10-статья. Борбордук шайлоо комиссиясынын ишинин негизги

кепилдиктери

1. Борбордук шайлоо комиссиясынын мүчөсү шайлоону, референдумдарды

өткөрүү менен байланышкан маселелер боюнча жана Борбордук шайлоо комис-

сиясынын ыйгарым укуктарына тиешелүү жана башка маселелер боюнча мамле-

кеттик органдарга жана жергиликтүү өз алдынча башкаруу органдарына,

алардын кызмат адамдарына, мекемелерге жана уюмдарга, саясий партиялар-

га жана коммерциялык эмес уюмдарга, аскер бөлүктөрүнүн жана бөлүмдөрү-

нүн командирлерине кайрылууга, алдыга коюлган маселелерди карап чыгууга

катышууга укуктуу. Кызмат адамдары Борбордук шайлоо комиссиясынын мүчө-

сүнүн кайрылуусуна кечиктирбестен, ал эми тиешелүү маселени кошумча

иликтөө же текшерүү зарыл болгон учурда үч күндүк мөөнөттө жооп берүүгө

милдеттүү.

2. Борбордук шайлоо комиссиясыныы Төрагасы жана мүчөлөрү тигил же

бул маселе боюнча өзүнүн пикири, сунушу үчүн куугунтукталбайт. Борбор-

дук шайлоо комиссиясынын Төрагасына, мүчөлөрүнө жана аппаратынын кыз-

маткерлерине алардын өздөрүнүн кызматтык милдеттерин аткарышына тос-

коолдук кылуу же кимдир-бирөөнүн пайдасына чечим кабыл алдыруу макса-

тында таасир этүү, зордук көрсөтүп, маскаралоо, ошого тете ушактоо,

алардын кызматтык милдеттерин аткарышы жөнүндө бурмаланган маалыматты

жайылтуу мыйзамдарда каралган жопкерчиликке кириптер кылат.

3. Борбордук шайлоо комиссиясы Президент, Жогорку Кењеш, Өкмөт

дагы башка мамлекеттик органдар тарабынан расмий таратылуучу маалымат-

тык жана маалымдама материалдарды тоскоолдуксуз алуу укугунан пайдала-

нат.

4. Борбордук шайлоо комиссиясынын Төрагасына жана мүчөсүнө алардын

ыйгарым укуктарын жүзөгө ашырышы менен байланышкан бардык чыгымдарынын

ордун толтуруу кепилдиги берилет, ошондой эле Борбордук шайлоо комисси-

ясынын каражаттарынын эсебинен сыйакы төлөнөт.

5. Борбордук шайлоо комиссиясынын мүчөсүнө комиссияда иштеши үчүн

шарттар түзүлөт, комиссияда иштеген мезгилинде зарыл болгон бөлмөлөр,

транспорт жана байланыш каражаттары берилет.

6. Борбордук шайлоо комиссиясынын Төрагасы жана чечүүчү добушка

укуктуу мүчөлөрү шайлоолорду, референдумдарды даярдоо жана өткөрүү мез-

гилинде Президенттин, Жогорку Кењештин (түзүү тартибинде) макулдугу

болмоюнча, кылмыш үстүнөн кармалган жана шайлоо жөнүндө Кодекстин та-

лаптарын бузган учурларды кошпогондо, жазык жоопкерчилигине тартылууга,

кармалууга же камакка алынууга тийиш эмес. Борбордук шайлоо комиссиясы-

нын Төрагасына жана чечүүчү добушка укуктуу мүчөлөрүнө карата жазык иши

Башкы прокурор тарабынан гана козголушу мүмкүн.

(Кыргыз Республикасынын 2005-жылдын 6-январындагы № 4 Мыйзамынын,

2008-жылдын 28-июлундагы № 178 Мыйзамынын редакциясына ылайык)