40-берене. Адамдарды жана мүлктү өрттүн коркунучтуу факторлорунун таасиринен коргоо ыкмалары

Адамдарды жана мүлктү өрттүн коркунучтуу факторлорунун таасиринен коргоо же алардын таасиринин залакасын чектөө төмөнкү ыкмалардын бири же бир нечеси аркылуу камсыз кылынат:

- өрттүн очогунун чегинен сырткары таралышын чектөөнү камсыз кылуучу көлөмдүк-пландык чечилиштерди жана каражаттарды колдонуу;

- өрттө адамдарды коопсуз эвакуациялоо талаптарын канааттандыруучу эвакуация жолдорун куруу;

- өрттү автоматтык түрдө табуучу (өрт сигналдарынын автоматтык орнотмолорун), маалымдоочу жана адамдарды эвакуациялоону башкаруучу системаларды орнотуу;

- өрттүн коркунучтуу факторлорунун таасиринен адамдарды жамааттык коргоо системаларын (анын ичинде түтүнгө каршы) жана жеке коргоо каражаттарын колдонуу;

- отко туруктуулук чеги бар негизги курулуш конструкцияларын жана имараттардын (курулмалардын) талап кылынган отко туруктуулук даражасына жана алардын конструкциялык өрт коркунучу классына жооп берүүчү өрт коркунучунун көрсөткүчтөрү бар материалдарды колдонуу;

- курулуш конструкцияларынын отко туруктуулук чегин жогорулатуу үчүн оттон коргоочу курамдарды (анын ичинде антипирендерди жана оттон корголгон сырларды) жана курулуш материалдарын (беттерди каптагычтарды) колдонуу;

- өрт коркунучу бар суюктуктарды авариялык куйгучтарды жана күйүүчү газдарды аппараттардан авариялык чыгаргычтарды орнотуу;

- технологиялык жабдууларда жарылууга каршы коргонуу системасын орнотуу;

- өрт өчүрүүнүн баштапкы каражаттарын колдонуу;

- өрт өчүрүүнүн автоматтык орнотмолорун колдонуу;

- мамлекеттик өрткө каршы кызматтын бөлүкчөлөрүнүн ишин уюштуруу.