18-берене. Өрт коркунучу боюнча сырткы орнотмолордун категорияларын аныктоо

1. Өрт коркунучу боюнча сырткы орнотмолор төмөнкү категорияларга бөлүнөт:

- жогорку жарылуу-өрт коркунучу (Ан);

- жарылуу-өрт коркунучу (Бн);

- өрт коркунучу (Вн);

- орточо өрт коркунучу (Гн);

- төмөндөтүлгөн өрт коркунучу (Дн).

2. Сырткы орнотмолордун өрт коркунучу боюнча категориялары орнотмодогу күйүүчү заттар менен материалдардын өрт коркунучунун касиеттерине, санына жана технологиялык процесстердин өзгөчөлүктөрүнө карай аныкталат.

Эгер орнотмодо күйүүчү газдар, дүрт этүү температурасы 28 Цельсия градусунан төмөн болгон оңой от алуучу суюктуктар, суу, абадагы кычкылтек жана (же) бири-бири менен өз ара аракеттенгенде күйүүгө жөндөмдүү заттар жана (же) материалдар (көрсөтүлгөн заттардын басым толкундарын пайда кылуу менен мүмкүн болгон күйүшүндө сырткы орнотмодон 30 метрге чейинки аралыкта потенциалдуу коркунучтун чоңдугу жылына 10^(-6) ашык болгон шартта) бар болсо (сакталса, кайра иштетилсе, ташылса), ал "Ан" категориясына кирет. Эгер орнотмодо күйүүчү чаңдар жана (же) булалар, дүрт этүү температурасы 28 Цельсия градусунан жогору болгон оңой жалындоочу суюктуктар, күйүүчү суюктуктар чаң-аба жана (же) буу-аба аралашмаларынын басым толкундарын пайда кылуу менен мүмкүн болгон күйүшүндө сырткы орнотмодон 30 метрге чейинки аралыкта потенциалдуу коркунучтун чоңдугу жылына 10^(-6) ашык болгон шартта) бар болсо (сакталса, кайра иштетилсе, ташылса), ал "Бн" категориясына кирет. Эгер орнотмодо күйүүчү жана (же) кыйындык менен күйүүчү суюктуктар, күйүүчү кагуу жана (же) кыйындык менен күйүүчү заттар жана (же) материалдар (анын ичинде чаңдар жана (же) булалар), суу, абадагы кычкылтек жана (же) бири-бири менен өз ара аракеттенгенде күйүүгө жөндөмдүү заттар жана (же) материалдар бар болсо (сакталса, кайра иштетилсе, ташылса), эгер орнотмону "Ан" же "Бн" категорияларына киргизүүгө мүмкүндүк берүүчү категориялар жүзөгө ашырылбаса (көрсөтүлгөн заттардын жана (же) материалдардын мүмкүн болгон күйүшүндө сырткы орнотмодон 30 метрге чейинки аралыкта потенциалдуу коркунучтун чоңдугу жылына 10^(-6) ашык болгон шартта), ал "Вн" категориясына кирет. Эгер орнотмодо иштетүү процесси нур чыгаруучу жылуулук, учкун жана (же) жалын чыгуу менен коштолуучу ысык, абдан кызыган жана (же) эриген абалдагы күйбөөчү заттар жана (же) материалдар, ошондой эле отун катары жагылуучу же утилдештирилүүчү күйүүчү газдар, суюктуктар жана (же) катуу заттар бар болсо (сакталса, кайра иштетилсе, ташылса), ал "Гн" категориясына кирет. Эгер орнотмодо муздак абалдагы күйбөөчү заттар жана (же) материалдар бар болсо (сакталса, кайра иштетилсе, ташылса) жана жогоруда саналып өткөн критерийлер боюнча "Ан", "Бн", "Вн", "Гн" категорияларына кирбесе, ал "Дн" категориясына кирет.

3. Сырткы орнотмолордун өрт коркунучу боюнча категорияларын аныктоону алардын категорияларга таандыктыгын эң көп коркунучтуусунан "Ан" эң аз коркунучтуусунан "Дн"ге карай ырааттуу түрдө текшерүү жолу менен жүзөгө ашыруу керек.

4. Өрт коркунучу боюнча сырткы орнотмолордун категорияларынын классификациялык белгилерин аныктоо тийиштүү стандарттар менен белгиленет.