Аккаунтту тууралаңыз

Текшерүү

Бул документ боюнча сурооңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Мисалы:

ИздөөПостановление

КР Өкмөтүнүн «2020-жылга чейин калкты иш менен камсыз кылууга көмөктөшүү жана тышкы эмгек миграциясын жөнгө салуу программасы жөнүндө» токтому

Постановление2013-жылдын 6-сентябры, № 485Күчүн жоготкон

(КР Министрлер Кабинетинин 2022-жылдын 14-январындагы № 9 токтомуна ылайык күчүн жоготту)

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2013-жылдын 6-сентябры № 485 2020-жылга чейин калкты иш менен камсыз кылууга көмөктөшүү жана ички жана тышкы эмгек миграциясын жөнгө салуу программасы жөнүндө (КР Өкмөтүнүн 2014-жылдын 28-ноябрындагы № 685 токтомунун редакциясына ылайык) Кыргыз Республикасынын калкын иш менен камсыз кылуу ички жана тышкы эмгек рыногунда иштеген Кыргыз Республикасынын жарандарын колдоо максатында, "Калкты иш менен камсыз кылууга көмөктөшүү жөнүндө" Кыргыз Республикасынын Мыйзамын аткаруу алкагында Кыргыз Республикасынын Өкмөтү (КР Өкмөтүнүн 2014-жылдын 28-ноябрындагы № 685 токтомунун редакциясына ылайык) ТОКТОМ КЫЛАТ:

1. Төмөнкү тиркемелер бекитилсин:

- 2020-жылга чейин калкты иш менен камсыз кылууга көмөктөшүү жана ички жана тышкы эмгек миграциясын жөнгө салуу программасы;

- 2020-жылга чейин калкты иш менен камсыз кылууга көмөктөшүү жана ички жана тышкы эмгек миграциясын жөнгө салуу программасын жүзөгө ашыруу боюнча иш-чаралардын планы (мындан ары - Иш-чаралардын планы).

(КР Өкмөтүнүн 2014-жылдын 28-ноябрындагы № 685 токтомунун редакциясына ылайык)

2. Министрликтердин, мамлекеттик комитеттин, администрациялык ведомстволордун жетекчилери, Кыргыз Республикасынын Өкмөтүнүн облустардагы ыйгарым укуктуу өкүлдөрү, жергиликтүү мамлекеттик администрациялардын жана жергиликтүү өз алдынча башкаруунун аткаруу органдарынын башчылары Кыргыз Республикасынын Эмгек, миграция жана жаштар министрлигине ар бир жарым жылдыктын жыйынтыгы боюнча отчеттук мезгилден кийинки айдын 15ине чейин Иш-чаралардын планын аткаруунун жүрүшү тууралуу маалыматтарды беришсин.

3. Кыргыз Республикасынын Эмгек, миграция жана жаштар министрлиги Кыргыз Республикасынын Өкмөтүнүн Аппаратына ар бир жарым жылдыктын жыйынтыгы боюнча отчеттук мезгилден кийинки айдын 25ине чейин Иш-чаралардын планын аткаруунун жүрүшү тууралуу маалыматты берсин.

4. Төмөнкүлөр күчүн жоготту деп табылсын:

- Кыргыз Республикасынын Өкмөтүнүн 2006-жылдын 17-августундагы № 591 "2010-жылга чейин Кыргыз Республикасынын калкын иш менен камсыз кылуунун улуттук саясаты" программасы жөнүндө" токтому;

- Кыргыз Республикасынын Өкмөтүнүн 2007-жылдын 25-сентябрындагы № 433 "Кыргыз Республикасынын 2007-2010-жылдарга миграциялык процесстерди жөнгө салуу боюнча мамлекеттик программасы жөнүндө" токтому.

5. Бул токтомдун аткарылышын контролдоо Кыргыз Республикасынын Өкмөтүнүн Аппаратынын социалдык өнүктүрүү бөлүмүнө жүктөлсүн.

6. Бул токтом расмий жарыяланган күндөн тартып күчүнө кирет.

