырылсын.

26. 45-статья төмөнкүдөй редакцияда берилсин:

"45. Гарнизондук гауптвахтанын башчысы төмөнкүлөргө милдеттүү:

- тиешелүү документтердин болуусун жана туура таризделишин текшерүү менен гауптвахтада кармалуучу аскер кызматчыларын кабыл алууга, ошондой эле мындай аскер кызматчыларынын эсебин алууга жана аларды кармоонун эрежелеринин так аткарылышын камсыздоого (14-тиркеме);

- гауптвахтада аскер кызматчыларын кармоо үчүн негиз болуучу документтерди сактоого (тартипти бузуу жөнүндө материалдар боюнча өндүрүштү камсыздоо чараларын колдонуу жөнүндө протокол, соттун токтому же аныктамасы, өкүмдүн көчүрмөсү) жана гауптвахтада кармалган аскер кызматчыларынын башка документтеринин жана буюмдарынын сакталышын камсыздоого;

- кароолдун кызмат өтөө жерине келиши жөнүндө гауптвахтанын алдындагы кароолдун зардалына нускама берүүгө;

- ишке киришип жаткан кароолдун зардалына гауптвахтада кармалган аскер кызматчыларынын аты-жөнүнүн тизмелерин тапшырууга (14-тиркеме), ушул тизмелерге керектүү өзгөртүүлөрдү өз убагында киргизүүгө;

- жумасына бир жолудан кем эмес гауптвахтада кармалган аскер кызматчыларына эртең мененки кароолорду жана кечки текшерүүлөрдү камералар боюнча жүргүзүүнү текшерүүгө;

- жуунуп-тазалануу, тамактануу, дааратканага баруу жана сейилдөө убагында гауптвахтада кармалган аскер кызматчыларын алып чыгуу жана кайтаруу тартибин белгилөөгө;

- кароолдун зардалына гауптвахтада кармалган аскер кызматчыларын бошотуу жөнүндө (14-тиркеме); аскер комендантынын жазуу жүзүндөгү буйругу боюнча гауптвахтада кармалган аскер кызматчыларын мончого жиберүү жөнүндө; тергөөчүнүн, алгачкы текшерүү органынын же соттун жазуу жүзүндөгү талабы боюнча кармалган аскер кызматчыларын, ошондой эле соттун токтому же аныктамасы боюнча камакка алынгандарды жана соттолуучуларды суракка же сотко жиберүү жөнүндө жазуу жүзүндөгү көрсөтмө берүүгө;

- соттолгон аскер кызматчылары үчүн тартиптик аскер бөлүгүндө кармоо түрүндө жазага тартылган аскер кызматчылары менен саптык даярдык боюнча машыгууларды жана аскердик уставдарды окуп үйрөнүүнү уюштурууга жана өткөрүүгө; гауптвахтада кармалган аскер кызматчыларына тарбия ишин жүргүзүүгө;

- гауптвахтанын жана кароолдук жайдын санитардык жана өрткө каршы абалын, алардын өз убагында тазаланышын, аларга жарык жана жылуулук берилишин көзөмөлдөөгө;

- медициналык кызматынын зардалына гауптвахтада кармалган ооруп калган аскер кызматчылары жөнүндө гарнизондун маалымдоого; дарыгердин ооруп калган адамды дарылоо мекемесине жиберүү зарылчылыгы жөнүндө корутундусу болгондо, бул жөнүндө гарнизондун аскер комендантына билдирүүгө;

- гауптвахтада кармалган аскер кызматчылары турган камералардын, кароолдун техникалык каражаттарынын, гауптвахтанын жабдууларынын жана инвентарларынын, кароолдук жайлардын жана посттордун оң абалын, ошондой эле алардын өз убагында оңдолуп турушун көзөмөлдөөгө; гауптвахтанын жабдууларын жакшыртуу боюнча чараларды көрүүгө;

- гауптвахтада кармалган аскер кызматчыларынан түшкөн сунуштарды, арыздарды жана даттанууларды кабыл алууга жана баш ийүүчүлүк тартибинде өткөрүп берүүгө;

- гауптвахтанын алдындагы кароолдун кызмат өтөөсүнүн тууралыгын күн сайын текшерүүгө, бул жөнүндө тозоттук ведомостко тиешелүү түрдө жазууга;

- күн сайын гарнизондун аскер комендантына гауптвахтадагы аскердик тартиптин абалы, күн ичинде кабыл алынган аскер кызматчыларынын саны жана гауптвахтада кармалган аскер кызматчыларынын жалпы саны, бош орундардын бар-жогу жөнүндө, ал эми болгон окуялар жөнүндө дароо билдирүүгө;

- аскердик уставдарды, аскердик-окуу адабияттарын сактоого жана эсебин алууга жана аларды гауптвахтада кармалган аскер кызматчылары менен окутуу үчүн берүүгө;

- гарнизондун зардалын, анын түздөн-түз зардалдарын, гарнизондун зардалынын орун басарларын жана гарнизондун аскер комендантын, аскерлерге инспекциялоону (текшерүүнү) жүргүзүүгө жетекчилик кылуу үчүн келген адамдарды тосуп алууга жана алардын көрсөтмөсү боюнча - инспектордук (текшерүүчү) топтун ичиндеги офицерлерди, ошондой эле 14-тиркемеде көрсөтүлгөн учурларда аскер прокурорлорун, алардын орун басарларын жана жардамчыларын тосуп алууга, аларга өзүн тааныштырууга жана гауптвахтанын аймагында аларды коштоп жүрүүгө.".

27. 80-статьянын 4-бөлүгүндөгү "Коргоо министри" деген сөздөр "коргоо маселелерин тескеген мамлекеттик органдын жетекчиси" деген сөздөргө алмаштырылсын.

28. 91-статьянын 6-бөлүгүндөгү "ошондой эле камалгандарды жана кесилгендерди кайтаруу үчүн" деген сөздөр "камактагы аскер кызматчыларын кайтаруу үчүн" деген сөздөргө алмаштырылсын.

29. 99-статьянын 1-бөлүгү төмөнкү редакцияда берилсин:

"99. Куралды октоо тозотторго чыгуу алдында, гауптвахтада кармалган аскер кызматчыларын айдоо үчүн, ошондой эле кароолдорду текшерген адамдарды коштоо үчүн жүргүзүлөт.".

30. 106 жана 108-статьялардагы "Кыргыз Республикасынын Коргоо министрлигинин" жана "Кыргыз Республикасынын Коргоо министри" деген сөздөр "коргоо маселелерин тескеген ыйгарым укуктуу мамлекеттик органдын" жана "коргоо маселелерин тескеген ыйгарым укуктуу мамлекеттик органдын жетекчиси" деген сөздөргө алмаштырылсын.

31. 123-статьянын 3-бөлүгү төмөнкү редакцияда берилсин:

"Контролерлор, айдоочулар жана алып чыгуучулар гауптвахта алдындагы кароолордун солдаттарынын же сержанттарынын (старшиналардын) ичинен дайындалат. Контролерлордун саны гауптвахтанын бөлүмдөрүнүн жайгашуусу жана жабдуусуна жараша болот, мында эреже катары контролерлордун үч нөөмөттө дайындалат. Алып чыгуучулар 10-15 кишиге бир алып чыгуучу эсеби менен гауптвахтада кармалган аскер кызматчыларынын санына жараша дайындалат. Мында камералардын жана жалпы колдонуу орундарынын жайгашуусу эске алынат.".

32. 133-статьяда:

1-бөлүгүндө "камактагылар арасындагы тартипсиздикти токтотуу үчүн же камактан качканга карата" деген сөздөр "гауптвахтадагы аскер кызматчылар арасында тартипсиздикти токтотуу максатында жана алар качан учурда" деген сөздөргө алмаштырылсын; 3-бөлүгү төмөнкү редакцияда берилсин: "Курал, күжүрмөн жана атайын техниканы, транспорттук каражаттарды, учуучу аппараттарды колдонуу менен кол салуунун мизин кайтарууда, курал менен же транспорттук каражаттарда же жүрүп бара жаткан транспорт каражаттарынан (ошондой эле деңиз же өзөн кемелеринен) качканда, көрүү чектелген шарттарда качканда, ошондой эле кароолдун өздүк курамына жана алар кайтаруучу объекттерди басып алуу (күч көрсөтүүнүн) түздөн-түз коркунучу болгон учурда, качан куралды колдонууну кечиктирүү адамдардын жашоосу үчүн түздөн-түз коркунуч туудурган же өзүнүн артынан башка оор кесепеттерди алып келген учурда курал эскертүүсүз колдонулушу мүмкүн.".

33. 138-статья төмөнкү редакцияда берилсин:

"138. Кароолдун зардалы кароолду "мылтык алууга" төмөнкү учурларда чакырууга милдеттүү:

- кайтарылуучу объекттерге, сакчыларга, кароол сакчыларынын нөөмөтүнө (контролдоо-кайтаруучу топко) же кароол жайларына кол салынганда же кол салуунун (күч көрсөтүүнүн) түздөн-түз коркунучу болгондо;

- кайтаруунун техникалык каражаттары санкциясыз иштегенде (бузулуусу);

- качканда (качууну эскерткенде) же гауптвахтада кармалган аскер кызматчылары арасында тартипсиздик пайда болгондо;

- кайтарылуучу объектте же кароолдук имараттарда өрт чыкканда же аларга жаратылыш кырсыгы коркунуч туудурганда;

- гарнизондо (аскердик бөлүктө) айгай жарыяланганда;

- кароолду текшерген адамдардын буйругу боюнча (ушул Уставдын 254, 255-статьялары).

Кароолдун зардалы кароолду "курал алууга" көтөрүү үчүн "Кароол МЫЛТЫК АЛ" деген команда берет. Ушул команда боюнча кароолдун өздүк курамы ушул Уставдын 248-статьясынын талаптарына ылайык аракет жасайт.".

34. 163-165-статьялары төмөнкү редакцияда берилсин:

"163. Гауптвахта алдындагы кароолдун зардалы төмөнкүлөргө милдеттүү:

- гауптвахтанын зардалынын (аскер бөлүгү боюнча кезметчинин) көрсөтмөсү боюнча тиешелүү документтердин болуусун жана туура таризделишин текшерүү менен гауптвахтада кармалууга тийиш аскер кызматчыларын кабыл алууга, ошондой эле алардын эсебин жүргүзүүгө (14-тиркеме);

- гарнизондун аскер комендантынын (гарнизондун кезметчисинин, аскер бөлүгү боюнча кезметчинин) көрсөтмөсү боюнча кармалган аскер кызматчыларын кайтарууга кабыл алууга;

- кароолду өткөрүп алууда камералар боюнча гауптвахтада кармалган аскер кызматчыларын гауптвахтанын зардалы (аскер бөлүгү боюнча кезметчи) кол койгон аты-жөнүнүн тизмеси боюнча жеке өзү кабыл алууга;

- ушул Уставдын 164 жана 165-статьяларында көрсөтүлгөн учурлардан тышкары, кароолдук имараттан гауптвахтага кетүү алдында өздүк куралды жана ага ок-дарыларды кароол зардалынын бөлмөсүндөгү металл кутуда (сейфте) сактоого;

- кароол алмашылганда жана кызмат өтөө учурунда камералардын абалын текшерүүгө, мында дубалдардын, шыптын, полдордун, терезелердин, торлордун бүтүндүгүнө, эшиктердеги илгичтердин жана кулпулардын бекемдигине, кайтаруунун техникалык каражаттарынын оң экендигине көңүл бурууга; гауптвахтада кармалган аскер кызматчылары бар камералардагы кайтаруунун техникалык каражаттары санкциясыз иштегенде алардын иштөө себептерин жеке өзү аныктоого;

- камералар боюнча гауптвахтада кармалган аскер кызматчыларын эртең мененки карап чыгууну жана кечки текшерүүнү жүргүзүүгө, ошондой эле аларда тыюу салынган предметтердин бар-жогун текшерүүгө; ооруп калгандар жөнүндө гауптвахтанын зардалына (аскер бөлүгү боюнча кезметчиге) баяндоого;

- гауптвахтада кармалган аскер кызматчылары үчүн белгиленген күн тартибинин жана Кыргыз Республикасынын Өкмөтү тарабынан бекитилүүчү аларды кармоо тартибинин так сакталышын көзөмөлдөөгө (14-тиркеме);

- камералардын ачкычтарын сактоого;

- зарыл учурда алып чыгуучуга контролерду же уктабаган кароол нөөмөтүнүн жардам берүүсүн дайындоого;

- гауптвахтада кармалган аскер кызматчыларын гауптвахтанын зардалынын (аскер бөлүгү боюнча кезметчинин) жазуу жүзүндөгү буйругу боюнча гана мончого, суракка жана башка жактарга жиберүүгө; гауптвахтада кармалган аскер кызматчылары кайтып келгенде алардын бар болуусун, ошондой эле тыюу салынган предметтердин бар-жогун текшерүүгө;

- гауптвахтага келген адамдардан аларда болгон жеке куралды жана ага ок-дарыларды убактылуу сактоого кабыл алууга, бул жөнүндө куралдарды жана ок-дарыларды берүү китебине жазууга;

- гауптвахтада кармалган аскер кызматчыларына тамак-аштын өз убагында жеткирилүүсүн жана таратылышын көзөмөлдөөгө;

- гауптвахтада кармалган аскер кызматчыларынын сунуштарын, арыздарын жана даттанууларын кабыл алууга жана аларды гауптвахтанын зардалына (аскердик бөлүктүн кезметчиге) берүүгө.

