Аккаунтту тууралаңыз

Текшерүү

Бул документ боюнча сурооңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Мисалы:

ИздөөЗакон

Кыргыз Республикасынын «Кыргыз Республикасынын бийик тоолуу жана алыскы аймактарында жайгашкан калктуу конуштарда жашаган, табигый мүнөздөгү кырсыктардын натыйжасында жабыр тарткан, 2002-жылдан тартып жана андан кийинки мезгилде ссуда алышкан адамдарга алган жеңилдетилген узак мөөнөттүү ссудаларын кайтарып берүүсүнө жеңилдиктер берүү жөнүндө» Мыйзамы

Закон2006-жылдын 16-августу, № 169Күчүндө

КЫРГЫЗ РЕСПУБЛИКАСЫНЫН МЫЙЗАМЫ

2006-жылдын 16-августу № 169

Кыргыз Республикасынын бийик тоолуу жана алыскы аймактарында жайгашкан калктуу конуштарда жашаган, табигый мүнөздөгү кырсыктардын натыйжасында жабыр тарткан, 2002-жылдан тартып жана андан кийинки мезгилде зайым алышкан адамдарга алган жеңилдетилген узак мөөнөттүү зайымдарын кайтарып берүүсүнө жеңилдиктер берүү жөнүндө

(КР 2011-жылдын 7-июлундагы № 80, 2022-жылдын 7-декабрындагы № 116 Мыйзамдарынын редакцияларына ылайык)

1-статья

1-статья. Кыргыз Республикасынын бийик тоолуу жана алыскы аймактарында жайгашкан калктуу конуштарда жашаган, табигый мүнөздөгү кырсыктардын натыйжасында жабыр тарткан жана Кыргыз Республикасынын Министрлер Кабинетинен узак мөөнөттүү жеңилдетилген зайымдарды (мындан ары - зайым) алган адамдарга зайымды кайтарып берүүдө жеңилдиктер берилет. (КР 2022-жылдын 7-декабрындагы № 116 Мыйзамдарынын редакцияларына ылайык)

2-статья

2-статья. Зайым алуучу зайымды кайтарып бергенде зайымдын көлөмү 1,25ке барабар коэффициент өлчөмүнө пропорциялуу төмөндөтүлөт. Компенсациянын өлчөмү ушул Мыйзамдын тиркемесиндеги усулга ылайык эсептелинет. (КР 2022-жылдын 7-декабрындагы № 116 Мыйзамдарынын редакцияларына ылайык)

3-статья

3-статья. Ушул Мыйзамдын колдонулушу Кыргыз Республикасынын Финансы министрлигине караштуу Финансы-кредиттик фонд менен зайым алуучунун ортосундагы 2002-жылдан тартып жана андан кийин пайда болгон мамилелерге жайылтылат. (КР 2022-жылдын 7-декабрындагы № 116 Мыйзамдарынын редакцияларына ылайык)

4-статья

4-статья. Кыргыз Республикасынын Министрлер Кабинети өзүнүн ченемдик-укуктук актыларын ушул Мыйзамга ылайык келтирсин. (КР 2022-жылдын 7-декабрындагы № 116 Мыйзамдарынын редакцияларына ылайык)

5-статья

5-статья. Ушул Мыйзам расмий жарыяланган күндөн тартып күчүнө кирет. "Эркин-Тоо" мамлекеттик расмий гезитинин 2006-жылдын 15-сентябрында № 68 жарыяланды

Кыргыз Республикасынын Президенти

К.Бакиев

2006-жылдын 30-июнунда

Кыргыз Республикасынын Жогорку Кеңеши тарабынан кабыл алынган

"Кыргыз Республикасынын бийик тоолуу жана алыскы аймактарында жайгашкан калктуу конуштарда жашаган, табигый мүнөздөгү кырсыктардын натыйжасында жабыр тарткан, 2002-жылдан тартып жана андан кийинки мезгилде зайым алышкан адамдарга алган жеңилдетилген узак мөөнөттүү зайымдарын кайтарып берүүсүнө жеңилдиктер берүү жөнүндө" Кыргыз Республикасынын Мыйзамына

Тиркеме

(КР 2022-жылдын 7-декабрындагы № 116 Мыйзамдарынын редакцияларына ылайык) Акча каражаттарын республикалык бюджеттин эсебинен компенсациялоону эсептөөнүн усулу: С1 - бийик тоолуу аймактын жашоочусуна берилген узак мөөнөттүү жеңилдетилген зайымдын көлөмү; РК - бийик тоолуулук үчүн айлык акыга жана башка социалдык төлөмдөргө кошумча коэффициенттин орточо өлчөмү (коэффициенттин өлчөмү 1,25 =); С2 - ушул Мыйзамдын ченемдерине ылайык зайым алуучу бардык жылдар үчүн кайтарып берүүчү зайымдык акча каражаттарынын коэффициенти чыгарылып салынган көлөмү; СЗ - республикалык бюджеттин каражаттарынын эсебинен жоюлуучу зайымдын жалпы көлөмү; С4 - республикалык бюджеттин каражаттарынын эсебинен бир жылга компенсациялануучу зайымдын көлөмү.

С2 = С1/РК СЗ = С1-С2 С4 = СЗ/12

ыкчам баскычтар:J / Kкийинки / мурунку берене[ / ]редакция артка / алдыгаTмазмунуCбайланыштар⌘K / Ctrl Kбуйруктар палитрасы/издөөгө фокус

Документ боюнча дагы суроолоруңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Документтин байланыштары

шилтеме берет: 2 · цитата келтиргендер: 6 · байланышкандар: 4

Цитата келтиргендер (6)

Байланышкан документтер (4)

Булактын (cbd.minjust.gov.kg) маалыматы боюнча, кайсы акт кайсыга шилтеме берери көрсөтүлбөйт.