КР Өкмөтүнүн 2014 жылдын 6 августундагы № 315-б (Кыргыз Республикасынын Эмгек, миграция жана жаштар министрлигинин, Кыргыз Республикасындагы Миграция боюнча эл аралык уюмдун миссиясынын жана Кыргыз Республикасынын Өкмөтүнүн Ош облусундагы ыйгарым укуктуу өкүлүнүн аппаратынын ортосундагы Макулдашуунун долбооруна макулдук берүү боюнча) буйругу

КЫРГЫЗ РЕСПУБЛИКАСЫНЫН ӨКМӨТҮ БУЙРУК 2014-жылдын 6-августу № 315-б Кыргыз Республикасынын Эмгек, миграция жана жаштар министрлигинин алдындагы Кыргыз Республикасынын жарандарын ишке орноштуруу борбору катарында убактылуу пайдалануу үчүн Кыргыз Республикасынын Өкмөтүнүн Ош облусундагы ыйгарым укуктуу өкүлүнүн аппаратынын имаратынан берилген жайларды модернизациялоо боюнча долбоорду ишке ашыруу жөнүндө Кыргыз Республикасынын Эмгек, миграция жана жаштар министрлигинин, Кыргыз Республикасындагы Миграция боюнча эл аралык уюмдун миссиясынын жана Кыргыз Республикасынын Өкмөтүнүн Ош облусундагы ыйгарым укуктуу өкүлүнүн аппаратынын ортосундагы Макулдашуунун тиркелген долбооруна принциптүү эмес мүнөздөгү өзгөртүүлөрдү жана толуктоолорду киргизүү укугу менен макулдук берилсин.

Премьер-министр

Дж.К. Оторбаев

Долбоор Кыргыз Республикасынын Эмгек, миграция жана жаштар министрлигинин алдындагы Кыргыз Республикасынын жарандарын ишке орноштуруу борбору катарында убактылуу пайдалануу үчүн Кыргыз Республикасынын Өкмөтүнүн Ош облусундагы ыйгарым укуктуу өкүлүнүн аппаратынын имаратынан берилген жайларды модернизациялоо боюнча долбоорду ишке ашыруу жөнүндө Кыргыз Республикасынын Эмгек, миграция жана жаштар министрлигинин, Кыргыз Республикасындагы Миграция боюнча эл аралык уюмдун миссиясынын жана Кыргыз Республикасынын Өкмөтүнүн Ош облусундагы ыйгарым укуктуу өкүлүнүн аппаратынын ортосундагы

МАКУЛДАШУУ

Мындан ары Тараптар деп аталуучу Кыргыз Республикасынын Эмгек, миграция жана жаштар министрлиги, Кыргыз Республикасындагы Миграция боюнча эл аралык уюмдун миссиясы, Кыргыз Республикасынын Өкмөтүнүн Ош облусундагы ыйгарым укуктуу өкүлүнүн аппараты, ишке орноштуруу жана эмгек миграция чөйрөсүндөгү кызматташтыкты бекемдөө, өнүктүрүү максатында теңдүүлүк жана өз ара пайдалуулук принцибин сактап, Кыргыз Республикасынын жарандарынын укуктарын коргоо жана кызыкчылыктарын илгерилетүү боюнча эл аралык милдеттенмелерди жана Кыргыз Республикасынын мыйзамдарын сактап, ошондой эле жарандарга кызмат көрсөтүүлөрдү кеңейтүү максатында, Кыргыз Республикасынын 2003-жылдын 15-апрелиндеги № 81 Мыйзамы менен ратификацияланган, миграция жаатында кызматташуу жөнүндө Кыргыз Республикасынын Өкмөтү менен Миграция боюнча эл аралык уюмдун ортосундагы 1998-жылдын 9-февралындагы Макулдашууну жетекчиликке алып, Кыргыз Республикасынын Өкмөтүнүн 2013-жылдын 6-сентябрындагы № 485 токтому менен бекитилген, 2020-жылга чейин калкты иш менен камсыз кылууга көмөктөшүү жана тышкы эмгек миграциясын жөнгө салуу программасын ишке ашыруу максатында, ошондой эле Кыргыз Республикасынын Өкмөтүнүн 2013-жылдын 2-октябрындагы № 550 токтому менен бекитилген, Россия Федерациясынын аймагындагы Кыргыз Республикасынын жарандарын - эмгек мигранттарын мыйзамдуу ишке орноштуруу, социалдык жана пенсиялык камсыздоо максатында "бирдиктүү терезе" тутумундагы мамлекеттик органдардын жана башка уюмдардын өз ара аракеттенүү тартиби жөнүндө жобого ылайык, мындай кызматташтыктын натыйжасында алынган өз ара пайданы таанып, төмөндөгүлөр жөнүндө макулдашты: 1-берене. Кызматташтыктын максаты