Премьер-министр

Ж.Сатыбалдиев

Кыргыз Республикасынын Өкмөтүнүн 2013-жылдын 6-сентябрындагы № 485 токтому менен бекитилген

2020-жылга чейин калкты иш менен камсыз кылууга көмөктөшүү жана ички жана тышкы эмгек миграциясын жөнгө салуу программасын жүзөгө ашыруу боюнча ИШ-ЧАРАЛАРДЫН ПЛАНЫ

(КР Өкмөтүнүн 2014-жылдын 28-ноябрындагы № 685 токтомунун редакциясына ылайык)

№Иш-чараларЖүзөгө ашыруу мөөнөтүЖооптуу аткаруучуларКүтүлүүчү натыйжалар
1-милдет. Иш менен камсыз кылууга көмөктөшкөн жана ички жана тышкы эмгек миграциясын жөнгө салууга багытталган ченемдик укуктук актыларды иштеп чыгуу жана кабыл алуу
1Жоболордун долбоорлорун иштеп чыгуу жана киргизүү: - жумушсуз жарандарды эмгек базарында талап кылынган кесиптерге окутуу жөнүндө; - жумушсуз жарандарды акы төлөнүүчү коомдук жумуштарга тартуу жөнүндө; - жумушсуз жарандарга жеңилдетилген чакан насыя берүү механизмин тартипке келтирүү жөнүндө; - жумушсуздук боюнча жөлөкпулду төлөп берүүнүн тартиби жана шарттары жөнүндө2014-жылдын II кварталыЭМЖМБазар экономикасын эске алуу менен иш менен камсыз кылуу жана ишке орноштуруу маселелеринде жумушсуз жарандарга көмөк көрсөтүү механизми өркүндөтүлдү
2Калкты иш менен камсыз кылуу чөйрөсүндө кызмат көрсөтүү стандарттарын иштеп чыгуу2014-жылдын I кварталыЭМЖМИш менен камсыз кылуу кызматтарынын жарандарга көрсөтүүчү кызматтарынын сапаты жакшыртылды
3Кыргыз Республикасынын жарандарын чет өлкөдө мыйзамсыз ишке орноштуруу жана чет өлкөлүк жумушчу күчтөрүн мыйзамсыз тартуу үчүн жоопкерчиликти күчөтүүнү караган Кыргыз Республикасынын Администрациялык жоопкерчилик жөнүндө кодексине өзгөртүүлөрдү жана толуктоолорду киргизүү тууралуу мыйзам долбоорун иштеп чыгуу2014-жылдын II кварталыЭМЖМИш берүүчүлөрдүн жоопкерчилиги күчөтүлдү
4Кыргыз Республикасына кирип-чыккан Кыргыз Республикасынын жарандарын жана чет өлкөлүк жарандарды эсепке алуу тартиби жөнүндө жобонун долбоорун иштеп чыгуу жана бекитүү2014-жылдын II кварталыЧек-ара кызматы, ИИМ, МКК, ЭМЖМ, ТИМ, Улутстатком (макулдашуу боюнча)Жарандардын миграция боюнча анык статистикалык дайындарынын болушу
5Кызыкдар болгон кызматтар ортосунда дайындарды алмашуунун оперативдүү системасын, калктын миграциясын каттоо жана эсепке алуу форматын жана процедураларын иштеп чыгуу2014-жылдын IV кварталыЭМЖМ, Чек ара кызматы, ТИМ, ИИМ, МУКК, Улутстатком (макулдашуу боюнча)Калктын миграциясы жана эсепке алуу системасы түзүлдү, зарыл дайындарды ведомстволор аралык алмашуунун нускамасы иштелип чыкты
6Россия Федерациясынын аймагында Кыргыз Республикасынын жарандарын уюшулган түрдө кабыл алуу жана ишке орноштуруу жөнүндө Россия Федерациясынын Өкмөтүнүн Кыргыз Республикасынын Өкмөтү менен макулдашуунун долбоорун иштеп чыгуу жана киргизүү2014-жылдын I-II кварталдарыЭМЖМКыргыз Республикасынын жарандарын уюшулган түрдө ишке орноштуруу ишке ашырылды жана легалсыз иштеген жарандардын саны кыскартылды
7Эмгекчи мигранттардын социалдык жана пенсиялык жактан камсыз болуу укугун сактоону эске алуу менен эмгекчи мигранттардын жана алардын үй-бүлө мүчөлөрүнүн укуктук статусу тууралуу Кыргыз Республикасынын Өкмөтү менен Россия Федерациясынын Өкмөтүнүн ортосундагы макулдашуунун долбоорун иштеп чыгуу2014-жылдын III кварталыЭМЖМ, ССМ, СФСоциалдык жана пенсиялык камсыз кылуу бөлүгүндө эмгек мигранттарынын кызыкчылыгын коргоо камсыздалды
