КР Министрлер Кабинетинин «Кыргыз Республикасынын Өкмөтүнүн эсеп-фактураны электрондук документ түрүндө колдонуу маселелери боюнча айрым чечимдерине өзгөртүүлөрдү киргизүү жөнүндө» токтому

КР Министрлер Кабинетинин 2022-жылдын 18-мартындагы № 141 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ 2021-жылдын 4-октябры, № 197 Кыргыз Республикасынын Өкмөтүнүн эсеп-фактураны электрондук документ түрүндө колдонуу маселелери боюнча айрым чечимдерине өзгөртүүлөрдү киргизүү жөнүндө (КР Министрлер Кабинетинин 2022-жылдын 22-февралындагы № 93 токтомунун редакциясына ылайык) Эсеп-фактураны электрондук документ түрүндө колдонуу боюнча милдеттерди ишке ашыруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Министрлер Кабинети токтом кылат:

1. (КР Министрлер Кабинетинин 2022-жылдын 22-февралындагы № 93 токтомуна ылайык күчүн жоготту)

2. Кыргыз Республикасынын Өкмөтүнүн 2020-жылдын 19-июнундагы № 343 "Эсеп-фактураны электрондук документ түрүндө колдонуу жөнүндө" токтомуна төмөнкүдөй өзгөртүүлөр киргизилсин:

1) жогоруда аталган токтом менен бекитилген товарларга электрондук документ түрүндөгү эсеп-фактуранын формасы (BLANK STI-007) 1-тиркемеге ылайык редакцияда баяндалсын;

2) жогоруда аталган токтом менен бекитилген жумуштар жана/же кызмат көрсөтүүлөргө электрондук документ түрүндөгү эсеп-фактуранын формасы (BLANK STI-008) 2-тиркемеге ылайык редакцияда баяндалсын;

3) жогоруда аталган токтом менен бекитилген товарларга кагаз жүзүндөгү эсеп-фактуранын формасы (BLANK ST1-009) 3-тиркемеге ылайык редакцияда баяндалсын;

4) жогоруда аталган токтом менен бекитилген жумуштар жана/же кызмат көрсөтүүлөргө кагаз жүзүндөгү эсеп-фактуранын формасы (BLANK STI-010) 4-тиркемеге ылайык редакцияда баяндалсын;

5) жогоруда аталган токтом менен бекитилген Эсеп-фактураны электрондук документ түрүндө түзүүнүн жана жүгүртүүнүн тартибинде:

- 24-пунктунун биринчи абзацы "жаратылыш газын" деген сөздөрдөн кийин "берүүгө, электр энергетика рыногунда электр энергиясынын жоготууларынын баланстарын жана эсептерин берүү боюнча кызматтарды көрсөтүүгө" деген сөздөр менен толукталсын;

- төмөнкүдөй мазмундагы 24-1-пункт менен толукталсын:

"241. Ушул Тартиптин 23 жана 24-пункттарында каралган мөөнөттөр 2020-жылдын 1-августунан тартып 31-декабрына чейинки мезгилге эсеп-фактураларды тариздөөгө жайылтылбайт. Мындай учурда салык төлөөчү 2020-жылдын 1-июлунан тартып 30-ноябрына чейинки мезгилде жүзөгө ашырылган жеткирүүлөргө эсеп-фактураны 2020-жылдын 31-декабрына чейин тариздөөгө укуктуу.";

6) жогоруда аталган токтом менен бекитилген Эсеп-фактураны тариздөө жана колдонуу тартибинде:

- 6-пункту төмөнкүдөй редакцияда баяндалсын:

"6. Товарларды, жумуштарды/кызмат көрсөтүүлөрдү экспорттоодо (жеткирүүдө) нарктык көрсөткүчтөр (товардын, жумуштун/кызмат көрсөтүүнүн баасы, наркы, салыктардын суммасы, ошондой эле жалпы наркы) эсеп-фактурада улуттук валютада көрсөтүлөт: Мында экинчи жыйынтыктоочу сапта нарктык көрсөткүчтөр (наркы жана жалпы наркы) түзүлгөн келишимге (контрактка) ылайык валютада көрсөтүлөт.";