164. Гауптвахтада кармалган аскер кызматчыларынын арасында тартипсиздик келип чыккан учурда, алардын качуусун алдын алуу максатында кароол зардалы кароолду "мылтык алууга" көтөрөт, кароолдор боюнча (аскер бөлүгү боюнча) кезметчиге билдирет, аларга эскертүү жана Уставдын талаптарын эске салуу жолу менен тартипсиздикти токтотууга чараларды көрөт. Эгерде эскертүү натыйжасыз болсо, ал күч жана атайын каражаттарды (ушул Уставдын 14-тиркемесинде баяндалган учурда жана негизде), ал эми кырдаал оор учурда курал колдонууга укуктуу.

165. Гауптвахтада өрт чыккан учурда же гауптвахтанын районунда жаратылыш кырсыгы болгондо кароол башчысы кароолду "мылтык алууга" көтөрүүгө, дароо өрт өчүрүү командасын чакырууга, гауптвахтада кармалган аскер кызматчыларын коопсуз жерге чыгарууга жана аларды кайтарууну уюштурууга; соттолгон аскер кызматчылары үчүн тартиптик аскер бөлүгүндө кармоо түрүндө жазага тартылган аскер кызматчыларын өрттү өчүрүүгө (табигый кырсыктын кесепеттерин жоюуга) жана мүлктү сактоого тартууга; болгон окуя жөнүндө кароолдор боюнча (аскер бөлүгү боюнча) кезметчиге жана гауптвахтанын зардалына билдирүүгө милдеттүү.".

35. 167-статья төмөнкү редакцияда берилсин:

"167. Гауптвахтаны кайтарган кароол зардалынын жардамчысы ушул Уставдын 166-статьясында баяндалгандардан тышкары, суткасына төрт жолудан кем эмес (анын ичинен экөө түн ичинде) контролерлордун кызмат өтөөсүн жана камералардын абалын, кайтаруунун техникалык каражаттарынын оңдугун, контролерлорду алмаштырууга, ошондой эле гауптвахтада кармалган аскер кызматчылары тарабынан алар үчүн белгиленген кармоонун эрежелеринин аткарылышын текшерүүгө милдеттүү (14-тиркеме)".

36. 173-статьянын 2-бөлүгү төмөнкү редакцияда берилсин:

"Гауптвахтаны кайтарган кароолдун бөлүштүрүүчүсү мындан тышкары гауптвахтада кармалган аскер кызматчыларынын, ага баш ийген кайтаруучу сакчылардын санын билүүгө тийиш.".

37. 181-статья төмөнкү редакцияда берилсин:

"181. Тозотко туруп жаткан кароол бөлүштүргүчтүн (кароолдун зардалынын же анын жардамчысынын) жана алмашылып жаткан сакчынын катышуусунда тозоттун табелине ылайык кайтарууга алынууга тийиш болгондордун бардыгын өзү карап чыгууга жана алардын бар-жогун жана оң экендигин текшерүүгө тийиш.".

38. 196-статья төмөнкү редакцияда берилсин:

"196. Ушул Уставдын 179-192-статьяларында берилген милдеттерден тышкары, гауптвахтаны кайтарган сакчы төмөнкүлөргө милдеттүү:

- гауптвахтада кармалган аскер кызматчыларын гауптвахтанын имаратынан чыгарууда алардын жүрүм-турумун (сейилдөө, окутуу, аймакты тазалоо жана башка убактарда) көзөмөлдөөгө жана алар тарабынан белгиленген эрежелер бузулган учурда кароолдун башчысын, анын жардамчысын же бөлүштүргүчтү дароо чакырууга;

- качып бараткан гауптвахтада кармалган аскер кызматчыларын "Токто, атам" деп кыйкырып эскертүүгө, ал эми бул талап аткарбаганда аларга курал колдонууга;

- гауптвахтада кармалган аскер кызматчыларына көчөдөн кандайдыр бир берүүлөрдү алууга, алардын көчөгө буюмдарды жана каттарды таштоого жана бөтөн кишилер менен сүйлөшүүгө жол бербөөгө.".

39. 5-глава төмөнкү мазмундагы "Контролер" деген позиция менен толукталсын:

"Контролер "196-1. Контролер гауптвахтада кармалган аскер кызматчыларынын кайтарылышына жана алар тарабынан кармоонун белгиленген эрежелеринин сакталышына жооп берет. Ал кароол зардалына жана анын жардамчысына баш ийет. Контролердун гауптвахтада кызмат өтөөсү өзүнүн мааниси жана жоопкерчилиги боюнча тозоттогу сакчынын кызмат өтөөсүнө тең келет. Контролер төмөнкүлөргө милдеттүү:

- анын көзөмөлүндөгү камералардагы гауптвахтада кармалган аскер кызматчыларынын санын билүүгө;

- кызматка киришер алдында кароолдун зардалы же анын жардамчысы жана алмашуучу контролердун катышуусунда камералардагы гауптвахтада кармалуучу аскер кызматчыларынын санын, кайтаруунун техникалык каражаттарынын жана байланыш каражаттарынын бар болуусун жана оңдугун, ошондой эле дубалдардын, шыптын, полдун, терезелердин, торлордун бүтүндүгүн, эшиктердеги илгичтердин жана кулпулардын бекемдигин текшерүүгө, алмашуучу контролердон мүлктү жана документтерди кабыл алууга;

- камералардын эшиктеринин сыртында болууга жана кароочу терезе аркылуу аларда болгон гауптвахтада кармалуучу аскер кызматчыларын, алар тарабынан кармоонун белгиленген эрежелеринин аткарылышын талап кылуу менен контролдоого (14-тиркеме);

- гауптвахтада кармалган аскер кызматчылары анын талаптарын аткарбаган учурда дароо кароол зардалын (кароол зардалынын жардамчысын) чакырууга;

- гауптвахтанын имаратына ушул Уставда белгиленген учурлардан тышкары, куралы жана ок-дарылары бар адамдарды киргизбөөгө;

- гауптвахтада кармалган аскер кызматчыларына кароол зардалынын же анын жардамчысынын буйругу жок эч кимди киргизбөөгө;

- гауптвахтада кармалган аскер кызматчылары менен сүйлөшпөөгө, аларга эч нерсе бербөөгө жана алардан эч нерсе албоого;

- гауптвахтада кармалган аскер кызматчысынын суранычын уккандан кийин бул жөнүндө кароол зардалына же анын жардамчысына билдирүүгө;

- гауптвахтада кармалган аскер кызматчыларынын камераларында түнкүсүн жарык күйүп туруусун көзөмөлдөөгө;

- кароол зардалына же анын жардамчысына гауптвахтада кармалган аскер кызматчыларынын бардык шектүү жүрүм-туруму жөнүндө билдирүүгө;

- гауптвахтада кармалган аскер кызматчылары качууга же кароол адамдарына кол салууга аракет кылышканда аларды токтотуу (мизин кайтаруу), анын ичинде бул жөнүндө белгиленген сигнал (же башка мүмкүн болгон ыктар) менен кароолдун зардалына же анын жардамчысына дароо билдирүү менен күч жана атайын каражаттарды колдонуу үчүн чараларды көрүүгө.

Контролер кызматын куралсыз өтөйт, мында ал атайын каражаттарды алса болот. Контролерго кызмат өтөөдө уктаганга, тамак жегенге, ичкенге, тамеки чеккенге, ырдаганга, отурганга, дааратканага барганга жана өзүнүн кызматтык милдеттерин аткаруудан башка нерселерге алаксыганга тыюу салынат. Контролер баш ийген зардалдарына жана алардын коштоосунда гауптвахтага келген башка зардалдарга Куралдуу Күчтөрдүн Катар уставынын эрежелерине ылайык салам берет. Контролерлордун алмашуусу гарнизондун аскер коменданты белгилеген убакта, бирок үч сааттан ашык эмес убакытта алмашат.".

40. 200-201-статьялар төмөнкү редакцияда берилсин:

"200. Алып чыгуучу гауптвахтада кармалган аскер кызматчыларын гауптвахтанын чектеринде коштоп жүргөндө аларды кайтаруу үчүн жооп берет. Алар кароол зардалына жана анын жардамчысына баш ийет. Алып чыгуучу төмөнкүлөргө милдеттүү:

- кароол зардалынын же анын жардамчысынын буйругу боюнча гауптвахтада кармалган аскер кызматчыларын эртең мененки жана кечки жуунуп-тазаланууда, дааратканага барууда жана сейилдөөдө, ошондой эле камераларды жана гауптвахтанын жайларын тазалап-иреттөөдө куралын "асынып" кайтарууга;

- гауптвахтада кармалган аскер кызматчылары бөтөн адамдар менен сүйлөшпөөсүн, ал эми шектүүлөр жана күнөөлүүлөр изоляциянын белгиленген талаптарын сактоосун көзөмөлдөөгө;

- гауптвахтада кармалган аскер кызматчыларынын жүрүм-турумун дайыма көзөмөлдөөгө жана алар тарабынан бардык берилүүчү командалардын жана аскердик форма кийимин кийүү эрежелеринин аткарылышын талап кылууга;

- гауптвахтада кармалган аскер кызматчылары качууга же кароол адамдарына кол салууга аракет кылганда аларды токтотуу (мизин кайтаруу) үчүн бардык чараларды көрүүгө, анын ичинде бул жөнүндө белгиленген сигнал (же башка мүмкүн болгон ыктар) менен кароолдун зардалына же анын жардамчысына дароо билдирүү менен күч жана атайын каражаттарды колдонууга.

Алып чыгуучу күчүн жана атайын каражаттарды ушул Уставдын 14-тиркемесинде көрсөтүлгөн учурларда жана тартипте колдонууга укуктуу.

201. Алып чыгуучуга гауптвахтада кармалган аскер кызматчыларын кайтарууда алар менен сүйлөшүүгө, алардан бир нерсе алууга жана берүүгө, ошондой эле тамак жегенге, бир нерсе ичүүгө, тамеки чегүүгө, ырдоого, отурууга, дааратканага барууга жана өзүнүн кызматтык милдеттерин аткаруудан башка нерселерге алаксыганга тыюу салынат.

Гауптвахтада кармалган аскер кызматчыларын коштоо үчүн алып чыгуучу аларды бирден колоннага тизет жана алардын артынан эки-үч кадам артта жана сол (оң) жүрөт. Бардык командаларды алып чыгуучулар берет. Гауптвахтада кармалган аскер кызматчыларын коштоп жүрүүдө алып чыгуучу гауптвахтанын чектеринде кызматын куралсыз өтөйт, мында ал атайын каражаттарды алса болот.".

41. 233-статьянын 5-бөлүгүнүн экинчи сүйлөмү алып салынсын.

42. 255-статьянын 1-бөлүгүнүн үчүнчү абзацы төмөнкү редакцияда берилсин:

"- коргоо маселелерин тескеген ыйгарым укуктуу мамлекеттик органдын башкы башкармалыктарынын жана башкармалыктарынын зардалдарынын тапшырмасы боюнча адамдар - бул башкармалыктардын (бөлүмдөрдүн) зардалдарынын карамагында болгон объекттерди кайтарган кароолдор;".

43. 258-статьянын бешинчи абзацындагы "камалгандардын" деген сөз "аскер кызматчыларынын" деген сөздөргө алмаштырылсын.