8"Иш менен камсыз кылуунун жеке агенттиктери жөнүндө" мыйзам долбоорун иштеп чыгуу жана киргизүү2015-жылЭМЖМИш менен камсыз кылган жеке агенттиктердин ишмердиги регламенттелди, алардын жоопкерчилиги жогорулатылды
9Россия Федерациясынын жана Кыргыз Республикасынын аймагында убактылуу эмгектенген жарандарды пенсиялык жактан камсыздоо маселелерин жөнгө салуу жөнүндө Кыргыз Республикасы менен Россия Федерациясынын ортосундагы макулдашуунун долбоорун иштеп чыгуу2014-жылдын IV кварталыСФ, ЭМЖМЭмгек мигранттарын пенсиялык жактан камсыздоо боюнча маселелер жөнгө салынды
10Кыргыз Республикасынын жана Кыргыз Республикасынын эмгекчи мигрант жарандары барган өлкөлөрдүн ыйгарым укуктуу мамлекеттик органдарынын келген-кеткен эмгек мигранттарынын дайындарын алмашуу боюнча биргелешкен ишинин механизмдерин иштеп чыгуу2014-жылЭМЖМКыргыз Республикасынын миграциялык органдардын жана Кыргыз Республикасынын эмгекчи мигрант жарандары барган өлкөлөрдүн ортосунда координацияланган аракеттер камсыз кылынды
2-милдет. Экономиканын мамлекеттик жана мамлекеттик эмес секторлорунда калктын иш менен камсыз болуусуна көмөктөшүү үчүн шарттарды түзүү
11Эмгек базарында талап кылынган кесиптерге окутуу, акы төлөнүүчү коомдук жумуштарга тартуу, чакан насыя берүү аркылуу жумушсуз жарандарды иш менен камсыз кылуунун активдүү иш-чараларын жүргүзүү2013-2020- жылдарЭМЖМ, облустардагы ыйгарым укуктуу өкүлдөр, ЖМА, Бишкек жана Ош шаардык мэриялары (макулдашуу боюнча)Жыл сайын калкты иш менен камсыз кылуунун активдүү чаралары боюнча иш менен камсыз кылуу кызматтарынын эсебинде турган жумушсуз жарандардын кеминде 40%ы камтылды
122013-2015-жылдары Кыргыз Республикасынын Өкмөтү, Кыргызстан профсоюздар федерациясы жана иш берүүчүлөрдүн республикалык бирикмелери ортосундагы Башкы макулдашуунун иш-чараларын жүзөгө ашыруу2013-2015- жылдарЭМЖМ, министрлик- тер жана ведомство- лор, иш берүү- чүлөрдүн бирикмелери (макулдашуу боюнча), КПФ (макулдашуу боюнча)Калкты иш менен камсыз кылуу чөйрөсүндөгү социалдык өнөктөштүк активдештирилди
13Ден соолугунун мүмкүнчүлүгү чектелүү адамдардын өзүн-өзү иш менен камсыз кылуусуна жана ишке орношуусуна көмөк көрсөтүүЖыл сайынЭМЖМ, иш берүүчүлөр (макулдашуу боюнча), облустардагы ыйгарым укуктуу өкүлдөр, ЖМА, Бишкек жана Ош шаарларынын мэриялары (макулдашуу боюнча)Ишке орноштурулган ден соолугунун мүмкүнчүлүгү чектелүү адамдардын саны жалпы иштеген кызматкерлердин жалпы санынын кеминде 5%ын түзөт
14Эмгек базарынын керектөөлөрүнө ылайык кесиптик кадрларды даярдооДайымаЭМЖМ, БИМЭмгек базарынын керектөөлөрүн талдоонун негизинде адистер даярдалды
15Баштапкы кесиптик-техникалык билим берүү окуу жайларынын окуучуларынын компетенциясын көз карандысыз тастыктоону киргизүүДайымаБИМ, КТББАКомпетенцияларды баалоонун негизинде окутулган окуучулардын саны жыл сайын көбөйөт
16Бош иш орундары жармаңкелерин өткөрүү, анын ичинде калктын социалдык жактан аялуу катмарлары үчүн өткөрүүЖыл сайынЭМЖМ, иш берүүчү- лөрдүн бирикмелери, (макулдашуу боюнча), эл аралык уюмдар (макулдашуу боюнча)Бош иш орундары жарманкелерине иш издеп келген жумушсуз жарандардын кеминде 10%ы иш менен камсыз кылынды
