Кыргыз Республикасынын УО «Кыргыз Республикасынын экономикасынын тармактарын жана калкын 2010/2011-жылы күзгү-кышкы мезгилге даярдоо жана Токтогул суу сактагычындагы сууну зарыл болгон көлөмдө топтоо боюнча чаралар жөнүндө» Токтому

КР Өкмөтүнүн 2011-жылдын 16-майындагы № 230 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ 2010-жылдын 16-июну УӨ № 88 Кыргыз Республикасынын экономикасынын тармактарын жана калкын 2010/2011-жылы күзгү-кышкы мезгилге даярдоо жана Токтогул суу сактагычындагы сууну зарыл болгон көлөмдө топтоо боюнча чаралар жөнүндө

(КР Өкмөтүнүн 2010-жылдын 9-сентябрындагы № 202 токтомунун редакциясына ылайык)

Кыргыз Республикасынын Убактылуу Өкмөтү 2009/2010-жылдагы күзгү-кышкы мезгилден министрликтер, ведомстволор, жергиликтүү мамлекеттик администрациялар, Бишкек жана Ош шаарларынын мэриялары, отун-энергетикалык комплекстин ишканалары жалпысынан канааттандырарлык өткөндүгүн белгилейт. Токтогул суу сактагычындагы суу запасынын деңгээли 2009-жылдын 1-октябрына карата 12,7 млрд.куб. метрди түздү. Республиканын энергия системасы жылытуу мезгилинен ийгиликтүү жана авариясыз өтүүсү үчүн 2010-жылдын 1-апрелине карата Токтогул суу сактагычындагы суу ресурстарын зарыл болгон көлөмдө сактоо боюнча милдет коюлган. Бишкек жана Ош шаарларынын жылуулук электр борборлору үчүн тиешелүү жумушчу жүктөмдөр менен камсыздоону, 2009/2010-жылдын күзгү/кышкы мезгилине пайдаланууга уруксат берилген электрдик отказандардын тизмесин аныктоону, электр энергиясын колдонуунун белгиленген лимиттеринин милдеттерин сактоону жана башкаларды кошкондо, министрликтер, ведомстволор, жергиликтүү мамлекеттик администрациялар, Бишкек жана Ош шаарларынын мэриялары, отун-энергетикалык комплекстин ишканалары чаралардын комплексин көрүштү. Көрүлгөн чаралардын натыйжасында республиканын энергетикалык секторундагы кырдаалды 2009/2010-жылдын жылытуу мезгилинде турукташтырууга мүмкүнчүлүк болду. Токтогул суу сактагычында суунун көлөмү 2010-жылдын 1-апрелине карата 9,7 млрд.куб. метрди түздү, бул өткөн жылдын тиешелүү мезгилине салыштырганда 3,3 млрд.куб. метрге көп. Экономикалык тармактарынын жана калктын 2010/2011-жылдын күзгү/кышкы мезгилиндеги электр энергиясына жана отун ресурстарына болгон муктаждыгын камсыз кылуу жана алдыдагы жылытуу мезгилинен өтүү үчүн республиканын министрликтерин, мамлекеттик комитеттерин, администрациялык ведомстволорун жана региондорун өз убагында даярдоо максатында Кыргыз Республикасынын Убактылуу Өкмөтү токтом кылат:

1. 2009/2010-жылдагы жылытуу мезгилинен өтүү жөнүндө Кыргыз Республикасынын энергетика министринин милдетин аткаруучунун отчету маалымат катары кабыл алынсын.

2. Кыргыз Республикасынын экономикасынын тармактарын жана калкын 2010/2011-жылдагы күзгү/кышкы мезгилге даярдоо жана суу-энергетикалык кырдаалды турукташтыруу боюнча республикалык штаб ушул токтомдун 1-тиркемесине ылайык түзүлсүн жана Штаб жөнүндө тиркелген жобо бекитилсин.

3. Кыргыз Республикасынын экономикасынын тармактарын жана калкын 2010/2011-жылдагы күзгү-кышкы мезгилге даярдоо боюнча иш-чаралардын тиркелген планы (мындан ары - План) бекитилсин.

