8-берене. Автотранспорт ишинин негизги принциптери

Автомобиль транспорту чөйрөсүндөгү иштер жана кызматтар төмөнкү негизги принциптерге негизделет:

1) ташуулардын коопсуздугу, адамдардын өмүрүн жана ден соолугун, алардын мүлкүн коргоонун, жаратылышты жана маданий баалуулуктарды сактоонун артыкчылыктуулугунун;

2) жеке жана юридикалык жактардын укуктарынын жана милдеттеринин теңдигинин;

3) автотранспорт кызматтарын керектөөчү тарабынан ташуучуну тандап алуунун эркиндигин, анын ичинде ташуучунун менчик автотранспорт каражаттарын жана кызматтарын пайдалануунун ортосундагы тандап алуунун эркиндигин камсыз кылуунун;

4) ташуу келишимдеринин, ташууларды, жалдоолорду уюштуруунун жана Кыргыз Республикасынын мыйзамдарында каралган башка келишимдердин жана макулдашуулардын негизинде коммерциялык автомобиль ашууларын жүзөгө ашыруунун;

5) (КР 2022-жылдын 24-октябрындагы № 99 Мыйзамына ылайык күчүн жоготту)

6) Кыргыз Республикасынын бардык аймагында бирдиктүү автотранспорт мейкиндигин автотранспорт ишин жүзөгө ашыруунун бирдиктүү талаптарын жана ченемдерин колдонуунун эсебинен камсыз кылуунун;

7) жалпы пайдалануудагы автомобиль транспорту менен ташууларды аткаруунун шарттары тууралуу маалымат менен жарандарды жана юридикалык жактарды камсыз кылуунун.

Көрсөтүлгөн принциптер мамлекеттик жөнгө салуу жана автотранспорт ишин башкаруу жолу менен ишке ашырылат. (КР 2022-жылдын 24-октябрындагы № 99 Мыйзамынын редакциясына ылайык)