Кыргыз Республикасынын Саламаттык сактоо министрлигинин 2025-жылдын 12-майы № 477 "Мамлекеттик кызмат көрсөтүүлөрдүн Бирдиктүү реестрине киргизилген Кыргыз Республикасынын Президентинин Иш башкармалыгы тарабынан медициналык кызмат көрсөтүү жаатында көрсөтүлүүчү мамлекеттик кызмат көрсөтүүлөрдүн стандарттарын бекитүү жөнүндө" буйругу

КЫРГЫЗ РЕСПУБЛИКАСЫНЫН САЛАМАТТЫК САКТОО МИНИСТРЛИГИНИН БУЙРУГУ

2025-жылдын 12-майы № 477

Мамлекеттик кызмат көрсөтүүлөрдүн Бирдиктүү реестрине киргизилген Кыргыз Республикасынын Президентинин Иш башкармалыгы тарабынан медициналык кызмат көрсөтүү жаатында көрсөтүлүүчү мамлекеттик кызмат көрсөтүүлөрдүн стандарттарын бекитүү жөнүндө

Кыргыз Республикасынын Министрлер Кабинетинин 2023-жылдын 3-мартындагы №115 “Кыргыз Республикасынын Министрлер Кабинетинин айрым ченем жаратуу ыйгарым укуктарын мамлекеттик органдарга жана жергиликтүү өз алдынча башкаруунун аткаруу органдарына өткөрүп берүү жөнүндө” токтому менен бекитилген Кыргыз Республикасынын мамлекеттик органдарына жана жергиликтүү өз алдынча башкаруунун аткаруу органдарына өткөрүп берилген Кыргыз Республикасынын Министрлер Кабинетинин айрым ченем жаратуу ыйгарым укуктарынын тизмесинин 2 пунктунун ишке ашыруу максатында, буйрук кылам:

1. Кыргыз Республикасынын Министрлер Кабинетинин

2024-жылдын 12-июнундагы № 304 токтому менен бекитилген мамлекеттик кызмат көрсөтүүлөрдүн Бирдиктүү реестрине киргизилген, медициналык кызматтарды көрсөтүү жаатында Кыргыз Республикасынын Президентинин Иш башкармалыгы менен көрсөтүлүүчү мамлекеттик кызмат көрсөтүүлөрдүн төмөнкү стандарттары бекитилсин:

1) бул буйруктун 1-тиркемесине ылайык Кыргыз Республикасынын Президентинин Иш башкармасынын мамлекеттик мекемелеринде медициналык жактан тейлене турган кызмат орундарынын жана адамдардын тизмегине кирбеген, ага бекитилбеген контингентке амбулаториялык деңгээлде консультациялык-диагностикалык жардам көрсөтүү, медициналык кароолорду жана дарылоо иш-чараларын, суу процедураларын жүргүзүү (мамлекеттик кызмат көрсөтүүлөрдүн Бирдиктүү Реестринин 2-главасынын 28-пункту);

2) бул буйруктун 2-тиркемесине ылайык Кыргыз Республикасынын Президентинин Иш башкармасынын мамлекеттик мекемелеринде медициналык жактан тейлене турган кызмат орундарынын жана адамдардын тизмегине ылайык ага бекитилген контингентке амбулаториялык деңгээлде консультациялык-диагностикалык жардам көрсөтүү, медициналык кароолорду жана дарылоо иш-чараларын жүргүзүү (мамлекеттик кызмат көрсөтүүлөрдүн Бирдиктүү Реестринин 2-главасынын 29-пункту);

3) бул буйруктун 3-тиркемесине ылайык Кыргыз Республикасынын Президентинин Иш башкармасынын мамлекеттик мекемелеринде медициналык жактан тейлене турган кызмат орундарынын жана адамдардын тизмегине кирбеген, ага бекитилбеген контингентке адистештирилген стационарларда медициналык жардам көрсөтүү (мамлекеттик кызмат көрсөтүүлөрдүн Бирдиктүү Реестринин 2-главасынын 30-пункту);

4) бул буйруктун 4-тиркемесине ылайык Кыргыз Республикасынын Президентинин Иш башкармасынын мамлекеттик мекемелеринде медициналык жактан тейлене турган кызмат орундарынын жана адамдардын тизмегине ылайык ага бекитилген контингентке адистештирилген стационарларда медициналык жардам көрсөтүү (мамлекеттик кызмат көрсөтүүлөрдүн Бирдиктүү Реестринин 2-главасынын 31-пункту);

5) бул буйруктун 5-тиркемесине ылайык Кыргыз Республикасынын Президентинин Иш башкармасынын мамлекеттик мекемелеринде медициналык жактан тейлене турган кызмат орундарынын жана адамдардын тизмегине кирбеген, ага бекитилбеген контингентке медициналык жардамдын жогорку технологиялык түрлөрүн көрсөтүү (мамлекеттик кызмат көрсөтүүлөрдүн Бирдиктүү Реестринин 2-главасынын 32-пункту);

6) бул буйруктун 6-тиркемесине ылайык Кыргыз Республикасынын Президентинин Иш башкармасынын мамлекеттик мекемелеринде медициналык жактан тейлене турган кызмат орундарынын жана адамдардын тизмегине ылайык ага бекитилген контингентке медициналык жардамдын жогорку технологиялык түрлөрүн көрсөтүү (мамлекеттик кызмат көрсөтүүлөрдүн Бирдиктүү Реестринин 2-главасынын 33-пункту);

7) бул буйруктун 7-тиркемесине ылайык Кыргыз Республикасынын Президентинин Иш башкармасынын мамлекеттик мекемелеринде медициналык жактан тейлене турган кызмат орундарынын жана адамдардын тизмегине кирбеген, ага бекитилбеген контингентке реабилитациялык медициналык жардам көрсөтүү (мамлекеттик кызмат көрсөтүүлөрдүн Бирдиктүү Реестринин 2-главасынын 34-пункту);

8) бул буйруктун 8-тиркемесине ылайык Кыргыз Республикасынын Президентинин Иш башкармасынын мамлекеттик мекемелеринде медициналык жактан тейлене турган кызмат орундарынын жана адамдардын тизмегине ылайык ага бекитилген контингентке реабилитациялык медициналык жардам көрсөтүү (мамлекеттик кызмат көрсөтүүлөрдүн Бирдиктүү Реестринин 2-главасынын 35-пункту);