4. Министрликтер, мамлекеттик комитеттер, администрациялык ведомстволор, аткаруу бийлигинин башка органдары, облустардын мамлекеттик администрациялары, Бишкек жана Ош шаарларынын мэриялары, "Кыргызтуракжайкоммунсоюз", "Көмүр" мамлекеттик ишканалары, "Электрдик станциялар", "Кыргызстандын улуттук электрдик тармактары", "Кыргызгаз", "Кыргызнефтигаз", "Түндүк электр", "Чыгыш электр", "Ош электр", "Жалалабат электр", "Бишкек жылуулук тармагы" ачык акционердик коомдору жана "Бишкекжылуулукэнергия" коммуналдык ишканасы:

- Пландын, ошондой эле ушул токтомдун 2-30-тиркемелеринде каралган милдеттердин аткарылышын камсыздашсын;

- бюджеттик уюмдар үчүн отунду жеткирүүчүлөрдү аныктоо боюнча тендерлерди 2010-жылдын 1-августуна чейин өткөрүшсүн, алар менен келишимдерди түзүшсүн жана аларды Кыргыз Республикасынын Финансы министрлигине беришсин;

- 2010-жылдын 1-ноябрына карата энергия үнөмдөөчү лампаларды колдонууга өтүүнү камсыз кылышсын, мында ата-мекендик өндүрүштүн продукцияларына артыкчылык берилсин;

- отун-энергетикалык комплекстин ишканаларынын жана жылытуучу отказандардын даярдыгын текшерүү боюнча жумушчу комиссияларды Кыргыз Республикасынын Энергетика министрлигинин алдындагы Энергетика жана газ боюнча мамлекеттик инспекциянын өкүлдөрүнүн катышуусу менен түзүшсүн жана объекттердин жылытуу мезгилине болгон даярдыгын акт түзүү менен 2010-жылдын 1-октябрына чейин текшеришсин;

- ай сайын 1ине карата ушул токтомдун аткарылышы жөнүндө, ошондой эле негизги техникалык-экономикалык көрсөткүчтөр тууралуу маалыматты отчеттук айдан кийинки айдын 20сынан кечиктирбей Кыргыз Республикасынын Энергетика министрлигине берип турушсун.

2. Кыргыз Республикасынын экономикасынын тармактарын жана калкын 2010/2011-жылдагы күзгү-кышкы мезгилге даярдоо жана суу-энергетикалык кырдаалды турукташтыруу боюнча республикалык штаб 2010/2011-жылдагы күзгү-кышкы мезгилден ийгиликтүү өтүү боюнча маселелерди сапаттуу жана өз убагында чечүүнү камсыз кылсын, ушул токтомдун аткарылышын жүрүшүн өзүнүн заседаниелеринде ай сайын карасын.

6. Кыргыз Республикасынын Энергетика министрлиги:

- гидроэлектростанциялардын жабдууларынын ишенимдүү иштөөсүн камсыз кылуу үчүн Токтогул суу сактагычындагы сууну 2010-жылдын 1-октябрына карата 14,9 млрд.куб метрден кем эмес көлөмдө жана 2011-жылдын 1-апрелине карата 9,2 млрд.куб. метр көлөмүндө топтоону камсыздоо менен отун-энергетикалык комплекстин ишканаларынын ишин уюштурсун;

- энергия системасынын ишенимдүү иштөөсүн камсыздасын жана керектөөчүлөрдү жылуулук, электр энергиясы жана газ менен үзгүлтүксүз камсыз кылсын;

- Камбарата ГЭС-2нин биринчи агрегатын 2010-жылдын 1-сентябрына чейинки мөөнөттө ишке киргизсин.

7. Жергиликтүү мамлекеттик администрациялардын, жергиликтүү өз алдынча башкаруу органдарынын башчыларына, отун-энергетикалык комплекстин ишканаларынын жетекчилерине ушул токтомдун 2-30-тиркемелеринде каралган милдеттерди аткаруу үчүн жеке жоопкерчилик белгиленсин.

