Кыргыз Республикасынын Президентинин ПЖ № 370 «Кыргыз Республикасынын айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү жөнүндө» Жарлыгы

КР Министрлер Кабинетинин 2025-жылдын 29-декабры № 384 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ПРЕЗИДЕНТИНИН ЖАРЛЫГЫ 2023-жылдын 29-декабры ПЖ № 370 Кыргыз Республикасынын айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү жөнүндө

(КР Президентинин 2024-жылдын 6-сентябрындагы ПЖ № 254 Жарлыгынын редакциясына ылайык)

Кыргыз Республикасынын айыл аймактарынын жана шаарларынын деңгээлинде административдик-аймактык реформа Кыргыз Республикасынын Президентинин 2021-жылдын 12-октябрындагы № 435 "2026-жылга чейин Кыргыз Республикасын өнүктүрүүнүн улуттук программасы жөнүндө" Жарлыгы менен бекитилген 2026-жылга чейин Кыргыз Республикасын өнүктүрүүнүн улуттук программасында аныкталган административдик-аймактык түзүлүштү өркүндөтүү, учурдагы реалдуулукка, коомдун керектөөлөрүнө жана келечектеги чакырыктарга ылайык келген башкаруунун жаңы системасын түзүү боюнча милдеттерди чечүүгө багытталган. Административдик-аймактык реформанын негизги максаты региондордун социалдык-экономикалык жана табигый-ресурстук потенциалын сарамжалдуу пайдалануунун негизинде айыл аймактарында жана шаарларда социалдык-экономикалык кырдаалды жакшыртуу, жергиликтүү өз алдынча башкаруу органдарынын ишинин натыйжалуулугун жогорулатуу, башкарууда түзүмдүк өзгөртүүлөрдү ишке ашыруу жана көрсөтүлүүчү кызматтардын сапатын жакшыртуу, калктын бакубаттуулугун камсыздоо болуп саналат. Кыргыз Республикасынын учурдагы административдик-аймактык түзүлүшү башкаруунун төрт деңгээлдүү системасына негизделген: республикалык, облустук, райондук жана айыл аймактары жана шаарлар. Өлкөнүн административдик-аймактык бирдиктери 7 облустан, 40 райондон, 32 шаардан, анын ичинде 2 республикалык маанидеги шаардан жана 452 айыл аймагынан турат. Республика боюнча 452 айыл аймагынан 62 айыл аймагы бир гана айылдан турат, аларда калктын саны 148ден 10870 адамга чейин түзөт. Ошол эле учурда өлкөнүн айрым райондорунда курамына он жана андан ашык айыл кирген айыл аймактары бар. Өлкөдөгү мындай кырдаал айыл аймактарынын, шаарлардын социалдык-экономикалык мүмкүнчүлүктөрүн жогорулатууну жана заманбап башкарууну уюштурууну талап кылат жана Кыргыз Республикасынын Президентинин 2022-жылдын 18-октябрындагы № 350 "Кыргыз Республикасынын административдик-аймактык түзүлүшүн өркүндөтүү жана региондорду өнүктүрүү боюнча андан аркы чаралар жөнүндө" Жарлыгынын алкагында бүткүл өлкө боюнча пилоттук режимде айыл аймактарын жана шаарларды ирилештирүү/оптималдаштыруу боюнча административдик-аймактык реформанын биринчи этабын ишке ашырууну милдеттендирет. Пилоттук режимде ишке ашырылып жаткан Ысык-Көл облусунун Түп районундагы жана Нарын облусундагы административдик-аймактык реформанын оң натыйжалары региондорду өнүктүрүүдөгү тоскоолдуктарды жана башкаруу деңгээлдеринин ортосундагы ажырымдарды жоюуга, региондор аралык байланыштарды жакшыртууга, ресурстарды натыйжалуу пайдаланууга жана айыл аймактарынын жана шаарлардын деңгээлинде административдик-аймактык реформаны жүргүзүү жолу менен региондордо калктын бакубаттуулугун жогорулатууга багытталып тандалган саясаттын туура экендигин ырастайт. Административдик-аймактык реформа жүргүзүү боюнча эл аралык тажрыйба да кыйла жогорку потенциалга ээ региондук борборлордун айланасында административдик-аймактык бирдиктерди бириктирүү региондун социалдык-экономикалык абалына, маданиятына, соода байланыштарына жана калктын өз ара мамилелерине олуттуу өзгөрүүлөрдү алып келерин көрсөттү. Пилоттук режимде административдик-аймактык реформа жүргүзүү мезгилинде бириктирилүүчү айыл аймактарында жергиликтүү өз алдынча башкаруунун аткаруу органдарынын ишин натыйжалуу уюштуруу үчүн Кыргыз Республикасынын Министрлер Кабинети тарабынан айыл өкмөттөрүнүн жана айылдык кеңештердин ишин оптималдаштыруу боюнча бир катар чечимдер кабыл алынды. Административдик-аймактык реформаны ишке ашыруу калктын жана жергиликтүү кеңештердин жактыруусу менен өтүүдө, аймактардын деңгээлинде башкаруу системасын оптималдаштыруу башкаруунун санариптик методдорун колдонуу менен жүргүзүлүүдө. 2026-жылга чейин Кыргыз Республикасын өнүктүрүүнүн улуттук программасын ишке ашыруунун алкагында, Ысык-Көл облусунун Түп районунун жана Нарын облусунун айыл аймактарын ирилештирүү боюнча административдик-аймактык реформа жүргүзүү боюнча пилоттук долбоорлордун оң натыйжаларын бүткүл өлкөнүн масштабында жайылтуу максатында, ошондой эле Кыргыз Республикасынын Конституциясынын 66, 71-беренелерин жетекчиликке алып, токтом кылам:

1. Кыргыз Республикасынын Президентинин облустардагы ыйгарым укуктуу өкүлдөрүнүн жана республикалык маанидеги шаарлардын мэрлеринин Баткен, Жалал-Абад, Ысык-Көл, Ош, Талас жана Чүй облустарынын айыл аймактарынын жана шаарларынын, Бишкек жана Ош шаарларынын деңгээлинде 2024-жылдын 1-апрелине чейинки мөөнөттө пилоттук режимде административдик-аймактык реформаны жүргүзүү боюнча сунуштары ушул Жарлыктын 1-8-тиркемелерине ылайык жактырылсын.

2. Кыргыз Республикасынын Министрлер Кабинетинин Кыргыз Республикасынын айыл аймактарынын жана шаарларынын деңгээлинде пилоттук режимде административдик-аймактык реформаны жүргүзүү боюнча жол картасы ушул Жарлыктын 9-тиркемесине ылайык бекитилсин.

3. Кыргыз Республикасынын Министрлер Кабинети белгиленген тартипте:

- Кыргыз Республикасынын айыл аймактарын жана шаарларын ирилештирүү/оптималдаштыруу боюнча административдик-аймактык реформаны жүргүзүүнүн натыйжасында бошогон муниципалдык кызматчыларды ишке орноштуруу, компенсацияларды төлөө жана кайра даярдоо маселелерин чечсин;

- пилоттук режимде административдик-аймактык реформаны жүргүзүү мезгилинде шаарлардын жана бириктирилген айыл аймактарынын курамына киргизилген айыл аймактарынын, калктуу конуштарынын депутаттарынын статусу алардын ыйгарым укуктарынын мөөнөтү аяктаганга чейин сакталат деп белгилесин;

- жергиликтүү деңгээлде калкка сапаттуу жана үзгүлтүксүз кызматтарды көрсөтүүнү камсыз кылсын жана муниципалдык кызматчылардын жана кызмат көрсөтүүлөрдү керектөөчүлөр болуп саналган жергиликтүү калктын потенциалын жогорулатуу боюнча туруктуу санариптик окутуу курстарын уюштурсун;

- пилоттук режимде административдик-аймактык реформаны жүргүзүү мезгилинде жарандардын айыл чарба багытындагы жер участокторун - жер үлүштөрүн жана жайыттарды пайдалануу укуктарын сактоону камсыз кылсын;

- пилоттук режимде административдик-аймактык реформанын алкагында шаарларга кошулган калктуу конуштардын жаңы курулуш объекттери үчүн жерлерди трансформациялоого жана жер участокторун бөлүп берүүгө тыюу салсын;

- пилоттук режимде административдик-аймактык реформаны жүргүзүү мезгилинде шаарлардын курамына киргизилген айыл аймактардын жана калктуу конуштардын жайыттарын райондордун жана облустардын карамагында калтырсын;

- пилоттук режимде административдик-аймактык реформаны жүргүзүү мезгилинде бюджетти, коммуналдык кызматтар үчүн тарифтерди жана жалпы пайдалануудагы автомобилдик транспорт менен жүргүнчүлөрдү ташуунун акысын белгилөө боюнча ыйгарым укуктарды шаарлардын мэрияларына өткөрүп берсин;