44. 14-тиркеме төмөнкү редакцияда берилсин:

"20, 23, 45, 163, 167, 196-статьяларга 14-тиркеме

Гауптвахталар жөнүндө

Жалпы жоболор

1. Гауптвахта деп ушул тиркеменин 2 жана 3-пункттарында көрсөтүлгөн аскер кызматчыларын Кыргыз Республикасынын ченемдик укуктук актыларында каралган учурларда изоляция шарттарында кармоо үчүн атайын жабдылган жай саналат. Гауптвахта гарнизондук же аскердик болушу мүмкүн.

2. Гарнизондук гауптвахтада төмөнкү аскер кызматчылар кармалышы мүмкүн:

- соттун токтомунда белгиленген мөөнөткө соттолгон аскер кызматчылары үчүн тартиптик аскер бүлүгүнө кармоо түрүндөгү жазага тартылгандар;

- кылмыш жасаганга күнөөлүүлөр (эгерде ушул тиркеменин тиешелүү пункттарында башкача каралбаса, мындан ары "күнөөлүүлөр" деген түшүнүк "соттололуучулар" жана "соттолгондор" деген түшүнүктөрдү камтыйт); кылмыш жасаганга шектүүлөр же камакка алынгандар соттун чечими боюнча кармалган мезгилден же камакка алынгандан тартып 48 сааттан ашпаган убакытка; сот тарабынан шектүүгө же күнөөлүүгө карата камакка алуу түрүндө чараларды тандоо жөнүндө чечим кабыл алуу кийинкиге жылдырылган учурда гауптвахтада аскер кызматчылары ушундай чечимди сот кабыл алган мезгилден тартып 72 сааттан ашпаган убакытка кармалышы мүмкүн; качан камакка алынган аскер кызматчыларын тергөө изоляторуна жеткирүү жердин алыстыгына же туура каттам жолдорунун жоктугуна байланыштуу болгон өзгөчө учурларда, алар гауптвахтада 30 суткага чейин кармалышы мүмкүн. Соттолгон аскер кызматчылары гарнизондук гауптвахтада жаза өкүмү мыйзамдуу күчүнө киргенге чейин кармалышат;

- кармалган аскер кызматчылары.

3. Гарнизондук гауптвахтада жетиштүү бош орундар жок болгондо гарнизондун зардалынын (кошуундун командиринин) буйругу менен аскердик гауптвахта түзүлөт жана кылмыш жасаганга шектүүлөр жана күнөөлүүлөр, соттолгондор үчүн тартиптик аскер бөлүгүндө кармоо түрүндө жазага тартылгандар жана гарнизондук гауптвахта үчүн айтылгандарга карата алганда кармалган солдаттар жана сержанттар (старшиналар) үчүн гана жабдылат.

4. Гарнизондук (аскердик) гауптвахтадан бир кыйла алыс жайгашкан аскердик бөлүктөрдө гарнизондун зардалынын (бирикменин командиринин) буйругу менен кармалган аскер кызматчыларын кармоо үчүн изоляцияланган бөлмөлөр жабдылышы мүмкүн. Алардын жабдылышына талаптар кармалган аскер кызматчылары үчүн дайындалган гауптвахтанын камераларына болгон талаптардай болот. Көрсөтүлгөн бөлмөлөрдө кармалган аскер кызматчылары болгон учурда алар дайыма аскер бөлүгүнүн кезметчисинин, анын жардамчысынын же аскердик бөлүктүн суткалык нарядынын курамынан бөлүнгөн аскер кызматчысынын көзөмөлүндө болушу керек.

5. Эл аралык укуктун жалпыга таандык принциптерине жана ченемдерине жана Кыргыз Республикасынын Конституциясына ылайык аскер кызматчыларын гауптвахтада кармоо кыйноолордон, зордуктан жана башка ырайымсыз же адамдык ар-намысты кемсинтүү менен аларга мамиле кылуудан коргоо кепилдиктерин сактоого негизделет. Мында төмөнкүлөр камсыздалышы керек:

- гауптвахтада кармалган аскер кызматчыларын кайтаруу жана аларды көзөмөлдөө;

- шектүүлөрдү жана күнөөлүүлөрдү изоляция менен камсыздоо;

- кылмышка шектүүлөр жана күнөөлүүлөр үчүн гауптвахтада ички тартиптин эрежелери жана соттолгон аскер кызматчыларынын жазаны өтөө эрежелери менен регламенттелген, соттолгон аскер кызматчылары үчүн тартиптик аскер бөлүгүндө кармоо түрүндө жазага тартылган аскер кызматчылары үчүн ушул Уставда белгиленген тартиптин сакталышы (мындан ары - аскер кызматчыларын гауптвахтада кармоо эрежелери);

- гауптвахтада укуктук тартип жана мыйзамдуулук, изоляция шарттарында кармалган аскер кызматчыларынын, ошондой эле кароолдун кызмат адамдарынын жана гауптвахтага келген башка адамдардын коопсуздугу;

- гауптвахтада кармалган аскер кызматчыларын мыйзамдарды жана аскердик уставдарды сактоого, аскердик милдетти жана аскер кызматчынын башка милдеттерин ак ниет менен аткарууга тарбиялоо;

- гауптвахтада кармалган аскер кызматчыларынын укуктук жана мыйзамдуу кызыкчылыктарын сактоо.

6. Изоляцияда кармалган аскер кызматчылары жалпы же жалгыз камераларда кулпу менен бекитилип дайыма кайтарылып турат. Аскер кызматчылары үчүн тартиптик аскер бөлүгүндө кармоо түрүндөгү жазага тартылган аскер кызматчылары кылмышка шектүүлөрдөн жана күнөөлүүлөрдөн, соттолгондордон, өкүмү мыйзамдуу күчүнө кире элек аскер кызматчыларынан, ошондой эле кармалган аскер кызматчыларынан өзүнчө кармалат. Төмөнкүлөр өзүнчө кармалат:

- сержанттар (старшиналар) солдаттардан;

- контракт боюнча аскердик кызмат өтөгөн аскер кызматчылары мөөнөттүү аскердик кызмат өтөгөн аскер кызматчыларынан;

- прапорщиктер сержанттардан (старшиналардан) жана солдаттардан;

- офицерлер аскер кызматчыларынын калган курамдарынан.

7. Гауптвахтада режимди камсыздоо жана ички тартипти аткаруу гауптвахтанын зардалына жана гауптвахтанын кароолунун өздүк курамына жүктөлөт (мындан ары - гауптвахтада кызмат өтөөчү аскер кызматчылары).

Гауптвахтада аскер кызматчыларын кармоону камсыздоочу гауптвахтанын зардалынын, кароолдун зардалынын жана гауптвахтанын кароолунун башка кызмат адамдарынын милдеттери ушул Уставда аныкталат.

8. Мыйзамдардын сакталышын көзөмөлдөөнү ишке ашыруу максатында аскер прокурорлору, тергөөчүлөр же алгачкы териштирүү органдарынын адамдары кылмыш иштерин иликтөөдө гарнизондук гауптвахтага аскер комендантынын билдирүүсү менен инсандыгын күбөлөндүрүүчү күбөлүктү (кызматтык күбөлүгү) көрсөтүү менен гауптвахтанын зардалы (гарнизондун кезметчиси), ал эми аскердик гауптвахтага аскердик бөлүктүн штабынын зардалынын билдирүүсү менен аскер бөлүгү боюнча кезметчи тарабынан кирүүгө уруксат берилет. Коргоочу гауптвахтага адвокаттын күбөлүгүн жана ошол эле тартипте ордерди көрсөтүү менен кирет. Кармалган аскер кызматчылары үчүн камераларга аталган адамдар ушундай тартипти сактоо менен киргизилет.

Гауптвахтага аскер кызматчыларын жиберүү жана аларды коштоо (конвоирлөө)

9. Аскер кызматчы соттолгон аскер кызматчылары үчүн тартиптик аскер бөлүгүндө кармоо түрүндөгү жазага тартылды деп соттун токтомун угузган учурдан тартып эсептелет (жазаны өтөө мөөнөтү гауптвахтага коштоо үчүн аны кайтарууга кабыл алган учурдан тартып, ал эми өз алдынча бара жатканда гауптвахтанын зардалы же аскер бөлүгү боюнча кезметчи тарабынан кабыл алынган учурдан тартып эсептелет); соттук териштирүүгө чейин гауптвахтада камоо жана кармоо убактысы жаза өткөрүү мөөнөтүнө кирет. Аскер кызматчысын кармоо мөөнөтү ушул Уставдын 21-статьясына ылайык эсептелет.

Алдын ала тергөө мезгилинде кылмышка шектүүнү жана күнөөлүүнү камакка алуу мөөнөтү прокурор кылмыш ишин сотко жибергенге чейин, аларды камакка алган мезгилден баштап эсептелет.

10. Соттолгон аскер кызматчылары үчүн тартиптик аскер бөлүгүндө кармоо түрүндө жазаны дайындоо жөнүндөгү гарнизондук аскер сотунун судьясынын токтому гарнизондук аскер коменданты (аскер бөлүгүнүн штабынын зардалы) тарабынан токтом чыгарылгандан кийин дароо аткарылат. Сотко чейин камакка алуу түрүндөгү чара кабыл алынган аскер кызматчылары соттун өкүмү (токтому) чыккандан кийин сот залынан гарнизондук гауптвахтага жиберилет.

11. Соттолгон аскер кызматчылары үчүн тартиптик аскер бөлүгүндө кармоо түрүндө жазага тартылган же кармалган аскер кызматчылары гауптвахтага төмөнкүдөй жиберилет: мөөнөттүү аскердик кызмат өтөгөн солдаттар - коштоочу менен бирден колоннада үч кишиден апшаган топ менен; мөөнөттүү аскердик кызмат өтөгөн сержанттар (старшиналар) - аскердик наамы боюнча тең же улук сержанттардын (старшиналардын) ичинен коштоочу менен солдаттардан өзүнчө; контракт боюнча аскер кызматын өтөгөн аскер кызматчылары - аскердик наамы боюнча тең же улук контракт боюнча аскердик кызмат өтөгөн аскер кызматчыларынын коштоосунда. Коштоочу коюлган тапшырманы куралы жок аткарат. Ал коштоп бара жаткандардын артынан эки-үч кадам артта жана сол (оң) жакта болот.

Соттолгон аскер кызматчылары үчүн тартиптик аскер бөлүгүндө кармоо түрүндө жазага тартылган же кармалган аскер кызматчылары жана аларды коштоочулар гауптвахтага транспорттук каражат менен бара алышат.

12. Кылмышка шектүү жана күнөөлүү аскер кызматчылары Кыргыз Республикасынын жазык-процесстик мыйзамдарына ылайык аларга камакка алуу түрүндөгү чара көрүлгөн учурда, гауптвахтага айдоочунун алдында жиберилет.

Айдалуучу аскер кызматчылары аскер бөлүгүнүн аймагында жайгашкан гауптвахтага жөө түрүндө же транспорттук каражатта, ал эми бул аймактан чектеринен сыртта жайгашкан гауптвахтага транспорттук каражатта жиберилет. Транспорттук каражат төмөнкүдөй атайын жабдылышы керек: айдалуучу аскер кызматчылары үчүн кулпу менен бекитилүүчү атайын жай жана айдоочулар жайгаштыруу үчүн орундар болушу керек. Айдоочунун курамы, куралдануусу жана алардын өзгөчө милдеттери гарнизондун аскер коменданты (аскер бөлүгүнүн штабынын зардалы) тарабынан ар бир учурда өзүнчө аныкталат.

13. Айдоочу бир же бир нече айдоочулардан турушу мүмкүн, акыркы учурда алардын бирөөсү айдоочунун улугу болуп дайындалат.

Айдоочу айдалуучу аскер кызматчылары гауптвахтанын чектеринен тышкары (дарылоо мекемесине, мончого ж.б.) жүргөндө аларды кайтарылуу үчүн жооп берет. Ал төмөнкүлөргө милдеттүү:

- айдалуучу аскер кызматчыларынын жүрүм-турумун дайыма көзөмөлдөөгө жана берилген бардык командалардын, ошондой эле аскер формасын кийүү эрежелеринин алар тарабынан аткарылышын талап кылууга;

- айдалуучу жерге алардын өз убагында келүүсүн камсыздоого;

- айдалуучу аскер кызматчылары бөтөн адамдар менен сүйлөшпөөсүн көзөмөлдөөгө;

- ушул тиркеменин 40-43-пункттарында каралган негизде жана учурларда күчтү жана атайын каражаттарды, ал эми куралды ушул Уставдын 196-статьясынын талаптарына ылайык колдонууга;

- айдалуучу аскер кызматчыларынын жүрүм-туруму жөнүндө айдоо аяктагандан кийин гауптвахтанын кароол зардалына (айдоо дайындаган адамга) билдирүүгө.