9) бул буйруктун 9-тиркемесине ылайык Кыргыз Республикасынын Президентинин Иш башкармасынын мамлекеттик мекемелеринде медициналык жактан тейлене турган кызмат орундарынын жана адамдардын тизмегине кирбеген, ага бекитилбеген контингентке стоматологиялык жардам көрсөтүү (мамлекеттик кызмат көрсөтүүлөрдүн Бирдиктүү Реестринин 2-главасынын 36-пункту);

10) бул буйруктун 10-тиркемесине ылайык Кыргыз Республикасынын Президентинин Иш башкармасынын мамлекеттик мекемелеринде медициналык жактан тейлене турган кызмат орундарынын жана адамдардын тизмегине ылайык ага бекитилген контингентке стоматологиялык жардам көрсөтүү (мамлекеттик кызмат көрсөтүүлөрдүн Бирдиктүү Реестринин 2-главасынын 37-пункту);

11) бул буйруктун 11-тиркемесине ылайык Кыргыз Республикасынын Президентинин Иш башкармасынын мамлекеттик мекемелеринде медициналык жактан тейлене турган кызмат орундарынын жана адамдардын тизмегине ылайык ага бекитилген контингентке стоматологиялык жардам көрсөтүү (кымбат жана жаңы муундагы препараттар жана медикаменттер) (мамлекеттик кызмат көрсөтүүлөрдүн Бирдиктүү Реестринин 2-главасынын 38-пункту);

12) бул буйруктун 12-тиркемесине ылайык Кыргыз Республикасынын Президентинин Иш башкармасынын мамлекеттик мекемелеринде медициналык тейлене турган кызмат орундарынын жана адамдардын тизмегине кирбеген, ага бекитилбеген контингентке тиешелүү бейтапты ооруканага жеткирүү, шашылыш көрсөткүчтөр боюнча бир ооруканадан экинчиге ташуу (мамлекеттик кызмат көрсөтүүлөрдүн Бирдиктүү Реестринин 2-главасынын 39-пункту);

13) бул буйруктун 13-тиркемесине ылайык Кыргыз Республикасынын Президентинин Иш башкармасынын мамлекеттик мекемелеринде медициналык жактан тейлене турган кызмат орундарынын жана адамдардын тизмегине ылайык ага бекитилген контингентке тиешелүү бейтапты ооруканага жеткирүү, шашылыш көрсөткүчтөр боюнча бир ооруканадан экинчиге ташуу (КРПИБдин тиешелүү мамлекеттик мекемеси жайгашкан калктуу конуштун чегинде) (мамлекеттик кызмат көрсөтүүлөрдүн Бирдиктүү Реестринин 2-главасынын 40-пункту);

2. Бул буйрук катталган күндөн тартып үч жумуш күндүн ичиндеМЖУжанаДСБнын жетекчиси (Ибраева Н.С.):

1) анын Кыргыз Республикасынын Саламаттык сактоо министрлигинин расмий сайтында расмий жарыяланышын камсыз кылсын;

2) расмий жарыяланган күндөн тартып үч жумушчу күндүн ичинде бул буйруктун кагаз жана электрондук көчүрмөлөрүн алып жүрүүчүлөргө аталган ченемдик укуктук актыны жарыялоо булагын көрсөтүү менен Ченемдик укуктук актылардын мамлекеттик реестрине киргизүү үчүн Кыргыз Республикасынын Юстиция министрлигине, жана маалымат үчүн Кыргыз Республикасынын Президентинин Администрациясына жөнөтсүн.

3. Бул буйруктун аткарылышын контролдоо министрдин орун басары К.К. Байдавлетовго жүктөлсүн.

4. Бул буйрук расмий жарыяланган күндөн тартып жети жумушчу күн өткөндөн кийин күчүнө кирет.

Министр

Э.М. Чечейбаев

КР ССМнин 2025-жылдын 12-майындагы № 477 буйругуна 1-тиркеме

1. Мамлекеттик кызмат көрсөтүүнүн паспорту

1

Кызмат көрсөтүүнүн аталышы

Кыргыз Республикасынын Президентинин Иш башкармасынын мамлекеттик мекемелеринде медициналык жактан тейлене турган кызмат орундарынын жана адамдардын тизмегине кирбеген, ага бекитилбеген контингентке амбулаториялык деңгээлде консультациялык-диагностикалык жардам көрсөтүү, медициналык кароолорду жана дарылоо иш-чараларын, суу процедураларын жүргүзүү - Мамлекеттик кызмат көрсөтүүлөрдүн бирдиктүү реестринин 2-главасынын 28-пункту

2

Кызматты көрсөткөн мамлекеттик органдын (мекеменин) толук аталышы

Кыргыз Республикасынын Президентинин Иш башкармасынын мамлекеттик мекемелери (мындан ары – КР ПИБ ММ)

3

Мамлекеттик кызмат көрсөтүүнү керектөөчүлөр

Кыргыз Республикасынын жарандары жана чет өлкөлүк жарандар, жарандыгы жок адамдар

4

Мамлекеттик кызмат көрсөтүүнү алуунун укуктук негиздери

Кыргыз Республикасынын Конституциясы; Кыргыз Республикасынын мыйзамдары:

- «Кыргыз Республикасында жарандардын саламаттыгын сактоо жөнүндө»;

- «Кыргыз Республикасында жарандарды медициналык камсыздандыруу жөнүндө»;

- «Дары каражаттарын жүгүртүү жөнүндө»;

Кыргыз Республикасынын Президентинин 2022-жылдын 18-майындагы №155 Жарлыгы менен бекитилген Кыргыз Республикасынын Президентинин Иш башкармасы жөнүндө жобо; Кыргыз Республикасынын Өкмөтүнүн 2000-жылдын 15-июнундагы № 346 "Чет өлкөлүк жарандарды медициналык тейлөө жөнүндө" токтому;

5

Көрсөтүлгөн мамлекеттик кызматтын акыркы жыйынтыгы

Мамлекеттик кызматтын акыркы жыйынтыгы керектөөчүнүн кайрылуу себебине жана медициналык көрсөткүчтөргө жараша төмөнкүлөрдүн бирөө же бир нечеси болушу мүмкүн:

- диагностикалык-кеңеш берүү жардамы (кароо, текшерүү, дарылоону дайындоо, рецепт жазып берүү);

- медициналык кароо;

- дарылоо иш-чараларын жана суу процедураларын жүргүзүү (дарыгердин дайындоосу боюнча)

- текшерүү, дарылоо сунуштары жана маалыматтары менен амбулатордук картадан жазып берүү (талап боюнча);

- бекитилген формадагы маалымкат же убактылуу эмгекке жарамсыздык барагы (талап боюнча);

- башка саламаттык сактоо уюмдарына жолдомо (көрсөтмөлөр боюнча) жана медициналык-социалдык экспертизадан өтүү үчүн жиберүү

6

Мамлекеттик кызмат көрсөтүүнүн шарттары

Кызмат көрсөтүү белгиленген санитардык ченемдерге жооп берген бөлмөлөрдө жүргүзүлөт. Бөлмөлөр жылытуу мезгилинде жылытылат, КР ПИБ ММ күтүү үчүн орундар, суу түтүктөрү, канализация менен жабдылган, бейтаптар зарыл болсо телефон колдоно алышат. Жарандардын имаратка жана санитардык-гигиеналык бөлмөлөргө (даараткана, жуунуучу бөлмөлөр) тоскоолдуксуз кирүү мүмкүндүгү камсыздалган. Кызмат көрсөтүү үчүн керектүү медициналык жабдуу жана инвентарь камсыздалган. Жарандарды кабыл алуу алар кайрылган күнү, кезек боюнча же алдын ала жазылуу, анын ичинде электрондук жазылуу боюнча жүргүзүлөт. Келүүчүлөрдүн ыңгайлуулугу үчүн кызмат көрсөтүлүүчү жерлерде кызмат алуу үчүн зарыл документтердин тизмеси жайгаштырылат

7

Мамлекеттик кызмат көрсөтүүнүн мөөнөтү

Күтүү убактысы - 30 мүнөткө чейин. Кызмат көрсөтүү убактысы - оорунун катуулугуна жараша жекече. Жыйынтыгын берүүгө убакыт - 1 саатка чейин (убакыт амбулатордук картадан, стационар ордуна болуучу палата/бөлүмдөр карталарынан жазып берүүгө, маалымкатты, убактылуу эмгекке жарамсыздык барагын, башка саламаттык сактоо уюмдарына жолдомону жазууга, анализ берүүгө эсептелген)

2. Мамлекеттик кызматтын көрсөтүүнү алуучуларга маалымат берүү

8

Керектөөчүгө берилүүчү мамлекеттик кызмат көрсөтүүлөр (керектүү маалыматтын тизмеси) жана стандартташтырууга жооптуу мамлекеттик орган жөнүндө маалымат берүү

Мамлекеттик кызмат көрсөтүү жөнүндө маалыматты, анын ичинде кызмат көрсөтүүчү мекеменин жайгашкан жери, анын иш графиги жөнүндө маалыматты төмөнкүлөрдөн алууга болот:

- Кыргыз Республикасынын Президентинин Иш башкармасынын сайттарында (мындан ары – КР ПИБ) жана КР ПИБ караштуу “Клиникалык оорукана” мамлекеттик мекемесинин (мындан ары – Клиникалык оорукана): www.ud.gov.kg и www.kbudp.kg;

- КР ПИБ ММге жеке кайрылууда;

- кызмат көрсөтүлө турган пункттарда жайгаштырылган маалымат стенддеринен, брошюралардан, буклеттерден.

Маалымат мамлекеттик жана расмий тилдерде берилет. Мамлекеттик кызмат көрсөтүүнү стандартташтырууга жооптуу мамлекеттик орган болуп саламаттык сактоо тармагындагы ыйгарым укуктуу мамлекеттик орган саналат

9

Кызмат көрсөтүү жөнүндө маалыматты жайылтуунун ыкмалары

Көрсөтүлүүчү кызмат жөнүндө маалымат төмөнкүлөр аркылуу жайылтылат:

- жалпыга маалымдоо каражаттары (гезиттер, радио, телекөрсөтүү);

- Клиникалык оорукананын: www.kbudp.kg сайты;

- КР ПИБ: www.ud.gov.kg сайты;

- электрондук кызматтардын мамлекеттик порталында (portal.tunduk.kg.);

- маалымат стенддери, брошюралар, буклеттер;

- жеке кайрылуу жана телефон менен байланышуу

3. Тейлөө жана мамлекеттик кызмат көрсөтүү

10

Келүүчүлөр менен пикир алмашуу

КР ПИБ ММде кызмат көрсөтүүгө тийиштүү кызматкерлердин кабинеттеринин эшиктеринде маалымат тактачалары жайгаштырылат. Калк менен иш алып барган бардык кызматкерлердин аты-жөнү, кызмат орду көрсөтүлгөн жекелештирилген тактачалары (таанытмалары) болот. Келүүчүлөр менен пикир алмашууда кызматкерлер төмөндөгү негизги этика принциптерин сакташат: адептүү, ак ниет, сыпайы, сабырдуу, принциптүү болуу, маселенин маңызын терең түшүнүүгө умтулуу, маектешин уга билүү жана анын позициясын түшүнүү, ошондой эле кабыл алынуучу чечимдерди далилдөө. Кыргыз Республикасынын мыйзамдарын бузууга жол бербеген, этикалык ченемдердин сакталышын, көз карандысыздыкты жана объективдүүлүктү камсыз кылган, кызыкчылыктардын кагылышын болтурбаган кызматтык нускамалар (функциялык милдеттер) жана кесиптик-этикалык ченемдер бардык кызматкерлер тарабынан сакталууга тийиш

11

Купуялуулукту камсыздоо ыкмалары

Керектөөчү жана, ага көрсөтүлгөн кызмат жөнүндө маалымат Кыргыз Республикасынын мыйзамдарында каралган негиздер боюнча гана үчүнчү адамдарга суроо-талап боюнча берилиши мүмкүн

12

Керектүү документтердин жана/же мамлекеттик кызмат көрсөтүүнү керектөөчүлөрдүн иш-аракеттеринин тизмеси

Керектөөчү кызмат алуу үчүн төмөнкүлөр керек:

- ким экендигин күбөлөндүрүүчү документ (паспорт, туулгандыгы тууралуу күбөлүк, аскердик билет, туулгандыгы тууралуу маалымкат же ушул эле документ санариптик форматтагы “Түндүк” мобилдүү тиркемеси аркылуу) көрсөтүү;

- КР ПИБ ММдин кассасына медициналык кызматтын наркын төлөө, төлөм тууралуу квитанция алуу;

- тиешелүү адиске (дарыгерге) кайрылуу;

- лабораториялык-диагностикалык изилдөө зарылдыгы болгондо медициналык кызматкерден жолдомону көрсөтүү.