- бийик тоолуу, жетүүгө кыйын, алыскы жана чек арага жакын аймактарды башкаруунун натыйжалуу системасын түзүүнү жана социалдык инфраструктураны өнүктүрүүнү ишке ашырсын;

- Кыргыз Республикасынын айыл аймактарын жана шаарларын кайра уюштуруунун натыйжасында үнөмдөлгөн каражаттарды Кыргыз Республикасынын бириктирилген айыл аймактарынын жана шаарларынын жергиликтүү бюджеттерине жумшасын;

- шаарлардын мэрияларынын, Кыргыз Республикасынын Баткен, Жалал-Абад, Ысык-Көл, Ош, Талас жана Чүй облустарынын бириктирилген айыл аймактарынын аткаруу органдарына тиешелүү финансылык камсыз кылуу менен төмөнкүдөй ыйгарым укуктарды өткөрүп берсин:

мамлекеттик жайыт жерлерин башкаруу жана пайдалануу боюнча; сугат жерлерине ээлик кылган жана пайдаланган адамдарга келишимдик шарттарда сууну эксплуатациялоо, күтүү жана бөлүштүрүү боюнча; ичүүчү суу менен камсыздоо системаларын комплекстүү тейлөө жана өнүктүрүү, жайыт жерлерин натыйжалуу башкаруу жана калктуу конуштарда тазалыкты камсыз кылуу үчүн муниципалдык ишканаларды түзүү боюнча;

- административдик-аймактык реформага байланышкан Кыргыз Республикасынын тиешелүү мыйзам долбоорлорун 2024-жылдын 1-июнуна чейин Кыргыз Республикасынын Жогорку Кеңешине киргизсин;

- бир айлык мөөнөттө өзүнүн чечимдерин ушул Жарлыкка ылайык келтирсин.

4. Бул Жарлыктын аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

5. Бул Жарлык расмий жарыяланган күндөн тартып жети жумуш күн өткөндөн кийин күчүнө кирет.

“Эркин-Тоо” газетасынын 2024-жылдын 2-январында № 1 (3554) саны менен жарыяланды

Кыргыз Республикасынын Президенти

С.Н. Жапаров

1-тиркеме

Кыргыз Республикасынын Баткен облусунун айыл аймактарынын жана шаарларынын деңгээлинде административдик-аймактык реформаны пилоттук режимде жүргүзүү долбоору

(КР Президентинин 2024-жылдын 6-сентябрындагы ПЖ № 254 Жарлыгынын редакциясына ылайык)

1. Түзүлсүн:

Кадамжай району боюнча:

- Чаувай жана Үч-Коргон (Какыр, Калача жана Разъезд айылдарынан тышкары) айыл аймактарын бириктирип, Үч-Коргон айылын административдик борбор деп аныктоо менен Үч-Коргон айыл аймагы;

- Үч-Коргон айыл аймагынын Какыр, Калача жана Разъезд айылдарын бириктирип, Кара-Дөбө айылын административдик борбор деп аныктоо менен А.Масалиев айыл аймагы;

- Айрыбаз жана Майдан айыл аймактарын бириктирип, Айрыбаз айылын административдик борбор деп аныктоо менен Майдан айыл аймагы;

- Алга (Шак-Шак айылынан тышкары), Кыргыз-Кыштак жана Совет айыл аймактарын бириктирип, Алга айылын административдик борбор деп аныктоо менен Молдо Нияз айыл аймагы;

- Орозбеков жана Көтөрмө айыл аймактарын бириктирип, Учкун айылын административдик борбор деп аныктоо менен Орозбеков айыл аймагы.

Бирлик (Аэропорт участогунан жана Кичи Айдаркен айылынан тышкары), Ак-Турпак, Исхак-Полотхан айыл аймактары жана Кадамжай шаары административдик чегинде өзгөрүүсүз калтырылсын. Бирлик айыл аймагынын Аэропорт участогу жана Кичи Айдаркен айылы жана Алга айыл аймагынын Шак-Шак айылы Айдаркен шаарынын курамына киргизилсин.

2. (КР Президентинин 2024-жылдын 6-сентябрындагы ПЖ № 254 Жарлыгына ылайык күчүн жоготту)

2-тиркеме

Кыргыз Республикасынын Жалал-Абад облусунун айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү долбоору

1. Түзүлсүн:

Аксы району боюнча:

- Кызыл-Туу жана Авлетим (Дерес-Сай айылынан тышкары) айыл аймактарын бириктирип, Авлетим айылын административдик борбор деп аныктоо менен Сары-Челек айыл аймагы;

- Кара-Жыгач жана Кара-Суу айыл аймактарын бириктирип, Кара-Жыгач айылын административдик борбор деп аныктоо менен Кара-Камыш айыл аймагы;

- Ак-Жол жана Жаңы-Жол (Терс айылынан тышкары) айыл аймактарын бириктирип, Кызыл-Мойнок участогун административдик борбор деп аныктоо менен Ак-Жол айыл аймагы;

- Ак-Суу айылын административдик борбор деп аныктоо менен Ак-Суу айыл аймагы (Мор-Булак айылынан жана Осмонбеков, Чыгыш жана Глинка көчөлөрүнөн тышкары);

- Ак-Суу айыл аймагынын Мор-Булак айылын, Авлетим айыл аймагынын Дерес-Сай айылын жана Жаңы-Жол айыл аймагынын Терс айылын кошуп, Нарын айылын административдик борбор деп аныктоо менен Үч-Коргон айыл аймагы.

Кош-Дөбө айыл аймагынын административдик чек аралары жана борбору өзгөрүүсүз калтырылсын. Аксы районунун Кашка-Суу жана Жерге-Тал айыл аймактары Кербен шаарына кошулсун; Ала-Бука району боюнча:

- Т.Балтагулов, Ала-Бука жана Өрүктү айыл аймактарын бириктирип, Ала-Бука айылын административдик борбор деп аныктоо менен Ала-Бука айыл аймагы;

- Ак-Там жана Ак-Коргон айыл аймактарын бириктирип, Ак-Там айылын административдик борбор деп аныктоо менен Т.Балтагулов айыл аймагы;

- Көк-Таш жана Көк-Серек айыл аймактарын бириктирип, Теңги айылын административдик борбор деп аныктоо менен Ынтымак айыл аймагы.

Административдик чек араларын жана борборун калтыруу менен 1-Май айыл аймагынын аталышы Айры-Там айыл аймагы деп кайра аталсын; Базар-Коргон району боюнча:

- Акман жана Бешик-Жон айыл аймактарын бириктирип, Бешик-Жон айылын административдик борбор деп аныктоо менен Акман айыл аймагы;

- Арстанбап, Могол жана Кызыл-Үңкүр айыл аймактарын бириктирип, Талдуу-Булак айыл аймагынын Көк-Алма айылын кошуп, Ооган-Талаа айылын административдик борбор деп аныктоо менен Арстанбап-Ата айыл аймагы;

- Кеңеш жана Талдуу-Булак (Көк-Алма айылынан тышкары) айыл аймактарын бириктирип, Аук айылын административдик борбор деп аныктоо менен Кеңеш айыл аймагы.

Сайдыкум айыл аймагынын жана Базар-Коргон шаарынын административдик чек аралары жана борбору өзгөрүүсүз калтырылсын; Ноокен району боюнча:

- Шайдан, Арал жана Масы айыл аймактарын бириктирип, Масы айылын административдик борбор деп аныктоо менен Д.Садырбаев айыл аймагы;

- Сакалды жана Ноокен айыл аймактарын бириктирип, Курулуш айылын административдик борбор деп аныктоо менен Э.Алиев айыл аймагы;

- Бүргөндү жана Достук (Пайыз-Булак, Сары-Камыш жана Аксы-Келдиш айылдарынан тышкары) айыл аймактарын бириктирип, Таш-Көмүр шаарынын Теңдик аймактык башкармалыгынын Теңдик, Кызыл-Алма, Чүйүт-Сай, Кудук-Сай жана Кашкулак-Сай айылдарын кошуп, Бүргөндү айылын административдик борбор деп аныктоо менен Бүргөндү-Достук айыл аймагы;

- Таш-Көмүр шаарынын Шамалды-Сай аймактык башкармалыгынын базасында, Таш-Көмүр шаарынын курамынан чыгаруу менен Ноокен районунун курамында Шамалды-Сай райондук маанидеги шаар.