Айдоочуга айдалуучу аскер кызматчысы менен сүйлөшүүгө, алардан бир нерсе алууга жана берүүгө, ошондой эле тамак жегенге, ичкенге, тамеки тартканга, ырдаганга, отурганга, (эгерде бул анын өзгөчө милдеттери болбосо) дааратканага барганга жана өзүнүн кызматтык милдеттерин аткаруудан башка нерсеге алаксыганга тыюу салынат. Айдоочунун куралы "асынган" абалда болууга тийиш. Курал ушул Уставдын 100-пунктунда берилген эрежелер боюнча октолот.

14. Гарнизондун аскер коменданты (аскер бөлүгүнүн штабынын зардалы) гауптвахтага коштоочу менен (айдоочу) ушул тиркеменин 15-пунктунда көрсөтүлгөн документтерди жиберет.

Гауптвахтага аскер кызматчыларын кабыл алуу негизи жана тартиби жана аларды эсепке алуу

15. Гауптвахтада аскер кызматчыларын кабыл алуу жана кармоо үчүн негиз болуп Кыргыз Республикасынын мыйзамдарында белгиленген тартипте таризделген төмөнкү документтер эсептелет: соттолгон аскер кызматчылары үчүн тартиптик аскер бөлүгүндө кармоо түрүндөгү жазага тартылган аскер кызматчылары үчүн - тартиптик камакка алуу жөнүндө гарнизондук аскер сотунун судьясынын токтомунун (өкүмдү аткаруу жөнүндө соттун чечиминин) көчүрмөсү; аскер соту тарабынан соттолгондор үчүн - өкүмдүн көчүрмөсү; кармалган аскер кызматчылары үчүн - камакка алуу жөнүндө тергөөчүнүн (алгачкы териштирүү органынын) токтомунун же соттун чечиминин же тартип бузуу жөнүндө материалдар боюнча өндүрүштү камсыздоо чараларын колдонуу жөнүндө протоколдун көчүрмөсү.

Көрсөтүлгөн документтерден тышкары коштоочу (айдоочу) тарабынан төмөнкүлөр берилет:

а) кызматтык мүнөздөмө жана медициналык китеп;

б) аскер кызматчынын инсандыгын күбөлөндүрүүчү документ;

в) бөлүктүн командири жана гауптвахтага кабыл алуучу аскер кызматчысы кол койгон акчанын суммасы, баалуулуктар жана уруксат берилүүчү жана гауптвахтада аскер кызматчыларын кармоо эрежелерине ылайык гауптвахтада керектүү башка буюмдар кирүүчү жеке буюмдардын тизмеси (эки нускада);

г) аскер кызматчысынын азык-түлүк алуу күбөлүгү.

16. Гарнизондук гауптвахтага гауптвахтада кармалууга тийиш аскер кызматчылары гауптвахтанын зардалы, ал эми ал жок учурда кароолдун зардалы, аскердик гауптвахтага аскер бөлүгү боюнча кезметчи тарабынан кабыл алынат.

Гауптвахтага күнү-түнү кылмышка шектүү, Кыргыз Республикасынын мыйзамдарында белгиленген тартипте бөгөт коюу чарасы катары камакка алуу колдонулган аскер кызматчылары, ошондой эле кармалган аскер кызматчылары кабыл алынат. Мында ушул тиркеменин 15-пунктунун "а" - "г" пунктчаларында саналган документтер берилбесе болот (же камакка алынган (кармалган) учурдан тартып 48 сааттын ичинде көрсөтүлөт). Аскер кызматчыларын кабыл алуу да гауптвахтанын зардалы (кароол зардалы, аскер бөлүгү боюнча кезметчи) төмөнкүлөргө милдеттүү:

- аларда ушул тиркеменин 15-пунктунда көрсөтүлгөн документтердин жана гауптвахтада аскер кызматчыларын кармоо эрежелерине ылайык болууга тийиш буюмдардын болуусун текшерүүгө;

- аскер кызматчыларын жеке өзү текшерүүгө, аларда болгон буюмдарды карап чыгууга, сактоо үчүн камерада алып жүрүүгө болбогон курларды, буюмдарды жана баалуулуктарды алууга;

- гауптвахтада кармалган аскер кызматчыларынын аты-жөнү жазылган тизмеге жана гауптвахтада кармалган аскер кызматчыларын каттоо китебинин тиешелүү бөлүмүнө керектүү маалыматтарды жазууга;

- гауптвахтада белгиленген күн тартибин, гауптвахтада кармалган аскер кызматчыларынын тиешелүү курамынын укуктарын жана милдеттерин (жүрүм-турум эрежелерин) кол койдуруу менен тааныштырууга;

- аскер кызматчыларын гауптвахтада кармоо, аларды гауптвахтага кабыл алууга тиешелүү эрежелеринин башка талаптарын аткарууга.

Гарнизондук гауптвахтага аскер кызматчысын кабыл алууга мүмкүн болбогондо гауптвахтанын зардалы (кароол зардалы) бул жөнүндө гарнизондун аскер комендантына билдирет. Аскердик гауптвахтага аскер кызматчысын кабыл алууга мүмкүн болбогондо аскер бөлүгү боюнча кезметчи бул жөнүндө аскер бөлүгүнүн командирине билдирет. Коштоочуга (айдоочуга) гауптвахтанын зардалы (кароол зардалы) же аскер бөлүгү боюнча кезметчи кабыл алуудан баш тартуу жөнүндө катты тапшырат. Аскер кызматчыны кабыл алууга тоскоол болгон себептер чечилгенден кийин ал тез арада гауптвахтага жеткирилиши керек.

17. Гауптвахтада кармалган аскер кызматчыларынын аты-жөнүнүн тизмелери гауптвахтанын зардалы (аскер бөлүгү боюнча кезметчи) тарабынан кол коюлат жана төмөнкү форма боюнча аскер кызматчыларынын тиешелүү курамы боюнча (ушул тиркеменин 2-пункту) өзүнчө жүргүзүлөт:

Гауптвахтада кармалган аскер кызматчыларынын аты-жөнүнүн тизмеси

Гауптвахтанын зардалы (аскер бөлүгү боюнча кезметчи) ______________________________________________________ (аскер наамы, колу, аты-жөнү)

Эскертүү: Гауптвахтада кармалган аскер кызматчыларын кабыл алгандан кийин кароолго киришкен зардал тизмеге төмөнкү жазууну жазат: "Ушул тизме боюнча баланча гауптвахтада кармалуучу аскер кызматчыларды кабыл алдым", убакытты, күндү көрсөтөт жана кол коет. Кароолду өткөрүп берүү үчүн зардал да ушул жазууга кол коет.

18. Гауптвахтада кармалган аскер кызматчыларын эсепке алуу китеби төмөнкү форма боюнча аскер кызматчыларынын тиешелүү категориялары боюнча (ушул тиркеменин 2-пункту) жүргүзүлөт:

Гауптвахтада кармалган аскер кызматчыларын эсепке алуу КИТЕБИ

1. Соттолгон аскер кызматчылары үчүн тартиптик аскер

бөлүгүндө кармоо түрүндөгү жазага тартылган аскер кызматчылары

2. Аскер соту тарабынан соттолгон, ошондой эле кылмышка

шектүү жана күнөөлүү аскер кызматчылары

3. Кармалган аскер кызматчылары

19. Алынган жана кабыл алынган буюмдардын, нерселерин, документтердин жана акчалардын суммасынын тизмесин гауптвахтанын зардалы (аскер бөлүгү боюнча кезметчи) гауптвахта кабыл алынуучунун катышуусу менен гауптвахтада кармалган аскер кызматчыларын эсепке алуу китебине жазат жана ага аларды кабыл алуу жөнүндө тил кат берип, андан кийин аны ушул тиркеменин 15-пунктунда саналган документтер менен камерага жайгаштыруу үчүн кароолдун зардалына жиберет.

20. Кароолдун башчысы аскер кызматчыны алгандан кийин гауптвахтага аны кабыл алгандыгы үчүн негиз болгон документке кол коет жана документти гауптвахтанын зардалына (аскердик бөлүк боюнча кезметчиге) кайра берет.

Эгерде гарнизондук гауптвахтага аскер кызматчысын кароолдун зардалы кабыл алса, ал аскер кызматчысына андан кабыл алган буюмдар үчүн тил кат берет. Гауптвахтага кабыл алуу үчүн негиз болгон документти жана буюмдардын тизмеси менен буюмдарды кароолдун зардалы гауптвахтанын зардалына берет.

21. Гауптвахтанын зардалы (аскер бөлүгү боюнча кезметчи) аскер кызматчысын гауптвахтага кабыл алуу үчүн негиз болгон документти өзүнө алып калат жана коштоочуга (айдоочуга) гауптвахтада кармоо үчүн аскер кызматчысын кабыл алуу жөнүндө тил каттын формасын берет.

Гауптвахтада кармоо үчүн аскер кызматчысын кабыл алуу жөнүндө ТИЛ КАТТЫН ФОРМАСЫ

__________________________________________________________________ (аскер кызматчынын аскер наамы, аты-жөнү, бөлүкчөсү, аскер бөлүгү) ____________ баштап ___________ чейинки ______________________ мөөнөткө (соттолгон аскер кызматчылары үчүн тартиптик аскер бөлүгүндө кармоо түрүндө жазага тартылган аскер кызматчылары үчүн гана толтурулат) ____________________________________________ камерасында кармалуу менен (камеранын аталышы) ___________________________________________ гауптвахтага кабыл алынды (убактысы, күнү, айы, жылы) Гауптвахтанын зардалы (аскер бөлүгү боюнча кезметчи) _______________________________________________________ (аскер наамы, колу, аты-жөнү) Тил каттын арткы бетинде төмөнкүлөр белгиленет: Аскер кызматчысында буюмдар толук (мындай буюмдар жок же ашыкча). Гауптвахтанын зардалы (аскер бөлүгү боюнча кезметчи) _______________________________________________________ (аскер наамы, колу, аты-жөнү) Соттолгон аскер кызматчылары үчүн тартиптик аскер бөлүгүндө кармоо түрүндө жазага тартылган аскер кызматчыларын гауптвахтада кармоо

22. Соттолгон аскер кызматчылары үчүн тартиптик аскер бөлүгүндө кармоо түрүндө жазага тартылган аскер кызматчылары Кыргыз Республикасынын мыйзамдарында аныкталган чектөөлөр менен Кыргыз Республикасынын жарандары үчүн белгиленген милдеттерди аткарат, укуктарды жана эркиндиктерди пайдаланышат. Улуту, расасы, тили, диний ишеними, мурдагы эмгектери жана башка кырдаалдар боюнча дискриминациялоого же артыкчылыктарды берүүгө жол берилбейт.

23. Гарнизондогу гауптвахтанын күн тартиби гарнизондун аскер коменданты (аскердик гауптвахтада - аскер бөлүгүнүн командири) тарабынан белгиленет.

Күн тартибинде төмөнкүлөр каралышы керек: түнкү уктоо (сегиз сааттан кем эмес), эртең мененки жана кечки жуунуп-тазалануу, таңкы кароо, аскердик даярдык боюнча машыгуулар, бут кийимди тазалоо жана тамак ичүү алдында колду жуу, тамак ичүү (күнүнө үч жолу), аскер кызматчыларынын жеке керектөөлөрү, күн сайын сейилдөө (бир сааттан кем эмес), аскер кызматчыларынын бар экендигин текшерүү, радиотрансляцияларды угуу үчүн убакыт. Гауптвахтадагы күн тартип, ошондой эле гауптвахтада кармалган аскер кызматчыларынын негизги укуктары жана милдеттери жөнүндө маалымат кароолдун зардалынын бөлмөсүндө, кароолдун өздүк курамы үчүн жалпы бөлмөдө болушу керек жана гауптвахтанын ар бир бөлүмүнүн дубалында илинип туруш керек.