Кызмат көрсөтүүчү башка мамлекеттик органдардан жана жергиликтүү өз алдынча башкаруу органдардан арыз ээси жөнүндө маалыматты белгиленген тартипте "Түндүк" ведомстволор аралык өз ара аракеттенүү системасы аркылуу алууга укуктуу

13

Мамлекеттик кызмат көрсөтүүнүн сапатынын параметрлери

Мамлекеттик кызмат акы төлөмө негизде көрсөтүлөт. Кызмат көрсөтүүнүн наркы баалардын прейскурантында чагылдырылат, ал КР ПИБ ММ жана Клиникалык оорукананын маалымат стенддеринде жана расмий сайтында: www.ud.gov.kg, www.kbudp.kg жайгашкан. Баалардын прейскуранты Кыргыз Республикасынын Өкмөтүнүн 2000-жылдын 26-октябрындагы № 637 токтому менен бекитилген Мамлекеттик жана муниципалдык кызматтарды көрсөтүү (иштерди) үчүн акы төлөөнүн өлчөмүн аныктоонун тартибине ылайык монополияга каршы жөнгө салуу чөйрөсүндөгү ыйгарым укуктуу мамлекеттик орган менен макулдашуу боюнча КР ПИБ ММдин жетекчилигинин буйругу менен бекитилет

14

Мамлекеттик кызмат көрсөтүүнүн сапатынын параметрлери

Мамлекеттик кызмат көрсөтүүнүн сапаты төмөнкү критерийлер менен аныкталат:

- кызмат жогорку квалификациялуу адистер тарабынан көрсөтүлүшү;

- мамлекеттик кызмат көрсөтүүдө кызматкерлердин сыпайылыгы жана сылыктыгы;

- кызмат көрсөтүү үчүн заманбап медициналык жабдуу жана инвентарь менен жабдылышы;

- көрсөтүлө турган кызматтын стандартында билдирилген кызмат көрсөтүүнүн шарттарына жана мөөнөттөрүнө ылайык толук жана өз убагында берилиши;

- жынысы, расасы, тили, майыптыгы, этностук таандыгы, диний ишеними, курагы, саясий жана башка ынанымдары, билими, теги, мүлктүк жана башка абалы, ошондой эле башка жагдайлар боюнча басмырлоого жол бербөө;

- кызмат көрсөтүүнү алуу үчүн жарандардан стандартта көрсөтүлгөн документтерди гана талап кылуу, алардын жеткиликтүүлүгү;

- кызмат көрсөтүү шарттарынын ылайык келүүсү: имаратка, бөлмөгө майыптыгы бар кирүү мүмкүндүгү, коммуналдык-тиричилик жагынан ыңгайлуу болушу, жарандар үчүн ыңгайлуу график, маалыматтык колдоонун (басма жана электрондук форматтарда) болушу жана жеткиликтүүлүгү;

- алган кызматка керектөөчүлөрдүн канааттануусу;

- жарандардын даттануу жана сунуш берүү китебинин жеткиликтүү жерде болушу

15

Электрондук форматта кызмат көрсөтүү

Электрондук форматта кызмат көрсөтүлбөйт

4. Мамлекеттик кызмат көрсөтүүдөн баш тартуу жана даттануу тартиби

16

Мамлекеттик кызмат көрсөтүүдөн баш тартуу

Мамлекеттик кызмат көрсөтүүдөн төмөнкү учурларда баш тартылат:

- КР ПИБ ММде тиешелүү багыттагы адистин жоктугу (онкология, СПИД, тери жана венерология оорулары, жаракаттар, төрөт);

- эгерде бейтап дарыгердин тапшырмасын аткарбаса (КР ПИБ ММдин жетекчиси менен макулдашуу боюнча баш тартуу);

- жардам алууда медициналык каршы көрсөтүүлөр болгондо;

- керектөөчү кызматка баалардын бекитилген прейскурантына ылайык төлөөдөн баш тартуусу.

Кызмат көрсөтүүнү керектөөчүнүн өмүрүн жана ден соолугун камсыздоо маселеси боюнча кызматтарды көрсөтүү учурунда жана мыйзамдарда каралган башка учурларда баш тартууга жол берилбейт

17

Даттануу тартиби

Талаптагыдай кызмат көрсөтүлбөгөндө керектөөчү КР ПИБ ММдин жетекчилигине оозеки же жазуу жүзүндө арыз менен кайрылууга укуктуу. Керектөөчүнүн атынан кызмат көрсөтүүгө анын мыйзамдуу өкүлдөрү даттана алышат. Жазуу жүзүндөгү арыз эркин формада берилет жана анда кызмат көрсөтүүнү керектөөчүнүн аты-жөнү, жашаган дареги, телефон номери, ошондой эле доо-талабынын маңызы, кызмат алуучунун колу жана датасы камтылат. Ыйгарым укуктуу кызматкер даттанууну 1 жумуш күндүн ичинде каттайт жана жетекчиликтин кароосуна берет. Даттанууларды жана доолорду кароо КР ПИБ ММдин жана анын түзүмдүк бөлүктөрүнүн жетекчилиги тарабынан белгиленген тартипте жүзөгө ашырылат. Жазуу жүзүндөгү кайрылууну кароо жана керектөөчүгө жообун жиберүү мөөнөтү ал катталгандан тартып 14 календардык күндөн ашпоого тийиш. Маселе чечилбеген учурда керектөөчү саламаттык сактоо тармагындагы ыйгарым укуктуу мамлекеттик органдын жетекчилигине кайрылууга укуктуу. Даттанууларды жана доолорду кароо белгиленген тартипте саламаттык сактоо тармагындагы ыйгарым укуктуу мамлекеттик органдын жетекчилиги тарабынан жүзөгө ашырылат.