Момбеков айыл аймагынын жана Кочкор-Ата шаарынын административдик чек аралары жана борбору өзгөрүүсүз калтырылсын; Сузак району боюнча:

- Ырыс айыл аймагынын Сасык-Булак айылын кошуп, Сузак айылын административдик борбор деп аныктоо менен Сузак айыл аймагы (Кыр-Жол айылынан жана Таш-Акур жана Ал-Көйнөк участокторунан тышкары);

- Ырыс айыл аймагынын Күмүш-Азиз, Кургак-Көл, Кыр-Жол, Кайнар, Арал-Сай, Жар-Кыштак, Тотия жана Ырыс айылдарын, Сузак айыл аймагынын Кыр-Жол айылын жана Таш-Акур участогун жана С.Атабеков айыл аймагынын Кайнар жана Кара-Жыгач айылдарын кошуп, Комсомол айылын административдик борбор деп аныктоо менен Барпы айыл аймагы;

- Сузак айыл аймагынын Ал-Көйнөк участогун, Ырыс айыл аймагынын Чымчык-Жар айылын, Кара-Алма айыл аймагынын Орток айылын кошуп, Чымчык-Жар айылын административдик борбор деп аныктоо менен Кыз-Көл айыл аймагы;

- Багыш жана Ленин айыл аймактарын бириктирип, Октябрь айылын административдик борбор деп аныктоо менен Багыш айыл аймагы;

- Көк-Арт жана Курманбек айыл аймактарын бириктирип, Кара-Алма айыл аймагынын Кара-Алма, Үрүмбаш жана Туура-Жаңгак айылдарын жана Ленин айыл аймагынын Как-Көл участогун кошуп, Таран-Базар айылын административдик борбор деп аныктоо менен Көк-Арт айыл аймагы;

- С.Атабеков айыл аймагынын Кайнар, Кара-Жыгач, Таш-Булак айылдарынан тышкары, Бек-Абад айылын административдик борбор деп аныктоо менен С.Атабеков айыл аймагы.

Кара-Дарыя жана Кызыл-Туу айыл аймактарынын жана Көк-Жаңгак шаарынын административдик чек аралары жана борборлору өзгөрүүсүз калтырылсын; Тогуз-Торо району боюнча:

- Көк-Ирим жана Атай айыл аймактарын бириктирип, Арал айылын административдик борбор деп аныктоо менен Атай айыл аймагы;

- Каргалык жана Сары-Булуң айыл аймактарын бириктирип, Казарман айылын административдик борбор деп аныктоо менен Каргалык айыл аймагы.

Тогуз-Торо айыл аймагынын административдик чек аралары жана борбору өзгөрүүсүз калтырылсын; Токтогул району боюнча:

- Чолпон-Ата жана Кетмен-Дөбө айыл аймактарын бириктирип, Терек-Суу айылын административдик борбор деп аныктоо менен Кетмен-Дөбө айыл аймагы;

- А.Сүйөркулов жана Бел-Алды айыл аймактарын бириктирип, Торкен айылын административдик борбор деп аныктоо менен А.Сүйөркулов айыл аймагы;

- Кызыл-Өзгөрүш жана Ничке-Сай айыл аймактарын бириктирип, Кызыл-Өзгөрүш айылын административдик борбор деп аныктоо менен Элмирбек Иманалиев айыл аймагы.

Үч-Терек, Сары-Камыш жана Толук айыл аймактарынын административдик чек аралары жана борборлору өзгөрүүсүз калтырылсын. Токтогул шаарынын курамына Жаңы-Жол айыл аймагы өткөрүлүп берилет; Чаткал району боюнча:

- Чаткал жана Каныш-Кыя (Кызыл-Токой айылынан тышкары) айыл аймактарын бириктирип, Каныш-Кыя айылын административдик борбор деп аныктоо менен Каныш-Кыя айыл аймагы;

- Терек-Сай жана Сумсар айыл аймактарын бириктирип, Каныш-Кыя айыл аймагынын Кызыл-Токой айылын кошуп, Терек-Сай айылын административдик борбор деп аныктоо менен Терек-Сай айыл аймагы.

2. Шаарлар боюнча сунуштар:

Жалал-Абад шаары боюнча:

- Жалал-Абад шаарына Сузак районунун Таш-Булак айыл аймагын, Ырыс айыл аймагынын Дөмөр, Ладан-Кара, Масадан жана Ырыс айылдарын, Барпы айыл аймагынын Чөкө-Дөбө жана Пригородное айылдарын кошуу;

Таш-Көмүр шаары боюнча:

- Таш-Көмүр шаарына (Шамалды-Сай аймактык башкармалыгынан, Теңдик аймактык башкармалыгынын Теңдик, Кызыл-Алма, Чүйүт-Сай, Кудук-Сай жана Кашкулак-Сай айылдарынан тышкары) Аксы районунун Ак-Суу айыл аймагынын Ак-Суу айылынын Осмонбеков, Чыгыш, Глинка көчөлөрүн жана Ноокен районунун Достук айыл аймагынын Пайыз-Булак, Сары-Камыш жана Аксы-Келдиш айылдарын кошуу;

Майлуу-Суу шаары боюнча:

- шаарга Ноокен районунун Кочкор-Ата токой чарбасынын Майлуу-Суу шаарынын Көк-Таш аймактык башкармалыгынын Көк-Таш, Садовый, Дачный, Мундуз, Ынтымак, Түштүк, Заречный көчөлөрүндөгү жер участокторун кошуу.

3-тиркеме

Кыргыз Республикасынын Ысык-Көл облусунун айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү долбоору

1. Түзүлсүн:

Ысык-Көл району боюнча:

- Чоң-Сары-Ой жана Кара-Ой айыл аймактарын бириктирип, Чоң-Сары-Ой айылын административдик борбор деп аныктоо менен Шайыбек-Ата айыл аймагы;

- Темир, Садыр аке, Кум-Бел жана Семеновка айыл аймактарын бириктирип, Темир айылын административдик борбор деп аныктоо менен Садыр аке айыл аймагы;

- Ананьево, Жусуп Абдрахманов жана Өрүктү айыл аймактарын бириктирип, Ананьево айылын административдик борбор деп аныктоо менен Жусуп Абдрахманов айыл аймагы;

- Тору-Айгыр жана Тамчы айыл аймактарын бириктирип, Тамчы айылын административдик борбор деп аныктоо менен Тору-Айгыр-Тамчы айыл аймагы;

Чолпон-Ата шаарынын курамына Ысык-Көл районунун Бостери айыл аймагы кошулсун; Тоң району боюнча:

- Көл-Төр жана Ак-Терек айыл аймактарын бириктирип, Кара-Коо айылын административдик борбор деп аныктоо менен Ак-Терек айыл аймагы;

- Күн-Чыгыш, Кажы-Сай жана Тоң айыл аймактарын бириктирип, Бөкөнбаев айылын административдик борбор деп аныктоо менен Күн-Чыгыш айыл аймагы;

- Төрт-Күл жана Болот Мамбетов айыл аймактарын бириктирип, Төрт-Күл айылын административдик борбор деп аныктоо менен Болот Мамбетов айыл аймагы;

Улахол айыл аймагы административдик чек араларын өзгөртпөстөн, Кара-Талаа айылын административдик борбор деп аныктоо менен калтырылсын; Көк-Мойнок айыл аймагы Ысык-Көл облусунун башка административдик-аймактык бирдиктеринин карамагына өткөрүп берилет; Жети-Өгүз району боюнча:

- Жети-Өгүз, Ырдык жана Липенка айыл аймактарын бириктирип, Жети-Өгүз айылын административдик борбор деп аныктоо менен Жети-Өгүз айыл аймагы;

- Оргочор, Ак-Дөбө, Светлая Поляна жана Ак-Шыйрак айыл аймактарын бириктирип, Оргочор айылын административдик борбор деп аныктоо менен Оргочор айыл аймагы;

- Кызыл-Суу жана Саруу айыл аймактарын бириктирип, Кызыл-Суу айылын административдик борбор деп аныктоо менен Кызыл-Суу айыл аймагы;

- Дархан жана Жаргылчак айыл аймактарын бириктирип, Дархан айылын административдик борбор деп аныктоо менен Жаргылчак айыл аймагы;

- Барскоон жана Тамга айыл аймактарын бириктирип, Барскоон айылын административдик борбор деп аныктоо менен Барскоон айыл аймагы;

Ак-Суу району боюнча:

- Теплоключенка, Кереге-Таш жана Эңилчек айыл аймактарын бириктирип, Теплоключенка айылын административдик борбор деп аныктоо менен Кыдыр Аке айыл аймагы;

- Боз-Учук, Ак-Булуң, Жыргалаң жана Ак-Чий айыл аймактарын бириктирип, Ново-Вознесеновка айылын административдик борбор деп аныктоо менен Хан Теңири айыл аймагы;

- Каракол, Отрадное жана Тепке айыл аймактарын бириктирип, Каракол айылын административдик борбор деп аныктоо менен Каракол айыл аймагы;

Кара-Жал, Октябрь, Бөрү-Баш айыл аймактарын бириктирип, Октябрь айылын административдик борбор деп аныктоо менен Алтын -Арашан айыл аймагы; Челпек айыл аймагы Ысык-Көл облусунун башка административдик-аймактык бирдигинин карамагына өткөрүп берилет.