24. Эртең мененки кароо жана кечки текшерүү аты-жөнүнүн тизмелери боюнча кароолдун зардалы тарабынан камералар боюнча жүргүзүлөт.

Гауптвахтадагы соттолгон аскер кызматчылары үчүн тартиптик аскер бөлүгүндө кармоо түрүндө жазага тартылган аскер кызматчыларына күн сайын сегиз сааттан саптык даярдык жана аскердик уставдарды үйрөнүү боюнча окуулар өткөрүлөт. Окуулар гарнизондун аскер комендантынын (аскердик бөлүктүн командиринин) көрсөтмөлөрүнө ылайык гауптвахтанын зардалы (аскер бөлүгү боюнча кезметчи) тарабынан уюштурулат. Окуулар болуп жатканда аларга курлары берилет. Жалгыз камалуучу камераларда кармалган аскер кызматчылары окууларга катыштырылбайт. Гауптвахтада кармалган аскер кызматчыларына күндүзү уктоого жана жатууга тыюу салынат.

25. Күн тартибинде белгиленген убакытта гауптвахтада кармалган аскер кызматчылары сейилдөөгө алып чыгуучулардын коштоосунда чыгарылат. Сейилдөөнүн узактыгы күн тартибин, аба ырайын, гауптвахтада кармалган аскер кызматчыларынын санын жана башка кырдаалдарды эске алуу менен белгиленет.

Солдаттар сержанттардан (старшиналардан) өзүнчө чыгарылат. Контракт боюнча аскер кызматын өтөгөн аскер кызматчылары мөөнөттүү аскер кызматын өтөгөн аскер кызматчыларынан өзүнчө чыгарылат. Прапорщиктер калган аскер кызматчыларынан өзүнчө чыгарылат. Соттолгон аскер кызматчылары үчүн тартиптик аскер бөлүгүндө кармоо түрүндө жазага тартылган аскер кызматчылары эртең мененки жана кечки жуунуп-тазалануу үчүн камералардан алып чыгуучулардын коштоосу менен; жалпы камерадагылар - камералар боюнча, ал эми жалгыз камерадагылар кезеги менен бирден чыгарылат. Дааратканага баруу үчүн аскер кызматчылары бирден же беш кишиге чейин топтор менен алып чыгуучулардын коштоосунда чыгарылат. Алып чыгуучуну чакыруу контролер аркылуу жүргүзүлөт.

26. Соттолгон аскер кызматчылары үчүн тартиптик аскер бөлүгүндө кармоо түрүндө жазага тартылган аскер кызматчыларын гауптвахтанын чектерине алып чыгууда аларга курлары берилбейт.

Гауптвахтадан тышкары (дарылоо мекемесине, мончого ж.б.) жүрүү үчүн аскер кызматчылары аскер кийимин кийүүлөрү тийиш. Соттолгон аскер кызматчылары үчүн тартиптик аскер бөлүгүндө кармоо түрүндөгү жазага тартылган солдаттар, сержанттар (старшиналар) аскер бөлүгүнүн аймагы боюнча гауптвахтадан тышкары жүрүү үчүн конвойдун командасы алдында 10 кишиден ашпаган топ болуп катар менен барышат, мында контракт боюнча аскер кызматын өтөгөндөр мөөнөттүү аскер кызматын өтөгөндөрдөн өзүнчө, ал эми солдаттар сержанттардан (старшиналардан) өзүнчө жиберилет. Прапорщиктер аларды гарнизондун зардалына же гарнизондун аскер комендантына чакырууда, ошондой эле дарылоо мекемесине же мончого барууда эреже катары кароолдун зардалынын же жардамчысынын коштоосунда барат. Аталган аскер кызматчыларын аскер бөлүгүнүн чегинен тышкары ташуу үчүн гарнизондун аскер комендантынын (аскер бөлүгүнүн штаб зардалынын) буйругу менен атайын жабдылган транспорт каражаты бөлүнөт. Айдоочулар эреже катары кароолдун курамынан бөлүнөт. Бул мүмкүнчүлүк болбогондо гарнизондун аскер комендантынын (аскер бөлүгүнүн штаб зардалынын) буйругу менен кошумча наряд дайындалат.

27. Соттолгон аскер кызматчылары үчүн тартиптик аскер бөлүгүндө кармоо түрүндө жазага тартылган аскер кызматчылары төмөнкүлөргө укуктуу:

- гауптвахтада кызмат өтөгөн аскер кызматчыларынан өзүнүн укуктары жана милдеттери, кармоо эрежелери, сунуштарды, арыздарды жана даттанууларды берүү тартиби жөнүндө маалыматты алууга;

- гауптвахтанын зардалына жеке кирүү жөнүндө сунуш менен кайрылууга;

- Кыргыз Республикасынын мыйзамдарында жана ушул тиркемеде тизмеси жана саны аныкталуучу буюмдарды жана нерселерди колдонууга;

- белгиленген убакытта гезиттерди жана журналдарды окууга, радиотрансляцияларды угууга.

Мындан тышкары аларга төмөнкүлөргө кепилдик берилет:

- гауптвахтада кармалуу убагында жеке коопсуздугу;

- тиешелүү категориялар үчүн белгиленген ченемдер боюнча материалдык-тирилчилик жана медициналык жактан камсыздоо;

- түнкү убакта сегиз сааттык уйку;

- гауптвахтада кызмат өтөгөн аскер кызматчылары тарабынан сылык мамиле;

- бир сааттан кем эмес күн сайын сейилдөө.

28. Соттолгон аскер кызматчылары үчүн тартиптик аскер бөлүгүндө кармоо түрүндө жазага тартылган аскер кызматчылары төмөнкүлөргө милдеттүү:

- гауптвахтадагы ички тартиптин жана күн тартибинин белгиленген эрежелерин сактоого;

- гауптвахтада кызмат өтөгөн аскер кызматчыларынын (гауптвахтанын зардалынын жана кароолдун кызмат адамдарынын) мыйзамдуу талаптарын аткарууга, алардын кызматтык милдеттерин аткарууга тоскоол болбоого;

- гауптвахтада кызмат өтөгөн аскер кызматчыларынын жана башка адамдык ар-намысты басынтуучу иш-аракеттерди жасабоого;

- өзүнүн жашоосуна жана ден соолугуна, ошондой эле гауптвахтадагы башка адамдардын жашоосуна жана ден соолугуна коркунуч келтирген атайлап жасаган иш-аракеттерди жасабоого;

- санитардык-гигиеналык эрежелерди сактоого;

- гауптвахтанын мүлкүнө аярлык менен мамиле кылууга;

- гауптвахтанын зардалы тарабынан белгилеген кезектеги тартипте гауптвахтанын камераларын жана башка кызматтык жайларды тазалоого;

- гауптвахтада кызмат өтөгөн аскер кызматчылары камерага киргенде алардын командасы же камера боюнча улуктун командасы боюнча турууга жана көрсөтүлгөн жерге тизилүүгө;

- гауптвахтада кызмат өтөгөн аскер кызматчыларынын талабы боюнча өзүнүн аскер кызматын, аскер наамын жана аты-жөнүн атоого;

- алып чыгуучунун коштоосунда гауптвахтада жүргөндө колун артында кармоого;

- кебетесин жакшы алып жүрүүгө;

- тынчтыкты сактоого.

29. Жалпы камераларда соттолгон аскер кызматчылары үчүн тартиптик аскер бөлүгүндө кармоо түрүндө жазага тартылган аскер кызматчыларынын ичинен камералардагы тазалыкка жана тартипке жооп берүүчү камералар боюнча улуктар гауптвахтанын зардалы тарабынан дайындалат.

Камера боюнча улук төмөнкүлөргө милдеттүү:

- камерага гауптвахтада кызмат өтөгөн аскер кызматчылары киргенде камерада болгон адамдардын саны жөнүндө билдирүүгө;

- камерадагы аскер кызматчыларын эртең мененки кароо, аскер кызматчыларын кароол алмашкан убакта атынан чакырып түгөлдөө жана кечки текшерүү үчүн тизүүгө;

- камералардагы жабдуулардын жана башка мүлктүн сакталышына көзөмөлдөөгө;

- камерадагы тазалыктын сакталышын көзөмөлдөөгө.

30. Соттолгон аскер кызматчылары үчүн тартиптик аскер бөлүгүндө кармоо түрүндө жазага тартылган аскер кызматчыларына төмөнкүлөргө тыюу салынат:

- спирт ичимдиктерин жана наркотикалык каражаттарды, психотроптук каражаттарды жана аларга окшош каражаттарды сактоого жана колдонууга;

- камералардан бир нерселерди ыргытууга, терезенин текчесине чыгууга, терезенин ачылган көзүнөн башын чыгарууга, камера эшигинин кароочу терезесин жабууга;

- бөтөн адамдар менен сүйлөшүүгө, ызы-чуу болууга, ырдоого, музыкалык аспаптарда ойноого, камералардагы тартипти бузууга, келүүчүлөр менен жолугууга, кимдир бирөөдөн бир нерсе алууга;

- өзү жасап алган электроприборлорду колдонууга;

- камералардын жабдууларын бузууга, камералардын дубалдарына жана мүлккө кандайдыр бир жазууларды жазууга, ошондой эле дубалдарга жана инвентарларга сүрөттөрдү, гезиттерден жана журналдардан кесип алынган нерселерди чаптоого.

Тамеки чегүү өзүнчө жерлерде гана уруксат берилет.

31. Гауптвахтада ички тартиптин эрежелерин аткарбаган же аскердик тартиптин бузулуусуна жол берген аскер кызматчыларына карата тартиптик жаза гарнизондун аскер коменданты (гарнизондук гауптвахтада) же аскер бөлүгүнүн командири (аскердик гауптвахтада) тарабынан колдонулат. Ушул адамдардын жана гауптвахтанын зардалынын (аскер бөлүгү боюнча кезметчинин) буйругу боюнча мындай аскер кызматчылары мындан тышкары, жалгыз камераларга которулушу мүмкүн. Гауптвахтанын зардалы (аскер бөлүгү боюнча кезметчи) мындай учурда гауптвахтада кармалган аскер кызматчыларын эсепке алуу китебине тиешелүү белгини коет.

Аскер кызматчысына соттолгон аскер кызматчылары үчүн тартиптик аскер бөлүгүндө кармоо түрүндө кошумча жазаны колдонуу үчүн териштирүү материалдары гарнизондук аскер сотуна жиберилет. Соттолгон аскер кызматчылары үчүн тартиптик аскер бөлүгүндө кармоо түрүндө жазанын үзгүлтүксүз болгон мөөнөтү мындай учурда 45 суткадан ашпашы керек.

32. Камерадагы аскер кызматчыларынын ич кийими (мезгил боюнча), таза жана оңдолгон күнүмдүк (талаа) форма кийими жана бут кийими болушу керек.

Соттолгон аскер кызматчылары үчүн тартиптик аскер бөлүгүндө кармоо түрүндө жазага тартылган аскер кызматчыларына камераларда самын-сумун жана сакал алуучу аспаптар, кийим жана бут кийим тазалоо үчүн буюмдардын, жүз аарчылардын, жакалардын, мончо жана жеке колдонууга башка майда нерселердин, дептерлердин, калем саптардын жана сүрөт альбомдорунун болуусуна уруксат берилет. Калган бардык кийим-кечелер жана жеке буюмдар белгиленген тартипте гауптвахтада сакталат.

33. Гауптвахтада кармалган аскер кызматчылары гарнизондун аскер коменданты (аскер бөлүгүнүн командири) тарабынан белгиленген күндөрү жана сааттарында жумасына бир жолу мончодо түшүүлөрү керек; бул аскер кызматчыларын ич кийим жана жууркан-төшөк, ошондой эле самын менен камсыздоо коргоо маселелерин тескеген ыйгарым укуктуу мамлекеттик органдын жетекчиси тарабынан аныкталат. Ошол эле күндөрү аларга медициналык кароо жүргүзүлөт.

Дарылоо мекемелерине жиберилген гауптвахтада кармалган аскер кызматчылары айыккандан кийин өзүнүн аскер бөлүгүнө келишет. Соттолгон аскер кызматчылары үчүн тартиптик аскер бөлүгүндө кармоо түрүндө жазаны андан ары өтөө жөнүндө чечим соттолгон аскер кызматчылары үчүн тартиптик аскер бөлүгүндө кармоо түрүндөгү жазаны дайындаган сот тарабынан кабыл алынат. Гауптвахтадагы аскер кызматчыларынын чачтары дайыма тыкан кыркылган жана сакалдары алынган болушу керек. Чач кыркуу жана сакал алуу тартиби гарнизондун аскер коменданты (аскер бөлүгүнүн командири) тарабынан белгиленет.

