1-берене

"Кыргыз Республикасынын аймагында полимер пленкасынан жасалган пакеттерди жана пластик буюмдарды жүгүртүүнү чектөө жөнүндө" Кыргыз Республикасынын Мыйзамына ("Эркин-Тоо" гезити, 2023-жылдын 15-августу, № 65) төмөнкүдөй өзгөртүүлөр киргизилсин:

1) 3-берене төмөнкүдөй редакцияда баяндалсын:

"3-берене.

1. Ушул Мыйзамда жүгүртүүгө тыюу салынган пластик буюмдардын төмөнкүдөй тизмеги аныкталат:

- кайра иштетүүгө тийиш болбогон бир жолу колдонулуучу пластик идиш;

- пластиктен жасалган бир жолу колдонулуучу жумуртка салгыч;

- кофе үчүн пластик капсулалар;

- азык-түлүк үчүн тор баштык-сумка.

2. Жүгүртүлө турган полимер пленкасынан жасалган пакеттердин жана бир жолу колдонулуучу пластик идиштердин тизмеги Кыргыз Республикасынын Министрлер Кабинети тарабынан аныкталат.";

2) 5 жана 6-беренелер төмөнкүдөй редакцияда баяндалсын:

"5-берене. Ысык-Көл облусунун курорттук-рекреациялык зонасынын, Ысык-Көлдүн парк-пляж зонасынын жана жээк зонасынын аймагында ушул Мыйзамдын 3-беренесинин 1-бөлүгүндө көрсөтүлгөн полимер пленкасынан жасалган пакеттердин жана пластик буюмдардын жүгүртүлүүсүнө тыюу салынат.