2. Шаарлар боюнча сунуштар:

Каракол шаары боюнча: Каракол шаарына Ак-Суу районунун Челпек айыл аймагы кошулсун; Балыкчы шаары боюнча: Балыкчы шаарына Тоң районунун Көк-Мойнок айыл аймагы кошулсун.

4-тиркеме

Кыргыз Республикасынын Ош облусунун айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү долбоору

1. Түзүлсүн:

Алай району боюнча:

- Талды-Суу, Сары-Таш жана Сары-Могол айыл аймактарын бириктирип, Сары-Таш айылын административдик борбор деп аныктоо менен Памир-Алай айыл аймагы;

- К.Белекбаев атындагы Алай жана Үч-Төбө айыл аймактарын бириктирип, Сопу-Коргон айылын административдик борбор деп аныктоо менен Үч-Дөбө-Алай айыл аймагы;

- Бүлөлү жана Ленин айыл аймактарын бириктирип, Согонду айылын административдик борбор деп аныктоо менен Жибек-Жолу айыл аймагы;

- Гүлчө жана Будалык айыл аймактарын бириктирип, Гүлчө айылын административдик борбор деп аныктоо менен Гүлчө айыл аймагы;

- Коңур-Дөбө жана Кабылан-Көл айыл аймактарын бириктирип, Боз-Караган айылын административдик борбор деп аныктоо менен Курманжан Датка айыл аймагы;

- Корул жана Жошолу айыл аймактарын бириктирип, Жаңы-Турмуш айылын административдик борбор деп аныктоо менен Тилектеш айыл аймагы.

Жаңы-Алай айыл аймагы административдик чек аралары жана борборлору өзгөрүүсүз калтырылсын; Араван району боюнча:

- А.Анаров жана Мангыт айыл аймактарын бириктирип, Пахта-Дөбө айылын административдик борбор деп аныктоо менен Достук айыл аймагы;

- Тепе-Коргон жана Нурабад айыл аймактарын бириктирип, Кайрагач-Арык айылын административдик борбор деп аныктоо менен Дөбө-Коргон айыл аймагы.

Чек-Абад (административдик борбору - Көчүбаев айылы), С.Юсупова (административдик борбору - Араван айылы), Керме-Тоо (административдик борбору - Гүлбаар айылы) жана Төө-Моюн (административдик борбору - Акшар айылы) айыл аймактары административдик чек аралары өзгөрүүсүз калтырылсын; Кара-Кулжа району боюнча:

- Кара-Кочкор жана Кашка-Жол айыл аймактарын бириктирип, Кара-Кочкор айылын административдик борбор деп аныктоо менен Кара-Кочкор айыл аймагы;

- Кара-Гуз жана Кеңеш айыл аймактарын бириктирип, Жаңы-Талаа айылын административдик борбор деп аныктоо менен Кара-Гуз айыл аймагы;

- Чалма жана Ылай-Талаа айыл аймактарын бириктирип, Ылай-Талаа айылын административдик борбор деп аныктоо менен Ылай-Талаа айыл аймагы;

- Капчыгай жана Ой-Тал айыл аймактарын бириктирип, Сары-Бээ айылын административдик борбор деп аныктоо менен Ой-Тал айыл аймагы;

- Кызыл-Жар жана Алайку айыл аймактарын бириктирип, Күйө-Таш айылын административдик борбор деп аныктоо менен Алайку айыл аймагы.

Кара-Кулжа жана Сары-Булак (административдик борбору -Тогуз-Булак айылы) айыл аймактары административдик чектери жана борборлору өзгөрүүсүз калтырылсын; Кара-Суу району боюнча:

- Сары-Колот жана Отуз-Адыр айыл аймактарын бириктирип, Отуз-Адыр айылын административдик борбор деп аныктоо менен Отуз-Адыр айыл аймагы;

- Жаңы-Арык жана Кызыл-Суу айыл аймактарын бириктирип, Жаңы-Арык айылын административдик борбор деп аныктоо менен Ынтымак айыл аймагы;

- Кашкар-Кыштак жана Ак-Таш айыл аймактарын бириктирип, Кашкар-Кыштак айылын административдик борбор деп аныктоо менен Ала-Тоо айыл аймагы;

- Папан (Ак-Буура 1, 2, 3 жана 4 участокторунан тышкары), Жоош (административдик борбору - Кум-Арык айылы), Мады (административдик борбору - Асанчек айылы) жана Савай (административдик борбору - Кызыл-Шарк айылы) айыл аймактары административдик чектери жана борборлору өзгөрүүсүз калтырылсын;

- Баш-Булак айылын административдик борбор деп аныктоо менен Катта-Талдык айыл аймагы Баш-Булак айыл аймагы деп кайра аталсын;

- Нурдар айылын административдик борбор деп аныктоо менен Нариман (Жаңы-Маала, Жим жана Жийделик участокторунан тышкары) айыл аймагы Манас айыл аймагы деп кайра аталсын;

- Шарк айылын административдик борбор деп аныктоо менен Шарк (Имам-Ата участогунан тышкары) айыл аймагы Датка айыл аймагы деп кайра аталсын;

- Сарай айыл аймагы Кара-Суу шаарынын курамына киргизилсин;

- Кара-Суу районунун Кызыл-Кыштак жана Төлөйкөн айыл аймактары, Папан айыл аймагынын Ак-Буура 1, 2, 3 жана 4 участоктору, Нариман айыл аймагынын Жаңы-Маала, Жим жана Жийделик участоктору жана Шарк айыл аймагынын Имам-Ата айылы Ош шаарынын карамагына өткөрүп берилет.

Ноокат району боюнча:

- Көк-Жар жана Найман айыл аймактарын бириктирип, Он-Эки-Бел айыл аймагынын Он-Эки-Мойнок, Он-Эки-Бел, Нарай, Мырза-Найман айылдарын кошуп, Көк-Жар айылын административдик борбор деп аныктоо менен Көк-Жар айыл аймагы;

- Т.Кулатов жана Ынтымак айыл аймактарын бириктирип, Кызыл-Булак айылын административдик борбор деп аныктоо менен Т.Кулатов айыл аймагы;

- Өрнөк айылына Он-Эки-Бел айыл аймагын кошуп, Муркут айылын административдик борбор деп аныктоо менен Төөлөс айыл аймагы.

Жаңы-Ноокат (Жаңы-Ноокат айылын административдик борбор деп аныктоо менен), Кеңеш, Кыргыз-Ата, Кара-Таш, Көк-Бел,

Н.Исанов, Т.Зулпуев, Мирмахмудов, Гүлистан жана Бел айыл аймактары административдик чек аралары жана борборлору өзгөрүүсүз калтырылсын.

Ноокат шаары административдик чек арасы өзгөрүүсүз калтырылсын; Өзгөн району боюнча:

- Ак-Жар жана Көлдүк айыл аймактарын бириктирип, Ак-Жар айылын административдик борбор деп аныктоо менен Кара-Шоро айыл аймагы;

- Мырза-Аке жана Алтын-Булак айыл аймактарын бириктирип, Мырза-Аке айылын административдик борбор деп аныктоо менен Мырза-Аке айыл аймагы;

- Жазы, Зергер айыл аймактарын, Кызыл-Тоо айыл аймагынын Кызыл-Тоо, Ак-Кыя, Доңуз-Тоо айылдарын бириктирип, Кара-Дыйкан айылын административдик борбор деп аныктоо менен Жазы айыл аймагы;

- Кызыл-Тоо айыл аймагынын Эркин-Тоо жана Карчабек айылдарын бириктирип, Салам-Алик айылын административдик борбор деп аныктоо менен Салам-Алик айыл аймагы;

- Жылалды жана Төрт-Көл айыл аймактарын бириктирип, Жылалды айылын административдик борбор деп аныктоо менен Төрт-Көл айыл аймагы;

- Ийри-Суу жана Чангет айыл аймактарын бириктирип, Ийри-Суу айылын административдик борбор деп аныктоо менен Ийри-Суу айыл аймагы;

- Кызыл-Октябрь жана Кара-Таш айыл аймактарын бириктирип, Эски-Покровка айылын административдик борбор деп аныктоо менен Кызыл-Октябрь айыл аймагы.

Баш-Дөбө, Дөң-Булак, Куршаб, Жалпак-Таш жана Кароол айыл аймактары административдик чек аралары жана борборлору өзгөрүүсүз калтырылсын. Өзгөн шаары административдик чек арасы өзгөрүүсүз калтырылсын; Чоң-Алай району боюнча: Чоң-Алай, Жекенди жана Кашка-Суу айыл аймактары административдик чек аралары жана борборлору өзгөрүүсүз калтырылсын.

