Кара-Балта шаарында үй-бүлөлүк салтанаттарды жана маркумду эскерүү ырым-жырымдарын өткөрүүнүн тартиби жөнүндө типтүү жобо (Кара-Балта шаардык кеңешинин токтому менен бекитилген)

| | | Кара-Балта шаардык кеңешинин 2025-жылдын 11-апрелиндеги № 20 токтомуна тиркеме |

Кара-Балта шаарында үй-бүлөлүк салтанаттарды жана маркумду эскерүү ырым-жырымдарын өткөрүүнүн тартиби жөнүндө типтүү жобо

1. Жалпы жоболор;

2. Жобону иштеп чыгуунун, кабыл алуунун (бекитүүнүн) жана күчүнө киргизүүнүн тартиби;

3. Үй-бүлөлүк салтанаттарды өткөрүүнүн тартиби;

4. Маркумду эске алуу ырым-жарымдарын өткөрүүнүн тартиби;

5.Үй-бүлөлүк салтанаттарды жана өлгөндү эске алуу ырым-жырымдарын өткөрүүнү иретке келтирүүчү жергиликтүү комиссия жана кызмат адамдары.

1. Жалпы жоболор

1.1. Бул Жобо Кыргыз Республикасынын Президентинин 2022-жылдын 24-февралындагы № 54 “Кыргыз Республикасында үй-бүлөлүк салтанаттарды жана маркумду эскерүү үрп-адаттарын тартипке келтирүү боюнча чаралар жөнүндө” Жарлыгына ылайык, жергиликтүү калктын өзгөчөлүгүн жана салтын эске алып иштелип чыккан жана жергиликтүү жамааттын жыйынында кабыл алынган эрежелерди камтыйт.

1.2. Жобонун максаты Кара-Балта шаарында үй-бүлөлүк салтанаттарды жана маркумду эскерүү ырым-жырымдарын өткөрүүнү иретке келтирүү, аларды өткөрүүдө убаракерчиликке, өлүк ээсин мажбурлоого, өзүн көрсөтүүгө умтулууга, башка адамдардын социалдык абалын тоготпоого, ашыкча ысырапкорчулукка, терс жөрөлгөлөрдүн күндөлүк турмушта жайылышына бөгөт коюу, элибиздин нукура салт-санаасын жана ырым-жырымдарын кеңири пропагандалоо жана жайылтуу болуп эсептелет.

2. Жобону иштеп чыгуунун, кабыл алуунун (бекитүүнүн) жана күчүнө киргизүүнүн тартиби

2.1. Айыл аймактарда жана шаарда үй-бүлөлүк салтанаттарды жана өлгөндү эске алуу ырым-жырымдарын өткөрүүнүн тартиби жөнүндө жобону (мындан ары жобо) иштеп чыгуу үчүн жергиликтүү өз алдынча башкаруу органдарынын буйругу менен жумушчу топтун курамы бекитилет. Жумушчу топтун курамы Кара-Балта шаарынын мэриясынын, тиешелүү райондук мамлекеттик органдардын кызматкерлеринен, шаардык кеңештин депутаттарынан, ардагерлер кеңешинин, аялдар жана жаштар уюмдарынын, ардагерлер кеңешинин, диний уюмдардын, жергиликтүү коомдоштуктун өкүлдөрүнөн түзүлөт.

2.2. Ушул типтүү жобонун негизинде жумушчу тобу тарабынан иштелип чыккан жобонун долбоору шаардык жыйындарда талкууланат, жалпыга тааныштыруу үчүн такталарга илинет, мэриянын, жергиликтүү мамлекеттик администрациянын сайттарына жайгаштырылат. Келип түшкөн иштиктүү сунуштар эске алынып жобонун долбооруна киргизилет. Иштелип чыккан жобо шаардык кеңештин сессиясында бекитилет.

2.3. Жобону бекитүү жөнүндө шаардык кеңештин токтому белгиленген тартипте юстиция башкармалыгынан каттоодон өткөрүлөт жана шаардык кеңештин, мэриянын сайттарына жарыяланат.

2.4. Жобо ага кызыккан жарандарга жергиликтүү өз алдынча башкаруу органдары, жергиликтүү кеңеш тарабынан токтоосуз тааныштырылат.

3. Үй-бүлөлүк салтанаттарды өткөрүүнүн тартиби

3.1. Үй-бүлөлүк салтанаттарга бешик тою, тушоо кесүү тою, балдарды сүннөткө отургузуу, нике (үйлөнүү) тою, маараке салтанаттары ж.б.кирет.

3.2. Үй-бүлөлүк салтанаттар ысырапкорчулукка жол берилбестен, калыптанып калган жергиликтүү эрежелер тартип боюнча киргизилген чектөөлөрдү жана мал союу боюнча тыюуларды бекем сактоо менен өткөрүлөт.

4. Маркумду эскерүү ырым-жырымдарын өткөрүүнүн тартиби

4.1. Маркумду акыркы сапарга узатууда, аза күтүү күндөрүндө мал жандык союуга тыюу салынат.

4.2. Маркумду эскерүүдө үй-бүлөнүн шартына карап, 1 майда жандыктан ашык союлбоосу шарт.

4.3. Маркумду эске алуу ырым-жырымдары мал союуну эсепке албаганда жер-жерлерде калыптанып калган жергиликтүү эрежелер жана тартип боюнча өткөрүлөт.

4.4. Аялдарга таркатуу үчүн жыртыш же бет арчууларды берүү жагы токтотулсун.

4.5. Маркум чыккан жерге килем көтөрүү, чүпүрөк, токоч жана таттуу кутуларды алып баруу иштерин токтотуу зарыл.

4.6. Маркумду эскерүүнүн жумалыгы, кыркы, жылдыгы, ашы бодо мал, жылкы союу менен өткөрүлбөстөн жакындары менен гана жөнөкөй тартипте өткөрүлөт.

5. Үй-бүлөлүк салтанаттарды жана маркумду эскерүү ырым-жырымдарын өткөрүүнү иретке келтирүүчү жергиликтүү комиссия жана кызмат адамдары

5.1.Жергиликтүү комиссия Кара-Балта шаарынын мэриясында түзүлөт. Анын курамына жергиликтүү мэриянынын, тиешелүү мамлекеттик органдарынын кызматкерлери, шаардык кеңештин депутаттары, маданият мекемесинин, ардагерлердин, аялдардын жана жаштардын уюмдарынын, диний уюмдардын, өкмөттүк эмес уюмдардын, ички иштер бөлүмүнүн өкүлдөрү, жергиликтүү коомдоштуктун өкүлдөрү жана башкалар кирет. Жергиликтүү комиссия мэрдин буйругу менен бекитилет.

5.2.Жергиликтүү комиссиянын мүчөлөрү маркумду эскерүү ырым-жырымы өткөрүлүп жаткан жерге баруусу менен түшүндүрүү иштерин жүргүзөт, аза күтүүдөгү үй-бүлөнү жобонун талаптары менен тааныштырып, ал тууралуу журналга кол койдурат, жобонун талаптарынын аткарылышына мониторинг жана көзөмөл жүргүзөт, жобонун талаптарын бузуу болгон учурда ал жөнүндө журналга каттоо жүргүзөт (же акт түзөт), ал тууралуу комиссияда маселе каралат. Талапты бузган адамдарга карата чаралар жергиликтүү иштеп жаткан мыйзамдын тарабынан колдонулат.

| Мэрдин орун басары | | Рыскулбек у. Н. |