18

Мамлекеттик кызмат көрсөтүүнүн стандартын кайра карап чыгуунун мезгилдүүлүгү

Мамлекеттик кызмат көрсөтүүнүн стандарты үч жылда бир жолудан кем эмес мезгилдүүлүктө дайыма кайра каралып турууга тийиш

КР ССМнин 2025-жылдын 12-майындагы № 477 буйругуна 2-тиркеме

1. Мамлекеттик кызмат көрсөтүүнүн паспорту

1

Кызмат көрсөтүүнүн аталышы

Кыргыз Республикасынын Президентинин Иш башкармасынын мамлекеттик мекемелеринде медициналык жактан тейлене турган кызмат орундарынын жана адамдардын тизмегине ылайык ага бекитилген контингентке амбулаториялык деңгээлде консультациялык-диагностикалык жардам көрсөтүү, медициналык кароолорду жана дарылоо иш-чараларын жүргүзүү - Мамлекеттик кызмат көрсөтүүлөрдүн бирдиктүү реестринин 2-главасынын 29-пункту

2

Кызматты көрсөткөн мамлекеттик органдын (мекеменин) толук аталышы

Кыргыз Республикасынын Президентинин иш башкармасына караштуу «Клиникалык оорукана» Мамлекеттик мекемеси(мындан ары – Клиникалык оорукана)

3

Мамлекеттик кызмат көрсөтүүнү керектөөчүлөр

Кыргыз Республикасынын жарандары Кыргыз Республикасынын Министрлер Кабинетинин тиешелүү буйругу менен бекитилүүчү клиникалык ооруканада медициналык тейлене турган кызмат орундарынын жана адамдардын тизмесине ылайык

4

Мамлекеттик кызмат көрсөтүүнү алуунун укуктук негиздери

Кыргыз Республикасынын Конституциясы; Кыргыз Республикасынын мыйзамдары:

- «Кыргыз Республикасында жарандардын саламаттыгын сактоо жөнүндө»;

- «Кыргыз Республикасында жарандарды медициналык камсыздандыруу жөнүндө»;

- «Кыргыз Республикасындагы АИВ/СПИД жөнүндө»;

- «Калкты кургак учуктан сактоо жөнүндө»;

- «Йод жетишсиздигинен болуучу оорулардын алдын алуу жөнүндө»;

- «Дары каражаттарын жүгүртүү жөнүндө»;

Кыргыз Республикасынын Президентинин 2022-жылдын 18-майындагы №155 Жарлыгы менен бекитилген Кыргыз Республикасынын Президентинин Иш башкармасы жөнүндө жобо

5

Көрсөтүлгөн мамлекеттик кызматтын акыркы жыйынтыгы

Мамлекеттик кызматтын акыркы жыйынтыгы керектөөчүнүн кайрылуу себебине жана медициналык көрсөткүчтөргө жараша төмөнкүлөрдүн бирөө же бир нечеси болушу мүмкүн:

- диагностикалык-кеңеш берүү жардамы (кароо, текшерүү, дарылоону дайындоо, рецепт жазып берүү);

- медициналык кароо;

- текшерүү, дарылоо сунуштары жана маалыматтары менен амбулатордук картадан жазып берүү (талап боюнча);

- бекитилген формадагы маалымкат же убактылуу эмгекке жарамсыздык барагы (талап боюнча);

- башка саламаттык сактоо уюмдарына жолдомо (көрсөтмөлөр боюнча) жана медициналык-социалдык экспертизадан өтүү үчүн жиберүү

6

Мамлекеттик кызмат көрсөтүүнүн шарттары

Кызмат көрсөтүү белгиленген санитардык ченемдерге жооп берген бөлмөлөрдө жүргүзүлөт. Бөлмөлөр жылытуу мезгилинде жылытылат, Клиникалык оорукана күтүү үчүн орундар, суу түтүктөрү, канализация менен жабдылган, бейтаптар зарыл болсо телефон колдоно алышат. Жарандардын имаратка жана санитардык-гигиеналык бөлмөлөргө (даараткана, жуунуучу бөлмөлөр) тоскоолдуксуз кирүү мүмкүндүгү камсыздалган. Кызмат көрсөтүү үчүн керектүү медициналык жабдуу жана инвентарь камсыздалган. Жарандарды кабыл алуу алар кайрылган күнү, кезек боюнча же алдын ала жазылуу, анын ичинде электрондук жазылуу боюнча жүргүзүлөт. Келүүчүлөрдүн ыңгайлуулугу үчүн кызмат көрсөтүлүүчү жерлерде кызмат алуу үчүн зарыл документтердин тизмеси жайгаштырылат

7

Мамлекеттик кызмат көрсөтүүнүн мөөнөтү

Күтүү убактысы - 30 мүнөткө чейин. Кызмат көрсөтүү убактысы - оорунун катуулугуна жараша жекече. Жыйынтыгын берүүгө убакыт - 1 саатка чейин (убакыт амбулатордук картадан, стационар ордуна болуучу палата/бөлүмдөр карталарынан жазып берүүгө, маалымкатты, убактылуу эмгекке жарамсыздык барагын, башка саламаттык сактоо уюмдарына жолдомону жазууга, анализ берүүгө эсептелген)

2. Мамлекеттик кызматтын көрсөтүүнү алуучуларга маалымат берүү

8

Керектөөчүгө берилүүчү мамлекеттик кызмат көрсөтүүлөр (керектүү маалыматтын тизмеси) жана стандартташтырууга жооптуу мамлекеттик орган жөнүндө маалымат берүү

Мамлекеттик кызмат көрсөтүү жөнүндө маалыматты, анын ичинде кызмат көрсөтүүчү мекеменин жайгашкан жери, анын иш графиги жөнүндө маалыматты төмөнкүлөрдөн алууга болот:

- Кыргыз Республикасынын Президентинин Иш башкармасынын (мындан ары– КР ПИБ ) жана клиникалык оорукананын www.ud.gov.kg , www.kbudp.kg сайтынан;

- клиникалык ооруканага жеке кайрылууда;

- кызмат көрсөтүлө турган пункттарда жайгаштырылган маалымат стенддеринен, брошюралардан, буклеттерден.