5-тиркеме

Кыргыз Республикасынын Талас облусунун айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү долбоору

1. Түзүлсүн:

Айтматов району боюнча:

- Кара-Буура, Бакыян жана Бейшеке айыл аймактарын бириктирип, Кызыл-Адыр айылын административдик борбор деп аныктоо менен Кара-Буура айыл аймагы;

- Чолпонбай жана Ак-Чий айыл аймактарын бириктирип, Чолпонбай айылын административдик борбор деп аныктоо менен Чолпонбай айыл аймагы;

- Аманбаев, Бакайыр жана Маймак айыл аймактарын бириктирип, Аманбаев айылын административдик борбор деп аныктоо менен Аманбаев айыл аймагы;

- Көк-Сай жана Шекер айыл аймактарын бириктирип, Көк-Сай айылын административдик борбор деп аныктоо менен Шекер айыл аймагы.

Бакай-Ата району боюнча:

- Бакай-Ата жана Миң-Булак айыл аймактарын бириктирип, Бакай-Ата айылын административдик борбор деп аныктоо менен Бакай-Ата айыл аймагы;

- Акназаров жана Шадыкан айыл аймактарын бириктирип, Кызыл-Октябрь айылын административдик борбор деп аныктоо менен Акназаров айыл аймагы;

- Ак-Дөбө, Өзгөрүш жана Кең-Арал айыл аймактарын бириктирип, Ак-Дөбө айылын административдик борбор деп аныктоо менен Биримдик айыл аймагы;

- Боо-Терек жана Оро айыл аймактарын бириктирип, Боо-Терек айылын административдик борбор деп аныктоо менен Күмүштак айыл аймагы.

Манас району боюнча:

- Покровка жана Кайыңды (Сары-Булак жана Нылды айылдарынан сырткары) айыл аймактарын бириктирип, Покровка айылын административдик борбор деп аныктоо менен Семетей айыл аймагы;

- Кыргызстан жана Май айыл аймактарын бириктирип, Талас айылын административдик борбор деп аныктоо менен Кыргызстан айыл аймагы.

Үч-Коргон айыл аймагынын административдик борбору жана чек арасы өзгөртүүсүз калтырылсын. Талас району боюнча:

- Айдаралиев, Арал жана Кууганды айыл аймактарын бириктирип, Арал айылын административдик борбор деп аныктоо менен Каракол айыл аймагы;

- Бекмолдо жана Осмонкулов айыл аймактарын бириктирип, Сасык-Булак айылын административдик борбор деп аныктоо менен Шумкар-Уя айыл аймагы;

- Өмүралиев жана Кара-Суу айыл аймактарын бириктирип, Манас айылын административдик борбор деп аныктоо менен Чоң-Алыш айыл аймагы;

- Жергетал, Калба жана Бердике Баатыр айыл аймактарын бириктирип, Кызыл-Туу айылын административдик борбор деп аныктоо менен Беш-Таш айыл аймагы;

- Долоно, Нуржанов жана Көк-Ой айыл аймактарын бириктирип, Манас районунун Кайыңды айыл аймагынын Сары-Булак жана Нылды айылдарын Кең-Кол айыл аймагына кошуп, Көк-Ой айылын административдик борбор деп аныктоо менен Кең-Кол айыл аймагы.

2. Талас шаары административдик чек арасы өзгөртүүсүз калтырылсын.

6-тиркеме

Кыргыз Республикасынын Чүй облусунун айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү долбоору

1. Түзүлсүн:

Кемин району боюнча:

- Ак-Түз, Боролдой, Ильич, Кара-Булак жана Кичи-Кемин айыл аймактарын бириктирип, Кичи-Кемин айылын административдик борбор деп аныктоо менен Кичи-Кемин айыл аймагы;

- Жаңы-Алыш жана Кызыл-Октябрь айыл аймактарын бириктирип, Кызыл-Октябрь айылын административдик борбор деп аныктоо менен Кызыл-Октябрь айыл аймагы;

- Алмалуу жана Чым-Коргон айыл аймактарын бириктирип, Чым-Коргон айылын административдик борбор деп аныктоо менен Чым-Коргон айыл аймагы;

- Чоң-Кемин жана Көк-Ойрок айыл аймактарын бириктирип, Шабдан айылын административдик борбор деп аныктоо менен Чоң-Кемин айыл аймагы;

Чүй району боюнча:

- Бурана жана Ак-Бешим айыл аймактарын бириктирип, Ак-Бешим айылын административдик борбор деп аныктоо менен Бурана айыл аймагы;

- Кегети жана Ибраимов айыл аймактарын бириктирип, Кегети айылын административдик борбор деп аныктоо менен Султан Ибраимов айыл аймагы;

- Шамшы жана ОнБир Жылга айыл аймактарын бириктирип, Шамшы айылын административдик борбор деп аныктоо менен Он бир-Жылга айыл аймагы;

- Искра, Кош-Коргон жана Сайлык айыл аймактарын бириктирип, Кара-Дөбө айылын административдик борбор деп аныктоо менен Биримдик айыл аймагы.

Чүй айыл аймагы административдик чек арасы жана борбору өзгөрүүсүз калтырылсын; Ысык-Ата району боюнча:

- Логвиненко жана Туз айыл аймактарын бириктирип, Логвиненко айылын административдик борбор деп аныктоо менен Жайылма айыл аймагы;

- Жээк жана Интернационал айыл аймактарын бириктирип, Дмитриевка айылын административдик борбор деп аныктоо менен Жээк айыл аймагы;

- Ивановка жана Кең-Булуң айыл аймактарын бириктирип, Ивановка айылын административдик борбор деп аныктоо менен Кең-Булуң айыл аймагы;

- Красная Речка жана Нурманбет айыл аймактарын бириктирип, Красная Речка айылын административдик борбор деп аныктоо менен Нурманбет айыл аймагы;

- Ново-Покровка жана Узун-Кыр айыл аймактарын бириктирип, Ново-Покровка айылын административдик борбор деп аныктоо менен Узун-Кыр айыл аймагы;

- Ак-Кудук жана Милянфан айыл аймактарын бириктирип, Киров айылын административдик борбор деп аныктоо менен Ак -Кудук айыл аймагы;

- Бирдик жана Кочкорбаев айыл аймактарын бириктирип, Кеңеш айылын административдик борбор деп аныктоо менен Кочкорбаев айыл аймагы;

- Сын-Таш жана Юрьевка айыл аймактарын бириктирип, Тельман айылын административдик борбор деп аныктоо менен Сын-Таш айыл аймагы.

Ысык-Ата айыл аймагы административдик чек арасы жана борбору өзгөрүүсүз калтырылсын. Кант шаарынын курамына Люксембург айыл аймагын кошуп, Кант шаарына облустук маанидеги шаар статусу берилсин; Аламүдүн району боюнча:

- Ленин (Мыкан айылынан жана Нуркожо-Ата, Ак-Жар жана Адилет калктуу конуштарынан тышкары), Ак-Дөбө (Алтын-Казык калктуу конушунан тышкары) жана Гроздь айыл аймактарын бириктирип, Ленин айылын административдик борбор деп аныктоо менен Достук айыл аймагы;

- Ала-Арча жана Октябрь айыл аймактарын бириктирип, Мраморное айылын административдик борбор деп аныктоо менен Сүймөнкул Чокморов айыл аймагы;

- Таш-Дөбө (Орто-Сай айылынан тышкары) жана Арашан айыл аймактарын бириктирип, Таш-Дөбө айылын административдик борбор деп аныктоо менен Арашан айыл аймагы.

Кара-Жыгач айыл аймагы административдик чек арасы жана борбору (№ 544, № 545 жана № 552 контурларынан жана Анар-Бак калктуу конушунан тышкары) өзгөрүүсүз калтырылсын. Административдик чек арасы жана борбору өзгөрбөстөн кайра аталсын:

- Васильевка айыл аймагы Абдыкерим Сыдыков айыл аймагына;

- Байтик айыл аймагы Байтик-Баатыр айыл аймагына.

- Таш-Мойнок айыл аймагы административдик чек арасы жана борбору өзгөрүүсүз калтырылсын.