Ушул Макулдашуунун максаты 2003-жылдын 15-апрелиндеги № 81 Кыргыз Республикасынын Мыйзамы менен ратификацияланган жана 1998-жылдын 9-февралында кол коюлган Кыргыз Республикасынын Өкмөтү менен Миграция боюнча эл аралык уюмдун ортосундагы Миграция жаатындагы кызматташтык жөнүндө макулдашууну ишке ашыруунун алкагында, Кыргыз Республикасынын Эмгек, миграция жана жаштар министрлигинин алдындагы Кыргыз Республикасынын жарандарын ишке орноштуруу борборунун (мындан ары - Борбор) кызматтарын потенциалдуу эмгек мигранттарынын алуусун камсыздоо үчүн шарт түзүү болуп саналат. 2-берене. Тараптардын милдеттери

Ушул Макулдашууга кол койгон Тараптар өздөрүнө төмөнкү милдеттенмелерди алышат: Кыргыз Республикасынын Эмгек, миграция жана жаштар министрлиги:

- Кыргыз Республикасынын Өкмөтүнүн Ош облусундагы ыйгарым укуктуу өкүлүнүн аппаратынын имаратынан берилген жайларды модернизациялоо боюнча иштери (мындан ары - модернизация) бүткөндөн кийин Борбордун ишин Кыргыз Республикасынын Өкмөтүнүн 2012-жылдын 25-майындагы № 317 токтому менен бекитилген, Кыргыз Республикасынын Жаштар, эмгек жана иш менен камсыз кылуу министрлигинин алдындагы Кыргыз Республикасынын жарандарын ишке орноштуруу борбору жөнүндө жобого ылайык уюштурат;

- Борбордун сапаттуу кызмат көрсөтүүсү боюнча чара көрөт.

Кыргыз Республикасынын Өкмөтүнүн Ош облусундагы ыйгарым укуктуу өкүлүнүн аппараты:

- ушул Макулдашуунун алкагында түзүлүүчү жайларды берүү жөнүндө Кыргыз Республикасынын Эмгек, миграция жана жаштар министрлигинин, Кыргыз Республикасындагы Миграция боюнча эл аралык уюмдун миссиясынын жана Кыргыз Республикасынын Өкмөтүнүн Ош облусундагы ыйгарым укуктуу өкүлүнүн аппаратынын ортосундагы Келишимдин негизинде Ош шаарындагы, Ленин көчөсү, 221 дареги боюнча жайгашкан Кыргыз Республикасынын Өкмөтүнүн Ош облусундагы ыйгарым укуктуу өкүлүнүн аппаратынын имаратынын жалпы аянты 522,32 чарчы метрди түзгөн жайларды Борборго берет.