8. Бишкек шаарынын мэриясына төмөнкүлөр сунуш кылынсын:

- жергиликтүү бюджеттен каржылануучу бюджеттик уюмдардын 2009/2010-жылдагы жылытуу мезгилинде жеткирилген электрдик, жылуулук энергиясы, газ, көмүр жана мазут үчүн энергетикалык ишканаларга болгон карыздарын тындырсын;

- керектелген электрдик, жылуулук энергиясы, газ, көмүр жана мазут үчүн бюджеттик уюмдарды ай сайын каржылоону толук көлөмдө жүргүзсүн;

- Бишкек шаарынын ЖЭБинде оңдоо-калыбына келтирүү иштерин максаттуу каржылоо үчүн 2,2 млн. (эки миллион беш жүз) сом өлчөмүндө, Кара-Кечеден жана Таш-Көмүрдөн казып алынган көмүрдү Бишкек шаарынын ЖЭБине "Көмүр" мамлекеттик, ишканасынын ташуусу үчүн 3,0 млн. (үч миллион) сом өлчөмүндө акча каражаттарын "Электрдик станциялар" ачык акционердик коомунун алыш-бериш эсептерине электрдик жана жылуулук энергия-

сын керектөөчүлөрдүн учурдагы төлөмдөрүнүн эсебинен ай сайын которууну камсыз кылсын.

9. Кыргыз Республикасынын Финансы министрлиги:

- керектелген электрдик, жылуулук энергиясы, газ, көмүр жана мазут үчүн карызды тындыруу максатында бюджеттик керектөөчүлөрдү каржылоону өз убагында жана толук көлөмдө жүргүзсүн;

- көмүрдү жана отун мазутун жеткирүү үчүн түзүлгөн жана тиешелүү түрдө таризделген келишимдерди бюджеттик уюмдар бергенден кийин 20 проценттик алдын ала төлөмдү өз убагында бөлүп берүүнү камсыз кылсын;

- калк үчүн жылуулук энергиясына болгон берүү тарифинин 2010-жылдын 1-апрелинен баштап өзгөргөндүгүнө байланыштуу чыгымдарды компенсациялоого каражаттарды "Кыргызтуракжайкоммунсоюз" мамлекеттик ишканасына бөлүп берүү үчүн караштырсын;

- Кыргыз Республикасынын Өкмөтүнө караштуу Жазаларды аткаруу мамлекеттик кызматына мекеменин энергиялык чарбаларын капиталдык оңдоону жүргүзүү, электр берүүнүн эскирген кабелдик жана абадагы линияларын алмаштыруу үчүн 2010-жылга республикалык бюджетте каралган каражаттардын чегинде 22 млн. (жыйырма эки миллион) сом бөлсүн;

10. Кыргыз Республикасынын Мамлекеттик тышкы иштер министрлиги, Кыргыз Республикасынын Өкмөтүнө караштуу Мамлекеттик бажы кызматы жана Кыргыз Республикасынын Өкмөтүнө караштуу Чек ара мамлекеттик кызматы чектеш мамлекеттердин (Казакстан Республикасы, Тажикстан Республикасы жана Өзбекстан Республикасы) аймагынан өткөн республиканын электр берүү линияларын жана газ берүүнүн магистралдык объекттерин оңдоо зарылдыгы болгондо оңдоо-техникалык персоналды, технологиялык жабдууларды жана түзүлүштөрдү мамлекеттик чек ара аркылуу өткөрүүгө көмөк көрсөтүшсүн.

11. Кыргыз Республикасынын Мамлекеттик мүлк министрлиги, Кыргыз Республикасынын Өкмөтүнө караштуу Мамлекеттик салык кызматы, Кыргыз Республикасынын Өкмөтүнө караштуу Мамлекеттик бажы кызматы, Кыргыз Республикасынын Финансы министрлигинин алдындагы Экономиканы өнүктүрүүнүн мамлекеттик фонду, Кыргыз Республикасынын Өкмөтүнө караштуу Материалдык резервдер мамлекеттик фонду, Кыргыз Республикасынын Социалдык фонду, Кыргыз Республикасынын Айыл чарба министрлиги күзгү-кышкы мезгилге даярдык көрүү убагында "Электрдик станциялар", "Кыргызстандын улуттук электрдик тармактары", "Түндүк электр", "Чыгыш электр", "Ош электр", "Жалалабат электр", "Бишкек жылуулук тармагы" "Кыргызнефтигаз", "Кыргызгаз" ачык акционердик коомдорунун, "Бишкекжылуулукэнергия" коммуналдык ишканасынын, "Кыргызтуракжайкоммунсоюз" жана "Көмүр" мамлекеттик ишканаларынын алыш-бериш эсептерин камакка алууга жана жабууга багытталган иш-аракеттерге жол беришпесин.

12. Кыргыз Республикасынын Энергетика министрлиги Пландын жана ушул токтомдун 2-30-тиркемелеринде каралган милдеттердин аткарылышын координациялоону жана мониторингин жүргүзсүн.