- Лебединовка, Пригород, Көк-Жар, Аламүдүн, Маевка, Төмөнкү-Аларча айыл аймактары, Кара-Жыгач айыл аймагынын № 544, № 545, № 552 контурлары жана Анар -Бак калктуу конушу, Ак-Дөбө айыл аймагынын Алтын-Казык калктуу конушу, Ленин айыл аймагынын Мыкан айылы, Нуркожо-Ата, Ак-Жар, Адилет калктуу конуштары, Таш-Дөбө айыл аймагынын Орто-Сай айылы Бишкек шаарынын курамына киргизилсин;

Сокулук району боюнча:

- Асылбаш, Төш-Булак жана Крупская айыл аймактарын бириктирип, Сокулук айылын административдик борбор деп аныктоо менен Сары-Өзөн айыл аймагы;

- Сокулук жана Саз айыл аймактарын бириктирип, Сокулук айылын административдик борбор деп аныктоо менен Сокулук айыл аймагы;

- Первомайский жана З. Кайназарова айыл аймактарын бириктирип, Чат-Көл айылын административдик борбор деп аныктоо менен З.Кайназарова атындагы айыл аймагы;

- Кызыл-Туу жана Күнтуу айыл аймактарын бириктирип, Кызыл-Туу айылын административдик борбор деп аныктоо менен Күнтуу айыл аймагы;

- Атбашы (№ 177 контурунан тышкары) жана Фрунзе айыл аймактарын бириктирип, Манас айылын административдик борбор деп аныктоо менен Манас айыл аймагы;

- Жаңы-Пахта жана Жаңы-Жер айыл аймактарын бириктирип, Жаңы-Жер айылын административдик борбор деп аныктоо менен Жаңы-Пахта айыл аймагы;

- Камышановка жана Төмөнкү-Чүй айыл аймактарын бириктирип, Төмөнкү-Чүй айылын административдик борбор деп аныктоо менен Төмөнкү-Чүй айыл аймагы.

Гавриловка жана Военно-Антоновка айыл аймактары административдик чек аралары жана борборлору өзгөрүүсүз калтырылсын. Новопавловка, Орок айыл аймактары жана Ат-Башы айыл аймагынын Ак-Жол айылынын № 177 контуру Бишкек шаарынын курамына киргизилсин; Москва району боюнча:

- Беловодск жана Биринчи Май айыл аймактарын бириктирип, Беловодск айылын административдик борбор деп аныктоо менен Нарзан айыл аймагы;

- Петровка, Предтеченка жана Беш-Терек айыл аймактарын бириктирип, Петровка айылын административдик борбор деп аныктоо менен Төрт-Гүл айыл аймагы;

- Садовое, Сретенка жана Александровка айыл аймактарын бириктирип, Садовое айылын административдик борбор деп аныктоо менен Миң-Булак айыл аймагы;

- Чапаев, Целинный жана Төлөк айыл аймактарын бириктирип, Спартак айылын административдик борбор деп аныктоо менен Төлөк айыл аймагы.

Ак-Суу айыл аймагы административдик чек арасы жана борбору өзгөрүүсүз калтырылсын; Жайыл району боюнча:

- Кызыл-Дыйкан жана Полтавка айыл аймактарын бириктирип, Полтавка айылын административдик борбор деп аныктоо менен Ынтымак айыл аймагы;

- Сары-Булак, Талды-Булак жана Сосновка айыл аймактарын бириктирип, Сосновка айылын административдик борбор деп аныктоо менен Талды-Булак айыл аймагы;

- Степной, Сары-Коо жана Кара-Суу айыл аймактарын бириктирип, Красный Восток айыл аймагынын МТФ-1 участогун кошуп, Эриктүү айылын административдик борбор деп аныктоо менен Сары-Коо айыл аймагы;

- Жайыл айыл аймагын жана Красный Восток айыл аймагынын Калдык, Кара-Дөбө айылдарын жана Калинин айылынын Токтош, Сад-Верха, Ильич, Верхний участокторун бириктирип, Алексеевка айылын административдик борбор деп аныктоо менен Жайыл айыл аймагы.

Суусамыр жана Ак-Башат айыл аймагы административдик чек аралары жана борборлору өзгөрүүсүз калтырылсын. Красный Восток айыл аймагынын Калинин айылын (Токтош, Сад-Верха, Верхний жана Ильич участокторунан тышкары) жана Гидропартия жана Индом участокторун кошуп, Кара-Балта шаарына облустук маанидеги шаардын статусу берилсин; Панфилов району боюнча:

- Вознесеновка жана Орто айыл аймактарын бириктирип, Вознесеновка айылын административдик борбор деп аныктоо менен Орто-Кайыңды айыл аймагы;

- Чалдыбар жана Күрпүлдөк айыл аймактарын бириктирип, Киров айылын административдик борбор деп аныктоо менен Күрпүлдөк айыл аймагы.

Курама жана Фрунзе айыл аймактары административдик чек аралары жана борборлору өзгөрүүсүз калтырылсын.

2. Шаарлар боюнча:

Токмок шаары административдик чек арасы өзгөрүүсүз калтырылсын.

7-тиркеме

Кыргыз Республикасынын Бишкек шаарынын административдик-аймактык реформаны пилоттук режимде жүргүзүү долбоору

1. Административдик-аймактык реформаны пилоттук режимде жүргүзүүнүн алкагында Бишкек шаарынын курамына Чүй облусунун Аламүдүн жана Сокулук райондорунун төмөнкү айыл аймактары, айылдары, калктуу конуштары жана жер тилкелери киргизилсин:

Аламүдүн району боюнча:

- Аламүдүн, Маевка, Пригород, Төмөнкү - Ала-Арча, Лебединовка жана Көк-Жар айыл аймактары;

- Кара-Жыгач айыл аймагынын Анар-Бак калктуу конушу жана 544, 545, 552-контурлары;

- Ак-Дөбө айыл аймагынын Алтын-Казык калктуу конушу;

- Ленин айыл аймагынын Мыкан айылы, Ак-Жар, Нуркожо-Ата, Адилет калктуу конуштары;

Сокулук району боюнча:

- Новопавловка жана Орок айыл аймактары;

- Ат-Башы айыл аймагынын Ак-Жол айылынын 177-контуру.

2. Көрсөтүлгөн айыл аймактардын жайыт жерлери Бишкек шаарынын карамагына өткөрүлбөйт.

8-тиркеме

Кыргыз Республикасынын Ош облусунун Кара-Суу районунун чектеш аймактарын кошуу менен Ош шаарына пилоттук режимде административдик-аймактык реформа жүргүзүү долбоору

1. Түзүлсүн:

Муниципалдык, айылдык аймактык башкармалыктар (мындан ары - МАБ, ААБ):

- Туран МАБынын базасында административдик чек арасын өзгөртпөстөн Алымбек-Датка МАБы;

- Нариман айыл аймагынын Жаңы-Маала, Жим жана Жийделик участокторун кошуу менен Манас-Ата МАБы;

- Амир-Тимур базасында Шарк айыл аймагынын Имам-Ата участогун кошуу менен Жибек-Жолу МАБы;

- Төлөйкөн айыл аймагынын жана Папан айыл аймагынын Ак-Буура 1, 2, 3 жана 4 участокторунун базасында Төлөйкөн ААБы;

- Кызыл-Кыштак айыл аймагынын базасында Кызыл-Кыштак ААБы.

2. Администрациялык чек аралары жана борбору өзгөрүүсүз калтырылсын:

- Сулайман-Тоо, Керме-Тоо жана Курманжан Датка МАБдары;

- Жапалак ААБы.

3. Алмалык айылынын тургундарын аймактык тиешелүүлүгү боюнча каттоо эсебин Ош облусунун Ноокат районунун Т. Зулпуев айыл аймагында жүргүзүү сунушталсын.

9-тиркеме

Кыргыз Республикасынын айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү боюнча ЖОЛ КАРТА

№

Милдеттер

Чаралар

Индикатор/күтүлүүчү натыйжа

Жооптуулар

Мөөнөтү

Каржылоо булактары

1. Айыл аймактарын жана шаарларды ирилештирүү/оптималдаштыруу жана уюштуруу-укуктук маселелерди чечүү боюнча чаралар

1

Айыл аймактарынын жана шаарлардын деңгээлинде административдик-аймактык реформа жүргүзүү боюнча жумушчу топ түзүү

Айыл аймактарынын жана шаарлардын деңгээлинде административдик- аймактык реформа жүргүзүүгө көмөк көрсөтүү боюнча ведомстволор аралык жумушчу топ түзүү

ЭКМ менен МКЖӨБМАнын биргелешкен буйругуна ылайык ведомстволор аралык жумушчу топ түзүлдү

ЭКМ, МКЖӨБМА, министрликтер жана ведомстволор, КРП облустардагы ЫУӨ, ЖМА, ЖӨБ аткаруу органдары (макулдашуу боюнча)

2024-жылдын 15-январы

Республикалык бюджеттин алкагында

2

Кыргыз Республикасынын айыл аймактарынын жана шаарларынын деңгээлинде пилоттук режимде административдик- аймактык реформа жүргүзүү

