Аккаунтту тууралаңыз

Текшерүү

Бул документ боюнча сурооңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Мисалы:

ИздөөПостановление

КР Өкмөтүнүн «Жеке жана юридикалык жактарга мамлекеттик кызмат көрсөтүү системасын оптималдаштыруу боюнча чаралар жөнүндө» токтому

Постановление2011-жылдын 31-марты, № 129Күчүн жоготкон

КР Министрлер Кабинетинин 2024-жылдын 19-декабрындагы № 772 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2011-жылдын 31-марты № 129 Жеке жана юридикалык жактарга мамлекеттик кызмат көрсөтүү системасын оптималдаштыруу боюнча чаралар жөнүндө (КР Өкмөтүнүн 2012-жылдын 12-январындагы №27, 2013-жылдын 1-июлундагы N 395, 2015-жылдын 6-июлу № 453, 2017 жылдын16-январындагы № 20, 2019-жылдын 3-декабрындагы № 648 токтомдорунун редакциясына ылайык) Калкка мамлекеттик кызмат көрсөтүүнү оптималдаштыруу, алардын сапатын жана жеткиликтүүлүгүн жогорулатуу, ошондой эле мамлекеттик органдардын жана мамлекеттик органдарынын, мамлекеттик мекемелердин жоопкерчилигин күчөтүү максатында Кыргыз Республикасынын Өкмөтү (КР Өкмөтүнүн 2019-жылдын 3-декабрындагы № 648 токтомунун редакциясына ылайык)

ТОКТОМ КЫЛАТ:

1. Жеке жана юридикалык жактарга мамлекеттик кызмат көрсөтүү чөйрөсүндөгү ишти өркүндөтүү Кыргыз Республикасынын мамлекеттик органдарынын жана мамлекеттик мекемелеринин артыкчылыктуу милдеттеринин бири болуп саналсын.

(КР Өкмөтүнүн 2019-жылдын 3-декабрындагы № 648 токтомунун редакциясына ылайык)

2. Кыргыз Республикасынын мамлекеттик мекемелери тарабынан жеке жана юридикалык жактарга берилүүчү мамлекеттик кызмат көрсөтүүлөрдүн бирдиктүү реестрин түзүүнүн тартиби жөнүндө жобо тиркемеге ылайык бекитилсин.

(КР Өкмөтүнүн 2015-жылдын 6-июлундагы № 453, 2019-жылдын 3-декабрындагы № 648 токтомдорунун редакцияларына ылайык)

3. (КР Өкмөтүнүн 2019-жылдын 3-декабрындагы № 648 токтомуна ылайык күчүн жоготту)

4. (КР Өкмөтүнүн 2013-жылдын 1-июлундагы N 395 токтомуна ылайык күчүн жоготту)

5. Кыргыз Республикасынын Финансы министрлиги төмөнкүлөрдү камсыздоо боюнча сунуштарды эки айлык мөөнөттө иштеп чыксын жана киргизсин:

- мамлекеттик кызматтарды көрсөтүүдөн түшкөн каражаттарды пайдалануунун ачык-айкындыгын жана коомдук контролдоону;

- мамлекеттик кызматтарды көрсөтүүчү жана чарбалык эсепте иш жүргүзүүчү мамлекеттик органдарды республикалык бюджеттен гана каржылоого өткөрүүнү;

- мамлекеттик органдардын мамлекеттик кызмат көрсөтүүсүнөн түшкөн бардык каражаттарды республикалык бюджетке которууну.

6. Бул токтомдун аткарылышын контролдоо Кыргыз Республикасынын Өкмөтүнүн Аппаратынын тиешелүү түзүмдүк бөлүмдөрүнө жүктөлсүн.

(КР Өкмөтүнүн 2019-жылдын 3-декабрындагы № 648 токтомунун редакциясына ылайык)

7. Бул токтом расмий жарыяланган күндөн тартып күчүнө кирет.

Кыргыз Республикасынын Премьер-министри

А.Атамбаев

ыкчам баскычтар:J / Kкийинки / мурунку берене[ / ]редакция артка / алдыгаTмазмунуCбайланыштар⌘K / Ctrl Kбуйруктар палитрасы/издөөгө фокус

Документ боюнча дагы суроолоруңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Документтин байланыштары

шилтеме берет: 6 · цитата келтиргендер: 11 · байланышкандар: 2

Цитата келтиргендер (11)

Шилтеме берет (6)

6 ичинен 3 көрсөтүлдү. Толук тизме - шилтемелер панелинде.

Байланышкан документтер (2)

Булактын (cbd.minjust.gov.kg) маалыматы боюнча, кайсы акт кайсыга шилтеме берери көрсөтүлбөйт.