17Андан ары ишке орноштуруу максатында уюмдарда жана ишканаларда жаш адистердин стажировкадан өтүүсүнүн практикасын кеңейтүүДайымаЭМЖМ, иш берүүчү- лөрдүн бирикмелери (макулдашуу боюнча)Жаш адистерди ишке орноштуруу көрсөткүчү жыл сайын 5%га өстү
3-милдет. Эмгек базарындагы иш менен камсыз кылууга көмөктөшүүнүн активдүү чараларын күчөтүү
18Кошумча акы төлөнүүчү коомдук жумуштарды уюштуруу боюнча долбоорлорду иштеп чыгуу жана ишке ашыруу2013-2020- жылдарЭМЖМ, иш берүүчү- лөрдүн бирикмелери (макулдашуу боюнча), эл аралык уюмдар (макулдашуу боюнча)Жыл сайын кеминде 15 миң жумушсуз жаран убактылуу жумуш орундары менен камсыз кылынды
19Жеке ишкердигин уюштуруу үчүн жумушсуз жарандарга чакан насыяларды берүү2013-2020- жылдарЭМЖМ, насыялык уюмдар (макулдашуу боюнча)Чакан жана орто бизнес чөйрөсүндө түзүлгөн жумуш орундары жыл сайын 1,5 миң бирдикке көбөйдү
20Жумушсуз жаштарга кесиптик багыт берүү иш-чараларынын системасын өнүктүрүүДайымаЭМЖМ, БИМКесиптик багыт берүү кызматы жыл сайын иш менен камсыз кылуу кызматында катталган жумушсуз жарандардын ичинен жаштардын кеминде 95%ын камтыды
21Кесипти, адистикти, сабактын түрлөрүн, окуунун түрлөрүн жана формаларын тандоо менен күн мурунтан окутууга муктаж болгон кызматкерлерге кесиптик консультация берүүнү уюштурууДайымаЭМЖМ, БИМЭмгек базарындагы кырдаал жана иштен бошотулган адамдардын арасында талап кылынган кесиптер тууралуу маалымдуулуктун деңгээли жогорулатылды
22Жаңы кесип алуу, кесиптик профилин кеңейтүү жана ишке орношууга мүмкүнчүлүк алуу үчүн окутуу зарыл болгон кызматкерлерге күн мурунтан кыска мөөнөттүү кесиптик даярдоо/кайра даярдоо курстарын уюштурууДайымаЭМЖМЖыл сайын кеминде 4 миң кызматкер жаңы кесипке окутуу киргизилди
4-милдет. Кыргыз Республикасынын жарандарынын - эмгек-мигранттарынын кесиптик жана билим берүү деңгээлин, Кыргыз Республикасынын жарандарынын өлкө ичинде жана чет өлкөлөрдө ишке орношуу мүмкүнчүлүгү жана шарттары тууралуу маалымдуулугунун деңгээлин жогорулатуу
23Республиканын региондорунда чет өлкөдө эмгектенүүнү каалаган Кыргызстандын жарандарын миграцияга чейин даярдоо борборлорун түзүү2014-2017- жылдарЭМЖМ, облустардагы ыйгарым укуктуу өкүлдөр, Бишкек жана Ош шаарларынын мэриялары (макулдашуу боюнча)Эмгек миграциясы жөнүндө калктын маалымдуулугу жогорулатылды
24Эмгек мигранттары үчүн кыска мөөнөттүү билим берүү программасын иштеп чыгуу жана киргизүү2013-2017- жылдарЭМЖМ, БИМОкутуу жана кайра окутуу боюнча эмгек мигранттары үчүн билим берүү жана кесиптик кызмат көрсөтүүлөр кеңейди
25Бийик тоолуу жана чек арага жакын райондордо жайгашкан калктуу пункттардын жашоочулары үчүн окутуунун жөнөкөйлөштүрүлгөн программасын иштеп чыгуу жана киргизүү2013-2017- жылдарЭМЖМ, эл аралык жана коомдук уюмдар (макулдашуу боюнча)Ишке орношуу үчүн жумушсуз жарандардын мүмкүнчүлүгү кеңейтилди
26Республиканын региондорунда кесиптик багыт берүүнү жүргүзүү методикасын иштеп чыгуу жана киргизүү2014-жылдын I-II кварталыЭМЖМ, БИМ, ЖМА, коомдук уюмдар (макулдашуу боюнча)Коомчулуктарда, региондордо, өлкөдө талап кылынган адистиктерге окугандардын саны өстү
27Эки тараптуу жана көп тараптуу кызматташуулардын алкагындагы демилгелер аркылуу дипломдорду/тастыкта- маларды өз ара таануу системасын киргизүү механизмдерин иштеп чыгуу2014-2017- жылдарЭМЖМ, БИМЧет өлкөдө Кыргызстандын жарандарын ишке орноштуруу үчүн шарттар жана мүмкүнчүлүктөр жакшыртылды