34. Гауптвахтада кармалган аскер кызматчылары жалпы аскердик тамак-аш ченеми боюнча азык-түлүк алууга күбөлүгү боюнча тамак-ашка коюлушат.

Эгерде гауптвахтада тамак-аш жасалбаса, анда аны гауптвахтага жеткирүү тартиби гарнизондун аскер коменданты (аскер бөлүгүнүн командири) тарабынан белгиленет. Гауптвахтада кармалган аскер кызматчылары тамакты камераларда же гауптвахтадагы ашканада (тамактануу үчүн бөлмөлөрдө) ичишет. Ашканада тамак ар кандай убакта берилет: прапорщиктер үчүн өзүнчө, контракт боюнча аскер кызматын өтөгөн сержанттар (старшиналар) үчүн өзүнчө, контракт боюнча аскер кызматын өтөгөн солдаттар үчүн өзүнчө мөөнөттүү аскердик кызматты өтөп жаткан сержанттар (старшиналар) үчүн өзүнчө, мөөнөттүү аскер кызматын өтөгөн жоокерлер үчүн өзүнчө. Жалгыз камераларда кармалган аскер кызматчылары тамакты камераларында алышат.

35. Гауптвахтадагы камераларды, дааратканаларды күн сайын жана жалпы (жумасына бир жолу) тазалоо, ошондой эле полдорду жуу (сүртүү) жана мештерди жагуу кароол зардалынын жардамчысынын көзөмөлүнүн алдында ал жакта кармалган аскер кызматчылары тарабынан жүргүзүлөт.

Камералар күн сайын аскер кызматчылары эс алууда жана жумушта жүргөндө желдетилет. Гауптвахтанын жайларын жана дааратканаларды дезинфекциялоо жумасына бир жолу жүргүзүлөт. Караңгы кирээри менен камераларга, коридорлорго жана дааратканаларга жарык берилиши керек. Уктоо мезгилинде камераларда жарык күйүп туруусу керек. Кышында камералардагы температура +18 град. Цельсиядан төмөн эмес болууга тийиш.

36. Гауптвахтада аскер уставдарынын, аскердик жана окуу адабияттары жетиштүү болуулары зарыл. Гауптвахта жаңы гезиттер менен камсыздалууга тийиш. Адабиятты жана гезиттерди берүү кароол башчысы тарабынан жүргүзүлөт.

Аскер соту тарабынан соттолгон, соттолуучу, шектүү жана күнөөлүү аскер кызматчыларын гауптвахтада кармоо

37. Кылмышка шектүү жана күнөөлүү аскер кызматчылары, ошондой эле соттолгондор үчүн гауптвахтада ички тартиптин эрежелери Кыргыз Республикасынын Өкмөтү тарабынан бекитилет.

38. Кылмышка шектүү жана күнөөлүү аскер кызматчылары жана соттолгондор гауптвахтадан тышкары жүрүүдө айдоочу менен кайтарылат. Айдоочуну бөлүп берүү тартиби жана айдоочулардын милдеттери ушул тиркеменин 12-13-пункттарында берилген.

Күчтү жана атайын каражаттарды колдонуу

39. Кароолдун кызмат адамдары тарабынан гауптвахтада кармалган аскер кызматчыларына карата күчтү жана атайын каражаттарды (резина таяктарды, кишендерди) колдонууга ушул тиркеменин 40-43-пункттарында каралган негизде жана учурларда жол берилет, мында атайын каражаттар Кыргыз Республикасынын мыйзамдарынын негизинде гана колдонууга уруксат берилет.

Кароолдун кызмат адамдары тарабынан төмөндө каралган эрежелер бузулуу менен күчтөр жана атайын каражаттар колдонулса, алар Кыргыз Республикасынын мыйзамдарында белгиленген жоопкерчиликти тартышат.

40. Гауптвахтада кармалган аскер кызматчысына карата күч колдонуу алардын укук бузулушуна жол бербөө же гауптвахтада кызмат өтөгөн аскер кызматчыларынын мыйзамдуу талаптарына баш ийбеген анын аракеттерин басуу үчүн, эгерде күч колдонулбаган аракеттер укук бузуулардын токтотулушун же мыйзамдуу талаптардын аткарылышын камсыз кылбаган учурда колдонулушу мүмкүн.

Гауптвахтада кармалган аскер кызматчысына анын кол салуусунун мизин кайтаруу зарылчылыгынан тышкары, муштум, бут, баш менен урууга тыюу салынат.

41. Резина таяктары төмөнкү учурларда колдонулушу мүмкүн:

- гауптвахтада кармалган аскер кызматчысынын гауптвахтада кызмат өтөгөн аскер кызматчыларына жана башка адамдарына кол салуусунун мизин кайтарууда;

- массалык тартип же гауптвахтада кармоонун белгиленген режимин топтошуп бузууларын токтотууда;

- гауптвахтада кармалган аскер кызматчыларынын гауптвахтада кызмат өтөгөн аскер кызматчыларынын же айдоо жана жазаларды аткаруу маселелерин тескеген ыйгарым укуктуу мамлекеттик органдын кызматчыларынын мыйзамдуу талаптарына баш ийбеген укукка сыйбаган аракеттерин токтотууда;

- барымтага алынгандарды, басып алынган имараттарды, жайларды, курулуштарды жана транспорт каражаттарын бошотууда;

- гауптвахтада кармалган аскер кызматчысынын гауптвахтадан же айдоодон качуу аракетин токтотууда;

- гауптвахтада кармалган аскер кызматчысынын тегерегиндегилерге зыян келтирүү аракетин токтотууда.

Резина таяк менен башка, моюнга, ичке жана жыныс органдарына урууга тыюу салынат. Резина таяктарын колдонуу гауптвахтада кармалган аскер кызматчыларына минималдуу зыян келтирилиши керек.

42. Кишендер кароолдун зардалына сакталат жана анын буйругу менен төмөнкү учурларда колдонулат:

- гауптвахтада кызмат өтөгөн аскер кызматчыларынын мыйзамдуу талаптарына баш ийбеген гауптвахтада кармалган аскер кызматчыларынын укукка сыйбаган аракеттерин токтотууда;

- гауптвахтада кармалган аскер кызматчысынын качуу аракетин токтотууда;

- гауптвахтада кармалган аскер кызматчысынын өзүнө өзү зыян келтирүү аракеттерин токтотууда.

Кишендерди колдонууда гауптвахтада кармалган аскер кызматчысынын колдору артында болушу керек. Кишендер кароолдун зардалынын көрсөтмөсү боюнча тамак ичүү, дааратканага баруу убагында, жашоо үчүн коркунуч пайда болгондо (өрт чыкканда, суу каптаганда ж.б.), ошондой эле гауптвахтада кармалган аскер кызматчысы кокустан ооруп калган учурда чечилет. Кан айлануунун бузулуусун алдын алуу үчүн аларды белгилеп туруу ар бир эки сааттан кийин текшерилип турат. Кишендер жок болгондо кароолдун кызмат адамдары байлоонун колдон жасалган каражаттарын колдонууга укуктуу.

43. Күчтөрдү, резина таяктарын, кишендерди же байлоонун кол менен жасалган каражаттарын колдонуунун бардык учурларында күч (резина таягы, кишендер) колдонулган адамдын денесин карап чыгуу жөнүндө медициналык маалымкатты тиркөө менен актынын формасы түзүлөт.

Бекитемин Гауптвахтанын зардалы (Аскер бөлүгү боюнча кезметчи) ______________________________ (аскердик наамы, колу, аты-жөнү) 201__-ж. __ ________

Күчтү (резина таягын, кишендерди) колдонуу жөнүндө АКТЫНЫН ФОРМАСЫ 20__-ж. __- _________ ____ с. ____ мин.

__________________________________________________________________ (Күчтү резина таягын, кишендерди колдонгон адамдын аскердик наамы, аты-жөнү) __________________________________________________________ гауптвахтада (коштоп бара жатканда, карап чыгууда ж.б.) Кыргыз Республикасынын мыйзамдарына жана Кыргыз Республикасынын Куралдуу Күчтөрүнүн Гарнизондук жана кароол кызматтарынын уставына ылайык гауптвахтада кармалган төмөнкү аскер кызматчыга карата күч (резина таягы, кишендер) колдонулду ______________________________________________ _______________________________________________________________________ (аты-жөнү) _______________________________________________________________________ (күчтүн, атайын каражаттардын колдонуу түрү) _______________________________________________________________________ (колдонуунун конкреттүү себептери жана кырдаалдары) ___________________ байланыштуу күч (резина таягы, кишендер) колдонулду _______________________________________________________________________ (натыйжасы жана кесепеттери) Кишендер 20__-ж. __-_________ ____ с. ____ мин. чечилди.

Күбөлөр: ________________________________________ (аскердик наамы, колу, аты-жөнү) ________________________________________ (аскердик наамы, колу, аты-жөнү)

Кароолдун зардалы ________________________________________________ (аскердик наамы, колу, аты-жөнү)

20__-ж. __-_________

Эскертүү. Актыга күч (резина таягы, кишендер) колдонулган адамдардын денесин карап чыгуу жөнүндө медициналык маалымкат тиркелет. Акт гауптвахтанын зардалында (аскер бөлүгүнүн штабында) сакталат.

Аскер кызматчыларын гауптвахтадан бошотуу

44. Соттолгон аскер кызматчылары үчүн тартиптик аскер бөлүгүндө кармоо түрүндө жазага тартылган аскер кызматчылары гарнизондук гауптвахтадан гауптвахтанын зардалы, аскердик гауптвахтадан - аскер бөлүгү боюнча кезметчи тарабынан бошотулат.

Аныкталган мөөнөткө Соттолгон аскер кызматчылары үчүн тартиптик аскер бөлүгүндө кармоо түрүндөгү жазага тартылган аскер кызматчылары жаза мөөнөтүнүн акыркы күнүн биринчи жарымында бошотулат. Жаза мөөнөтүн ай менен эсептөөдө ал акыркы айдын туура келген күнүндө, ал эми бул айда туура келген күн жок болсо ал айдын акыркы күнүндө бошотулат. Жаза өтөөдөн мөөнөтүнөн мурда бошонуу тиешелүү документтердин келген күнүндө, ал эми документтер жумуш күнү бүткөндөн кийин алынса эртеси эртең менен ишке ашат.

45. Соттолгон аскер кызматчылары үчүн тартиптик аскер бөлүгүндө кармоо түрүндө жазага тартылган аскер кызматчыларына жаза мөөнөтү бүткөндө же гарнизондун (аскер бөлүгүнүн) кызмат адамдары тарабынан соттун токтому (өкүмү) жокко чыгарылганынын натыйжасында алардын укуктары түшүндүрүлөт жана андан кийин алар өзүнүн аскер бөлүгүнө андан ары кызмат өтөө үчүн жиберилет.

46. Шектүүлөр жана күнөөлүүлөр гарнизондук гауптвахтанын зардалы тарабынан алгачкы текшерүү жүргүзгөн адамдын, тергөөчүнүн, аскер прокурорунун же соттун токтомунун негизинде кийин аскер комендантына билдирүү менен бошотулат. Эгерде шектүүгө камакка алуу түрүндө чараны колдонуу же камакта кармоо мөөнөтүн узартуу жөнүндө соттун токтому кармаган мезгилден тартып 48 сааттын ичинде келбесе, анда шектүү адам дароо кое берилет, бул жөнүндө гауптвахтанын зардалы кылмыш иши өндүрүштө болгон алгачкы текшерүү органына, тергөөчүгө жана аскер прокуроруна билдирет. Мындан тышкары аскер прокурорунун талабы боюнча гауптвахтада мыйзамсыз кармалып жаткан аскер кызматчылары бошотулат.

Гауптвахтанын зардалы шектүүнү же күнөөлүүнү камакта кармоонун мөөнөтү бүткөнгө чейин жыйырма төрт сааттан кечиктирбестен бул жөнүндө кылмыш иши өндүрүштө болгон органга же адамга, ошондой эле аскер прокуроруна билдирет.

