31-берене. Көп батирлүү үйдүн жалпы мүлкүн башкаруу
Күчүндө · 06.08.2025 редакциясы · 4-глава
Акыркы өзгөртүү: Закон Кыргызской Республики от 15 августа 2023 года № 182
1. Көп батирлүү үйдүн турак жана турак эмес жайларынын менчик ээлеринин жалпы мүлкүн башкаруу жарандардын жагымдуу жана коопсуз жашоо шартын, көп батирлүү үйдөгү жалпы мүлктү күтүүнүн белгиленген ченемдерине жана эрежелерине ылайык болушуп, көрсөтүлгөн мүлктү пайдалануу маселелерин өз убагында жана квалификациялуу чечүүнү камсыз кылышы керек.
2. Көп батирлүү үйдүн турак жана турак эмес жайларынын менчик ээлеринин жалпы мүлкүн башкаруу төмөнкүдөй жүзөгө ашырылат:
1) көп батирлүү үй төрттөн ашпаган батирди өзүнө камтыган учурларда жайлардын менчик ээлери тарабынан;
2) келишимдин негизинде башкаруучу уюм (юридикалык жак) же башкаруучу (жеке ишкер статусуна ээ жеке жак) тарабынан;
з) турак жайдын менчик ээлеринин шериктиктери тарабынан;
4) турак жай, турак жай-эксплуатациялык кооперативдери тарабынан;
5) ушул Кодексте белгиленген учурда, адистешкен мамлекеттик же муниципалдык мекемелер тарабынан.
3. Көп батирлүү үйдүн турак же турак эмес жайлардын менчик ээлеринин жалпы мүлкүн башкаруунун ыкмасы жайлардын менчик ээлеринин жалпы чогулушунда тандалып алынат. Башкаруунун ыкмасын тандап алуу жөнүндө жалпы чогулуштун чечими турак жана турак эмес жайлардын менчик ээлеринин жалпы санынын ичинен көпчүлүк добуш менен кабыл алынат жана көп батирлүү үйдөгү жайлардын бардык менчик ээлери үчүн милдеттүү болуп саналат.
4. (КР 2023-жылдын 15-августундагы № 182 Мыйзамына ылайык күчүн жоготту)
5. (КР 2023-жылдын 15-августундагы № 182 Мыйзамына ылайык күчүн жоготту)
6. (КР 2023-жылдын 15-августундагы № 182 Мыйзамына ылайык күчүн жоготту)
7. (КР 2023-жылдын 15-августундагы № 182 Мыйзамына ылайык күчүн жоготту)
8. (КР 2023-жылдын 15-августундагы № 182 Мыйзамына ылайык күчүн жоготту)
9. (КР 2023-жылдын 15-августундагы № 182 Мыйзамына ылайык күчүн жоготту)
(КР 2023-жылдын 15-августундагы № 182 Мыйзамынын редакциясына ылайык)
Берененин тексти 06.08.2025 редакциясы боюнча берилди. Юридикалык маанилүү аракеттер үчүн расмий жарыялоо менен салыштырыңыз.
31-берене боюнча дагы суроолоруңуз барбы?
ЖИден сураңыз - ал мыйзамдын тексти боюнча жооп берип, керектүү беренелерди көрсөтөт.
Айына ЖИнин 40 жообу - акысыз. Банк картасы керек эмес.
Берененин өзгөртүүлөрүнүн тарыхы
Берененин текстиндеги «редакциясына ылайык» белгилери боюнча чогултулду, жаңылары биринчи. Өзгөртүү киргизген актынын кабыл алынган күнү көрсөтүлгөн.
- Закон Кыргызской Республики от 15 августа 2023 года № 182 "О внесении изменений в некоторые законодательные акты Кыргызской Республики по вопросам управления многоквартирными домами"Редакцияларды салыштыруу
15.08.2023 редакциясында эмне өзгөрдү
Кошулган текст астын сызылган, алынып салынганы чийилген. Өзгөргөн жерлер гана көрсөтүлдү.
…жайлардын бардык менчик ээлери үчүн милдеттүү болуп саналат.
