8-статья. Борбордук шайлоо комиссиясынын мүчөлөрүнүн ыйгарым

укуктары

1. Борбордук шайлоо комиссиясынын мүчөсү:

1) Борбордук шайлоо комиссиясынын жыйналышынын күн тартиби боюнча

сунуштарды, талкууланып жаткан маселелердин маани-мазмуну боюнча

сын-пикирлерди жана түзөтүүлөрдү киргизет, маалымдама берет, жарыш

сөздөргө катышат жана каралып жаткан бардык маселелер боюнча добуш

берүү укугунан пайдаланат;

2) Президентти, Жогорку Кењештин депутаттарын, жергиликтүү өз ал-

дынча башкаруу органдарын шайлоону даярдоо жана өткөрүү, референдумдар-

ды уюштуруу жана өткөрүү менен байланышкан арыздары, даттануулары жана

сунуштары менен Борбордук шайлоо комиссиясына кайрылышкан мамлекеттик

органдардын жана жергиликтүү өз алдынча башкаруу органдарынын, саясий

партиялардын жана коммерциялык эмес уюмдардын, шайлоочулардын чогулуш-

тарынын өкүлдөрүн, жарандарды кабыл алууну алып барат;

3) Борбордук шайлоо комиссиясынын тапшыруусу боюнча төмөн турган

шайлоо комиссияларынын жана референдум комиссияларынын ишине контролдук

кылат, жарандардын шайлоо укуктарын жана референдумга катышуу укуктарын

бузган төмөн турган шайлоо комиссияларынын, референдум комиссияларынын

чечимдерине жана иш - аракеттерине арызданууларды (даттанууларды) ка-

райт, жүргүзүлгөн текшерүүлөрдүн натыйжалары жөнүндө Борбордук шайлоо

комиссиясына билдирет;

4) шайлоолорду жана референдумдарды уюштуруу маселелери жана Бор-

бордук шайлоо комиссиясынын ыйгарым укуктарына кирген башка маселелер

боюнча токтомдорду, нускоолорду жана башка актыларды даярдоого, шайлоо

практикасын иликтөө, мыйзамдарды өркүндөтүү, шайлоочулардын укуктук ма-

даниятын жогорулатуу жана шайлоо комиссияларынын, референдум комиссия-

ларынын мүчөлөрүн жана шайлоо менен референдумдардын башка уюштуруучу-

ларын кесиптик жактан даярдоо ишине катышат;

5) Борбордук шайлоо комиссиясынын жана төмөнкү шайлоо комиссияла-

рынын түздөн-түз шайлоолорго, референдумга байланыштуу документтери жа-

на материалдары менен таанышууга, ал документтер менен материалдардын

көчүрмөлөрүн (шайлоочулардын, референдумдун катышуучуларынын тизмелери-

нен, шайлоо бюллетендеринен, референдумга добуш берүү бюллетендеринен,

тизмеден чыгуу күбөлүктөрүнөн, кол коюу барактарынан жана мыйзамда бел-

гиленген тартипте жашыруун катары эсептелүүчү, ошондой маалыматтарды

камтыган бөлөк документтерден жана материалдардан тышкары) алууга укук-

туу;

6) Жогорку Кењештин ачык жыйналыштарына катышууга укуктуу;

7) ушул Мыйзамда, башка мыйзам актыларында каралган башка ыйгарым

укуктарды жүзөгө ашырат.

2. Борбордук шайлоо комиссиясынын мүчөсү:

1) Борбордук шайлоо комиссиясынын жыйналыштары жөнүндө күн мурун-

тан кабардар болот;

2) Борбордук шайлоо комиссиясынын жыйналышынын башка катышуучула-

рына күн тартибине тиешелүү суроолорду берүүгө жана маани-мазмуну боюн-

ча аларга жооп алууга укуктуу;

3) Борбордук шайлоо комиссиясы өткөрүүчү кандай кењешмелерге бол-

босун катышууга жана сөз сүйлөөгө укуктуу.

3. Борбордук шайлоо комиссиясынын чечүүчү добушка укуктуу мүчөсү

төмөндөгүлөргө милдеттүү:

1) Борбордук шайлоо комиссиясынын бардык жыйналыштарына катышууга;

2) Борбордук шайлоо комиссиясынын жыйналышына жүйөлүү себептер ме-

нен катыша албай тургандыгы жөнүндө Борбордук шайлоо комиссиясынын

Төрагасына күн мурунтан билдирүүгө;

3) Борбордук шайлоо комиссиясынын тапшырмаларын аткарууга.

(Кыргыз Республикасынын 2008-жылдын 28-июлундагы № 178 Мыйзамынын

редакциясына ылайык)