282-11-берене. Евразиялык экономикалык бирлигинде эл аралык ташууларга салык салуу

1. Ушул беренеде башкача белгиленбесе, Евразиялык экономикалык бирлигинде эл аралык ташууларга салык салуу ушул Кодекстин 262-беренесине ылайык жүргүзүлөт.

2. Евразиялык экономикалык бирлигинде магистралдык өткөрмө түтүктөрдүн тутуму боюнча экспорттолуучу же импорттолуучу товарларды ташуу, эгерде ташууларды жол-жоболоштуруу экспорттолуучу же импорттолуучу товарларды Евразиялык экономикалык бирлигинин аймагындагы сатып алуучуга чейин көрсөтүлгөн товарларды андан аркы жеткирүүнү ишке ашырган сатып алуучуга же башка адамдарга өткөрүп берилүүсүн тастыктаган документтер менен ишке ашырылса, эл аралык деп эсептелет.

3. Ушул берененин 2-бөлүгүнүн максаттары үчүн тастыкталуучу документтердин тизмеги Кыргыз Республикасынын Өкмөтү тарабынан аныкталат.

4. Евразиялык экономикалык бирлигине бир мүчө - мамлекеттин аймагынан Евразиялык экономикалык бирлигинин ушул эле же Евразиялык экономикалык бирлигине башка мүчө - мамлекеттин аймагына Кыргыз Республикасынын аймагы аркылуу магистралдык өткөрмө түтүктөрдүн тутуму боюнча жүктөрдү эл аралык ташууну ырастаган документтердин тизмеги Кыргыз Республикасынын Өкмөтү тарабынан бекитилет.

(КР 2014-жылдын 29-декабрындагы № 167, 2019-жылдын 29-мартындагы № 40 Мыйзамдарынын редакцияларына ылайык)