47. Гауптвахтада кармалган аскер кызматчысынын жаза өтөө мөөнөтү бүтөөр алдында гауптвахтанын зардалы (аскер бөлүгү боюнча кезметчи) кароолдун зардалына бошотуу жөнүндө катты жиберет, ага өкүлдү жиберүү үчүн аскер бөлүгүнүн (бөлүкчөнүн) командирине аны бошотуу убактысы жөнүндө маалымдайт.

Кароолдун зардалы бошотуу жөнүндө катты алганда кийин гауптвахтада кармалган аскер кызматчысын катта көрсөтүлгөн мөөнөттө бошотот жана аны гауптвахтанын зардалына (аскер бөлүгү боюнча кезметчиге) жиберет. Гауптвахтанын зардалы (аскер бөлүгү боюнча кезметчи) гауптвахтага аскер кызматчысын кабыл алуу үчүн негиз болуп саналган документке керектүү жазууну жазат. Гауптвахтада кармалган аскер кызматчысын бошотуу жөнүндө каттын формасы:

Кароолдун зардалы ________________________________________________ (аскердик наамы, аты-жөнү) ________________________________________________________ бошотулсун (аскердик наамы, аты-жөнү, убакыт, күнү, айы) Негизи: __________________________________________________________

Гауптвахтанын зардалы (аскер бөлүгү боюнча кезметчи)

________________________________________________________ (аскердик наамы, колу, аты-жөнү)

20__-ж. __-_________

Гауптвахтанын зардалы (аскер бөлүгү боюнча кезметчи) гауптвахтада кармалган аскер кызматчыларын эсепке алуу китебинде жана гауптвахтада кармалган аскер кызматчыларынын аты-жөнүнүн тизмесине аскер кызматчысын бошотуу убактысы жөнүндө жазат жана ага гауптвахтада кармалган аскер кызматчыларын эсепке алуу китебине тил кат жаздыруу менен өздүк буюмдарын, акчаларын жана документтерин берет. Аскер кызматчысына буюмдарды, акчаларды жана документтерди алгандыгы жөнүндө мурун берген тил кат жок кылынат. Бошотуу жөнүндө каттарды кароолдун зардалы тозоттук ведомость менен бирге баш ийүү тартибинде берет.

48. Соттолгон аскер кызматчылары үчүн тартиптик аскер бөлүгүндө кармоо түрүндөгү жазага тартылган аскер кызматчыларына бошонууда төмөнкүлөр берилет: гауптвахтадан бошонуу жөнүндө маалымкат, анын инсандыгын тастыктоочу документ, азык-түлүк алууга күбөлүк, чапталган конверттеги медициналык китеби. Кызматтык карточка жана мүнөздөмө аскер бөлүгүнө почта аркылуу жиберилет.

Ордендер, медалдар, төш белгилери жана алардын документтери, акчалар жана баалуулуктар, ошондой эле башка өздүк буюмдар бошотулган адамга өздүк буюмдардын тизмесинде жана таратуу ведомостуна кол койдуруу менен берилет. Өздүк буюмдардын тизмеси жана таратуу ведомосту гауптвахтада бир жыл сакталат.

49. Шектүү жана күнөөлүү аскер кызматчыларын гауптвахтадан бошотууда гауптвахтанын зардалы аларды бошотуу убактысы жана негизи жөнүндө гарнизондун аскер коменданты кол койгон маалымкатты аларга берет.

50. Контракт боюнча аскер кызматын өтөгөн аскер кызматчылары аскер бөлүгүнө өз алдынча, мөөнөттүү аскер кызматын өтөгөн катардагы жана сержанттык курамдагы аскер кызматчылары аскер бөлүгүнөн ичинен бөлүнүп берилген коштоочулар менен жиберилет. Аскер кызматчысынын аскер бөлүгүнө келгендиги жөнүндө анын командири белгиленген тартипте дароо гарнизон боюнча кезметчиге билдирет.

Гауптвахтаны жабдуу

51. Гауптвахтада кармалган аскер кызматчыларына санитардык-гигиеналык талаптарга жана өрт коопсуздугунун талаптарына жооп берген тиричилик шарттары түзүлөт. Терезелери жана тиешелүү вентиляциясы жок жердин алдында, жер төлөө жайларында, ар кандай бош жерлерге, чуңкурларда жана башка жерлерде гауптвахталарды (анын ичинде талаа шарттарында) жабдууга тыюу салынат.

52. Гауптвахтада төмөнкүлөр болушу зарыл:

- солдаттарды, сержанттарды (старшиналарды) кармоо үчүн жалпы бөлүм;

- прапорщиктерди кармоо үчүн бөлүм.

- Гауптвахтаны кароол менен бир жайда жайгаштырууда камалгандарды кароол жайы аркылуу алып өтүүгө тыюу салынат.

53. Гауптвахтанын жалпы бөлүмүндө төмөнкүлөр болушу зарыл:

- соттолгон солдаттар, сержанттар (старшиналар) үчүн тартиптик аскер бөлүгүндө кармоо түрүндө жазага тартылгандар үчүн жалпы камералар;

- жалгыз камералар;

- шектүү жана күнөөлүү солдаттар, сержанттар (старшиналар) үчүн жалпы жана жалгыз камералар;

- өкүмү мыйзамдуу күчүнө кире элек аскер кызматчылар үчүн жалпы камералар;

- кармалгандар үчүн камералар.

54. Прапорщиктерди кармоо үчүн гауптвахтанын бөлүмүндө төмөнкүлөр болушу зарыл:

- соттолгон аскер кызматчылары үчүн тартиптик аскер бөлүгүндө кармоо түрүндө жазага тартылгандар үчүн жалпы камералар;

- шектүүлөр жана күнөөлүүлөр үчүн жалпы жана жалгыз камералар;

- аскер соту тарабынан соттолгон, өкүмү мыйзамдуу күчүнө кире элек аскер кызматчылары үчүн жалпы камералар;

- кармалгандар үчүн камералар.

Прапорщиктерди кармоо үчүн бөлүмдө шектүү (күнөөлүүлөрдү) офицерлерди кармоо үчүн өзүнчө камералардын болушуна уруксат берилет.

55. Гауптвахтада кармалган аскер кызматчылары жеке колдонуу үчүн жата турган орун, жатканга керектүү төмөнкү нерселер менен: матрас, жаздык, жууркан, шейшептер (эки шейшеп жана жаздык кап); жүз аарчы; ашкана идиш-аяктары (кесе, кружка, кашык); китептер, гезиттер жана журналдар; стол үстүндөгү оюндар (шашки, шахмат, домино: жалпы камерага бир топтомдон); калем саптар менен камсыздалышы керек. Камераларда камерадагы адамдардын санына жараша керебеттер, столдор, отургучтар, өздүк кийимдер үчүн тумбочкалар, жуунуп-тазалануу жана сакал алуу буюмдары (бирөө эки кишиге), фонтанчиктер менен жабдылган иче турган суусу менен бактар, сырткы кийим үчүн кийим илгичтер, дубалга тагылуучу күзгү, электр приборлорун кошуу үчүн розетка, жалпы мамлекеттик программаны угуу үчүн радио, контролерду чакыруу үчүн кнопка, күндүзгү жана түнкү жарык берүү үчүн чырактар, таштанды үчүн урна, түкүргүч, камераны тазалоо үчүн инвентарлар болушу керек. Кармалган аскер кызматчылар үчүн камералар наралар (тапчандар), отургучтар жана түкүргүчтөр менен жабдылат.

Мүмкүнчүлүккө жараша камералар вентиляциялык жабдуу, телевизорлор, муздаткычтар, санитардык түйүндөр жана суу түтүктөрү менен жуунуучу жерлер менен камсыздалышы керек. Камерада суу жылытуучу аспаптар же ысык суу түтүгү жок болгондо кир жуу жана гигиеналык максаттар үчүн ысык суу жана ичүүгө кайнак суу күн сайын белгиленген убакта керектөөлөрдү эске алуу менен берилип турат. Гауптвахтанын камераларына жана кызматтык жайларына сыртынан номер коюлат. Номерлер 50 миллиметр бийиктикте, 100 миллиметр диаметр айланасында ак түстөгү сандар менен табличканын үстүндө жайгаштырылат. Белгиленген формадагы 250x100 миллиметр өлчөмүндөгү табличкалар полдон четки кырына чейин 1700 миллиметр аралыгында жайгаштырылат. Камерадагы аскер кызматчыларынын аты-жөнүн жазуу үчүн эшиктин оң жагында ушундай эле бийиктикте 100x150 миллиметр өлчөмүндөгү ак түстөгү пластик табличкалар бекитилет. Камералар гауптвахтада кармалган бир аскер кызматчысына 4 кв.метр аянтынан (12 куб. метр аба көлөмү) кем эмес эсепте жабдылат.

56. Мындан сырткары гарнизондук гауптвахта төмөнкүлөр менен жабдылат:

- аскер кызматчыларын кабыл алуу үчүн; шектүүлөрдү жана күнөөлүүлөрдү суракка алуу үчүн; шектүүлөр жана күнөөлүүлөр менен жолугушуу үчүн; аскер кызматчыларына медициналык кароо өткөрүү жана медициналык жардам көрсөтүү үчүн өзүнчө бөлмөлөр менен;

- иштөө жана гауптвахтанын штаттык курамын жайгаштыруу үчүн бөлмөлөр менен;

- кароол жайы менен;

- гауптвахтада кармалган аскер кызматчыларына тамак жылытуу же жасоо үчүн керектүү көмөкчү жайлары бар ашкана менен;

- тамактануу үчүн (ар бир бөлүмдө) ашкана же бөлмө менен;

- гауптвахтада кармалган аскер кызматчыларынын буюмдарын сактоо үчүн койгучтар (кийим илгичтер) менен жабдылган кладовая менен;

- жууну үчүн (ар бир бөлүмдө) бөлмө менен;

- ички жана сырткы дааратканалар менен (ар бир бөлүмдө).

57. Гауптвахтанын зардалынын бөлмөсүндө стол, үч-төрт орундук (отургуч), кушетка, кийим илгич, ошондой эле гауптвахтада кармалган аскер кызматчыларынан сактоого кабыл алынган документтер, акчалар жана баалуу буюмдар үчүн полго же дубалга бекитилген өрттөнбөөчү шкаф же темир ящик болушу керек.

58. Камераларда жана жалпы пайдаланылуучу жерлердеги эшиктер жана терезелер кайтаруунун техникалык каражаттары менен жабдылат. Бул жайлардагы терезелерде мындан тышкары, темир торлор, зарыл болгондо ички жагынан темир торчолор менен тартылган темир торлор болушу зарыл. Камералардын эшиктеринде карап туруучу терезелер орнотулат. Ачкычтар кароолдун зардалында жана гауптвахтанын зардалында (аскер бөлүгү боюнча кезметчи) сакталат.

Гауптвахтанын бөлүмдөрүндө жана жанаша жайгашкан аймагында, сейилдөө үчүн короону кошкондо качууларды жана башка кылмыштарды, гауптвахтада аскер кызматчыларын кармоо эрежелеринин бузууларын алдын алуу үчүн көзөмөлдөөнүн жана контролдоонун аудио көрүүчү, электрондук жана башка техникалык каражаттары колдонулат. Гауптвахтада кармалган аскер кызматчыларына аталган каражаттардын пайдаланылышы жөнүндө билдирилет.

59. Гауптвахтанын коридорлорунда контролерлор үчүн кароолдун зардалы менен байланышуу (сигнализация) түйүнү жабдылат.

60. Ар бир гауптвахтада анда кармалган аскер кызматчыларынын сейилдөөсү жана саптык даярдык боюнча машыгуулары үчүн 2,5 метрден кем эмес бийиктиктеги бекем дубалдар менен тосулган короо (короолор) болушу керек. Сейилдөө үчүн короолордун саны жана алардын тосмолору гауптвахтада кармалган бардык аскер кызматчыларына күндүзгү убакта сейилдөөнү камсыздоо зарылчылыгын, ошондой эле өзүнчө кармоонун талаптарынын аткарылуусун эске алуу менен аныкталат. Короонун аймагы изоляцияланып жана кайтаруунун техникалык каражаттары менен жабдылышы керек.

61. Гауптвахтаны тосуу жана тозотторду жабдуу ушул Уставдын 5-тиркемесине карата жүргүзүлөт.".

2-берене.

Кыргыз Республикасынын Өкмөтү өзүнүн чечимдерин ушул Мыйзамга ылайык келтирсин. 3-берене. Бул Мыйзам расмий жарыяланган күндөн баштап күчүнө кирет.

