Кыргыз Республикасынын 2005-жылдын18-июлундагы №107 «Кыргыз Республикасынын Администрациялык жоопкерчилик жөнүндө кдексине толуктоолор жана өзгөртүү киргизүү тууралу» Мыйзамы

1-статья. Кыргыз Республикасынын Администрациялык жоопкерчилик жөнүндө кодексине (Кыргыз Республикасынын Жогорку Кеңешинин Ведомосттору, 1999-ж., N 2, 77-ст.) төмөндөгүдөй толуктоолор жана өзгөртүү киргизилсин:

1. 22-статьянын биринчи бөлүгү "ички иштер органдарынын" деген сөздөрдөн кийин ", Мамлекеттик өрткө каршы кызматынын" деген сөздөр менен толукталсын.

2. 371-статьянын биринчи бөлүгүнүн биринчи абзацы жана аталышы "ички иштер органдарынын" деген сөздөрдөн кийин ", Мамлекеттик өрткө каршы кызматынын" деген сөздөр менен толукталсын.

3. 506-статья төмөндөгүдөй мазмундагы 8-пункт менен толукталсын:

"8) Мамлекеттик өрткө каршы кызматы.".

4. 539-статьянын экинчи бөлүгү төмөндөгүдөй редакцияда баяндалсын:

"Администрациялык укук бузуулар жөнүндө ишти кароого жана администрациялык жазаларды салууга төмөндөгүлөр укуктуу:

- өрт көзөмөлү боюнча Кыргыз Республикасынын мамлекеттик башкы инспектору жана анын орун басарлары;

- өрт көзөмөлү боюнча Кыргыз Республикасынын, областтардын, шаарлардын жана райондордун мамлекеттик улук инспекторлору;

- өрт көзөмөлү боюнча шаарлардын, райондордун жана объекттердин мамлекеттик инспекторлору.".

2-статья. Ушул Мыйзам расмий жарыяланган күндөн тартып күчүнө кирет.

3-статья. Кыргыз Республикасынын Өкмөтү өзүнүн чечимдерин ушул Мыйзамга ылайык келтирсин.

Кыргыз Республикасынын Президентинин милдетин аткаруучу

К.Бакиев

2005-жылдын 31-майында

Кыргыз Республикасынын Жогорку Кеңеши тарабынан кабыл алынган