Жарандар кайрылган күнү жандуу кезек тартибинде кабыл алынат. Маалымат мамлекеттик жана расмий тилдерде берилет. Мамлекеттик кызмат көрсөтүүнү стандартташтырууга жооптуу мамлекеттик орган болуп саламаттык сактоо тармагындагы ыйгарым укуктуу мамлекеттик орган саналат

9

Кызмат көрсөтүү жөнүндө маалыматты жайылтуунун ыкмалары

Көрсөтүлүүчү кызмат жөнүндө маалымат төмөнкүлөр аркылуу жайылтылат:

- жалпыга маалымдоо каражаттары (гезиттер, радио, телекөрсөтүү);

- клиникалык оорукананын www.kbudp.kg сайтында;

- КР ПИБ www.ud.gov.kg сайтында;

- электрондук кызматтардын мамлекеттик порталында (portal.tunduk.kg.);

- маалымат стенддери, брошюралар, буклеттер;

- жеке кайрылуу жана телефон менен байланышуу

3. Тейлөө жана мамлекеттик кызмат көрсөтүү

10

Келүүчүлөр менен пикир алмашуу

Клиникалык ооруканада кызмат көрсөтүүгө тийиштүү кызматкерлердин кабинеттеринин эшиктеринде маалымат тактачалары жайгаштырылат. Келүүчүлөр менен иш алып барган бардык кызматкерлердин аты-жөнү, кызмат орду көрсөтүлгөн жекелештирилген тактачалары (таанытмалары) болот. Келүүчүлөр менен пикир алмашууда кызматкерлер төмөндөгү негизги этика принциптерин сакташат: адептүү, ак ниет, сыпайы, сабырдуу, принциптүү болуу, маселенин маңызын терең түшүнүүгө умтулуу, маектешин уга билүү жана анын позициясын түшүнүү, ошондой эле кабыл алынуучу чечимдерди далилдөө. Кыргыз Республикасынын мыйзамдарын бузууга жол бербеген, этикалык ченемдердин сакталышын, көз карандысыздыкты жана объективдүүлүктү камсыз кылган, кызыкчылыктардын кагылышын болтурбаган кызматтык нускамалар (функциялык милдеттер) жана кесиптик-этикалык ченемдер бардык кызматкерлер тарабынан сакталууга тийиш

11

Купуялуулукту камсыздоо ыкмалары

Керектөөчү жана, ага көрсөтүлгөн кызмат жөнүндө маалымат Кыргыз Республикасынын мыйзамдарында каралган негиздер боюнча гана үчүнчү адамдарга суроо-талап боюнча берилиши мүмкүн

12

Керектүү документтердин жана/же мамлекеттик кызмат көрсөтүүнү керектөөчүлөрдүн иш-аракеттеринин тизмеси

Керектөөчү кызмат алуу үчүн төмөнкүлөр керек:

- ким экендигин күбөлөндүрүүчү документ (паспорт, туулгандыгы тууралуу күбөлүк, аскердик билет, туулгандыгы тууралуу маалымкат же ушул эле документ санариптик форматтагы “Түндүк” мобилдүү тиркемеси аркылуу) көрсөтүү;

- КР ПИБ ММдин кассасына медициналык кызматтын наркын төлөө, төлөм тууралуу квитанция алуу;

- тиешелүү адиске (дарыгерге) кайрылуу;

- лабораториялык-диагностикалык изилдөө зарылдыгы болгондо медициналык кызматкерден жолдомону көрсөтүү.

Кызмат көрсөтүүчү башка мамлекеттик органдардан жана жергиликтүү өз алдынча башкаруу органдардан арыз ээси жөнүндө маалыматты белгиленген тартипте "Түндүк" ведомстволор аралык өз ара аракеттенүү системасы аркылуу алууга укуктуу

13

Мамлекеттик кызмат көрсөтүүнүн сапатынын параметрлери

Мамлекеттик кызмат акысыз негизде көрсөтүлөт

14

Мамлекеттик кызмат көрсөтүүнүн сапатынын параметрлери

Мамлекеттик кызмат көрсөтүүнүн сапаты төмөнкү критерийлер менен аныкталат:

- кызмат жогорку квалификациялуу адистер тарабынан көрсөтүлүшү;

- мамлекеттик кызмат көрсөтүүдө кызматкерлердин сыпайылыгы жана сылыктыгы;

- кызмат көрсөтүү үчүн заманбап медициналык жабдуу жана инвентарь менен жабдылышы;

- көрсөтүлө турган кызматтын стандартында билдирилген кызмат көрсөтүүнүн шарттарына жана мөөнөттөрүнө ылайык толук жана өз убагында берилиши;

- жынысы, расасы, тили, майыптыгы, этностук таандыгы, диний ишеними, курагы, саясий жана башка ынанымдары, билими, теги, мүлктүк жана башка абалы, ошондой эле башка жагдайлар боюнча басмырлоого жол бербөө;

- кызмат көрсөтүүнү алуу үчүн жарандардан стандартта көрсөтүлгөн документтерди гана талап кылуу, алардын жеткиликтүүлүгү;

- кызмат көрсөтүү шарттарына ылайык келүүсү: имаратка, бөлмөгө майыптыгы бар кирүү мүмкүндүгү, коммуналдык-тиричилик жагынан ыңгайлуу болушу, жарандар үчүн ыңгайлуу график, маалыматтык колдоонун (басма жана электрондук форматтарда) болушу жана жеткиликтүүлүгү;

- алган кызматка керектөөчүлөрдүн канааттануусу;

- жарандардын даттануу жана сунуш берүү китебинин жеткиликтүү жерде болушу

15

Электрондук форматта кызмат көрсөтүү

Кызмат Клиникалык ооруканага жеке кайрылганда берилет Электрондук форматта кызмат көрсөтүлбөйт

4. Мамлекеттик кызмат көрсөтүүдөн баш тартуу жана даттануу тартиби

16

Мамлекеттик кызмат көрсөтүүдөн баш тартуу

Мамлекеттик кызмат көрсөтүүдөн төмөнкү учурларда баш тартылат:

- клиникалык ооруканада тиешелүү багыттагы адистин жоктугу (онкология, СПИД, тери жана венерология оорулары, жаракаттар, төрөт);

- эгерде бейтап дарыгердин тапшырмасын аткарбаса (Клиникалык оорукананын жетекчиси менен макулдашуу боюнча баш тартуу);

- жардам алууда медициналык каршы көрсөтүүлөр болгондо;

- керектөөчү ушул стандарттын 12-пунктунда каралган керектүү документтерди бербегенде.