Кыргыз Республикасынын айыл аймактарынын жана шаарларынын деңгээлинде пилоттук режимде административдик- аймактык реформа жүргүзүү

Жергиликтүү өз алдынча башкаруунун деңгээлинде жаңы административдик- аймактык бирдиктер түзүлдү

ЭКМ, МКЖӨБМА, ВАЖТ, КРП облустардагы ЫУӨ, ЖМА, ЖӨБ аткаруу органдары (макулдашуу боюнча)

2024-жылдын 1-апрели

Республикалык жана жергиликтүү бюджеттердин алкагында

3

Жаңы уюшулган жергиликтүү өз алдынча башкаруу органдарында бийик тоолуу, жетүүгө кыйын, алыскы жана чек арага жакын калктуу конуштардагы айыл башчысынын жоопкерчилигин жогорулатуу менен түзүмдү жана штаттык расписаниени түзүү

Жаңы уюшулган жергиликтүү өз алдынча башкаруу органдарынын түзүмү жана штаттык расписаниеси бекитилди жана айыл башчыларынын жоопкерчилигин жогорулатууну эске алуу менен айыл өкмөттөрүнүн аппараттары түзүлдү

МКЖӨБМА, УСК, ВАЖТ, КРП облустардагы ЫУӨ, ЖМА, ЖӨБ аткаруу органдары (макулдашуу боюнча)

2024-жылдын 1-апрели

Республикалык жана жергиликтүү бюджеттердин алкагында

4

Жаңы уюшулган айыл аймактарынын жана шаарлардын жергиликтүү өз алдынча башкаруунун аткаруу органдарынын жетекчилерин (айыл өкмөтүнүн башчысы, мэр) дайындоо

Жаңы уюшулган айыл аймактарынын жана шаарлардын жергиликтүү өз алдынча башкаруунун аткаруу органдарынын жетекчилери (айыл өкмөтүнүн башчысы, мэр) дайындалды

МКЖӨБМА, ВАЖТ, КРП облустардагы ЫУӨ, ЖМА, ЖӨБ аткаруу органдары (макулдашуу боюнча)

2024-жылдын 1-апрели

Республикалык жана жергиликтүү бюджеттердин алкагында

5

Жаңы уюшулган айыл аймактарынын жана шаарлардын жергиликтүү кеңештеринин ишин уюштуруу, төрагаларды шайлоону өткөрүү

Жаңы уюшулган айыл аймактарынын жана шаарлардын жергиликтүү кеңештеринин иши уюштурулду, төрагаларды шайлоо өткөрүлдү

КРП облустардагы ЫУӨ, ЖМА, БШК, ЖӨБ аткаруу органдары (макулдашуу боюнча)

2024-жылдын 1-апрели

Республикалык жана жергиликтүү бюджеттердин алкагында

6

Жаңы уюшулган айыл аймактарынын жана шаарлардын жергиликтүү өз алдынча башкаруунун аткаруу органдарын юстиция органдарында каттоо

Жаңы уюшулган административдик- аймактык бирдиктердин жергиликтүү өз алдынча башкаруунун аткаруу органдарын юстиция органдарында каттоого көмөк көрсөтүлдү

МКЖӨБМА, ЮМ, ВАЖТ, КРП облустардагы ЫУӨ, ЖМА, ЖӨБ аткаруу органдары (макулдашуу боюнча)

2024-жылдын 1-апрели

Республикалык жана жергиликтүү бюджеттердин алкагында

7

Жаңы уюшулган айыл аймактарында жана шаарларда "Санарип Аймак" АМС иштөө боюнча чараларды көрүү

"Санарип Аймак" АМС бардык жаңы уюшулган ЖӨБ аткаруу органдарында иштейт;

МКЖӨБМА, СӨМ, КРП облустардагы ЫУӨ, ЖМА, ЖӨБ аткаруу органдары (макулдашуу боюнча)

2024-жылдын 1-апрели

Республикалык жана жергиликтүү бюджеттердин алкагында

Жер-жерлерде "Санарип Аймак" системасынын ишин активдештирүү, муниципалдык кызматкерлердин, анын ичинде жергиликтүү калктын кызмат көрсөтүүлөрдү керектөөчүлөр катары потенциалын жогорулатуу боюнча туруктуу курстарды өткөрүү

туруктуу (үзгүлтүксүз) курстар уюштурулду

дайыма

8

Айыл аймактарын жана шаарларды кайра уюштуруунун натыйжасында үнөмдөлгөн каражаттарды жаңы уюшулган айыл аймактарынын жана шаарлардын жергиликтүү бюджеттерине калтыруу

Жаңы уюшулган айыл аймактарынын жана шаарлардын бюджеттеринде үнөмдөлгөн каражаттарды калтыруу жөнүндө Кыргыз Республикасынын Министрлер Кабинетинин чечими кабыл алынды

ФМ, ВАЖТ, КРП облустардагы ЫУӨ, ЖМА, ЖӨБ аткаруу органдары (макулдашуу боюнча)

2024-жылдын ичинде

Республикалык жана жергиликтүү бюджеттердин алкагында

2. Региондорду социалдык-экономикалык өнүктүрүү жана мамлекеттик башкаруу органдары менен өз ара аракеттенүүнүн натыйжалуу системасын түзүү боюнча чаралар

9

Социалдык-экономикалык өнүгүүнү аймактык пландоо

Облустардын, Бишкек жана Ош шаарларынын айыл аймактарынын жана шаарларынын деңгээлинде административдик-аймактык реформаны жүргүзүү боюнча иш-аракеттердин кадамдык планын иштеп чыгуу жана бекитүү

КРП облустардагы ЫУӨнүн, Бишкек жана Ош шаарларынын айыл аймактарын жана шаарларды ирилештирүү/оптимизациялоо боюнча кадамдык иш-аракеттер пландары бекитилди

КРП облустардагы ЫУӨ, ЖМА, ЭКМ, ЖӨБ аткаруу органдары (макулдашуу боюнча)

2024-жылдын 15-январы

Республикалык жана жергиликтүү бюджеттердин алкагында

10

2024-2026-жылдарга айыл аймактарынын жана шаарларынын социалдык-экономикалык өнүгүүсүнүн орто мөөнөттүү программаларын иштеп чыгуу жана бекитүү

Айыл аймактарын жана шаарларды социалдык-экономикалык жактан өнүктүрүүнүн программалары бекитилди

ЖМА, ЭКМ, ЖӨБ аткаруу органдары (макулдашуу боюнча)

2024-жылдын 1-апрели

Жергиликтүү бюджеттин алкагында

11

Жаңы уюшулган айыл аймактарынын жана шаарлардын чек аралары жана башка географиялык маалыматтары камтылган схемалык картасын иштеп чыгуу

Жаңы уюшулган айыл аймактарынын жана шаарлардын схемалык карталары иштелип чыкты жана бекитилди

ЖРМА, ЖӨБ аткаруу органдары (макулдашуу боюнча)

2024-жылдын 3-июну

Республикалык жана жергиликтүү бюджеттердин алкагында

12

Жаңы түзүлгөн айыл аймактарынын жана шаарлардын потенциалын жогорулатуу жана ишине дем берүү

Кыргыз Республикасынын 2013-жылдын 9-июлундагы № 127 "Жергиликтүү өз алдынча башкаруу органдарына айрым мамлекеттик ыйгарым укуктарды берүүнүн тартиби жөнүндө" Мыйзамына ылайык тиешелүү материалдык жана финансылык камсыз кылуу менен жаңы түзүлгөн айыл аймактарынын жергиликтүү өз алдынча башкаруусунун аткаруу органдарына ыйгарым укуктарды берүү жөнүндө маселени кароо

Мамлекеттик органдар менен жергиликтүү өз алдынча башкаруусунун аткаруу органдарынын ортосунда тиешелүү келишимдерди түзүү боюнча чечимдер кабыл алынды

МКЖӨБМА, ЖӨБ Союзу, ФМ, ВАЖТ, министрликтер жана ведомстволор, ЖӨБ аткаруу органдары (макулдашуу боюнча)

2024-жылдын 1-апрели

Республикалык бюджеттин алкагында

13

Кыргыз Республикасынын Президентинин 2023-жылдын 4-апрелиндеги № 87 "Айыл аймактарынын деңгээлинде пилоттук режимде административдик-аймактык реформа жүргүзүлүп жаткан Кыргыз Республикасынын региондорундагы айылдык кеңештердин ишин уюштуруу жөнүндө" Жарлыгына жакын жайгашкан калктуу конуштарды, айыл аймактарын шаарга бириктирүүнүн натыйжасында жаңы уюшулган шаардын жергиликтүү кеңешин түзүү бөлүгүнө өзгөртүү киргизүү

