11-статья. Мамлекеттик ветеринариялык көзөмөлдү камсыз кылуунун

ченемдик укуктук жана усулдук негиздери

1. Мамлекеттик ветеринариялык көзөмөлдүн ченемдик укуктук жана

усулдук жактан камсыз болушу иштелип чыккан жана колдонууга киргизилген ветеринариялык эрежелерге, ветеринардык-санитардык иш-чараларды, экс- пертизаларды, изилдөөлөрдү жана сертификациялык сыноолорду жүргүзүүнүн тартибине негизделет.

2. Ветеринариялык эрежелер илимий маалыматтардын жана жагдайга ка-

лыс баа берүүнүн (тобокелдик дењгээли) негизинде иштелип чыгат, ветери- нария маселесин тейлөөчү мамлекеттик аткаруу бийлик органы, мамлекеттик ветеринарияны башкаруунун республикалык органы тарабынан бекитилет жана ишке киргизилет; алардын эл аралык стандарттан айырмасы болгон учурда долбоор кабарландырылууга (жарыяланууга) тийиш.

3. Ветеринариялык эрежелер, ветеринардык-санитардык экспертизалар-

ды, изилдөөлөрдү, сертификациялык сыноолорду жүргүзүүнүн тартиби усул- дары, аны пайдалануу Кыргыз Республикасынын Өкмөтү белгилеген тартипте катталууга жана расмий жарыяланууга тийиш. Ветеринариялык эрежелерди, усулдарды жана пайдалануу ыкмасын каттоо жана тутумдаштыруу, мамлекет- тик ветеринариялык көзөмөлдү ченемдик-методикалык камсыз кылуу боюнча маалыматтардын базасын түзүү жана киргизүү мамлекеттик ветеринарияны башкаруунун республикалык органы тарабынан ишке ашырылат.

4. Ветеринариялык эрежелер жана алар тарабынан белгиленген ветери-

нардык-санитардык иш-чаралар эл аралык стандарттарга ылайык келүүгө ти- йиш жана сооданы жасалма чектөөгө же кысмакка алууга, ошондой эле дагы башка түрткүлөөчү максаттарга пайдаланылышы мүмкүн эмес.