- төмөнкүдөй мазмундагы 7-1-пункт менен толукталсын:

"71. Ушул Тартиптин 7-пунктунда каралган учурларда таризделген эсеп-фактурада сатып алуучунун талабы боюнча өзүнчө эсеп-фактуралар таризделген эсепке алуу документтери эсепке алынбайт.";

- 18-пунктунун экинчи абзацы төмөнкүдөй редакцияда баяндалсын:

"Эгерде жеткирүүчү жеткирүүгө акы төлөө үчүн банктагы эсебин пайдаланбаса, анда уяча толтурулбайт.";

- 21-пунктунун төртүнчү абзацы күчүн жоготту деп таанылсын;

- 25-пунктунун экинчи абзацы төмөнкүдөй редакцияда баяндалсын:

"Эгерде жеткирүүгө акы төлөө үчүн сатып алуучунун банктагы эсеби пайдаланылбаса, анда уяча толтурулбайт.";

- 27-пункту төмөнкүдөй мазмундагы экинчи жана үчүнчү абзацтар менен толукталсын:

"Оңдолуучу ЭЭФти тариздөө учурунда жеткирүүнүн оңдолгон датасы көрсөтүлөт. Мисалы: салык төлөөчү ЭЭФте иш жүзүндө жеткирүүнүн датасын 20-август деп көрсөтүү менен жеткирген, ага 15-сентябрда оңдоо киргизет. Мындай учурда оңдолуучу ЭЭФтин 401-уячасында жеткирүүнүн оңдолгон датасы болуп 15-сентябрь көрсөтүлөт.";

- 28-пункту төмөнкүдөй мазмундагы 5-пунктча менен толукталсын:

"5) салык салынбаган.";

- 29-пунктунун г-пунктчасы күчүн жоготту деп таанылсын;

- 30-пунктунун экинчи сүйлөмү алып салынсын;

- 32-пунктунун 3-пунктчасы күчүн жоготту деп таанылсын;

- 33-пунктунун 3-пунктчасында:

экинчи абзацындагы "салык салынуучу" деген сөздөр алып салынсын; төмөнкүдөй мазмундагы үчүнчү жана төртүнчү абзацтар менен толукталсын: "Товарларды толук же жарым-жартылай кайтарып берүүдө сандык жана нарктык көрсөткүчтөрдүн өлчөмү минус "-" белгиси менен көрсөтүлөт. Оңдолуучу ЭЭФ жеткирүү учурунда таризделген баштапкы ЭЭФке карата гана таризделет. Оңдолуучу ЭЭФтин көрсөткүчтөрү оңдолбойт.";

- 34-пунктунда:

4-пунктчасы төмөнкүдөй редакцияда баяндалсын: "4) "Товардын коду" графада - белгилердин саны ондон кем эмес болгон, ЭЭФ МСтеги товарлардын маалымдамасына ылайык товардык позициянын боштук коюлбаган коду;"; 10-пунктчасы төмөнкүдөй мазмундагы экинчи абзац менен толукталсын: "Товарларды бир сатып алуучуга КНСтин түрдүү ставкаларын колдонуу менен жеткирүү учурунда, салык салынуучу субъект ЭЭФти КНСтин ар бир ставкасы боюнча өзүнчө тариздейт;"; 11-пунктчасынын экинчи абзацы төмөнкүдөй редакцияда баяндалсын: "Товарларды бир сатып алуучуга сатуу салыгынын түрдүү ставкаларын колдонуу менен жеткирүү учурунда, салык салынуучу субъект ЭЭФти сатуу салыгынын ар бир ставкасы боюнча өзүнчө тариздейт;"; 12-пунктчасынын экинчи абзацы күчүн жоготту деп таанылсын;

- 35-пункту төмөнкүдөй редакцияда баяндалсын:

"35. КНСтен жана/же сатуу салыгынан бошотулган же алар салынбаган товарларды сатуу (жеткирүү) учурунда, "КНС" жана "Сатуу салыгы" графаларынын "Ставка" жана "Сумма" графачаларында "0" деген цифра көрсөтүлөт.";

