Кыргыз Республикасынын Министрлер Кабинетинин «Кыргыз Республикасынын Салык кодексинин 1-беренесинин 5-бөлүгүнүн, 80, 85, 138, 139 жана 140-беренелеринин талаптарын ишке ашыруу боюнча чаралар жөнүндө» токтому

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИ ТОКТОМ 2022-жылдын 22-марты № 150 Кыргыз Республикасынын Салык кодексинин 1-беренесинин 5-бөлүгүнүн, 80, 81, 138, 139 жана 140-беренелеринин талаптарын ишке ашыруу боюнча чаралар жөнүндө

(Министрлер Кабинетинин 2025-жылдын 28-августундагы № 533 токтомдорунун редакцияларына ылайык)

Кыргыз Республикасынын Салык кодексинин 1-беренесинин 5-бөлүгүнүн, 80, 81, 138, 139 жана 140-беренелеринин талаптарын ишке ашыруу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Төмөнкүлөр бекитилсин:

1) Салык карызын өндүрүү тартиби 1-тиркемеге ылайык;

2) Салык милдеттенмеси боюнча өнбөөчү карызды эсептен чыгаруу тартиби 2-тиркемеге ылайык;

3) Товарлар сапатын же башка керектөө касиеттерин жоготконуна байланыштуу рыноктук бааны аныктоо тартиби 3-тиркемеге ылайык;

4) Кыйыр методдордун негизинде салык төлөөчүнүн салык милдеттенмесин аныктоо методикасы 4-тиркемеге ылайык.

2. Төмөнкүлөр күчүн жоготту деп таанылсын:

1) Кыргыз Республикасынын Өкмөтүнүн 2008-жылдын 30-декабрындагы № 736 "Кыргыз Республикасынын Салык кодексинин ченемдеринин талаптарын турмушка ашыруу боюнча чаралар жөнүндө" токтомунун 1-пунктунун экинчи, алтынчы жана жетинчи абзацтары;

2) Кыргыз Республикасынын Өкмөтүнүн 2009-жылдын 29-декабрындагы № 818 "Кыргыз Республикасынын Салык кодексинин ченемдеринин талаптарын ишке ашыруу боюнча чаралар жөнүндө" Кыргыз Республикасынын Өкмөтүнүн 2008-жылдын 30-декабрындагы № 736 токтомуна толуктоолорду жана өзгөртүүлөрдү киргизүү тууралуу" токтому;

3) Кыргыз Республикасынын Өкмөтүнүн 2015-жылдын 27-октябрындагы № 749 "Кыргыз Республикасынын Өкмөтүнүн 2011-жылдын 7-апрелиндеги № 144 "Салыктарды башкаруу боюнча жоболорду жана тартибин бекитүү жөнүндө" токтомуна өзгөртүүлөрдү киргизүү тууралуу" токтому;

4) Кыргыз Республикасынын Өкмөтүнүн 2020-жылдын 8-майындагы № 241 "Ал жеткис күчтүн жагдайларына байланыштуу социалдык-экономикалык кырдаалды турукташтыруу маселелери боюнча айрым 'мыйзам актыларга өзгөртүүлөрдү киргизүү жөнүндө" Кыргыз Республикасынын Мыйзамын ишке ашыруу боюнча чаралар жөнүндө" токтомунун 7-пункту;

5) Кыргыз Республикасынын Өкмөтүнүн 2020-жылдын 12-июнундагы № 332 "COVID-19 коронавирустук инфекциянын жайылышына байланышкан ал жеткис күчтүн жагдайынын натыйжасында пайда болгон камсыздандыруу төгүмдөрүнүн карыздарынын жана салык карызынын суммалары боюнча төлөө мөөнөтүн узартууга же бөлүп төлөөгө уруксат берүү жолу менен ишкердик субъекттерин кошумча колдоо чаралары жөнүндө" токтому;

6) Кыргыз Республикасынын Өкмөтүнүн 2020-жылдын 6-ноябрындагы № 540 "Кыргыз Республикасынын Өкмөтүнүн салык салуу маселелери боюнча айрым чечимдерине өзгөртүүлөрдү киргизүү жана чечимдерин күчүн жоготту деп таануу жөнүндө" токтомунун 2-пункту.

3. Бул токтом расмий жарыяланууга тийиш жана 2022-жылдын 1-январынан тартып күчүнө кирет.

Кыргыз Республикасынын Министрлер Кабинетинин Төрагасы

А.У. Жапаров