Кыргыз Республикасындагы Миграция боюнча эл аралык уюмдун миссиясы:

- Кыргыз Республикасынын мыйзамдарына ылайык долбоорлоого чейинки документтерди иштеп чыгуу, аны макулдашуудан жана экспертизадан өткөрүү үчүн тиешелүү компанияны тандоону, ошондой эле долбоордук-сметалык документтерди каттоону жана Ош шаардык Шаар куруу жана архитектура башкы башкармалыгынан модернизациялоо боюнча иштерди жүргүзүүгө уруксат алууну жүргүзөт (Эскертүү: Кыргыз Республикасынын Өкмөтүнө караштуу Архитектура, курулуш жана турак жай-коммуналдык чарба мамлекеттик агенттигинин аймактык бөлүмү);

- модернизациялоо боюнча иштерди жүргүзүү үчүн Кыргыз Республикасынын мыйзамдарына ылайык компанияны тандоону жүргүзөт;

- ушул Макулдашуунун алкагында модернизациялоону жүргүзүү боюнча чыгымдарды төлөп берет (көрсөтүлгөн иштердин суммасы 30 (отуз) миң АКШ долларынан ашпоого тийиш);

- Борборду жабдууга, ошондой эле Борбордун ишинин методологиясын иштеп чыгууга көмөк көрсөтөт;

- модернизациялоо боюнча иштер аяктагандан кийин, ошондой эле Борбор жабдылгандан жана кабыл алуу-өткөрүп берүү актысына кол коюлгандан кийин Борборду күтүү жана/же башка ага байланыштуу курулуш иштери боюнча андан ары жоопкерчиликтүү болбойт.

3-берене. Талаш-тартыштарды чечүү жана Тараптардын жоопкерчиликтери

1. Ушул Макулдашуунун шарттарынын аткарылбагандыгына байланыштуу келип чыгышы мүмкүн болгон бардык талаш-тартыштар, пикир келишпестиктер жана дооматтар Тараптар ортосунда сүйлөшүүлөр жолу менен чечилет.

2. Тараптар, форс-мажордук жагдайлар, атап айтканда: иш таштоолордо, ар кандай мүнөздөгү согуштук аракеттерде, ошондой эле мындай иш-аракеттер коркунучу туулганда, жарандык баш ийбөө, террордук акты, өрт, суу ташкыны, табигый кырсыктар келип чыккан учурларда жана Тараптардын аракеттеринен көз каранды болбогон башка кырдаалдарда, ушул Макулдашуу боюнча жоопкерчиликтен толук бошотулат.

3. Ушул Макулдашуу Кыргыз Республикасындагы Миграция боюнча эл аралык уюмдун миссиясынын болгон артыкчылыктарына жана иммунитетине таасирин тийгизбейт.

4-берене. Макулдашуунун күчүнө кирүү, ага өзгөртүүлөрдү жана толуктоолорду киргизүү тартиби жана колдонуу мөөнөтү

1. Ушул Макулдашуу бардык Тараптардын ыйгарым укуктуу өкүлчүлдөрү ага кол койгон күндөн тартып күчүнө кирет,

модернизациялоо боюнча иштер аяктаганга жана жогоруда көрсөтүлгөн жайлар Борборго берилгенге чейин колдонулат.

2. Тараптардын өз ара макулдугу боюнча ушул Макулдашууга өзгөртүүлөр жана толуктоолор киргизилиши мүмкүн, алар ушул Макулдашуунун ажырагыс бөлүгү болуп саналган тийиштүү протоколдор менен жазуу түрүндө таризделет.

3. Тараптар ушул Макулдашууну өз ара макулдук боюнча буза алышат.

4. Ушул Макулдашууга Ош шаарында 2014-жылдын _________________ бирдей юридикалык күчкө ээ болгон үч нускада - ар бири кыргыз, орус жана англис тилдеринде кол коюлду. Макулдашуунун текстинде айырмачылыктар келип чыккан учурда англис тилиндеги текст басымдуу мүнөзгө ээ болот.

Кол коюучулар:

Кыргыз Республикасынын Эмгек, миграция жана жаштар министри

Кыргыз Республикасындагы Миграция боюнча эл аралык уюмдун кеңсесинин жетекчиси

Кыргыз Республикасынын Өкмөтүнүн Ош облусундагы ыйгарым укуктуу өкүлү

______________

______________

_____________

А.Алымкулов

Б.Молдобаева

С.Жээнбеков