4. алынып салынды: Эгерде көп батирлүү үйдүн турак жана турак эмес жайларынын менчик ээлери көп батирлүү үйдөгү жалпы мүлктү башкаруунун ыкмасын ушул Кодекс күчүнө киргенден кийин алты айдын ичинде тандап албаса, ыйгарым укуктуу орган ушул Кодексте жана башка ченемдик укуктук актыларда белгиленген тартипте башкаруучу уюмду же башкаруучуну тандап алуу боюнча ачык конкурс өткөрүүнү демилгелейт жана өткөрөт.
кошулду: (КР 2023-жылдын 15-августундагы № 182 Мыйзамына ылайык күчүн жоготту)
5. алынып салынды: Ыйгарым укуктуу орган конкурс өткөргөнгө чейин он беш күндөн кечиктирбестен көп батирлүү үйдөгү турак же турак эмес жайлардын бардык менчик ээлерин конкурсанттар (башкаруучулар) тарабынан сунушталган башкаруу келишимдеринин шарттары менен тааныштырууга милдеттүү.
кошулду: (КР 2023-жылдын 15-августундагы № 182 Мыйзамына ылайык күчүн жоготту)
6. алынып салынды: Башкаруучу орган ачык конкурс өткөрүлгөн күндөн тартып он күндүн ичинде көп батирлүү үйдөгү турак жана турак эмес жайлардын бардык менчик ээлерин анын натыйжалары жөнүндө кабарландырат.
кошулду: (КР 2023-жылдын 15-августундагы № 182 Мыйзамына ылайык күчүн жоготту)
7. алынып салынды: Ачык конкурстун натыйжалары жөнүндө протоколго жеңип чыккан башкаруучу уюм менен ыйгарым укуктуу орган (башкаруучу) тарабынан кол коюлат жана келишимдин күчүнө ээ болот.
кошулду: (КР 2023-жылдын 15-августундагы № 182 Мыйзамына ылайык күчүн жоготту)
8. алынып салынды: Турак жайлардын менчик ээлеринин жалпы чогулушу көп батирлүү үйдүн жайларынын менчик ээлеринин ичинен башкаруучу уюм (башкаруучу) менен тиешелүү келишимдерге кол коюуга өкүлдөрдү берүүгө укуктуу.
кошулду: (КР 2023-жылдын 15-августундагы № 182 Мыйзамына ылайык күчүн жоготту)
9. алынып салынды: Жалпы мүлктү башкаруу келишими түзүлгөн учурдан тартып бир жылдан кечиктирбестен ыйгарым укуктуу орган ушул үйдү башкаруу ыкмасын тандап алуу жөнүндө маселени чечүү үчүн ушул үйдөгү турак жайлардын менчик ээлеринин жалпы чогулушун чакырат.кошулду: (КР 2023-жылдын 15-августундагы № 182 Мыйзамына ылайык күчүн жоготту)
(КР 2023-жылдын 15-августундагы № 182 Мыйзамынын редакциясына ылайык)
Берененин байланыштары
Беренеге шилтеме берген актылар (2)
- Н.Исанов атындагы айыл кеңешинин 2021-жылдын 15-майы № 21-5 "Кожоке айылындагы муниципалдык менчикте турган 0,06 га жер тилкесин мечит салууга ажыратып берүү жөнүндө" токтомуПостановление · 15.05.2021 · № 21-5
- Н.Исанов атындагы айыл кеңешинин 2021-жылдын 15-майы № 21-2 "Айыл өкмөтүнүн системалык каттоодон өткөн токтомдоруна өзгөртүү киргизүү жөнүндө" токтомуПостановление · 15.05.2021 · № 21-2
Беренеде аталган актылар (1)
Беренени өз сайтыңызга кошуу
Виджет берененин күчүндөгү редакциясын көрсөтөт жана аны менен кошо жаңыланат. Бул кодду сайтыңыздагы барактын HTML кодуна коюңуз:
<iframe src="https://aqlex.ai/kg/embed/doc/203926/st-31" title="31-берене - Кыргыз Республикасынын Турак жай кодекси (aqlex)" width="100%" height="480" style="border:1px solid #e3e5e8;border-radius:8px" loading="lazy"></iframe>