Кыргыз Республикасынын Министрлер Кабинетинин # 346-т (Өзгөчө кырдаалга, өзгөчө абалга чара көрүүгө жана кесепеттерин жоюуга жана жабыр тарткандарга бир жолку акчалай төлөмдөрдү берүүгө багытталган ыктыярдуу кайрымдуулуктан түшкөн акча каражаттарын эсепке алуу, бөлүштүрүү, мониторинг жүргүзүү тартибин бекитүү тууралуу) тескемеси

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2025-жылдын 25-апрели № 346-т

Кыргыз Республикасынын Министрлер Кабинетинин 2024-жылдын 23-июлундагы № 413 "Өзгөчө кырдаал жана өзгөчө абал режиминин шарттарында жабыр тарткан аялуу жана максаттуу топторго колдоо көрсөтүү жөнүндө" токтомун ишке ашыруу, өзгөчө кырдаал жана өзгөчө абал мезгилинде турмуштук оор кырдаалда турган адамдарга бир жолку төлөмдөрдү камсыз кылуу үчүн ыктыярдуу кайрымдуулук түрүндө жеке жана юридикалык жактардан түшкөн акча каражаттарын сарамжалдуу жана натыйжалуу бөлүштүрүү максатында, Кыргыз Республикасынын Бюджеттик кодексинин 71-беренесине, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Төмөнкүлөр бекитилсин:

- Өзгөчө кырдаалга, өзгөчө абалга чара көрүүгө жана кесепеттерин жоюуга жана жабыр тарткандарга бир жолку акчалай төлөмдөрдү берүүгө багытталган ыктыярдуу кайрымдуулуктан түшкөн акча каражаттарын эсепке алуу, бөлүштүрүү, мониторинг жүргүзүү тартиби 1-тиркемеге ылайык;

- Жабыр тарткандарга бир жолку акчалай төлөмдөрдү берүү үчүн ыктыярдуу кайрымдуулук түрүндө жеке жана юридикалык жактардан түшкөн акча каражаттарын бөлүштүрүү боюнча комиссиянын курамы 2-тиркемеге ылайык.

2. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

Кыргыз Республикасынын Министрлер Кабинетинин Төрагасы

А.А. Касымалиев

2-тиркеме

Жабыр тарткандарга бир жолку акчалай төлөмдөрдү берүү үчүн ыктыярдуу кайрымдуулук түрүндө жеке жана юридикалык жактардан түшкөн акча каражаттарын бөлүштүрүү боюнча комиссиянын КУРАМЫ

Кыргыз Республикасынын Министрлер Кабинетинин төрагасынын орун басары, Комиссиянын төрагасы; Кыргыз Республикасынын эмгек, социалдык камсыздоо жана миграция министринин биринчи орун басары, Комиссиянын төрагасынын орун басары; Кыргыз Республикасынын Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиктин директорунун орун басары, Комиссиянын төрагасынын орун басары; Кыргыз Республикасынын Эмгек, социалдык камсыздоо жана миграция министрлигинин кызматкери, катчы. Комиссиянын мүчөлөрү: Кыргыз Республикасынын өзгөчө кырдаалдар министринин орун басары; Кыргыз Республикасынын финансы министринин орун басары; Кыргыз Республикасынын саламаттык сактоо министринин орун басары; Кыргыз Республикасынын суу ресурстары, айыл чарба жана кайра иштетүү өнөр жайы министринин орун басары; аймагында өзгөчө кырдаал болгон жергиликтүү мамлекеттик администрациянын жетекчиси.