28Эл аралык эмгек базарындагы бош орундар жана ишке орношуучу өлкөнүн мыйзамдары тууралуу эмгек мигранттарына маалыматтык кызмат көрсөтүү2013-2020- жылдарЭМЖМ, ИКЖАлар (макулдашуу боюнча)Эмгек мигранттары үчүн маалыматтын сапаты жана жеткиликтүүлүгү жогорулады
29Кыргыз Республикасынын Россия Федерациясындагы жана Казакстан Республикасындагы дипломатиялык өкүлчүлүктөрүндө Кыргыз Республикасынын Эмгек, миграция жана жаштар министрлигинин өкүлчүлүктөрүн уюмдаштыруу2014-жылЭМЖМ, ТИМРоссия Федерациясындагы жана Казакстан Республикасындагы эмгек мигранттарын коргоо деңгээли көтөрүлдү
30Эмгек мигранттарынын жана иш берүүчүлөрдүн ортосунда түзүлүүчү эмгек келишимине болгон минималдуу талаптарды иштеп чыгуу жана бекитүү2014-жылЭМЖМ, ИКЖАлар, (макулдашуу боюнча), профсоюздар (макулдашуу боюнча)Эмгек мигранттарынын жана иш берүүчүлөрдүн ортосунда түзүлгөн эмгек келишимдери түзүлдү жана өркүндөтүлдү
5-милдет. Эмгек базарын талдоого алуу жана божомолдоо системасын өркүндөтүү
31Түзүлгөн жана жоюлган жумуш орундарынын санын аныктоо методикасын иштеп чыгуу жана киргизүү2014-жылдын II кварталыУлутстатком (макулдашуу боюнча), ЭМЖМ, АЧММ, ЖМА, ЖӨБО, (макулдашуу боюнча)Түзүлгөн жана жоюлган жумуш орундары тууралуу статистикалык дайындар бар
32Калктын иш менен камсыз кылуунун негизги көрсөткүчтөрүнүн, эмгек ресурстарынын баланстарынын божомолун иштеп чыгуу жана киргизүү2014-жылдын I кварталыЭМЖМ, Улутстатком (макулдашуу боюнча), министрлик- тер жана ведомство- лорЭмгек базарынын абалы, эмгек ресурстарынын балансы тууралуу ар бир жылдагы маалыматтар топтолду
33Жумушсуз жарандарды статистикалык эсепке алуу методикасын өркүндөтүү2014-жылдын II кварталыЭМЖМ, Улутстатком (макулдашуу боюнча)Жумушсуз жарандардын жалпы саны тууралуу так дайындар алынды
6-милдет. Иш менен камсыз кылуу жана миграция мамлекеттик кызматтарынын ишинин жыйынтыктуулугун жогорулатуу
34Иш менен камсыз кылуу жана миграция мамлекеттик кызматынын материалдык-техникалык базасын чыңдоо2014-2018- жылдарЭМЖМ, эл аралык уюмдар (макулдашуу боюнча)Иш менен камсыз кылуу жана миграция маселелери боюнча калкка мамлекеттик сапаттуу кызматтар көрсөтүлдү
35Кыргыз Республикасынын Эмгек, миграция жана жаштар министрлигинин бөлүмдөрүндө кесиптик багыттоо ишин жүргүзүүнүн методикасын киргизүү2014-жылдын I кварталыЭМЖМИш менен камсыз кылуу кызматынын ишин жакшыртуу үчүн кесиптик багыттоо ишин жүргүзүүнүн методикасы иштелди
36Маалыматтык-коммуника- циялык технологияларды өркүндөтүү2013-2019- жылдарЭМЖМ, эл аралык уюмдар (макулдашуу боюнча)Иш берүүчүлөргө жана иш издеген жарандарга көрсөтүлүүчү кызматтардын сапатын жана жыйынтыктуулугун жогорулатуу үчүн корпоративдик тарам киргизилди
37Иш менен камсыз кылууга көмөктөшүү жаатында мамлекеттик кызмат көрсөтүүлөрдүн сапаты жана толуктугу жөнүндө жарандарды сурамжылоону жыл сайын өткөрүүЖыл сайынЭМЖМИш менен камсыз кылуу жана миграция маселелери боюнча жарандардын даттанууларынын саны төмөндөдү
38Калктын маалымдуулугун көтөрүү максатында калкты иш менен камсыз кылуу жана миграция маселелери боюнча басма жана электрондук жалпыга маалымдоо каражаттарында жарыялоо, теле-, радиоберүүлөрдүн циклдерин уюштурууДайымаЭМЖМКалктын укуктук сабаты жогорулатылды