13. Бул токтом кол коюлган күндөн баштап күчүнө кирет.

14. Бул токтомдун аткарылышын контролдоо Кыргыз Республикасынын Убактылуу Өкмөтүнүн Аппарат жетекчисине жүктөлсүн.

Кыргыз Республикасынын Убактылуу Өкмөтүнүн Төрагасы

Р.Отунбаева

Кыргыз Республикасынын Убактылуу Өкмөтүнүн 2010-жылдын 16-июнундагы № 88 токтомуна карата 1-тиркеме

2010/2011-жылдардын күзгү-кышкы мезгилине

Кыргыз Республикасынын экономика тармагын

жана калкын даярдоо жана суу-энергетикалык

кырдаалды турукташтыруу боюнча

Республикалык штабдын

КУРАМЫ

Кыргыз Республикасынын Убактылуу Өкмөтүнүн Төрагасынын биринчи орун басары, Штабдын төрагасы; Кыргыз Республикасынын энергетика министри, Штабдын төрагасынын орун басары; Кыргыз Республикасынын Финансы министри Штабдын төрагасынын орун басары.

Штабдын мүчөлөрү:

Кыргыз Республикасынын Саламаттыкты сактоо министри; Кыргыз Республикасынын Билим берүү жана илим министри; Кыргыз Республикасынын Экономикалык тескөө министри; Кыргыз Республикасынын Жаратылыш ресурстар министри; Кыргыз Республикасынын Коргоо министринин орун басары; Кыргыз Республикасынын Өкмөтүнө караштуу мамлекеттик чек ара кызматынын төрагасынын орун басары; Кыргыз Республикасынын Энергетика министринин орун басары; Кыргыз Республикасынын Ички иштер министринин орун басары; Кыргыз Республикасынын Мамлекеттик мүлк министринин статс-катчысы; Кыргыз Республикасынын Өкмөтүнө караштуу Социалдык камсыздандыруу мамлекеттик агенттигинин директору; Кыргыз Республикасынын Энергетика министрлигине караштуу энергетика жана газ боюнча мамлекеттик инспекциясынын директору; Чүй областынын мамлекеттик администрациясынын башчысы - губернатор; Ош областынын мамлекеттик администрациясынын башчысы - губернатор; Жалал-Абад областынын мамлекеттик администрациясынын башчысы - губернатор; Ысык-Көл областынын мамлекеттик администрациясынын башчысы - губернатор; Нарын областынын мамлекеттик администрациясынын башчысы - губернатор; Талас областынын мамлекеттик администрациясынын башчысы - губернатор; Баткен областынын мамлекеттик администрациясынын башчысы - губернатор; Бишкек шаарынын вице-мэри; "Электрстанциялары" ачык акционердик коомунун башкы директору (макулдашуу боюнча); "Кыргызстандын улуттук электр тармактары" ачык акционердик коомунун башкы директору (макулдашуу боюнча); "Түндүкэлектро" ачык акционердик коомунун башкы директору (макулдашуу боюнча); "Чыгышэлектро" ачык акционердик коомунун башкы директору (макулдашуу боюнча); "Ошэлектро" ачык акционердик коомунун башкы директору (макулдашуу боюнча); "Жалал-Абадэлектро" ачык акционердик коомунун башкы директору (макулдашуу боюнча); "Бишкек жылуулук тармагы" ачык акционердик коомунун башкы директору (макулдашуу боюнча); "Кыргызтураккоммунсоюз" мамлекеттик ишканасынын директору; "Бишкекжылуулукэнерго" коммуналдык ишканасынын директору; "Көмүр" мамлекеттик ишканасынын башкы директору; "Кыргызнефтегаз" ачык акционердик коомунун башкармасынын төрагасы (макулдашуу боюнча); "Кыргызгаз" ачык акционердик коомунун башкы директору (макулдашуу боюнча).

Кыргыз Республикасынын Убактылуу Өкмөтүнүн 2010-жылдын 16-июнундагы № 88 токтому менен бекитилген

Кыргыз Республикасынын экономика тармактарын

жана калкын 2010/2011/жылдардын күз-кыш мезгилдерине

карата даярдоо боюнча

ИШ-ЧАРАЛАРДЫН ПЛАНЫ

(КР Өкмөтүнүн 2010-жылдын 9-сентябрындагы № 202 токтомунун редакциясына ылайык)