Кыргыз Республикасынын Президенти

"Кыргыз Республикасындагы мобилизациялык даярдык жана мобилизация жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү жөнүндө" Кыргыз Республикасынын Мыйзамынын долбооруна МААЛЫМКАТ-НЕГИЗДЕМЕ Ушул "Кыргыз Республикасындагы мобилизациялык даярдык жана мобилизация жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү жөнүндө" Мыйзам долбоору Юстиция министрлигинин алдындагы ченемдик укуктук актыларды инвентаризациялоо боюнча ведомстволор аралык комиссиясынын ишинин чегинде иштелип чыккан. Мыйзам долбоору мыйзамдарга карама-каршы келген ченемдерди жоюуга, ошондой эле эскирген туюнтмаларды жоюуга багытталган. Анда, долбоор менен Мыйзамдын 4, 5, 6-беренелеринин жоболорун Кыргыз Республикасынын Президентинин, Кыргыз Республикасынын Жогорку Кеңешинин жана Кыргыз Республикасынын Өкмөтүнүн ыйгарым укуктарын регламенттеген Конституциянын 64, 74 жана 88-беренелеринин жоболоруна ылайык келтирүү сунушталат. Андан тышкары, "Ден соолугунун мүмкүнчүлүктөрү чектелүү адамдардын укуктары жана кепилдиктери жөнүндө" Мыйзамын ишке ашыруу максатында Мыйзам долбоору менен "Кыргыз Республикасындагы мобилизациялык даярдык жана мобилизация жөнүндө" Мыйзамдын 20-беренесине "биринчи же экинчи топтогу майыптар болуп саналган" деген түшүнүк "I жана II топтогу майыптар деп белгиленген адамдар" деген сөздөргө алмаштыруу каралган өзгөртүү киргизүү сунушталгандыгын белгилеп кетебиз. Мыйзамдардын аталыштары өзгөртүүлөргө дуушар болуп жаткандыктан, Мыйзам долбоору менен аталган Мыйзамдын 2, 17, 24-беренелерине тиешелүү оңдоолорду киргизүү сунушталат. Ошондой эле, бирдей терминологияны сактоо максатында Мыйзам долбоорунда "мыйзамдык жана ченемдик актылар", "ченемдик актылар долбоору", "Кыргыз Республикасынын Президентинин жарлыктары жана буйруктары, Кыргыз Республикасынын Жогорку Кеңешинин токтомдору, Кыргыз Республикасынын Өкмөтүнүн токтомдору жана буйруктары" ж.б. сөздөр "ченемдик укуктук актылар" деген терминдер менен алмаштыруу каралган. Сунушталган мыйзам долбоору менен Мыйзамдын 13-беренесинен келип чыккан мыйзамдан келип чыгуучу актыларды бекитүү боюнча Өкмөттүн ыйгарым укугун белгилөө каралган. Ошону менен бирге, Мыйзам долбоорун коомдук талкуудан өткөргөн учурда сунуштар жана пикирлер келип түшпөгөндүгүн белгилеп кетебиз. Ошондой эле, аталган мыйзамдын кабыл алынышы социалдык, экономикалык, укуктук, укук коргоочулук, гендердик, экологиялык, коррупциялык натыйжаларды алып келбейт. Андан башка, өткөрүлгөн улуттук жана эл аралык мыйзамдардын иштеп жаткан ченемдерин талдоонун жыйынтыгында, сунушталган мыйзам долбоорунун ченемдери иштеп жаткан ченемдик укуктук актыларына каршы келбейт. Кошумча иретинде, сунушталган мыйзам долбоорун кабыл алуу мамлекеттик бюджеттен кошумча финансылык чыгымдарды талап кылбай тургандыгын билдиребиз.

Министр

А. Шыкмаматов

"Кыргыз Республикасынын Куралдуу Күчтөрүнүн Ички кызматынын уставы жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү жөнүндө" Кыргыз Республикасынын Мыйзамынын долбооруна МААЛЫМКАТ-НЕГИЗДЕМЕ "Кыргыз Республикасынын Куралдуу Күчтөрүнүн Ички кызматынын уставы жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү жөнүндө" Мыйзам долбоору Юстиция министрлигинин алдындагы ченемдик укуктук актыларды инвентаризациялоо боюнча ведомстволор аралык комиссиясынын ишинин чегинде иштелип чыккан. Мыйзам долбоору мыйзамга каршы келген ченемдерди жок кылууга жана эскирген түшүнүктөрдү жоюуга багытталган. Долбоор менен, Уставдын жоболорун "Жалпыга бирдей аскердик милдет жөнүндө, аскердик жана альтернативдик кызматтар жөнүндө" Мыйзамга ылайык келтирүү сунушталат, ага ылайык аскердик кызмат чакыруу боюнча аскердик кызматты жана контракт боюнча аскердик кызматты камтыйт. Мындан тышкары долбоор менен, жоболорду "Кыргыз Республикасынын ченемдик укуктук актылары жөнүндө" Мыйзамынын 12-беренесине ылайык келтирүү сунушталат, ага ылайык ченемдик укуктук актылардын пункттары аталыштарга ээ болбойт, араб санынан кийин чекит коюлуп белгиленет жана абзацтардан турушу мүмкүн. Ошондой эле долбоор менен, Уставдын 96, 289 жана 342-пункттарынын жоболорун Конституциянын 3-бөлүгүнүн 24-беренесинин жоболоруна ылайык келтирүү сунушталат, ага ылайык соттун чечимисиз жана мыйзам менен белгиленген негиздерден жана тартиптерден тышкары, эч ким камакка алынышы, кайтарууда кармалышы же эркинен ажыратылышы мүмкүн эмес. Сунушталган мыйзам долбоору менен ошондой эле Уставдын өзүнчө ченемдерин 1949-жылдагы Женева конвенцияларына жана ага 1977-жылдагы Кошумча протоколдорго ылайык келтирүү каралат, Кошумча протоколдор 1999-жылдын 21-июлунда № 86 Мыйзам менен ратификацияланган. Ушуну менен бирге, долбоор менен Кыргыз Республикасынын Куралдуу Күчтөрүнүн Ички кызматынын Уставынын бардык тексти боюнча бир катар редакциялык оңдоолорду киргизүү, анын ичинде мамлекеттик органдардын аталыштарына өзгөртүүлөрдү киргизүү сунушталат. Мамлекеттик органдардын аталыштары тез-тез өзгөрүп тургандыгына байланыштуу, мыйзам долбоору менен тийиштүү ишмердүүлүк чөйрөсүндө "ыйгарым укуктуу мамлекеттик орган" бирдей түргө келтирилген терминин колдонуу сунушталат. Ушуну менен, ушул долбоорду коомдук талкуулоонун жүрүшүндө сунуштар жана эскертүүлөр келип түшпөгөнүн белгилейбиз. Ошондой эле белгиленген долбоорду кабыл алуу социалдык, экономикалык, укуктук, укук коргоо, гендердик, экологиялык, коррупциялык кесепеттерди алып келбей тургандыгын кабарлайбыз. Мындан тышкары, улуттук жана эл аралык мыйзамдардын колдонуудагы ченемдерин анализдөөнүн жыйынтыгы боюнча, сунушталган мыйзам долбоору ченемдик укуктук актылардын колдонуудагы ченемдерине каршы келбей тургандыгы белгиленген. Ушул мыйзам долбоорун кабыл алуу республикалык бюджеттен кошумча финансылык чыгымдарды талап кылбаарын кошумча белгилейм.

Министр

А. Шыкмаматов

"Кыргыз Республикасынын Куралдуу Күчтөрүнүн гарнизондук жана кароол кызматтарынын Уставы жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү жөнүндө" Мыйзамынын долбооруна МААЛЫМКАТ-НЕГИЗДЕМЕ "Кыргыз Республикасынын Куралдуу Күчтөрүнүн гарнизондук жана кароол кызматтарынын Уставы жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү жөнүндө" Мыйзам долбоору Юстиция министрлигинин алдындагы ченемдик укуктук актыларды инвентаризациялоо боюнча ведомстволор аралык комиссиясынын ишинин чегинде иштелип чыккан. Мыйзам долбоору мыйзамдарга каршы турган ченемдерди жоюуга жана эскирип калган айтымдарды түп-тамырынан жоготууга багытталган. Ошентип, долбоор менен Уставдын жоболорун "Кыргыз Республикасынын жарандарынын жалпыга бирдей милдеттери жөнүндө, аскердик жана альтернативдик кызматтар жөнүндө" Мыйзамга ылайык келтирүү сунушталат, ага ылайык аскердик кызматка чакыруу боюнча аскердик кызмат жана контракт боюнча аскердик кызмат кирет. Мындан тышкары долбоор менен жоболорду "Кыргыз Республикасынын ченемдик укуктук актылары жөнүндө Мыйзамынын 12-беренесине ылайык келтирүү сунушталат, ага ылайык ченемдик укуктук актылардын пункттары эч кандай мааниге ээ эмес да чекити бар араб сандары менен белгиленет жана абзацтардан турат. Ошондой эле долбоор менен Уставдын жоболорун Конституциянын 24-беренесинин 3-бөлүгүнүн жоболоруна ылайык келтирүү сунушталат, ага ылайык соттун чечими жана мыйзам менен белгиленген негиздерден жана тартиптен тышкары эч ким соттолбойт, камалбайт же эркинен ажыратылбайт. Соттун чечими жок эч ким 48 сааттан ашык убакытка кармалбашы керек. Ар бир кармалган адам кармалган мезгилден тартып 48 саат аяктаганга чейин катуу тартипте жана кандай учур болбосун аны кармоонун мыйзамдуулугу жөнүндө маселени чечүү үчүн сотко жеткирилиши керек. Ушуга байланыштуу, гауптвахтада кармоо менен аскер кызматчыга карата тартиптик камакты колдонууга карата оңдоолор киргизилди. Мындан башка, көрсөтүлгөн мыйзам долбоору гарнизондун кызмат адамдарынын укуктарын, милдеттерин жана жоопкерчилигин, ошондой эле гарнизондук гауптвахтада камалган аскер кызматчыларды кармоонун тартибин аныктайт. Ушуну менен бирге, долбоор менен Кыргыз Республикасынын Куралдуу Күчтөрүнүн гарнизондук жана кароол кызматтарынын Уставынын бардык тексти боюнча бир катар баяндалуучу оңдоолорду, анын ичинде мамлекеттик органдардын аталыштарынын өзгөрүүсүн киргизүү сунушталат. Ошентип, мамлекеттик органдардын аталыштарынын тез-тез өзгөрүүсүнөн мыйзамдын долбоору менен "________ чөйрөсүндөгү ыйгарым укуктуу мамлекеттик органы" деген бир түргө келтирилген терминди колдонуу сунушталат. Мында, ушул долбоорду коомдук талкуулоо жүргүзүүдө сунуштар жана эскертүүлөр түшпөгөндүгүн белгилеп кетебиз. Ошондой эле белгиленген долбоорду кабыл алуу социалдык, экономикалык, укуктук, укук коргоочу, гендердик, экологиялык, коррупциялык кесепеттерди тартпаганын билдиребиз. Мындан тышкары, иштеп жаткан улуттук жана эл аралык мыйзамдардын ченемдерине анализ жүргүзүү жыйынтыктары боюнча көрсөтүлгөн долбоордун ченемдери иштеп жаткан ченемдик укуктук актыларына каршы келбегендигин белгилейбиз. Кошумча ушул мыйзам долбоорун кабын алуу мамлекеттик бюджеттен кошумча финансы чыгымдарын талап кылбаганын билдиребиз.

Министр

А. Шыкмаматов

"Кыргыз Республикасындагы мобилизациялык даярдык жана мобилизация жөнүндө" Кыргыз Республикасынын Мыйзамына САЛЫШТЫРМА ТАБЛИЦАСЫ

"Кыргыз Республикасынын Куралдуу Күчтөрүнүн Ички кызматынын уставы жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү жөнүндө" Мыйзамынын долбооруна САЛЫШТЫРМА ТАБЛИЦАСЫ

"Кыргыз Республикасынын Куралдуу Күчтөрүнүн гарнизондук жана кароол кызматтарынын Уставы жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү жөнүндө" Мыйзамынын долбооруна САЛЫШТЫРМА ТАБЛИЦАСЫ