- 38-пункту төмөнкүдөй редакцияда баяндалсын:

"38. 450-уячада уюмдун жетекчисинин же жеке ишкердин, бухгалтердин же салык өкүлүнүн аты-жөнү көрсөтүлөт.";

- 39-пункту күчүн жоготту деп таанылсын;

- 47-пунктунун экинчи абзацы төмөнкүдөй редакцияда баяндалсын:

"Эгерде жеткирүүчү бул жеткирүү боюнча акы төлөө үчүн банктагы эсебин пайдаланбаса, анда уяча толтурулбайт.";

- 48-пунктундагы "Эгерде 2017-уячада "жок" деген жазуу көрсөтүлсө" деген сөздөр "Эгерде 2017-уяча толтурулбаса" деген сөздөр менен алмаштырылсын;

- 54-пунктунун экинчи абзацы төмөнкүдөй редакцияда баяндалсын:

"Эгерде бул жеткирүү боюнча акы төлөө үчүн сатып алуучунун банктагы эсеби пайдаланылбаса, анда уяча толтурулбайт.";

- 56-пункту төмөнкүдөй мазмундагы экинчи жана үчүнчү абзацтар менен толукталсын:

"Оңдолуучу ЭЭФти тариздөө учурунда жеткирүүнүн оңдолгон датасы көрсөтүлөт. Мисалы: салык төлөөчү ЭЭФте жеткирүүнүн датасын 20-август деп көрсөтүү менен жеткирген, ага 15-сентябрда оңдоо киргизет. Мындай учурда оңдолуучу ЭЭФ 401-уячада жеткирүүнүн оңдолгон датасы деп 15-сентябрь көрсөтүлөт.";

- 57-пункту төмөнкүдөй мазмундагы 5-пунктча менен толукталсын:

"5) салык салынбоочу.";

- 60-пункту төмөнкүдөй редакцияда баяндалсын:

"60. 405 жана 406-уячалар бүтүмдүн шарттары өзгөргөндө, башкача айтканда төмөнкүдөй учурларда жеткирүүнүн наркын оңдоо үчүн оңдолуучу ЭЭФти тариздөө учурунда толтурулат:

1) баа өзгөргөндө;

2) аткарылган жумуштардан жана/же көрсөтүлгөн кызматтардан баш тартылганда;

3) жумуш жана/же кызмат көрсөтүү үчүн акыны кайтарып берүүдө.";

- 61-пунктунун 3-пунктчасында:

экинчи абзацындагы "салык салынуучу" деген сөздөр алып салынсын; төмөнкүдөй мазмундагы үчүнчү жана төртүнчү абзацтар менен толукталсын: "Жумуштан жана/же кызмат көрсөтүүдөн баш тартылганда жана/же жумуш жана/же кызмат көрсөтүү үчүн акыны кайтарып берүүдө, сандык жана нарктык көрсөткүчтөрдүн өлчөмү минус "-" белгиси менен көрсөтүлөт. Оңдолуучу ЭЭФ жеткирүү учурунда таризделген баштапкы ЭЭФке карата гана таризделет. Оңдолуучу ЭЭФтин көрсөткүчтөрү оңдолбойт.";

- төмөнкүдөй мазмундагы 61-1-пункт менен толукталсын:

"611. 407-уячада салык төлөөчүнүн эсептик бухгалтердик системасындагы номери же ЭЭФ менен иштөө ыңгайлуу болушу үчүн салык төлөөчүгө зарыл болгон башка маалыматтар көрсөтүлөт.";

- 62-пунктунда:

3-пунктчасындагы "Кыргыз Республикасынын экономикалык ишинин мамлекеттик классификаторуна" деген сөздөр "ЭЭФ МСтеги жумуштардын жана/же кызмат көрсөтүүлөрдүн маалымдамасына" деген сөздөр менен алмаштырылсын; төмөнкүдөй мазмундагы 41, 42 жана 43-пунктчалар менен толукталсын: "41) "Өлчөө бирдиги" графасында - жумуштун жана/же кызмат көрсөтүүнүн өлчөө бирдиги. Өлчөө бирдиги ЭЭФ МСтеги жумуштардын жана/же кызмат көрсөтүүлөрдүн маалымдамасына ылайык көрсөтүлөт;

