Кыргыз Республикасынын «Кыргыз Республикасынын айрым мыйзам актыларына (Кыргыз Республикасынын Кылмыш-жаза кодексине, „Кыргыз Республикасынын Жазык кодексин, Кыргыз Республикасынын Жоруктар жөнүндө кодексин, Кыргыз Республикасынын Жазык-процесстик кодексин, Кыргыз Республикасынын Жазык-аткаруу кодексин, „Мунапыс берүү негиздери жана аны колдонуу тартиби жөнүндө“ Кыргыз Республикасынын Мыйзамын колдонууга киргизүү тууралуу“ Кыргыз Республикасынын Мыйзамына) өзгөртүүлөрдү киргизүү жөнүндө» Мыйзамы

1-берене. Кыргыз Республикасынын Кылмыш-жаза кодексине ("Эркин-Тоо" гезити. 2021-жылдын 16-ноябры, № 122-133) төмөнкүдөй өзгөртүү киргизилсин: 80-берененин 5-бөлүгү төмөнкүдөй редакцияда баяндалсын: "5. Өкүм мыйзамдуу күчүнө киргенге чейин камакта кармоонун мөөнөтү камакта кармоонун бир күнү эркиндигинен ажыратуунун эки күнүнө барабар деп эсептелет.".

2-берене. "Кыргыз Республикасынын Жазык кодексин, Кыргыз Республикасынын Жоруктар жөнүндө кодексин, Кыргыз Республикасынын Жазык-процесстик кодексин, Кыргыз Республикасынын Жазык-аткаруу кодексин, "Мунапыс берүү негиздери жана аны колдонуу тартиби жөнүндө" Кыргыз Республикасынын Мыйзамын колдонууга киргизүү тууралуу" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2017-ж., № 1 (2), 10-ст.) төмөнкүдөй өзгөртүү киргизилсин: төмөнкүдөй мазмундагы 61-берене менен толукталсын: "61-берене Соттуулукту жоюуга жана алып салууга карата 1997-жылдын 1-октябрындагы Кыргыз Республикасынын Кылмыш-жаза кодексинде белгиленген эрежелер Кылмыш-жаза кодекси күчүнө киргенге чейин кылмыш жасаган адамдарга жайылтылат, буга көрсөтүлгөн адамдардын кылмыштуу жосундарынын кылмыш-жаза-укуктук кесепеттери Кылмыш-жаза кодексинде жеңилдетилген учурлар кирбейт.".

3-берене. Ушул Мыйзам расмий жарыяланган күндөн тартып он күн өткөндөн кийин күчүнө кирет. Ушул Мыйзамдын 1 жана 2-беренелеринин жоболору 2019-жылдын 1-январынан тартып колдонулат деп белгиленсин.

Кыргыз Республикасынын Президенти

С.Н. Жапаров

2024-жылдын 26-июнунда

Кыргыз Республикасынын Жогорку Кеңеши тарабынан кабыл алынган