КР Жогорку Кенешинин «Кыргыз Республикасынын 2012-жылга республикалык бюджети жана 2013-2014-жылдарга болжолу жөнүндө» Кыргыз Республикасынын Мыйзамына өзгөртүүлөрдү киргизүү тууралуу» Кыргыз Республикасынын Мыйзамынын долбоорун биринчи окууда кабыл алуу жөнүндө» токтому

КЫРГЫЗ РЕСПУБЛИКАСЫНЫН ЖОГОРКУ КЕҢЕШИ ТОКТОМ 2012-жылдын 29-июну № 2201-V "Кыргыз Республикасынын 2012-жылга республикалык бюджети жана 2013-2014-жылдарга болжолу жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоорун биринчи окууда кабыл алуу жөнүндө Кыргыз Республикасынын Жогорку Кеңеши ТОКТОМ КЫЛАТ:

1. Кыргыз Республикасынын Өкмөтү тарабынан демилге көтөрүлгөн (2012-жылдын 15-июнундагы № 417 токтом) "Кыргыз Республикасынын 2012-жылга республикалык бюджети жана 2013-2014-жылдарга болжолу жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоору 2012-жылга республикалык бюджеттин төмөнкү негизги параметрлери менен биринчи окууда кабыл алынсын:

ИДПга карата 26,7 пайыз салыштырма салмак менен республикалык бюджеттин кирешелери 81627040,3 миң сом жалпы суммада (өнүктүрүү бюджетинин алкагындагы 6314322,3 миң сом суммадагы гранттык каражаттарды кошуп алганда); ИДПга карата 34,3 пайыз салыштырма салмак менен республикалык бюджеттин чыгашалары 104729374,1 миң сом жалпы суммада; ИДПга карата 7,6 пайыз салыштырма салмак менен Кыргыз Республикасынын республикалык бюджетинин тартыштыгынын эң жогорку өлчөмү 23102333,8 миң сом суммасында; алардын ичинен төмөнкүлөрдү жабууга багытталсын:

- ички булактардан 5244290,0 миң сом;

- тышкы булактардан 17858043,8 миң сом.

2. Кыргыз Республикасынын Өкмөтү:

Кыргыз Республикасынын Өкмөтүнө караштуу Экономикалык кылмыштар менен күрөшүү боюнча мамлекеттик кызматты каржылоону 2012-жылдын 14-июнундагы № 2048-V "Кыргыз Республикасынын Өкмөтүнө караштуу Экономикалык кылмыштуулукка каршы күрөшүү боюнча мамлекеттик кызматка кызматкерлерди кабыл алуу боюнча комиссиянын түзүлүшүнүн жана ишинин маселелеринин мыйзамдуулугун иликтөө жана чечүү боюнча убактылуу депутаттык комиссия түзүү жөнүндө" Кыргыз Республикасынын Жогорку Кеңешинин токтомунун негизинде түзүлгөн Кыргыз Республикасынын Жогорку Кеңешинин убактылуу депутаттык комиссиясынын ишинин натыйжаларын карагандан кийин жүргүзсүн; Афганистан Ислам Республикасынын Кичи жана Чоң Памирине гуманитардык экспедицияны уюштуруу жана өткөрүү үчүн зарыл каражаттарды карасын; Кыргыз Республикасынын Мамлекеттик улуттук коопсуздук комитетинин Чек ара аскерлеринин аскер кызматчыларына эмгек акыны 2013-жылдын 1-январынан тартып көбөйтүүгө каражаттарды издеп тапсын; чек арага жанаша жаткан райондорду өнүктүрүүгө каражаттарды карасын жана аларды айыл өкмөттөрү боюнча тургундардын санына ылайык бөлүштүрсүн; Кыргыз Республикасынын Эсептөө палатасынын актыларына ылайык мамлекеттик каражаттарды максатсыз жана натыйжасыз пайдаланууга жол берген мамлекеттик органдарды каржылоону төмөндөтүү жагына түзөтүү киргизүүнү жүргүзсүн; "Кыргыз Республикасынын 2012-жылга республикалык бюджети жана 2013-2014-жылдарга болжолу жөнүндө" Кыргыз Республикасынын Мыйзамы менен каралган каржылоонун деңгээлин төмөнкүлөргө сактап калсын:

- Кыргыз Республикасынын Мамлекеттик улуттук коопсуздук комитетине;

- Кыргыз Республикасынын Ички иштер министрлигине;

Кыргыз Республикасынын Айыл чарба жана мелиорация министрлигине караштуу Суу чарба жана мелиорация департаментин төмөнкүлөргө милдеттендирсин:

- кийин Кара-Суу районунун Савай айыл өкмөтүнүн балансына өткөрүп берүү менен "Кыргыз Республикасынын 2012-жылга республикалык бюджети жана 2013-2014-жылдарга болжолу жөнүндө" Кыргыз Республикасынын Мыйзамы менен каралган 12,5 млн. сом суммага атайын техника (эксковатор) сатып алууга;

- Бакай-Ата районунун Өзгөрүш айылында 1,2 млн. сом суммага коллектордук-дренаждык жумуштарды жүргүзүүгө.

Төрага

А.Жээнбеков