Кызмат көрсөтүүнү керектөөчүнүн өмүрүн жана ден соолугун камсыздоо маселеси боюнча кызматтарды көрсөтүү учурунда жана мыйзамдарда каралган башка учурларда баш тартууга жол берилбейт

17

Даттануу тартиби

Талаптагыдай кызмат көрсөтүлбөгөндө керектөөчү Клиникалык оорукананын жетекчилигине оозеки же жазуу жүзүндө арыз менен кайрылууга укуктуу. Керектөөчүнүн атынан кызмат көрсөтүүгө анын мыйзамдуу өкүлдөрү даттана алышат. Жазуу жүзүндөгү арыз эркин формада берилет жана анда кызмат көрсөтүүнү керектөөчүнүн аты-жөнү, жашаган дареги, телефон номери, ошондой эле доо-талабынын маңызы, кызмат алуучунун колу жана датасы камтылат. Ыйгарым укуктуу кызматкер даттанууну 1 жумуш күндүн ичинде каттайт жана жетекчиликтин кароосуна берет. Даттанууларды жана доолорду кароо белгиленген тартипте Клиникалык оорукананын жана анын түзүмдүк бөлүктөрүнүн жетекчилиги тарабынан жүзөгө ашырылат. Маселе чечилбеген учурда керектөөчү саламаттык сактоо тармагындагы ыйгарым укуктуу мамлекеттик органдын жетекчилигине кайрылууга укуктуу. Жазуу жүзүндөгү кайрылууну кароо жана керектөөчүгө жообун жиберүү мөөнөтү ал катталгандан тартып 14 календардык күндөн ашпоого тийиш. Маселе чечилбеген учурда керектөөчү саламаттык сактоо тармагындагы ыйгарым укуктуу мамлекеттик органдын жетекчилигине кайрылууга укуктуу. Даттанууларды жана доолорду кароо белгиленген тартипте саламаттык сактоо тармагындагы ыйгарым укуктуу мамлекеттик органдын жетекчилиги тарабынан жүзөгө ашырылат. Даттануу боюнча кабыл алынган чечимге канааттанбаганда керектөөчү саламаттык сактоо тармагындагы ыйгарым укуктуу мамлекеттик органдын чечимине сот тартибинде даттанууга укуктуу

18

Мамлекеттик кызмат көрсөтүүнүн стандартын кайра карап чыгуунун мезгилдүүлүгү

Мамлекеттик кызмат көрсөтүүнүн стандарты үч жылда бир жолудан кем эмес мезгилдүүлүктө дайыма кайра каралып турууга тийиш

КР ССМнин 2025-жылдын 12-майындагы № 477 буйругуна 3-тиркеме

1. Мамлекеттик кызмат көрсөтүүнүн паспорту

1

Кызмат көрсөтүүнүн аталышы

Кыргыз Республикасынын Президентинин Иш башкармасынын мамлекеттик мекемелеринде медициналык жактан тейлене турган кызмат орундарынын жана адамдардын тизмегине кирбеген, ага бекитилбеген контингентке адистештирилген стационарларда медициналык жардам көрсөтүү - Мамлекеттик кызмат көрсөтүүлөрдүн бирдиктүү реестринин 2-главасынын 30-пункту)

2

Кызматты көрсөткөн мамлекеттик органдын (мекеменин) толук аталышы

Кыргыз Республикасынын Президентинин Иш башкармасынын мамлекеттик мекемелери (мындан ары – КР ПИБ ММ)

3

Мамлекеттик кызмат көрсөтүүнү керектөөчүлөр

Кыргыз Республикасынын жарандары жана чет өлкөлүк жарандар, жарандыгы жок адамдар

4

Мамлекеттик кызмат көрсөтүүнү алуунун укуктук негиздери

Кыргыз Республикасынын Конституциясы; Кыргыз Республикасынын мыйзамдары:

- «Кыргыз Республикасында жарандардын саламаттыгын сактоо жөнүндө»;

- «Кыргыз Республикасында жарандарды медициналык камсыздандыруу жөнүндө»;

- «Дары каражаттарын жүгүртүү жөнүндө»;

Кыргыз Республикасынын Президентинин 2022-жылдын 18-майындагы No 155 Жарлыгы менен бекитилген Кыргыз Республикасынын Президентинин Иш башкармасы жөнүндө жобосу;

- Кыргыз Республикасынын Өкмөтүнүн 2000-жылдын 15-июнундагы № 346 “Чет өлкөлүк жарандарды медициналык тейлөө жөнүндө” токтому

5

Көрсөтүлгөн мамлекеттик кызматтын акыркы жыйынтыгы

Мамлекеттик кызматтын акыркы жыйынтыгы керектөөчүнүн кайрылуу себебине жана медициналык көрсөткүчтөргө жараша төмөнкүлөрдүн бирөө же бир нечеси болушу мүмкүн:

- коюлган диагнозго, медициналык көрсөткүчтөргө жана клиникалык протоколдорго ылайык керектөөчүгө медициналык жардам көрсөтүү, адистештирилген стационарда зарыл болгон дарылоо иш-чараларын аткаруу;

- бейтаптын ден соолугунун оңолушу;

- бейтаптын сакайып кетиши;

- сунуштар менен амбулатордук картанын көчүрмөсү;

- сунуштар жана экспертиза, дарылоо маалыматтары менен медициналык баяндын көчүрмөсү;

бекитилген формадагы маалымкат же убактылуу эмгекке жарамсыздык барагы (талап боюнча);

- саламаттык сактоонун башка уюмуна жиберүү.

