КР Өкмөтүнүн «Кыргыз Республикасынын Өкмөтүнө караштуу Экономикалык реформалар боюнча кеңеш жөнүндө» токтому

КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ 2020-жылдын 13-ноябры № 551 Кыргыз Республикасынын Өкмөтүнө караштуу Экономикалык реформалар боюнча кеңеш жөнүндө (КР Өкмөтүнүн 2021-жылдын 15-мартындагы № 93 токтомунун редакциясына ылайык) Кыргыз Республикасынын Өкмөтүнүн системалуу, комплекстүү жана координацияланган ишин жүргүзүү, экономикалык кырдаалдын өзгөрүшүнө өз убагында чара көрүү, ишкердикти жана инвестициялык ишти колдоо жана өнүктүрүү боюнча сунуштарды иштеп чыгуу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Кыргыз Республикасынын Өкмөтүнө караштуу Экономикалык реформалар боюнча кеңеш түзүлсүн.

2. Төмөнкүлөр бекитилсин:

- Кыргыз Республикасынын Өкмөтүнө караштуу Экономикалык реформалар боюнча кеңеш жөнүндө жобо, 1-тиркемеге ылайык;

- Кыргыз Республикасынын Өкмөтүнө караштуу Экономикалык реформалар боюнча кеңештин курамы, 2-тиркемеге ылайык.

3. Министрликтер, мамлекеттик комитеттер, административдик ведомстволор, жергиликтүү мамлекеттик администрациялар Кеңештин ишине көмөк көрсөтүшсүн.

4. Төмөнкүлөр күчүн жоготту деп таанылсын:

- Кыргыз Республикасынын Өкмөтүнүн 1993-жылдын 7-июлундагы № 290 "Кыргыз Республикасынын Өкмөтүнө караштуу Бажылык-тарифтик кеңешти түзүү жөнүндө" токтому;

- Кыргыз Республикасынын Өкмөтүнүн 2006-жылдын 8-февралындагы № 78 "Кыргыз Республикасынын Өкмөтүнө караштуу Жогорку экономикалык кеңеш жөнүндө" токтому;

- Кыргыз Республикасынын Өкмөтүнүн 2008-жылдын 16-августундагы № 452 "Кыргыз Республикасынын Өкмөтүнө караштуу Жогорку экономикалык кеңеш жөнүндө" Кыргыз Республикасынын Өкмөтүнүн 2006-жылдын 8-февралындагы № 78 токтомуна өзгөртүүлөрдү киргизүү тууралуу" токтому;

- Кыргыз Республикасынын Өкмөтүнүн 2015-жылдын 12-январындагы № 4 "Жөнгө салуунун тутумдук талдоосу" жөнгө салуучулук реформа боюнча долбоорду ишке ашыруу жөнүндө" токтому;

- Кыргыз Республикасынын Өкмөтүнүн 2015-жылдын 22-декабрындагы № 867 "Кыргыз Республикасында 2030-жылга чейин туруктуу өнүктүрүүнүн максаттарына адаптациялоо, ишке ашыруу жана мониторинг жүргүзүү боюнча координациялык комитет жөнүндө" токтому;

- Кыргыз Республикасынын Өкмөтүнүн 2016-жылдын 2-сентябрындагы № 475 "Кыргыз Республикасынын Өкмөтүнүн 2015-жылдын 22-декабрындагы № 867 "Кыргыз Республикасында 2030-жылга чейин туруктуу өнүктүрүүнүн максаттарына адаптациялоо, ишке ашыруу жана мониторинг жүргүзүү боюнча координациялык комитет жөнүндө" токтомуна өзгөртүүлөрдү киргизүү тууралуу" токтому;

- Кыргыз Республикасынын Өкмөтүнүн 2020-жылдын 4-сентябрындагы № 470 "Кыргыз Республикасынын Өкмөтүнүн баңгизаттарды контролдоо чөйрөсүндөгү айрым чечимдерине өзгөртүүлөрдү киргизүү жөнүндө" токтомунун 4-пункту;

- Кыргыз Республикасынын Өкмөтүнүн 2014-жылдын 11-сентябрындагы № 390 буйругу;

- Кыргыз Республикасынын Өкмөтүнүн 2016-жылдын 18-майындагы № 218-б буйругу;

- Кыргыз Республикасынын Премьер-министринин 2016-жылдын 28-мартындагы № 144 буйругу;

- Кыргыз Республикасынын Премьер-министринин 2016-жылдын 24-августундагы № 476 буйругу.

5. Ушул буйруктун аткарылышын контролдоо Кыргыз Республикасынын Өкмөтүнүн Аппаратынын экономика жана инвестициялар бөлүмүнө жүктөлсүн.

6. Ушул токтом расмий жарыяланган күндөн тартып күчүнө кирет.

Премьер-министр

С.Н. Жапаров

2-тиркеме

Кыргыз Республикасынын Өкмөтүнө караштуу Экономикалык реформалар боюнча кеңештин КУРАМЫ (КР Өкмөтүнүн 2021-жылдын 15-мартындагы № 93 токтомунун редакциясына ылайык) Кыргыз Республикасынын вице-премьер-министри - экономика жана финансы министри, Кеңештин төрагасы; Кыргыз Республикасынын экономика жана финансы министринин орун басары, Кеңештин төрагасынын орун басары(*). Кеңештин мүчөлөрү: Кыргыз Республикасынын Улуттук банкынын төрагасы (макулдашуу боюнча); Кыргыз Республикасынын юстиция министри; Кыргыз Республикасынын ички иштер министри; Кыргыз Республикасынын энергетика жана өнөр жай министри; Кыргыз Республикасынын айыл, суу чарба жана региондорду өнүктүрүү министри; Кыргыз Республикасынын транспорт, архитектура, курулуш жана коммуникациялар министри; Кыргыз Республикасынын Өкмөтүнө караштуу Санариптик өнүктүрүү мамлекеттик кызматынын төрагасы; Кыргыз Республикасынын Өкмөтүнүн Аппаратынын экономика жана инвестициялар бөлүмүнүн башчысы; Кыргыз Республикасынын Өкмөтүнүн Аппаратынын финансы жана кредит саясаты бөлүмүнүн башчысы; Кыргыз Республикасынын Өкмөтүнүн Аппаратынын коргоо, укуктук тартип жана өзгөчө кырдаалдар бөлүмүнүн башчысынын орун басары; Кыргыз Республикасынын Өкмөтүнө караштуу Бизнести өнүктүрүү жана инвестициялар боюнча кеңештин катчылыгынын жетекчиси (макулдашуу боюнча); Кыргыз Республикасынын Бизнес-омбудсменинин орун басары (макулдашуу боюнча); Кыргыз Республикасынын Соода-өнөр жай палатасынын президенти (макулдашуу боюнча); Эл аралык ишкерлер кеңешинин аткаруучу директору (макулдашуу боюнча); Кыргызстандын бизнес курамасынын директору (макулдашуу боюнча); "ЖИА бизнес ассоциациясынын" аткаруучу директору (макулдашуу боюнча); Бизнес ассоциациялар улуттук альянсынын төрагасы (макулдашуу боюнча).

Эскертүү: (*) Кеңештин курамына кызмат орду боюнча киргизилген Кыргыз Республикасынын экономика жана финансы министринин орун басары (биринчи орун басары), Кеңештин төрагасынын орун басары Кыргыз Республикасынын вице-премьер-министри - экономика жана финансы министри, Кеңештин төрагасы тарабынан аныкталат.