Кыргыз Республикасынын Президентинин чечими кабыл алынды

МКЖӨБМА, ЖӨБ Союзу, ВАЖТ, министрликтер жана ведомстволор, ЖӨБ аткаруу органдары (макулдашуу боюнча)

2024-жылдын 15-январы

Республикалык жана жергиликтүү бюджеттердин алкагында

14

Республикалык бюджеттен төмөнкүлөргө кошумча каражаттарды бөлүү жөнүндө маселени кароо:

- жаңыдан түзүлгөн айыл аймактарына жана шаарларга 10000000 (он миллион) сомдон;

- жергиликтүү өз алдынча башкаруунун аткаруу органдарынын материалдык-техникалык базасын жакшыртууга жана кызматтык автотранспорт сатып алуу үчүн;

- жаңыдан түзүлгөн административдик- аймактык бирдиктердин схемалык карталарын даярдоо үчүн

Кыргыз Республикасынын 0020 Министрлер Кабинетинин чечими кабыл алынды

ФМ, ЖРК, МКЖӨБМА, ЖӨБ аткаруу органдары (макулдашуу боюнча)

2024-жылдын ичинде

Республикалык бюджеттин чегинде

15

Жергиликтүү деңгээлде көрсөтүлүүчү кызматтардын жеткиликтүүлүгүн жана сапатын жогорулатуу боюнча чараларды көрүү

Райондук деңгээлдеги КТБнын базасында болгон/түзүлгөн "Бирдиктүү терезе" принциби боюнча мамлекеттик жана муниципалдык кызматтарды көрсөтүүнүн моделин иштеп чыгуу

"Бирдиктүү терезе" принциби боюнча кызматтарды көрсөтүүчү КТБлар түзүлдү

СӨМ, министрликтер жана ведомстволор, ЖӨБ аткаруу органдары (макулдашуу боюнча)

2024-жылдын 3-июну

Республикалык жана жергиликтүү бюджеттердин чегинде

16

Кыргыз Республикасынын жаңыдан түзүлгөн айыл аймактарында жана шаарларында ички ирригациялык системаларды, ичүүчү суу менен камсыздоо системаларын тейлөө, ошондой эле жайыттарды башкаруу үчүн шарттарды түзүү

Кыргыз Республикасынын Министрлер Кабинетинин мамлекеттик жайыт жерлерин башкаруу жана тескөө жөнүндө чечиминин долбоорун иштеп чыгуу

Кыргыз Республикасынын Министрлер Кабинетинин чечими кабыл алынды

АЧМ, МКЖӨБМА, ЖМА, ЖӨБ аткаруу органдары (макулдашуу боюнча)

2024-жылдын 3-июну

Республикалык жана жергиликтүү бюджеттердин чегинде

17

Сугат жерлерине ээлик кылган жана пайдаланган жактар үчүн келишимдик шарттарда ички чарбалык ирригациялык системаларды пайдалануу, тейлөө жана сууну бөлүштүрүү жөнүндө методикалык колдонмону иштеп чыгуу

Кыргыз Республикасынын Министрлер Кабинетинин чечими кабыл алынды

АЧМ, МКЖӨБМА, ЖМА, ЖӨБ аткаруу органдары (макулдашуу боюнча)

2024-жылдын 3-июну

Республикалык жана жергиликтүү бюджеттердин чегинде

18

Ирригациялык системаларды, ичүүчү суу менен камсыздоо системаларын комплекстүү тейлөө, өнүктүрүү жана жайыт жерлерин натыйжалуу башкаруу үчүн муниципалдык ишканаларды түзүүгө көмөк көрсөтүү

Ирригациялык системаларды, ичүүчү суу менен камсыздоо системаларын комплекстүү тейлөө жана өнүктүрүү жана жайыт жерлерин натыйжалуу башкаруу үчүн муниципалдык ишканалар түзүлдү

АЧМ, МКЖӨБМА, ЖМА, ЖӨБ аткаруу органдары (макулдашуу боюнча)

2024-жылдын ичинде

Жергиликтүү бюджеттин чегинде

3. Айыл аймактарынын жана шаарлардын деңгээлинде административдик-аймактык реформанын жыйынтыктарын мыйзам менен бекитүү

19

Жаңы административдик-аймактык бирдиктерди - кайра уюшулган айыл аймактарын жана шаарларды мыйзам менен бекемдөө

"Кыргыз Республикасынын жергиликтүү өз алдынча башкаруунун деңгээлинде жаңы административдик- аймактык бирдиктери жөнүндө" Кыргыз Республикасынын Мыйзамынын долбоорун иштеп чыгуу жана Кыргыз Республикасынын Жогорку Кеңешине киргизүү

"Кыргыз Республикасынын жергиликтүү өз алдынча башкаруунун деңгээлинде жаңы административдик-аймактык түзүлүшү жөнүндө" Кыргыз Республикасынын Мыйзамынын долбоору Кыргыз Республикасынын Жогорку Кеңешине киргизилди

ЭКМ, МКЖӨБМА, ВАЖТ, министрликтер жана ведомстволор, ЖМА, ЖӨБ аткаруу органдары (макулдашуу боюнча)

2024-жылдын 3-июну

Республикалык бюджеттин чегинде

20

"Кыргыз Республикасынын 2024-жылга жана 2025-2026-жылдардын пландык мезгилине республикалык бюджети жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоорун иштеп чыгууда тиешелүү өзгөртүүлөрдү кароо

"Кыргыз Республикасынын 2024-жылга жана 2025-2026-жылдардын пландык мезгилине республикалык бюджети жөнүндө" Кыргыз Республикасынын Мыйзамында жаңыдан түзүлгөн айыл аймактарынын жана шаарлардын бюджеттери каралды

ФМ, ЭКМ, МКЖӨБМА, ВАЖТ, министрликтер жана ведомстволор, КРП облустардагы ЫУӨ, ЖМА, ЖӨБ аткаруу органдары (макулдашуу боюнча)

2024-жылдын 3-июну

Республикалык бюджеттин алкагында

21

"Жергиликтүү мамлекеттик администрация жана жергиликтүү өз алдынча башкаруу органдары жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоорун иштеп чыгуу жана Кыргыз Республикасынын Жогорку Кеңешине киргизүү

"Жергиликтүү мамлекеттик администрация жана жергиликтүү өз алдынча башкаруу органдары жөнүндө" Кыргыз Республикасынын Мыйзамынын долбоору Кыргыз Республикасынын Жогорку Кеңешинин кароосуна киргизилди

ЭКМ, МКЖӨБМА, ВАЖТ, министрликтер жана ведомстволор, КРП облустардагы ЫУӨ, ЖӨБ аткаруу органдары (макулдашуу боюнча)

2024-жылдын 3-июну

Республикалык бюджеттин алкагында

22

"Кыргыз Республикасынын административдик- аймактык түзүлүшү жөнүндө" Кыргыз Республикасынын Мыйзамынын долбоорун жаңы редакцияда иштеп чыгуу жана Кыргыз Республикасынын Жогорку Кеңешине киргизүү

"Кыргыз Республикасынын административдик-аймактык түзүлүшү жөнүндө" Кыргыз Республикасынын Мыйзамынын долбоору жаңы редакцияда Кыргыз Республикасынын Жогорку Кеңешине киргизилди

ЭКМ, МКЖӨБМА, ВАЖТ, министрликтер жана ведомстволор, КРП облустардагы ЫУӨ, ЖМА, ЖӨБ аткаруу органдары (макулдашуу боюнча)

2024-жылдын 3-июну

Республикалык бюджеттин алкагында

Кыскартуулардын тизмеси:

АЧМ

-

Кыргыз Республикасынын Суу ресурстары, айыл чарбасы жана кайра иштетүү өнөр жайы министрлиги

БШК

-

Кыргыз Республикасынын Борбордук шайлоо комиссиясы

ВАЖТ

-

Ведомстволор аралык жумушчу топ

ЖМА

-

жергиликтүү мамлекеттик администрация

ЖӨБ

-

жергиликтүү өз алдынча башкаруу

ЖРК

-

Кыргыз Республикасынын Министрлер Кабинетине караштуу Жер ресурстары, кадастр, геодезия жана картография боюнча мамлекеттик агенттиги

КРПнын облустардагы ЫУӨ

-

Кыргыз Республикасынын Президентинин облустардагы ыйгарым укуктуу өкүлчүлүктөрү

МКЖӨБМА

-

Кыргыз Республикасынын Министрлер Кабинетине караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиги

СӨМ

-

Кыргыз Республикасынын Санариптик өнүктүрүү министрлиги

УСК

-

Кыргыз Республикасынын Улуттук статистика комитети

ФМ

-

Кыргыз Республикасынын Финансы министрлиги

ЭКМ

-

Кыргыз Республикасынын Экономика жана коммерция министрлиги

ЮМ

-

Кыргыз Республикасынын Юстиция министрлиги