Бейтап каза болгон учурда анын туугандарына өлүмү тууралуу маалымкат берилет

6

Мамлекеттик кызмат көрсөтүүнүн шарттары

Кызмат көрсөтүү белгиленген санитардык ченемдерге жооп берген бөлмөлөрдө жүргүзүлөт. Бөлмөлөр жылытуу мезгилинде жылытылат, КР ПИБ ММ имараты күтүү үчүн орундар, суу түтүк жана канализация менен жабдылган, бейтаптар үчүн телефонго кирүү мүмкүнчүлүгү бар. Жарандардын имаратка жана санитардык-гигиеналык бөлмөлөргө тоскоолдуксуз кирүү мүмкүндүгү камсыздалган. Адистештирилген стационар кызмат көрсөтүү үчүн зарыл болгон медициналык аппаратуралар жана жабдуулар, дары препараттары, медициналык багыттагы буюмдар менен камсыз болду. Керектөөчүлөр үч маал тамак менен камсыз болушат, белгиленген санитардык талаптарга жооп берген бөлүштүрүү пункту жана тамак ичүү үчүн орун бар. Бекитилген Баруу графигине ылайык, пациенттерге барууга уруксат берилет. Керектөөчүнүн каалоосу боюнча кызмат көрсөтүү өзүнчө жайы жана өзүнчө тамак-ашы бар жеке палатаны берүү менен көрсөтүлүшү мүмкүн (эркин палата болгондо жана бекитилген баалардын прейскурантына ылайык). Жарандарды кабыл алуу алар кайрылган күнү, кезек боюнча же алдын ала жазылуу, анын ичинде электрондук жазылуу боюнча жүргүзүлөт.

7

Мамлекеттик кызмат көрсөтүүнүн мөөнөтү

Ооруканага жаткыруу убактысы оорунун оордугуна жараша жекече. Эгерде керектөөчү башка саламаттык сактоо уюмунан түшсө, кезекте туруу убактысы - 15 минутка чейин. Эгерде керектөөчү өмүргө кооптуу абалдан ошол эле саламаттык сактоо уюмунан чыгарылган болсо, анда ал Клиникалык оорукананын адистештирилген бөлүмүнө кезексиз которулат. Кызмат көрсөтүүнүн жалпы мөөнөтү - жеке түрдө, керектөөчүнүн абалынын оордугуна жараша. Стационардык бейтаптын медициналык картасынан көчүрмөнү (же бекитилген формадагы маалымкатты, же убактылуу эмгекке жарамсыздык барагын) берүүгө убакыт - бир күндүн ичинде

2. Мамлекеттик кызматтын көрсөтүүнү алуучуларга маалымат берүү

8

Керектөөчүгө берилүүчү мамлекеттик кызмат көрсөтүүлөр (керектүү маалыматтын тизмеси) жана стандартташтырууга жооптуу мамлекеттик орган жөнүндө маалымат берүү

Мамлекеттик кызмат көрсөтүү жөнүндө маалыматты, анын ичинде кызмат көрсөтүүчү мекеменин жайгашкан жери, анын иш графиги жөнүндө маалыматты төмөнкүлөрдөн алууга болот:

- Кыргыз Республикасынын Президентинин иш башкармасынын (мындан ары – КР ПИБ) жана КР ПИБ “КО” ММдин (мындан ары – Клиникалык оорукана): www.ud.gov.kg; www.kbudp.kg сайттарында

- КР ПИБ “КО” ММге жеке кайрылууда;

- кызмат көрсөтүлө турган пункттарда жайгаштырылган маалымат стенддеринен, брошюралардан, буклеттерден.

Маалымат мамлекеттик жана расмий тилдерде берилет. Мамлекеттик кызмат көрсөтүүнү стандартташтырууга жооптуу мамлекеттик орган болуп саламаттык сактоо тармагындагы ыйгарым укуктуу мамлекеттик орган саналат

9

Кызмат көрсөтүү жөнүндө маалыматты жайылтуунун ыкмалары

Көрсөтүлүүчү кызмат жөнүндө маалымат төмөнкүлөр аркылуу жайылтылат:

- жалпыга маалымдоо каражаттары (гезиттер, радио, телекөрсөтүү);

- клиникалык оорукананын www.kbudp.kg сайтында;

- КР ПИБ www.ud.gov.kg сайтында;

- электрондук кызматтардын мамлекеттик порталында (portal.tunduk.kg.);

- маалымат стенддери, брошюралар, буклеттер;

- жеке кайрылуу жана телефон менен байланышуу

3. Тейлөө жана мамлекеттик кызмат көрсөтүү

10

Келүүчүлөр менен пикир алмашуу

КР ПИБ ММде кызмат көрсөтүүгө тартылган кызматкерлердин кабинеттеринин эшиктеринде маалымат тактачалары жайгаштырылат. Келүүчүлөр менен иш алып барган бардык кызматкерлердин аты-жөнү, кызмат орду көрсөтүлгөн жекелештирилген тактачалары (таанытмалары) болот. Келүүчүлөр менен пикир алмашууда кызматкерлер төмөндөгү негизги этика принциптерин сакташат: адептүү, ак ниет, сыпайы, сабырдуу, принциптүү болуу, маселенин маңызын терең түшүнүүгө умтулуу, маектешин уга билүү жана анын позициясын түшүнүү, ошондой эле кабыл алынуучу чечимдерди далилдөө. Кыргыз Республикасынын мыйзамдарын бузууга жол бербеген, этикалык ченемдердин сакталышын, көз карандысыздыкты жана объективдүүлүктү камсыз кылган, кызыкчылыктардын кагылышын болтурбаган кызматтык нускамалар (функциялык милдеттер) жана кесиптик-этикалык ченемдер бардык кызматкерлер тарабынан сакталууга тийиш

11

Купуялуулукту камсыздоо ыкмалары

Керектөөчү жана, ага көрсөтүлгөн кызмат жөнүндө маалымат Кыргыз Республикасынын мыйзамдарында каралган негиздер боюнча гана үчүнчү адамдарга суроо-талап боюнча берилиши мүмкүн

12

Керектүү документтердин жана/же мамлекеттик кызмат көрсөтүүнү керектөөчүлөрдүн иш-аракеттеринин тизмеси

Керектөөчү кызмат алуу үчүн төмөнкүлөр керек:

- ким экендигин күбөлөндүрүүчү документ (паспорт, туулгандыгы тууралуу күбөлүк, аскердик билет, туулгандыгы тууралуу маалымкат же ушул эле документ санариптик форматтагы “Түндүк” мобилдүү тиркемеси аркылуу) көрсөтүү;

- алгачкы кароодон өтүү, текшерилүү, андан кийин ооруканага жатуу.

- КР ПИБ ММдин кассасына көрсөтүлгөн кызмат үчүн төлөө.