42) "Бирдик үчүн баасы" графасында - жумуштун жана/же кызмат көрсөтүүнүн бирдиги үчүн баасы;

43) "Саны (көлөмү)" графасында - жумуштун жана/же кызмат көрсөтүүнүн саны жана/же көлөмү;";

6-пунктчасы төмөнкүдөй мазмундагы экинчи абзац менен толукталсын: "Жумуштарды жана/же кызматтарды бир сатып алуучуга КНСтин түрдүү ставкаларын колдонуу менен көрсөтүү учурунда, салык салынуучу субъект ЭЭФти КНСтин ар бир ставкасы боюнча өзүнчө тариздейт;"; 7-пунктчасынын экинчи абзацы төмөнкүдөй редакцияда баяндалсын: "Жумуштарды жана/же кызматтарды бир сатып алуучуга сатуу салыгынын түрдүү ставкаларын колдонуу менен көрсөтүү учурунда, салык салынуучу субъект ЭЭФти сатуу салыгынын ар бир ставкасы боюнча өзүнчө тариздейт;";

- 63-пункту төмөнкүдөй редакцияда баяндалсын:

"63. КНСтен жана/же сатуу салыгынан бошотулган же алар салынбаган жумуштарды жана/же кызмат көрсөтүүлөрдү сатуу (жеткирүү) учурунда, "КНС" жана "Сатуу салыгы" графаларынын "Ставка" жана "Сумма" графачаларында "0" деген цифра көрсөтүлөт.";

- 65-пункту төмөнкүдөй редакцияда баяндалсын:

"65. 450-уячада уюмдун жетекчисинин же жеке ишкердин, бухгалтердин же салык өкүлүнүн аты-жөнү көрсөтүлөт.";

- 66-пункту күчүн жоготту деп таанылсын;

- 70-пункту төмөнкүдөй редакцияда баяндалсын:

"70. Кагаз жүзүндөгү ЭЭФке уюмдун жетекчиси, же жеке ишкер, же бухгалтер, же ыйгарым укуктуу адам кол коюшу керек.".

3. Ушул токтом расмий жарыяланууга тийиш жана ал расмий жарыялангандан кийин 2 айдан эрте эмес, кийинки салык мезгилинин биринчи күнүнөн тартып күчүнө кирет.

"Эркин Тоо" газетасынын 2021-жылдын 8-октябрындагы N 103 жарыяланды

Төрага

У.А. Марипов

1-тиркеме

"Кыргыз Республикасынын Өкмөтүнүн 2020-жылдын 19-июнундагы № 343 токтомуна 3-тиркеме

BLANK STI-007 Товарларга электрондук документ түрүндөгү ЭСЕП-ФАКТУРА Графикалык көчүрмөнү караңыз.".

2-тиркеме

"Кыргыз Республикасынын Өкмөтүнүн 2020-жылдын 19-июнундагы № 343 токтомуна 4-тиркеме

BLANK STl-008 Жумуштар жана/же кызмат көрсөтүүлөргө электрондук документ түрүндөгү ЭСЕП-ФАКТУРА Графикалык көчүрмөнү караңыз.".

3-тиркеме

"Кыргыз Республикасынын Өкмөтүнүн 2020-жылдын 19-июнундагы № 343 токтомуна 5-тиркеме

BLANK STI-009 Товарларга кагаз жүзүндөгү ЭСЕП-ФАКТУРА Графикалык көчүрмөнү караңыз.".

4-тиркеме

"Кыргыз Республикасынын Өкмөтүнүн 2020-жылдын 19-июнундагы № 343 токтомуна 6-тиркеме

BLANK STI-010 Жумуштар жана/же кызмат көрсөтүүлөргө кагаз жүзүндөгү ЭСЕП-ФАКТУРА Графикалык көчүрмөнү караңыз.".