Кыскартуулардын тизмеси: ЭМЖМ - Кыргыз Республикасынын Эмгек, миграция жана жаштар министрлиги; БИМ - Кыргыз Республикасынын Билим берүү жана илим министрлиги; АЧММ - Кыргыз Республикасынын Айыл чарба жана мелиорация министрлиги; ТИМ - Кыргыз Республикасынын Тышкы иштер министрлиги; ИИМ - Кыргыз Республикасынын Ички иштер министрлиги; ССМ - Кыргыз Республикасынын Саламаттык сактоо министрлиги; МУКК - Кыргыз Республикасынын Мамлекеттик улуттук коопсуздук комитети; МКК - Кыргыз Республикасынын Өкмөтүнө караштуу Мамлекеттик каттоо кызматы; Улутстатком - Кыргыз Республикасынын Улуттук статистикалык комитети; СФ - Кыргыз Республикасынын Социалдык фонду; Чек ара кызматы - Кыргыз Республикасынын Чек ара кызматы; КТББА - Кыргыз Республикасынын Эмгек, миграция жана жаштар министрлигинин алдындагы Кесиптик-техникалык билим берүү агенттиги; облустардагы - Кыргыз Республикасынын Өкмөтүнүн облустардагы ыйгарым укуктуу ыйгарым укуктуу өкүлдөрү; өкүлдөр ЖМА - жергиликтүү мамлекеттик администрациялар; ЖӨБО - жергиликтүү өз алдынча башкаруу органдары; КПФ - Кыргызстандын профсоюздар федерациясы; ИКЖА - Иш менен камсыз кылуунун жеке агенттиктери.

ыкчам баскычтар:J / Kкийинки / мурунку берене[ / ]редакция артка / алдыгаTмазмунуCбайланыштар⌘K / Ctrl Kбуйруктар палитрасы/издөөгө фокус

Документ боюнча дагы суроолоруңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Документтин байланыштары

шилтеме берет: 4 · цитата келтиргендер: 23 · байланышкандар: 1

Цитата келтиргендер (23)

23 ичинен 20 көрсөтүлдү. Толук тизме - шилтемелер панелинде.

Шилтеме берет (4)

4 ичинен 3 көрсөтүлдү. Толук тизме - шилтемелер панелинде.

Байланышкан документтер (1)

Булактын (cbd.minjust.gov.kg) маалыматы боюнча, кайсы акт кайсыга шилтеме берери көрсөтүлбөйт.